Oʻzbekiston Respublikasi Prezidentining 2021-yil 8-iyundagi “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi PF-6243-son Farmoniga muvofiq, shuningdek, yer resurslaridan samarali foydalanishni taʼminlash va yer munosabatlarini tartibga solishni takomillashtirish maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2017-yil 5-iyundagi “Toshkent shahrining Yashnobod tumanida innovatsiya texnoparkini tashkil qilish toʻgʻrisida” gi PF-5068-son Farmoni 7-bandining ikkinchi xatboshisi quyidagi tahrirda bayon etilsin:

“Yashnobod” texnoparki rezidentlariga innovatsiya ishlab chiqarishini va startaplar tashkil qilish uchun Yashnobod tumani hududidan yer maydonlari elektron-onlayn auksion orqali ajratiladi”.

2. Oʻzbekiston Respublikasi Prezidentining 2018-yil 29-martdagi “Oʻzbekiston Respublikasida meva-sabzavotchilikni jadal rivojlantirishga doir qoʻshimcha chora-tadbirlar toʻgʻrisida”gi PF-5388-son Farmonining 4-bandida:

toʻrtinchi xatboshi chiqarib tashlansin;

beshinchi xatboshi toʻrtinchi xatboshi deb hisoblansin.

3. Oʻzbekiston Respublikasi Prezidentining 2018-yil 27-iyundagi “Yoshlar — kelajagimiz” Davlat dasturi toʻgʻrisida”gi PF-5466-son Farmoni 15-bandining sakkizinchi xatboshisidan “— Yosh tadbirkorlar” kovorking — markazlari, “Yoshlar mehnat guzari” komplekslarini qurish uchun yer uchastkalari oʻz vaqtida ajratilishi, shuningdek,” soʻzlari chiqarib tashlansin.

4. Oʻzbekiston Respublikasi Prezidentining 2018-yil 7-dekabrdagi PF-5590-son Farmoni bilan tasdiqlangan 2019 — 2025-yillarda Oʻzbekiston Respublikasining sogʻliqni saqlash tizimini rivojlantirish konsepsiyasi III boʻlimi 6-kichik boʻlimining 2-bandi ikkinchi xatboshisidagi “doimiy foydalanish maqsadida bepul asosda yer uchastkalari taqdim etish” soʻzlari “doimiy foydalanishga berilgan yer uchastkalarini bepul asosda ijaraga berish” soʻzlari bilan almashtirilsin.

5. Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmonining 1-bandida:

ikkinchi xatboshi quyidagi tahrirda bayon etilsin:

“maxsus iqtisodiy zonalar hududidagi yer uchastkalari maxsus iqtisodiy zonalarning direksiyalariga doimiy foydalanish huquqi bilan ajratiladi va ularning tasarrufida turadi, bundan maxsus sanoat zonalarining hududlari mustasno”;

quyidagi mazmundagi uchinchi — yettinchi xatboshilar bilan toʻldirilsin:

“maxsus iqtisodiy zonalar maʼmuriy kengashlarining qarorlari bilan maʼqullangan investitsiya buyurtmanomalarida belgilangan hajmlardagi yer uchastkalari maxsus iqtisodiy zonalarning direksiyalari tomonidan elektron onlayn-auksionga chiqariladi, bunda yer uchastkasini auksionga chiqarishni boshqa tashkilotlar bilan kelishish, shu jumladan “YERELEKTRON” avtomatlashtirilgan axborot tizimiga kiritish talab etilmaydi;

investorlar tomonidan taklif etiladigan investitsiya buyurtmanomalarida yer uchastkasini elektron onlayn-auksionga chiqarishdagi boshlangʻich narx haqidagi hamda har yilgi ijara toʻlovi miqdori haqidagi taklif ham nazarda tutilishi mumkin;

elektron onlayn-auksionga chiqariladigan yer uchastkasining boshlangʻich narxi hamda har yilgi ijara toʻlovi miqdori investitsiya buyurtmanomalarini koʻrib chiqish vaqtida maxsus iqtisodiy zonalar maʼmuriy kengashlari qarori bilan belgilanadi;

elektron onlayn-auksion gʻolibi investitsiya buyurtmanomalarida belgilangan yer uchastkasini ijaraga olish va investitsiya bitimi tuzish huquqini qoʻlga kiritadi, bunda yer uchastkasini ijaraga olish shartlari investitsiya bitimida nazarda tutiladi;

elektron onlayn-auksiondan tushgan pul mablagʻlari (auksionni oʻtkazish xarajatlari chegirib qolingan holda) hamda har yilgi ijara toʻlovlari maxsus iqtisodiy zonalarning direksiyalariga oʻtkaziladi, ushbu mablagʻlar maxsus iqtisodiy zonalarning bosh rejalariga muvofiq tashqi va ichki muhandislik-kommunikatsiya hamda ishlab chiqarish infratuzilmasini qurish va yaxshilash uchun sarflanadi”;

uchinchi — oʻn birinchi xatboshilar tegishlicha sakkizinchi — oʻn oltinchi xatboshilar deb hisoblansin.

