Солиқ интизомини мустаҳкамлаш, солиқ қонун ҳужжатларига қатъий амал қилиш, солиқ тўловларининг бюджетга тўлиқ ва ўз вақтида тушишини таъминлаш, солиқ ҳақидаги ҳуқуқ бузилишларининг аниқланиши, уларнинг олдини олиш ва уларни бартараф этиш устидан давлат назоратни кучайтириш, шунингдек солиқ органлари фаолиятини янада такомиллаштириш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Давлат солиқ қўмитасининг бошқариш тузилмаси 1-иловага мувофиқ;

Ўзбекистон Республикаси Давлат солиқ қўмитаси марказий аппарати тузилмаси 2 ва 2а-иловаларга мувофиқ тасдиқлансин.

2. Ўзбекистон Республикаси Давлат солиқ қўмитаси тизими ходимларининг умумий сони 2000 йил 1 апрелдан бошлаб ўртача 10 фоизга қисқартирилсин. Қисқартирилаётган ходимлар ва иш ҳақи фонди Солиқ соҳасида ҳуқуқ бузилишларга қарши тезкор курашиш бош бошқармасини ҳамда унинг ҳудудий бошқармаларини ходимлар билан тўлдиришга ва мустаҳкамлашга йўналтирилсин.

Давлат солиқ қўмитаси раисининг тўрт нафар ўринбосари, шу жумладан бир нафар биринчи ўринбосари, 11 кишидан иборат таркибда ҳайъати бўлишига рухсат этилсин.

3. Давлат солиқ қўмитаси тузилмасида солиқ органларини қисқартириш натижасида бўшайдиган ходимлар ҳисобига 3-иловага мувофиқ Солиқ соҳасида ҳуқуқ бузилишларга қарши тезкор курашиш бош бошқармаси ҳамда Қорақалпоғистон Республикасида, вилоятларда ва Тошкент шаҳрида унга бевосита бўйсунувчи ҳудудий бошқармалар тузилсин.

Қуйидагилар Солиқ соҳасида ҳуқуқ бузилишларга қарши тезкор курашиш бош бошқармаси ва унинг ҳудудий бошқармаларининг асосий вазифалари этиб белгилансин:

солиқ соҳасидаги жиноятлар ва бошқа ҳуқуқ бузилишларни аниқлаш, уларнинг олдини олиш ва уларни бартараф этиш;

солиқ органларида ҳисобда туришдан, солиқлар ва мажбурий тўловлар тўлашдан бош тортувчи юридик ва жисмоний шахсларни аниқлаш;

нақд пул маблағлари муомаласининг белгиланган тартиби бузилишларини аниқлаш, уларнинг олдини олиш ва уларга барҳам бериш;

тезкор-қидирув фаолиятини, суриштирувни ташкил этиш ҳамда, солиқ ҳақидаги қонунларни бузган шахсларни ҳуқуқни муҳофаза қилиш органлари билан ўзаро ҳамкорликда қидириш, давлатга етказилган зарарни белгиланган тартибда ундириб олишни таъминлаш чора-тадбирларини кўриш;

белгиланган тартибда жиноий ишлар қўзғаш ва уларни жиноят турига кўра ҳуқуқни муҳофаза қилиш органларига бериш;

солиқ соҳасида ҳуқуқ бузилишлар тўғрисидаги ахборотларни тўплаш, текшириш ва таҳлил қилиш.

4. Давлат солиқ қўмитаси марказий аппарати тузилмасида:

4-иловага мувофиқ Назорат-тафтиш бош бошқармаси ташкил этилсин, унга белгиланган тартибда назорат ишларини амалга ошириш ва ҳужжатларни текшириш ҳамда хўжалик юритувчи субъектларнинг молия-хўжалик фаолиятини тафтиш қилиш функцияси юклансин;

Режим ва кадрлар бош бошқармаси ташкил этилсин, унинг таркибида 5-иловага мувофиқ Давлат солиқ хизмати органларида коррупцияга қарши курашиш махсус бошқармаси тузиш назарда тутилсин.

