Қайд этиб ўтилсинки, республикада Соғлиқни сақлаш тизимини ислоҳ қилишнинг биринчи босқичи умуман муваффақиятли амалга оширилмоқда. Кечиктириб бўлмайдиган тез тиббий ёрдам тизими — Республика шошилинч тиббий ёрдам маркази, вилоят марказлари ва туман марказий шифохоналарида ихтисослаштирилган бўлимлар тузилган бўлиб, улар аҳолига тезкор бепул шошилинч тиббий ёрдам кўрсатилишини таъминламоқда.
Кечиктириб бўлмайдиган тез тиббий ёрдам муассасалари замонавий ташхис ва даволаш ускуналари билан жиҳозланмоқда.
Шифокорларнинг малакаси ҳамда замонавий тиббий техника билан жиҳозлашни ҳисобга олган ҳолда кечиктириб бўлмайдиган тез тиббий ёрдам тизими шифокорлари ҳамда тиббиёт ходимларининг меҳнатини ташкил этиш ва моддий рағбатлантириш тизими муттасил такомиллаштириб борилмоқда.
Аҳолига, энг аввало қишлоқ жойлардаги аҳолига бирламчи тиббий-санитария ёрдами тизими ислоҳ қилинмоқда. Республиканинг барча туманларида замонавий тиббий ускуналар ва дори-дармонлар билан таъминланган қишлоқ врачлик пунктлари ташкил этилмоқда.
Соғлиқни сақлаш тизимидаги ислоҳотларни янада чуқурлаштириш, республикада юксак жаҳон талаблари даражасидаги юқори технологияли ихтисослаштирилган тиббий марказларни шакллантириш, Илғор тиббий технологияларни кенг жорий этишнинг ташкилий, молиявий-иқтисодий ва ҳуқуқий шарт-шароитларини вужудга келтириш мақсадида:
1. Илғор чет эл тажрибасини ҳисобга олган ҳолда юқори малакали ихтисослаштирилган тиббий ёрдамга муҳтож беморларни қабул қилувчи ҳамда замонавий ташхис ва даволаш тиббий ускуналаридан фойдаланиб даволайдиган махсус клиникалар ва тиббий марказларни ташкил этиш Ўзбекистонда соғлиқни сақлаш тизимини ислоҳ қилиш иккинчи босқичининг энг муҳим вазифаси деб ҳисоблансин.
2. Белгилаб қўйилсинки, махсус клиникалар ва тиббий марказлар, қоида тариқасида, қуйидаги талабларга мос келиши лозим:
яхши тайёргарлик кўрган ва ўз тиббиёт соҳасида тан олинган ҳамда юксак обрў-эътибор қозонган шифокор-мутахассисларга эга бўлиш;
юқори технологияли ташхис ва даволаш тиббий ускуналари билан жиҳозланган замонавий моддий-техника базасига эга бўлиш;
ўз тиббий амалиётида юксак жаҳон талабларига мос келадиган даволаш ва ташхиснинг мураккаб усулларини жорий этиш ҳамда кенг қўллаш.
3. Ўзбекистон Республикаси Вазирлар Маҳкамаси Ижтимоий комплекси, Соғлиқни сақлаш вазирлиги ва Молия вазирлигининг тажриба тариқасида қуйидагиларни ташкил этиш тўғрисидаги таклифи қабул қилинсин:
Кейинги таҳрирга қаранг.
Ўзбекистон Республикаси Соғлиқни сақлаш вазирлигининг Урология илмий маркази негизида Республика ихтисослаштирилган урология маркази;
Ўзбекистон Республикаси Соғлиқни сақлаш вазирлигининг академик В. Воҳидов номидаги Жарроҳлик илмий маркази негизида Республика ихтисослаштирилган жарроҳлик маркази;
Тошкент шаҳридаги Тошкент вилоят кўз микрохирургияси маркази негизида Республика ихтисослаштирилган кўз микрохирургияси маркази;
Кардиология илмий-тадқиқот институти ва Тошкент шаҳридаги 15-шаҳар клиник шифохонаси негизида Республика ихтисослаштирилган кардиология маркази.
Кейинги таҳрирга қаранг.