6. Oʻzbekiston Respublikasi Prezidentining 2019-yil 17-iyundagi “Qishloq xoʻjaligida yer va suv resurslaridan samarali foydalanish chora-tadbirlari toʻgʻrisida”gi PF-5742-son Farmoni 4-bandining toʻqqizinchi xatboshisidagi “vakolat berilgan davlat organi (mansabdor shaxs)ning qaroriga asosan” soʻzlari “belgilangan tartibda” soʻzlari bilan almashtirilsin.

7. Oʻzbekiston Respublikasi Prezidentining 2020-yil 24-yanvardagi PF-5924-son Farmoni bilan tasdiqlangan Oʻzbekiston Respublikasida jismoniy tarbiya va sportni 2025-yilgacha rivojlantirish konsepsiyasining 5.9-bandi ikkinchi xatboshisi quyidagi tahrirda bayon etilsin:

“nodavlat jismoniy tarbiya-sogʻlomlashtirish va sport inshootlarini qurish uchun aholi uchun qulay boʻlgan hududlardan doimiy foydalanishga berilgan yerlarni bepul asosda ijaraga berish”.

8. Oʻzbekiston Respublikasi Prezidentining 2020-yil 27-avgustdagi “Boʻstonliq tumanida boshqaruvning alohida tartibini joriy etish orqali turizmni jadal rivojlantirish chora-tadbirlari toʻgʻrisida”gi PF-6053-son Farmonining 2-bandida:

“v” kichik band quyidagi tahrirda bayon etilsin:

“v) “Chorvoq” erkin turistik zonasi (keyingi oʻrinlarda — erkin turistik zona) hududida joylashgan hamda ushbu bandning “b” kichik bandiga asosan Direksiyaga oʻtkazilgan davlat mulki obyektlarini realizatsiya qilish va unga doimiy foydalanish huquqi bilan berilgan yer uchastkalarini ijaraga berish Direksiyaning qaroriga asosan elektron onlayn-auksion orqali amalga oshiriladi”;

“g” — “e” kichik bandlar chiqarib tashlansin;

“j” kichik banddan “yer uchastkalarini ajratish,” degan soʻzlar chiqarib tashlansin;

“k” kichik bandning uchinchi xatboshisidan “yer uchastkalari va” degan soʻzlar chiqarib tashlansin.

9. Oʻzbekiston Respublikasi Prezidentining 2020-yil 2-sentabrdagi “Oʻzbekiston Respublikasida pillachilik va qorakoʻlchilikni yanada rivojlantirish chora-tadbirlari toʻgʻrisida”gi PF-6059-son Farmonida:

a) 1-bandning uchinchi xatboshisidagi “elektron onlayn-auksion orqali” soʻzlari “Oʻzbekiston Respublikasining Yer kodeksida belgilangan tartibda” soʻzlari bilan almashtirilsin;

b) 2-band oʻz kuchini yoʻqotgan deb topilsin;

v) 6-bandda:

“a” — “v” kichik bandlar oʻz kuchini yoʻqotgan deb topilsin;

“g” kichik bandning ikkinchi xatboshisidan “tashabbuskorga yaylovni elektron onlayn-auksion natijalariga koʻra ijaraga berishni, shuningdek,” degan soʻzlar chiqarib tashlansin;

g) 7-bandda:

ikkinchi xatboshidagi “yaylovlar Qoʻmitaning doimiy egaligiga oʻtkazilishini taʼminlagan holda” soʻzlari “yaylovlarni” soʻzlari bilan almashtirilsin;

toʻrtinchi xatboshi chiqarib tashlansin;

d) 14-bandda:

“a” kichik bandning uchinchi xatboshisi quyidagi tahrirda bayon etilsin:

“klastyerlar tomonidan foydalanilmayotgan yaylovlarning zaxiraga qaytarilishi, davlat mulki sifatida davlat roʻyxatidan oʻtkazilishi hamda ochiq elektron tanlov orqali jismoniy va yuridik shaxslarga ijaraga berilishini taʼminlasin”;

“b” kichik band quyidagi tahrirda bayon etilsin:

“b) Oʻrmon xoʻjaligi davlat qoʻmitasi klastyerlar tomonidan foydalanilmayotgan yaylovlarning oʻrmon xoʻjaliklariga qaytarilishi hamda jismoniy va yuridik shaxslarga belgilangan tartibda ijaraga berilishini taʼminlasin”;

“v” kichik bandda:

ikkinchi xatboshi chiqarib tashlansin;

uchinchi — beshinchi xatboshilar tegishlicha ikkinchi — toʻrtinchi xatboshilar deb hisoblansin;

e) 1 va 3-ilovalar oʻz kuchini yoʻqotgan deb topilsin.

