Ўзбекистон Республикаси солиқ қонунчилигини такомиллаштириш бўйича бир қатор қонун ҳужжатлари қабул қилиниши муносабати билан:

1. Ўзбекистон Республикаси Президентининг айрим қарорларига иловага мувофиқ ўзгартишлар киритилсин.

2. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

1. Ўзбекистон Республикаси Президентининг «Хитой Халқ Республикаси Ҳукумати томонидан бериладиган маблағлардан фойдаланиш чора-тадбирлари тўғрисида» 2005 йил 23 майдаги ПҚ-82-сон қарори 7-банди иккинчи хатбошидаги «даромад (фойда)» сўзлари «фойда» сўзи билан алмаштирилсин.

2. Ўзбекистон Республикаси Президентининг «Эрон экспортини ривожлантириш банки иштирокида «Қорақалпоғистон Республикаси ва Хоразм вилоятида ичимлик сув таъминоти тизимини такомиллаштириш» лойиҳасини амалга ошириш борасидаги қўшимча чора-тадбирлар тўғрисида» 2005 йил 4 июлдаги ПП-113-сон қарори 8-бандининг учинчи хатбошидаги «даромад (фойда)» сўзлари «фойда» сўзи билан алмаштирилсин.

3. Ўзбекистон Республикаси Президентининг «Мева-сабзавотчилик ва узумчилик соҳасини ислоҳ қилиш бўйича ташкилий чора-тадбирлар тўғрисида» 2006 йил 11 январдаги ПҚ-255-сон қарори 11-бандининг «б» кичик бандида «даромад (фойда)» сўзлари «фойда» сўзи билан алмаштирилсин.

4. Ўзбекистон Республикаси Президентининг «Ўзбекистон Республикаси умумтаълим мактабларини ахборотлаштириш» лойиҳасини амалга ошириш учун Корея Республикаси Ҳукумати томонидан бериладиган имтиёзли кредитдан самарали фойдаланиш чора-тадбирлари тўғрисида» 2006 йил 27 мартдаги ПҚ-312-сон қарори 11-бандининг учинчи хатбошидаги «даромад (фойда)» сўзлари «фойда» сўзи билан алмаштирилсин.

5. Ўзбекистон Республикаси Президентининг «Бельгия Қироллиги Ҳукуматининг фоизсиз кредитидан фойдаланган ҳолда «Кичик бизнес учун кадрлар тайёрлашда касб-ҳунар таълимини ривожлантиришга кўмаклашиш» лойиҳасини амалга ошириш чора-тадбирлари тўғрисида» 2006 йил 4 апрелдаги ПҚ-318-сон қарори 7-бандининг учинчи хатбошидаги «даромад (фойда)» сўзлари «фойда» сўзи билан алмаштирилсин.

6. Ўзбекистон Республикаси Президентининг 2006 йил 24 майдаги ПҚ-357-сон қарори билан тасдиқланган тадбиркорлик субъектларини давлат рўйхатига олиш ва ҳисобга қўйишнинг хабардор қилиш тартибини жорий этиш тўғрисидаги низомда:

а) 6-бандда:

биринчи хатбошидаги «ёки рўйхатдан ўтказиш йиғими» сўзлари чиқариб ташлансин;

олтинчи хатбоши қуйидаги таҳрирда баён этилсин:

«инспекцияларда тадбиркорлик субъектларини давлат рўйхатидан ўтказиш учун давлат божи ундирилади, унинг ставкалари Ўзбекистон Республикаси Вазирлар Маҳкамаси томонидан белгиланади. Тушган маблағларнинг 60 фоизи инспекцияларни молиялаштириш манбаи сифатида уларнинг тасарруфида қолади ва фақат моддий-техника базасини мустаҳкамлаш ҳамда ходимларни рағбатлантиришга йўналтирилади, қолган маблағлар маҳаллий бюджетга ўтказилади»;

саккизинчи хатбошидаги «рўйхатдан ўтказиш йиғими» сўзлари «давлат божи» сўзлари билан алмаштирилсин;

тўққизинчи хатбошидаги «рўйхатдан ўтказиш йиғими белгиланган ставканинг 20 фоизи миқдорида олинади» сўзлари «давлат божи белгиланган ставканинг 20 фоизи миқдорида ундирилади» сўзлари билан алмаштирилсин;

ўнинчи хатбоши чиқариб ташлансин;

б) 10-бандининг учинчи хатбошидаги, 33-бандининг бешинчи хатбошидаги ва 35-бандидаги «ёки рўйхатдан ўтказиш йиғимининг» сўзлари чиқариб ташлансин;

в) 12-банди тўртинчи хатбошидаги «рўйхатдан ўтказиш йиғими»сўзлари «давлат божи» сўзлари билан алмаштирилсин;

г) 36-банди биринчи хатбошидаги «ёки рўйхатдан ўтказиш йиғими»сўзлари чиқариб ташлансин.

7. Ўзбекистон Республикаси Президентининг «Туман ва шаҳар марказий касалхоналарининг шошилинч тиббий ёрдам бўлимларини Қувайт араб иқтисодий тараққиёт жамғармаси иштирокида тиббий ускуналар билан жиҳозлаш чора-тадбирлари тўғрисида» 2006 йил 19 июлдаги ПҚ-421-сон қарори 7-бандининг иккинчи хатбошидаги «даромад (фойда)» сўзлари «фойда» сўзи билан алмаштирилсин.

