LexUZ шарҳи
Мазкур қарор Ўзбекистон Республикаси Президентининг 2022 йил 15 январдаги ПФ-52-сонли «Туризм, маданият, маданий мерос ва спорт соҳаларини янада ривожлантириш учун қўшимча шароитлар яратиш тўғрисида»ги Фармонига асосан ўз кучини йўқотган.
Ўзбекистон Республикаси Президентининг «Ўзбекистон Республикасининг туризм соҳасини жадал ривожлантиришни таъминлаш чора-тадбирлари тўғрисида» 2016 йил 2 декабрдаги ПФ-4861-сонли Фармонини бажариш юзасидан ва Ўзбекистон Республикаси Туризмни ривожлантириш давлат қўмитаси фаолиятининг самарали ташкил этилишини таъминлаш мақсадида:
1. Ўзбекистон Республикаси Туризмни ривожлантириш давлат қўмитаси фаолиятининг асосий вазифалари ва йўналишлари этиб қуйидагилар белгилансин:
мамлакатнинг туризм салоҳиятини тубдан оширишга, туризмга иқтисодиётнинг стратегик сектори мақомини беришга, туризм соҳасида ягона давлат сиёсати ўтказилишига йўналтирилган туризмни ривожлантиришнинг яхлит концепцияси шакллантирилиши ва амалга оширилишини таъминлаш;
туризм хизматларининг ташқи ва ички бозорларида маркетинг тадқиқотлари олиб боришга, тарихий-маданий меросни кенг тарғиб қилишга, Ўзбекистон Республикасининг туризм қиёфасини сақлаб қолиш ва ривожлантиришга, миллий туризм маҳсулотлари ва брендлари халқаро туризм бозорларига кириб боришига йўналтирилган фаол реклама-ахборот сиёсатини амалга ошириш;
ички, кириш ва чиқиш туризмини комплекс ривожлантиришнинг миллий ва ҳудудий дастурлари ишлаб чиқилишини мувофиқлаштириш ва уларнинг амалга оширилиши мониторинги, туризм турларининг кенг доирасини жадал ривожлантириш, халқаро стандартларга мувофиқ бўлган туризм инфратузилмасини ривожлантиришга хорижий инвестицияларни, шунингдек халқаро молия институтлари ва бошқа ташкилотларнинг кредитлари ва грантларини жалб этиш;
Олдинги таҳрирга қаранг.
туризм фаолияти ривожланишини мувофиқлаштириш, минтақаларда янги туризм йўналишлари ташкил этилишини таъминлаш, уларни паспортлаштириш, туризм йўналишлари, гидлар (экскурсоводлар) ва туризм объектлари бўйича ягона миллий реестрларни шакллантириш;
(1-банднинг бешинчи хатбошиси Ўзбекистон Республикаси Президентининг 2018 йил 1 июндаги ПФ-5454-сонли Фармони таҳририда — Қонун ҳужжатлари маълумотлари миллий базаси, 01.06.2018 й., 06/18/5454/1290-сон)
туризм хизматларини ташкил этишда, энг аввало, туристлар жойлаштириладиган жойларда, овқатланиш пунктларида, республика ҳудуди бўйлаб ҳаракатланишда ва туризм объектларига ташрифларни уюштиришда туристларнинг хавфсизлиги ва соғлиғини таъминлашга йўналтирилган туризм хизматлари кўрсатиш сифати ва хавфсизлиги стандартлари ишлаб чиқилишини мувофиқлаштириш, туризм соҳасида хизматларни лицензиялаш ва сертификатлаштириш ҳамда лицензияланадиган ва сертификатлаштириладиган туризм хизматларининг белгиланган талаблар ва стандартларга мувофиқлиги бўйича инспекция назоратини амалга ошириш;
туризм соҳасини давлат томонидан ва бозор муносабатлари асосида тартибга солишни мақбуллаштириш ва туризм хизматлари бозорида рақобатни ривожлантириш, туризмни ривожлантиришга қаршилик қилаётган барча ғов ва тўсиқларни бартараф этишга қаратилган таклифлар ишлаб чиқиш, туризм соҳасида тадбиркорлик фаоллиги ошишига ҳар томонлама кўмаклашиш, ушбу соҳага ахборот-коммуникация технологияларини фаол жорий этиш;
туризм фаолияти соҳасида биринчи навбатда БМТнинг Бутунжаҳон туризм ташкилоти, туризм бўйича нуфузли халқаро ва миллий ташкилотлар ҳамда туризм соҳасида фаолиятни амалга оширувчи хорижий компаниялар билан халқаро ҳамкорликни кенгайтириш, халқаро ва давлатлараро стандартлар ва нормаларни туризм фаолияти ва амалиётига жорий этиш;
туризм фаолияти субъектлари ходимларини мунтазам равишда қайта тайёрлаш ва уларнинг малакасини оширишни юқори сифат даражасида ташкил этиш, тармоқ туризм фанларини ривожлантиришга кўмаклашиш.
2. Белгилансинки, Ўзбекистон Республикаси Туризмни ривожлантириш давлат қўмитаси барча мажбуриятлар ва шартномалар, шу жумладан халқаро мажбуриятлар ва шартномалар бўйича «Ўзбектуризм» Миллий компаниясининг ҳуқуқий вориси ҳисобланади, меҳнат шартномалари бундан мустасно.
3. Ўзбекистон Республикаси Туризмни ривожлантириш давлат қўмитаси тузилмасида мустақил бўлинмалар сифатида:
тугатилаётган «Ўзбектуризм» Миллий компанияси ҳузуридаги «Буюк ипак йўли» реклама агентлиги» давлат унитар корхонаси негизида «Миллий туризм маҳсулотларини тарғибот қилиш маркази» давлат унитар корхонаси;
«Туризм хизматларини сертификатлаш маркази» унитар корхонаси негизида «Туризм хизматларини сертификатлаш маркази» давлат унитар корхонаси;
«Диспетчерлаштириш ва сайёҳларга хизмат кўрсатиш марказий бошқармаси» давлат корхонаси негизида «Диспетчерлаштириш ва сайёҳларга хизмат кўрсатиш маркази» давлат унитар корхонаси;
«Республика илмий-ўқув консалтинг маркази» давлат корхонаси негизида «Туризм соҳасида кадрлар малакасини ошириш ва қайта тайёрлаш Республика маркази» давлат унитар корхонаси ташкил этилсин.