10. Oʻzbekiston Respublikasi Prezidentining 2017-yil 1-apreldagi PQ-2863-son qarori bilan tasdiqlangan Xususiy tibbiyot tashkilotlarini rivojlantirishni yanada ragʻbatlantirish chora-tadbirlari dasturining 8-pozitsiyasidagi “Tadbirlar nomlanishi” va “Amalga oshirish mexanizmi” ustunlaridan “yer uchastkalari,” soʻzlari chiqarib tashlansin.

11. Oʻzbekiston Respublikasi Prezidentining 2017-yil 3-iyundagi PQ-3031-son qarori bilan tasdiqlangan Oʻzbekiston Respublikasida jismoniy tarbiya va ommaviy sportni yanada rivojlantirish dasturining 17-pozitsiyasi “Amalga oshiriladigan tadbirlar” ustunidagi “va yer” soʻzlari chiqarib tashlansin.

12. Oʻzbekiston Respublikasi Prezidentining 2017-yil 7-avgustdagi “Erkin iqtisodiy zonalar samarali faoliyat koʻrsatishi uchun vazirliklar, idoralar va joylardagi davlat hokimiyati organlarini muvofiqlashtirishni kuchaytirish va ularning masʼuliyatini oshirish chora-tadbirlari toʻgʻrisida”gi PQ-3175-son qarori 13-bandining toʻrtinchi xatboshisi chiqarib tashlansin.

13. Oʻzbekiston Respublikasi Prezidentining 2017-yil 10-oktabrdagi “Fermer, dehqon xoʻjaliklari va tomorqa yer egalari faoliyatini yanada rivojlantirish boʻyicha tashkiliy chora-tadbirlar toʻgʻrisida”gi PQ-3318-son qarorining 3-bandida:

uchinchi xatboshidan “va ular orasidan munosib nomzodlarni yer uchastkalarini berish (realizatsiya qilish) masalalarini koʻrib chiqish boʻyicha tuman komissiyasiga tavsiya qilish” soʻzlari chiqarib tashlansin;

toʻrtinchi va beshinchi xatboshilar chiqarib tashlansin;

oltinchi va yettinchi xatboshilar tegishlicha toʻrtinchi va beshinchi xatboshilar deb hisoblansin.

14. Oʻzbekiston Respublikasi Prezidentining 2017-yil 25-oktabrdagi “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida”gi PQ-3356-son qarorida:

a) 1-bandda:

oltinchi xatboshi chiqarib tashlansin;

yettinchi — oʻn uchinchi xatboshilar tegishlicha oltinchi — oʻn ikkinchi xatboshilar deb hisoblansin;

b) 6-band:

quyidagi mazmundagi uchinchi — beshinchi xatboshilar bilan toʻldirilsin:

“erkin iqtisodiy zonalar va ularning ishtirokchilariga yer uchastkalarini ajratish Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmoniga muvofiq amalga oshiriladi;

kichik sanoat zonalarini tashkil etish nazarda tutilgan yer uchastkalari kichik sanoat zonasining bosh rejasiga muvofiq qonunchilikda belgilangan tartibda elektron onlayn-auksion orqali realizatsiya qilinadi, umumiy foydalanishdagi yerlar esa kichik sanoat zonalari direksiyasiga doimiy foydalanish huquqi bilan ajratiladi;

kichik sanoat zonalari hududidagi yer uchastkalarini elektron onlayn-auksion orqali realizatsiya qilishdan kelib tushgan pul mablagʻlari (Vazirlar Mahkamasi tomonidan belgilanadigan xarajatlar chegirib qolingan holda) kichik sanoat zonalarining direksiyalariga oʻtkaziladi, ushbu mablagʻlar kichik sanoat zonalarining bosh rejalari asosida tashqi va ichki muhandislik-kommunikatsiya hamda ishlab chiqarish infratuzilmasini qurish va yaxshilash uchun sarflanadi;”

uchinchi — toʻqqizinchi xatboshilar tegishlicha oltinchi — oʻn ikkinchi xatboshilar deb hisoblansin.

15. Oʻzbekiston Respublikasi Prezidentining 2018-yil 14-fevraldagi PQ-3532-son qarori bilan tasdiqlangan Farmatsevtika tarmogʻini jadal rivojlantirish uchun qulay shart-sharoitlarni taʼminlash boʻyicha “yoʻl xaritasi”ning 2-pozitsiyasi “Tadbirlar nomi” ustunidan “yer uchastkalarini ajratish va” soʻzlari chiqarib tashlansin.

16. Oʻzbekiston Respublikasi Prezidentining 2018-yil 16-martdagi “Samarqand viloyatida kichik sanoat zonalarini tashkil etish chora-tadbirlari toʻgʻrisida”gi PQ-3607-son qarori 3-bandining toʻrtinchi xatboshisi quyidagi tahrirda bayon etilsin:

“KSZ hududida investitsiya loyihalarini amalga oshirish uchun yer uchastkalari qonunchilikda belgilangan tartibda elektron onlayn-auksion orqali ajratiladi”.

