O‘zbekiston Respublikasi Oliy Majlisining “Jurnalistlik faoliyatini himoya qilish to‘g‘risida”, “Shahar yo‘lovchilar transporti to‘g‘risida”, “Tabiiy monopoliyalar to‘g‘risida”, “Geodeziya va kartografiya to‘g‘risida” O‘zbekiston Respublikasi qonunlarini amalga kiritish tartibi haqidagi qarorlarini, O‘zbekiston Respublikasi Prezidentining “Xususiy tijorat banklarini tashkil qilishni rag‘batlantirish chora-tadbirlari to‘g‘risida” 1997-yil 24-apreldagi va “Tamaki mahsulotlari va alkogolli ichimliklarga aksiz markalari qo‘llanishni takomillashtirish to‘g‘risida” 1997-yil 12-iyundagi farmonlarini bajarish yuzasidan Vazirlar Mahkamasi qaror qiladi:
1. O‘zbekiston Respublikasi Hukumatining ba’zi qarorlariga kiritiladigan ilova qilinayotgan o‘zgartirish va qo‘shimchalar tasdiqlansin.
Vazirlar Mahkamasining “Pedagog xodimlar bilan mehnat shartnomalari tuzishning kontrakt shakliga o‘tish to‘g‘risida” 1992-yil 24-avgustdagi 394-son qarori;
Vazirlar Mahkamasining “Shaharda va shahar atrofiga qatnaydigan yo‘lovchi tashish transporti xizmatlarining tariflari to‘g‘risida” 1994-yil 8-sentabrdagi 455-son (O‘zbekiston Respublikasi QT, 1994-y., 9-son, 45-modda) qarori 2-bandining ikkinchi xatboshi va 6-bandi;
Keyingi tahrirga qarang.
Vazirlar Mahkamasining “Toshkent shahri aholisiga yo‘lovchi tashish transporti xizmati ko‘rsatishni tubdan yaxshilash chora-tadbirlari to‘g‘risida” 1996-yil 19-avgustdagi 291-son qarori 10-bandining uchinchi va to‘rtinchi xatboshilari.
1. Vazirlar Mahkamasining 1992-yil 24-martdagi 139-son qarori bilan tasdiqlangan O‘zbekiston Respublikasi Davlat geodeziya nazorat to‘g‘risida nizomdagi:
“1. O‘zbekiston Respublikasida davlat geodeziya nazorati O‘zbekiston Respublikasi Vazirlar Mahkamasi huzuridagi Geodeziya, kartografiya va davlat kadastri bosh boshqarmasi tizimiga kiruvchi O‘zbekiston Respublikasi Geodeziya nazorati davlat inspeksiyasi tomonidan amalga oshiriladi.
O‘zbekiston Respublikasi Geodeziya nazorati davlat inspeksiyasi o‘z faoliyatida “Geodeziya va kartografiya to‘g‘risida”gi O‘zbekiston Respublikasi Qonuniga, boshqa qonun hujjatlariga, mazkur Nizomga amal qiladi.
2. O‘zbekiston Respublikasi Geodeziya nazorati davlat inspeksiyasi boshlig‘i lavozimiga ko‘ra O‘zbekiston Respublikasi Geodeziya nazorati bosh davlat inspektori hisoblanadi, uning o‘rinbosarlari esa — O‘zbekiston Respublikasi Geodeziya nazorati bosh davlat inspektorining o‘rinbosari hisoblanadilar.
O‘zbekiston Respublikasi Geodeziya nazorati davlat inspeksiyasining nihoyasiga yetkazilgan topografiya-geodeziya, kartografiya va kadastr ishlarini nazorat qilish va qabul qilishni amalga oshiruvchi xodimlari geodeziya nazorati davlat inspektorlari hisoblanadilar.