Олдинги таҳрирга қаранг.
4. Ўзбекистон Республикаси Туризмни ривожлантириш давлат қўмитаси тўғрисидаги Низом иловага* мувофиқ тасдиқлансин.
* Илова рус тилидаги матнда берилган
(4-банд Ўзбекистон Республикаси Президентининг 2018 йил 6 февралдаги ПҚ-3510-сонли қарори таҳририда — Қонун ҳужжатлари маълумотлари миллий базаси, 07.02.2018 й., 07/18/3510/0668-сон)
Олдинги таҳрирга қаранг.
5. Белгилансинки, Ўзбекистон Республикаси Туризмни ривожлантириш давлат қўмитаси ҳудудий бўлинмаларининг раҳбарлари Қорақалпоғистон Республикаси Вазирлар Кенгаши Раисининг, тегишли вилоятлар ҳокимларининг тақдимномасига биноан Қўмита раиси томонидан лавозимга тайинланади.
(5-банд Ўзбекистон Республикаси Президентининг 2018 йил 24 майдаги ПФ-5447-сонли Фармони таҳририда — Қонун ҳужжатлари маълумотлари миллий базаси, 25.05.2018 й., 06/18/5447/1269-сон)
6. Ўзбекистон Республикаси Давлат бюджети, Қўмита ҳузуридаги бюджетдан ташқари Туризм соҳасини қўллаб-қувватлаш жамғармаси маблағлари, шунингдек қонун ҳужжатларида тақиқланмаган бошқа манбалар Ўзбекистон Республикаси Туризмни ривожлантириш давлат қўмитаси фаолиятини молиялаштириш манбалари этиб белгилансин.
«Ўзбектуризм» Миллий компанияси ҳузуридаги бюджетдан ташқари Туризмни ривожлантириш жамғармаси Ўзбекистон Республикаси Туризмни ривожлантириш давлат қўмитаси ҳузуридаги бюджетдан ташқари Туризм соҳасини қўллаб-қувватлаш жамғармасига айлантирилсин.
Олдинги таҳрирга қаранг.
а) Ўзбекистон Республикаси Туризмни ривожлантириш давлат қўмитаси Қўмитанинг ваколатларига мувофиқ судларга бериладиган даъволар ва аризалар бўйича давлат божи тўлашдан;
б) меҳнат ва бошқа шартномалар асосида Қўмита раисининг хорижий маслаҳатчиси сифатида жалб қилинган хорижий мутахассислар:
(7-банд Ўзбекистон Республикаси Президентининг 2018 йил 24 майдаги ПФ-5447-сонли Фармони таҳририда — Қонун ҳужжатлари маълумотлари миллий базаси, 25.05.2018 й., 06/18/5447/1269-сон)
Олдинги таҳрирга қаранг.
8. Ўзбекистон Республикаси Туризмни ривожлантириш давлат қўмитаси Тошкент шаҳри, Мирзо Улуғбек тумани, Истиқлол кўчаси, 47 уйда, «Миллий PR маркази» Тошкент шаҳри, Миробод тумани, Ойбек кўчаси, 18-уйда жойлаштирилсин.
Ўзбекистон Республикаси Туризмни ривожлантириш давлат қўмитаси марказий аппаратига 5 та шахсан бириктирилган (хорижий маслаҳатчиларга бириктирилганларни ҳисобга олмаган ҳолда), 1 та махсус (йўлсиз жойларда юра оладиган), 2 та навбатчи автомобиль ва 1 та микроавтобус лимити ажратилиши назарда тутилади;
Қўмитага тегишли хизмат автомобиль транспортига Ўзбекистон Республикаси Вазирлар Маҳкамаси томонидан белгиланган йиллик километр масофа лимити татбиқ этилмайди.
(8-банд Ўзбекистон Республикаси Президентининг 2018 йил 6 февралдаги ПҚ-3510-сонли қарори таҳририда — Қонун ҳужжатлари маълумотлари миллий базаси, 07.02.2018 й., 07/18/3510/0668-сон)
9. Ўзбекистон Республикаси Ахборот технологиялари ва коммуникацияларини ривожлантириш вазирлиги Ўзбекистон Республикаси Туризмни ривожлантириш давлат қўмитасини зарур алоқа воситалари, шу жумладан ҳукумат алоқа воситалари билан таъминлашга белгиланган тартибда кўмаклашсин.
Олдинги таҳрирга қаранг.
91. Ўзбекистон Республикаси Туризмни ривожлантириш давлат қўмитасига ўз идоравий вазифаларини амалга ошириш учун учувчисиз учиш аппаратларни сотиб олиш, олиб кириш, сақлаш ва Ўзбекистон Республикаси ҳудудида фойдаланиш ваколати берилсин.
(91-банд Ўзбекистон Республикаси Президентининг 2020 йил 19 июндаги ПҚ-4755-сонли қарорига асосан киритилган — Қонун ҳужжатлари маълумотлари миллий базаси, 20.06.2020 й., 07/20/4755/0783-сон)
10. Ўзбекистон Республикаси Туризмни ривожлантириш давлат қўмитаси Ўзбекистон Республикаси Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.
1. Ўзбекистон Республикаси Туризмни ривожлантириш давлат қўмитаси (кейинги ўринларда — Қўмита) туризм соҳасида ягона давлат сиёсатини амалга оширишни таъминловчи давлат бошқарув органи ҳисобланади ва ўз фаолиятида Ўзбекистон Республикаси Вазирлар Маҳкамасига ҳисобот беради.
2. Қўмита ўз фаолиятида Ўзбекистон Республикасининг Конституцияси ва қонунлари, Ўзбекистон Республикаси Олий Мажлис палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари, шунингдек, мазкур Низомга амал қилади.
3. Қўмита ўз вазифа ва функцияларини амалга оширишда давлат ва хўжалик бошқаруви органлари, маҳаллий давлат ҳокимияти ва бошқаруви органлари ҳамда бошқа ташкилотлар билан ўзаро ҳамкорлик қилади.
4. Қўмитанинг ўз ваколатлари доирасида қабул қилган қарорлари мулкчилик шаклидан ва идоравий бўйсунувидан қатъи назар давлат ва хўжалик бошқаруви органлари, маҳаллий давлат ҳокимиятива бошқаруви органлари, хўжалик субъектлари томонидан ижро этилиши мажбурий ҳисобланади.