17. Oʻzbekiston Respublikasi Prezidentining 2018-yil 29-martdagi “Qashqadaryo viloyatida kichik sanoat zonalarini tashkil etish chora-tadbirlari toʻgʻrisida”gi PQ-3635-son qarori 3-bandining toʻrtinchi xatboshisi quyidagi tahrirda bayon etilsin:

“KSZ hududida investitsiya loyihalarini amalga oshirish uchun yer uchastkalari qonunchilikda belgilangan tartibda elektron onlayn-auksion orqali ajratiladi”.

18. Oʻzbekiston Respublikasi Prezidentining 2018-yil 29-martdagi “Surxondaryo viloyatida kichik sanoat zonalarini tashkil etish chora-tadbirlari toʻgʻrisida”gi PQ-3636-son qarori 3-bandining toʻrtinchi xatboshisi quyidagi tahrirda bayon etilsin:

“KSZ hududida investitsiya loyihalarini amalga oshirish uchun yer uchastkalari qonunchilikda belgilangan tartibda elektron-onlayn auksion orqali ajratiladi”.

19. Oʻzbekiston Respublikasi Prezidentining 2018-yil 5-apreldagi “Maktabgacha taʼlim tizimini yanada ragʻbatlantirish va rivojlantirish chora-tadbirlari toʻgʻrisida”gi PQ-3651-son qarorida:

a) 1-bandda:

ikkinchi xatboshi quyidagi tahrirda bayon etilsin:

“davlat va jamoat ehtiyojlari uchun doimiy foydalanishga berilgan yer uchastkalarini, shu jumladan faoliyat yuritayotgan davlat maktabgacha taʼlim tashkilotlarining boʻsh turgan yer uchastkalarini nodavlat maktabgacha taʼlim tashkilotlarining binolarini qurish uchun bepul asosda ijaraga berish”;

uchinchi xatboshi chiqarib tashlansin;

toʻrtinchi — oʻn birinchi xatboshilar uchinchi — oʻninchi xatboshilar deb hisoblansin;

uchinchi xatboshida “bepul asosda yer maydonlarini taqdim etish” soʻzlari “doimiy foydalanishdagi yer uchastkalarini bepul asosda ijaraga berish” soʻzlari bilan almashtirilsin;

toʻrtinchi xatboshidan “qurilish uchun yer uchastkasi yoki” degan soʻzlar chiqarib tashlansin;

b) 8-bandda:

ikkinchi xatboshidagi “doimiy foydalanishga” soʻzlari “ijaraga” soʻzi bilan almashtirilsin;

beshinchi xatboshidagi “doimiy foydalanishga yer maydonlari ajratib berish” soʻzlari “ijaraga yer maydonlari taqdim etish” soʻzi bilan almashtirilsin;

oltinchi xatboshi “bepul asosda” soʻzlaridan keyin “ijaraga” soʻzi bilan toʻldirilsin;

v) 11-bandning uchinchi xatboshisi quyidagi tahrirda bayon etilsin:

“har yili 1-fevralga qadar davlat-xususiy sheriklik shartlarida nodavlat maktabgacha taʼlim tashkilotlarining binolarini qurish uchun bepul asosda ijaraga ajratib berilishi lozim boʻlgan yer maydonlarini aniqlab, ana shu yer maydonlarining tasdiqlangan roʻyxatlarini Oʻzbekiston Respublikasi Maktabgacha taʼlim vazirligiga taqdim etsinlar va yer uchastkalarini davlat sherigiga doimiy foydalanish uchun ajratib berilishini taʼminlasinlar”;

g) 1-ilovada:

4-bandda:

ikkinchi xatboshidagi “doimiy foydalanish uchun yer uchastkalarini bepul taqdim etish” soʻzlari “doimiy foydalanishdagi yer uchastkalarini bepul asosda ijaraga berish” soʻzlari bilan almashtirilsin;

beshinchi xatboshidagi “doimiy foydalanishga” soʻzlari “ijaraga” soʻzlari bilan almashtirilsin;

oltinchi xatboshi “yer uchastkalarini” soʻzlaridan keyin “ijaraga” soʻzi bilan toʻldirilsin;

yettinchi xatboshi “jihozlash uchun” soʻzlaridan keyin “ijaraga” soʻzi bilan toʻldirilsin;

6-bobning nomi “bepul asosda” soʻzlaridan keyin “ijaraga” soʻzi bilan toʻldirilsin;

42-bandda:

ikkinchi xatboshidagi “xususiy sherikka” soʻzlari “davlat sherigiga” soʻzlari bilan almashtirilsin;

uchinchi xatboshi chiqarib tashlansin;

quyidagi mazmundagi 42¹-band bilan toʻldirilsin:

“42¹. Davlat sherigi unga yer uchastkasi ajratilgan kundan boshlab bir kun ichida yer uchastkasini davlat-xususiy sheriklik bitimi doirasida xususiy sherikka ijaraga berish boʻyicha ijara shartnomasi imzolanishini taʼminlaydi”;

43-band oʻz kuchini yoʻqotgan deb topilsin;

9-bobning nomidagi “doimiy foydalanishga” soʻzlari “ijaraga” soʻzi bilan almashtirilsin;

67-bandda:

“yer uchastkalari” soʻzlaridan keyin “davlat sherigi, xususiy sherik va davlat maktabgacha taʼlim tashkiloti oʻrtasida tuziladigan ijara shartnomasi asosida” soʻzlari bilan toʻldirilsin;

quyidagi mazmundagi ikkinchi xatboshi bilan toʻldirilsin:

“Yer uchastkasini ijaraga olish huquqi belgilangan tartibda davlat roʻyxatidan oʻtkaziladi”;

68 — 73-bandlar oʻz kuchini yoʻqotgan deb topilsin;

79-banddagi “bitimda koʻrsatilgan shartlarda” soʻzlari “davlat sherigiga” soʻzlari bilan almashtirilsin;

82-bandda:

ikkinchi xatboshidagi “xususiy sherikka” soʻzlari “davlat sherigiga” soʻzlari bilan almashtirilsin;

uchinchi xatboshi chiqarib tashlansin;

quyidagi mazmundagi 82¹-band bilan toʻldirilsin:

“82¹. Davlat sherigi unga yer uchastkasi ajratilgan kundan boshlab bir kun ichida yer uchastkasini davlat-xususiy sheriklik bitimi doirasida xususiy sherikka ijaraga berish boʻyicha ijara shartnomasi imzolanishini taʼminlaydi”;

83-band oʻz kuchini yoʻqotgan deb topilsin;

11-bobning nomi “jihozlash uchun” soʻzlaridan keyin “ijaraga” soʻzi bilan toʻldirilsin;

88-bandning uchinchi xatboshisi quyidagi tahrirda bayon etilsin:

“Maktabgacha taʼlim tashkilotini qurish uchun davlat sherigiga yer uchastkasi aholi punktlari yerlari tarkibiga kiradigan boʻsh turgan yerlardan keyinchalik xususiy sherikka ijaraga berish uchun doimiy foydalanishga beriladi”.

20. Oʻzbekiston Respublikasi Prezidentining 2018-yil 8-maydagi “Oʻzbekiston Respublikasi Prezidentining tuman (shahar)lardagi Xalq qabulxonalari huzuridagi Davlat xizmatlari markazlari binolarining davlat-xususiy sheriklik shartlari asosida qurilishini tashkil etish toʻgʻrisida”gi PQ-3701-son qarori 2-bandining ikkinchi xatboshisi quyidagi tahrirda bayon etilsin:

“Xalq qabulxonalari binolarining qurilishi uchun maʼqullangan namunaviy loyihalarga muvofiq Xalq qabulxonalarini barpo etish, shuningdek, tegishli infratuzilma (transport bogʻlamalari, avtostansiyalar, avtomobillar toʻxtab turish joylari mavjudligi va h.k) qurish uchun zarur yer uchastkalari Agentlikning hududiy boshqarmalariga doimiy foydalanish uchun ajratiladi hamda ular tomonidan investorga toʻgʻridan toʻgʻri shartnomalar asosida haq undirilmasdan ijaraga beriladi”.

21. Oʻzbekiston Respublikasi Prezidentining 2018-yil 1-avgustdagi “Madaniyat va sanʼat sohasida davlat-xususiy sheriklikni rivojlantirish uchun shart-sharoitlar yaratish chora-tadbirlari toʻgʻrisida”gi PQ-3892-son qarorida:

a) 1-bandda:

ikkinchi xatboshidagi “bepul asosda doimiy foydalanishga yer uchastkalari ajratish” soʻzlari “davlat sherigiga doimiy foydalanishga berilgan yer uchastkalarini bepul asosda ijaraga berish” soʻzlari bilan almashtirilsin;

uchinchi xatboshidagi “bepul asosda yer uchastkalarini taqdim etish” soʻzlari “davlat sherigiga doimiy foydalanishga berilgan yer uchastkalarini bepul asosda ijaraga berish” soʻzlari bilan almashtirilsin;

b) 7-bandning ikkinchi xatboshisidagi “doimiy foydalanishga” soʻzlari “ijaraga” soʻzi bilan almashtirilsin.

22. Oʻzbekiston Respublikasi Prezidentining 2018-yil 5-sentabrdagi “Xalq taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida”gi PQ-3931-son qarorida:

a) 10-bandning ikkinchi xatboshisidagi “begʻaraz asosda doimiy foydalanish uchun yer uchastkalarini berish” soʻzlari “davlat sherigiga doimiy foydalanishga berilgan yer uchastkalarini bepul asosda ijaraga berish” soʻzlari bilan almashtirilsin;

b) 12-bandning ikkinchi xatboshisidagi “begʻaraz asosda doimiy foydalanish uchun yer uchastkalari” soʻzlari “davlat sherigiga doimiy foydalanishga berilgan yer uchastkalari bepul asosda ijaraga” soʻzlari bilan almashtirilsin.