4. Қуйидагилар ташкил этилаётган ихтисослаштирилган тиббий марказларнинг асосий вазифалари этиб белгилансин:
Марказ фаолиятининг тегишли соҳаси бўйича замонавий ташхис усулларини жорий этиш ҳамда аҳолига юқори малакали ихтисослаштирилган тиббий ёрдам кўрсатиш;
мавжуд тиббий техника ва аппаратларнинг доимий янгиланиб ва замонавийлаштириб борилишини таъминлаш, марказни илғор жаҳон ютуқлари даражасида юқори малакали ихтисослаштирилган тиббий ёрдам кўрсатиш имконини берадиган замонавий тиббий асбоб-ускуналар билан жиҳозлаш;
Марказнинг ўзини-ўзи молиялаш ва ўзини-ўзи қоплаш шартлари асосида фаолият кўрсатишини таъминлаш учун молиявий ва моддий-техникавий ресурсларни жалб этиш борасидаги менежмент ва маркетинг ишларини ташкил этиш;
Марказ тиббиёт ходимларининг, шу жумладан мутахассисларнинг етакчи хорижий тиббиёт ўқув муассасалари ва клиникаларда амалий малака орттиришларини ташкил этиш ҳисобига касб маҳоратини доимий ошириб бориш ва такомиллаштириш;
беморларни даволашнинг ўз илғор усуллари ва технологияларини ишлаб чиқиш ҳамда тиббий амалиётга жорий этишга қаратилган илмий тадқиқотлар ўтказиш;
соҳага алоқадор илғор хорижий тиббиёт муассасалари ва марказлари билан халқаро ҳамкорликни кенгайтириш ҳамда мустаҳкамлаш, ахборот, тўпланган тажриба ва мутахассисларни кенг кўламда айирбошлашни таъминлаш.
Кейинги таҳрирга қаранг.
давлат номидан Ўзбекистон Республикаси Давлат мулки қўмитаси ва Молия вазирлиги ҳамда Марказ Кенгаши тимсолида Марказнинг меҳнат жамоаси Республика ихтисослаштирилган тиббий марказларнинг муассислари ҳисобланадилар;
Кейинги таҳрирга қаранг.
давлат томонидан мададга муҳтож бўлган шахслар (имтиёзли тоифадаги шаxслар)га давлат бюджети маблағлари ҳисобидан юқори малакали ихтисослаштирилган тиббий ёрдам кўрсатилади;
Марказнинг фаолияти давлат бюджети маблағлари, Марказнинг ўз даромадлари ва жалб этиладиган манбалар (грантлар, ҳомийларнинг маблағлари ва бошқалар) ҳисобига аралаш асосда молияланади. Бунда давлат бюджети маблағлари ҳар бир Марказга Ўзбекистон Республикаси Соғлиқни сақлаш вазирлиги орқали харажат моддалари бўйича тақсимланмаган ҳолда алоҳида сатр билан ажратилади.
6. Ўзбекистон Республикаси Молия вазирлиги ҳар йилги республика бюджетларини шакллантириш чоғида Соғлиқни сақлаш вазирлиги билан биргаликда 2004 йилдан бошлаб Республика ихтисослаштирилган марказларининг узоғи билан 2008 йилда ўзини-ўзи молиялаш ва ўзини-ўзи қоплашга ўтишини назарда тутган ҳолда ушбу Марказларни сақлашга бюджет маблағларининг жорий харажатлари босқичма-босқич камайтириб борилишини кўзда тутсин.
Кейинги таҳрирга қаранг.
7. Ўзбекистон Республикаси Давлат мулки қўмитаси, Молия вазирлиги республика ихтисослаштирилган марказлари фаолиятининг натижаларини ҳисобга олган ҳолда 2006 йилнинг 1 январига бориб Марказларнинг устав жамғармасига топширилган давлат мулкини имтиёзли шартлар билан меҳнат жамоасига мулк сифатида сотиш тўғрисидаги таклифларни Вазирлар Маҳкамасига тақдим этсин.
8. Марказ меҳнат жамоасининг умумий йиғилиши томонидан сайланадиган Марказ Кенгаши Республика ихтисослаштирилган тиббий марказининг юқори бошқарув органи деб ҳисобланиши белгилаб қўйилсин.
Кейинги таҳрирга қаранг.
Кенгаш аъзолари ичидан Ўзбекистон Республикаси Соғлиқни сақлаш вазирлигининг тақдимномаси бўйича Ҳукумат қарори билан тайинланадиган директор Марказ Кенгашининг раиси ҳисобланади.
лавозимлар рўйхатини мустақил равишда ишлаб чиқиш ва тасдиқлаш, Марказ ходимларининг меҳнатига ҳақ тўлаш ва моддий рағбатлантириш шартларини бажариладиган ишларнинг мураккаблик даражаси, сифати ва ҳажмига нисбатан табақалаштирилган тарзда белгилаш.
