LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 2-iyuldagi 550-sonli “Xorijiy davlatlarning O‘zbekiston Respublikasida akkreditatsiyadan o‘tgan diplomatik vakolatxonalari, konsullik muassasalari va ularga tenglashtirilgan tashkilotlarga xizmat ko‘rsatishni tubdan takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasining tashqi aloqalari infrastrukturasini yaratishda o‘zaro mulkiy munosabatlarni tartibga solish, xorijiy davlatlar vakolatxonalari faoliyatini tashkil etish bilan bog‘liq masalalarni puxta hal qilish maqsadida Vazirlar Mahkamasi qaror qiladi:
1. O‘zbekiston Respublikasi Tashqi ishlar vazirligi huzuridagi Diplomatik servis xizmati diplomatik va ularga tenglashtirilgan boshqa chet el vakolatxonalariga xizmat ko‘rsatish bo‘yicha yagona buyurtmachi qilib belgilansin. Unga O‘zbekiston Respublikasidagi diplomatik vakolatxonalarga xizmat ko‘rsatuvchi tashkilot va korxonalarning faoliyatini muvofiqlashtirib borish vazifasi yuklatilsin.
2. Diplomatik va ularga tenglashtirilgan boshqa chet el vakolatxonalariga xizmat va uy-joy binolarini ijaraga berish hamda hisobga olish tartibi to‘g‘risidagi Vaqtinchalik nizom ilovaga muvofiq tasdiqlansin.
3. O‘zbekiston Respublikasi tashqi ishlar vazirligi va Davlat mulki qo‘mitasiga xorijiy davlatlarda mamlakatning diplomatik va boshqa vakolatxonalarini ochishda O‘zbekiston Respublikasining mulkiy manfaatlarini ifodalash vakolati berilsin.
Moliya vazirligi, Davlat mulki qo‘mitasi, Davlat qurilish ishlari qo‘mitasi va Toshkent shahar hokimligi bilan birgalikda mutaxassislar guruhini bozor iqtisodiyoti rivojlangan mamlakatlarda qo‘zg‘almas mulklar bilan a’mollarni amalga oshirish qo‘zg‘almas mulk va xizmatlar narxini shakllantirish tartibini, o‘rganish uchun yuborsin hamda 1993-yilning 1-iyuligacha Vazirlar Mahkamasiga takliflar kiritsin;
O‘zbekiston Respublikasi Sog‘liqni saqlash vazirligi bilan birgalikda diplomatik va ularga tenglashtirilgan boshqa chet el vakolatxonalari xodimlariga tibbiy xizmat ko‘rsatish bo‘yicha xo‘jalik hisobidagi, ixtisoslashtirilgan poliklinika va statsionar ochish masalasini tibbiy sug‘urta tizimini qo‘llangan holda bir oy muddat ichida ishlab chiqsin;
“O‘zbeksavdo” uyushmasi, Toshkent shahar hokimligi bilan birgalikda diplomatik va ularga tenglashtirilgan boshqa chet el vakolatxonalariga oziq-ovqat va sanoat mollarini valyutaga sotadigan ixtisoslashtirilgan magazin ochish masalasini bir oy muddat ichida hal etsin.
5. “O‘zshartnomasavdo”, “O‘zbeksavdo” uyushmasi va O‘zbekbirlashuv diplomatik vakolatxonalar ehtiyojlari uchun O‘zbekiston Respublikasi Tashqi ishlar vazirligi huzuridagi Diplomatik servis xizmati talabnomalari bo‘yicha zarur asbob-uskunalar va tovarlar ajratishni birinchi navbatda ta’minlasinlar.
6. Moliya vazirligi, Davlat soliq bosh boshqarmasi Toshkent shahar hokimligi va Tashqi ishlar vazirligi bilan birgalikda diplomatik va ularga tenglashtirilgan chet el vakolatxonalariga uy-joy binolarini ijaraga beradigan O‘zbekiston Respublikasi fuqarolari daromadidan soliqlar olish tartibini ikki hafta muddat ichida ishlab chiqsinlar va tasdiqlasinlar.
7. Ichki ishlar vazirligi Tashqi ishlar vazirligi va Toshkent shahar hokimligi bilan birgalikda xususiy uy-joy sektorida yashaydigan diplomatik va ularga tenglashtirilgan boshqa chet el vakolatxonalari xodimlarini ro‘yxatdan o‘tkazish tartibini, shuningdek, avtotransportni rasmiylashtirish tartibini bir oy muddat ichida ishlab chiqsin.
8. O‘zbekiston Respublikasi Tashqi ishlar vazirligi huzuridagi Diplomatik servis xizmati Respublika valyuta jamg‘armasiga chet el valyutasida tushadigan tushumlardan soliq to‘lashdan 1993-1994-yillarda ozod qilinsin. Diplomatik servis xizmati valyuta tushumlarini elchixona binolarini saqlash xarajatlarini o‘zaro to‘lash to‘g‘risidagi hukumatlararo bitimlar bo‘yicha o‘zaro hisob-kitoblarni tashkil etishga hamda O‘zbekiston Respublikasidagi diplomatik korpusga xizmat ko‘rsatish shart-sharoitlarini takomillashtirishga yo‘naltirsin.
9. O‘zbekiston Respublikasi Moliya vazirligi, Davlat bojxona qo‘mitasi 1993-1994-yillarda Diplomatik servis xizmatini keyinchalik diplomatik vakolatxonalarga sotish uchun tashib keltiriladigan yuk va tovarlarning barcha turlarini bojxona bojlaridan ozod qilsin.
