«Ўзбекистон Республикаси Олий Мажлисининг Сенати тўғрисида»ги Ўзбекистон Республикаси Конституциявий Қонуни 14-моддасининг иккинчи қисмига мувофиқ Ўзбекистон Республикаси Олий Мажлиси Сенатининг Кенгаши қарор қилади:
Ўзбекистон Республикаси Олий Мажлиси Сенатининг Девони тўғрисидаги низом тасдиқлансин (илова қилинади).
Ўзбекистон Республикаси
Олий Мажлиси Сенати Кенгашининг
2005 йил 18 апрелдаги 23-I-сонли Қарори билан
ТАСДИҚЛАНГАН
Олий Мажлиси Сенати Кенгашининг
2005 йил 18 апрелдаги 23-I-сонли Қарори билан
ТАСДИҚЛАНГАН
LexUZ шарҳи
Мазкур Низом Ўзбекистон Республикаси Олий Мажлиси Сенати Кенгашининг 2015 йил 10 сентябрдаги КҚ-40-III-сонли «Ўзбекистон Республикаси Олий Мажлиси Сенатининг Девони тўғрисидаги низомга ўзгартиш ва қўшимчалар киритиш ҳақида»ги қарори билан янги таҳрирда тасдиқланган.
1. «Ўзбекистон Республикаси Олий Мажлисининг Сенати тўғрисида»ги Ўзбекистон Республикаси Конституциявий Қонунига, «Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида»ги Ўзбекистон Республикаси Қонунига мувофиқ, Ўзбекистон Республикаси Олий Мажлисининг Сенати (бундан буён матнда Сенат деб юритилади), унинг органлари ҳамда Сенат аъзоларининг фаолиятини ташкилий, ахборот ва моддий-техника жиҳатидан таъминлашни Ўзбекистон Республикаси Олий Мажлиси Сенатининг Девони (бундан буён матнда Сенат Девони деб юритилади) амалга оширади.
2. Сенат Девони ўз фаолиятида Ўзбекистон Республикасининг Конституциясига, Ўзбекистон Республикасининг қонунларига, Сенатнинг ва Сенат Кенгашининг қарорларига, Сенат Раисининг фармойишларига ҳамда ушбу Низомга амал қилади.
3. Сенат Девони ўз фаолиятини Ўзбекистон Республикаси Олий Мажлиси Қонунчилик палатасининг (бундан буён матнда Қонунчилик палатаси деб юритилади), Ўзбекистон Республикаси Вазирлар Маҳкамасининг девонлари, шунингдек ижро этувчи ва суд ҳокимияти органлари, маҳаллий давлат ҳокимияти органлари ҳамда фуқароларнинг ўзини ўзи бошқариш органлари билан ўзаро ҳамкорликда амалга оширади.
4. Сенат Девонида жамоат бирлашмаларининг, шу жумладан сиёсий партиялар, шунингдек диний бирлашмаларнинг тузилмалари ташкил этилиши мумкин эмас, касаба уюшмалари бундан мустасно.
5. Сенат Девонининг тузилмаси, штатлар жадвали, ходимлари меҳнатига тўланадиган ҳақ миқдори ва уларнинг моддий-техника таъминоти, шунингдек уларнинг таъминоти билан боғлиқ харажатлар Сенат Раиси томонидан тасдиқланади.
6. Сенат Девони юридик шахс бўлиб, ўзининг ҳисоб-китоб варақларига, Ўзбекистон Республикаси Давлат герби тасвири туширилган ва ўз номи ёзилган муҳрга эга бўлади.
7. Сенат Девони Сенат Раисининг, Раис ўринбосарларининг (бундан буён матнда Сенат раҳбарияти деб юритилади) ҳамда Сенат Девони Раҳбарининг бевосита раҳбарлигида ишлайди ва қуйидаги таркибий бўлинмаларни ўз ичига олади:
Сенат Девони бўлимларининг таркибида шуъбалар, гуруҳлар ва бошқа таркибий бўлинмалар тузилиши мумкин.
