Oʻzbekiston Respublikasining “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida”gi va “Qimmatli qogʻozlar bozori toʻgʻrisida”gi qonunlariga muvofiq Oʻzbekiston Respublikasi Moliya vazirligi va Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:

1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi va Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2009-yil 13-oktabrdagi 2009-43 va 38-son Qimmatli qogʻozlar bozorining professional ishtirokchilari uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga (roʻyxat raqami 2033, 2009-yil 3-noyabr) (Oʻzbekiston Respublikasi qonun hujjatlari toʻplami, 2009-y., 45-son, 491-modda) ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Muqaddima quyidagi tahrirda bayon etilsin:

“Mazkur Qoidalar Oʻzbekiston Respublikasining “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida”gi, “Qimmatli qogʻozlar bozori toʻgʻrisida”gi qonunlariga muvofiq qimmatli qogʻozlar bozorining professional ishtirokchilari tomonidan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish maqsadida ichki nazoratni tashkil etish va amalga oshirish tartibini belgilaydi.

Mazkur Qoidalar talablari qimmatli qogʻozlar bozorida professional faoliyatni amalga oshiruvchi tashkilotlarga tatbiq qilinadi, tijorat banklari va sugʻurtalovchilar bundan mustasno.”.

2. 1-bandda:

oʻn toʻrtinchi xatboshi chiqarib tashlansin;

oʻn beshinchi — yigirma birinchi xatboshilar tegishincha oʻn toʻrtinchi — yigirmanchi xatboshilar deb hisoblansin;

oʻn toʻqqizinchi xatboshi quyidagi tahrirda bayon etilsin:

“yuqori mansabdor shaxslar — chet davlatning qonun chiqaruvchi, ijro etuvchi, maʼmuriy yoki sud organida, shu jumladan harbiy tuzilmalarida, yoxud xalqaro tashkilotda doimiy, vaqtincha yoki maxsus vakolat boʻyicha tayinlanadigan yoki saylanadigan, tashkiliy-boshqaruv vazifalarini bajaruvchi va yuridik ahamiyatga ega boʻlgan harakatlarni sodir etishga vakolatli shaxslar, shuningdek chet davlat korxonalarining yuqori martabali rahbarlari, chet davlatning taniqli siyosatchilari va siyosiy partiyalarining taniqli aʼzolari (shu jumladan sobiq);”;

quyidagi mazmundagi xatboshi bilan toʻldirilsin:

“yuqori mansabdor shaxslarga yaqin boʻlgan shaxslar — yuqori mansabdor shaxslari bilan ijtimoiy va kasbiy jihatdan chambarchas bogʻliq boʻlgan shaxslar.”.

3. Rus tili matnidagi 4-bandning ikkinchi xatboshisidagi “i finansirovaniya terrorizma” degan soʻzlar “finansirovaniya terrorizma i finansirovaniya rasprostraneniya orujiya massovogo unichtojeniya” degan soʻzlar bilan almashtirilsin.

4. 5-bandda:

ikkinchi xatboshidagi “Qonun hujjatlariga” degan soʻzlar “Qonunchilik hujjatlariga” degan soʻzlar bilan almashtirilsin;

oltinchi xatboshi quyidagi tahrirda bayon etilsin:

“Roʻyxatga kiritilgan shaxslarning operatsiyasini kechiktirmasdan va oldindan xabar qilmasdan toʻxtatib turish yuridik yoki jismoniy shaxsning shaxsiy hisobvaragʻiga tushgan pul mablagʻlarini hisobga kiritish boʻyicha operatsiyalar bundan mustasno va (yoki) pul mablagʻlarini yohud boshqa mol-mulkini ishga solmay toʻxtatib qoʻyish hamda bunday operatsiya haqida toʻxtatib turilgan kunning oʻzida maxsus vakolatli davlat organini xabardor etish;”;

oʻn ikkinchi xatboshidagi “va terrorizmni moliyalashtirish” degan soʻzlar “terrorizmni moliyalashtirishga va ommaviy qirgʻin qurolini tarqatishni moliyalashtirish” degan soʻzlar bilan almashtirilsin;

oʻn uchinchi xatboshi quyidagi tahrirda bayon etilsin:

“yuqori mansabdor shaxslar, ularning oila aʼzolari va yuqori mansabdor shaxslarga yaqin shaxslarning amalga oshirayotgan operatsiyalarini chuqur monitoring qilish;”;

quyidagi mazmundagi xatboshi bilan toʻldirilsin:

“pul mablagʻlari yoki boshqa mol-mulk bilan bogʻliq operatsiyalarni oʻttiz ish kunidan koʻp boʻlmagan muddatda toʻxtatish toʻgʻrisida maxsus vakolatli davlat organining koʻrsatmalarini oʻz vaqtida bajarish.”.

5. 27¹ va 28-bandlardagi “Agentlik” degan soʻz “Moliya vazirligi” degan soʻzlar bilan almashtirilsin.