10. Ushbu qarorning bajarilishini nazorat qilish Bosh vazir o‘rinbosari o‘rtoq K. N. To‘laganov zimmasiga yuklatilsin.
O‘zbekiston Respublikasi Hukumati qarorlariga kiritilayotgan ilova qilinayotgan o‘zgarishlar tasdiqlansin.
1. Xizmat binolariga O‘zbekiston Respublikasi Hukumati, shuningdek, Toshkent shahar hokimligi tomonidan yangi ochilayotgan diplomatik va ularga tenglashtirilgan boshqa chet el vakolatxonalarini (bundan keyin matnda dipvakolatxonalar deb ataladi) joylashtirish uchun ajratilgan binolar kiradi.
2. Uy-joy binolariga O‘zbekiston Respublikasi Hukumati hamda Toshkent shahar hokimligi tomonidan dipvakolatxonalar boshliqlari va xodimlarining yashashi uchun ajratilgan, shuningdek, ana shu maqsadlar uchun alohida shaxslardan ijaraga olingan uy va kvartiralar kiradi.
3. Dipvakolatxonalar va ularning xodimlarini joylashtirish uchun ajratiladigan xizmat va uy-joy binolari Diplomatik servis xizmati (bundan keyin matnda Dipservis xizmati deb ataladi), shuningdek, mahalliy hokimiyat organlari tomonidan hisobga olinadi.
4. Dipvakolatxonalar va ularning xodimlarini joylashtirish uchun ajratilgan binolarni ijaraga berish huquqi Dipservis xizmatiga beriladi.
Dipservis xizmati dipvakolatxonalar va ularning xodimlari tomonidan alohida shaxslardan binolarni ijaraga olishda vositachilik qiladi.
5. Dipvakolatxonalar zarur binoning foydalanish maqsadini, maydonini, xonalar sonini, joylashgan o‘rnini va shart-sharoitlarini ko‘rsatgan holda Dipservis xizmatiga talabnoma berishadi.
Dipservis xizmati mazkur talabnoma asosida ijaraga berish uchun binolarning mavjud variantlarini tanlaydi va taqdim etadi.
Tomonlar o‘rtasida ijara yuzasidan kelishuvga erishilgan taqdirda Dipservis xizmati shahar hokimligini bundan xabardor qiladi.
6. Doimiy bino ajratilgungacha dipvakolatxonalar Dipservis xizmati tomonidan ma’muriy binolarga va mehmonxonalarga joylashtirilishi mumkin.
7. Ijara shartnomasi Dipservis xizmati bilan dipvakolatxona o‘rtasidagi munosabatlarni tartibga solib turuvchi asosiy hujjat hisoblanadi.
dipvakolatxona tomonidan kommunal xizmatlar haqini to‘lash hamda xonalardan, binodan va yondosh hududlardan foydalanish shartlari;
12. Ijara haqi stavkasini Dipservis xizmati O‘zbekiston Respublikasi Moliya vazirligi bilan kelishgan holda belgilaydi.
Ijara haqining bazaviy stavkasi qaror topgan jahon raqobat narxlari hamda O‘zbekiston Respublikasida o‘zining vakolatxonasini ochgan mamlakat poytaxtidagi qo‘zg‘almas mulkning bozor qiymatiga tuzatish koeffitsiyenti asosida belgilanadi.
Dipvakolatxonalar, I, II va III zonalarda joylashtirilganda ijara haqi tegishli ravishda 30, 20 va 10 foizga ko‘payadi.
13. Binoni tuzilgan shartnoma bo‘yicha topshirish va qabul qilib olish tomonlarning vakolatli vakillari ishtirokida, ikki tomonlama dalolatnoma tuzgan holda amalga oshiriladi. Dalolatnomada quyidagilar ko‘rsatiladi:
qatnashchilarga tomonlarning manfaatlarini ifodalash huquqini beruvchi hujjatlarning nomi va rekvizitlari;
binolarni topshirish va qabul qilib olishga asos bo‘ladigan ijara shartnomalarining nomeri va imzolangan sanasi;
14. Topshirish va qabul qilib olish dalolatnomasi ikki nusxada, har qaysi tomon uchun bittadan tuziladi.
1. O‘zbekiston SSR Ministrlar Sovetining “Diplomatik va boshqa chet el vakolatxonalariga xizmat ko‘rsatishni yaxshilash chora-tadbirlari to‘g‘risida” 1988-yil 13-sentabrdagi 325-son qaroridan 11-bandning ikkinchi xatboshi, 12-band, 17-bandning o‘ninchi xatboshi chiqarib tashlansin.
2. O‘zbekiston SSR Ministrlar Sovetining “O‘zbekiston SSRda chet el firmalari, banklari va tashkilotlarining vakolatxonalarini ochish hamda ularning faoliyati to‘g‘risida” 1989-yil 28-dekabrdagi 442-son qarorining 4-bandi quyidagi tahrirda bayon qilinsin:
“4. Diplomatik va ularga tenglashtirilgan boshqa chet el vakolatxonalariga xizmat ko‘rsatish O‘zbekiston Respublikasi Tashqi ishlar vazirligi huzuridagi Diplomatik servis xizmati tomonidan amalga oshiriladi. Mulkchilikning turli shakllaridagi korxonalarga Diplomatik servis xizmati bilan kelishgan holda chet el firmalariga, vakolatxonalariga, banklarga va xalqaro tashkilotlarga shartnomalar asosida xizmat ko‘rsatishga ruxsat etilsin.”.