1-modda. Oʻzbekiston Respublikasining 2002-yil 12-dekabrda qabul qilingan “Oʻzbekiston Respublikasi Oliy Majlisining Senati toʻgʻrisida”gi 432-II-sonli Konstitutsiyaviy Qonuni (Oʻzbekiston Respublikasi Oliy Majlisining Axborotnomasi, 2002-yil, № 12, 213-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda; 2019-yil, № 2, 47-modda, № 3, 162-modda, № 5, 261-modda, № 8, 468-modda, № 9, 588-modda) 12-moddasining uchinchi qismi quyidagi mazmundagi jumla bilan toʻldirilsin:

“Parlament soʻroviga, senator soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”.

2-modda. Oʻzbekiston Respublikasining 2002-yil 12-dekabrda qabul qilingan “Oʻzbekiston Respublikasi Oliy Majlisining Qonunchilik palatasi toʻgʻrisida”gi 434-II-sonli Konstitutsiyaviy Qonuniga (Oʻzbekiston Respublikasi Oliy Majlisining Axborotnomasi, 2002-yil, № 12, 215-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 9, 510-modda; 2018-yil, № 1, 4-modda; 2019-yil, № 3, 162-modda, № 5, 261-modda, № 8, 468-modda, № 9, 588-modda) quyidagi qoʻshimcha va oʻzgartish kiritilsin:

1) 12-moddaning uchinchi qismi quyidagi mazmundagi jumla bilan toʻldirilsin:

“Parlament soʻroviga, Qonunchilik palatasi deputatining soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

2) 15-moddaning matni quyidagi tahrirda bayon etilsin:

“Qonunchilik palatasi Spikerining oʻrinbosarlari Qonunchilik palatasi deputatlari orasidan yashirin ovoz berish orqali deputatlar umumiy sonining koʻpchilik ovozi bilan Qonunchilik palatasining vakolati muddatiga saylanadi. Qonunchilik palatasi Spikerining oʻrinbosarligiga nomzodlar koʻrsatish va saylash tartibi qonunda hamda Qonunchilik palatasi Reglamentida belgilanadi.

Qonunchilik palatasi Spikerining birinchi oʻrinbosari oʻz vazifalarini bajarish davrida siyosiy partiyaga aʼzolikni toʻxtatib turadi hamda fraksiya tarkibiga kirishi mumkin emas.

Qonunchilik palatasi Spikerining birinchi oʻrinbosari Qonunchilik palatasi qoʻmitalarining tarkibiga saylanishi mumkin emas.

Qonunchilik palatasida tuzilgan fraksiya oʻz vakili Qonunchilik palatasi Spikerining oʻrinbosari lavozimlaridan birini egallashida kafolatli huquqqa ega.

Qonunchilik palatasi Spikerining oʻrinbosarini saylash uchun fraksiya, qoida tariqasida, oʻz fraksiyasi rahbarining nomzodini kiritadi.

Qonunchilik palatasi Spikerining oʻrinbosari Qonunchilik palatasi qoʻmitalaridan birining tarkibiga saylanishi mumkin.

Qonunchilik palatasi Spikerining birinchi oʻrinbosari xalqaro parlament tashkilotlari bilan aloqalarni rivojlantirishni amalga oshiradi, boshqa davlatlarning parlamentlari va xalqaro parlament tashkilotlari bilan hamkorlik boʻyicha parlamentlararo guruhlar, komissiyalar, qoʻmitalar, ishchi guruhlar va boshqa tuzilmalar faoliyatini muvofiqlashtiradi, parlamentlararo diplomatiyani rivojlantirishni amalga oshiradi, xalqaro shartnomalarning hukumat tomonidan bajarilishini nazorat qilishga doir ishlarni tashkil etadi, shuningdek vazifalar taqsimotiga binoan tashkiliy va boshqa vazifalarni bajaradi.

