O‘zbekiston Respublikasi Prezidentining “O‘zbekiston Respublikasining jamoat ta’lim axborot tarmog‘ini tashkil etish to‘g‘risida” 2005-yil 28-sentabrdagi PQ–191-son qarorini bajarish yuzasidan Vazirlar Mahkamasi qaror qiladi:
“ZiyoNET” tarmog‘i axborot resurslarini yaratish, rivojlantirish va jamlash dasturi 1-ilovaga* muvofiq;
Mamlakat maktablari, akademik litseylari, kollejlari, oliy o‘quv yurtlari, yoshlar tashkilotlari, kutubxonalar, muzeylar va boshqa ta’lim, ilmiy va madaniy-ma’rifiy muassasalarni “ZiyoNET” tarmog‘iga ulash reja-jadvali 2-ilovaga* muvofiq;
Axborot resurslarini yaratish, ekspertizadan o‘tkazish va “ZiyoNET” tarmog‘ining texnologik maydonchasida joylashtirish tartibi to‘g‘risidagi nizom 3-ilovaga muvofiq tasdiqlansin.
Keyingi tahrirga qarang.
2. O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi, Madaniyat va sport ishlari vazirligi, O‘zbekiston aloqa va axborotlashtirish agentligi “Kamolot” yoshlar ijtimoiy harakati bilan birgalikda ushbu qaror bilan tasdiqlanayotgan Dastur va Reja-jadvalning o‘z vaqtida bajarilishini ta’minlasinlar.
3. Budjet tashkilotlarini Reja-jadvalga muvofiq “ZiyoNET” tarmog‘iga ulash va aloqa xizmatlari haqini to‘lash bilan bog‘liq xarajatlarning 2006-yilda ushbu maqsadlar uchun O‘zbekiston Respublikasi Xalq ta’limi vazirligi, Oliy va o‘rta maxsus ta’lim vazirligi hamda Madaniyat va sport ishlari vazirligiga ajratiladigan Davlat budjetining tasdiqlangan parametrlari doirasida amalga oshirilishi ma’lumot uchun qabul qilinsin.
O‘zbekiston Respublikasi Moliya vazirligi 2007—2010-yillarda Davlat budjeti parametrlarida budjet muassasalarini Reja-jadvalga muvofiq “ZiyoNET” tarmog‘iga ulash va aloqa xizmatlari haqini to‘lash uchun zarur mablag‘larni belgilangan tartibda nazarda tutsin.
Oldingi tahrirga qarang.
(4-band O‘zbekiston Respublikasi Vazirlar Mahkamasining 2013-yil 10-iyuldagi 198-sonli qaroriga asosan o‘z kuchini yo‘qotgan — O‘R QHT, 2013-y., 28-son, 362-modda)
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.N. Aripov va R.S. Qosimov zimmasiga yuklansin.
1. Mazkur Nizom “Axborot erkinligi prinsiplari va kafolatlari to‘g‘risida”, “Axborotlashtirish to‘g‘risida”gi O‘zbekiston Respublikasi qonunlariga, O‘zbekiston Respublikasi Prezidentining “O‘zbekiston Respublikasining jamoat ta’lim axborot tarmog‘ini tashkil etish to‘g‘risida” 2005-yil 28-sentabrdagi PQ–191-son qaroriga muvofiq axborot resurslarini yaratish, ekspertizadan o‘tkazish va “ZiyoNET” tarmog‘ining texnologik maydonchasida joylashtirish tartibiga qo‘yiladigan asosiy talablarni belgilaydi.
Oldingi tahrirga qarang.