— geodeziya va kartografiya faoliyati barcha subyektlarining me’yoriy-texnik hujjatlar talablariga rioya etishlarini nazorat qilish;
— kartografiya rejalarida va boshqa hujjatlarda O‘zbekiston Respublikasi davlat chegaralari va hududining to‘g‘ri ifodalanishini nazorat qilish;
4. O‘zbekiston Respublikasi Geodeziya nazorati davlat inspeksiyasi o‘ziga yuklatilgan vazifalarga muvofiq:
— qaysi idoraga bo‘ysunishlaridan qat’i nazar, korxonalar, muassasalar va tashkilotlar tomonidan bajariladigan topografiya-geodeziya, kartografiya, muhandislik-geodeziya, aero suratga olish (jumladan, muhandislik, yer osti kommunikatsiyalari va makonlarni grafik suratga olish) ishlarining tashkil etilishi, qo‘yilishi, ularning texnik darajasi va sifatini, ular tomonidan ishlarni bajarishda va geodezik ma’lumotlar, materiallar, rejalar va xaritalar, kosmik va aero suratlardan foydalanishda me’yoriy hujjatlarga rioya etilishini nazorat qilishni;
— ishlarni olib borishning belgilangan tartibiga va geodeziya, kartografiya sohasida amaldagi me’yoriy hujjatlar va davlat standartlari talablariga rioya etilishini nazorat qilishni amalga oshiradi;
— natijalari xalq xo‘jaligi tarmoqlarida va mudofaa ehtiyojlari uchun foydalanilishi kerak bo‘lgan tugallangan topografiya-geodeziya, muhandislik-geodeziya ishlarini davlat yo‘li bilan qabul qilib oladi;
— qo‘llanilayotgan metodika va texnologiyalarning zamonaviy texnik darajaga mos kelishini hamda loyihalashtirilayotgan ishlardagi boshlang‘ich ma’lumotlar va materiallarni hisobga olishning to‘laligini tekshirish maqsadida topografiya-geodeziya va muhandislik geodeziya, kartografiya ishlari bajarilishining texnik loyihalari (dasturlari)ni nazorat qilishni amalga oshiradi. Mulkchilik shakllaridan qat’i nazar, korxonalar, muassasalar va tashkilotlarga bu ishlarni bajarish uchun oldingi yillardagi ishlar bo‘yicha boshlang‘ich geodeziya ma’lumotlari va materiallarini, topografik kartalar hamda kadastr rejalarini, shuningdek, o‘rganilgan topografiya-geodeziya, aero suratga olingan va kadastr materiallaridan foydalanishga ruxsat beradi;
— topografiya-geodeziya, muhandislik-geodeziya, kartografiya va kadastr ishlarining bajarilishi ixtisoslashtirilgan tashkilotlarda jamlanishini nazorat qiladi, O‘zbekiston Respublikasining barcha hududida topografiya-geodeziya, muhandislik-geodeziya, kartografiya ishlarini bajaruvchi korxonalar va tashkilotlarning hisobini olib boradi;
— turli viloyatlar, tumanlar, shaharlar, aholi yashash joylari va sanoat majmualari hududlarini tomografiya-geodeziya, kartografiya jihatidan o‘rganilishining ahvolini va tashkilotlar tomonidan topografiya-geodeziya, kartografiya ishlarida koordinatlar va balandliklarning davlat hamda mahalliy tizimlarining qo‘llanilishini nazorat qiladi;
— geodeziya punktlarining saqlanishini ta’minlash bo‘yicha chora-tadbirlarning bajarilishini hamda amaldagi qonunchilik va yo‘riqnomalarga muvofiq ularning tiklanishini nazorat qiladi, respublikadagi geodeziya punktlarini hisobga olib boradi;
— bosib chiqarilayotgan kartalar va atlaslarda Davlat chegaralari, shelf chegaralari, viloyatlar va tumanlar, shaharlar va shaharchalar ma’muriy chegaralarining grafik jihatdan to‘g‘ri chizilishini, xorijiy davlatlar va boshqa elementlarning xaritalar hamda atlaslarning saqlashini, shuningdek, aholi yashash joylari va geografik obyektlarning to‘g‘ri nomlanishi va aniq ifodalanishini nazorat qilishni amalga oshiradi;
— mulkchilik shakllaridan qat’i nazar, korxonalar, muassasalar va tashkilotlar tomonidan xaritalar, rejalar va atlaslarni tuzish va bosib chiqarish (ko‘paytirish)ning belgilangan tartibiga rioya etilishini nazorat qiladi;