Qonunchilik palatasi Spikerining oʻrinbosarlari Qonunchilik palatasi Spikerining topshirigʻiga binoan uning ayrim vazifalarini bajaradi.

Qonunchilik palatasining Spikeri yoʻqligida yoki u oʻz vazifalarini amalga oshirishi mumkin boʻlmagan hollarda uning vazifalarini Qonunchilik palatasi Spikerining birinchi oʻrinbosari, u yoʻqligida esa Qonunchilik palatasi Spikerining oʻrinbosarlaridan biri bajarib turadi”.

3-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi 522-II-sonli Qonuniga (Oʻzbekiston Respublikasi Oliy Majlisining Axborotnomasi, 2003-yil, № 9-10, 136-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2009-yil, № 4, 136-modda; 2011-yil, № 4, 101-modda; 2013-yil, № 4, 95-modda; 2014-yil, № 4, 86-modda, № 5, 130-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 3, 157-modda, № 5, 261, 265-moddalar, № 8, 468-modda, № 9, 588-modda, № 12, 884-modda) quyidagi oʻzgartish va qoʻshimchalar kiritilsin:

1) 7-moddaning ikkinchi qismi quyidagi tahrirda bayon etilsin:

“Qonunchilik palatasi Spikeri va Qonunchilik palatasi Spikerining birinchi oʻrinbosari Qonunchilik palatasi qoʻmitalarining tarkibiga saylanishi mumkin emas”;

2) 9-moddaning beshinchi qismi quyidagi tahrirda bayon etilsin:

“Qonunchilik palatasi Spikeri va Qonunchilik palatasi Spikerining birinchi oʻrinbosari oʻz vazifalarini bajarish davrida siyosiy partiyaga aʼzolikni toʻxtatib turadi va fraksiya tarkibiga kirishi mumkin emas”;

3) 15-moddaning:

ikkinchi, uchinchi va toʻrtinchi qismlari quyidagi tahrirda bayon etilsin:

“Qonun loyihasini Qonunchilik palatasi majlislarida birinchi oʻqishda koʻrib chiqish chogʻida uni qabul qilish zarurati, qonun loyihasining konsepsiyasi, uning Oʻzbekiston Respublikasi Konstitutsiyasi va qonunlariga muvofiqligi, shuningdek qonunni amalga oshirish bilan bogʻliq xarajatlar hamda moliyalashtirish manbalari toʻgʻrisidagi masala muhokama qilinadi. Birinchi oʻqishdagi qonun loyihasi yuzasidan maʼruza bilan, qoida tariqasida, qonunchilik tashabbusi huquqi subyekti yoki uning vakili, keyingi oʻqishlarda esa masʼul qoʻmita vakili soʻzga chiqadi.

Masʼul qoʻmita birinchi hamda keyingi oʻqishlarda fraksiyalarning fikrlari va takliflarini deputatlarga yetkazishi shart.

Fraksiyalarning qonun loyihasi boʻyicha fikrlari va takliflari majburiy tarzda hamda har tomonlama muhokama qilinishi lozim”;

oʻn ikkinchi qismdagi “boblar yoki boʻlimlar boʻyicha” degan soʻzlar “boblar yoki boʻlimlar boʻyicha, shuningdek bir necha moddalar boʻyicha bir vaqtning oʻzida” degan soʻzlar bilan almashtirilsin;

4) 32-moddaning yettinchi qismi quyidagi mazmundagi jumla bilan toʻldirilsin:

“Parlament soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

5) 32¹-moddaning ikkinchi qismi quyidagi mazmundagi jumla bilan toʻldirilsin:

“Qonunchilik palatasi deputatining soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

6) 33¹-modda quyidagi tahrirda bayon etilsin:

“33¹-modda. Hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish

Qonunchilik palatasi zarur boʻlgan hollarda oʻzining majlisida hukumat aʼzolarining davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitishi mumkin.

Hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish toʻgʻrisidagi masala fraksiyalar tashabbusiga koʻra Qonunchilik palatasi tomonidan koʻrib chiqiladi.

Qonunchilik palatasi Oʻzbekiston Respublikasi sogʻliqni saqlash vazirining oʻz faoliyati toʻgʻrisidagi axborotini Fuqarolarning sogʻligʻini saqlash masalalari qoʻmitasida dastlabki tarzda koʻrib chiqqan holda yiliga ikki marta eshitadi.

Hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish toʻgʻrisida Qonunchilik palatasi qaror qabul qiladi. Hukumat aʼzolarini eshitish toʻgʻrisidagi Qonunchilik palatasi qarori oldindan Oʻzbekiston Respublikasi Vazirlar Mahkamasiga, davlat organlari, xoʻjalik boshqaruvi organlari rahbarlarining axborotini eshitish toʻgʻrisidagi qarori esa tegishli davlat organiga, xoʻjalik boshqaruvi organiga yuboriladi.

Hukumat aʼzolarining, davlat organlari, xoʻjalik boshqaruvi organlari rahbarlarining axborotini eshitish yakunlari boʻyicha Qonunchilik palatasi qaror qabul qiladi, unda tegishincha hukumat aʼzolarining, davlat organlari, xoʻjalik boshqaruvi organlari rahbarlarining faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Hukumat aʼzolarining axborotini eshitish yakunlari boʻyicha qabul qilingan Qonunchilik palatasi qarori Oʻzbekiston Respublikasi Vazirlar Mahkamasiga yuboriladi, davlat organlari, xoʻjalik boshqaruvi organlari rahbarlarining axborotini eshitish yakunlari boʻyicha qarori esa tegishli davlat organiga, xoʻjalik boshqaruvi organiga yuboriladi”;

7) 33⁶-moddaning matni quyidagi tahrirda bayon etilsin:

“Jamiyat va davlatning eng muhim manfaatlariga daxl qiluvchi, mamlakat xavfsizligi asoslariga, uning barqaror rivojlanishiga salbiy taʼsir koʻrsatishi mumkin boʻlgan muayyan faktlarni yoki voqealarni oʻrganish maqsadida Qonunchilik palatasining qarori bilan parlament tekshiruvi oʻtkazilishi mumkin.

Qonunchilik palatasi parlament tekshiruvini oʻtkazish uchun Qonunchilik palatasi deputatlari orasidan komissiya tuzadi.

Komissiya parlament tekshiruvini oʻtkazishda quyidagilarga haqli:

davlat organlarining, xoʻjalik boshqaruvi organlarining vakillarini, mutaxassislarni, ekspertlarni va olimlarni komissiya ishiga jalb etishga;

davlat organlaridan, xoʻjalik boshqaruvi organlaridan, boshqa tashkilotlardan, shuningdek fuqarolardan zarur maʼlumotlarni soʻrab olishga;

davlat organlarining, xoʻjalik boshqaruvi organlarining, boshqa tashkilotlarning mansabdor shaxslarini, shuningdek fuqarolarni tushuntirishlar berish uchun taklif etishga.

Komissiya Qonunchilik palatasining qaroriga muvofiq boshqa huquqlarga ham ega boʻlishi mumkin.

Komissiya bajarilgan ishlar toʻgʻrisida Qonunchilik palatasi tomonidan belgilangan muddatda uni xabardor qiladi.

Parlament tekshiruvi Oʻzbekiston Respublikasi Oliy Majlisi palatalarining qoʻshma qarori bilan ham oʻtkazilishi mumkin”.