5. Қўмита, унинг ҳудудий бўлинмалари ва идоравий мансуб ташкилотлари юридик шахс ҳисобланади, Ўзбекистон Республикаси Давлат герби тасвирланган ва ўз номи ёзилган муҳрга эга.
мамлакатнинг туризм салоҳиятини тубдан ошириш, туризмга иқтисодиётнинг стратегик сектори мақомини бериш, туризм соҳасида ягона давлат сиёсатини олиб бориш мақсадида туризмни ривожлантиришнинг яхлит концепциясини шакллантириш ва амалга оширишни таъминлаш;
туристик хизматларнинг ташқи ва ички бозорларида маркетинг тадқиқотларини амалга ошириш, туризм соҳасида Ўзбекистон Республикасининг тарихий-маданий меросини кенг тарғиб қилишга қаратилган фаол реклама-ахборот сиёсатини амалга ошириш,мамлакатнинг туристик имижини сақлаш ва ривожлантириш, халқаро туристик бозорларда миллий маҳсулотлар ва брендларни илгари суриш;
ички, кириш ва чиқиш туризмини комплекс ривожлантиришнинг миллий ва ҳудудий дастурларини ишлаб чиқишни мувофиқлаштириш ва амалга оширишни мониторинг қилиш, кенг қамровлитуризм турларини жадал ривожлантириш, туризм инфратузилмасини халқаро стандартларга мос равишда ривожлантиришга хорижий инвестициялар, шунингдек, халқаро молия институтлари ва бошқа ташкилотларнинг кредитлари ва грантларини жалб қилиш;
туристик фаолиятни ривожлантиришни мувофиқлаштириш, ҳудудларда янги туристик йўналишлар очилишини таъминлаш, уларни паспортлаштириш, туристик йўналишлар, гидлар (экскурсоводлар) ва туристик объектлар бўйича ягона миллий реестрларни шакллантириш;
туристик хизматларни ташкил қилишда, авваламбор улар жойлаштирилган манзилларда, овқатланиш жойларида, республика ҳудуди бўйлаб ҳаракатланиш вақтида, туристик объектларга ташрифларни ташкиллаштиришда туристлар хавфсизлиги ва соғлиғини таъминлашга йўналтирилган туристик хизматларни кўрсатиш сифати ва хавфсизлигининг стандартларини ишлаб чиқишни мувофиқлаштириш, туризм соҳасидаги хизматларни лицензиялаш ва сертификатлаштиришни, шунингдек, лицензияланаётган ва сертификатлаштирилаётган туристик хизматларнинг белгиланган талаблар ва стандартларга мувофиқлиги устидан инспекция назоратини амалга ошириш;
туризм соҳасини давлат томонидан ва бозор орқали тартибга солишни мақбуллаштириш, туризм хизматлари бозорида рақобатни ривожлантириш, туризмни ривожлантиришга халақит бераётган барча тўсиқлар ва ғовларни бартараф этиш бўйича таклифларни ишлаб чиқиш, туризм соҳасида тадбиркорлар фаоллигини оширишга ҳар томонлама кўмаклашиш, мазкур соҳага ахборот-коммуникация технологияларини фаол жорий этиш;
туристик фаолият соҳасида биринчи навбатда, БМТнинг Жаҳон туризм ташкилоти, туризм бўйича нуфузли халқаро ва миллий ташкилотлар, шунингдек, туризм соҳасида фаолият кўрсатаётган хорижий компаниялар билан халқаро ҳамкорликни кенгайтириш, туристик фаолият амалиётига халқаро ва давлатлараро стандартлар ва нормаларни жорий этиш;
туризм соҳаси учун кадрлар тайёрлаш бўйича таклифлар киритиш, туристик фаолият субъектлари ходимларини мунтазам қайта тайёрлаш ва малакасини оширишни юқори сифатли даражада ташкил этиш, туризм тармоқ илм-фанини ривожлантиришга кўмаклашиш;
Кейинги таҳрирга қаранг.
а) мамлакатнинг туристик салоҳиятини тубдан ошириш,туризмга иқтисодиётнинг стратегик сектори мақомини бериш, туризм соҳасида ягона давлат сиёсатини олиб бориш мақсадида туризмни ривожлантиришнинг яхлит концепциясини шакллантириш ва амалга оширишни таъминлаш соҳасида:
туризмни ривожлантиришнинг асосий тенденциялари ва прогнозларини таҳлил қилишни инобатга олган ҳолда туризм соҳасини ривожлантиришнинг қисқа, ўрта ва узоқ муддатга мўлжалланган устувор йўналишлари ва вазифаларини белгилашда иштирок этади;
давлат ва хўжалик бошқаруви органлари, маҳаллий давлат ҳокимияти ва бошқаруви органлари ва бошқа ташкилотлар, шунингдек, туристик фаолият субъектлари томонидан туризм соҳасида ягона давлат сиёсатининг амалий ижросини таъминлайди;
туризм соҳасида давлат томонидан тартибга солиш ва бошқарув механизмлари ҳамда тузилмасини ташкилий-ҳуқуқий такомиллаштириш бўйича таклифлар ишлаб чиқади;
туризмни ривожлантириш масалаларида норматив-ҳуқуқий ҳужжатлар лойиҳаларини ишлаб чиқади ва уларни белгиланган тартибда Ўзбекистон Республикаси Вазирлар Маҳкамасига киритади;
б) туристик хизматларнинг ташқи ва ички бозорида маркетинг тадқиқотларини амалга ошириш, Ўзбекистон Республикасининг тарихий-маданий меросини кенг тарғиб қилишга қаратилган фаол реклама-ахборот сиёсатини амалга ошириш, мамлакатнингтуристик имижини сақлаш ва ривожлантириш, халқаро туристик бозорларда миллий туристик маҳсулотлар ва брендларни илгари суриш соҳасида:
туристлар оқимининг салоҳиятли ва истиқболли бозорларини ўрганади, туризм соҳасида реклама-ахборот сиёсатини олиб боришнинг самарали услуб ва механизмларини белгилайди, унинг натижаларига кўра тегишли комплекс чоралар кўради;
мамлакатнинг туристик салоҳиятини тарғиб қилиш самарадорлигини ошириш мақсадида хорижий туристлар нимани афзал кўришини ўрганиш ва талаб юқори бўлган туристик маҳсулотларни аниқлашга қаратилган маркетинг тадқиқотларини ташкил этади;
туристик фаолият субъектлари ва бошқа манфаатдор шахсларни халқаро туристик бозорларда мамлакат туристик салоҳиятини тарғиб қилишда иштирок этишга рағбатлантиришни таъминлайди;
Ўзбекистон Республикасида хорижий туроператорлар, оммавий ахборот воситалари ва бошқа ташкилотлар иштирокида ахборот турлари (инфотурлар)ни ташкиллаштиради;
