T/r

Chora-tadbir nomi

Amalga oshirish mexanizmi

Ijro muddati

Moliyalashtirish manbalari

Masʼul ijrochilar

I. Maktabgacha taʼlim tashkilotlarida taʼlim-tarbiya sifati va samaradorligini oshirish hamda qonunchilikni takomillashtirish

1.

Maktabgacha yoshdagi bolalar rivojlanishi va taʼlimiga oid talablarni takomillashtirish.

1. Maktabgacha yoshdagi bolalar rivojlanishi va taʼlimiga oid talablarni amaliyotchi mutaxassislar ishtirokida qayta koʻrib chiqish.

2026-yil aprel

-

Maktabgacha va maktab taʼlimi vazirligi

(E. Karimova)

2. Maktabgacha taʼlimning oʻquv dasturi tarkibiga takomillashtirilgan talablarni kiritib, qayta tasdiqlash.

2026-yil iyun

2.

“Ilk qadam” oʻquv dasturini maktabgacha taʼlim tashkilotlarida keng joriy etish.

1. Xorijiy mutaxassislarni jalb qilgan holda “Ilk qadam” oʻquv dasturini joriy etish boʻyicha mentor-trenerlarni tayyorlash.

Bunda maktabgacha taʼlim tashkilotlari va hududiy Pedagogik mahorat markazlarining malakali pedagoglari jalb qilish.

2026-yil aprel

-

Maktabgacha va maktab taʼlimi vazirligi

(E. Karimova)

2. “Ilk qadam” oʻquv dasturini maktabgacha taʼlim tashkilotlari pedagoglari tomonidan amaliyotga joriy etish boʻyicha kaskad usulida treninglar tashkil etish.

2026-yil may — avgust

3.

3 yoshgacha boʻlgan bolalarni rivojlantirish dasturini ishlab chiqish.

1. Bolalarning ilk yoshidan jismoniy, aqliy, hissiy va ijtimoiy rivojlanishini taʼminlash maqsadida 3 yoshgacha boʻlgan bolalarni rivojlantirish dasturi loyihasini ishlab chiqish.

2027-yil mart

-

Sogʻliqni saqlash vazirligi

(A. Xudayarov),

Maktabgacha va maktab taʼlimi vazirligi

(E. Karimova),

Ijtimoiy himoya milliy agentligi

(M. Olloyorov)

2. 3 yoshgacha boʻlgan bolalarni rivojlantirish dasturini tajriba-sinovdan oʻtkazish.

2027-yil sentabr

3. 3 yoshgacha boʻlgan bolalarni rivojlantirish dasturini tasdiqlash.

2027-yil dekabr

4.

Maktabgacha taʼlim tashkilotlari va ota-onalar oʻrtasida samarali hamkorlik oʻrnatish, bolalarni zararli taʼsirlardan himoya qilish va ularni tarbiyalashda ota-onalarga psixologik va uslubiy yordam koʻrsatish maqsadida “Onalar maktabi” loyihasini amalga oshirish.

1. Maktabgacha taʼlim tashkilotlari va ota-onalar oʻrtasida samarali hamkorlik oʻrnatish, bolalar tarbiyasida ota-onalarga psixologik va uslubiy yordam koʻrsatish maqsadida “Onalar maktabi” loyihasi konsepsiyasini ishlab chiqish va tasdiqlash. Bunda quyidagilarni nazarda tutish:

(a) bolaning rivojlanishiga qaratilgan muhit yaratish boʻyicha maktabgacha taʼlim tashkilotlari va ota-onalar uchun tavsiyalar ishlab chiqish;

(b) ota-onalar uchun bola tarbiyasida muhim boʻlgan ilmiy asoslangan maʼlumotlarni vizual va qisqa videokontent koʻrinishida yaratish.

