O‘zbekiston Respublikasi Vazirlar Mahkamasining “O‘zbekiston Respublikasining 2005-yilgi Davlat budjeti parametrlari to‘g‘risida” 2004-yil 28-dekabrdagi 610-son qaroriga muvofiq Vazirlar Mahkamasi qaror qiladi:
O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Telekommunikatsiyalar va pochta aloqasi sohasida boshqaruv tizimini takomillashtirish chora-tadbirlari to‘g‘risida” 2000-yil 22-noyabrdagi 458-son qarorida (O‘zbekiston Respublikasi QT, 2000-y., 11-son, 73-modda):
2-banddan, 6-bandning ikkinchi, uchinchi xatboshidan, 9-banddan “va jismoniy”, “yoki jismoniy” so‘zlari chiqarib tashlansin;
“a” kichik bandning uchinchi xatboshi, “b” kichik bandning ikkinchi xatboshi, “z” kichik band chiqarib tashlansin;
55-bandning ikkinchi xatboshidan “litsenziat — jismoniy shaxsning familiyasi, ismi, otasining ismi va manzili” so‘zlari chiqarib tashlansin.
Keyingi tahrirga qarang.
v) Telekommunikatsiyalar sohasidagi faoliyatni litsenziyalash to‘g‘risidagi nizomga 2-ilova o‘z kuchini yo‘qotgan deb hisoblansin;
g) Telekommunikatsiyalar sohasidagi faoliyatni litsenziyalash to‘g‘risidagi nizomga 4-ilovada “subyektlar” ustunidagi “litsenziya talabgori — yuridik shaxs, jismoniy shaxs” blokidan “jismoniy shaxs” so‘zlari chiqarib tashlansin.
2. Vazirlar Mahkamasining “O‘zbekiston Respublikasining 2002-yilgi Davlat budjeti asosiy makroiqtisodiy ko‘rsatkichlari va parametrlari prognozi to‘g‘risida” 2001-yil 31-dekabrdagi 490-son qarorining 20-bandida “bolalarning maktabgacha bolalar muassasalaridagi ta’minoti va” so‘zlari chiqarib tashlansin, “28 va 29-ilovalar” so‘zlari “29-ilova” so‘zlari bilan almashtirilsin.
3. Vazirlar Mahkamasining “Budjetdan tashqari pensiya jamg‘armasini boshqarishni yanada takomillashtirish to‘g‘risida” 2004-yil 21-oktabrdagi 490-son qarorida (O‘zbekiston Respublikasi QT, 2004-y., 10-son, 98-modda):
a) 4-bandning “a” kichik bandi oltinchi xatboshiga “shuningdek kommunal xo‘jalik tizimi korxonalari uchun faoliyat xususiyatiga ko‘ra issiqlik energiyasi, suv va tabiiy gazning xarid qiymati hajmlari chiqarib tashlangan holda” so‘zlari qo‘shilsin;
b) qarorga 3-ilovaning 27-bandi “a” kichik bandining oltinchi xatboshidagi birinchi jumlaga “shuningdek kommunal xo‘jalik tizimi korxonalari uchun faoliyat xususiyatiga ko‘ra issiqlik energiyasi, suv va tabiiy gazning xarid qiymati hajmlari chiqarib tashlangan holda” so‘zlari qo‘shilsin.
Keyingi tahrirga qarang.