Oʻzbekiston Respublikasining “Nobank kredit tashkilotlari va mikromoliyalashtirish faoliyati toʻgʻrisida”gi Qonuni, Oʻzbekiston Respublikasi Prezidentining 2022-yil 25-maydagi “Hisob-kitob tizimini takomillashtirish va xoʻjalik yurituvchi subyektlarning toʻlov intizomini oshirish chora-tadbirlari toʻgʻrisida”gi PF-141-son Farmoni va 2022-yil 22-iyuldagi “Xotin-qizlarni kasb-hunar va tadbirkorlikka oʻqitish tizimini takomillashtirishga doir qoʻshimcha chora-tadbirlar toʻgʻrisida”gi PQ-329-son qaroriga muvofiq, shuningdek, investitsiyaviy salohiyatni yanada rivojlantirish maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

nobank kredit tashkilotlari va mikromoliyalashtirish faoliyatiga oid qonunosti hujjatlarini tizimlashtirish;

xoʻjalik yurituvchi subyektlarning tijorat banklarida ochilgan undiruvga yoʻl qoʻyilmaydigan maxsus maqsadli hisobvaraqlarini tugatish;

Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasiga yirik savdo-koʻngilochar markazini qurish boʻyicha investitsiya loyihalari doirasida tijorat binolarini ijaraga berish shartnomalarida ijara toʻlovlarining chet el valyutalariga va shartli birliklarga bogʻlanishiga ruxsat etish vakolatini berish;

yoshlar va xotin-qizlarni kasb-hunar hamda tadbirkorlikka oʻqitishga jalb qilingan tashkilotlar doirasini kengaytirish.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Bosh vazir oʻrinbosarlari J.A. Qoʻchqorov va J.A. Xodjayev zimmasiga yuklansin.

1. Oʻzbekiston Respublikasi Prezidentining 2020-yil 12-maydagi “2020 — 2025-yillarga moʻljallangan Oʻzbekiston Respublikasining bank tizimini isloh qilish strategiyasi toʻgʻrisida”gi PF-5992-son Farmoniga 1-ilovaning III boʻlimi 4-kichik boʻlimining beshinchi xatboshisidagi “mikrokredit” soʻzi “mikromoliya” soʻzi bilan almashtirilsin.

2. Oʻzbekiston Respublikasi Prezidentining 2020-yil 18-avgustdagi “Respublikada eksport va investitsiya salohiyatini yanada rivojlantirishga oid qoʻshimcha chora-tadbirlar toʻgʻrisida”gi PF-6042-son Farmonining 4-bandida:

a) quyidagi mazmundagi beshinchi xatboshi bilan toʻldirilsin:

“investitsiya miqdori 200 million AQSh dollaridan hamda ijaraga beriladigan maydoni 70 ming kvadrat metrdan yuqori boʻlgan yirik savdo-koʻngilochar markazini qurish boʻyicha investitsiya loyihalari doirasida tijorat binolarini ijaraga berish shartnomalarida ijara toʻlovlarini chet el valyutalariga va shartli birliklarga bogʻlanishiga ruxsat etish. Bunda, ijara toʻlovlari Markaziy bank tomonidan belgilangan valyuta kursi boʻyicha milliy valyutada amalga oshiriladi”;

b) beshinchi va oltinchi xatboshilar tegishincha oltinchi va yettinchi xatboshilar deb hisoblansin.

3. Oʻzbekiston Respublikasi Prezidentining 2007-yil 3-yanvardagi “Oʻzbekiston Respublikasi uy-joy fondini sovuq va issiq suv hisoblagich asbob-uskunalari bilan jihozlash” investitsiya loyihasini amalga oshirish chora-tadbirlari toʻgʻrisida”gi PQ-553-son qarorida:

a) 4-banddan uchinchi va toʻrtinchi xatboshilar chiqarib tashlansin;

b) 7-bandda:

toʻrtinchi xatboshi chiqarib tashlansin;

beshinchi xatboshi toʻrtinchi xatboshi deb hisoblansin;

toʻrtinchi xatboshi quyidagi tahrirda bayon etilsin:

“suvni hisobga olish uzellari oʻrnatilgani uchun aholidan mablagʻlarni oʻz vaqtida qaytarish uchun shaxsiy javobgarlik yuklansin”;

v) 1-ilovaning izoh qismidan “maqsadli hisob raqamlarida jamlanadigan mablagʻlar” soʻzlari chiqarib tashlansin;

g) 3-ilovaga ilovaning rus tilidagi matnida 8-izohdan “spets.” soʻzi chiqarib tashlansin.