— topografiya-geodeziya ishlari bajariladigan uchastkalarni bevosita tadqiq etish va texnik hamda loyiha-smeta hujjatlarini tekshirish yo‘li bilan topografiya-geodeziya ishlarining barcha turlari bo‘yicha materiallar va hujjatlarni nazorat qiladi; bu ishlar va kosmik suratlarning hisobga olinishi, saqlanishi, ko‘paytirilishi va ulardan foydalanilishi ahvolini tekshiradi, tekshirish natijalari bo‘yicha xulosalar (dalolatnomalar) tuzadi, tegishli korxonalar, muassasalar va tashkilotlar ma’muriyatlarini ular bilan albatta tanishtiradi;
— korxonalar, muassasalar va tashkilotlarda geodeziya punktlari, texnik hisobotlar, topografiya va topografiya rejalari koordinatlari hamda balandliklarining tarmoq va idoraviy fondlarida jamg‘arilishini nazorat qiladi, ushbu fondlarning geodeziya nazorati inspeksiyasi bilan tegishlicha kelishuvsiz to‘planishiga yo‘l qo‘ymaydi;
— topografiya-geodeziya, kartografiya ishlari bajarilishida xalq xo‘jaligi tarmoqlarining joriy va istiqboldagi ehtiyojlarini o‘rganadi, materiallar va ma’lumotlar bilan ta’minlaydi, vazirliklarda, davlat qo‘mitalarida va idoralarda, korxonalar va muassasalarda bu ishlarni rejalashtirishda qatnashadi, xalq xo‘jaligida va mudofaa ehtiyojlari uchun ko‘p maqsadli foydalanish manfaatlari yo‘lida, shuningdek, parallellik va bir-birini takrorlashga yo‘l qo‘ymaslik maqsadida ularning bajarilishini muvofiqlashtirib boradi;
— topografiya-geodeziya, muhandislik-geodeziya va kartografiya ishlarini yuritish masalalari bo‘yicha, shu jumladan, ishlar va aerokosmik suratlarning natijalari bo‘yicha olingan ma’lumotlarni va materiallarni tayyorlash, hisobga olish, saqlash va ulardan foydalanish tartibini belgilovchi hamma uchun majburiy bo‘lgan yo‘riqnomalar, me’yorlar, qoidalar, standartlar va boshqa me’yoriy hujjatlarni ishlab chiqishda qatnashadi;
— vazirliklar, idoralar, mulkchilik shaklidan qat’i nazar, korxonalar, muassasalar va tashkilotlar tomonidan topografiya-geodeziya, kartografiya ishlarining qo‘yilishi, tashkil etilishi, nazorat qilinishi va qabul qilinishi hamda ishlar va materiallar ma’lumotlaridan foydalanishga daxldor bo‘lgan majburiy tartibda taqdim etiladigan idoralarga qarashli yo‘riqnomalarni, normativ hujjatlarni, qoidalarni, dalolatnomalarni va tarmoq standartlarini ko‘rib chiqadi;
— topografiya-geodeziya, kartografiya ishlarini bajarish uchun normativ-texnik hujjatlarni, yo‘riqnomalar va standartlarni belgilangan tartibda kelishib oladi;
— O‘zbekiston Respublikasi hududida o‘tkaziladigan topografiya-geodeziya va kadastr ishlarini hisobga olishni va inspeksiyaning arxiv fondida ro‘yxatdan o‘tkazishni, xalq xo‘jaligida foydalanish uchun bu ishlar va aerokosmik suratga olishlar natijalari bo‘yicha ma’lumotlar va materiallarni yig‘ish, tizimlashtirish, saqlash va tarqatishni amalga oshiradi, vazirliklar, davlat qo‘mitalari, idoralar, korxonalar, muassasalar va tashkilotlarni zarur axborotlar bilan ta’minlaydi;
— geodezik punktlar va geografik obyektlar koordinatlarini, kosmik va aerosuratlar, xaritalar, atlaslar, joylarning maketlarini va boshqa kartografiya materiallarini ochiq e’lon qilish yoki ko‘rgazmalarda va televideniyeda namoyish qilish mumkinligi to‘g‘risida korxonalar, muassasalar va tashkilotlarga xulosalar beradi;
— geodezik o‘lchovlar, texnologiyalar, ilg‘or tajriba va standartlashtirish birligini ta’minlash uchun topografiya-kartografiya va kadastr ishlarini bajarishda yagona texnika siyosatini va ularga metodik rahbarlikni amalga oshiradi;
— Davlat kartografiya-geodeziya va kadastr fondi hujjatlarini tanlash, to‘ldirish, hisobga olish, saqlash va yo‘q qilish bo‘yicha korxonalar, muassasalar va tashkilotlar faoliyatiga uslubiy rahbarlikni amalga oshiradi”.
