LexUZ шарҳи
Мазкур Битим Ўзбекистон Республикаси Ҳукумати билан Ҳиндистон Республикаси Ҳукумати ўртасида 2018 йил 1 октябрдаги «Туризм соҳасида ҳамкорлик тўғрисида»ги Битимга асосан ўз кучини йўқотган.
Ўзбекистон Республикаси Ҳукумати, унинг номидан «Ўзбектуризм» Миллий компанияси ва Ҳиндистон Республикаси Ҳукумати, унинг номидан Туризм вазирлиги, бундан буён «Томонлар» деб аталувчилар,
икки давлат ўртасида туризм соҳасидаги ҳамкорликни янада ривожлантириш ва мустаҳкамлашга интилган ҳолда,
туризмнинг Томонлар давлатлари халқлари ўртасида ўзаро тушунишни кучайтиришда муҳим омил эканлигини тан олиб,
Томонлар ўз давлатлари фуқароларини икки мамлакат халқларининг тарих ва маданият соҳасидаги ютуқлари, шунингдек табиати ҳамда диққатга сазовар жойлари, тарихий обидалари ва миллий анъаналари билан таништириш мақсадида туризм соҳасидаги ҳамкорликни кенгайтиришга кўмаклашадилар.
Томонлар давлатлари миллий қонунчилиги асосида ўз фуқароларининг ҳар иккала мамлакатларга сафарларини рағбатлантирадилар. Томонлар туризм соҳасидаги ҳамкорликни мустаҳкамлаш мақсадида манфаатдор туристик ташкилотлар ўртасида бевосита алоқаларни ва ҳамжиҳатликни кўллаб-қувватлайдилар.
б) кадрлар малакасини ошириш бўйича ҳамкорлик қилиш мақсадида мутахассислар билан алмашиниш дастурларини ташкил этиш;
в) туризм соҳасига инвестицияларни жалб қилишни рағбатлантириш, шу жумладан Томонлар давлатларининг миллий қонунчилигига мувофиқ тақдим этиладиган инвестициявий имтиёзлар тўғрисида ахборот алмашиниш;
г) Томонлар давлатлари туроператорлари ва туризм соҳасида фаолият юритувчи етакчи оммавий ахборот воситалари вакиллари учун ўзаро махсус ташрифлар уюштириш;
Томонлар мазкур Битим ижросини таъминлаш юзасидан фикр алмашиш мақсадида таркибига ҳар икки Томондан тенг миқдорда аъзолар киритиладиган Қўшма ишчи гуруҳ тузишлари мумкин.
Қўшма ишчи гуруҳ ўз даврий учрашувларини ҳар икки йилда бир маротаба Томонлар олдиндан ўзаро келишган муддатларда навбат асосида ўтказади. Томонлар мазкур учрашувларга туризм соҳасида фаолият юритадиган компаниялар вакилларини таклиф этишлари мумкин.
Қўшма ишчи гуруҳ учрашувини ўтказишда юборувчи Томон сафар билан боғлиқ йўл ва яшаш ҳаражатларини қоплайди. Учрашувни ташкил этиш билан боғлиқ барча ҳаражатларни қабул қилувчи Томон қоплайди.
Мазкур Битим Томонлар ва уларнинг давлатлари иштирокчи бўлган бошқа халқаро шартномалардан келиб чиқадиган ҳуқуқ ва мажбуриятларига дахл қилмайди.
Мазкур Битимга Томонларнинг ўзаро келишувига мувофиқ дипломатик каналлар орқали ушбу Битимнинг ажралмас қисми ҳисобланадиган ёзма ўзгартиш ва қўшимчалар киритилиши мумкин.
Ушбу Битим қоидаларини талқин қилиш, амалга ошириш ва/ёки қўллашда юзага келадиган қар қандай келишмовчиликлар Томонлар ўртасида дипломатик каналлар орқали ўзаро маслаҳатлашув ёки музокаралар йўли билан ҳал этилади.
Мазкур Битим беш (5) йил давомида амал қилади ва Томонлардан бири дипломатик каналлар орқали тегишли муддат тугашидан олти (6) ой аввал ушбу Битимни тугатиш нияти тўғрисида ёзма равишда бошқа Томонни хабардор қилмагунига кадар унинг амал қилиши ўз-ўзидан кейинги шундай муддатларга узаяверади.
Бунинг тасдиғи сифатида тегишли Ҳукуматлар томонидан ўрнатилган тартибда ваколат берилган қуйида имзо чекувчилар мазкур Битимни имзоладилар.
2015 йил 6 июлда Тошкент шаҳрида икки асл нусхада, хар бири ўзбек, ҳинд ва инглиз тилларида тузилди, бунда барча матнлар бир хил кучга эга.