Kadrlar tayyorlash milliy dasturini amalga oshirish, respublikada tashqi iqtisodiy aloqalar, xalqaro munosabatlar va diplomatiya sohasida malakali mutaxassislar tayyorlashni takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining 1998-yil 27-apreldagi F-840-son Farmoyishiga muvofiq Jahon iqtisodiyoti va diplomatiya universiteti faoliyatini o‘rganib chiqqan Komissiyaning xulosa va takliflari e’tiborga olinsin.
2. Belgilab qo‘yilsinki, 1998/99 o‘quv yilidan boshlab Jahon iqtisodiyoti va diplomatiya universitetiga:
talabalar qabul qilish respublikada oliy o‘quv yurtlari uchun belgilangan tartibda, test sinovlarining reyting natijalari asosida amalga oshiriladi;
ta’lim yo‘nalishlari bo‘yicha qabul rejasi O‘zbekiston Respublikasi Tashqi ishlar vazirligi va Tashqi iqtisodiy aloqalar vazirligi, boshqa manfaatdor vazirliklar va idoralarning kadrlarga bo‘lgan real ehtiyojlarini, universitetda o‘quv jarayonining sifatli tashkil etilishi uchun shart-sharoitlarni hisobga olgan holda belgilanadi. Belgilangan umumiy qabul rejasining 50 foizi davlat grantiga, 50 foizi shartnoma asosida qabul qilinayotgan talablarga ajratiladi;
Keyingi tahrirga qarang.
O‘zbekiston Respublikasi fuqarolarini talabalikka shartnoma asosida qabul qilishda to‘lovlarni boshqa davlatlar valyutasida amalga oshirish man etiladi.
3. Jahon iqtisodiyoti va diplomatiya universiteti O‘zbekiston Respublikasi Tashqi ishlar vazirligi tasarrufiga o‘tkazilsin.
Universitetning o‘ziga xos xususiyatlarini inobatga olgan holda, 1998/99 o‘quv yilidan boshlab bakalavriatda o‘qish muddati — 5 yil, magistraturada — 2 yil etib belgilansin.
Universitetga 1998/99 o‘quv yiligacha qabul qilingan talabalar mavjud bo‘lgan shartnomalar asosida 4 yillik bakalavriat o‘quv dasturlari bo‘yicha tayanch oliy ta’lim oladilar.
Oliy va o‘rta maxsus ta’lim vazirligi hamda boshqa manfaatdor vazirliklar va idoralar bilan birgalikda universitetning ta’lim yo‘nalishlarini, mutaxassisliklari bo‘yicha malaka tavsifnomalarini, o‘quv rejasi va dasturlarini qayta ishlab chiqsin va tasdiqlash uchun Vazirlar Mahkamasiga taqdim etsin;
yangi o‘quv rejasi va dasturlarini ishlab chiqishda har tomonlama chuqur bilimga ega bo‘lgan malakali, zamonaviy talablarga javob beradigan, boy milliy va umuminsoniy qadriyatlarni o‘zlashtirgan, o‘z Vatani va xalqiga sodiq mutaxassislarni tayyorlash eng muhim vazifa deb hisoblansin;
Davlat test markazi bilan birgalikda bo‘lajak test sinovlarini yuksak saviyada o‘tkazish uchun zarur tashkiliy chora-tadbirlarni amalga oshirsin;
Oliy va o‘rta maxsus ta’lim vazirligi va Adliya vazirligi bilan birgalikda universitetning Ustavini qayta ishlab chiqsin va tasdiqlasin.
5. Tashqi ishlar vazirligi universitetning professor-o‘qituvchilari tarkibini muntazam mustahkamlab borish, pedagoglarni qayta tayyorlash va ularning malakasini oshirish ishlarini ta’minlasin.
Davlat test markazi (Kadrlar tayyorlash sifatini nazorat qilish, pedagog kadrlar va ta’lim muassasalari attestatsiyasi boshqarmasi) bilan birgalikda 1998-yil 1-iyulga qadar universitetning professor-o‘qituvchilarini attestatsiyadan o‘tkazsin.
6. 1998/99 o‘quv yilidan boshlab kadrlarga buyurtma beruvchi asosiy tashkilotlar — O‘zbekiston Respublikasi Tashqi ishlar vazirligi va Tashqi iqtisodiy aloqalar vazirligi tizimidagi yuqori malakali mutaxassislarni universitetning o‘qitish jarayoniga jalb etish amaliyoti joriy qilinsin va rivojlantirilsin.
Keyingi tahrirga qarang.
7. Universitetda ta’lim yo‘nalishlari bo‘yicha chet tillarda keng mavzuda ma’ruzalar o‘qitish va maxsus kurslarni o‘qitish uchun O‘zbekiston Respublikasida faoliyat ko‘rsatayotgan nufuzli xalqaro tashkilotlar, xorijiy davlatlar elchixonalari va vakolatxonalarining malakali mutaxassislarini taklif etish nazarda tutilsin va qo‘llab-quvvatlansin.
8. O‘zbekiston Respublikasi Tashqi ishlar vazirligi va Tashqi iqtisodiy aloqalar vazirligi muntazam ravishda Jahon iqtisodiyoti va diplomatiya universitetining moddiy-texnika bazasini zamonaviy dasrliklar va o‘quv adabiyotlari, kompyuterlashtirilgan o‘quv dasturlari va boshqa texnik vositalar bilan mustahkamlashni budjetdan tashqari jamg‘arma mablag‘lari hisobidan ta’minlasinlar.
Keyingi tahrirga qarang.
9. Vazirlar Mahkamasining 1992-yil 24-oktabrdagi 491-son qarorining 10-bandi va 7-bandining universitet rahbariyatiga talablar qabulini tashkil etish, o‘quv rejasi va dasturlarini, shtat jadvalini mustaqil ravishda tasdiqlash huquqini berishga oid qismi hamda Vazirlar Mahkamasining 1992-yil 12-noyabrdagi 526-son, 1994-yil 2-martdagi 111-son, 1995-yil 31-maydagi 195-son, 1995-yil 20-iyundagi 231-son qarorlari o‘z kuchini yo‘qotgan deb hisoblansin.
10. O‘zbekiston Respublikasi Moliya vazirligi Tashqi ishlar vazirligi bilan birgalikda Jahon iqtisodiyoti va diplomatiya universitetining moliyaviy ta’minotiga tegishli o‘zgartirishlar kiritsin.