Ўзбекистон Республикасининг хориждаги дипломатик ваколатхоналаридаги туризмни ривожлантириш масалалари бўйича маслаҳатчилар фаолиятини мувофиқлаштиради;
туристик йўналишлар бўйлаб ҳамда туристик кўргазма ва инфратузилма объектлари яқинида истиқомат қилувчи аҳолининг туристик маданиятини ошириш (меҳмондўстлик маданияти) бўйича чора-тадбирларни ташкиллаштиради ва ўтказади;
меҳмонхоналар ва туристик фаолиятнинг бошқа субъектлари учун сайёҳларнинг хавфсизилигини таъминлаш, уларга биринчи тиббий ёрдам кўрсатиш, ҳуқуқни муҳофаза қилувчи органлар ва бошқа давлат органлари билан ўзаро ҳамкорлик масалалари бўйича қисқа муддатли курсларни ташкиллаштиради;в) ички, кириш ва чиқиш туризмини комплекс ривожлантиришнинг миллий ва ҳудудий дастурларини ишлаб чиқишни мувофиқлаштириш ва амалга оширишни мониторинг қилиш, кенг қамровлитуризм турларини жадал ривожлантириш, туризм инфратузилмасини халқаро стандартларга мос равишда ривожлантиришга хорижий инвестициялар, шунингдек, халқаро молия институтлари ва бошқа ташкилотларнинг кредитлари ва грантларини жалб қилиш соҳасида:
мавжуд туристик салоҳият, туристик хизматлар бозорининг ҳамда туризм ва логистика соҳасидаги инфратузилмалар ҳолатини тизимли асосда таҳлил қилади, шунингдек, мазкур соҳадаги халқаро стандартларни ўрганади;
давлат ва хўжалик бошқаруви органлари, маҳаллий давлат ҳокимияти ва бошқаруви органлари ва бошқа ташкилотлар иштирокида ички, кириш ва чиқиш туризмини комплекс ривожлантириш дастурларини ишлаб чиқишни ва уларни кўриб чиқиш учун Ўзбекистон Республикасининг Вазирлар Маҳкамасига киритишни ташкиллаштиради;
туристик индустрияни ривожлантириш, туристик хизматлар инфратузилмасини, энг аввало, асосий туристик йўналишлар бўйлаб меҳмонхоналар ва кемпинглар, транспорт-логистика ва йўл инфратузилмаси, умумий овқатланиш объектлари ва туризмнинг бошқа инфратузилмаларини шакллантириш бўйича таклифлар ишлаб чиқишда иштирок этади;
туризмни ривожлантириш бўйича миллий ва ҳудудий дастурлар бажарилишини мувофиқлаштиради, туризмни ривожлантириш дастурларининг амалдаги ижросини таъминлашга қаратилган комплекс чора-тадбирлар ишлаб чиқади, уларнинг бажарилиши устидан самарали мониторинг олиб боради;
туристик соҳани ривожлантиришга инвестицияларни жалб қилиш ишларида, хорижий инвесторлар, энг аввало, етакчи дунё брендларини жалб қилиш учун туризм соҳасида энг қулай шарт-шароитларни яратиш бўйича таклифлар ишлаб чиқишда иштирок этади;
туристик инфратузилмани ривожлантириш учун тақдим этилган маблағлар, грантлар, бошқа молиявий ва моддий ресурслардан оқилона ва мақсадли фойдаланишни таъминлаш бўйича чоралар кўради;
г) туристик фаолиятни ривожлантиришни мувофиқлаштириш, ҳудудларда янги туристик йўналишлар очилишини таъминлаш, уларни паспортлаштириш, туристик йўналишлар, гидлар (экскурсоводлар) ва туристик объектлар бўйича ягона миллий реестрларини шакллантириш соҳасида:
туристик ташкилотлар, шунингдек, давлат ва хўжалик бошқаруви органлари, маҳаллий давлат ҳокимияти ва бошқаруви органлари ва бошқа ташкилотларнинг ички, кириш ва чиқиш туризм соҳасидаги фаолиятини мувофиқлаштиришга қаратилган комплекс чора-тадбирларни амалга оширади;
давлат ва хўжалик бошқаруви органлари, маҳаллий давлат ҳокимияти ва бошқаруви органлари ва бошқа ташкилотлар билан биргаликда ҳудудларда янги туристик йўналишларининг ишлаб чиқилишини ҳамда уларнинг ички ва ташқи туристик бозорларда илгари суришни ташкиллаштиради;
туристик фаолиятнинг белгиланган стандартларига мувофиқ туристик йўналишларни паспортлаштиришни амалга оширади;
Ўзбекистон Республикасининг туристик ресурслари ва туристик йўналишлари, шунингдек, экскурсоводлари ва гид-таржимонлари реестрини юритади;
давлат ва хўжалик бошқаруви органлари, маҳаллий давлат ҳокимияти ва бошқаруви органлари ва бошқа ташкилотларнинг туризмни ривожлантириш соҳасидаги фаолиятини умумлаштиради ва таҳлил қилади, шунингдек, уларнинг туризм соҳасидаги ишларини такомиллаштириш бўйича тавсиялар ишлаб чиқади;
давлат ва хўжалик бошқаруви органлари, маҳаллий давлат ҳокимияти ва бошқаруви органлари ва бошқа ташкилотларга туризм соҳасини иқтисодиётнинг бошқа тармоқларини ривожлантириш билан ҳамоҳанг янада комплекс ривожлантириш бўйича таклифлар киритади;
д) туристик хизматларни ташкил қилишда, авваламбор, улар жойлаштирилган манзилларда, овқатланиш жойларида, республика ҳудуди бўйлаб ҳаракатланиш вақтида, туристик объектларга ташрифларни ташкиллаштиришда туристларнинг ҳаёти ва соғлиғининг хавфсизлигини таъминлашга йўналтирилган туристик хизматларни кўрсатиш сифати ва хавфсизлигининг стандартларини ишлаб чиқишни мувофиқлаштириш, туризм соҳасидагихизматларни лицензиялаш ва сертификатлаштиришни, шунингдек, лицензияланаётган ва сертификатлаштирилаётган туристик хизматларнинг белгиланган талаблар ва стандартларга мувофиқлиги устидан инспекция назорати соҳасида:
туристик хизматлар сифати ва хавфсизлигига қўйиладиган талабларни шакллантириш учун туристик хизматлар кўрсатиш жараёнини ва улардан туристларнинг қониқиш ҳосил қилиши устидан мониторинг олиб боради;
миллий ўзига хосликлар, иқлим шароитлари ва илғор хорижий тажрибани инобатга олган ҳолда туристик хизматларнинг сифати ва хавфсизлиги бўйича миллий стандартлар ишлаб чиқилишини мувофиқлаштиради, шунингдек, уларнинг доимий такомиллаштириб борилишини таъминлайди;