Республика ихтисослаштирилган тиббий марказини барпо этиш ва унинг фаолиятини ташкил қилиш тартиби тўғрисида 1-иловага мувофиқ Низом;
Кейинги таҳрирга қаранг.
Республика ихтисослаштирилган марказлари томонидан давлат бюджети маблағлари ҳисобига тиббий ёрдам кўрсатиладиган имтиёзли тоифадаги шахсларнинг 2-иловага мувофиқ рўйхати.
Кейинги таҳрирга қаранг.
11. Ўзбекистон Республикаси Молия вазирлиги, Соғлиқни сақлаш вазирлиги ташкил қилинаётган ихтисослаштирилган марказлар билан биргаликда бир ой муддатда белгиланган тартибда қуйидагиларни ишлаб чиқиб, тасдиқласин:
ташхис ва даволаш сифати стандартларига риоя этган ҳолда юқори малакали ихтисослаштирилган тиббий ёрдам кўрсатиш бўйича Республика марказлари томонидан аҳолига пулли хизмат кўрсатиш қоидалари;
LexUZ шарҳи
Ўзбекистон Республикаси Вазирлар Маҳкамасининг 2004 йил 8 июндаги 264-сонли қарори билан тасдиқланган Республика ихтисослаштирилган тиббиёт марказлари томонидан ташхис қўйиш ва даволаш сифати стандартларига риоя қилган ҳолда аҳолига пулли асосда юқори малакали ихтисослаштирилган тиббий ёрдам кўрсатиш қоидаларига қаранг.
LexUZ шарҳи
Ўзбекистон Республикаси Вазирлар Маҳкамасининг 2004 йил 8 июндаги 264-сонли қарори билан тасдиқланган Республика ихтисослаштирилган марказлари даромадларини шакллантиришнинг асосий манбалари ва улар фаолиятини молиялаштириш тартиби тўғрисида низомга қаранг.
ихтисослаштирилган марказлар томонидан пулли тиббий ёрдам кўрсатиш учун тарифларни шакллантириш ва тасдиқлаш тартиби;
LexUZ шарҳи
Ўзбекистон Республикаси Вазирлар Маҳкамасининг 2004 йил 8 июндаги 264-сонли қарори билан тасдиқланган Имтиёзли тоифага кирувчи беморларга ордер бериш, уларни шифохонага жойлаштириш ва давлат бюджети маблағлари ҳисобига даволаш қийматини тўлаш тартибига қаранг.
Ўзбекистон Республикаси Молия вазирлиги Республика ихтисослаштирилган марказларининг бюджет маблағларидан, тасдиқланган тарифлардан мақсадли ва қонуний фойдаланиши устидан қатъий назорат ўрнатсин.
Кейинги таҳрирга қаранг.
12. Ўзбекистон Республикаси Соғлиқни сақлаш вазирлиги Иқтисодиёт вазирлиги, Молия вазирлиги билан биргаликда бир ой муддатда мазкур Республика ихтисослаштирилган марказларини даволаш ва ташхис ускуналари, тиббиёт асбоблари билан жиҳозлаш нормативларини ишлаб чиқиб, Вазирлар Маҳкамасига тасдиқлаш учун киритсин, ана шу нормативлар асосида 2003 йилдан бошлаб республика инвестиция дастурларида уларни замонавий тиббиёт ускуналари ва асбоблари билан тўлиқ таъминлаш учун зарур капитал маблағлар кўзда тутилсин.
13. Давлат томонидан қўллаб-қувватлаш мақсадида ушбу Республика ихтисослаштирилган марказлари ўз эҳтиёжлари учун олиб келинадиган тиббиёт ускуналари ва асбоблари учун 2003 йилнинг 1 мартидан то 2012 йилнинг 31 декабрига қадар 10 йил муддатга барча турдаги солиқлар, божхона тўловлари (божхона расмийлаштируви учун йиғимлардан ташқари) тўлашдан озод қилинсин, бўшайдиган маблағлар Марказларни ривожлантириш ва жиҳозлашга мақсадли тарзда йўналтирилсин.
14. Ўзбекистон Республикаси Молия вазирлиги, Соғлиқни сақлаш вазирлиги Республика ихтисослаштирилган марказлари ва бошқа манфаатдор тузилмалар билан биргаликда 2003 йилда амалга ошириладиган тажриба таҳлили натижалари бўйича Марказларнинг норматив базасини, улар фаолиятини ташкил этиш ва молиялаш тизимини янада такомиллаштириш юзасидан Вазирлар Маҳкамасига аниқ таклифлар киритсин.