Қонунчилик палатасининг, Ўзбекистон Республикаси Вазирлар Маҳкамасининг девонлари, шунингдек ижро этувчи ва суд ҳокимияти органлари, маҳаллий давлат ҳокимияти органлари ҳамда фуқароларнинг ўзини ўзи бошқариш органлари билан ўзаро алоқаларда Сенат Девони номидан иш кўради;
Сенат Девони, унинг таркибий бўлинмалари самарали ишлашини таъминлайди, Сенат Девони зиммасига юклатилган вазифалар бажарилиши учун шахсан жавоб беради;
Сенатда ўтказиш мўлжалланаётган тадбирлар режаларининг лойиҳалари тайёрланишини ташкил этади, Сенат раҳбариятининг топшириғига биноан ва қўмиталарнинг (комиссияларнинг) таклифлари асосида Кенгаш мажлисининг кун тартиби лойиҳасини шакллантиради ҳамда бу ҳужжатларни Сенат раҳбарияти кўриб чиқиши учун киритади;
Сенат раҳбариятига, қўмиталарига (комиссияларига) ахборот, маълумотнома йўсинидаги ва бошқа материаллар тайёрланишини ташкил этади, Сенат ва унинг органлари фаолияти ахборотлар билан таъминланишини яхшилаш, ахборотларни қайта ишлаш ҳамда таҳлил қилишнинг замонавий усул ва воситаларини жорий этиш чора-тадбирларини ишлаб чиқади;
Сенатнинг Қонунчилик палатаси билан ҳамкорликда ишлашини ҳамда Ўзбекистон Республикаси Олий Мажлиси палаталарининг қўшма мажлислари ўтказилишини таъминлайди;
Сенат Девонининг таркибий бўлинмаларида тайёрланган масалалар хусусида Сенат раҳбариятига ахборот бериб боради;
Сенат Девони ишини такомиллаштириш чора-тадбирлари ишлаб чиқилишини таъминлайди, Сенат Девони тузилмаси, штатлари ва кадрлар таркибига оид масалалар юзасидан Сенат раҳбарияти кўриб чиқиши учун таклифлар киритади, Сенат Девони ходимларининг малакасини ошириш, меҳнат интизомини мустаҳкамлаш ишларини ташкил этади;
келган хат-хабарларни саралаш йўли билан ишловдан ўтказади ва жўнатилаётган хат-хабарларнинг ҳисобини юритади;
Сенат ва унинг Кенгаши мажлисларига ҳамда Ўзбекистон Республикаси Олий Мажлиси палаталарининг қўшма мажлисларига тайёргарлик кўришда Сенат раҳбариятига кўмаклашади;
Сенат Раиси қабулхонаси мунтазам равишда, шу жумладан навбатчилик жадвалига биноан дам олиш ва байрам кунлари ҳам ишлашини таъминлайди;
Сенат ва унинг органлари фаолияти даврий нашрлар саҳифаларида, телевидение ва радио орқали белгиланган тартибда ёритилишини таъминлайди;
Ўзбекистон Республикаси Олий Мажлисининг, шунингдек чет давлатлар ва МДҲга аъзо мамлакатлар парламентларининг фаолиятини ўрганиш билан боғлиқ таҳлилий ишларни амалга оширади;
Сенат раҳбариятининг топшириғига биноан нодавлат нотижорат ташкилотларининг вакиллари билан алоқаларни амалга оширади.
Сенат ҳамда унинг Кенгаши ва қўмиталари (комиссиялари) муҳокамасига киритиладиган масалалар юзасидан материаллар ва таклифлар тайёрланишига кўмаклашади;
Қонунчилик палатаси томонидан киритилган қонунлар юзасидан хулосалар тайёрлашда Сенат қўмиталарига кўмаклашади, шунингдек, қарорларнинг, баёнотларнинг, мурожаатномаларнинг лойиҳалари юзасидан таклифлар тайёрлайди ҳамда мазкур ҳужжатларни юридик-техник жиҳатдан маромига етказишда иштирок этади;
Сенат раҳбарияти ва Сенат Девони Раҳбари топшириғига биноан бўлим ваколатига тааллуқли ҳуқуқий масалалар юзасидан хулосалар тайёрлайди;
Қонунчилик палатаси томонидан киритилган қонунларни кўриб чиқиш учун Сенатнинг қайси қўмиталари масъул бўлса, шу қўмиталар топшириғига биноан мазкур қонунларнинг Ўзбекистон Республикасининг Конституциясига ва бошқа қонунларига, шунингдек юридик техника талабларига қанчалик мувофиқ эканлигини таҳлил қилади, мазкур ҳужжатларнинг сифатини ошириш юзасидан таклифлар тайёрлайди;