6. 6¹-bandda:

“Agentlik” degan soʻz “Moliya vazirligi” degan soʻzlar bilan almashtirilsin;

quyidagi mazmundagi xatboshi bilan toʻldirilsin:

“Oʻqitish muntazam ravishda, yiliga kamida bir marta oʻtkaziladi”.

7. 8-banddagi “Agentlik” degan soʻz “Moliya vazirligi” degan soʻzlar bilan almashtirilsin.

8. 11-bandda:

uchinchi xatboshi quyidagi tahrirda bayon etilsin:

“benefitsiar mulkdorlarni identifikatsiyalash va ularning shaxsini tekshirish boʻyicha mumkin boʻlgan chora-tadbirlarini koʻrish;”;

quyidagi mazmundagi oʻninchi-oʻn birinchi xatboshilar bilan toʻldirilsin:

“pul mablagʻlari yoki boshqa mol-mulk bilan bogʻliq operatsiyalarni oʻttiz ish kunidan koʻp boʻlmagan muddatda toʻxtatish toʻgʻrisida maxsus vakolatli davlat organining koʻrsatmalarini oʻz vaqtida bajarish;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha oʻquv tadbirlarida ishtirok etish va oʻquv tadbirlarida olingan maʼlumotlarni professional ishtirokchilarning xodimlariga yetkazish;”;

oʻninchi xatboshi tegishincha oʻn ikkinchi xatboshi deb hisoblansin.

9. 11¹-band quyidagi tahrirda bayon etilsin:

“11¹. Pul mablagʻlari yoki boshqa mol-mulk bilan bogʻliq operatsiyalar va mijozlarni lozim darajada tekshirishga doir axborot, zarurat tugʻilgan taqdirda, operatsiya tafsilotlarini qayta tiklash va ushbu axborotdan maxsus vakolatli davlat organi tomonidan foydalanish imkoniyatini yaratgan holda rasmiylashtirilishi lozim.”.

10. Quyidagi mazmundagi 11²-band bilan toʻldirilsin:

“11². Nazoratchi jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha xalqaro standartlarni, Oʻzbekiston Respublikasi qonunchiligini bilishi lozim.”.

11. 12-banddagi “eng kam oylik ish haqi” degan soʻzlar “bazaviy hisoblash” degan soʻzlar bilan almashtirilsin.

12. 13¹-band quyidagi xatboshi bilan toʻldirilsin:

“Alohida hollarda, mavjud mijozning jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirishga aloqasi borligi haqida asoslantirilgan shubhalar mavjud boʻlganida va unga nisbatan mijozlarni lozim darajada tekshirish boʻyicha choralar amalga oshirilayotganligi oshkor boʻlishi mumkinligini inobatga olgan holda mijozlarni lozim darajada tekshirish boʻyicha choralar amalga oshirmasdan maxsus vakolatli davlat organga shubhali operatsiya haqida axborot yuborilishiga yoʻl qoʻyiladi.”.

13. 13²-bandda:

ikkinchi xatboshidagi “qaysi shaxslar nomidan ish koʻrayotgan boʻlsa, oʻsha” degan soʻzlar “mijoz nomidan ish yurituvchi” degan soʻzlar bilan almashtirilsin;

toʻrtinchi xatboshi quyidagi tahrirda bayon etilsin:

“mijoz tomonidan amalga oshiriladigan ish munosabatlari va operatsiyalarni, ularning bunday mijoz va uning faoliyati toʻgʻrisidagi maʼlumotlarga muvofiqligini tekshirish maqsadida doimiy asosda oʻrganishni;”;

quyidagi mazmundagi xatboshi bilan toʻldirilsin:

“Agar mijozning benefitsiar mulkdorini aniqlashning imkoni boʻlmasa, professional ishtirokchilar mijozning rahbarini identifikatsiyalashlari lozim.”.

14. 13³-bandning uchinchi xatboshi quyidagi tahrirda bayon etilsin:

“yuqori mansabdor shaxs, uning oila aʼzolari yoki yuqori mansabdor shaxsga yaqin shaxslar bilan amaliy ish munosabatlariga kirishish (shu jumladan, mavjud boʻlgan bunday mijozlar bilan ish munosabatlarni davom ettirish) faqatgina professional ishtirokchilarining rahbari ruxsati bilan amalga oshiriladi;”.

15. 14-banddagi “pasport” degan soʻz “pasport/identifikatsiya ID-kartaning raqami” degan soʻzlar bilan almashtirilsin.

16. Quyidagi mazmundagi 16¹ — 16³-bandlar bilan toʻldirilsin:

“16¹. Yuridik shaxslarga va yakka tartibdagi tadbirkorlarga nisbatan mijozlarni lozim darajada tekshirish boʻyicha chora-tadbirlar amalga oshirilayotganda professional ishtirokchilar ulardan mijozning mulk va boshqaruv tuzilmasini (yuqori organ, ijroiy organ, boshqa organlar) olishlari lozim.