4. Oʻzbekiston Respublikasi Prezidentining 2013-yil 15-iyuldagi “Buxoro viloyatining Olot va Qorakoʻl tumanlarini ichimlik suvi bilan taʼminlashni yaxshilash” loyihasini Xalqaro taraqqiyot uyushmasi ishtirokida amalga oshirish chora-tadbirlari toʻgʻrisida”gi PQ-2001-son qarori 8-bandidan ikkinchi xatboshi chiqarib tashlansin.

5. Oʻzbekiston Respublikasi Prezidentining 2014-yil 28-martdagi “Osiyo taraqqiyot banki ishtirokida “Amu-Buxoro irrigatsiya tizimini qayta tiklash” loyihasini amalga oshirish chora-tadbirlari toʻgʻrisida”gi PQ-2156-son qarorining 7-bandidan uchinchi xatboshi chiqarib tashlansin.

6. Oʻzbekiston Respublikasi Prezidentining 2015-yil 7-apreldagi “Islom taraqqiyot banki ishtirokida “Surxondaryo viloyatida suv resurslarini boshqarishni yaxshilash (Xazarbogʻ-Oqqapchigʻay kanallar tizimini qayta tiklash)” loyihasini amalga oshirish chora-tadbirlari toʻgʻrisida”gi PQ-2332-son qarorining 5-bandidan uchinchi xatboshi chiqarib tashlansin.

7. Oʻzbekiston Respublikasi Prezidentining 2016-yil 22-noyabrdagi “2017 — 2020-yillarda shaharlarda arzon koʻp kvartirali uylarni qurish va rekonstruksiya qilish dasturini amalga oshirish chora-tadbirlari toʻgʻrisida”gi PQ-2660-son qarorida:

a) 4-bandning beshinchi xatboshisidan “maxsus maqsadli hisob raqamlari (22626) ochish yoʻli bilan” soʻzlari chiqarib tashlansin;

b) 6-band oʻz kuchini yoʻqotgan deb hisoblansin.

8. Oʻzbekiston Respublikasi Prezidentining 2018-yil 29-martdagi “Toshkent metallurgiya zavodini qurish” investitsiya loyihasini amalga oshirishni davom ettirishga oid qoʻshimcha chora-tadbirlar toʻgʻrisida”gi PQ-3638-son qarori 10-bandining “b” kichik bandida:

birinchi xatboshidagi ““Oʻzbekenergo” AJ va uning qurilish tashkilotlari” soʻzlari ““Hududiy elektr tarmoqlari” AJ va uning tarkibidagi korxonalar” soʻzlari bilan almashtirilsin;

uchinchi xatboshidagi “Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi hududiy boshqarmalarining maxsus” soʻzlari “Iqtisodiyot va moliya vazirligi huzuridagi Kadastr agentligi hududiy boshqarmalarining” soʻzlari bilan almashtirilsin.

9. Oʻzbekiston Respublikasi Prezidentining 2018-yil 10-sentabrdagi “Kuvayt arab iqtisodiy taraqqiyot jamgʻarmasi ishtirokida “Namunaviy loyihalar boʻyicha yakka tartibdagi uy-joylar qurilishi yuzasidan qishloq massivlarida muhandislik infratuzilmasini rivojlantirish” loyihasini amalga oshirish chora-tadbirlari toʻgʻrisida”gi PQ-3937-son qarorining 4-bandi toʻrtinchi va beshinchi xatboshilaridan “22626-son “Korxona va tashkilotlarning maqsadli mablagʻlari” moliyalashtirish maxsus” soʻzlari chiqarib tashlansin.

10. Oʻzbekiston Respublikasi Prezidentining 2020-yil 13-oktabrdagi “Aholini tadbirkorlikka jalb qilish tizimini takomillashtirish va tadbirkorlikni rivojlantirishga doir qoʻshimcha chora-tadbirlar toʻgʻrisida”gi PQ-4862-son qarorida:

a) 3-bandda:

ikkinchi xatboshidagi “nodavlat taʼlim tashkilotlariga” soʻzlari “nodavlat taʼlim tashkilotlari, kasb-hunar maktablari, kollejlar va texnikumlar (keyingi oʻrinlarda — professional taʼlim muassasalari), Biznes va tadbirkorlik oliy maktabi hamda uning hududiy filiallariga” soʻzlari bilan almashtirilsin;