Ўзбекистон Республикасининг сертификатлаштириш бўйича миллий органи — «Ўзстандарт» агентлиги билан яқин ҳамкорликда туристик хизматларни мажбурий сертификатлаш, шу жумладан меҳмонхоналар (мотеллар) классификациясини белгилашни амалга оширади;
лицензияланаётган ва сертификатланаётган туристик хизматларнинг ўрнатилган талаблар ва стандартларга мувофиқлиги устидан инспекция назоратини амалга оширади;
оммавий ахборот воситаларида тегишли маълумотларни жойлаштириш орқали туристик фаолият субъектлари ва иштирокчиларини муайян вақтда ташриф буюриш туристлар хавфсизлиги учун хатарли бўлган мамлакатлар (жойлар) тўғрисида хабардор қилади;
е) туризм соҳасини давлат томонидан ва бозор орқали тартибга солишни мақбуллаштириш, туризм хизматлари бозорида рақобатни ривожлантириш, туризмни ривожлантиришга халақит бераётган барча тўсиқлар ва ғовларни бартараф этиш бўйича таклифларни ишлаб чиқиш, туризм соҳасида тадбиркорлар фаоллигини оширишга ҳар томонлама кўмаклашиш, мазкур соҳага ахборот-коммуникация технологияларини фаол жорий этиш соҳасида:
туризм соҳасида тадбиркорлик фаоллиги механизмлари ва рағбатлантириш чоралари самарадорлигини оширишга қаратилган комплекс ташкилий-ҳуқуқий чора-тадбирларни ишлаб чиқади ва амалга оширади;
туристик фаолиятни давлат ва бозор орқали тартибга солишни мақбуллаштириш, чет эл туристлари учун виза ва рўйхатга олиш тартиб-тамойиллари, паспорт ҳамда божхона назоратини янада соддалаштириш бўйича таклифлар тайёрлайди;
туристик соҳада фаолият олиб борувчи тадбиркорлик субъектларини қўллаб-қувватлашга оид қонун ҳужжатларига риоя қилиниши устидан самарали мониторингни таъминлайди, қонун ҳужжатларининг бузилиш сабабларини таҳлил қилади ва уларни бартараф қилиш бўйича таклифлар киритади;
туристик фаолият субъектлари томонидан туризм соҳасига оид қонун ҳужжатларига риоя қилинишитаъминлаш ва уларнинг фаолиятини ривожлантиришга тўсқинлик қилаётган ғовларни бартараф этиш бўйича чора-тадбирларни амалга оширади, туризм соҳасига оид қонун ҳужжатларига риоя қилиш юзасидан текширув материалларини таҳлил қилади ва умумлаштиради;
республика туристик бозорининг ривожланиш тенденциялари ва уларда бўлаётган ўзгаришларни мониторинг қилади, рақобат муҳити шакллангантуристик хизматлар бозорини янада ривожлантириш бўйича таклифлар тайёрлайди;
ахборот-коммуникация технологияларини кенг татбиқ этиш орқали туристик хизматлар кўрсатишнинг замонавий метод ва механизмларидан фойдаланиш бўйича чора-тадбирлар кўради;
ж) туристик фаолият соҳасида, биринчи навбатда, БМТнинг Жаҳон туризм ташкилоти, туризм бўйича нуфузли халқаро ва миллий ташкилотлар, шунингдек, туризм соҳасида фаолияткўрсатаётган хорижий компаниялар билан халқаро ҳамкорликни кенгайтириш соҳасида:
халқаро туристик ташкилотлар, чет давлатларнинг ваколатли органлари, шунингдек, туризм соҳасидаги хорижий компаниялари билан халқаро ҳамкорлик, ўзаро самарали ҳаракат қилиш механизмларини ривожлантириш ва такомиллаштириш соҳасида таклифларни ишлаб чиқишда иштирок этади;
белгиланган тартибда Бирлашган Миллатлар Ташкилотининг Жаҳон туризм ташкилоти (ЮНВТО) ва бошқа халқаро ташкилотларда Ўзбекистон Республикасининг манфаатларини ифода этади ва туризм масалалари бўйича ўзаро ҳамкорлик қилади, туризм соҳасини тартибга солувчи универсал халқаро конвенциялар ва шартномаларда Ўзбекистон иштирокини таъминлайди;
Бирлашган Миллатлар Ташкилоти Жаҳон туризм ташкилоти (ЮНВТО) ҳужжатлари қоидаларининг ижроси мониторингини ташкиллаштиради, белгиланган тартибда тегишли ахборотларни тайёрлайди уларга юборади;
туризмни ривожлантиришга йўналтирилган чет эл донорлари ва кредит ташкилотлари маблағларининг белгиланган тартибда жалб қилиниши ва ундан фойдаланилишини ташкиллаштиради;
ҳар йили Тошкент шаҳрида Тошкент халқаро туристик ярмаркаси ва Халқаро Ўзбек туристик кўргазмаси ўтказилишини ташкил этишни таъминлайди;
хорижий мамлакатларда ўтказиладиган халқаро туристик ярмаркалар, кўргазмалар ва бизнес-учрашувларда мамлакатнинг туристик фаолият субъектлари иштирокини ташкил этиш бўйича тайёргарлик чора-тадбирларини мувофиқлаштиради;
шу жумладан халқаро туризм ташкилотлари, хорижий давлатларнинг ваколатли органлари, шунингдек, хорижий компаниялар билан ўзаро ҳамкорликдахалқаро туризм тадбирларини ўтказади ва уларда иштирок этади;
з) туризм соҳаси учун кадрлар тайёрлаш бўйича таклифлар киритиш, туризм соҳаси ходимларини қайта тайёрлаш ва малакасини оширишни ташкил этиш, туризмтармоқ илм-фани ривожига кўмаклашиш соҳасида:
манфаатдор вазирлик ва идоралар билан биргаликда туризм соҳасидаги ўрта-махсус, касб-ҳунар ва олий таълим муассасалари битирувчиларининг бандлиги бўйича тадқиқотлар олиб боради, таълим муассасаларида кадрлар ва мутахассисларнинг касбий тайёргарлик йўналишларини такомиллаштириш бўйича таклифлар ишлаб чиқади;
туризм, айниқса менежмент ва маркетинг соҳасида касбий тайёрлаш, гидлар (экскурсоводлар)ни тайёрлашда кўмаклашади;
кадрларнинг мунтазам малакасини ошириш ва қайта тайёрлашни ташкил этишни таъминлайди, Қўмита, унинг ҳудудий бўлинмалари ва идоравий мансуб ташкилотларининг раҳбарлари ва мутахассисларини аттестациядан ўтказади, шу жумладан уларнинг тегишли хорижий ўқув марказлари ва таълим муассасаларида стажировкадан ўтишини таъминлайди;
туристик илм-фанни ривожлантириш чораларини кўради, туризм соҳасида илмий-тадқиқот, экспертлик ишларини ташкиллаштиради.