5. Белгилансинки:

Солиқ соҳасида ҳуқуқ бузилишларга қарши тезкор курашиш бош бошқармаси ва унинг ҳудудий бошқармалари, Назорат-тафтиш бош бошқармаси Давлат солиқ қўмитаси раисининг биринчи ўринбосарига бўйсунади;

Режим ва кадрлар бош бошқармаси ўз фаолиятида Давлат солиқ қўмитаси раисининг режим ва кадрлар бўйича ўринбосарига бўйсунади.

6. Қуйидагилар:

Қорақалпоғистон Республикаси, вилоятлар ва Тошкент шаҳар давлат солиқ бошқармасининг намунавий тузилмаси 6, 6а, 6б ва 6в-иловаларга мувофиқ;

Туман, шаҳар, шаҳардаги туман давлат солиқ инспекциясининг намунавий тузилмаси 7 ва 7а-иловаларга мувофиқ тасдиқлансин.

7. Солиқ соҳасида ҳуқуқ бузилишларга қарши тезкор курашиш бош бошқармаси ва унинг ҳудудий бошқармалари, Назорат-тафтиш бош бошқармаси ходимлари учун республика бюджети ҳисобидан улар лавозим маошининг 20 фоизи миқдорида махсус устамалар жорий этилсин.

8. Ўзбекистон Республикаси Давлат солиқ қўмитаси:

икки ҳафта муддатда Ўзбекистон Республикаси Давлат солиқ қўмитаси тўғрисидаги Низомнинг янги таҳририни ҳамда Солиқ соҳасида ҳуқуқ бузилишларга қарши тезкор курашиш бош бошқармаси, Назорат-тафтиш бош бошқармаси, Режим ва кадрлар бош бошқармаси тўғрисидаги низомларни ишлаб чиқсин ва тасдиқлаш учун Вазирлар Маҳкамасига киритсин;

шу йил 1 майгача давлат солиқ, хизмати органлари ходимларининг янги кийим-бошини яратиш юзасидан танлов ўтказсин, бунда унга 2001 йилдан бошлаб ўтишни назарда тутсин.

9. Ўзбекистон Республикаси Молия вазирлиги Давлат солиқ қўмитаси билан биргаликда Солиқ соҳасида ҳуқуқ бузилишларга қарши тезкор курашиш бош бошқармасига ва унинг ҳудудий бошқармаларига хизмат кўрсатиш учун автотранспорт воситаларига қўшимча лимит ажратиш тўғрисидаги масалани бир ой муддатда ҳал қилсин.

10. Ўзбекистон Республикаси Ички ишлар вазирлиги Давлат солиқ қўмитасининг Солиқ соҳасида ҳуқуқ бузилишларга қарши тезкор курашиш бош бошқармаси тизимида ишлаш учун Ички ишлар вазирлиги Академияси битирувчилари орасидан тезкор-қидирув фаолияти бўйича мутахассисларни йўллашни назарда тутсин.

11. Вазирлар Маҳкамасининг Қурилиш ва қурилиш материаллари саноати комплекси (Исаев) Ўзбекистон Республикаси Давлат солиқ қўмитаси, Макроиқтисодиёт ва статистика вазирлиги, Молия вазирлиги Бухоро ва Фарғона вилоятлари ҳокимликлари билан биргаликда Бухоро ва Фарғона шаҳарларидаги иккита янгидан қурилган касб-ҳунар коллежларини аниқласин ва уларни икки ой муддатда ушбу коллежлар базасида 2000 йил 1 сентябргача ҳар бири 200 ўринли ихтисослаштирилган солиқ коллежлари ташкил этиш учун Давлат солиқ қўмитаси балансига берсин.

12. Ўзбекистон Республикаси Давлат солиқ қўмитаси ва Молия вазирлигининг Бухоро шаҳар ва Самарқанд шаҳар Давлат солиқ инспекцияларини, шунингдек Фарғона шаҳридаги Қиргули тумани Давлат солиқ инспекциясини тугатиш тўғрисидаги таклифи қабул қилинсин.