15. Ўзбекистон Республикаси Адлия вазирлиги тегишли вазирликлар ва идоралар билан биргаликда бир ой муддатда амалдаги қонунчиликка ушбу Фармондан келиб чиқадиган ўзгартиш ва қўшимчалар киритиш тўғрисидаги таклифларни Вазирлар Маҳкамасига тақдим этсин.
16. Ўзбекистон Республикаси Вазирлар Маҳкамаси икки ҳафта муддатда мазкур Фармонни ижро этиш юзасидан Ҳукумат қарорини қабул қилсин.
LexUZ шарҳи
Ўзбекистон Республикаси Вазирлар Маҳкамасининг 2003 йил 17 мартдаги 140-сонли «Республика ихтисослаштирилган тиббиёт марказлари фаолиятини ташкил этиш масалалари тўғрисида»ги ва Ўзбекистон Республикаси Вазирлар Маҳкамасининг 2004 йил 8 июндаги 264-сонли «Соғлиқни сақлаш тизимида экспериментни тугаллаш ва ислоҳотларни чуқурлаштириш чора-тадбирлари тўғрисида»ги қарорларига қаранг.
17. Ушбу Фармоннинг ижросини назорат қилиш Ўзбекистон Республикаси Бош вазири Ў. Т. Султонов зиммасига юклатилсин.
Ушбу Низом Республика иxтисослаштирилган тиббий марказлар ва клиникаларни (қуйида — «Марказ» деб юритилади) барпо этиш, фаолиятини ташкил қилиш ва молиялаш тартибини белгилаб беради.
1. Марказ Ҳукумат қарори асосида муайян соҳа бўйича даволаш-профилактика ва илмий-методик фаолиятни амалга оширувчи ҳамда аҳолига юқори малакали ихтисослаштирилган тиббий ёрдам кўрсатувчи мустақил ихтисослаштирилган тиббий муассаса сифатида барпо этилади.
2. Марказ ўз фаолиятида Ўзбекистон Республикасининг қонунларига, Ўзбекистон Республикаси Президентининг фармон ва фармойишларига, Ўзбекистон Республикаси Вазирлар Маҳкамасининг қарор ва фармойишларига, шунингдек ушбу Низомга амал қилади.
яхши тайёргарлик кўрган ва ўз тиббиёт соҳасида тан олинган ҳамда юксак обрў-эътибор қозонган шифокор-мутахассисларга эга бўлиш;
юқори технологияли ташхис ва даволаш ускуналари билан жиҳозланган замонавий моддий-техника базасига эга бўлиш;
ўз тиббий фаолиятида жаҳон стандартларига мос келадиган даволаш ва ташхиснинг мураккаб усулларини жорий этиш ҳамда кенг қўллаш.
юксак сифатли ва жаҳон стандартлари даражасида ихтисослаштирилган тиббий ёрдам кўрсатиши лозим бўлган юқори технологияли моддий ва илмий базани ҳамда ўз тиббиёт мактабини шакллантириш;
аҳолининг ташхис, даволаш ва профилактика бўйича ихтисослаштирилган, юқори технологияли тиббий ёрдамга бўлган талаб-эҳтиёжини қондириш.
а) замонавий ташхис усулларини жорий этиш ҳамда қуйидагиларга юқори малакали ихтисослаштирилган тиббий ёрдам кўрсатиш:
давлат томонидан мададга муҳтож бўлган шахслар (имтиёзли тоифадаги шахсларга) давлат бюджети маблағлари ҳисобидан поликлиникаларнинг мавжуд ўрин фонди ва қабул қилиш қувватининг 20 фоизига қадар ҳажмда;
Ўзбекистон Республикаси фуқароларига, шунингдек хорижий фуқаролар ва фуқаролиги бўлмаган шахсларга асосан пулли тиббий хизмат кўрсатиш;
б) мавжуд тиббий техника ва аппаратларнинг доимий янгиланиб ва замонавийлаштириб борилишини таъминлаш, Марказни илғор жаҳон ютуқлари даражасида юқори малакали ихтисослаштирилган тиббий ёрдам кўрсатиш имконини берадиган замонавий тиббий асбоб-ускуналар билан жиҳозлаш;
в) Марказнинг ўзини-ўзи тўлиқ молиялаш ва ўзини-ўзи қоплаш шартлари асосида фаолият кўрсатишини таъминлаш учун молиявий ва моддий-техникавий ресурсларни жалб этиш борасидаги менежмент ва маркетинг ишларини ташкил этиш;
г) Марказ тиббиёт ходимларининг, шу жумладан мутахассисларнинг етакчи хорижий тиббиёт ўқув муассасалари ва клиникаларда амалий малака орттиришларини ташкил этиш ҳисобига касб маҳоратини доимий ошириб бориш ва такомиллаштириш;
д) беморларни даволашнинг ўз илғор усуллари ва технологияларини ишлаб чиқиш ҳамда тиббий амалиётга жорий этишга қаратилган илмий тадқиқотлар ўтказиш;
е) Марказ йўналишлари бўйича касалликларни даволаш ва ташхис қўйишнинг патентланган ўз усуллари ҳамда технологияларини муттасил такомиллаштириб бориш ва халқаро миқёсда эътироф этилишига эришиш;
з) соҳага алоқадор илғор хорижий тиббиёт муассасалари ва марказлари билан халқаро ҳамкорликни кенгайтириш ҳамда мустаҳкамлаш, ахборот, тўпланган тажриба ва мутахассисларни кенг кўламда айирбошлашни таъминлаш.