8. Қўмита ўзига юклатилган вазифалар ва функцияларни бевосита, шунингдек, ҳудудий бўлинмалари ва идоравий мансуб ташкилотлар орқали бажаради.
Қўмита ваколатига тааллуқли масалаларда давлат ва хўжалик бошқаруви органлари, маҳаллий давлат ҳокимияти ва бошқаруви органлари ва бошқа ташкилотлардан ҳужжатлар, статистик маълумотлар, ҳисоботлар, таҳлилий материаллар, хулосалар ва бошқа маълумотларни сўраш, талаб қилиш ва қабул қилиш;
давлат ва хўжалик бошқаруви органлари, маҳаллий давлат ҳокимияти ва бошқаруви органларига туристик объектлар ва туристик инфратузилмаларда туристлар учун шарт-шароитлар яратиш доирасида йўл қўйилган камчиликларни бартараф этиш тўғрисида кўриб чиқилиши мажбурий тақдимномалар юбориш;
туризмни ривожлантириш, мамлакат, шу жумладан ҳудудларнинг миллий туристик маҳсулотларини илгари суриш бўйича ишлар ҳамда лойиҳаларини молиялаштириш учун давлат ва хўжалик бошқаруви органлари, маҳаллий давлат ҳокимияти ва бошқаруви органларининг харажатлар сметасини кўриб чиқиш ва келишишда иштирок этиш;
хорижий давлатларнинг туризм масалалари бўйича ваколатли органлари билан белгиланган тартибда маълумотлар алмашиш;
ўз ваколати доирасида конференциялар, семинарлар, симпозиумлар, кўргазмалар, ярмаркалар ва бошқа тадбирлар ўтказиш, шунингдек, бошқа ташкилотлар томонидан ўтказиладиган шунга ўхшаш тадбирларда иштирок этиш;
туризмни ривожлантиришга қаратилган чораларни биргаликда ишлаб чиқиш мақсадида халқаро, хорижий ва республика ташкилотлари билан алоқалар ўрнатиш;
Ўзбекистон Республикаси Вазирлар Маҳкамаси билан келишган ҳолда Қўмитанинг марказий аппарати ва унинг идоравий бўлинмаларида шартнома асосида ишлаш учун туризм соҳасидаги етакчи хорижий мутахассисларни жалб қилиш;
меҳмонхоналар, мотелларни классификациялаш, шунингдек, туристларни жойлаштиришнинг бошқа воситаларини стандартлаштириш бўйича тартиб-таомилларни амалга ошириш;
туризм соҳасидаги муаммолар бўйича мувофиқлаштирувчи, илмий-техник, идоралараро экспертлик комиссияларини тузиш, махсус йиғилишлар чақириш, шунингдек, мазкур муаммоларни ўрганиш ва ҳал қилиш,маслаҳатлашувлар учун маҳаллий ва хорижий мутахассислар, экспертлар ва олимларни жалб қилиш;
туристик зоналар ва табиий курорт ҳудудларини ташкил қилишнинг мақсадга мувофиқлиги ва самарадорлиги тўғрисида хулоса тайёрлаш ва Ўзбекистон Республикаси Вазирлар Маҳкамасига уларни ташкил этиш тўғрисидаги таклифларни киритиш;
мамлакатнинг юксак туристик имижини сақлаш мақсадида реклама ва туризм соҳасини тарғиб қилувчи бошқа маҳсулотларни (мамлакатнинг туризм салоҳиятини акс эттирувчи реклама аудио-видеоматериаллари, рисолалар, фотоальбомлар, китоблар, хариталар ва бошқа реклама-ахборот материаллари, мақолалар, компьютер дастурлари, веб-сайтлар, порталлар) яратиш, чоп этиш, кўпайтиришни амалга ошириш, сувенирлар ва бошқа маҳсулотлар сотиб олиш, шунингдек, мамлакат ҳудудида ва хорижда тадбирлар ташкил этиш учун меҳмонхона, транспорт, умумий овқатланиш ва бошқа хизматлар кўрсатувчи тадбиркорлик субъектларини жалб қилиш мақсадида мустақил ёки идоравий мансуб ташкилотлар орқали белгиланган тартибда шартномалар тузиш;
туристик фаолиятни амалга ошириш учун белгиланган тартибда лицензиялар бериш, уларнинг амал қилишини тўхтатиш ва тугатиш, ушбу лицензияларни бекор қилиш;
туристик хизматларни мажбурий сертификатлаштиришдан ўтказиш ва кўрсатилаётган туристик хизматларнинг белгиланган стандартлар, нормалар ва талабларга мувофиқлиги устидан инспекция назоратини амалга ошириш;
туристик хизматларнинг мувофиқлик сертификатини белгиланган тартибда тўхтатиш ва тугатиш, ушбу сертификатларни бекор қилиш;
туристик фаолият ва туристларнинг бўш вақтларини мазмунли ташкиллаштириш билан банд бўлган бошқа субъектларни ихтиёрий равишда сертификатлаштириш (классификациядан ўтказиш);
ўз ваколати доирасида давлат ва хўжалик бошқаруви органлари, маҳаллий давлат ҳокимияти ва бошқаруви органлари, бошқа ташкилотлар, мансабдор шахслар ва фуқаролар учун мажбурий бўлган норматив-ҳуқуқий ҳужжатлар қабул қилиш;
туризм масалалари бўйича Ўзбекистон Республикасининг халқаро шартномаларини ишлаб чиқишда иштирок этиш, белгиланган тартибда халқаро шартномалар имзолаш;
туризмни ривожлантириш масалаларида хорижий давлатлар, халқаро ва чет эл ташкилотлари вакиллари билан музокаралар олиб бориш;