2026-yil may

Ijrochilarning oʻz mablagʻlari

Maktabgacha va maktab taʼlimi vazirligi

(E. Karimova),

Sogʻliqni saqlash vazirligi

(A. Xudayarov)

2. “Onalar maktabi” loyihasi doirasida yaratilgan kontentlarni keng jamoatchilikka yetkazib borish.

2026-yil iyundan boshlab

3. Maktabgacha, umumiy oʻrta va oliy taʼlim tashkilotlarida psixologik qoʻllab-quvvatlashni samarali tashkil etish, pedagoglar hamda ota-onalarga tavsiyalarni ishlab chiqish maqsadida Psixologiya ilmiy-tadqiqot institutini tashkil etish yuzasidan normativ-huquqiy hujjat loyihasini ishlab chiqish va belgilangan tartibda kiritish.

2026-yil iyul

Maktabgacha va maktab taʼlimi vazirligi

(E. Karimova),

Oliy taʼlim, fan va innovatsiyalar vazirligi

(K. Sharipov),

Iqtisodiyot va moliya vazirligi

(O. Fozilkarimov)

5.

Maktabgacha taʼlim tashkilotlarida oʻyinga asoslangan taʼlim jarayonini joriy etish boʻyicha “Bola, oʻyin va pedagog” loyihasini amalga oshirish.

1. Maktabgacha taʼlim tashkilotlarida oʻyinga asoslangan taʼlimni joriy etish boʻyicha yangi metodikani davlat maktabgacha taʼlim tashkilotlarida tajriba-sinovdan oʻtkazish.

2026-yil aprel

Belgilangan tartibda jalb qilingan xalqaro tashkilotlar mablagʻlari

Maktabgacha va maktab taʼlimi vazirligi

(E. Karimova),

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

2. Maktabgacha taʼlim tashkilotlarida oʻyinga asoslangan taʼlimni joriy etish boʻyicha uslubiy qoʻllanma ishlab chiqish va tasdiqlash.

2026-yil avgust

3. “Metodik mahorat kuni” va “Metodik mahorat soati” tadbirlari oʻquv-reja dasturlariga oʻyinga asoslangan taʼlim faoliyatini tashkil etish boʻyicha mavzular kiritish.

2026/2027 oʻquv yili

6.

Maktabga tayyorlov bosqichini umumiy oʻrta taʼlim tarkibiga kiritish yuzasidan qonunlarga oʻzgartirish va qoʻshimchalar kiritish boʻyicha takliflar ishlab chiqish.

1. Oʻzbekiston Respublikasining “Taʼlim toʻgʻrisida”gi hamda “Maktabgacha taʼlim va tarbiya toʻgʻrisida”gi qonunlariga maktabga tayyorlov bosqichini umumiy oʻrta taʼlim tarkibiga kiritish boʻyicha oʻzgartirish va qoʻshimchalarni nazarda tutuvchi qonun loyihasini ishlab chiqish.

2026-yil mart

-

Maktabgacha va maktab taʼlimi vazirligi

(E. Karimova),

Adliya vazirligi

(A. Tashkulov),

Iqtisodiyot va moliya vazirligi

(O. Fozilkarimov)

2. Qonun loyihasini belgilangan tartibda kelishish va Vazirlar Mahkamasiga kiritish.

2026-yil aprel

II. Pedagog kadrlar salohiyatini oshirish

7.

Maktabgacha taʼlim tashkilotlari psixologlari uchun pedagog xodimlarning kasbiy motivatsiya darajasini oshirish hamda emotsional holatini qoʻllab-quvvatlashga qaratilgan treninglar tashkil etish.

1. Pedagog xodimlarning kasbiy motivatsiya darajasini oshirish va emotsional holatini qoʻllab-quvvatlashga qaratilgan treninglarni oʻtkazish reja-jadvali va dasturini tasdiqlash.

