O‘zbekiston Respublikasi Prezidentining Amerika Qo‘shma Shtatlariga rasmiy tashrifi (2002-yil 11—14-mart) davomida erishilgan bitimlar va ikki tomonlama hamkorlik sohasidagi ahdlashuvlarning keng ko‘lamda va o‘z vaqtida ro‘yobga chiqarilishini ta’minlash maqsadida Vazirlar Mahkamasi qaror qiladi:
1. Amerika Qo‘shma Shtatlari bilan erishilgan ahdlashuvlarni amalga oshirish va ikki tomonlama hamkorlikni yanada rivojlantirishga doir tadbirlar 1-ilovaga* muvofiq tasdiqlansin.
Oldingi tahrirga qarang.
2. O‘zbekiston Respublikasi Tashqi ishlar vazirligi, Iqtisodiyot vazirligi, Tashqi iqtisodiy aloqalar vazirligi, boshqa manfaatdor vazirliklar va idoralar AQSh hukumati tomonidan O‘zbekiston Respublikasiga 2-ilovaga* muvofiq yo‘nalishlar bo‘yicha berilayotgan yordamdan samarali foydalanilishini ta’minlasinlar.
(2-band O‘zbekiston Respublikasi Vazirlar Mahkamasining 2003-yil 28-fevraldagi 112-son qarori tahririda — O‘zbekiston Respublikasi Qonun hujjatlari to‘plami,, 2003-y., 4-son, 42-modda)
Oldingi tahrirga qarang.
3. O‘zbekiston Respublikasi Iqtisodiyot vazirligi, Tashqi iqtisodiy aloqalar vazirligi manfaatdor vazirliklar va idoralar bilan birgalikda:
(3-bandning birinchi xatboshisi O‘zbekiston Respublikasi Vazirlar Mahkamasining 2003-yil 28-fevraldagi 112-son qarori tahririda — O‘zbekiston Respublikasi Qonun hujjatlari to‘plami,, 2003-y., 4-son, 42-modda)
AQSh savdo va rivojlantirish agentligi (TDA) bilan imzolangan o‘zaro bir-birini tushunish to‘g‘risidagi memorandumlarga binoan 3-ilovaga* muvofiq yo‘nalishlar bo‘yicha birgalikda amalga oshirish uchun taklif qilingan loyihalarning ishlab chiqilishini ta’minlasinlar;
mo‘ljallangan loyihalarni amalga oshirishda paydo bo‘ladigan masalalarni o‘z vaqtida hal etish chora-tadbirlarini ko‘rsinlar;
yilning har choragida loyihalarning amalga oshirilishi to‘g‘risida axborot ma’lumotnomalarini tayyorlasinlar va ularni ko‘rib chiqish uchun O‘zbekiston Respublikasi Prezidenti Devoniga kiritsinlar.
4. O‘zbekiston Respublikasi Tashqi ishlar vazirligi, Tashqi iqtisodiy aloqalar vazirligi O‘zbekiston Respublikasining Amerika Qo‘shma Shtatlaridagi elchixonasi hamda Amerika—O‘zbekiston savdo palatasining o‘zaro hamkorlikka doir quyidagi ustuvor yo‘nalishlar bo‘yicha birgalikdagi faoliyatini faollashtirish yuzasidan zarur chora-tadbirlar ko‘rsinlar:
elektrenergetika, kimyo, kon qazib olish, metallurgiya sanoati va sanoatning boshqa ustuvor tarmoqlari korxonalarini modernizatsiya qilish va texnika bilan qayta jihozlashga, transport, telekommunikatsiyalar, turizm, ta’lim tizimini rivojlantirishga hamda yirik irrigatsiya inshootlarini rekonstruksiya qilishga Amerikaning energiya va resurslarni tejovchi ilg‘or texnologiyalarini va investitsiyalarini jalb etish;
moliyaviy hamkorlikni, Amerika kompaniyalarining korxonalarni xususiylashtirish va aksiyalashtirish jarayonlaridagi ishtirokini kengaytirish, Qo‘shma korxonalar barpo etishga to‘g‘ridan to‘g‘riinvestitsiyalarni keng jalb etish;
O‘zbekiston Respublikasi elchixonasining, shuningdek O‘zbekiston Respublikasi Tashqi iqtisodiy aloqalar vazirligi “O‘zekspomarkaz” Respublika savdo-ko‘rgazma markazining imkoniyatlaridan faol foydalangan holda Vashington shahrida va Toshkent shahrida Qo‘shma biznes-seminarlar, tahdimotlar, ko‘rgazmalar o‘tkazish;
O‘zbekistonlik talabalarning iqtisodiyot mutaxassisliklari bo‘yicha o‘qishini, shuningdek respublika vazirliklari va idoralarining marketing, menejment, real iqtisodiyot va moliya sohasi mutaxassislarining tajriba orttirishini tashkil etish.