республика аҳолисининг жаҳон стандартлари даражасида ўз соҳаси бўйича касалликларга ташхис қўйиш, уларни даволаш ва олдини олишнинг энг самарали, мураккаб ва юқори технологияли усулларига бўлган эҳтиёжини таъминлайди;
тиббиётнинг аниқ бир соҳасида касалликларга ташхис қўйиш, уларни даволаш ва олдини олишнинг илғор самарали усуллари ҳамда технологияларини ишлаб чиқиб, тадбиқ этади;
шифокор-мутахассисларнинг ўз мактабини шакллантиради ва ривожлантиради ҳамда республиканинг бошқа муассасаларини ўз соҳаси бўйича юқори малакали мутахассислар билан таъминлайди;
Марказ йўналишлари бўйича дори-дармонларни, тиббий аҳамиятдаги воситаларни ҳамда касалликларга ташхис қўйиш ва уларни даволаш усулларини ишлаб чиқади, тайёрлаб чиқаради ва клиник синовларини амалга оширади;
ўз соҳаси бўйича илмий-тадқиқот фаолиятини амалга оширади ҳамда Марказ томонидан ишлаб чиқилган ташхис ва даволаш услубларини республиканинг бошқа тиббиёт муассасаларида кенг жорий этиш бўйича методологик ишларни олиб боради;
Марказни ихтисослаштириш асосида тиббиёт соҳасидаги илмий-тадқиқотларни ривожлантиришнинг устувор йўналишлари бўйича таклифларни Фан ва технологиялар марказига кўриб чиқиш учун киритади;
Кейинги таҳрирга қаранг.
Марказ фаолияти соҳалари бўйича ўзининг илмий, ўқув-услубий ва ахборот-маълумотнома материалларини тайёрлайди ҳамда нашр этади.
7. Марказ барча фаолият соҳаларидаги ўз муносабатларини шартнома, битим, контрактлар асосида ташкил этади ҳамда уларни Ўзбекистон Республикаси қонунчилиги, шунингдек Марказ фаолияти мақсад ва мавзуси доирасида юридик ҳамда жисмоний шахслар билан тузади.
Олдинги таҳрирга қаранг.
Кейинги таҳрирга қаранг.
8. Марказ кўрсатилаётган барча турдаги тиббий хизматлар, бажариладиган ишлар, ишлаб чиқариладиган ва сотиладиган маҳсулотларнинг тариф ва нархларини Ўзбекистон Республикасининг Монополиядан чиқариш, рақобат ва тадбиркорликни қўллаб-қувватлаш ҳамда Молия вазирлиги билан келишилган ҳолда мустақил белгилашга ҳақлидир.