Ўзбекистон Республикаси қонунлари ҳамда Сенат ва унинг Кенгаши қарорлари, Қонунчилик палатаси қарорлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари ҳисобини юритади ҳамда уларни тизимга солиб боради;
Сенат қўмиталарининг ёзма сўровига биноан қонунлар базаси асосида ҳуқуқий масалалар бўйича ахборот йўсинидаги маълумотномалар тайёрлайди;
Сенат томонидан маъқулланган қонунларни ва қабул қилинган қарорлар, баёнотларни, мурожаатномаларни, шунингдек парламент сўровларини юридик-техник жиҳатдан расмийлаштиришга бир хил ёндашилишини таъминлайди, Сенат аъзоларига маслаҳат йўсинидаги ва услубий ёрдам кўрсатади;
Сенат қўмиталарига назорат-таҳлил ишларини амалга оширишларида ташкилий, услубий, ахборот ва маслаҳат йўсинидаги хизмат кўрсатилишини таъминлайди;
Сенат қўмиталари конференциялар, семинарлар, давра суҳбатлари ва бошқа тадбирларни ташкил этишида ҳамда ўтказишида кўмаклашади;
Сенат мажлисларига ташкилий ва ахборот йўсинидаги хизмат кўрсатилишини таъминлайди, Сенат аъзоларига ташкилий-техник ёрдам беради;
Сенат аъзоларига ваколатларини амалга оширишларида кўмаклашади ҳамда уларни тегишли ахборот материаллари билан таъминлайди;
сенаторларнинг жойларда олиб борган ишлари, аҳоли билан ўтказган учрашувлари ҳақида Сенат Девонига келиб тушган ахборотларни умумлаштириб боради;
фуқаролардан Сенатга тушаётган мурожаатлар юзасидан олиб бориладиган ишларни ташкил этади, мурожаатларнинг ҳисобини юритади ҳамда рўйхатдан ўтказилишини таъминлайди, уларни тегишли давлат органларига ва бошқа органларга юборади ҳамда юборилган мурожаатларнинг ана шу органларда кўриб чиқилишини назоратга олади;
фуқароларнинг мурожаатларини ҳамда бу мурожаатларнинг кўриб чиқиш натижаларини мунтазам таҳлил қилиб ва умумлаштириб боради, шикоятларнинг келиб чиқиши сабабларини ўрганади, зарур ахборотлар тайёрлайди;
Сенат аъзоларининг рўйхатларини нашрга тайёрлайди, сўровнома йўли билан уларга оид маълумотлардаги ўзгаришлар ҳисобини юритади;
маъмурий-ҳудудий тузилишни тартибга солиш, Ўзбекистон Республикаси чегараларини ўзгартириш, туманлар, шаҳарлар ва вилоятларни ташкил этиш, тугатиш, уларнинг номини ҳамда чегараларини ўзгартириш масалаларига оид таклифларни умумлаштиради ва ҳужжатлар тайёрлайди;
халқ депутатлари Кенгашларига услубий ва бошқа йўсиндаги ёрдам кўрсатиш билан боғлиқ тегишли материаллар ҳамда таклифлар тайёрланишини ташкил этади;
халқ депутатлари вилоят, туман ва шаҳар Кенгашларига сайловга, фуқароларнинг ўзини ўзи бошқариш органлари сайловига тайёргарлик кўриш ҳамда уларни ўтказишга доир ташкилий-техник тадбирларда маҳаллий вакиллик ва ижро этувчи ҳокимият органларига, сайлов комиссияларига ёрдам кўрсатади.
халқаро муносабатларга, шунингдек Ўзбекистон Республикасининг халқаро шартномаларини ратификация ёки денонсация қилишга тааллуқли материаллар ва таклифлар тайёрлашда иштирок этади;
Қонунчилик палатаси томонидан киритилган, халқаро муносабатларни тартибга солишга қаратилган қонунлар юзасидан хулосалар тайёрлашда Сенатнинг тегишли қўмиталарига кўмаклашади;
чет эл делегацияларининг, чет давлатлар айрим давлат ва сиёсат арбобларининг, дипломатия вакилларининг, шунингдек халқаро ташкилотлар вакилларининг Сенатдаги қабулини уюштиради;
парламент делегациялари ташрифининг, Сенат иштирокида ўтказилаётган халқаро парламент тадбирларининг (конференциялар, семинарлар, симпозиум ва бошқаларнинг) протокол таъминоти масалаларини ҳал этади;
расмий ташриф билан чет элларга бораётган Сенат раҳбариятини, делегациясини ва Сенат аъзоларини ахборот, маълумотнома йўсинидаги ва бошқа материаллар билан таъминлайди;
