Oldingi tahrirga qarang.
(qarorning nomi O‘zbekiston Respublikasi Vazirlar Mahkamasining 2002-yil 27-noyabrdagi 413-son qarori tahririda)
LexUZ sharhi
Mazkur qaror O‘zbekiston Respublikasi Vazirlar Mahkamasining 2015-yil 15-sentabrdagi 266-sonli “Tashuvchining fuqarolik javobgarligini majburiy sug‘urta qilish to‘g‘risida”gi O‘zbekiston Respublikasi Qonunini amalga oshirish chora-tadbirlari haqida”gi qaroriga asosan 2015-yil 28-noyabrdan o‘z kuchini yo‘qotadi.
“Umumiy foydalanishdagi havo, temir yo‘l, ichki suv va avtomobil transporti yo‘lovchilarining majburiy shaxsiy davlat sug‘urtasi to‘g‘risida”gi O‘zbekiston Respublikasi Qonunini ijro etish maqsadida Vazirlar Mahkamasi qaror qiladi:
Oldingi tahrirga qarang.
1. O‘zbekiston Respublikasining transport vositalariga chipta sotib olgan havo, temir yo‘l, ichki suv va umumiy foydalanishdagi avtomobil transporti yo‘lovchilarining majburiy bo‘yicha sug‘urta summasi har bir yo‘lovchi uchun eng kam oylik ish haqining 40 baravari miqdorida, sug‘urta mukofoti miqdori — eng kam oylik ish haqining 0,2 foizi miqdorida belgilansin.
Xorijiy erkin almashtiriladigan valyutaga chipta sotib olinganda sug‘urta summasining miqdori 20000 dollar, sug‘urta mukofoti miqdori — 2 dollar, yoxud ushbu summaning boshqa xorijiy valyutadagi teng qiymati miqdorida belgilansin.
(1-band O‘zbekiston Respublikasi Vazirlar Mahkamasining 2002-yil 27-noyabrdagi 413-son qarori tahririda)
Oldingi tahrirga qarang.
2. Umumiy foydalaniladigan havo, temir yo‘l, ichki suv va avtomobil transporti yo‘lovchilarini majburiy sug‘urta qilish tegishli litsenziyaga ega bo‘lgan sug‘urtalovchilar tomonidan amalga oshiriladi;
(2-band O‘zbekiston Respublikasi Vazirlar Mahkamasining 2002-yil 27-noyabrdagi 413-son qarori tahririda)
Oldingi tahrirga qarang.
3. O‘zbekiston Respublikasi Moliya vazirligi o‘n kun muddatda havo, temir yo‘l, ichki suv va umumiy foydalanishdagi avtomobil transporti yo‘lovchilarini majburiy sug‘urta qilish qoidalarini tasdiqlasin.