XALQ TA’LIMI XODIMLARI MEHNATIGA HAQ TO‘LAShNING TAKOMILLAShTIRILGAN TIZIMINI TASDIQLASh TO‘G‘RISIDA
O‘zbekiston Respublikasi Prezidentining “Xalq ta’limi xodimlari mehnatiga haq to‘lash tizimini takomillashtirish va uni moddiy rag‘batlantirishni kuchaytirish chora-tadbirlari to‘g‘risida” 2005-yil 25-noyabrdagi PQ–227-son qarorini bajarish yuzasidan hamda iqtidorli, o‘z kasbiga sodiq pedagoglarni rag‘batlantirish, o‘qituvchilar mehnatiga haq to‘lashning adolatli va oshkora mexanizmini joriy etish hisobiga ularning tashabbuskorligi va kasb mahorati o‘sishini rag‘batlantirish, umumta’lim maktablari xodimlari mehnatini baholash va moddiy rag‘batlantirish masalalarini hal qilishda maktablarning mustaqilligini oshirish hamda pedagogik jamoalar huquqlarini kengaytirish maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasi majlisida davlat hokimiyati mahalliy organlari, xalq ta’limini boshqarish hududiy organlari, pedagoglar jamoatchiligi vakillari ishtirokida xalq ta’limi xodimlari mehnatiga haq to‘lashning takomillashtirilgan tizimi har tomonlama muhokama qilinganligi va ma’qullanganligi ma’lumot uchun qabul qilinsin.
xalq ta’limi muassasalarining pedagog va rahbar xodimlari mehnatiga haq to‘lashning bazaviy tarif stavkalari 1 va 2-ilovalarga muvofiq;
Umumta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasi (keyingi o‘rinlarda Direktor jamg‘armasi deb ataladi) to‘g‘risidagi nizom 4-ilovaga muvofiq tasdiqlansin va 2006-yil 1-yanvardan boshlab amalga kiritilsin.
Keyingi tahrirga qarang.
Direktor jamg‘armasi mablag‘lari faqat umumta’lim muassasalarining o‘qituvchilariga ustamalar belgilash uchun yo‘naltiriladi;
Direktor jamg‘armasi mablag‘laridan ustamalar bilan umumta’lim muassasalarining o‘quv-tarbiya jarayoniga katta shaxsiy hissa qo‘shayotgan, o‘z kasbiga sodiqlik va tashabbuskorlik, yuqori kasb darajasini namoyon etayotgan iqtidorli o‘qituvchilari rag‘batlantiriladi.
Umumta’lim muassasalari xodimlariga Direktor jamg‘armasidan har oylik ustamalar va boshqa rag‘batlantirishlar belgilash to‘g‘risidagi qarorlar umumta’lim muassasalari huzuridagi maxsus komissiyalar tomonidan qabul qilinadi.
Bunda xalq ta’limini boshqarish hududiy organlarining umumta’lim muassasalari huzuridagi maxsus komissiyalar faoliyatiga va ular tomonidan qabul qilinadigan qarorlarga aralashishiga yo‘l qo‘yilmaydi.
daftarlar va yozma ishlarni tekshirganlik uchun — 50 foiz miqdoridagi amaldagi qo‘shimcha haq saqlab qolinsin.
Keyingi tahrirga qarang.
5. O‘zbekiston Respublikasi Xalq ta’limi vazirligi Mehnat va aholini ijtimoiy muhofaza qilish vazirligi, Vazirlar Mahkamasi huzuridagi Davlat test markazi bilan birgalikda, Moliya vazirligi bilan kelishgan holda, ikki hafta muddatda Umumta’lim muassasasi-maktab huzuridagi maxsus komissiya to‘g‘risidagi nizomni ishlab chiqsin va belgilangan tartibda tasdiqlasin, unda:
maxsus komissiyaning huquqlari va mas’uliyati, uning majlislarini o‘tkazish va qarorlar qabul qilish tartibini;
pedagogik mehnatni baholash mezonlari asosida o‘qituvchilarning bazaviy tarif stavkalariga ustamalarning aniq miqdorlarini belgilash tartibini;
Direktor jamg‘armasi mablag‘laridan maqsadli foydalanilishini nazorat qilish tartibi va mansabdor shaxslarning mas’uliyatini;
maxsus komissiyalarning samarali faoliyat ko‘rsatishi bilan bog‘liq boshqa masalalarni tartibga solish nazarda tutilsin.
6. O‘zbekiston Respublikasi Mehnat va aholini ijtimoiy muhofaza qilish vazirligi Xalq ta’limi vazirligi va Vazirlar Mahkamasi huzuridagi Davlat test markazi bilan birgalikda bir oy muddatda xalq ta’limi xodimlari asosiy lavozimlarining malaka tavsiflarini hamda Rahbar va pedagog kadrlarni attestatsiyadan o‘tkazish va ularga malaka toifalari berish tartibi to‘g‘risidagi Nizomni, keyinchalik ularni O‘zbekiston Respublikasi Adliya vazirligida ro‘yxatdan o‘tkazgan holda, qayta ko‘rib chiqsin va belgilangan tartibda tasdiqlasin, ularda:
pedagog xodimlar malakasini, bilim darajasini va pedagogik mahoratini baholashning ular malakasi xolisona baholanishini ta’minlovchi mezonlarini takomillashtirish, shuningdek pedagog malakasi pasaygan taqdirda belgilangan toifani pasaytirish;
o‘qituvchilar lavozimiga faqat oliy yoki o‘rta maxsus, kasbiy ma’lumotga ega bo‘lgan xodimlar qabul qilinadigan tartibni belgilash;
O‘zbekiston Respublikasi Mehnat va aholini ijtimoiy muhofaza qilish vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2006-yil 1-yanvargacha xalq ta’limi muassasalari xodimlari mehnatiga haq to‘lashning takomillashtirilgan tizimini joriy etish yuzasidan, ayniqsa joylarda zarur tayyorgarlik va tushuntirish ishlarini amalga oshirsin;
O‘zbekiston Respublikasi Vazirlar Mahkamasi huzuridagi Davlat test markazi bilan birgalikda 2006-2007-yillar mobaynida umumta’lim muassasalarining barcha pedagog xodimlarini attestatsiyadan o‘tkazsin hamda uning natijalariga ko‘ra xodimlarga tegishli malaka toifalarini belgilasin.