2026-yil mart

-

Maktabgacha va maktab taʼlimi vazirligi

(E. Karimova)

2. Pedagog xodimlar kasbiy motivatsiya darajasini oshirish va emotsional holatini qoʻllab-quvvatlashga qaratilgan treninglarni har bir hududda bosqichma-bosqich oʻtkazish.

Reja-jadval asosida har yili

3. Pedagog xodimlarning emotsional barqarorligini taʼminlash uchun videomahsulotlar (podkast va boshqalar) tayyorlash.

2026-yil davomida

8.

Oilaviy nodavlat maktabgacha taʼlim tashkilotlari pedagoglari oʻrtasida “Yilning eng namunali tarbiyachisi” tanlovini tashkil etish.

1. Tanlovni tashkil etish va oʻtkazish boʻyicha nizom loyihasini ishlab chiqish va tasdiqlash.

2026-yil aprel

Ijrochilarning oʻz mablagʻlari

Maktabgacha va maktab taʼlimi vazirligi

(E. Karimova),

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

2. Tasdiqlangan nizom asosida tanlovni oʻtkazish.

Belgilangan muddatda

9.

Maktabgacha taʼlim yoʻnalishi boʻyicha xalqaro tajribalarga mos ravishda bakalavrlar tayyorlash tizimini joriy etish.

1. Maktabgacha taʼlim yoʻnalishida kadrlar tayyorlash tizimini takomillashtirish boʻyicha quyidagilarni nazarda tutuvchi normativ-huquqiy hujjat loyihasini ishlab chiqish:

(a) maktabgacha taʼlim yoʻnalishi va mutaxassisligining taʼlim dasturlarini xalqaro tajribalar asosida takomillashtirish. Bunda maktabgacha taʼlim tashkilotlari tarbiyalanuvchilarida zamonaviy koʻnikmalarni shakllantirish bilan birga jismoniy tarbiya boʻyicha mashgʻulotlar olib borish hamda birinchi tibbiy yordam koʻrsatish kabi zarur bilim va koʻnikmalarni egallagan pedagoglarni tayyorlashni nazarda tutish;

(b) maktabgacha taʼlim yoʻnalishida davlat va nodavlat maktabgacha taʼlim tashkilotlarida faoliyat yuritayotgan oʻrta maxsus maʼlumotli pedagog kadrlar uchun dual taʼlim shaklida (bir kun pedagogika oliy taʼlim tashkilotida, besh kun maktabgacha taʼlim tashkilotida) toʻlov-shartnoma asosida maktabgacha taʼlim yoʻnalishida bakalavrlar tayyorlashni yoʻlga qoʻyish;

(v) dual taʼlim shaklida (bir kun pedagogika oliy taʼlim tashkilotida, besh kun maktabgacha taʼlim tashkilotida) taʼlim jarayonlarini tashkil etishda talabalarning maktabgacha taʼlim tashkilotlaridagi amaliy faoliyatini metodik taʼminlash, muvofiqlashtirish va baholash mexanizmlarini joriy etish.

2026-yil aprel

-

Maktabgacha va maktab taʼlimi vazirligi

(E. Karimova),

Adliya vazirligi

(A. Tashkulov),

Oliy taʼlim, fan va innovatsiyalar vazirligi

(K. Sharipov), Iqtisodiyot va moliya vazirligi

(O. Fozilkarimov)

2. Maktabgacha taʼlim yoʻnalishi boʻyicha xalqaro tajribalarga mos ravishda bakalavrlarni tayyorlashni yoʻlga qoʻyish.

2026/2027 oʻquv yilidan boshlab

10.

Nodavlat maktabgacha taʼlim tashkilotlari pedagoglarining kasbiy rivojlanishi uchun sharoitlar yaratish.

1. Nodavlat maktabgacha taʼlim tashkilotlari pedagoglarining kasbiy rivojlanishini taʼminlashga qoʻshimcha sharoitlar yaratish maqsadida “Tarbiyachi” taʼlimni boshqarish platformasini (LMS) yaratish.