23. Oʻzbekiston Respublikasi Prezidentining 2018-yil 11-oktabrdagi “Buxoro viloyatida kichik sanoat zonalarini tashkil etish chora-tadbirlari toʻgʻrisida”gi PQ-3965-son qarori 3-bandining toʻrtinchi xatboshisi quyidagi tahrirda bayon etilsin:

“KSZ hududida investitsiya loyihalarini amalga oshirish uchun yer uchastkalari qonunchilikda belgilangan tartibda elektron-onlayn auksion orqali ajratiladi”.

24. Oʻzbekiston Respublikasi Prezidentining 2018-yil 25-oktabrdagi PQ-3982-son qarori bilan tasdiqlangan Oʻzbekiston Respublikasining xorijda istiqomat qilayotgan vatandoshlar bilan hamkorligini rivojlantirish boʻyicha birinchi navbatdagi chora-tadbirlar dasturining 12-pozitsiyasi “Chora-tadbir nomi” va “Amalga oshirish mexanizmi” ustunlaridagi “obyektlar va yer maydonlarini” soʻzlari “obyektlarni” soʻzi bilan almashtirilsin.

25. Oʻzbekiston Respublikasi Prezidentining 2019-yil 2-fevraldagi “Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi faoliyatini tashkil etish toʻgʻrisida”gi PQ-4151-son qarorining 13-bandi quyidagi tahrirda bayon etilsin:

“13. Milliy kitob va bosma mahsulotlarni sotish boʻyicha koʻchma kitob pavilonlari koʻchma savdo obyektlari hisoblanadi.

Koʻchma savdo joyi (xususiy mulkdorlarga tegishli joylardan tashqari) koʻchma savdo obyektlarining joylashish sxemalari boʻyicha “K — SAVDO” avtomatlashtirilgan axborot tizimi orqali elektron onlayn-auksionda sotiladi”.

26. Oʻzbekiston Respublikasi Prezidentining 2019-yil 7-martdagi “Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qoʻshimcha chora-tadbirlar toʻgʻrisida”gi PQ-4231-son qarorining 11-bandida:

uchinchi xatboshi chiqarib tashlansin;

toʻrtinchi xatboshi uchinchi xatboshi deb hisoblansin.

27. Oʻzbekiston Respublikasi Prezidentining 2019-yil 16-apreldagi PQ-4290-son qarori bilan tasdiqlangan Sogʻliqni saqlash sohasida davlat-xususiy sheriklik toʻgʻrisidagi nizomda:

56-banddagi “vaqtincha egalik qilish va foydalanish maqsadida” soʻzlari “ijaraga” soʻzi bilan almashtirilsin;

57-band quyidagi tahrirda bayon etilsin:

“57. Davlat-xususiy sheriklik toʻgʻrisidagi bitim tuzilgan kundan boshlab bir kun muddatda davlat sherigi vakolatli organ va tashkilotlarning yer uchastkasini tanlash boʻyicha maʼlumot va xulosalarini Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yer uchastkasini davlat sherigiga doimiy foydalanish uchun ajratish toʻgʻrisida qaror qabul qilish uchun yuboradi”;

58-banddagi “yoki tuman (shahar) hokimliklari 3 kun muddatda xususiy sherikka” soʻzlari “3 kun muddatda davlat sherigiga” soʻzlari bilan almashtirilsin;

quyidagi mazmundagi 58¹-band bilan toʻldirilsin:

“58¹. Davlat sherigi unga yer uchastkasi ajratilgan kundan boshlab bir kun ichida yer uchastkasini davlat-xususiy sheriklik bitimi doirasida xususiy sherikka ijaraga berish boʻyicha ijara shartnomasi imzolanishini taʼminlaydi”;

59-band oʻz kuchini yoʻqotgan deb topilsin;

60-band quyidagi tahrirda bayon etilsin:

“60. Yer uchastkalarini tanlash va taqdim etishga oid hujjatlarni tayyorlash va kelishish bilan bogʻliq xarajatlar yer uchastkasiga doimiy foydalanish huquqi qayd qilinganidan soʻng kelishuv asosida davlat yoki xususiy sherik tomonidan qoplanadi”.

28. Oʻzbekiston Respublikasi Prezidentining 2019-yil 7-iyundagi “Avtomobil transportida yuklarni xalqaro tashishni yanada rivojlantirishga doir qoʻshimcha chora-tadbirlar toʻgʻrisida”gi PQ-4353-son qarorining 12-bandi quyidagi tahrirda bayon etilsin:

“12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari avtomobilda xalqaro yuk tashuvchi milliy tashuvchilarning buyurtmanomalari boʻyicha harakatlanadigan tarkibni saqlash, texnik xizmat koʻrsatish va taʼmirlash uchun moʻljallangan avtotransport korxonalarini joylashtirish uchun foydalanilmayotgan binolarni belgilangan tartibda berishni taʼminlasin”.

29. Oʻzbekiston Respublikasi Prezidentining 2019-yil 29-iyuldagi “Qishloq xoʻjaligi mahsulotlarini chuqur qayta ishlash va oziq-ovqat sanoatini yanada rivojlantirish boʻyicha qoʻshimcha chora-tadbirlar toʻgʻrisida”gi PQ-4406-son qarori 5-bandining ikkinchi xatboshisidan “yer maydonlari va” soʻzlari chiqarib tashlansin.

