Tadbirkorlik subyektlari faoliyati uchun yanada qulay shart-sharoitlar yaratish, xalqaro amaliyotga muvofiq hisobot tizimi va uni taqdim etish tartibini takomillashtirish, shuningdek qo‘shimcha hisobotni noqonuniy talab etish hollariga yo‘l qo‘ymaslik maqsadida:
1. O‘zbekiston Respublikasi Iqtisodiyot vazirligi, Moliya vazirligi, Davlat mulk qo‘mitasi, Davlat soliq qo‘mitasi va Savdo-sanoat palatasining 2005-yil 1-iyuldan boshlab mikrofirmalar va kichik korxonalar tomonidan soliqlar, yig‘imlar, ajratmalar hamda boshqa majburiy to‘lovlar bo‘yicha barcha hisob-kitoblarni davlat soliq xizmati organlariga har oyda taqdim etishni har chorakda taqdim etishga o‘tkazish to‘g‘risidagi taklifi qabul qilinsin.
Bunda soliqlar, yig‘imlar, ajratmalar va boshqa majburiy to‘lovlarni to‘lashning amaldagi muddatlari saqlab qolinsin.
Keyingi tahrirga qarang.
2. Belgilansinki, har chorakdagi hisob-kitoblar mikrofirma va kichik korxonalar tomonidan davlat soliq xizmati organlariga hisobot choragidan keyingi oyning 25-kunidan kechikmay:
oyma-oy taqsimlangan holda — har oyda to‘lanadigan barcha soliqlar, yig‘imlar, ajratmalar va boshqa majburiy to‘lovlar bo‘yicha (O‘zbekiston Respublikasida ishlab chiqariladigan tovarlarga aksiz solig‘i bundan mustasno);
har o‘n kunlikka taqsimlangan holda — O‘zbekiston Respublikasida ishlab chiqariladigan tovarlarga aksiz solig‘i bo‘yicha har chorakda bir marta taqdim etiladi.
Mikrofirmalar va kichik korxonalar tomonidan to‘lanishi lozim bo‘lgan soliqlar, yig‘imlar, ajratmalar va boshqa majburiy to‘lovlarning miqdori kamaytirilgan taqdirda ularga nisbatan qonun hujjatlarida belgilangan tartibda javobgarlik choralari qo‘llaniladi.
Keyingi tahrirga qarang.
Oldingi tahrirga qarang.
(3-band O‘zbekiston Respublikasi Prezidentining 2018-yil 3-maydagi PF-5428-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 04.05.2018-y., 06/18/5428/1158-son)
4. O‘zbekiston Respublikasi Davlat statistika qo‘mitasi va Davlat soliq qo‘mitasi Iqtisodiyot vazirligi va Moliya vazirligi hamda boshqa manfaatdor vazirliklar va idoralar bilan birgalikda 2006-yilgi Davlat statistika ishlari dasturini tayyorlash doirasida ikki oy muddatda:
tadbirkorlik subyektlari uchun davlat statistik hisobotini yanada soddalashtirishga qaratilgan hisobot shaklini;
yillik statistik va moliyaviy hisobotni o‘zaro muvofiqlashtirishni nazarda tutgan holda uni taqdim etish muddatlarini qayta ko‘rib chiqsinlar.
5. O‘zbekiston Respublikasi Davlat soliq qo‘mitasi bir oy muddatda davlat soliq xizmati organlari tadbirkorlik subyektlaridan oladigan, shu jumladan pochta va elektron aloqa vositasida oladigan moliyaviy hisobot, soliqlar va daromadlar to‘g‘risidagi deklaratsiyalar bo‘yicha hisob-kitoblar, yozma arizalar va bildirishnomalarni qabul qilib olish va ro‘yxatdan o‘tkazish to‘g‘risidagi nizomni belgilangan tartibda tasdiqlasin, bunda qabul qilib olish tartib-taomilini soddalashtirish, unifikatsiyalashtirilgan ish jadvali va tadbirkorlik subyektlari uchun qulay shart-sharoitlar yaratish nazarda tutilsin.
