LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Qishloq xo‘jaligida iqtisodiy islohotlarni chuqurlashtirish bo‘yicha tashkiliy huquqiy shart-sharoitlar yaratish, Yer kodeksi, “Qishloq xo‘jaligi kooperativi (shirkat xo‘jaligi) to‘g‘risida”, “Fermer xo‘jaligi to‘g‘risida”, “Dehqon xo‘jaligi to‘g‘risida” O‘zbekiston Respublikasi qonunlarini hamda Qishloq xo‘jaligi sohasidagi boshqa qonun hujjatlarini amalda ro‘yobga chiqarish ustidan nazoratni kuchaytirish maqsadida Vazirlar Mahkamasi qaror qiladi:
1. Ma’lumot uchun qabul qilinsinki, Yer kodeksini, “Qishloq xo‘jaligi kooperativi (shirkat xo‘jaligi) to‘g‘risida”, “Fermer xo‘jaligi to‘g‘risida”, “Dehqon xo‘jaligi to‘g‘risida” O‘zbekiston Respublikasi qonunlarini hayotga tatbiq etish bilan bog‘liq normativ-huquqiy hujjatlarini tayyorlash bo‘yicha Respublika komissiyasi tomonidan mulkiy paylarni joriy etish va Qishloq xo‘jaligi kooperativlarini tashkil qilish, mulkiy paylarni shakllantirish hamda ular bo‘yicha dividentlar to‘lash mexanizmini yaratish, oilaviy (jamoa) pudratni keng joriy etish, fermer va dehqon xo‘jaliklarini yanada rivojlantirish asosida qishloq xo‘jaligi korxonalarini qayta o‘zgartirish shart-sharoitlarini va tartibini belgilab beruvchi hukumat normativ hujjatlari ishlab chiqilgan va qabul qilingan.
Oldingi tahrirga qarang.
O‘zbekiston Respublikasi Qishloq va suv xo‘jaligi vazirligi, “O‘zvinosanoat xoldingi” kompaniyasi, Oziq-ovqat sanoati korxonalari uyushmasi, Qoraqalpog‘iston Respublikasi Vazirlar Kengashi, viloyatlar va tumanlar hokimliklari, qishloq xo‘jaligi korxonalari va tashkilotlari rahbarlari qishloq xo‘jaligida iqtisodiy islohotlarni chuqurlashtirishga doir qabul qilingan qonunlar va boshqa normativ hujjatlarning og‘ishmay amalga oshirilishini ta’minlasinlar.
(1-bandning ikkinchi xatboshisi O‘zbekiston Respublikasi Vazirlar Mahkamasining 2011-yil 12-dekabrdagi 325-sonli qarori tahririda — O‘R QHT, 2011-y., 50-son, 515-modda)
Keyingi tahrirga qarang.
O‘zbekiston Respublikasi Qishloq va suv xo‘jaligi vazirligi, Adliya vazirligi va Davlat matbuot qo‘mitasi qishloq xo‘jaligida islohotlarni chuqurlashtirishga doir barcha qonun hujjatlari hamda nizomlar to‘plamini ko‘plab nusxada nashr qilsinlar va uni barcha xo‘jaliklarga yetkazsinlar.
2. Qishloq xo‘jaligini isloh qilish sohasida qabul qilingan qonunlar va boshqa normativ hujjatlarning amalda ro‘yobga chiqarilishini nazorat qilish hamda tashkiliy-uslubiy yordam ko‘rsatish uchun qishloq xo‘jaligida iqtisodiy islohotlarni chuqurlashtirish Respublika komissiyasi 1-ilovaga* muvofiq tarkibda tuzilsin.
Oldingi tahrirga qarang.
Respublika komissiyasi huzurida O‘zbekiston Respublikasi Vazirlar Mahkamasi, Qishloq va suv xo‘jaligi vazirligi, Makroiqtisodiyot va statistika vazirligi, Davlat mulki qo‘mitasi va “O‘zvinosanoat xoldingi” kompaniyasi xodimlaridan 5 kishidan iborat doimiy ishlovchi ishchi guruhi tuzilsin.
(2-bandning ikkinchi xatboshi O‘zbekiston Respublikasi Vazirlar Mahkamasining 2006-yil 24-martdagi 51-sonli qarori tahririda—O‘R QHT, 2006-y., 12-13-son, 105-modda)
Keyingi tahrirga qarang.
O‘zbekiston Respublikasi Vazirlar Mahkamasining agrosanoat kompleksi, Qishloq va suv xo‘jaligi vazirligi, davlat mulki qo‘mitasi, “O‘zmevasabzavotuzumsanoat xoldingi” kompaniyasi bir hafta muddatda ishchi guruhini tasdiqlangan shtatlar jadvali doirasida, guruh faoliyati ko‘rsatadigan davrda ularning joriy xarajatlarini ta’minlagan holda yuqori malakali mutaxassislar bilan butlasin.
3. Qoraqalpog‘iston Respublikasi Vazirlar Kengashi va viloyatlar hokimliklari tegishli ravishda Qoraqalpog‘iston Respublikasi Vazirlar Kengashi raisining, viloyatlar hokimliklarining agrosanoat kompleksini rivojlantirish masalalari bilan shug‘ullanuvchi birinchi o‘rinbosarlari raisligida qishloq xo‘jaligini isloh qilish bo‘yicha hududiy komissiyalarni tuzsinlar.
Oldingi tahrirga qarang.
(4-band O‘zbekiston Respublikasi Vazirlar Mahkamasining 2004-yil 25-fevraldagi 87-sonli qaroriga muvofiq o‘z kuchini yo‘qotgan— O‘R QHT, 2004-y., 8-son, 97-modda)
5. Respublika komissiyasi Qoraqalpog‘iston Respublikasi Vazirlar Kengashi, viloyatlar hokimliklari, O‘zbekiston Respublikasi Qishloq va suv xo‘jaligi vazirligi va boshqa manfaatdor tashkilotlar bilan birgalikda 1998-yilda qishloq xo‘jaligi kooperativlari (shirkat xo‘jaliklari)ga aylantiriladigan jamoa xo‘jaliklarining aniq ro‘yxati bir oy muddatda belgilansin.
6. O‘zbekiston Respublikasi Vazirlar Mahkamasining 1998-yil 15-maydagi 212-son qarorining 1-bandi o‘z kuchini yo‘qotgan deb hisoblansin.
7. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari I. H. Jo‘rabekov zimmasiga yuklansin.
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2004-yil 25-fevraldagi 87-sonli qaroriga muvofiq o‘z kuchini yo‘qotgan — O‘R QHT, 2004-y., 8-son, 97-modda)