Қонунчилик палатасининг, Ўзбекистон Республикаси Вазирлар Маҳкамасининг девонлари тегишли таркибий бўлинмалари, вазирликлар, давлат қўмиталари ва идоралар билан, дипломатик ва бошқа ваколатхоналар ҳамда Ўзбекистон Республикасида аккредитация қилинган халқаро шартномалар ҳисобини юритади ҳамда уларни тизимга солиб боради;
Сенатнинг парламентлараро алоқалари масалаларига доир материалларни умумлаштириб боради, халқаро парламент институтлари билан мулоқотни йўлга қўяди ва олиб боради;
халқаро алоқаларга тааллуқли, Сенат раҳбарияти назоратидаги ҳужжатларнинг ижроси назорат этилишини таъминлайди;
Сенатнинг қўмиталари (комиссиялари) фаолиятига ташкилий, услубий ва ахборот йўсинидаги хизмат кўрсатилишини таъминлайди, уларга халқаро хусусиятдаги тадбирлар ўтказишда кўмаклашади;
хорижий мамлакатларга хизмат сафарига бораётган Сенат раҳбариятига, сенаторларга ва Сенат Девони ходимларига ташкилий-техник, услубий ва бошқа хил кўмак беради;
қонунлар, шунингдек Сенатнинг ва Сенат Кенгашининг ҳужжатлари, Сенат раҳбариятининг топшириғига биноан эса бошқа материаллар матнлари таржима ва таҳрир этилишини таъминлайди;
Сенат ва унинг Кенгаши муҳокамасига киритилаётган материаллар ва таклифларни тайёрлашда иштирок этади;
Сенатнинг матбуот органлари фаолияти билан боғлиқ масалаларда мутасаддилик қилади, бу органлар ўз уставларида белгиланган талабларни бажариши устидан назоратни амалга оширади;
Сенат Кенгаши мажлисларининг баённомалари, Сенат томонидан қабул қилинган ҳужжатларнинг тўпламлари нашр қилинишини ташкил этади.
Сенат ҳужжатларининг (қарорлар, баённомалар, фармойишлар ва бошқа ҳужжатларнинг) рўйхатга олинишини, ҳисоби юритилишини, расмийлаштирилишини, кўпайтирилишини ва жойларга жўнатилишини амалга оширади;
келган хат-хабарларни қабул қилиб олади, рўйхатдан ўтказади, ҳисобини юритади, тақсимлайди ва тегишлилиги бўйича етказиб беради, шунингдек жўнатилаётган хат-хабарларнинг қабул қилиб олиниши ҳамда жойларга юборилишини таъминлайди;
Сенат Девонининг таркибий бўлинмаларида иш юритилишини белгиланган тартибда ташкил этади, махфийлик режимини таъминлайди, Сенат Девонининг таркибий бўлинмаларида меҳнат интизоми аҳволини таҳлил қилиб боради;
Сенат Девонининг бошқа таркибий бўлинмалари билан биргаликда Сенат ва унинг Кенгаши мажлисларига ташкилий-техник хизмат кўрсатилишини таъминлайди;
Сенат ва унинг Кенгаши ҳамда қўмиталари (комиссиялари) мажлисларининг, Сенатда ўтказиладиган бошқа тадбирларнинг баённомаларини, стенограммаларини юритади, ана шу мажлис ва тадбирларда сўзга чиққанларнинг овозлари магнит лентасига ёзиб олинишини таъминлайди;
юритилиши тугалланган ҳужжатлар йиғмажилдларининг қабул қилиб олиниши, ҳисоби юритилиши ва сақланишини, жорий архив шакллантирилишини таъминлайди, ишлар, йиғмажилдлар ва ҳужжатларни белгиланган тартибда давлат архивига топширади;
Сенат ишлари номенклатурасини ишлаб чиқади, уни «Ўзархив» агентлиги билан келишиб олади ва тасдиқлаш учун Сенат раҳбариятига киритади;
Сенатда доимий асосда ишлаётган сенаторларнинг ҳамда Сенат Девони ходимларининг шахсий ҳужжатлар йиғмажилдлари ва меҳнат дафтарчаларини расмийлаштириш ҳамда сақлашга доир ишларни амалга оширади;
Сенат Девони ходимларини ҳарбий рўйхатга киритиш ва ундан чиқариш, шунингдек бронлаштириб қўйиш масалаларида туман, шаҳар мудофаа ишлари бўлимлари билан алоқада бўлади;
Сенат Девони таркибий бўлинмалари тақдим этадиган маълумотлар асосида ҳар куни Сенат раҳбариятини Сенат Девони ходимларининг ишга чиққан-чиқмаганлигидан хабардор этади;