b) 5-banddagi “Geodeziya va kartografiya boshqarmasi” so‘zlari “Vazirlar Mahkamasi huzuridagi Geodeziya, kartografiya va davlat kadastri bosh boshqarmasi (“O‘zdavkadastr”)” so‘zlari bilan almashtirilsin;
“topografiya-geodeziya ishlarini bajarish huquqini berish uchun ruxsatnoma (litsenziya)lar berish yuzasidan takliflar kiritish.
Davlat geodeziya nazoratining mansabdor shaxslari qonunchilikda nazarda tutilgan huquqlarga egadirlar”.
Keyingi tahrirga qarang.
2. Vazirlar Mahkamasining 1992-yil 12-iyundagi 277-son qarori bilan tasdiqlangan O‘zbekiston Respublikasi hududida Xorijiy davlatlar ommaviy axborot vositalarining muxbirlari kasb faoliyatini tartibga soluvchi asosiy qoidalarning:
a) 2-bandidagi “Ommaviy axborot vositalari to‘g‘risida” O‘zbekiston Respublikasi Qonuni” so‘zlari “Jurnalistlik faoliyatini himoya qilish to‘g‘risida” O‘zbekiston Respublikasi Qonuni” so‘zlari bilan almashtirilsin;
b) 25-bandning birinchi xatboshidagi “Ommaviy axborot vositalari to‘g‘risida” O‘zbekiston Respublikasi Qonuni”, Vazirlar Mahkamasining “O‘zbekiston Respublikasi hududida xorijiy fuqarolarning bo‘lishini tartibga solish to‘g‘risida”gi qarori, mazkur Asosiy qoidalar” so‘zlari “O‘zbekiston Respublikasining qonunchilik hujjatlari” so‘zlari bilan almashtirilsin;”
“Xorijiy jurnalist O‘zbekiston Respublikasi Tashqi ishlar vazirligining O‘zbekiston Respublikasida uning akkreditatsiya qilishini to‘xtatish haqidagi qarori ustidan sudga shikoyat qilish huquqiga egadir”;
“27. Akkreditatsiya qilingan xorijiy muxbirlar O‘zbekiston Respublikasi jurnalistlari bilan teng ravishda axborot manbalaridan foydalanish huquqiga egadirlar”.
Keyingi tahrirga qarang.
3. Vazirlar Mahkamasining 1993-yil 27-noyabrdagi 575-son (O‘zbekiston Respublikasi QT, 1993-y., 11-son, 40-modda) qarori bilan tasdiqlangan O‘zbekiston Respublikasi Vazirlar Mahkamasining Ish tartibidagi:
IV bo‘limning 3 va 4-bandlaridagi, 5-bandining uchinchi xatboshidagi, 6-bandidagi, 12-bandning birinchi xatboshidagi “bo‘limlar”, “bo‘lim” so‘zlari tegishincha “Bosh vazir o‘rinbosarlarining kotibiyatlari” “Bosh vazir o‘rinbosarlari kotibiyati” so‘zlari bilan almashtirilsin”;
III bo‘limning 6-bandidagi, 7-bandning ikkinchi xatboshidagi, 9-banddagi, 10-bandning ikkinchi xatboshidagi, IV bo‘lim 11-bandining birinchi xatboshidagi, V bo‘limning 2 va 4-bandlaridagi, VI bo‘limning 4-bandidagi, VII bo‘limning ikkinchi va uchinchi xatboshlaridagi, IX bo‘limning 2-bandidagi va X bo‘limning 2-bandidagi “Vazirlar Mahkamasining bo‘limlari tomonidan”, “Vazirlar Mahkamasining bo‘limlari”, “Vazirlar Mahkamasining bo‘limi tomonidan” so‘zlari tegishlicha “Bosh vazir o‘rinbosarlarining kotibiyatlari tomonidan”, “Bosh vazir o‘rinbosarlari kotibiyatlari”, “Bosh vazir o‘rinbosari kotibiyati tomonidan” so‘zlari bilan almashtirilsin”;
“Qaror loyihasi Bosh vazirning tegishli o‘rinbosari, yuridik bo‘lim, boshqa manfaatdor bo‘limlar va Bosh vazir o‘rinbosarlarining kotibiyatlari tegishli vazirliklar, idoralar tomonidan imzolangan va Vazirlar Mahkamasining Axborot-tahlil boshqarmasida albatta muhokama (aprobatsiya)dan o‘tgan bo‘lishi kerak”;
IV bo‘limning 8-bandidagi “Davlat nazorati qo‘mitasining raisi” va “O‘zistiqbolstat” davlat qo‘mitasi raisining o‘rinbosarlari” so‘zlari “O‘zbekiston Respublikasi Prezidenti apparati Nazorat inspeksiyasi rahbari” va “Makroiqtisodiyot va statistika vazirining o‘rinbosarlari” so‘zlari bilan almashtirilsin.