(8-банд Ўзбекистон Республикаси Президентининг 2005 йил 19 июлдаги ПФ-3626-сон Фармони таҳририда — Ўзбекистон Республикаси Қонун ҳужжатлари тўплами, 2005 й., 28-29-сон, 204-модда)
9. Марказ мўлжалланган мақсадларга эришиш ва зиммасига юкланган вазифаларни бажариш учун белгиланган тартибда қуйидаги ҳуқуқларга эга:
ривожланиш бизнес-режаларини, ўз бюджетини мустақил равишда шакллантириш, уларнинг ҳажмлари, харажатларни шакллантириш ва йўналтириш манбаларини белгилаш;
белгиланган тартибда асосий воситаларни ижарага олиш, кредитлар, қарзлар, грантларни ва бошқа молиявий ёрдамни жалб этиш;
амалдаги қонунчиликка мувофиқ Марказ ходимларининг меҳнатига ҳақ тўлаш ва моддий рағбатлантириш миқдорларини бюджет маблағлари ҳамда пулли тиббий хизмат кўрсатишдан олинадиган даромадлар доирасида мустақил белгилаш;
Марказ фаолияти йўналишлари бўйича илмий-тадқиқотларни ўтказиш учун давлат бюджетидан грантлар олиш мақсадида танловларда иштирок этиш;
хўжалик фаолиятини амалга ошириш жараёнида яратилган ақлий мулк объектларига нисбатан муаллифлик ҳуқуқларини олиш ва фойдаланиш;
Ўзбекистон Республикасининг қонунчилигига ҳамда Ўзбекистон Республикасининг халқаро шартномаларига мувофиқ хорижий юридик шахслар билан илмий ва илмий-техникавий ҳамкорликни ҳамда ташқи иқтисодий фаолиятни амалга ошириш;
Ўзбекистон Республикасининг қонунчилигига, Марказ фаолиятининг мақсад ва вазифаларига зид бўлмаган бошқа турдаги ишларни амалга ошириш.
соҳа бўйича юқори малакали ихтисослаштирилган тиббий ёрдамга муҳтож беморларга ташхис қўйиш ва уларни даволаш сифати ҳамда стандартларини замонавий жаҳон талаблари даражасида сақлаш ва ривожлантиришни таъминлаш;
имтиёзли тоифадаги беморларга поликлиникаларнинг мавжуд ўрин фонди ва қабул қилиш қувватининг 20 фоизига қадар ҳажмда юқори малакали ихтисослаштирилган бепул ёрдам кўрсатиш;
Марказ ходимларини тегишли соҳадаги етакчи хорижий клиникаларда тор ихтисослар бўйича мунтазам суратда қайта тайёрлаш ва малакасини ошириш;
Марказ ходимларига меҳнатни ташкил этиш ва унга ҳақ тўлашнинг қонунчиликда кўзда тутилган шарт-шароитларини, хавфсизлик техникасини таъминлаш, ижтимоий таъминот ва аниқ ижтимоий муҳофазани кафолатлаш;
Марказнинг моддий-техника базасини ўз маблағлари ҳисобига замонавий тиббий техника ва технологиялар билан мустаҳкамлаш ҳамда ривожлантириш;
11. Марказ директори, шунингдек дахлдор ходимлар Марказ ходимларининг айби билан инсон соғлигига зиён етказилган ёки нобуд бўлган ҳоллар учун тўла моддий, маъмурий ва жиноий жавобгарликка тортиладилар.
12. Давлат номидан Ўзбекистон Республикаси Давлат мулки қўмитаси ва Молия вазирлиги ҳамда Марказнинг меҳнат жамоаси Марказ муассислари ҳисобланадилар, Марказ Кенгаши унинг манфаатларини ифода этади.
Кейинги таҳрирга қаранг.
асосий воситалар (тиббиёт муассасасининг бинолари ва иншоотлари, тиббий ускуналар, асбоблар ва анжомлар ҳамда бошқалар) ҳолидаги давлат мулки ва оборотдан ташқари активлар;
тиббий хизматлар, ишлар ва маҳсулотларни сотишдан олинадиган, моддий-техника базасини ривожлантиришга ҳамда тиббий ускуналар ва технологияларни сотиб олишга сарфланадиган даромадлар;
14. Марказнинг устав жамғармасига топшириладиган давлат мулкининг қиймати Ўзбекистон Республикаси Давлат мулки қўмитаси томонидан Марказ таъсис этилган пайтда белгиланади.
Кейинги таҳрирга қаранг.
Давлат мулки Марказга ишончли бошқарув ҳуқуқи билан Марказ мақсадлари ва вазифаларига қатъий мувофиқ равишда фойдаланиш учун топширилади.
15. Марказнинг моддий-техника базасини ривожлантириш ва замонавий тиббий ускуналар сотиб олишга йўналтириладиган даромадлари меҳнат жамоасининг улуши сифатида устав жамғармасига қўшилади.
16. Марказнинг устав жамғармасига топширилган давлат мулки Ўзбекистон Республикаси Вазирлар Маҳкамасининг қарорига биноан имтиёзли шартлар билан унинг меҳнат жамоасига мулк сифатида сотилиши мумкин.
