LexUZ sharhi
Mazkur qaror O‘zbekiston Respublikasi Vazirlar Mahkamasining 2015-yil 7-maydagi 113-sonli “O‘zbekiston Respublikasi Iqtisodiyot vazirligi huzuridagi Tovar bozorlari kon’yunkturasini o‘rganish hamda investitsiya loyihalari va dasturlarini ekspertizadan o‘tkazish Respublika markazi faoliyatining ayrim masalalari to‘g‘risida”gi qaroriga asosan o‘z kuchini yo‘qotgan.
Vazirlar Mahkamasining Istiqbolni belgilash va statistika davlat qo‘mitasi huzuridagi Tovar bozorlari kon’yunkturasini o‘rganish markazi tomonidan xalq iste’mol mollari va oziq-ovqatlarni, korxonalar va tashkilotlarning ishlab chiqarish ehtiyojlari uchun xomashyo, materiallar va mahsulotlarni import bo‘yicha xarid qilishda maqbul variantlarni tanlashga oid konsalting xizmatlari ko‘rsatish bilan bog‘liq vazifalarni hal etish, shuningdek ular bo‘yicha tavsiyalar ishlab chiqish va berish maqsadida Vazirlar Mahkamasi qaror qiladi:
1. Tovar bozorlari kon’yunkturasini o‘rganish markazi O‘zbekiston Respublikasi Vazirlar Mahkamasining Istiqbolni belgilash va statistika davlat qo‘mitasi huzuridagi Tovar bozorlari kon’yunkturasini o‘rganish respublika markaziga aylantirilsin.
“O‘zistiqbolstat” davlat qo‘mitasi huzuridagi Tovar bozorlari kon’yunkturasini o‘rganish respublika markazi to‘g‘risidagi Nizom 1-ilovaga muvofiq;
Respublika markazining tuzilmasi va 21 nafardan iborat shtatdagi xodimlari soni (xizmat ko‘rsatuvchi xodimlardan tashqari), shu jumladan 6 nafar xodim qo‘shimcha ravishda ajratiladi, 2-ilovaga muvofiq tasdiqlansin.
3. O‘zbekiston Respublikasi Moliya vazirligi yangi tashkil etilayotgan bo‘linmalar xarajatlari uchun qo‘shimcha mablag‘ ajratsin.
Belgilansinki, Respublika markazi 1998-yil 1-yanvardan boshlab o‘z moliyaviy ta’minoti va faoliyat ko‘rsatishi bilan bog‘liq barcha xarajatlarning 50 foizini xo‘jalik hisobi mablag‘lari hisobidan ta’minlaydi.
4. “O‘zistiqbolstat” davlat qo‘mitasi bir oy muddatda Respublika markazining yangi tashkil etilgan bo‘limlarini yuqori malakali mutaxassislar bilan ta’minlasin.
5. O‘zbekiston Respublikasi Vazirlar Mahkamasining 1996-yil 13-martdagi 95-son qaroriga quyidagi o‘zgartirishlar kiritilsin:
Belgilansinki, “O‘zistiqbolstat” davlat qo‘mitasi huzuridagi Tovar bozorlari kon’yunkturasini o‘rganish respublika markazi iste’mol tovarlari, xomashyo, materiallar va ishlab chiqarish ehtiyojlari uchun mahsulotlarga talab va taklifning holati to‘g‘risidagi tahliliy ishlarni amalga oshiradi, konsalting xizmatlari ko‘rsatadi va import qiluvchilar bilan yetkazib beruvchilar o‘rtasida (import qilish belgilangan tartibda litsenziyalanishi kerak bo‘lgan tovarlar va mahsulotlardan tashqari) import kontraktlari tuzishning maqbul variantini tanlashga oid tavsiyalar tayyorlaydi.
Pul-kredit siyosati bo‘yicha respublika komissiyasi ixtisoslashtirilgan konsalting firmalari va “O‘zistiqbolstat” davlat qo‘mitasi huzuridagi Tovar bozorlari kon’yunkturasini o‘rganish respublika markazining tavsiyalarini hisobga olgan holda vakolatli banklarning buyurtmalari bo‘yicha import tovarlar xarid qilishga mablag‘lar ajratish to‘g‘risida qaror qabul qilsin.
Belgilansinki, ko‘rsatib o‘tilgan konsalting firmalari va “O‘zistiqbolstat” davlat qo‘mitasi huzuridagi Tovar bozorlari kon’yunkturasini o‘rganish respublika markazining xulosalari har bir import kontrakt bo‘yicha komissiya tomonidan mablag‘larni konvertatsiya qilish to‘g‘risida qaror qabul qilishda tavsiya tusiga egadir.
Keyingi tahrirga qarang.
6. O‘zbekiston Respublikasi Vazirlar Mahkamasining “O‘zbekiston Respublikasi Vazirlar Mahkamasining Istiqbolni belgilash va statistika davlat qo‘mitasi huzurida Tovar bozorlari kon’yunkturasini o‘rganish markazini tashkil etish to‘g‘risida” 1996-yil 23-yanvardagi 35-son qarorining 1-bandi, 3-bandining birinchi xatboshi va 6-bandining ikkinchi xatboshi o‘z kuchini yo‘qotgan deb hisoblansin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari O‘. Q. Ismoilov zimmasiga yuklansin.
