Халқ хўжалиги ва аҳолининг темир йўл транспортида юк ва йўловчиларни ташиш эҳтиёжларини тўла қондириш ҳамда темир йўлнинг барқарор ва хавф-хатарсиз ишлашини таъминлаш мақсадида:
1. Темир йўл транспорти тизимининг Ўзбекистон Республикаси ҳудудида жойлашган темир йўл корхоналари ва темир йўл бўлимлари, саноат, қурилиш, савдо ва таъминот корхоналари, халқ таълими, соғлиқни сақлаш, маданият ва спорт, лойиҳа-конструкторлик ташкилотлари, бошқа ташкилотлари, корхоналари ва муассасалари негизида «Ўзбекистон темир йўллари» давлат-акционерлик компанияси ташкил этилсин.
Олдинги таҳрирга қаранг.
(2-банд Ўзбекистон Республикаси Президентининг 2001 йил 2 мартдаги ПФ-2815-сон Фармонига мувофиқ ўз кучини йўқотган — Олий Кенгаш Ахборотномаси, 2001 й., 3-сон, 54-модда)
Олдинги таҳрирга қаранг.
3. «Ўзбекистон темир йўллари» Акциядорлик жамиятининг қуйидаги асосий вазифалари ва фаолият йўналишлари белгилаб қўйилсин:
(3-банднинг биринчи хатбошиси Ўзбекистон Республикаси Президентининг 2020 йил 20 мартдаги ПФ-5971-сонли Фармони таҳририда — Қонун ҳужжатлари маълумотлари миллий базаси, 20.03.2020 й., 06/20/5971/0348-сон)
темир йўл транспортида юк ва йўловчиларни ташиш соҳасида бозор талабларини тадқиқ этиш, уни ривожлантириш истиқболини белгилаш ва Ўзбекистон Республикаси иқтисодиётини таркибий қайта қуришни ҳисобга олган ҳолда жойлаштириш;
темир йўл транспорти хизматидан фойдаланадиган корхоналарга таклиф этиладиган кўп йўналишдаги хизмат соҳасини вужудга келтириш асосида транспорт хизмати бозорида темир йўл транспортининг рақобатга бардошлигини таъминлаш;
темир йўл тармоқлари иши барқарорлигини, поездларни ўтказиш қобилиятини оширишга доир чора-тадбирлар мажмуини ишлаб чиқиш ва амалга ошириш;
Олдинги таҳрирга қаранг.
темир йўл транспортини комплекс ривожлантиришга қаратилган илмий-техник ютуқлар, янги техника ва технологиялар, инвестиция дастурларини ишлаб чиқиш ва темир йўл транспортида жорий этиш;
(3-банднинг бешинчи хатбошиси Ўзбекистон Республикаси Президентининг 2020 йил 20 мартдаги ПФ-5971-сонли Фармони таҳририда — Қонун ҳужжатлари маълумотлари миллий базаси, 20.03.2020 й., 06/20/5971/0348-сон)
Олдинги таҳрирга қаранг.
сарф-харажатларни камайтириш ва фойдаланувчи мижозларга хизмат кўрсатиш сифатини оширишни ҳисобга олган ҳолда юк, йўловчи, почта ва багажни ташишга оид тарифларни (тариф ставкаларини) ишлаб чиқиш ва ваколатли органлар билан келишиш.
(3-банднинг олтинчи хатбошиси Ўзбекистон Республикаси Президентининг 2020 йил 20 мартдаги ПФ-5971-сонли Фармони таҳририда — Қонун ҳужжатлари маълумотлари миллий базаси, 20.03.2020 й., 06/20/5971/0348-сон)
Олдинги таҳрирга қаранг.
(4-банд Ўзбекистон Республикаси Президентининг 2001 йил 2 мартдаги ПФ-2815-сон Фармонига мувофиқ ўз кучини йўқотган — Олий Кенгаш Ахборотномаси, 2001 й., 3-сон, 54-модда)
5. Ўзбекистон Республикаси Вазирлар Маҳкамаси ўн кун муддатда «Ўзбекистон темир йўллари» давлат-акционерлик компаниясининг фаолиятини ташкил этиш тўғрисида қарор қабул қилсин, унинг таркибини ва низомини тасдиқласин.