Қўмита ҳузуридаги бюджетдан ташқари Туризм соҳасини қўллаб-қувватлаш жамғармаси маблағлари ҳисобидан журналистлар, блогерлар ва суратга олиш гуруҳларини хорижга ва Ўзбекистон ҳудудларига Ўзбекистоннинг туризм салоҳияти ҳақида репортажлар, видеороликлар тайёрлаш, Қўмита делегациялари ва туризм компаниялари иштирокидаги кўргазма, музокара ва бошқа шу каби тадбирларни ёритиш учун юбориш;
Қўмита ҳузуридаги бюджетдан ташқари Туризм соҳасини қўллаб-қувватлаш жамғармаси маблағлари ҳисобидан маҳаллий ва хорижий иштирокчилар ўртасида туризмнинг истиқболли турлари ва йўналишларини, мамлакатнинг туризм салоҳиятини илгари суриш ва реклама қилишга қаратилган совринли танлов ва викториналар ўтказиш;
маркетинг стратегиясидан келиб чиққан ҳолда, хорижий телерадиокомпаниялар ва бошқа, шу жумладан босма ва рақамли оммавий ахборот воситалари билан хорижий бозорларга мўлжалланган реклама, репортаж ва бошқа роликларни трансляция қилиш, мақолалар, рекламалар, босма маҳсулотлар, шу жумладан туризм хариталари, рисолалар ва китоблар, интернет видеороликлари тайёрлаш ва чоп этиш, шунингдек, реклама ва фоторепортажларни ҳамда шу каби бошқа маҳсулотларни суратга олиш ва тайёрлаш учун шартномалар тузиш;
газеталар, журналлар ва бошқа оммавий ахборот воситаларига, шу жумладан идоравий мансуб ташкилотлари орқали таъсисчи бўлиш;
Қўмита балансида турган кўчмас мулкдан фойдаланиш учун ўзининг идоравий мансуб ташкилотларига ижара тўловлари учун ноль ставка белгилаш.
Қўмита ва унинг идоравий мансуб ташкилотлари соҳага оид халқаро (чет эл) ташкилотларига аъзо бўлиш ҳуқуқига эга.
Қўмита ўз зиммасига кредит мажбуриятларини олиш, шунингдек, учинчи шахслар томонидан жалб қилинган кредитлар бўйича кафил бўлиш ёки кафолатлар бериш ҳуқуқига эга эмас.
Қўмита, зарур ҳолларда, белгиланган тартибда бошқа давлат бошқаруви органлари билан биргаликда қўшма қарорлар ва бошқа ҳужжатлар чиқариш ҳуқуқига эга.
10. Қўмита ўз зиммасига юклатилган вазифалар ва функциялар самарали бажарилиши учун жавобгар ҳисобланади.
11. Қўмитага Ўзбекистон Республикаси Президенти томонидан лавозимга тайинланадиган ва лавозимидан озод этиладиган раис раҳбарлик қилади;
Қўмита Ўзбекистон Республикаси Президенти томонидан лавозимга тайинланадиган ва лавозимидан озод этиладиган тўрт нафар ўринбосар, шу жумладан бир нафар биринчи ўринбосарга эга.
Қўмита раиси мақомига кўра вазирга, раиснинг биринчи ўринбосари — вазирнинг биринчи ўринбосарига, раис ўринбосарлари — вазир ўринбосарларига тенглаштирилади.
Қўмита фаолияти устидан умумий раҳбарликни амалга оширади ва Қўмита зиммасига юклатилган вазифа ва функцияларнинг бажарилиши учун шахсан жавобгар ҳисобланади;
белгиланган умумий штатлар сони доирасида Қўмитанинг марказий аппарати ва ҳудудий бўлинмалари штатлар жадвалини, шунингдек, Қўмитанинг марказий аппарати, унинг ҳудудий бўлинмалари, идоравий мансуб ташкилотлари харажатлар сметасини тасдиқлайди.
марказий аппарат ва ҳудудий бошқармаларнинг бўлинмалари, шунингдек, идоравий мансуб ташкилотлар тўғрисидаги низомларни ва уларнинг тузилмасини белгиланган тартибда тасдиқлайди;
Қўмита марказий аппаратининг ходимларини, ҳудудий бўлинмалар, идоравий мансуб ташкилотларнинг раҳбарларини белгиланган тартибда лавозимига тайинлайди ва лавозимидан озод қилади;
хориждаги дипломатик ваколатхоналарда туризм масалаларини ривожлантириш бўйича маслаҳатчиларни лавозимига тайинлаш ва лавозимидан озод этиш тўғрисида Ўзбекистон Республикаси Ташқи ишлар вазирлигига тақдимнома киритади;
Қўмита ваколатига кирувчи масалалар бўйича қарорлар қабул қилади, раиснинг биринчи ўринбосари ва ўринбосари, Қўмита, унинг ҳудудий бўлинмалари ва идоравий мансуб ташкилотлари бошқа мансабдор шахсларининг ваколати, мажбуриятлари ва жавобгарлик даражасини белгилайди;
Қўмита, ҳудудий бўлинмалар ва идоравий мансуб ташкилотлар ходимлари томонидан ижро этилиши мажбурий бўлган буйруқлар чиқаради ва кўрсатмалар беради;
Қўмитанинг марказий аппарати ходимлари, ҳудудий бўлинмалар ва идоравий мансуб ташкилотлар раҳбарларини моддий рағбатлантиришнинг қўшимча механизмларини белгилайди;
13. Қўмитада унинг фаолиятидаги асосий йўналишларни мувофиқлаштирувчи, раис (ҳайъат раиси), унинг ўринбосарлари (лавозимига кўра), шунингдек, Қўмита марказий аппарати таркибий бўлинмалари раҳбарларидан иборат таркибда ҳайъат ташкил этилади.