13. Қуйидагилар:

Ўзбекистон Республикаси Вазирлар Маҳкамасининг «Ўзбекистон Республикаси солиқ органларини янада мустаҳкамлаш чора-тадбирлари тўғрисида» 1992 йил 20 октябрдаги 483-сон қарори;

Ўзбекистон Республикаси Вазирлар Маҳкамасининг «Ўзбекистон Республикаси Давлат солиқ қўмитаси фаолиятини ташкил этиш масалалари тўғрисида» 1998 йил 12 январдаги 14-сон қарорининг 1 ва 3-бандлари, қарорга 1-6-иловалар ўз кучини йўқотган деб ҳисоблансин.

14. Ўзбекистон Республикаси Давлат солиқ қўмитаси Адлия вазирлиги ва Молия вазирлиги билан биргаликда бир ой муддатда Ўзбекистон Республикасининг амалдаги қонун ҳужжатларига тегишли ўзгартиришлар ва қўшимчалар киритиш юзасидан таклифлар тайёрласин.

15. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Б.С.Ҳамидов зиммасига юклансин.

1. Котибият

2. Ахборот-таҳлил бош бошқармаси

2.1. Ҳисобот ва солиқ тушумларини тезкор таҳлил қилиш бошқармаси

2.2. Ҳисобга олиш, ахборот таъминоти ва компьютерлаштириш бошқармаси

3. Биринчи бўлим

4. Юридик бўлим

5. Назорат қилувчи органлар фаолиятини мувофиқлаштириш бошқармаси

6. Матбуот хизмати

7. Солиқ соҳасида ҳуқуқ бузилишларга қарши тезкор курашиш бош бошқармаси

7.1. Тезкор-қидирув ишлари махсус бошқармаси

7.2. Солиқ соҳасидаги жиноятлар таҳлили ва статистикаси бошқармаси

7.3. Суриштирув бошқармаси

7.4. Солиқ соҳасида ҳуқуқ бузилишларга қарши курашиш ҳудудий бошқармалари

8. Назорат-тафтиш бош бошқармаси

8.1. Ҳужжатлар бўйича текширишларни ташкил этиш бошқармаси

8.2. Назорат тартибидаги текширишларни ташкил этиш бошқармаси

9. Хавфсизлик ва кадрлар бош бошқармаси

9.1. Хавфсизлик ва давлат солиқ хизмати органларида коррупцияга қарши курашиш махсус бошқармаси

9.2. Солиқ органларининг махсус назорат-тафтиш бошқармаси

9.3. Кадрлар ишлари бошқармаси

10. Навбатчи қисм

11. Солиқ коллежи

12. Ўқув маркази

13. Юридик шахслар томонидан солиқ тўғрисидаги қонунлар бажарилишини назорат қилиш бош бошқармаси

13.1. Даромад (фойда)дан солиқ олиш бошқармаси

13.2. Мулкий ва ресурс солиқлари бошқармаси

13.3. Билвосита солиқ солиш бошқармаси

14. Валюта назорати бош бошқармаси

14.1. Валюта назорати бошқармаси

14.2. Экспорт-импорт операциялари бошқармаси

14.3. Халқаро солиқ муносабатлари ва ҳамкорлик бошқармаси

15. Жисмоний шахслар томонидан солиқ тўғрисидаги қонунлар бажарилишини назорат қилиш бошқармаси