Amalga oshirilgan ishlar to‘g‘risida Vazirlar Mahkamasining 2006-yil I yarim yilligi yakunlari bo‘yicha majlisida axborot berilsin.
Oldingi tahrirga qarang.
8. Madaniyat, ta’lim, sog‘liqni saqlash va ijtimoiy muhofaza masalalari kompleksi O‘zbekiston Respublikasi Xalq ta’limi vazirligi, Mehnat va aholini ijtimoiy muhofaza qilish vazirligi, Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari xalq ta’limi muassasalari xodimlari mehnatiga haq to‘lashni takomillashtirish bilan bog‘liq chora-tadbirlarning amalga oshirilishi ustidan qattiq monitoring o‘rnatsinlar.
(8-bandning birinchi xatboshisi O‘zbekiston Respublikasi Vazirlar Mahkamasining 2012-yil 6-sentabrdagi 261-sonli qarori tahririda — O‘R QHT, 2012-y., 36-son, 412-modda)
Keyingi tahrirga qarang.
O‘zbekiston Respublikasi Moliya vazirligi monitoring asosida har chorakda O‘zbekiston Respublikasi Vazirlar Mahkamasiga mazkur qarorda nazarda tutilgan chora-tadbirlarni amalga oshirish bo‘yicha xarajatlarning o‘z vaqtida va to‘liq moliyalashtirilishi to‘g‘risida belgilangan tartibda axborot bersinlar.
9. O‘zbekiston Respublikasi Hukumatining 5-ilovaga muvofiq ayrim qarorlari 2006-yil 1-yanvardan boshlab o‘z kuchini yo‘qotgan deb hisoblansin.
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari V.A. Golishev va R.S. Qosimov zimmasiga yuklansin.
Oldingi tahrirga qarang.
Keyingi tahrirga qarang.
Lavozimlar nomi | Tarif stavkalari miqdorlari: | ||||
oliy malaka toifali | birinchi malaka toifali | ikkinchi malaka toifali | oliy ma’lu-motli | o‘rta maxsus ma’lumotli | |
1. Umumta’lim maktablarining boshlang‘ich sinflari o‘qituvchisi, o‘qituvchi-logopedi, logopediya shoxobchasi mudiri | 66096 | 62304 | 58344 | 54482 | 50928 |
2. Umumta’lim maktablarining yuqori sinflari o‘qituvchisi | 60851 | 55184 | 51685 | 48276 | 45166 |
3. Xalq ta’limi muassasalari faoliyatini metodik ta’minlash va tashkil etish tuman (shahar) bo‘limlarining metodik ta’minlash, o‘quvchilarni kasbga yo‘naltirish va davlat ta’lim standartlari monitoringi guruhlari xodimlari | 41369 | 38408 | 35466 | 32627 | x |
4. Maktabdan tashqari muassasaning o‘qituvchi-treneri, oliy sport mahorati bolalar va o‘smirlar maktablari, olimpiya zaxiralari ixtisoslashtirilgan bolalar va o‘smirlar maktablarining, bolalar va o‘smirlar sport maktablarining instruktor-metodisti | 49465 | 46208 | 43246 | 40303 | 37463 |
5. Bolalar musiqa va san’at maktabi o‘qituvchisi | 55450 | 51895 | 48364 | 44956 | 41683 |
5-1. Bolalar musiqa va san’at maktabi konsertmeysteri | 48 364 | 44 956 | 41683 | 38 543 | 35 590 |
6. Xalq ta’limi barcha tipdagi muassasalarining tarbiyachisi, katta tarbiyachisi (tarbiyachi-metodist), psixologi va maktabdan tashqari muassasalar instruktor-metodisti | 40303 | 37463 | 34736 | 32119 | 29658 |
7. Bolalar maktabgacha muassasalari o‘qituvchisi (logoped, defektolog, til bo‘yicha fanlar) | 43246 | 40303 | 37463 | 34736 | 32119 |
8. Xalq ta’limi barcha muassasalaridagi metodist (3-bandda ko‘rsatilgandan tashqari), pedagog-tashkilotchi, to‘garaklar, studiyalar, seksiyalar rahbarlari, barcha ixtisosliklar instruktorlari, katta vojatiy, akkomponiator, musiqa rahbari, ekskursovod, madaniyat ishlari bo‘yicha tashkilotchi | 35466* | 32627 | 29901 | 27298 | 24825 |
(1-ilova O‘zbekiston Respublikasi Prezidentining 2011-yil 30-dekabrdagi PQ-1675-sonli qarori tahrirda — O‘R QHT, 2011-y., 52-son, 561-modda)
Keyingi tahrirga qarang.
Oldingi tahrirga qarang.
Keyingi tahrirga qarang.