Сенатнинг, унинг Кенгаши ва қўмиталарининг (комиссияларининг), Сенат аъзоларининг ҳамда Сенат Девонининг фаолиятига молиявий, моддий-техник ва хўжалик хизмати кўрсатилишини таъминлайди;
Халқаро алоқалар бўлими билан биргаликда парламент делегациялари ва бошқа делегацияларнинг Сенатдаги қабулларини ташкил этади, Сенат делегацияларини хорижий мамлакатларга юбориш, сенаторлар ҳамда Сенат Девони ходимлари учун авиация чипталарини банд (брон) қилиб қўйиш билан боғлиқ ташкилий-техник масалаларни ҳал этади;
Сенат қўмиталарининг (комиссияларининг) ва Сенат Девони таркибий бўлинмаларининг материаллари компьютерда териб (кўчириб) берилишини ҳамда кўпайтирилишини ташкил этади;
Сенат аъзоларининг ва Сенат Девони ходимларининг хизмат гувоҳномалари ҳамда бошқа ҳужжатлар бланкалари тайёрланишини таъмин этади;
овоз беришнинг электрон тизими, Сенатнинг маҳаллий компьютер тармоғи, шунингдек бошқа ташкилий техникалар талаб даражасида ишлашини таъминлайди;
Сенатда доимий асосда ишлаётган сенаторларга ва Сенат Девони ходимларига меҳнат, маиший, дам олиш шароитлари яратиб берилишини ҳамда уларга тиббий хизмат кўрсатилишини ташкил этиш ишларини олиб боради.
18. Бухгалтерия Сенат ва унинг органлари фаолияти билан боғлиқ харажатлар сметаларининг лойиҳаларини, бу сметаларнинг ижросига доир ҳисоботларни тайёрлайди ҳамда уларни Сенат раҳбарияти ва Сенат Девони Раҳбари кўриб чиқиши учун киритади.
19. Сенат Девони Раҳбари ва Девон ходимлари Сенат Раиси томонидан лавозимга тайинланади ҳамда лавозимдан озод қилинади.
Сенат Девонининг тегишли бўлинмалари фаолиятига бевосита раҳбарлик қиладилар ҳамда ана шу бўлинмалар зиммасига юклатилган вазифалар бажарилиши учун шахсан жавоб берадилар;
ходимлар ўртасида вазифаларни тақсимлайдилар, иш уюшқоқлик билан ва батартиб боришини, меҳнат интизомига риоя этилишини таъминлайдилар, ходимларнинг ўз вазифаларини бажаришлари ҳамда иш юритиш тартибли бўлиши учун жавоб берадилар;
Сенат Девонининг тегишли бўлимида тайёрланган масалалар хусусида Сенат Девонининг Раҳбарига ахборот бериб борадилар;
Сенат раҳбарияти ва Сенат Девони Раҳбари ҳузурида ўтказиладиган йиғилишларда Сенат Девонининг тегишли бўлими номидан вакиллик қиладилар ҳамда иш кўрадилар;
ўз ваколати доирасига тааллуқли масалалар бўйича бўлимнинг Сенат аъзолари, Сенат қўмиталари (комиссиялари), Сенат Девони таркибий бўлинмалари билан, Қонунчилик палатасининг, Ўзбекистон Республикаси Вазирлар Маҳкамасининг девонлари тегишли таркибий бўлинмалари билан, давлат ҳокимияти бошқа органлари ва бошқа ташкилотлар билан ҳамкорликда ишлашини ташкил қиладилар.
21. Бўлим мудирларининг ўринбосарлари Сенат Девони тегишли бўлинмалари раҳбарлари йўқлигида уларнинг вазифаларини бажарадилар, шунингдек ўзларига топширилган иш жабҳасига раҳбарлик қиладилар.
хизмат вазифалари ва мансаб йўриқномаларига мувофиқ тегишли жабҳада топширилган иш вақтида, сифатли бажарилишини ҳамда ташкил этилишини таъминлайдилар, бу йўналишдаги ишлар учун шахсан жавоб берадилар;
тегишинча Сенат раҳбарияти, Сенат Девони Раҳбари, бўлим мудирлари ва бўлим мудирларининг ўринбосарлари томонидан берилган вазифа ҳамда топшириқларни бажарадилар.
зиммаларига юклатилган хизмат вазифаларини, тегишинча Сенат Девони Раҳбари, бўлим мудирлари ва бўлим мудирларининг ўринбосарлари томонидан берилган топшириқларни бажарадилар;
ўз ишлари билан боғлиқ масалалар юзасидан, зарурат бўлганда, Сенатнинг тегишли қўмитаси раҳбарига, Сенат Девони бўлимларининг мудирларига таклифлар киритадилар.