uchinchi xatboshi “nodavlat taʼlim tashkilotlari” soʻzlaridan keyin “professional taʼlim muassasalari, Biznes va tadbirkorlik oliy maktabi hamda uning hududiy filiallari” soʻzlari bilan toʻldirilsin;

b) 4-bandda:

birinchi xatboshi “Biznes va tadbirkorlik oliy maktabi” soʻzlaridan keyin “hamda Oliy taʼlim, fan va innovatsiyalar vazirligi” soʻzlari bilan toʻldirilsin;

ikkinchi xatboshi “nodavlat taʼlim tashkilotlari” soʻzlaridan keyin “professional taʼlim muassasalari, Biznes va tadbirkorlik oliy maktabi hamda uning hududiy filiallari” soʻzlari bilan toʻldirilsin;

v) 5-bandning birinchi xatboshisi “nodavlat taʼlim tashkilotlari” soʻzlaridan keyin “professional taʼlim muassasalari, Biznes va tadbirkorlik oliy maktabi hamda uning hududiy filiallari” soʻzlari bilan toʻldirilsin;

g) 6-bandning toʻrtinchi xatboshisi “nodavlat taʼlim tashkilotlari” soʻzlaridan keyin “, professional taʼlim muassasalari, Biznes va tadbirkorlik oliy maktabi hamda uning hududiy filiallari” soʻzlari bilan toʻldirilsin;

d) 8-bandning beshinchi xatboshisi “nodavlat taʼlim tashkilotlari” soʻzlaridan keyin “professional taʼlim muassasalari, Biznes va tadbirkorlik oliy maktabi hamda uning hududiy filiallari” soʻzlari bilan toʻldirilsin;

e) 13-bandning toʻrtinchi xatboshisidagi “mikrokredit” soʻzi “mikromoliya” soʻzi bilan almashtirilsin;

j) 14-bandning birinchi va toʻrtinchi xatboshilaridagi “mikrokredit” soʻzi “mikromoliya” soʻzi bilan almashtirilsin.

11. Oʻzbekiston Respublikasi Prezidentining 2021-yil 19-iyundagi “Koʻp kvartirali uy-joylarni boshqarish tizimini yanada takomillashtirish toʻgʻrisida”gi PQ-5152-son qarori 4-bandining “b” kichik bandi toʻrtinchi xatboshisi quyidagi tahrirda bayon etilsin:

“30 foizi mulkdorlar hisobidan qoplanadi”.

1. Oʻzbekiston Respublikasi Prezidentining 2008-yil 10-noyabrdagi “Mikrokreditbank” aksiyadorlik tijorat bankining tadbirkorlik subyektlarini qoʻllab-quvvatlash borasidagi faoliyatini yanada kengaytirish chora-tadbirlari toʻgʻrisida”gi PF-4051-son Farmonining 3-bandi.

2. Oʻzbekiston Respublikasi Prezidentining 2010-yil 19-apreldagi “Bank plastik kartochkalaridan foydalangan holda hisob-kitob tizimini rivojlantirishni ragʻbatlantirish boʻyicha qoʻshimcha chora-tadbirlar toʻgʻrisida”gi PQ-1325-son qarori.

3. Oʻzbekiston Respublikasi Prezidentining 2012-yil 30-oktabrdagi “Oʻzbekiston Respublikasi davlat soliq xizmati idoralari axborot-kommunikatsiya tizimi faoliyati samaradorligini yanada oshirish chora-tadbirlari toʻgʻrisida”gi PQ-1843-son qaroriga 2-ilovaning 6-pozitsiyasi.

4. Oʻzbekiston Respublikasi Prezidentining 2017-yil 12-sentabrdagi “Respublika bank tizimini yanada rivojlantirish va barqarorligini oshirish chora-tadbirlari toʻgʻrisida”gi PQ-3270-son qarorining 1-bandi.

5. Oʻzbekiston Respublikasi Prezidentining 2018-yil 4-maydagi “Oʻzbekiston Respublikasi aksiyadorlik tijorat Xalq banki va “Mikrokreditbank” aksiyadorlik tijorat bankining moliyaviy holatini yaxshilash hamda faoliyatini yanada takomillashtirish chora-tadbirlari toʻgʻrisida”gi PQ-3694-son qarorining 6¹-bandi.

6. Oʻzbekiston Respublikasi Prezidentining 2019-yil 23-iyuldagi “Mikromoliyaviy xizmatlar ommabopligini oshirish chora-tadbirlari toʻgʻrisida”gi PQ-4400-son qarorining 5 va 6-bandlari.