15.1. Жисмоний шахслар ва якка тартибдаги тадбиркорларга солиқ солиш бошқармаси

15.2. Услубият ва даромадлар тўғрисида декларация тўлдириш бўлими

15.3. Мулкий ва ресурс солиқлари бошқармаси

16. Солиқ солиш услубини такомиллаштириш бошқармаси

17. Молия ва бухгалтерия ҳисоби бошқармаси

18. Бутлаш, капитал қурилиш ва транспорт бошқармаси

19. Назорат-инспекторлик бўлими

20. Марказий аппаратнинг хўжалик бошқармаси

1. Назорат-инспекторлик бўлими

2. Юридик бўлим

3. Бухгалтерия ҳисоби ва бутлаш бўлими

4. Назорат органлари фаолиятини мувофиқлаштириш ва мониторинг олиб бориш бўлими

5. Биринчи бўлим

6. Ҳисобга олиш, таҳлил қилиш ва солиқ статистикаси бўлими

6.1. Ҳисобга олиш ва солиқ статистикаси шўъбаси

6.2. Маълумотлар базасига хизмат кўрсатиш шўъбаси

6.3. Техник хизмат кўрсатиш ва телекоммуникациялар шўъбаси

6.4. Муддатида тўланмаган тўловларни ундириб олиш шўъбаси

7. Юридик шахслар тўловларининг бюджетга тушишини назорат ва таҳлил қилиш бўлими

7.1. Юридик шахсларга солиқ солиш шўъбаси

7.2. Бошқа солиқлар ва йиғимлар шўъбаси

7.3. Валюта ва экспорт-импорт операцияларини назорат қилиш шўъбаси

8. Жисмоний шахсларга солиқ солиш ва назорат бўлими

9. Хавфсизлик ва солиқ органларида коррупцияга қарши курашиш бўлими

10. Кадрлар бўлими

11. Махсус назорат-тафтиш бўлими

12. Хўжалик юритувчи субъектларни ҳужжатлар бўйича ва назорат тартибида текширишларни ташкил этиш бўлими

13. Навбатчи қисм

1. Котибият

2. Назорат-инспекторлик бўлими

3. Юридик бўлим

4. Бухгалтерия ҳисоби ва бутлаш бўлими

5. Назорат органлари фаолиятини мувофиқлаштириш ва мониторинг олиб бориш бўлими

6. Биринчи бўлим

7. Ҳисобга олиш, таҳлил қилиш ва солиқ статистикаси бошқармаси

7.1. Ҳисобга олиш ва солиқ статистикаси бўлими

7.2. Маълумотлар базасига хизмат кўрсатиш бўлими

7.3. Техник хизмат кўрсатиш ва телекоммуникациялар шўъбаси

7.4. Муддатида тўланмаган тўловларни ундириб олиш бўлими

8. Юридик шахслар тўловларининг бюджетга тушишини назорат ва таҳлил қилиш бошқармаси

8.1. Юридик шахсларга солиқ солиш бўлими

8.2. Бошқа солиқлар ва йиғимлар бўлими

8.3. Валюта ва экспорт-импорт операцияларини назорат қилиш бўлими

9. Жисмоний шахсларга солиқ солиш бошқармаси

10. Хўжалик юритувчи субъектларни ҳужжатлар бўйича ва назорат тартибида текширишларни ташкил этиш бўлими

11. Сервис-Марказ

12. Кадрлар бўлими

13. Махсус назорат-тафтиш бўлими

14. Хавфсизлик ва солиқ органларида коррупцияга қарши курашиш бўлими

15. Навбатчи қисм

1. Бухгалтерия ҳисоби ва бутлаш бўлими

2. Назорат органлари, фаолиятини мувофиқлаштириш ва мониторинг олиб бориш шўъбаси ёки мутахассис

3. Назорат-инспекторлик шўъбаси ёки мутахассис

3. Ҳисобга олиш, таҳлил қилиш ва солиқ статистикаси бўлими

3.1. Солиқ тушумларини ҳисобга олиш шўъбаси

3.2. Маълумотлар базасига хизмат кўрсатиш шўъбаси

3.3. Муддатида тўланмаган тўловларни ундириб олиш шўъбаси

4. Юридик шахслар тўловларининг бюджетга тушишини назорат ва таҳлил қилиш бўлими

4.1. Назорат шўъбаси

4.2. Солиқ тўловчилар ҳисоботларини қабул қилиш ва таҳлил этиш шўъбаси

5. Жисмоний шахсларга солиқ солиш ва назорат бўлими

5.1. Жисмоний шахсларга солиқ солиш ва декларация шўъбаси

5.2. Якка тартибдаги тадбиркорларга солиқ солиш ва участка инспекторлари шўъбаси

6. Хавфсизлик ва солиқ органларида коррупцияга қарши курашиш шўъбаси ёки мутахассис

7. Кадрлар ишлари шўъбаси

8. Навбатчи қисм