Lavozimlar nomi | Tarif stavkalari miqdorlari | |||
I guruh | II guruh | III guruh | IV guruh | |
1. Rahbar xodimlar: | ||||
1.1 Umumta’lim maktabi direktori | 90387 | 85446 | 80580 | 75467 |
1.3 “Mehribonlik” uyi direktori | 46208 | 43246 | x | x |
1.4 Maktabdan tashqari muassasa direktori | 40303 | 37463 | 34736 | x |
1.5 Maktabgacha bolalar muassasasi mudiri | 43246 | 40303 | x | x |
1.6 Oliy sport mahorati maktabi, olimpiya zaxiralari ixtisoslashtirilgan bolalar va o‘smirlar maktabi direktori | 52810 | x | x | x |
1.7 Bolalar va o‘smirlar sport maktabi direktori | 49465 | 46208 | 43246 | x |
1.8. Bolalar musiqa va san’at maktabi direktori | 55450 | 51895 | x | x |
2. Rahbarlarning o‘rinbosarlari: | ||||
2.1 Maktab direktorining o‘quv ishlari bo‘yicha o‘rinbosari, maktab direktorining ma’naviy-ma’rifiy ishlar bo‘yicha o‘rinbosari | 85446 | 80580 | 75467 | 70483 |
2.2 Umumta’lim maktabidagi o‘quvchilarni chaqiriqqa tayyorlash rahbari | 57557 | 53905 | 50345 | 47087 |
2.4 “Mehribonlik” uyi direktorining ma’naviy-ma’rifiy ishlar bo‘yicha o‘rinbosari | 43246 | 40303 | x | x |
2.5 Maktabdan tashqari muassasa direktorining o‘quv-ma’rifiy ishlar bo‘yicha o‘rinbosari | 37463 | 34736 | 32119 | x |
2.6 Oliy sport mahorati maktabi, bolalar va o‘smirlar olimpiya zaxiralari ixtisoslashtirilgan maktabi direktorining o‘rinbosari | 49465 | X | x | x |
2.7 Bolalar va o‘smirlar sport maktabi direktorining o‘rinbosari | 46208 | 43246 | 40303 | x |
2.8. Bolalar musiqa va san’at maktabi direktorining o‘quv-ma’rifiy ishlar bo‘yicha o‘rinbosari | 51895 | 48364 | x | x |
(2-ilova O‘zbekiston Respublikasi Prezidentining 2011-yil 30-dekabrdagi PQ-1675-sonli qarori tahrirda — O‘R QHT, 2011-y., 52-son, 561-modda)
Keyingi tahrirga qarang.
1. Mazkur Nizom O‘zbekiston Respublikasi Prezidentining “Xalq ta’limi xodimlari mehnatiga haq to‘lash tizimini takomillashtirish va uni moddiy rag‘batlantirishni kuchaytirish chora-tadbirlari to‘g‘risida” 2005-yil 25-noyabrdagi PQ–227-son qaroriga muvofiq ishlab chiqilgan hamda budjetdan mablag‘ bilan ta’minlanadigan yoki aralash moliyalashtiriladigan xalq ta’limi muassasalari pedagog xodimlari va rahbarlari mehnatiga haq to‘lash tartibi va shartlarini belgilaydi.
budjet tashkilotlari uchun qo‘llaniladigan Yagona tarif setkasi asosida xalq ta’limi tizimi muassasalarining texnik va xizmat ko‘rsatuvchi xodimlari;
O‘zbekiston Respublikasi Vazirlar Mahkamasining 1996-yil 12-apreldagi 147-son qaroriga muvofiq Yagona tarif setkasi asosida xalq ta’limi davlat boshqaruvi organlari xodimlari mehnatiga haq to‘lash tartibiga nisbatan tatbiq etilmaydi.
2. Xalq ta’limi tizimi xodimlari mehnatining ish haqi bazaviy tarif stavkasini hamda O‘zbekiston Respublikasining qonun hujjatlarida va ushbu Nizomda nazarda tutilgan ustamalar va qo‘shimcha to‘lovlarni o‘z ichiga oladi.
Keyingi tahrirga qarang.
xalq ta’limi muassasalarining pedagog xodimlari va rahbar xodimlarining har bir lavozimi va malaka toifasi uchun belgilangan bazaviy tarif stavkalari asosida shakllantiriladi. Bazaviy tarif stavkasi Yagona tarif setkasi bo‘yicha tarif stavkasini hamda qonun hujjatlarida belgilangan tarif stavkasiga doimiy ustamalarni, shuningdek pedagog va rahbar xodimlarning ayrim toifalari ish haqiga qo‘shilgan kompensatsiya to‘lovlarini o‘z ichiga oladi;
Keyingi tahrirga qarang.
xodimlarga qonun hujjatlarida belgilangan ustamalar va qo‘shimcha to‘lovlar asosida shakllantiriladi.
Keyingi tahrirga qarang.
Xalq ta’limi muassasalari rahbarlarining bazaviy tarif stavkalari quyidagi jadvalga binoan o‘quvchilar (tarbiyalanuvchilar) kontingentiga qarab muassasalar guruhidan kelib chiqib belgilanadi:
Xalq ta’limi muassasasining tipi | Kontingent soni (kishi) | |||
I guruh | II guruh | III guruh | IV guruh | |
Umumta’lim maktablari* | 1601 nafar va undan ortiq | 881—1600 | 401—880 | 400 nafargacha |
Maktabgacha bolalar muassasalari | 9 guruh va undan ortiq | 9 guruhgacha | ||
“Mehribonlik” uylari | 201 nafar va undan ortiq | 200 nafargacha | ||
Musiqa maktablari va san’at maktablari | 401 nafar va undan ortiq | 400 nafargacha | ||
Maktabdan tashqari muassasalar | 1601 nafar va undan ortiq | 881—1600 | 880 nafargacha | |
Bolalar va o‘smirlar sport maktablari | Muassasalarni tegishli guruhga kiritish O‘zbekiston Respublikasi Madaniyat va sport ishlari vazirligi tomonidan belgilangan tartibda amalga oshiriladi |
Keyingi tahrirga qarang.