6. O‘zbekiston Respublikasi Davlat soliq qo‘mitasi, Davlat statistika qo‘mitasi tadbirkorlik subyektlari tomonidan moliyaviy va statistik hisobotlarni taqdim etishning belgilangan tartibi hamda muddatlariga qat’iy rioya etilishini ta’minlasin, bunda mikrofirma va kichik korxonalar:
Oldingi tahrirga qarang.
buxgalterlik balansidan iborat moliyaviy hisobot — 1-shaklni va moliyaviy natijalar to‘g‘risidagi hisobot — 2-shaklni — har yili;
(6-bandning ikkinchi xatboshisi O‘zbekiston Respublikasi Prezidentining 2012-yil 3-oktabrdagi PF-4473-sonli Farmoni tahririda — O‘R QHT, 2012-y., 40-son, 466-modda)
davlat soliq xizmati organlari va davlat statistika organlari belgilangan moliyaviy va statistik hisobotlarga qo‘shimcha ravishda har qanday ma’lumotlar, ma’lumotnoma va hujjatlarni talab qilishga (qonun hujjatlarida belgilangan tartibda tekshiruvlarni o‘tkazish vaqtida qilingan talablar bundan mustasno);
Keyingi tahrirga qarang.
boshqa davlat boshqaruvi organlari, mahalliy davlat hokimiyati organlari hamda boshqa tashkilotlar tomonidan belgilangan tartibda tasdiqlangan qonunlarda nazarda tutilmagan har qanday axborotni, shu jumladan hisobot, ma’lumotlar, ma’lumotnoma va hujjatlarni talab qilishlariga yo‘l qo‘yilmaydigan tartib o‘rnatilsin.
Davlat boshqaruvi organlari, mahalliy davlat hokimiyati organlari hamda boshqa tashkilotlarning mansabdor shaxslari qarorning ushbu bandini buzganlik uchun shaxsan javobgar bo‘lishlari to‘g‘risida qattiq ogohlantirilsin.
8. O‘zbekiston Respublikasi Adliya vazirligi Bosh prokuratura bilan birgalikda moliyaviy, statistik hisobotlar va hisob-kitoblarni qabul qilishning belgilangan tartibiga rioya etilishi ustidan qattiq nazorat o‘rnatsin, tadbirkorlik subyektlaridan moliyaviy, statistik hisobotlar va hisob-kitoblarni, shuningdek boshqa ma’lumotlar va hujjatlarni noqonuniy talab qilishda aybdor bo‘lgan shaxslarning jazolanishi muqarrarligini ta’minlasin.
Belgilansinki, mazkur xatti-harakatlarni sodir etganlik uchun mansabdor shaxslar O‘zbekiston Respublikasining Ma’muriy javobgarlik to‘g‘risidagi kodeksida va O‘zbekiston Respublikasining Jinoyat kodeksida nazarda tutilgan javobgarlikka tortiladilar, tadbirkorlik subyektlariga yetkazilgan ma’naviy va moddiy zararning o‘rni sud qaroriga binoan aybdor mansabdor shaxslar hisobidan qoplanadi.
9. O‘zbekiston Respublikasi Davlat soliq qo‘mitasi, Davlat statistika qo‘mitasi va Moliya vazirligi, Adliya vazirligi va Savdo-sanoat palatasi xalqaro tajribani hisobga olgan holda:
hisobot va hisob-kitoblar tizimini, shuningdek hisobot va hisob-kitoblarni noqonuniy talab qilganlik uchun mansabdor shaxslarning javobgarligini tushuntirish bo‘yicha ommaviy axborot vositalarida muntazam maqolalar chop etib borilishini, teleko‘rsatuv turkumlari tashkil etilishini;
mintaqalarda tadbirkorlarning huquqiy savodxonligini oshirish va huquqbuzarliklarning oldini olish bo‘yicha seminarlar, shuningdek davlat soliq xizmati organlari va davlat statistika organlari xodimlari uchun moliyaviy, statistik hisobotlar va hisob-kitoblarni qabul qilish borasida o‘rnatilgan tartib buzilishiga yo‘l qo‘ymaslikka qaratilgan haftalik seminarlar o‘tkazib turilishini ta’minlasin.
10. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar kiritish to‘g‘risida O‘zbekiston Respublikasi Vazirlar Mahkamasiga takliflar kiritsin.
Vazirliklar va idoralar bir oy muddatda o‘zlarining normativ hujjatlarini mazkur qarorga muvofiqlashtirsin.
11. Ushbu qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.