17. Марказ юридик шахс сифатида ўзи жойлашган ер майдонига Ўзбекистон Республикасининг Ер кодекси ва бошқа қонун ҳужжатларига мувофиқ доимий эгалик қилиш ҳамда фойдаланиш ҳуқуқи билан эгалик қилади.
18. Марказнинг давлат эгалигидаги мулки Ўзбекистон Республикаси Давлат мулки қўмитаси билан келишилган ҳолдагина гаровга қўйилиши, айирбошланиши ёки сотилиши мумкин.
Кейинги таҳрирга қаранг.
19. Марказга ишончли бошқарув ҳуқуқи билан бириктирилган мулкдан мақсадга мувофиқ фойдаланилиши ва унинг сақланиши устидан назоратни Ўзбекистон Республикаси Давлат мулки қўмитаси қонунчиликда белгиланган тартибда амалга оширади.
Кейинги таҳрирга қаранг.
Марказ Кенгаши Марказ директоридан, Марказнинг етакчи тиббиёт ва илмий ходимларидан таркиб топган 7 кишидан иборат бўлади. Марказ Кенгашининг ишида Ўзбекистон Республикаси Давлат мулки қўмитаси ва Молия вазирлигидан вакил қилинган шахслар иштирок этадилар.
Кейинги таҳрирга қаранг.
Марказ Кенгаши тўғрисидаги низом ва унинг шахсий таркиби Марказ меҳнат жамоаси умумий йиғилишининг қарори билан тасдиқланади.
Марказнинг молия-хўжалик ва тиббиёт соҳасидаги фаолиятини бошқариш, шунингдек Марказнинг иш самарадорлигини оширишга қаратилган тавсияларни ишлаб чиқиш;
ривожланиш стратегиясини ишлаб чиқиш, Марказ инвестиция ва фан-техника сиёсатининг асосий йўналишларини белгилаш;
Марказ тузилмасини ҳамда Марказ ичидаги, шунингдек унинг филиаллари ва ваколатхоналари муносабатларини тартибга солувчи норматив ҳужжатларни тасдиқлаш.
22. Ўзбекистон Республикаси Соғлиқни сақлаш вазирлигининг тақдимномасига биноан Ўзбекистон Республикаси Вазирлар Маҳкамаси томонидан лавозимга тайинланадиган ва озод этиладиган директор Марказнинг жорий фаолиятига раҳбарлик қилади.
ўз фаолиятини Марказ номидан амалга оширади, Марказнинг жорий молия-хўжалик фаолиятига раҳбарлик қилади, Марказ номидан шартнома ва контрактлар тузади, Марказнинг жорий фаолияти билан боғлиқ бўлган бошқа масалаларни ҳал этади;
Марказ Кенгашида тасдиқлаш учун директор ўринбосарлари лавозимига номзодлар бўйича таклифлар киритади ва зарур ҳолларда илмий-услубий ва тиббий Кенгашларни тузади;
Марказ ходимларининг ишини ташкил қилади ва бошқаради, ўз ваколатлари доирасида Марказ ходимлари бажариши учун мажбурий бўлган буйруқлар чиқаради, амалдаги қонунчиликка мувофиқ Марказ ходимларини ишга қабул қилади ва бўшатади;
Марказ директорининг ўринбосарлари, филиал ва ваколатхоналарининг раҳбарлари Марказ директорининг тақдимномасига биноан Марказ Кенгаши томонидан лавозимга тайинланадилар ва озод қилинадилар.
24. Марказнинг ушбу Низомда белгиланган вазифалари амалга оширилишини таъминлайдиган асосий функционал таркибий бўлинмалари қуйидагилардан иборат: қабул қилиш бўлими; госпитал бўлими; даволаш-ташхис қўйиш, патологоанатомия, лаборатория, шунингдек маъмурий-хўжалик ва техник хизматлар; илмий-тадқиқот қисми ва бошқалар.
25. Ўзбекистон Республикаси ҳудудида ва унинг ташқарисида ташкил этиладиган филиаллар ҳамда ваколатхоналар белгиланган тартибда Марказнинг ташкилий тузилмасига кириши мумкин.
Филиаллар ҳамда ваколатхоналар юридик шахс ҳисобланмайди ва улар ўзи тўғрисидаги низомга мувофиқ фаолият кўрсатади. Филиаллар ва ваколатхоналар тўғрисидаги низомлар ҳамда уларга киритиладиган ўзгартиш ва қўшимчалар амалдаги қонунчиликда ва ушбу Низомда белгиланган тартибда Марказ томонидан тасдиқланади.