8. Ўзбекистон Республикаси Президентининг «Пластик карточкалар асосида нақд пулсиз ҳисоб-китоб тизимини янада ривожлантиришга оид қўшимча чора-тадбирлар тўғрисида» 2006 йил 3 августдаги ПҚ-433-сон қарори 1-бандининг учинчи хатбошидаги «даромад (фойда)» сўзлари «фойда» сўзи билан алмаштирилсин.

9. Ўзбекистон Республикаси Президентининг «Алкоголли маҳсулотларни ишлаб чиқариш ва сотиш самарадорлигини оширишга доир қўшимча чора-тадбирлар тўғрисида» 2006 йил 7 ноябрдаги ПҚ-505-сон қарори 1-бандининг тўртинчи хатбоши қуйидаги таҳрирда баён этилсин:

«маҳаллий ишлаб чиқарувчиларга алкоголли маҳсулотни маркировка қилиш учун акциз маркалар бериш фақат улар томонидан акциз маркалар номинал қийматининг 50 фоизи тўлангач, импортёрларга эса акциз солиғининг тўлиқ суммаси тўлангандан кейин амалга оширилади.».

10. Ўзбекистон Республикаси Президентининг «Киото Протоколининг Мусаффо ривожланиш механизми доирасида инвестиция лойиҳаларини амалга ошириш чора-тадбирлари тўғрисида» 2006 йил 6 декабрдаги ПҚ-525-сон қарори 4-бандидаги «даромад (фойда)» сўзлари «фойда» сўзи билан алмаштирилсин.

11. Ўзбекистон Республикаси Президентининг «Ўзкимёсаноат» ДАК корхоналарида Киото Протоколининг Мусаффо ривожланиш механизми доирасидаги лойиҳа ўз вақтида амалга оширилишини таъминлаш чора-тадбирлари тўғрисида» 2006 йил 25 декабрдаги ПҚ-540-сон қарори 8-бандидаги «даромад (фойда)» сўзлари «фойда» сўзи билан алмаштирилсин.

12. Ўзбекистон Республикаси Президентининг «Ўзбектелеком» акциядорлик компанияси телекоммуникация тармоқларини янада ривожлантириш ва модернизация қилиш тўғрисида» 2007 йил 23 январдаги ПҚ-572-сон қарори 6-бандининг иккинчи хатбошидаги «даромад (фойда)» сўзлари «фойда» сўзи билан алмаштирилсин.

13. Ўзбекистон Республикаси Президентининг «Ўзбекнефтгаз» МХК корхоналарини бурғулаш қурилмалари ва 3Д сейсмик қидирув комплекслари билан жиҳозлаш» инвестиция лойиҳасини амалга ошириш чора-тадбирлари тўғрисида» 2007 йил 6 апрелдаги ПҚ-617-сон қарори 8-бандидаги «даромад (фойда)» сўзлари «фойда» сўзи билан алмаштирилсин.

14. Ўзбекистон Республикаси Президентининг «Банкларнинг капиталлашувини янада ошириш ва иқтисодиётни модернизациялашдаги инвестиция жараёнларида уларнинг иштирокини фаоллаштириш чора-тадбирлари тўғрисида» 2007 йил 12 июлдаги ПҚ-670-сон қарорининг 3 ва 6-бандларидаги «даромад (фойда)» сўзлари «фойда» сўзи билан алмаштирилсин.

15. Ўзбекистон Республикаси Президентининг «2007 — 2010 йилларда хусусийлаштириш жараёнларини янада чуқурлаштириш ва хорижий инвестицияларни фаол жалб қилиш чора-тадбирлари тўғрисида» 2007 йил 20 июлдаги ПҚ-672-сон қарори 4-бандининг иккинчи хатбошидаги «даромад (фойда), ижтимоий инфратузилмани ривожлантириш ва ҳудудларни ободонлаштириш» сўзлари «фойда, ободонлаштириш ва ижтимоий инфратузилмани ривожлантириш» сўзлари билан алмаштирилсин.

16. Ўзбекистон Республикаси Президентининг «Деҳқонобод калий ўғитлари заводи қурилишини жадаллаштириш чора-тадбирлари тўғрисида» 2007 йил 17 декабрдаги ПҚ-748-сон қарори 8-бандининг тўртинчи хатбошидаги «даромад (фойда)» сўзлари «фойда» сўзи билан алмаштирилсин.

17. Ўзбекистон Республикаси Президентининг ««Марказий Фарғонанинг ҳайдаладиган ерлари мелиоратив тармоқларини яхшилаш» инвестиция лойиҳасини амалга ошириш чора-тадбирлари тўғрисида» 2008 йил 14 февралдаги ПҚ-794-сон қарори 7-бандининг иккинчи хатбошидаги «даромад (фойда)» сўзлари «фойда» сўзи билан алмаштирилсин.

18. Ўзбекистон Республикаси Президентининг «Германия Федератив Республикаси ҳукуматининг имтиёзли кредитидан фойдаланган ҳолда» қурилиш ва уй-жой-коммунал хўжалиги соҳасида касб-ҳунар таълимини ривожлантиришга кўмаклашиш» лойиҳасини амалга ошириш чора-тадбирлари тўғрисида» 2008 йил 30 апрелдаги ПП-852-сон қарори 7-бандининг тўртинчи хатбошидаги «даромад» сўзи «фойда» сўзи билан алмаштирилсин.