Keyingi tahrirga qarang.
4. Vazirlar Mahkamasining 1994-yil 4-martdagi 114-son (O‘zbekiston Respublikasining QT, 1994-y., 3-son, 13-modda) qarori bilan tasdiqlangan O‘zbekiston Respublikasi Davlat soliq qo‘mitasi to‘g‘risida nizomning 9-bandi quyidagi mazmundagi “g” kichik band bilan to‘ldirilsin:
“g) tamaki mahsulotlari va spirtli ichimliklarni transportda tashish (xalqaro tranzitdan tashqari), saqlash va sotishda, shuningdek, ularni nelegal yo‘l bilan tayyorlashda aksiz markalari bilan markalanmagan tamaki mahsulotlari va spirtli ichimliklarni musodara qilish to‘g‘risida qaror qabul qilish”;
5. Vazirlar Mahkamasining “O‘zbekiston bank tizimini rivojlantirishning kompleks dasturini amalga oshirish chora-tadbirlari to‘g‘risida” 1995-yil 9-noyabrdagi 427-son qarori 3-bandining birinchi xatboshi quyidagi jumla bilan to‘ldirilsin:
“Mazkur qoida xususiy tijorat banklarini daromad solig‘i to‘lashdan ozod qilish qismida ularga joriy qilinmaydi (ko‘rsatib o‘tilgan mablag‘lar ularning moddiy-texnika bazalarini mustahkamlash va infratuzilmalarni rivojlantirishga yo‘naltiriladi)”.
Keyingi tahrirga qarang.
6. Vazirlar Mahkamasining 1996-yil 26-apreldagi 163-son (O‘zbekiston Respublikasi QT, 1996-y., 4-son, 13-modda) qarori bilan tasdiqlangan “O‘zbeknavo” gastrol-konsert birlashmasi faoliyatining asosiy yo‘nalishlari to‘g‘risida nizomning 4-bandidagi “arbitrajda” so‘zi “xo‘jalik sudida” so‘zlari bilan almashtirilsin.
Keyingi tahrirga qarang.
7. Vazirlar Mahkamasining 1996-yil 23-maydagi 188-son qarori bilan tasdiqlangan O‘zbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qo‘mitasi to‘g‘risida nizomning:
kirish qismi “Monopolistik faoliyatni cheklash to‘g‘risida” so‘zlaridan so‘ng “Tabiiy monopoliyalar to‘g‘risida” so‘zlari bilan to‘ldirilsin;
1-band “monopolistik faoliyatni” so‘zlaridan so‘ng “tabiiy monopoliya subyektlari faoliyatini tartibga solish” so‘zlari bilan to‘ldirilsin;
“uning natijasida tabiiy monopoliya subyekti asosiy vositalar uchun mulkchilik huquqiga yoki ularga nisbatan davlat yo‘li bilan tartibga solish qo‘llaniladigan tovarlar ishlab chiqarish (sotish) maqsadiga mo‘ljallanmagan asosiy vositalardan foydalanish huquqiga ega bo‘ladigan bitishuvlar ustidan nazoratni amalga oshiradi, basharti bunday asosiy vositalarning balans qiymati tabiiy monopoliya subyekti o‘z sarmoyasi qiymatining o‘n foizidan ortiq bo‘lsa;
uning natijasida tabiiy monopoliya subyekti boshqa xo‘jalik yurituvchi subyektga mulkchilik huquqini yoki ularga nisbatan mazkur Qonunga muvofiq tartibga solish qo‘llaniladigan tovarlar ishlab chiqarish (sotish) uchun mo‘ljallangan asosiy vositalarning bir qismiga egalik qilish va (yoki) foydalanish huquqini beradigan bitishuvlar ustidan nazoratni amalga oshiradi, basharti ushbu asosiy vositalarning balans qiymati tabiiy monopoliya subyekti o‘z sarmoyasi qiymatining o‘n foizidan ortiq bo‘lsa;
majburiy xizmat ko‘rsatiladigan iste’molchilarni belgilaydi va (yoki) iste’molchilarni tabiiy monopoliya subyekti tomonidan realizatsiya qilinadigan tovar, ish, xizmat bilan to‘liq hajmda qondirish imkoni bo‘lmagan taqdirda ular ta’minotining eng kam darajasini belgilaydi”.