2026-yil dekabr

-

Maktabgacha va maktab taʼlimi vazirligi

(E. Karimova),

Raqamli texnologiyalar vazirligi

(Sh. Shermatov)

2. Zamonaviy pedagogik metodikalar, innovatsion taʼlim texnologiyalariga oid videodarslar, uslubiy qoʻllanmalar, testlar hamda interfaol mashgʻulotlarni ishlab chiqish va ularni “Tarbiyachi” LMS platformasiga joylashtirish.

2027-yil mart

III. Maktabgacha taʼlim tashkilotlari faoliyatini takomillashtirish

11.

Ota-onalar va maktabgacha taʼlim tashkilotlari oʻrtasida raqamli axborot almashinuvini yoʻlga qoʻyish.

1. Maktabgacha taʼlim tashkilotlarida xodimlar va tarbiyalanuvchilarning elektron davomatini yuritishga moʻljallangan mobil dasturni barcha davlat bogʻchalarida amaliyotga joriy etish.

2026-yil aprel

-

Maktabgacha va maktab taʼlimi vazirligi

(E. Karimova),

Raqamli texnologiyalar vazirligi

(Sh. Shermatov)

2. Xodimlarning ish vaqti tabelini elektron shaklda hisoblash, tarbiyalanuvchilarning oziq-ovqat xarajatlarini natura shaklida hisoblash jarayonlarini toʻliq raqamlashtirish.

2026-yil may

3. Ota-onalar badal toʻlovlarini nazorat qilish va monitoringini yuritish, shuningdek, ularning taʼlim jarayoni, sogʻligʻi, ovqatlanishi va kunlik mashgʻulotlari toʻgʻrisida maʼlumot taqdim etish imkonini beruvchi mobil ilova texnik topshirigʻini ishlab chiqish va ekspertizadan oʻtkazish.

2026-yil avgust

4. Texnik topshiriq asosida belgilangan tartibda mobil ilova yaratish va Toshkent shahrida tajriba-sinov tariqasida amaliyotga joriy etish, shuningdek, bosqichma-bosqich barcha maktabgacha taʼlim tashkilotlarida mobil ilovadan foydalanishni yoʻlga qoʻyish.

2026-yil dekabrdan boshlab

12.

Davlat maktabgacha taʼlim tashkilotlarida bolalar taʼminoti uchun ota-onalar toʻlovi miqdorlarini qayta koʻrib chiqish.

Davlat maktabgacha taʼlim tashkilotlarida bolalar taʼminoti uchun ota-onalar toʻlovi miqdorlarini qayta koʻrib chiqqan holda tegishli normativ-huquqiy hujjat loyihasini Vazirlar Mahkamasiga kiritish. Bunda ota-onalar toʻlovi bazaviy hisoblash miqdoriga bogʻlangan holda belgilanishini nazarda tutish.

2026-yil aprel

-

Maktabgacha va maktab taʼlimi vazirligi

(E. Karimova),

Iqtisodiyot va moliya vazirligi

(O. Fozilkarimov)

13.

Aholiga sifatli maktabgacha taʼlim xizmatlarini koʻrsatish boʻyicha qoʻshimcha qulayliklar yaratish.

1. Hududlarda namunaviy loyiha andozasidan kelib chiqib 2026 — 2028-yillarda qoʻshimcha “Yangi avlod” maktabgacha taʼlim tashkilotlarini tashkil etish.

2. Hududlar va massivlarda yangi koʻp qavatli binolar qurilishida kelgusida ularda yashovchi oilalar farzandlari uchun mutanosib ravishda har bir xonadon hisobidan kamida bir nafar bola oʻrni yaratilishini nazarda tutgan holda maktabgacha taʼlim tashkilotlari barpo etilishini taʼminlash.

2026 — 2028-yillar davomida

-

Qoraqalpogʻiston Respublikasi, viloyatlar va Toshkent shahri hokimliklari