LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Yevropa tiklanish va taraqqiyot banki ishtirokidagi loyihalar tayyorlanishini jadallashtirish, loyiha tayyorlanishidan uning to‘liq amalga oshirilishigacha bo‘lgan butun davr mobaynida amaliy natija beradigan monitoringni ta’minlash maqsadida Vazirlar Mahkamasi qaror qiladi:
1. Yevropa tiklanish va taraqqiyot banki bilan birgalikda amalga oshirish mo‘ljallangan loyihalar ro‘yxati 1-ilovaga* muvofiq ma’qullansin.
2. Yevropa tiklanish va taraqqiyot banki bilan qo‘shma loyihalarni amalga oshirishga doir birinchi navbatdagi chora-tadbirlar jadvali 2-ilovaga* muvofiq tasdiqlansin.
3. Yevropa tiklanish va taraqqiyot banki bilan qo‘shma loyihalarni tayyorlash va amalga oshirish uchun mas’ul bo‘lgan O‘zbekiston Respublikasi Vazirlar Mahkamasi komplekslari rahbarlari:
Yevropa tiklanish va taraqqiyot banki bilan qo‘shma loyihalarni tayyorlash va amalga oshirish bo‘yicha ijroiya agentliklar sifatida belgilangan respublika vazirliklari va idoralari bilan birgalikda bir oy muddatda loyihalarni amalga oshirishga jadal tayyorgarlik ko‘rilishini ta’minlaydigan chora-tadbirlarning tegishli rejalarini tasdiqlasinlar, bunda texnik-iqtisodiy asoslash o‘z vaqtida ekspertizadan o‘tkazilishini, mablag‘ bilan ta’minlash manbalari va qarz mablag‘lari qaytarilishini kelishishni nazarda tutsinlar;
qo‘shma loyihalarning tayyorlanishidan ularning to‘liq amalga oshirilishigacha bo‘lgan butun davr mobaynida amaliy natija beradigan monitoringni ta’minlasinlar.
Oldingi tahrirga qarang.
Yevropa tiklanish va taraqqiyot banki ishtirokida ishlab chiqilayotgan loyihalarning texnik-iqtisodiy asoslanishi yuzasidan texnik vazifalar ishchi guruhlar tomonidan majburiy tartibda O‘zbekiston Respublikasi Iqtisodiyot vazirligi hamda Moliya vazirligiga kelishish uchun taqdim etiladi;
(4-bandning ikkinchi xatboshisi O‘zbekiston Respublikasi Vazirlar Mahkamasining 2003-yil 28-fevraldagi 112-son qarori tahririda — O‘zbekiston Respublikasi Qonun hujjatlari to‘plami, 2003-y., 4-son, 42-modda)
yangi loyihalarni mablag‘ bilan ta’minlashga buyurtmanomalar Yevropa tiklanish va taraqqiyot bankiga O‘zbekiston Respublikasi Vazirlar Mahkamasining tegishli komplekslari rahbarlari bilan kelishilgandan keyin Vazirlar Mahkamasining Tashqi iqtisodiy aloqalar va xorijiy investitsiyalar departamenti orqali yuboriladi.
5. O‘zbekiston Respublikasi Makroiqtisodiyot va statistika vazirligi xalqaro moliyaviy tashkilotlar bilan hamkorlik doirasida amalga oshirilayotgan loyihalar tayyorlanishi va ro‘yobga chiqarilishi jarayonini muvofiqlashtirish va nazorat qilish uchun vazirlikning markaziy apparati tuzilmasida 4 kishidan iborat monitoring guruhini tashkil etsin.
Oldingi tahrirga qarang.
6. Bosh vazirning o‘rinbosari, Iqtisodiyot vaziri R.S.Azimov texnik ko‘mak olish, shuningdek O‘zbekiston Respublikasi Hukumati kafolati ostida moliyaviy ko‘mak olish yuzasidan Yevropa tiklanish va taraqqiyot bankiga buyurtmanomalarni imzolashga vakil qilinsin.
(6-band O‘zbekiston Respublikasi Vazirlar Mahkamasining 2003-yil 28-fevraldagi 112-son qarori tahririda — O‘zbekiston Respublikasi Qonun hujjatlari to‘plami, 2003-y., 4-son, 42-modda)
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S.Azimov zimmasiga yuklansin.