4-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Senatining Reglamenti toʻgʻrisida”gi 523-II-sonli Qonuniga (Oʻzbekiston Respublikasi Oliy Majlisining Axborotnomasi, 2003-yil, № 9-10, 137-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2009-yil, № 4, 136-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 2, 47-modda, № 3, 157-modda, № 5, 261, 265-moddalar, № 8, 468-modda, № 12, 884-modda) quyidagi qoʻshimcha va oʻzgartishlar kiritilsin:

1) 31-moddaning yettinchi qismi quyidagi mazmundagi jumla bilan toʻldirilsin:

“Parlament soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

2) 31¹-moddaning ikkinchi qismi quyidagi mazmundagi jumla bilan toʻldirilsin:

“Senator soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

3) 32¹-modda quyidagi tahrirda bayon etilsin:

“32¹-modda. Hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish

Senat zarur boʻlgan hollarda oʻz majlisida hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitishi mumkin.

Hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish toʻgʻrisidagi masala Senat tomonidan qoʻmitalarning tashabbusiga koʻra koʻrib chiqiladi.

Senat Oʻzbekiston Respublikasi ichki ishlar vazirining huquqbuzarliklarning oldini olish va ularning profilaktikasi holati toʻgʻrisidagi axborotini Mudofaa va xavfsizlik masalalari qoʻmitasida dastlabki tarzda koʻrib chiqqan holda, shuningdek Oʻzbekiston Respublikasi tashqi ishlar vazirining oʻz faoliyati haqidagi axborotini Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasida dastlabki tarzda koʻrib chiqqan holda yiliga ikki marta eshitadi.

Senat har yili Oʻzbekiston Respublikasi adliya vazirining davlat organlari va tashkilotlarining norma ijodkorligi faoliyati va huquqni qoʻllash amaliyotining holati toʻgʻrisidagi axborotini Sud-huquq masalalari va korrupsiyaga qarshi kurashish qoʻmitasida dastlabki tarzda koʻrib chiqqan holda eshitadi.

Hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish toʻgʻrisida Senat qaror qabul qiladi. Hukumat aʼzolarini eshitish toʻgʻrisidagi Senat qarori oldindan Oʻzbekiston Respublikasi Vazirlar Mahkamasiga, davlat organlari, xoʻjalik boshqaruvi organlari rahbarlarining axborotini eshitish toʻgʻrisidagi qarori esa tegishli davlat organiga, xoʻjalik boshqaruvi organiga yuboriladi.

Hukumat aʼzolarining, davlat organlari, xoʻjalik boshqaruvi organlari rahbarlarining axborotini eshitish yakunlari boʻyicha Senat qaror qabul qiladi, unda tegishincha hukumat aʼzolarining, davlat organlari, xoʻjalik boshqaruvi organlari rahbarlarining faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Hukumat aʼzolarining axborotini eshitish yakunlari boʻyicha qabul qilingan Senat qarori Oʻzbekiston Respublikasi Vazirlar Mahkamasiga yuboriladi, davlat organlari, xoʻjalik boshqaruvi organlari rahbarlarining axborotini eshitish yakunlari boʻyicha qarori esa tegishli davlat organiga, xoʻjalik boshqaruvi organiga yuboriladi”;

4) 32⁷-moddaning matni quyidagi tahrirda bayon etilsin:

“Jamiyat va davlatning eng muhim manfaatlariga daxl qiluvchi, mamlakat xavfsizligi asoslariga, uning barqaror rivojlanishiga salbiy taʼsir koʻrsatishi mumkin boʻlgan muayyan faktlarni yoki voqealarni oʻrganish maqsadida Senatning qarori bilan parlament tekshiruvi oʻtkazilishi mumkin.

Senat parlament tekshiruvini oʻtkazish uchun Senat aʼzolari orasidan komissiya tuzadi.

Komissiya parlament tekshiruvini oʻtkazishda quyidagilarga haqli:

davlat organlarining, xoʻjalik boshqaruvi organlarining vakillarini, mutaxassislarni, ekspertlarni va olimlarni komissiya ishiga jalb etishga;

davlat organlaridan, xoʻjalik boshqaruvi organlaridan, boshqa tashkilotlardan, shuningdek fuqarolardan zarur maʼlumotlarni soʻrab olishga;

davlat organlarining, xoʻjalik boshqaruvi organlarining, boshqa tashkilotlarning mansabdor shaxslarini, shuningdek fuqarolarni tushuntirishlar berish uchun taklif etishga.