30. Oʻzbekiston Respublikasi Prezidentining 2019-yil 31-iyuldagi PQ-4411-son qarori bilan tasdiqlangan Pillachilik sohasini yanada rivojlantirish boʻyicha amaliy chora-tadbirlar rejasining 2-pozitsiyasi quyidagi tahrirda bayon etilsin:

31. Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomning 190-bandi uchinchi xatboshisidan “(yer uchastkalari)” soʻzlari chiqarib tashlansin.

32. Oʻzbekiston Respublikasi Prezidentining 2020-yil 4-fevraldagi “Qishki sport turlarini rivojlantirish chora-tadbirlari toʻgʻrisida”gi PQ-4583-son qarorida:

a) 11-bandning toʻrtinchi xatboshisidan “mahalliy va xorijiy tadbirkorlik subyektlariga, tashkilotlarga jismoniy tarbiya va sport-sogʻlomlashtirish majmualari hamda sport inshootlarini qurish uchun yer uchastkalarini belgilangan tartibda ajratsin,” soʻzlari chiqarib tashlansin;

b) ilovaning 7-pozitsiyasi “Amalga oshiriladigan tadbirlar” ustunidan “va yer” soʻzlari chiqarib tashlansin.

33. Oʻzbekiston Respublikasi Prezidentining 2020-yil 18-fevraldagi “Oʻzbekiston Respublikasi Mahalla va oilani qoʻllab-quvvatlash vazirligi faoliyatini tashkil etish toʻgʻrisida”gi PQ-4602-son qarori 10-bandining ikkinchi xatboshisidagi “toʻgʻridan toʻgʻri (tanlov savdolarini oʻtkazmasdan) shartnomalar asosida haq undirilmasdan ajratiladi (Qoraqalpogʻiston Respublikasi va viloyatlar markazlari hamda Toshkent shahridagi yer uchastkalari bundan mustasno)” soʻzlari “qonunchilikda belgilangan tartibda ajratiladi” soʻzlari bilan almashtirilsin.

34. Oʻzbekiston Respublikasi Prezidentining 2020-yil 9-apreldagi “2020 — 2022-yillarda Surxondaryo viloyatining Denov tumani va uning markazini kompleks ijtimoiy-iqtisodiy rivojlantirish toʻgʻrisida”gi PQ-4667-son qarorining 7 va 8-bandlaridagi “yer uchastkasidan doimiy foydalanish huquqini” soʻzlari “yer uchastkalarini” soʻzlari bilan almashtirilsin.

35. Oʻzbekiston Respublikasi Prezidentining 2020-yil 10-apreldagi “Yovvoyi holda oʻsuvchi dorivor oʻsimliklarni muhofaza qilish, madaniy holda yetishtirish, qayta ishlash va mavjud resurslardan oqilona foydalanish chora-tadbirlari toʻgʻrisida”gi PQ-4670-son qarorining 23-bandi quyidagi tahrirda bayon etilsin:

“23. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari “Oʻzbekiston dorivor oʻsimliklari” kichik innovatsion korxonasi tomonidan namunaviy dorivor oʻsimliklar klastyerlari va joylarda fitobarlar tashkil etilishini taʼminlasin”.

36. Oʻzbekiston Respublikasi Prezidentining 2020-yil 3-iyuldagi “Qoraqalpogʻiston Respublikasida chorvachilik tarmoqlarini jadal rivojlantirish boʻyicha qoʻshimcha chora-tadbirlar toʻgʻrisida”gi PQ-4776-son qarorining 2-bandidan “chorva mollarini sanoat usulida boqish uchun sugʻoriladigan yerlar hamda ularni haydab boqish uchun pichanzor va yaylovlar, chorvachilik komplekslari, chorvachilik mahsulotlarini qayta ishlash, omuxta yem ishlab chiqarish maqsadida bino va inshootlar qurish uchun, qishloq xoʻjaligida foydalanilmaydigan yer uchastkasi boʻlmagan taqdirda, unumdorligi past sugʻoriladigan yer uchastkalarini tanlov va auksion oʻtkazmasdan, Komissiyaning tavsiyasiga asosan ajratish,” soʻzlari chiqarib tashlansin.

37. Oʻzbekiston Respublikasi Prezidentining 2020-yil 8-avgustdagi “2020-2021-yillarda Fargʻona viloyatining Soʻx tumanini kompleks ijtimoiy-iqtisodiy rivojlantirish chora-tadbirlari toʻgʻrisida”gi PQ-4798-son qarorida:

a) 8-band oʻz kuchini yoʻqotgan deb topilsin;

b) 12-bandning ikkinchi xatboshisidan “dehqonchilik qilish uchun ekin yer maydoni va” soʻzlari chiqarib tashlansin.