“ZiyoNET” tarmog‘ining texnologik maydonchasi — O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Davlat axborot tizimlarini tashkil etish va qo‘llab-quvvatlash bo‘yicha yagona integratorining “ZiyoNET” tarmog‘i Resurs markazining (keyingi o‘rinlarda matnda “Resurs markazi” deb yuritiladi) “ZiyoNET” tarmog‘ida joylashtirilgan axborotni to‘plash, saqlash, ishlash qayta izlash va undan foydalanish va uni himoya qilish imkonini beradigan axborot resurslari, axborot texnologiyalari, aloqa va dasturiy ta’minlash vositalari jami;
(2-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 20-noyabrdagi 925-sonli qarori tahririda — Qonun hujjatlari ma’lumotlari milliy bazasi, 23.11.2017-y., 09/17/925/0299-son)
Resurs markazi bo‘limlari — O‘zbekiston Respublikasi Oliy va o‘rta maxsus ta’lim vazirligi hamda Xalq ta’limi vazirligi huzuridagi Resurs markazi bo‘limlari;
Oldingi tahrirga qarang.
“ZiyoNET” tarmog‘iga qo‘yiladigan texnik talablar — O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Davlat axborot tizimlarini tashkil etish va qo‘llab-quvvatlash bo‘yicha yagona integratori tomonidan belgilangan tartibda tasdiqlanadigan yaratilayotgan axborot resurslariga qo‘yiladigan texnik talablarning jami.
(2-bandning to‘rtinchi xatboshisi O‘zbekiston Respublikasi Vazirlar Mahkamasining 2017-yil 20-noyabrdagi 925-sonli qarori tahririda — Qonun hujjatlari ma’lumotlari milliy bazasi, 23.11.2017-y., 09/17/925/0299-son)
3. “ZiyoNET” tarmog‘ining axborot resurslari O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligining axborotlarning, axborot resurslarining boshqa mulkdorlari va egalarining axborot resurslari negizida yaratiladi.
o‘sib kelayotgan yosh avlodning Vatanga muhabbat tuyg‘usini, O‘zbekistonning boy tarixi, xalqning milliy an’analari va ma’naviy qadriyatlarini bilishga asoslangan yuksak ma’naviy-axloqiy fazilatlarini mustahkamlashga;
respublika o‘quvchilari va yoshlari uchun masofadan turib o‘qitish usullarini, boshqa axborot-kommunikatsiya xizmatlarining keng kompleksini ta’lim tizimiga joriy etishga ko‘maklashishga yo‘naltirilgan bo‘lishi lozim.
5. Ijtimoiy-siyosiy, ilmiy-ma’rifiy va ijtimoiy-siyosiy axborot va u bilan bog‘liq ma’lumotnoma-tahliliy materiallar mavjud bo‘lgan “ZiyoNET” tarmog‘i axborot resurslarini yaratish O‘zbekiston Respublikasi Oliy va o‘rta maxsus ta’lim vazirligi tomonidan qonun hujjatlarida belgilangan tartibda amalga oshiriladi.
6. Bolalar va yoshlar uchun axborot, madaniy-ma’rifiy va sport axborotlari hamda ular bilan bog‘liq ma’lumotnoma-tahliliy materiallar mavjud bo‘lgan “ZiyoNET” tarmog‘ining axborot resurslarini yaratish O‘zbekiston Respublikasi Xalq ta’limi vazirligi tomonidan qonun hujjatlarida belgilangan tartibda amalga oshiriladi.
7. “ZiyoNET” tarmog‘ining axborot resurslarini yaratish “ZiyoNET” tarmog‘ining texnik talablariga muvofiq amalga oshiriladi.
8. “ZiyoNET” tarmog‘iga joylashtiriladigan axborot resurslari ekspertizadan o‘tkazilishi kerak. Axborot resurslarini ekspertizadan o‘tkazish O‘zbekiston Respublikasi Oliy va o‘rta maxsus ta’lim vazirligi hamda Xalq ta’limi vazirligi tomonidan:
Oldingi tahrirga qarang.
Keyingi tahrirga qarang.
9. “ZiyoNET” tarmog‘ining o‘zgaradigan axborot resurslari (yangiliklar, forumlar, interaktiv tashkil etiladigan veb-saytlar) ekspertizadan o‘tkazilmaydi, ularni ko‘rib chiqish esa O‘zbekiston Respublikasi Axborot texnologiyalari va kommunikatsiyalarini rivojlantirish vazirligining Ommaviy kommunikatsiyalar sohasida monitoring markazi (keyingi o‘rinlarda “Monitoring markazi” deb yuritiladi) tomonidan amalga oshiriladi.