4. Xalq ta’limi xodimlarining kasbiy o‘sishini rag‘batlantirish uchun quyidagi malaka toifalari va ushbu malakalarni olish uchun xodimlarning ma’lumot darajasiga qo‘yiladigan asosiy talablar belgilanadi:
o‘rta maxsus, kasbiy (pedagogik yoki bajarilayotgan lavozim vazifalariga muvofiq bo‘lgan) ma’lumotga ega bo‘lgan, toifasi bo‘lmagan xodim;
bakalavr darajasiga yoki oliy ma’lumot darajasi bo‘yicha akademik darajalar joriy etilgunga qadar olingan oliy ma’lumotga ega bo‘lgan mutaxassis;
bakalavr, magistr darajasiga yoki oliy ma’lumot darajasi bo‘yicha akademik darajalar joriy etilgunga qadar olingan oliy ma’lumotga ega bo‘lgan ikkinchi toifali mutaxassis;
bakalavr, magistr darajasiga yoki oliy ma’lumot darajasi bo‘yicha akademik darajalar joriy etilgunga qadar olingan oliy ma’lumotga ega bo‘lgan birinchi toifali mutaxassis;
bakalavr, magistr darajasiga yoki oliy ma’lumot darajasi bo‘yicha akademik darajalar joriy etilgunga qadar olingan oliy ma’lumotga ega bo‘lgan oliy toifali mutaxassis.
Xalq ta’limi xodimlariga malaka toifalari berish O‘zbekiston Respublikasi Xalq ta’limi vazirligi, Mehnat va aholini ijtimoiy muhofaza qilish vazirligi, Vazirlar Mahkamasi huzuridagi Davlat test markazi tomonidan tasdiqlangan, O‘zbekiston Respublikasi Adliya vazirligida ro‘yxatdan o‘tkazilgan Rahbar va pedagog kadrlarni attestatsiyadan o‘tkazish va ularga malaka toifalari berish tartibi to‘g‘risidagi Nizomga muvofiq amalga oshiriladi.
Oldingi tahrirga qarang.
5. Budjet tashkilotlari xodimlariga ish haqi miqdorlari O‘zbekiston Respublikasi Prezidenti farmonlariga muvofiq oshirilgan taqdirda xalq ta’limi muassasalari xodimlarining bazaviy tarif stavkalari (lavozim maoshlari) belgilangan tartibda O‘zbekiston Respublikasi Xalq ta’limi vazirligi tomonidan Mehnat va aholini ijtimoiy muhofaza qilish vazirligi bilan birgalikda qayta ko‘rib chiqiladi.
(5-band O‘zbekiston Respublikasi Vazirlar Mahkamasining 2011-yil 20-iyundagi 183-sonli qarori tahririda — O‘R QHT, 2011-y., 25-son, 260-modda)
6. Xodim xalq ta’limining bir muassasasida boshqa lavozimga o‘tgan taqdirda va shu munosabat bilan bazaviy tarif stavkasi o‘zgarganda mehnat shartnomasi o‘zgarishi tartibini belgilaydigan O‘zbekiston Respublikasining Mehnat kodeksi qoidalari qo‘llaniladi (VI bob, 3-§).
7. Umumta’lim muassasalarining o‘rta maxsus, kasbiy yoki oliy ma’lumotga ega bo‘lmagan, mazkur Nizom kuchga kirgan paytda pedagogik faoliyatni amalga oshirayotgan pedagog xodimlari uchun, ularning pedagogik tajribasini, shuningdek ular 2006-2007 o‘quv yilida ma’lumot olish uchun tegishli o‘quv muassasalariga o‘qishga kirishlarini hisobga olgan holda, o‘rta maxsus, kasbiy ma’lumotga ega bo‘lgan tegishli lavozimdagi xodimning bazaviy tarif stavkasi singari bazaviy tarif stavkasi belgilanadi.
Oliy yoki o‘rta maxsus, kasbiy ma’lumotga ega bo‘lmagan shaxslarni umumta’lim muassasalariga pedagogik lavozimlarga qabul qilishga yo‘l qo‘yilmaydi.
8. Oliy ta’lim muassasasining 4-kursida o‘qiyotgan shaxslar pedagoglik ishini amalga oshirish uchun qo‘yilishi mumkin va ularga o‘rta maxsus, kasbiy ma’lumotga ega bo‘lgan tegishli lavozimdagi xodimning bazaviy tarif stavkasi singari bazaviy tarif stavkasi belgilanadi.
Keyingi tahrirga qarang.
9. Barcha tip va nomdagi umumta’lim maktablarining o‘z kasbiga sodiq o‘qituvchilarini moddiy rag‘batlantirish va yuksak kasbiy va halol mehnatini rag‘batlantirish, tashabbuskorligi va kasb mahoratini o‘stirish maqsadida Umumta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasidan to‘lanadigan quyidagi:
o‘quvchilar bilan tarbiyaviy ishlar va sinfdan tashqari ishlar olib borilishining yuksak darajasi uchun tegishli malaka toifasiga ega bo‘lgan o‘qituvchi bazaviy tarif stavkasining 15 foizigacha miqdorda;
kasb mahorati va ta’lim jarayoniga qo‘shilgan aniq hissa, yuqori samaradorlik va o‘qitish sifati uchun tegishli malaka toifasiga ega bo‘lgan o‘qituvchi bazaviy tarif stavkasining 25 foizigacha miqdorda har oylik ustamalar belgilanadi.