38. Oʻzbekiston Respublikasi Prezidentining 2020-yil 6-oktabrdagi “Oʻzbekiston Respublikasida oʻrmon xoʻjaligi tizimini 2030-yilgacha rivojlantirish konsepsiyasini tasdiqlash toʻgʻrisida”gi PQ-4850-son qarorining 1-bandi quyidagi mazmundagi xatboshi bilan toʻldirilsin:

“Belgilansinki, 2022-yil 1-yanvardan boshlab oʻrmon fondining foydalanilmayotgan yerlarini jismoniy va yuridik shaxslarga ijaraga berish Oʻrmon xoʻjaligi davlat qoʻmitasining buyurtmasiga asosan elektron onlayn-auksion orqali amalga oshiriladi”.

39. Oʻzbekiston Respublikasi Prezidentining 2020-yil 15-dekabrdagi “Toshkent shahrida maishiy va qurilish chiqindilari bilan bogʻliq ishlarni amalga oshirishni takomillashtirish chora-tadbirlari toʻgʻrisida”gi PQ-4925-son qarori 2-bandining yettinchi xatboshisida “vaqtincha foydalanishga” soʻzlari “ijaraga” soʻzi bilan almashtirilsin.

40. Oʻzbekiston Respublikasi Prezidentining 2021-yil 11-yanvardagi “Namangan viloyatining Kosonsoy, Chortoq va Yangiqoʻrgʻon tumanlarida meva-sabzavotchilik va uzumchilikni rivojlantirish chora-tadbirlari toʻgʻrisida”gi PQ-4941-son qarorining 2-bandida:

uchinchi xatboshi chiqarib tashlansin;

toʻrtinchi — yettinchi xatboshilar tegishli ravishda uchinchi — oltinchi xatboshilar deb hisoblansin.

41. Oʻzbekiston Respublikasi Prezidentining 2021-yil 11-martdagi “Yilqichilik va ot sportini yanada rivojlantirish hamda zamonaviy beshkurash va polo sport turini ommalashtirish boʻyicha qoʻshimcha chora-tadbirlar toʻgʻrisida”gi PQ-5024-son qarori 3-bandining toʻrtinchi xatboshisidagi “yetarlicha” soʻzi “belgilangan tartibda” soʻzlari bilan almashtirilsin.

42. Oʻzbekiston Respublikasi Prezidentining 2021-yil 29-apreldagi “Boksni yanada rivojlantirish chora-tadbirlari toʻgʻrisida”gi PQ-5099-son qarori 7-bandining “v” kichik bandi beshinchi xatboshisi chiqarib tashlansin.

43. Oʻzbekiston Respublikasi Prezidentining 2021-yil 27-maydagi “Mashinasozlik va elektrotexnika maxsus sanoat xabi” maxsus sanoat zonasini tashkil etish chora-tadbirlari toʻgʻrisida”gi PQ-5128-son qarori 3-bandining toʻrtinchi xatboshisidan “yoki ularning xohishiga muvofiq yer maydonlari doimiy foydalanishga” soʻzlari chiqarib tashlansin.

44. Oʻzbekiston Respublikasi Prezidentining 2021-yil 19-iyundagi PQ-5152-son qarori bilan tasdiqlangan Koʻp kvartirali uylarni boshqarish tizimini takomillashtirish boʻyicha chora-tadbirlar dasturining 13-pozitsiyasi “Chora-tadbirlar nomi” ustunidan “mulkdorlari yoki boshqaruvchilariga” soʻzlari “mulkdorlariga” soʻzlari bilan almashtirilsin.

1. Oʻzbekiston Respublikasi Prezidentining 2018-yil 17-avgustdagi PF-5515-son Farmoni bilan tasdiqlangan Toshkent shahrining boshqaruv tizimini tubdan isloh qilish boʻyicha “yoʻl xaritasi”ning 9 va 24-bandlari.

2. Oʻzbekiston Respublikasi Prezidentining 2017-yil 25-sentabrdagi “Suv obyektlarini muhofaza qilish tizimini yanada takomillashtirish chora-tadbirlari toʻgʻrisida”gi PQ-3286-son qarorining 7-bandi.

3. Oʻzbekiston Respublikasi Prezidentining 2019-yil 18-maydagi “Raqamli iqtisodiyot va “Elektron hukumat” tizimi infratuzilmalarini yanada takomillashtirish chora-tadbirlari toʻgʻrisida”gi PQ-4321-son qarorining 4-bandi “d” kichik bandi.

4. Oʻzbekiston Respublikasi Prezidentining 2019-yil 22-maydagi “Oʻzbekiston Respublikasi aholi punktlarida telekommunikatsiya infratuzilmasini jadal rivojlantirish chora-tadbirlari toʻgʻrisida”gi PQ-4329-son qarorining 9-bandi.

5. Oʻzbekiston Respublikasi Prezidentining 2021-yil 9-fevraldagi “Qorakoʻlchilik tarmogʻini yanada rivojlantirish boʻyicha qoʻshimcha chora-tadbirlar toʻgʻrisida”gi PQ-4984-son qarorining 1-bandi va qarorga 1-ilova.