Komissiya Senatning qaroriga muvofiq boshqa huquqlarga ham ega boʻlishi mumkin.

Komissiya bajarilgan ishlar toʻgʻrisida Senat tomonidan belgilangan muddatda uni xabardor qiladi.

Parlament tekshiruvi Oʻzbekiston Respublikasi Oliy Majlisi palatalarining qoʻshma qarori bilan ham oʻtkazilishi mumkin”.

5-modda. Oʻzbekiston Respublikasining 2004-yil 2-dekabrda qabul qilingan “Oʻzbekiston Respublikasi Oliy Majlisi Qonunchilik palatasi deputatining va Senati aʼzosining maqomi toʻgʻrisida”gi 704-II-sonli Qonuni (Oʻzbekiston Respublikasi Oliy Majlisining Axborotnomasi, 2005-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2015-yil, № 12, 452-modda; 2017-yil, № 9, 510-modda; 2019-yil, № 5, 261-modda, № 9, 588-modda, № 12, 880-modda) 10-moddasining birinchi va ikkinchi qismlari quyidagi tahrirda bayon etilsin:

“Deputat davlat organlarining, xoʻjalik boshqaruvi organlarining mansabdor shaxslariga, qoida tariqasida, tegishli saylov okrugi saylovchilarining huquqlarini va qonuniy manfaatlarini taʼminlash bilan bogʻliq masalalar yuzasidan, senator esa tegishli hududlarning manfaatlari bilan bogʻliq masalalar yuzasidan asoslantirilgan tushuntirish berish yoki nuqtai nazarini bayon etish talabi bilan soʻrov yuborishga haqli.

Davlat organlarining, xoʻjalik boshqaruvi organlarining mansabdor shaxslari deputat, senator soʻroviga, agar boshqa muddat belgilangan boʻlmasa, soʻrov olingan kundan eʼtiboran oʻn kundan kechiktirmay yozma javob yuboradi. Deputat yoki senator soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”.

6-modda. Oʻzbekiston Respublikasining 2004-yil 2-dekabrda qabul qilingan “Xalq deputatlari viloyat, tuman va shahar Kengashi deputatining maqomi toʻgʻrisida”gi 706-II-sonli Qonuni (Oʻzbekiston Respublikasi Oliy Majlisining Axborotnomasi, 2005-yil, № 1, 10-modda, Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 224-modda; 2019-yil, № 9, 588-modda) 8-moddasining ikkinchi qismi quyidagi mazmundagi jumla bilan toʻldirilsin:

“Deputat soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”.

7-modda. Oʻzbekiston Respublikasining 2006-yil 11-oktabrda qabul qilingan “Qonun loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi OʻRQ-60-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 537-modda; 2014-yil, № 5, 130-modda; 2017-yil, № 9, 510-modda; 2018-yil, № 1, 1, 4-moddalar; 2019-yil, № 5, 261-modda) quyidagi oʻzgartishlar va qoʻshimcha kiritilsin:

1) 5-moddaning matni quyidagi tahrirda bayon etilsin:

“Qoraqalpogʻiston Respublikasi Joʻqorgʻi Kengesi, Oʻzbekiston Respublikasi Vazirlar Mahkamasi, Oʻzbekiston Respublikasi Konstitutsiyaviy sudi, Oʻzbekiston Respublikasi Oliy sudi Qonunchilik palatasida oʻzi kiritgan qonun loyihasi koʻrib chiqilayotganda ishtirok etish uchun, shu jumladan qonun loyihasini Qonunchilik palatasi majlisida birinchi oʻqishda koʻrib chiqish chogʻida, qoida tariqasida, maʼruza bilan soʻzga chiqish uchun oʻz vakilini tayinlaydi. Qonunchilik tashabbusi huquqining boshqa subyektlari ham (Qonunchilik palatasi deputatlaridan tashqari) qonun loyihasi Qonunchilik palatasida koʻrib chiqilayotganda ishtirok etish, shu jumladan qonun loyihasini Qonunchilik palatasi majlisida birinchi oʻqishda koʻrib chiqish chogʻida, qoida tariqasida, maʼruza bilan soʻzga chiqish uchun oʻz vakilini tayinlashi mumkin”;