Keyingi tahrirga qarang.
daftarlar va yozma ishlar muntazam ravishda tekshirilishi uchun — eng kam oylik ish haqining 50 foizi.
Ko‘rsatib o‘tilgan qo‘shimcha haqlar ushbu qo‘shimcha haqni moliyalashtirish uchun maxsus ajratiladigan budjet mablag‘laridan to‘lanadi.
Keyingi tahrirga qarang.
11. Xodimdan qo‘shimcha pedagogik malakani talab etadigan mehnatning alohida sharoitlarida ishlaganlik uchun bazaviy tarif stavkasiga ustamalar qonun hujjatlariga muvofiq belgilanadi.
Keyingi tahrirga qarang.
Xodimdan qo‘shimcha pedagogik malakani talab etadigan pedagogik lavozimlar ro‘yxati O‘zbekiston Respublikasi Mehnat va aholini ijtimoiy muhofaza qilish vazirligi bilan kelishgan holda Xalq ta’limi vazirligi tomonidan belgilanadi.
Noqulay mehnat sharoitlarida band bo‘lgan xodimlarga mazkur Nizom kuchga kirgunga qadar amalda bo‘lgan ustamalar saqlanib qoladi, ularning miqdori esa xodimning bazaviy tarif stavkasiga nisbatan foizlarda hisoblab chiqiladi.
ketma-ket ikki oydan ortiq bo‘lmagan davrda kasallik yoki boshqa sabablar bilan ishda bo‘lmagan xodimlarning o‘rnini bosish tartibida ishlab berilgan soatlar uchun haq to‘lashda;
boshqa muassasalardan jalb etiladigan o‘qituvchilar va boshqa mutaxassislarning, shu jumladan o‘rindoshlik bo‘yicha boshqa maktablardan jalb etiladigan o‘qituvchilar va mutaxassislarning pedagogik ishi uchun haq to‘lashda;
o‘rnini bosish tartibida umumta’lim muassasalari rahbarlari tomonidan o‘tilgan o‘quv soatlari uchun haq to‘lashda qo‘llaniladi.
13. Umumta’lim muassasalari pedagog xodimlari mehnatiga soatbay haq to‘lash stavkalari miqdori belgilangan tartibda aniqlanadi.
14. Xalq ta’limi muassasasining rahbar xodimi tomonidan asosiy lavozimning bir haftada 10 soatgacha hajmda o‘qituvchi lavozimi bilan qo‘shib olib borilishiga (o‘quv yuklamasi yuritilishiga) yo‘l qo‘yiladi.
Keyingi tahrirga qarang.
15. Xalq ta’limi muassasalari pedagog xodimlari mehnatini normalashtirish yillik, choraklik va oylik ish rejalariga asoslangan.
Yillik ish rejasi o‘quv, tarbiyaviy va tashkiliy tusdagi asosiy tadbirlarni bajarish uchun zarur bo‘lgan ish vaqti sarfi ko‘rsatilgan holda ularning ro‘yxatini o‘z ichiga oladi.
O‘qituvchilarning yillik ish rejasi choraklar va oylar bo‘yicha taqsimlangan bir yildagi 1548 soat miqdoridagi ish vaqtining jamlangan hisobidan kelib chiqadi.
Umumiy o‘rta ta’lim muassasalarining pedagogik mutaxassisliklari bo‘yicha namunaviy yillik ish rejasi O‘zbekiston Respublikasi Xalq ta’limi vazirligi tomonidan Mehnat va aholini ijtimoiy muhofaza qilish vazirligi bilan birgalikda ishlab chiqiladi va tasdiqlanadi.
16. Yillik ish rejasi har bir pedagog xodim uchun yakka tartibda belgilanadi va kengaytirilgan pedagogik kengashda muhokama qilingandan keyin xalq ta’limi muassasasi ma’muriyati tomonidan tasdiqlanadi.
Ish rejalarining bajarilishini nazorat qilish xalq ta’limi muassasasi rahbari tomonidan amalga oshiriladi.
17. Yakka tartibdagi yillik ish rejalarini ishlab chiqishda xalq ta’limi muassasasi ma’muriyati o‘qituvchilar va pedagog xodimlar boshqa toifalarining o‘quv yuklamasi soatlari hajmini umumiy belgilangan normativlarga nisbatan kamaytirishi yoki ko‘paytirishi mumkin. Bunda o‘quv yuklamasining belgilangan normativlariga tuzatish kiritish hajmi O‘zbekiston Respublikasi Xalq ta’limi vazirligi tomonidan tasdiqlangan namunaviy rejadagiga nisbatan kamaytirish yoki ko‘paytirish tomonga 10 foizdan ortiq bo‘lmasligi kerak.
18. Alohida hollarda xalq ta’limi muassasalarida xodimning roziligi bilan kasblar (lavozimlar)ni birga qo‘shib olib borishga, shuningdek o‘zining asosiy ishi bilan birgalikda ishda vaqtincha bo‘lmagan xodimlarning vazifalarini bajarishga yo‘l qo‘yiladi. Bunda lavozimlarni birga qo‘shib olib borish bo‘yicha ish vaqtining jami davom etishi mazkur Nizomning 15-bandida nazarda tutilgan jami ish vaqtining 50 foizidan, ya’ni yil mobaynida 774 soatdan ortiq bo‘lishi mumkin emas.