Keyingi tahrirga qarang.
8. Vazirlar Mahkamasining 1996-yil 14-avgustdagi 285-son (O‘zbekiston Respublikasi QT, 1996 i., 8-son, 24-modda) qarori bilan tasdiqlangan O‘zbekiston Respublikasida chetdan keltiriladigan va respublikaning o‘zida ishlab chiqariladigan tamaki mahsulotlari va spirtli ichimliklarga aksiz markalarini qo‘llash tartibi to‘g‘risidagi nizomning 4-bandi quyidagi tahrirda bayon qilinsin:
“4. Savdo yoki ulgurji tarmoqdagi va aksiz markalari bilan markalanmagan spirtli ichimliklar va tamaki mahsulotlari soliq organlarining qarorlari asosida musodara qilinishi kerak”;
19 va 20-bandlar chiqarib tashlansin, 21 va 22-bandlar tegishlicha 19 va 20-bandlar deb hisoblansin.
9. Vazirlar Mahkamasining “1997-yilga ijtimoiy-iqtisodiy rivojlantirishning asosiy ko‘rsatkichlar prognozi va O‘zbekiston Respublikasi davlat budjeti to‘g‘risida” 1996-yil 31-dekabrdagi 469-son qarorining 8-bandi yettinchi xatboshi quyidagi so‘zlar bilan to‘ldirilsin: “xususiy tijorat banklarini daromaddan olinadigan soliqdan ozod qilish qismida ularni istisno qilgan holda”.
10. Vazirlar Mahkamasining 1997-yil 11-martdagi 133-son (O‘zbekiston Respublikasi QT, 1997-y., 3-son, 11-modda) qarori bilan tasdiqlangan Yozma holdagi mehnat shartnomasi (kontrakt) tuzish yuzasidan tavsiyalarning 1-bo‘limi ikkinchi xatboshidagi “vaqtinchalik va mavsumiy xodimlar bilan” so‘zlari chiqarib tashlansin.
11. Vazirlar Mahkamasining “Notariat faoliyati bilan shug‘ullanish huquqini beruvchi litsenziyalar berish va litsenziya berganlik uchun davlat boji to‘lash tartibi to‘g‘risida” 1997-yil 10-martdagi 126-son qarorining 2-bandi quyidagi mazmundagi xatboshi bilan to‘ldirilsin:
“Malaka komissiyasi ishi bilan bog‘liq xarajatlarni qoplash maqsadida notariat faoliyati bilan shug‘ullanish xohishini bildirgan fuqarolar malaka imtihoni topshirishdan oldin eng kam oylik ish haqining bir baravari miqdorida yig‘im to‘laydilar”.
Keyingi tahrirga qarang.
12. Vazirlar Mahkamasining “O‘zbekiston Respublikasi Davlat bojxona qo‘mitasi faoliyatini tashkil etish masalalari to‘g‘risida” 1997-yil 30-iyuldagi 374-son qarorining 9-bandi yettinchi xatboshidan keyin quyidagi mazmundagi yangi xatboshi bilan to‘ldirilsin:
“— eksport qilish taqiqlangan buyumlar va mahsulotlarni O‘zbekiston Respublikasi tashqarisiga chiqarishda, shuningdek, aksiz markalari bilan markalanmagan tamaki mahsulotlari va spirtli ichimliklarni O‘zbekiston Respublikasi hududiga keltirishda, transportda tashishda (xalqaro tranzitdan tashqari) va saqlashda musodara qilish to‘g‘risida qaror qabul qilish”;