имтиёзли тоифадаги беморларга поликлиникаларнинг мавжуд ўрин фонди ва қабул қилиш қувватининг 20 фоизига қадар ҳажмда юқори малакали ихтисослаштирилган бепул ёрдам кўрсатиши учун Марказ харажатларини қоплашга;
Кейинги таҳрирга қаранг.
Ўзбекистон Республикаси Соғлиқни сақлаш тизимини ислоҳ қилиш давлат дастури доирасида Марказни замонавий тиббий ускуна ва техника билан жиҳозлашга ҳамда йиллик инвестиция дастурларига;
тиббий ёрдамнинг айрим мураккаб юқори технологияли (қимматли) турларига белгиланган имтиёзли тарифлар бўйича аҳолига тиббий хизмат кўрсатиш сарф-харажатларини қоплашга. Бундай тиббий ёрдам турларининг рўйхати Молия вазирлиги билан келишилган ҳолда Соғлиқни сақлаш вазирлиги томонидан белгиланади.
Кейинги таҳрирга қаранг.
Марказ харажатларини давлат бюджети маблағлари ҳисобидан молиялаш тартиби тиббий хизматнинг мазкур турига бўлган эҳтиёжга қараб «Ўзбекистон Республикаси Молия вазирлиги томонидан Соғлиқни сақлаш вазирлиги ва Марказ билан биргаликда белгиланади.
Кейинги таҳрирга қаранг.
бюджет маблағлари Марказга ҳар ойда Ўзбекистон Республикаси Соғлиқни сақлаш вазирлиги орқали моддалар бўйича тақсимланмаган ҳолда алоҳида сатр билан ажратилади;
молиявий таъминот мустаҳкамланиб, ўзини-ўзи молиялаш ва ўзини-ўзи қоплашга эришила борган сари давлат бюджети маблағларидан молиялаш ҳажмини босқичма-босқич камайтириб бориш кўзда тутилади.
29. Марказ ходимлари сони, уларнинг меҳнатига ҳақ тўлаш ва моддий рағбатлантириш миқдори бажариладиган ишларнинг мураккаблик даражасига, сифати ва ҳажмига қараб Марказ Кенгаши томонидан мустақил белгиланади.
Марказ ходимлари меҳнатига ҳақ тўлаш ва уларни моддий рағбатлантириш тўғрисидаги низомни ишлаб чиқиб, тасдиқлайди;
лавозимлар рўйхатини тасдиқлайди ҳамда Ягона тариф сеткаси бўйича базавий маошлар ва миқдори чеклаб қўйилмайдиган устама ҳақдан келиб чиққан ҳолда мансаб маошларини белгилайди.
31. Марказ ўз эҳтиёжлари учун олиб келинадиган тиббиёт ускуналари ва асбоблари учун 2003 йилнинг 1 мартидан то 2012 йилнинг 31 декабрига қадар 10 йил муддатга барча турдаги солиқлар ва божхона тўловлари, (божхона расмийлаштируви учун йиғимлардан ташқари) тўлашдан озод қилинади, бўшайдиган маблағлар Марказларни ривожлантириш ва жиҳозлашга мақсадли тарзда йўналтирилади.
32. Марказ хўжалик фаолиятидан олинадиган даромадларни мустақил равишда тасарруф этади. Марказнинг молия-xўжалик фаолияти натижасида олган фойдаси тегишли мажбурий тўловлар тўлангандан кейин Марказ ихтиёрида қолади ва белгиланган тартибда қуйидагилар учун фойдаланилади:
Марказнинг моддий-техника базасини янгилаш, замонавийлаштириш ва кенгайтириш, замонавий тиббий техника, асбоб-анжом ва ускуналар сотиб олиш;
Бунда Марказ мазкур бандда кўрсатилган сарф-харажатларнинг устуворлиги тартибини, йўналишлари ва нисбатларини мустақил равишда белгилайди.
33. Марказ қонунчиликда белгиланган тартибда бухгалтерия ҳисоб-китоби ва ҳисоботини юритади, зарур смета-молия ҳужжатларини Ўзбекистон Республикаси Молия вазирлиги ва Соғлиқни сақлаш вазирлигига тақдим этади, ҳужжатларнинг асралиши ҳамда келишилган рўйхатга мувофиқ давлат томонидан сақлашга топширилиши учун жавобгар бўлади.
Кейинги таҳрирга қаранг.
9. Фуқароларнинг ўзини-ўзи бошқариш органларидан моддий ёрдам олувчи кам таъминланган оилаларга мансуб шахслар.
Кейинги таҳрирга қаранг.