“O‘zbekiston Respublikasi Markaziy saylov komissiyasi to‘g‘risida”gi O‘zbekiston Respublikasi Qonunini hamda O‘zbekiston Respublikasi Oliy Majlisining “O‘zbekiston Respublikasi Markaziy saylov komissiyasini tuzish to‘g‘risida” 1998-yil 29-avgustdagi 676-1-son qarorini, shuningdek, saylovlarga tayyorgarlik ko‘rish va ularni o‘tkazish bilan bog‘liq masalalarni samarali hal etish uchun Vazirlar Mahkamasi qaror qiladi:
1. O‘zbekiston Respublikasi Markaziy saylov komissiyasini joylashtirish uchun unga Toshkent shahar, Xalqlar do‘stligi maydoni, 1-uydagi ma’muriy binoning birinchi qavati berilsin.
2. Markaziy saylov komissiyasining qaroriga ko‘ra Komissiya a’zolarining 6 nafari, shu jumladan, rais, rais o‘rinbosari va kotibning doimiy asosda ishlashiga rozilik berilganligi, shuningdek, Markaziy saylov komissiyasi kotibiyatining shtatlar jadvali 14 nafar mas’ul xodimdan iborat etib belgilanganligi ma’lumot uchun qabul qilinsin.
Keyingi tahrirga qarang.
3. Markaziy saylov komissiyasining maqomi, moddiy-maishiy va tibbiy ta’minot shart-sharoitlariga ko‘ra:
Keyingi tahrirga qarang.
Markaziy saylov komissiyasining doimiy asosda ishlovchi a’zolarini — Oliy Majlis qo‘mitasi a’zolariga;
Markaziy saylov komissiyasi apparati xodimlarini — Oliy Majlis apparatining tegishli xodimlariga tenglashtirish haqidagi taklifiga rozilik berilsin.
Keyingi tahrirga qarang.
Markaziy saylov komissiyasi faoliyatini mablag‘ bilan ta’minlash va uni zarur tashkiliy va kompyuter texnikasi, ofis va maxsus mebel, boshqa anjomlar bilan jihozlash uchun tegishli mablag‘lar;
5. O‘zbekiston pochta va telekommunikatsiyalar agentligi Markaziy saylov komissiyasini telefon va telefaks, shu jumladan, hukumat telefon aloqasi bilan ta’minlasin.
6. O‘zbekiston Respublikasi Davlat matbuot qo‘mitasi Markaziy saylov komissiyasini respublikada nashr etiladigan matbuot asarlari va huquqiy masalalar bo‘yicha kitob mahsulotlarining nazorat nusxalarini (bir nusxa) bepul oladigan tashkilotlar ro‘yxatiga kiritsin.
Keyingi tahrirga qarang.
7. Markaziy saylov komissiyasi O‘zbekiston Respublikasi qonunlari va Oliy Majlis tomonidan qabul qilinadigan boshqa hujjatlar, O‘zbekiston Respublikasi Prezidentining farmonlari, Hukumat qarorlari, davlat hokimiyati mahalliy organlarining qarorlari, O‘zbekiston Respublikasining davlatlararo shartnoma va boshqa majburiyatlari bir nusxada majburiy ravishda yuboriladigan tashkilotlar ro‘yxatiga kiritilsin.