19. Xalq ta’limi muassasasining har bir xodimi ish rejasi bajarilishi to‘g‘risida pedagogik kengashda yoki xalq ta’limi muassasasini boshqarishning boshqa kollegial organida yarim yilda kamida bir marta hisobot beradi.
Keyingi tahrirga qarang.
Keyingi tahrirga qarang.
1. Mazkur Nizom o‘quv-tarbiya jarayonining samaradorligi va sifatini oshirishni rag‘batlantirish, umumta’lim muassasalari o‘qituvchilari mehnatiga haq to‘lashning ularning o‘quv va tarbiya jarayoniga qo‘shgan shaxsiy hissasi bilan bevosita o‘zaro aloqadorligini ta’minlash, kasb mahorati va malaka o‘sishini rag‘batlantirishni kuchaytirish maqsadida O‘zbekiston Respublikasi Prezidentining “Xalq ta’limi xodimlari mehnatiga haq to‘lash tizimini takomillashtirish va uni moddiy rag‘batlantirishni kuchaytirish chora-tadbirlari to‘g‘risida” 2005-yil 25-noyabrdagi PQ–227-son qaroriga muvofiq ishlab chiqilgan.
2. Umumta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasi (keyingi o‘rinlarda “Direktor jamg‘armasi” deb yuritiladi) barcha umumta’lim muassasalarida tashkil etiladi.
Mazkur Nizomning amal qilishi tatbiq etiladigan umumta’lim muassasalariga Umumiy o‘rta ta’lim davlat standartlariga muvofiq o‘quvchilarga ta’lim beradigan barcha tip va nomdagi umumta’lim maktablari va maktab-internatlar (keyingi o‘rinlarda “umumta’lim muassasalari” deb yuritiladi) kiradi.
umumta’lim muassasalarining faqat o‘rnak ko‘rsatgan o‘qituvchilarini (ular umumiy sonining ko‘pi bilan 50 foizini) ularning bazaviy tarif stavkalariga har oylik ustamalar belgilash yo‘li bilan moddiy rag‘batlantirishga;
umumta’lim muassasalari xodimlariga bir martalik mukofotlar to‘lashga va moddiy yordam ko‘rsatishga (favqulodda hollarda) yo‘naltiriladi.
Oldingi tahrirga qarang.
faqat tejalgan mablag‘lar mavjud bo‘lgandagina xodimlarning vaqtincha mehnatga layoqatsizligi bo‘yicha to‘lanmagan nafaqalarni moliyalashtirishga.
(3-band O‘zbekiston Respublikasi Prezidentining 2006-yil 18-dekabrdagi PQ-532-sonli qaroriga muvofiq to‘rtinchi xatboshi bilan to‘ldirilgan — O‘R QHT, 2006-y., 51-52-son, 507-modda)
4. Rag‘batlantirish chora-tadbirlarining samaradorligini oshirish uchun tuman (shahar)ning eng iqtidorli o‘qituvchilari ilg‘or tajribasini va faoliyati samaradorligini ommaviy axborot vositalarida yoritish tavsiya etiladi.
5. Respublika budjeti va mahalliy budjetda belgilangan tartibda nazarda tutiladigan budjet mablag‘lari Direktor jamg‘armasi mablag‘larini shakllantirish manbalari hisoblanadi.
Keyingi tahrirga qarang.
6. Direktor jamg‘armasi umumta’lim muassasasi mehnatga haq to‘lash fondining 15 foizidan ortiq bo‘lmagan miqdorda tashkil etiladi. Direktor jamg‘armasining mehnatga haq to‘lash fondiga nisbatan foizlardagi miqdori moliya yili uchun, O‘zbekiston Respublikasi Moliya vazirligi tomonidan Davlat budjeti tasdiqlangan parametrlarida nazarda tutilgan 200 “Umumiy ta’lim” bo‘limining tegishli paragraflari bo‘yicha mehnatga haq to‘lashga budjet xarajatlari hajmidan kelib chiqqan holda belgilanadi.
Keyingi tahrirga qarang.
Direktor jamg‘armasining mehnatga haq to‘lash fondiga nisbatan miqdori respublikaning barcha umumta’lim muassasalari bo‘yicha yagona hisoblanadi.
7. Direktor jamg‘armasining mehnatga haq to‘lash fondiga nisbatan foizlardagi miqdori Davlat budjeti qabul qilingandan keyin, tashkilotlarga ular xarajatlarining belgilangan hajmini ular e’tiboriga yetkazish yuzasidan qonun hujjatlarida belgilangan muddatlarda, O‘zbekiston Respublikasi Xalq ta’limi vazirligi va Moliya vazirligining qo‘shma xati bilan barcha umumta’lim muassasalariga hamda moliya organlariga yetkaziladi.
Keyingi tahrirga qarang.
8. Budjetdan moliyalashtiriladigan umumta’lim maktablari ta’minotiga xarajatlarning yillik smetalarini moliya organlarida ro‘yxatdan o‘tkazishda tegishli xalq ta’limi boshqaruv organi moliya organiga belgilangan tartibda har bir maktab bo‘yicha ushbu xarajatlarga nisbatan foiz hisobida belgilangan miqdordan kelib chiqib Direktor jamg‘armasi mablag‘larini ajratib ko‘rsatgan holda mehnatga haq to‘lash xarajatlari yillik hajmini taqdim etadi.
