Oliy va o‘rta ta’lim tizimini yanada takomillashtirishga, ko‘p bosqichda mutaxassislar tayyorlashga, kadrlar tayyorlash jahon tajribasi yutuqlarini O‘zbekiston o‘quv-ta’lim amaliyotiga joriy etishga muhim ahamiyat berib, Vazirlar Mahkamasi qaror qiladi:
Toshkent davlat universitetining sotsiologik tadqiqotlar markazi negizida Oliy va o‘rta maxsus maktab muammolari institutini tashkil etish to‘g‘risidagi taklifi qabul qilinsin.
2. Quyidagilar Oliy va o‘rta maxsus maktab muammolari instituti faoliyatining asosiy yo‘nalishlari etib belgilansin:
jahon tajribasini hisobga olgan holda oliy va o‘rta maxsus ta’lim tizimini takomillashtirishning ilmiy asoslarini ishlab chiqish:
bozor iqtisodiyoti talablariga, respublikaning ijtimoiy sohasidagi o‘zgarishlarga moslashishga qodir bo‘lgan ko‘p bosqichli ta’lim muassasalarining zamonaviy modellarini barpo etish;
axborot texnologiyasidan, pedagogik test usulidan keng foydalangan holda mutaxassislarni o‘qitish va tarbiyalashning zamonaviy usullarini o‘quv jarayoniga joriy etish;
jamiyatni qayta o‘zgartirishning huquqiy va demokratik prinsiplarini qaror toptirish, O‘zbekiston Respublikasi mustaqilligini mustahkamlash g‘oyalariga sodiq vatanparvarlarni tarbiyalash asosida talaba yoshlarning dunyoqarashini shakllantirish;
talaba yoshlarning bilim darajasini test orqali nazorat qilish va baholash usulini oliy va o‘rta o‘quv yurtlarining o‘quv jarayoniga joriy etish yuzasidan aniq maqsadga qaratilgan ishlarni olib borish;
ta’lim muassasalarining o‘quv fanlarini kompyuterda o‘qitishga bosqichma-bosqich o‘tishi bo‘yicha dasturlarni ishlab chiqish va amalga oshirish;
kasb-hunar ta’limi hamda oliy va o‘rta maxsus o‘quv yurtlari mutaxassislari va o‘qituvchilari malaka darajasini oshirish tizimini takomillashtirish;
oliy va o‘rta maxsus o‘quv yurtlarini mablag‘ bilan ta’minlash va o‘zini o‘zi mablag‘ bilan ta’minlash mexanizmini, shuningdek, o‘qituvchilar mehnatini rag‘batlantirish shakllarini yaratish;
bozor iqtisodiyoti sharoitlarida o‘quv yurtlarining moddiy-texnika bazasini rivojlantirish va mustahkamlashning eng maqbul yo‘llarini izlanish.
3. O‘zbekiston Respublikasi Oliy va o‘rta maxsus ta’lim vazirligi bir oy muddatda Oliy va o‘rta maxsus maktab muammolari instituti tuzilmasini, Ustavini va uning to‘g‘risidagi Nizomni ishlab chiqsin va tasdiqlasin, ularda xodimlarni tanlov asosida ishga qabul qilish va vaqti-vaqti bilan attestatsiyadan o‘tkazish prinsiplarini aks ettirsin.
4. O‘zbekiston Respublikasi Fan va texnika davlat qo‘mitasi 1996-yil va keyingi yillar prognozida tegishli ravishda mablag‘ bilan ta’minlagan holda, Oliy va o‘rta maxsus maktab muammolari instituti mavzulari bo‘yicha davlat dasturlari shakllantirilishini nazarda tutsin.
Keyingi tahrirga qarang.
5. Oliy va o‘rta maxsus maktab muammolari instituti Toshkent arxitektura-qurilish instituti binosiga joylashtirilsin: Toshkent shahri, Paxtakor ko‘chasi, 3-uy.
6. Oliy va o‘rta maxsus maktab muammolari instituti xarajatlari bilan bog‘liq sarf-xarajatlar O‘zbekiston Respublikasi Oliy va o‘rta maxsus ta’lim vazirligiga ajratiladigan umumiy mablag‘lar doirasida amalga oshirilsin.
Keyingi tahrirga qarang.