2) 26-modda:

birinchi qismining ikkinchi jumlasi chiqarib tashlansin;

quyidagi mazmundagi toʻrtinchi qism bilan toʻldirilsin:

“Qonun loyihasini Qonunchilik palatasiga kiritish toʻgʻrisidagi qarorda qonunchilik tashabbusi huquqi subyektining vakili koʻrsatiladi, u qonun loyihasini Qonunchilik palatasida koʻrib chiqish chogʻida ishtirok etadi. Qarorda qonunchilik tashabbusi huquqi subyektining qonun loyihasini birinchi oʻqishda koʻrib chiqish chogʻida maʼruza bilan soʻzga chiqadigan vakili ham koʻrsatiladi (bundan qonunchilik tashabbusi huquqi subyekti shaxsan soʻzga chiqadigan hollar mustasno)”;

toʻrtinchi qismi beshinchi qism deb hisoblansin.

8-modda. Oʻzbekiston Respublikasining 2016-yil 11-aprelda qabul qilingan “Parlament nazorati toʻgʻrisida”gi OʻRQ-403-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2016-yil, № 4, 123-modda; 2017-yil № 6, 300-modda; 2018-yil, № 1, 4-modda, № 4, 224-modda; 2019-yil, № 1, 1-modda, № 3, 157-modda, № 5, 261, 265-moddalar, № 9, 588-modda, № 12, 884-modda) quyidagi oʻzgartish va qoʻshimchalar kiritilsin:

1) 5-modda birinchi qismining oltinchi xatboshisi quyidagi tahrirda bayon etilsin:

“Qonunchilik palatasi, Senat majlislarida hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish”;

2) 10-modda quyidagi tahrirda bayon etilsin:

“10-modda. Qonunchilik palatasi, Senat majlislarida hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish

Qonunchilik palatasi, Senat zarur boʻlgan hollarda, oʻz majlislarida hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitishi mumkin.

Hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish toʻgʻrisidagi masalasi Qonunchilik palatasi tomonidan fraksiyalar tashabbusiga koʻra, Senat tomonidan esa qoʻmitalarning tashabbusiga koʻra koʻrib chiqiladi.

Qonunchilik palatasi Oʻzbekiston Respublikasi sogʻliqni saqlash vazirining oʻz faoliyati toʻgʻrisidagi axborotini Fuqarolarning sogʻligʻini saqlash masalalari qoʻmitasida dastlabki tarzda koʻrib chiqqan holda yiliga ikki marta eshitadi.

Senat Oʻzbekiston Respublikasi ichki ishlar vazirining huquqbuzarliklarning oldini olish va ularning profilaktikasi holati toʻgʻrisidagi axborotini Mudofaa va xavfsizlik masalalari qoʻmitasida dastlabki tarzda koʻrib chiqqan holda, shuningdek Oʻzbekiston Respublikasi tashqi ishlar vazirining oʻz faoliyati haqidagi axborotini Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasida dastlabki tarzda koʻrib chiqqan holda yiliga ikki marta eshitadi.

Senat har yili Oʻzbekiston Respublikasi adliya vazirining davlat organlari va tashkilotlarining norma ijodkorligi faoliyati va huquqni qoʻllash amaliyotining holati toʻgʻrisidagi axborotini Sud-huquq masalalari va korrupsiyaga qarshi kurashish qoʻmitasida dastlabki tarzda koʻrib chiqqan holda eshitadi.