16². Birja aʼzolarining chet eldagi shuʼba korxonalari, filiallari va vakolatxonalari jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish borasidagi chora-tadbirlarni amalga oshirishda xalqaro standartlar va ular joylashgan mamlakat talablariga rioya qilishlari lozim.

Professional ishtirokchilarning xorijdagi shuʼba korxonalari, filiallari va vakolatxonalari agarda ular joylashgan mamlakatning qonun hujjatlarida professional ishtirokchining ichki qoidalariga nisbatan yengilroq ichki nazorat choralari belgilangan boʻlsa, ular jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish borasidagi chora-tadbirlarni amalga oshirishda aynan professional ishtirokchi ichki qoidalariga rioya qilishlari kerak.

16³. Professional ishtirokchilarning chet eldagi shuʼba korxonalari, filiallari va vakolatxonalaridan ular joylashgan mamlakatlar qonunchiligida tegishli choralar taqiqlanganligi sababli jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha tegishli choralarni tatbiq qilish imkoniyati boʻlmagan taqdirda, professional ishtirokchilarning bosh ofisiga axborot berilishini talab qilishga majburdirlar. Oʻz navbatida professional ishtirokchilar bu haqda maxsus vakolatli davlat organiga xabar berishi shart.”.

17. 18¹-banddagi “Agentlikka” degan soʻz “Moliya vazirligiga” degan soʻzlar bilan almashtirilsin.

18. 18²-bandda:

ikkinchi xatboshi quyidagi tahrirda bayon etilsin:

“Roʻyxatga kiritilgan shaxslar yoxud roʻyxatga kiritilgan shaxsning egaligi yoki nazoratidagi tashkilotlar, Roʻyxatga kiritilgan tashkilotning bevosita yoxud bilvosita mulkdori yoki nazorat qiluvchi shaxslar;”;

beshinchi xatboshi quyidagi tahrirda bayon etilsin:

“yuqori mansabdor shaxslar, ularning oila aʼzolari va yuqori mansabdor shaxslarga yaqin shaxslar”.

19. Quyidagi mazmundagi 18⁵-band bilan toʻldirilsin:

“18⁵. Moliya vazirligi yiliga kamida bir marta, shuningdek jinoiy faoliyatdan olingan daromadlarni legallashtirishga, terrorizmni moliyalashtirishga yoki ommaviy qirgʻin qurolini tarqatishni moliyalashtirishga qarshi kurashish sohasidagi qonunchilik oʻzgarishi munosabati bilan professional ishtirokchilar faoliyatida yuzaga kelishi mumkin boʻlgan tavakkalchilik darajasini oʻrganadi.”.

20. 19-bandda:

oʻn birinchi, oʻn uchinchi va oʻn toʻrtinchi xatboshilaridagi “eng kam oylik ish haqining” degan soʻzlar “bazaviy hisoblash miqdorining” degan soʻzlar bilan almashtirilsin.

21. Quyidagi mazmundagi 19¹-band bilan toʻldirilsin:

“19¹. Tashkilotlar Moliya vazirligi tomonidan maxsus vakolatli davlat organi bilan kelishilgan holda ishlab chiqiladigan shubhali operatsiyani erta aniqlash boʻyicha uslubiy qoʻllanmalarni tatbiq etishlari mumkin.”.

22. 21-bandda:

ikkinchi xatboshi quyidagi tahrirda bayon etilsin:

“Pul mablagʻlari yoki boshqa mol-mulk bilan bogʻliq operatsiyalar kechiktirilmasdan va oldindan xabar qilinmasdan toʻxtatib turiladi, pul mablagʻlarini yoki boshqa mol-mulklarni esa ishga solmay toʻxtatib qoʻyilib, maxsus vakolatli davlat organiga xabar beriladi, agar:”;

oltinchi xatboshi quyidagi tahrirda bayon etilsin:

“mijoz — roʻyxatga kiritilgan jismoniy yoki yuridik shaxs egalik qiladigan yoki boshqaruvi ostida boʻlgan yuridik shaxs”.

23. Quyidagi mazmundagi 27³-band bilan toʻldirilsin:

“27³. Mijozlarni lozim darajada tekshirish natijasida olingan maʼlumotlar ahamiyati va tavakkalchiliklardan kelib chiqqan holda hamda mijoz maʼlumotlarida oʻzgarishlar boʻlganda, biroq mijoz tomonidan jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirishni amalga oshirish tavakkalchiligi professional ishtirokchilar tomonidan yuqori baholanganda yiliga kamida bir marotaba, boshqa hollarda ikki yilda kamida bir marotaba yangilanishi lozim.”.

24. Quyidagi mazmundagi 28²-band bilan toʻldirilsin:

“28². Professional ishtirokchining ichki audit xizmati mavjud boʻlganda, ichki nazorat tizimining samaradorligini monitoring qilish ichki audit xizmati tomonidan amalga oshiriladi.”.