Ҳайъат аъзолари сони ва шахсий таркиби раиснинг тақдимномасига биноан Ўзбекистон Республикаси Вазирлар Маҳкамаси томонидан тасдиқланади.
мазкур Низом қоидаларида белгилаб қўйилган Қўмитанинг асосий фаолият йўналишларини тайёрлаш ва амалга ошириш;
Қўмита номенклатурасига кирадиган лавозимларга кадрларни танлаш, жойлаштириш, уларни тайёрлаш ва қайта тайёрлаш;
Ўзбекистон Республикаси Президенти ҳужжатлари ва ҳукумат қарорларида белгиланган вазифаларни ўз вақтида ва сифатли амалга ошириш юзасидан Қўмита раҳбарлари ва мутахассисларининг ижро интизоми ва шахсий жавобгарлигини кучайтириш.
Ҳайъат йиғилишларига Қўмита ваколатига тааллуқли масалалар бўйича бошқа давлат ва хўжалик бошқаруви органлари ҳамда ташкилотлар раҳбарлари таклиф этилиши мумкин.
Ҳайъат унинг мажлисида ҳайъат таркибининг ярмидан кўпи қатнашган тақдирда ваколатли бўлади. Кўриб чиқилаётган масалалар бўйича қарорлар оддий кўпчилик овоз билан қабул қилинади.
Раис ва ҳайъат аъзолари ўртасида келишмовчиликлар юзага келган тақдирда раис пайдо бўлган келишмовчиликлар тўғрисида Ўзбекистон Республикаси Вазирлар Маҳкамасига ахборот берган ҳолда мустақил равишда қарор қабул қилади. Ҳайъат аъзолари ҳам ўз фикр-мулоҳазаларини Ўзбекистон Республикаси Вазирлар Маҳкамасига хабар қилишлари мумкин.
14. Ўзбекистон Республикаси Давлат бюджети, Қўмита ҳузуридаги бюджетдан ташқари Туризм соҳасини қўллаб-қувватлаш жамғармаси маблағлари, шунингдек, қонун ҳужжатлари билан тақиқланмаган бошқа манбалар Қўмита фаолиятини молиялаштириш манбалари ҳисобланади.
Қорақалпоғистон Республикаси бюджети, вилоятлар ва Тошкент шаҳринингмаҳаллий бюджетлари маблағлари ҳудудий бўлинмаларни молиялаштириш манбаи ҳисобланади. Ходимларни қўшимча моддий рағбатлантириш Қўмита ҳузуридаги бюджетдан ташқари Туризм соҳасини қўллаб-қувватлаш жамғармаси ҳисобидан амалга оширилади.
15. Ходимларни Қўмита ҳузуридаги бюджетдан ташқари Туризм соҳасини қўллаб-қувватлаш жамғармаси ҳисобидан қўшимча моддий рағбатлантириш қуйидаги шаклларда амалга оширилади:
а) кўп йиллик хизмат қилганлик учун ҳар ойлик устамалар. Туризм тизимида кўп йиллик хизмат қилганлик учун устамалар қуйидаги миқдорларда тўланади:
Иш стажи | Устама миқдори — лавозим маошига нисбатан коэффициент |
2 йилгача | 0,3 |
2 йилдан 3 йилгача | 0,4 |
3 йилдан 5 йилгача | 0,5 |
5 йил ва ундан юқори | 0,6 |
б) чорак якуни бўйича энг ташаббускор ва натижадор ходимларни устамани (рағбатлантириш коэффициентини) ҳисобга олган ҳолда лавозим маошининг 100 фоизигача бўлган миқдорда бир йўла мукофотлаш;
в) энг ташаббускор ва самарали ишлаган ходимларни устамани (рағбатлантириш коэффициентини) ҳисобга олган ҳолда лавозим маошининг 100 фоизигача бўлган миқдорда моддий рағбатлантириш;
г) жамоа шартномасига мувофиқ меҳнат натижалари билан боғлиқ бўлмаган компенсация тўловлари ва бирйўла бериладиган мукофотлар.
Ушбу банднинг «б» ва «в» кичик бандларида назарда тутилган тўловлар суммаси бир чоракда, устамани (рағбатлантириш коэффициентини) ҳисобга олган ҳолда, лавозим маошининг икки баравари миқдоридан ошмаслиги керак.
Ходимларни қўшимча моддий рағбатлантириш тўғрисидаги низом, шунингдек, кўп йиллик хизмат қилганлик учун устамаларни белгилаш ҳуқуқини берадиган иш стажини ҳисоблаш тартиби Ўзбекистон Республикаси Молия вазирлиги билан келишган ҳолда Қўмита раиси томонидан тасдиқланади.
Қўмита ҳузуридаги бюджетдан ташқари Туризм соҳасини қўллаб-қувватлаш жамғармасидан тушадиган маблағлар ҳисобига ходимларга қонун ҳужжатларида тақиқланмаган бошқа тўловлар ҳам тўланиши мумкин.
16. Идоравий мансуб ташкилотларининг моддий-техник таъминоти ҳамда уларнинг ходимлари меҳнатига ҳақ тўлаш Қўмитанинг ўз маблағлари, Қўмита ҳузуридаги бюджетдан ташқари Туризм соҳасини қўллаб-қувватлаш жамғармаси маблағлари, шунингдек, қонун ҳужжатларига зид бўлмаган бошқа манбалар ҳисобидан амалга оширилади.
17. Ҳудудий бўлинмалар ўз фаолиятини Қўмита раиси томонидан тасдиқланадиган низомга мувофиқ амалга оширади.
Қўмитанинг ҳудудий бўлинмалари раҳбарлари Қорақалпоғистон Республикаси Вазирлар Кенгаши Раиси, тегишли вилоятлар ҳокимларининг тақдимномасига кўра раис томонидан лавозимга тайинланадилар.
LexUZ шарҳи