Hukumat aʼzolarining, davlat organlari, xoʻjalik boshqaruvi organlari rahbarlarining oʻz faoliyatiga doir masalalar yuzasidan axborotini eshitish toʻgʻrisida Qonunchilik palatasi, Senat qaror qabul qiladi. Hukumat aʼzolarini eshitish toʻgʻrisidagi Qonunchilik palatasi, Senat qarori oldindan Oʻzbekiston Respublikasi Vazirlar Mahkamasiga, davlat organlari, xoʻjalik boshqaruvi organlari rahbarlarining axborotini eshitish toʻgʻrisidagi qarori esa tegishli davlat organiga, xoʻjalik boshqaruvi organiga yuboriladi.

Hukumat aʼzolarining, davlat organlari, xoʻjalik boshqaruvi organlari rahbarlarining axborotini eshitish yakunlari boʻyicha Qonunchilik palatasi, Senat qaror qabul qiladi, unda tegishincha hukumat aʼzolarining, davlat organlari, xoʻjalik boshqaruvi organlari rahbarlarining faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Hukumat aʼzolarining axborotini eshitish yakunlari boʻyicha qabul qilingan Qonunchilik palatasi, Senat qarori Oʻzbekiston Respublikasi Vazirlar Mahkamasiga yuboriladi, davlat organlari, xoʻjalik boshqaruvi organlari rahbarlarining axborotini eshitish yakunlari boʻyicha qarori esa tegishli davlat organiga, xoʻjalik boshqaruvi organiga yuboriladi”;

3) 14-moddaning toʻrtinchi qismi quyidagi mazmundagi jumla bilan toʻldirilsin:

“Parlament soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

4) 15-moddaning ikkinchi qismi quyidagi mazmundagi jumla bilan toʻldirilsin:

“Qonunchilik palatasi deputatining, Senat aʼzosining soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

5) 18-moddaning matni quyidagi tahrirda bayon etilsin:

“Jamiyat va davlatning eng muhim manfaatlariga daxl qiluvchi, mamlakat xavfsizligi asoslariga, uning barqaror rivojlanishiga salbiy taʼsir koʻrsatishi mumkin boʻlgan muayyan faktlarni yoki voqealarni oʻrganish maqsadida Qonunchilik palatasining, Senatning qarori bilan parlament tekshiruvi oʻtkazilishi mumkin.

Qonunchilik palatasi, Senat parlament tekshiruvini oʻtkazish uchun tegishincha Qonunchilik palatasi deputatlari, Senat aʼzolari orasidan komissiya tuzadi.

Komissiya parlament tekshiruvini oʻtkazishda quyidagilarga haqli:

davlat organlarining, xoʻjalik boshqaruvi organlarining vakillarini, mutaxassislarni, ekspertlarni va olimlarni komissiya ishiga jalb etishga;

davlat organlaridan, xoʻjalik boshqaruvi organlaridan, boshqa tashkilotlardan, shuningdek fuqarolardan zarur maʼlumotlarni soʻrab olishga;

davlat organlarining, xoʻjalik boshqaruvi organlarining, boshqa tashkilotlarning mansabdor shaxslarini, shuningdek fuqarolarni tushuntirishlar berish uchun taklif qilishga.

Komissiya Qonunchilik palatasining, Senatning qaroriga muvofiq boshqa huquqlarga ham ega boʻlishi mumkin.

Komissiya tegishincha Qonunchilik palatasini yoki Senatni bajarilgan ishlar toʻgʻrisida Qonunchilik palatasi, Senat tomonidan belgilangan muddatda xabardor qiladi.

Parlament tekshiruvi Oliy Majlis palatalarining qoʻshma qarori bilan ham oʻtkazilishi mumkin”.

9-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

10-modda. Ushbu Qonun rasmiy eʼlon qilingan kundan eʼtiboran kuchga kiradi.