(9-band O‘zbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — O‘R QHT, 2015-y., 26-son, 338-modda)
10. O‘zbekiston Respublikasi Oliy va o‘rta maxsus ta’lim vazirligi hamda Xalq ta’limi vazirligida ekspertizadan o‘tgan axborot resurslari ularni keyinchalik “ZiyoNET” tarmog‘ining texnologik maydonchasiga joylashtirish uchun Resurs markazi bo‘limiga yuboriladi.
11. Resurs markazi bo‘limi tarmoqda joylashtirish mo‘ljallanayotgan axborot resurslarini “ZiyoNET” tarmog‘i texnik talablariga muvofiqlik yuzasidan oldindan o‘rganib chiqadi.
12. Axborot resurslari “ZiyoNET” tarmog‘ining texnik talablariga muvofiq bo‘lmagan taqdirda Resurs markazi bo‘limi O‘zbekiston Respublikasi Oliy va o‘rta maxsus ta’lim vazirligi hamda Xalq ta’limi vazirligiga axborot resurslarini qayta ishlash zarurligini ma’lum qiladi.
13. Resurs markazi bo‘limi taqdim etilgan axborot resurslarini “ZiyoNET” tarmog‘iga axborot resurslari taqdim etilgan kundan boshlab bir oydan ko‘p bo‘lmagan muddatda joylashtiradi.
14. “ZiyoNET” tarmog‘ining texnologik maydonchasini yaratish, qo‘llab-quvvatlash va rivojlantirish ishlarini tashkil etish Resurs markazi tomonidan amalga oshiriladi.
15. Axborotlarning, axborot resurslarining boshqa egalari va mulkdorlarining axborot resurlarini “ZiyoNET” tarmog‘ining texnologik maydonchasida joylashtirish, saqlash va qo‘llab-quvvatlash shartnomalar asosida amalga oshiriladi.
16. “ZiyoNET” tarmog‘ining axborot resurslari monitoringi Monitoring markazi tomonidan qonun hujjatlarida belgilangan tartibda olib boriladi.
“ZiyoNET” tarmog‘i axborot resurslarining muntazam tizimli monitoringini tashkil etadi va olib boradi;
O‘zbekiston Respublikasi Oliy va o‘rta maxsus ta’lim vazirligi hamda Xalq ta’limi vazirligi va Resurs markaziga aniqlangan kamchiliklar, shuningdek O‘zbekiston Respublikasi qonun hujjatlari talablari buzilishi yuzasidan tavsiyalar va ogohlantirishlar beradi;
“ZiyoNET” tarmog‘i foydalanuvchilarining xalqaro axborot tarmoqlarining axborot resurslariga, shu jumladan internet tarmog‘iga ulanishini tashkil etish uchun axborot resurslarining reyting ko‘rsatkichlarini aniqlaydi.
18. O‘zbekiston Respublikasi Oliy va o‘rta maxsus ta’lim vazirligi hamda Xalq ta’limi vazirligi bir kunlik muddatda Resurs markazini Monitoring markazi tomonidan aniqlangan kamchiliklar, shuningdek O‘zbekiston Respublikasi qonun hujjatlari talablari buzilishi yuzasidan ko‘rilgan chora-tadbirlar bo‘yicha xabardor qiladi.
19. Monitoring markazi va Resurs markazining o‘zaro hamkorligi qonun hujjatlarida belgilangan tartibda amalga oshiriladi.
20. Axborot resurslarining himoya qilinishi va saqlanishi ta’minlanishi uchun “ZiyoNET” tarmog‘ining Resurs markazi javob beradi.
21. “ZiyoNET” tarmog‘i axborot resurslari yaratilishi va ekspertizadan o‘tkazilishi uchun O‘zbekiston Respublikasi Oliy va o‘rta maxsus ta’lim vazirligi hamda Xalq ta’limi vazirligi javob beradi.
Keyingi tahrirga qarang.