9. Direktor jamg‘armasi mablag‘lari har bir umumta’lim muassasasi ta’minoti xarajatlari smetasida nazarda tutiladi, ular 01100 “Ish haqi” moddasiga kiritiladi, 01130 “Umumta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasi mablag‘lari” budjet klassifikatsiyasi kodi bo‘yicha smetaga hisob-kitoblarda alohida satr bilan ajratib ko‘rsatiladi.
Keyingi tahrirga qarang.
10. Direktor jamg‘armasi mablag‘lari hisobiga ustamalar hamda boshqa turdagi rag‘batlantirishlarni to‘lash mablag‘larini moliyalashtirish belgilangan tartibda moliya organlari tomonidan ish haqi to‘lash uchun mablag‘larni moliyalashtirish bilan bir vaqtda amalga oshiriladi.
11. Direktor jamg‘armasi mablag‘lari hisobiga tayinlangan ustamalar, moddiy yordam va mukofotlar summasi umumta’lim muassasasining mehnatga haq to‘lash fondiga kiritiladi hamda ulardan davlat ijtimoiy sug‘urtasiga mablag‘ o‘tkaziladi. Jismoniy shaxslarning Direktor jamg‘armasi hisobiga olingan daromadlariga soliq solish belgilangan tartibda amalga oshiriladi.
Oldingi tahrirga qarang.
12. O‘qituvchilarning bazaviy tarif stavkalariga har oylik ustamalar belgilash va umumta’lim muassasalari xodimlariga bir martalik mukofotlar to‘lash va moddiy yordam ko‘rsatish to‘g‘risidagi qarorlar umumta’lim muassasalari huzuridagi maxsus komissiyalar tomonidan qabul qilinadi.
Bunda xalq ta’limini boshqarish hududiy organlari xalq ta’limi muassasalari faoliyatini metodik ta’minlash va tashkil etish tuman (shahar) bo‘limlari va viloyat xalq ta’limi boshqarmalari)ning maxsus komissiyalar faoliyatiga hamda ular qabul qiladigan qarorlarga aralashuviga yo‘l qo‘yilmaydi, Umumta’lim muassasalari huzuridagi maxsus komissiyalar to‘g‘risidagi nizomda nazarda tutilgan hollar bundan mustasno.
(12-bandning ikkinchi xatboshisi O‘zbekiston Respublikasi Vazirlar Mahkamasining 2011-yil 20-iyundagi 183-sonli qarori tahririda — O‘R QHT, 2011-y., 25-son, 260-modda)
13. Umumta’lim muassasalari huzuridagi maxsus komissiyalar to‘g‘risidagi Nizom O‘zbekiston Respublikasi Xalq ta’limi vazirligi, Mehnat va aholini ijtimoiy muhofaza qilish vazirligi, Vazirlar Mahkamasi huzuridagi Davlat test markazi tomonidan Moliya vazirligi bilan kelishilgan, keyinchalik belgilangan tartibda O‘zbekiston Respublikasi Adliya vazirligida ro‘yxatdan o‘tkazilgan holda, tasdiqlanadi.
14. Umumta’lim muassasalari huzuridagi maxsus komissiyalar tarkibi umumta’lim muassasasi rahbarining buyrug‘i bilan, kamida yetti kishidan iborat etib tasdiqlanadi va unga quyidagilar kiradi:
direktorning maktab ichki monitoringi tashkil etilishi uchun mas’ul bo‘lgan o‘quv-tarbiyaviy ishlar bo‘yicha o‘rinbosari — komissiyaning mas’ul kotibi;
15. O‘qituvchilarning bazaviy tarif stavkalariga har oylik ustamalar belgilash, umumta’lim muassasalari xodimlariga bir martalik mukofotlar berish va moddiy yordam ko‘rsatish maxsus komissiya majlisi qarori bilan, ochiq muhokama qilgan holda hamda umumta’lim muassasasining pedagogik kengashi va ota-onalar qo‘mitasi fikrlarini hisobga olib, Direktor jamg‘armasida nazarda tutilgan mablag‘lar doirasida amalga oshiriladi.
Maxsus komissiya majlislari, qoidaga ko‘ra, yarim yilda bir marta, istisno hollarda esa zaruriyatga ko‘ra o‘tkaziladi. O‘qituvchilarning oldingi o‘quv davridagi (chorak, yarim yillikdagi va hokazo) ishini baholash yakunlari bo‘yicha hamda ayrim o‘qituvchilar ish sifatidagi aniqlangan o‘zgarishlar asosida maxsus komissiya qarori bilan belgilangan ustamalar miqdorlari qayta ko‘rib chiqilishi yoki bekor qilinishi mumkin.
tarbiyaviy jarayon amalga oshirilishining sifati va samaradorligiga, sinfdan tashqari ishlarga hamda o‘quvchilarni insonparvarlik va mehr-shafqat ruhida tarbiyalashga qo‘shilgan aniq shaxsiy hissaga qarab o‘qituvchilar tomonidan olib boriladigan tarbiyaviy va sinfdan tashqari ishlar uchun 15 foizgacha miqdorda;
o‘quvchilarni test sinovdan o‘tkazish natijalari bo‘yicha aniqlanadigan, tegishli sinflar va o‘quv predmetlari uchun tasdiqlangan Davlat ta’lim standartlarida nazarda tutilgan bilimlar va ko‘nikmalar to‘liq hajmining o‘quvchilar tomonidan o‘zlashtirib olinishi darajasiga qarab kasb mahorati va o‘quv jarayoniga qo‘shilgan aniq hissa, o‘qitishning yuqori samaradorligi va sifati uchun 25 foizgacha miqdorda belgilanadi.
Kasb mahorati va o‘quv jarayoniga qo‘shilgan aniq hissa, o‘qitishning yuqori samaradorligi va sifati uchun boshlang‘ich sinflar o‘qituvchilariga har oylik ustama sinf ishining muayyan ko‘rsatkichlariga erishilgan taqdirda, fanlar o‘qituvchilariga esa — o‘qitiladigan fanlar bo‘yicha muayyan ko‘rsatkichlarga erishilgan taqdirda belgilanadi.
17. O‘qituvchilarning bazaviy tarif stavkalariga Direktor jamg‘armasi mablag‘laridan ustamalarning miqdorlari Umumta’lim maktablari huzuridagi maxsus komissiyalar to‘g‘risidagi Nizomga muvofiq, quyidagi asosiy mezonlar asosida belgilanadi.
kasb mahorati va ta’lim jarayoniga qo‘shilgan shaxsiy hissa, ta’limning yuqori samaradorligi va sifati;
o‘quvchilar bilimi, mahorati va ko‘nikmalarining umumiy o‘rta ta’lim davlat standartlariga muvofiqligi darajasi;
o‘quvchilar bilimidagi nuqsonlarning oldini olish va ularni bartaraf etish ishlarining samaradorligi va pedagogik jihatdan maqsadga muvofiqligi;
o‘quvchilarning o‘ziga xos xususiyatlarini hisobga olgan holda ularning qobiliyatlarini aniqlash va o‘stirishga yo‘naltirilgan o‘quv-tarbiya jarayonini tashkil etish;
baholashning test sinovi va reyting metodlari natijalariga qarab aniqlanadigan bilimlarning dasturga muvofiq barqaror o‘zlashtirilishini hamda o‘qitishning yaxshi sifatini ta’minlovchi pedagogik ishlarning yuqori samaradorligi, shuningdek iqtidorli va iste’dodli o‘quvchilar bilan yakka tartibda ishlashni tashkil etish;
o‘qituvchi tomonidan ilg‘or metodlar va pedagogik texnologiyalar muvaffaqiyatli qo‘llanilishi, o‘quv-tarbiyaviy ishlarning zamonaviy shakllarini joriy etish va hokazo.
18. Umumta’lim muassasalarining rahbar xodimlariga va o‘z faoliyatini soatbay haq to‘lash asosida amalga oshiradigan o‘qituvchilarga mazkur har oylik ustamalar belgilanmaydi.
19. Umumta’lim muassasalari o‘qituvchilarining bazaviy tarif stavkalariga Direktor jamg‘armasi hisobiga har oylik ustamalar har bir o‘quv yilida oldingi o‘quv yili ish yakunlari bo‘yicha belgilanadi va har bir o‘quv yarim yilligi yakunlari bo‘yicha qayta ko‘rib chiqilishi mumkin.
20. Umumta’lim muassasalarining o‘rnak ko‘rsatgan xodimlarini bir martalik mukofotlash ularning umumta’lim muassasasini rivojlantirishga qo‘shgan shaxsiy hissasi va o‘z faoliyatida yuqori ko‘rsatkichlarga erishganligi uchun ularga bir lavozim maoshigacha miqdorda mukofot to‘lash yo‘li bilan amalga oshiriladi.
21. Umumta’lim muassasalari xodimlariga moddiy yordam ularning murojaatiga ko‘ra yoki umumta’lim muassasasi kasaba uyushmasi tashkilotining tashabbusi bo‘yicha favqulodda hollarda ko‘rsatiladi (yaqin qarindoshi vafot etganda, og‘ir jarohat olinganda, og‘ir kasallikka chalinganda, tabiiy ofatdan zarar ko‘rilganda va hokazo).
22. O‘zbekiston Respublikasi Moliya vazirligining Nazorat-taftish boshqarmasi va uning hududiy bo‘linmalari Direktor jamg‘armasi mablag‘larining maqsadli sarflanishini belgilangan tartibda tekshiradi.
23. Ustamalarni belgilash uchun taqdim etilgan ma’lumotlarning xolisligi, oshkoraligi va to‘g‘riligi hamda ularni belgilash tartibiga rioya qilinishi uchun maxsus komissiyalar rahbarlari javob beradilar.
Keyingi tahrirga qarang.
1. Vazirlar Mahkamasining “Xalq ta’limi xodimlari mehnatiga haq to‘lash shartlarini tartibga solish to‘g‘risida” 1994-yil 29-sentabrdagi 490-son qarori bilan tasdiqlangan Xalq ta’limi muassasalarining qo‘shimcha haq to‘lanadigan xodimlarining lavozimlari, qo‘shimcha haqning turlari va miqdorlari ro‘yxatidagi 5, 9-11, 13-14, 20 va 22-bandlar (1-ilova).
2. Vazirlar Mahkamasining “Umumta’lim maktablari o‘qituvchilarining mehnatini rag‘batlantirishga doir qo‘shimcha chora-tadbirlar to‘g‘risida” 2004-yil 2-iyuldagi 310-son qarori (O‘zbekiston Respublikasi QT, 2004-y., 7-son, 62-modda) 1-bandining ikkinchi xatboshi.
3. Vazirlar Mahkamasining “O‘qituvchilar mehnatini qo‘shimcha rag‘batlantirishga doir eksperiment o‘tkazish va xalq ta’limi xodimlari mehnatiga haq to‘lashning tarmoq setkasiga o‘tish to‘g‘risida” 2004-yil 15-iyuldagi 335-son qarori (O‘zbekiston Respublikasi QT, 2004-y., 7-son, 66-modda).