1. O‘zbekiston Respublikasi Vazirlar Mahkamasining Istiqbolni belgilash va statistika davlat qo‘mitasi huzuridagi Tovar bozorlari kon’yunkturasini o‘rganish respublika markazi (keyingi o‘rinlarda — Markaz) tovar bozorlarini muntazam o‘rganish, iste’mol bozorining qisqa muddatli prognozlarini ishlab chiqish, uni to‘ldirish chora-tadbirlarini belgilash, xalq iste’mol tovarlarini va oziq-ovqatlarni hamda ishlab chiqarish maqsadlaridagi xom ashyo, materiallar va mahsulotlarni import bo‘yicha xarid qilishda maqbul variantni tanlashga oid konsalting xizmatlari ko‘rsatish maqsadida tashkil etilgan.
2. Markaz mustaqil yuridik shaxs hisoblanadi, alohida mol-mulkka, mustaqil balansga, bank muassasalarida hisob-kitob va valyuta schyotlariga, dumaloq muhrga, o‘z nomi yozilgan ish qog‘ozlari va shtampga ega bo‘ladi.
3. Markaz o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Prezidentining farmonlariga, Vazirlar Mahkamasining qarorlari va farmoyishlariga, “O‘zistiqbolstat” davlat qo‘mitasining qarorlari va buyruqlariga, shuningdek mazkur Nizomga amal qiladi.
davlat tilida — Tovar bozorlari kon’yunkturasini o‘rganish respublika markazi (qisqartirilgan holda — TBKO‘M);
rus tilida — Respublikanskiy sentr po izucheniyu kon’yunkturi tovarnix rinkov (qisqartirilgan holda — SIKTR) deb ataladi.
5. Markaz o‘z faoliyatini “O‘zistiqbolstat” davlat qo‘mitasining topshiriqlari va buyurtmalari, korxonalar va tashkilotlarning iste’mol tovarlari va ishlab chiqarish maqsadlaridagi mahsulotlar importini ekspertiza qilish yuzasidan tavsiyanomalarga bergan buyurtmalari, shuningdek ilmiy maqsadlardagi mahsulotlar (ishlar, xizmatlar) foydalanuvchilari bilan tuziladigan shartnomalar asosida amalga oshiradi.
umuman va tovarlarning asosiy guruhlari bo‘yicha iste’mol bozorining ahvoli to‘g‘risidagi oylik tahliliy ma’lumotnomalar va choraklik kon’yunktura sharhlarini tayyorlash;
iste’mol bozorini aholining talabi yuqori bo‘lgan tovarlar bilan to‘ldirishga doir tavsiyalar va takliflarni tayyorlash;
vazirliklar, idoralar, xo‘jalik birlashmalarining va mulkchilik shakllaridan qat’i nazar, korxonalarning, shu jumladan xorijiy sarmoya ishtirokidagi korxonalarning buyurtmalari bo‘yicha shartnoma asosida marketing kon’yunktura tadqiqotlarini o‘tkazish;
kontraktlar tuzilayotganda, korxonalar, tashkilotlar va firmalar uchun xalq iste’mol mollari va oziq-ovqat, shuningdek ishlab chiqarish ehtiyojlari uchun xom ashyo, materiallar va mahsulotlarni import qilishning maqbul variantini tanlash yuzasidan, shu jumladan xarid qilishning maqsadga muvofiqligi to‘g‘risida qarorlar qabul qilish uchun tavsiyalar berish;
korxonalar, tashkilotlar va firmalarning buyurtmalari bo‘yicha iste’mol tovarlari va ishlab chiqarish maqsadlaridagi mahsulotlar importining, xarid qilish-sotishning maqbul variantini tanlash bo‘yicha marketing va maslahat xizmatlari ko‘rsatish.
tovar bozorlari kon’yunkturasini o‘rganish sohasida ilmiy-tadqiqot ishlarini bajaradi, shuningdek tarmoq va xalqaro loyihalarda qatnashadi;
qo‘shma seminarlar, simpoziumlar tashkil etadi va o‘tkazadi, shuningdek xalqaro tashkilotlar, xorijiy mamlakatlarning tashkilotlari va alohida xorijiy fondlar va firmalar bilan birgalikda marketing va kon’yunktura sohasida tadqiqot dasturlarini amalga oshiradi;
korxonalar va tashkilotlarning rahbarlari, aholi bilan bozor kon’yunkturasini, talab va taklifni o‘rganish masalalari bo‘yicha savol-javob o‘tkazishni va boshqa sotsiologik so‘rovlar o‘tkazishni tashkil etadi va amalga oshiradi, “O‘zistiqbolstat” davlat qo‘mitasi Bosh hisoblash markazi va uning hududiy organlari xodimlarini, shuningdek, intervyu beruvchilar va respondentlarni shartnoma asosida jalb etadi;
“O‘zistiqbolstat” davlat qo‘mitasi, respublika ilmiy-tadqiqot tashkilotlari bilan birgalikda yirik ijtimoiy-iqtisodiy muammolarni hal etish uchun prognoz hujjatlarni, kompleks va maqsadli milliy dasturlarni ishlab chiqishda qatnashadi;
tovar bozorlari kon’yunkturasini o‘rganish sohasidagi xorijiy tajribani o‘rganadi va umumlashtiradi;
tovar bozorlarini to‘ldirishni ta’minlashning muhim muammolarini hal etish maqsadida respublika va xorijiy mamlakatlarning ilmiy-tadqiqot tashkilotlari bilan ilmiy hamkorlik qiladi;
tovar bozorlari kon’yunkturasini o‘rganish muammolari bo‘yicha kengashlar, kurslar va maslahatlashuvlar tashkil etadi;
davlat organlari, chet tashkilotlar va firmalarning buyurtmalari bo‘yicha tahliliy sharhlarni, shuningdek tovar bozorlari kon’yunkturasiga oid ma’lumotnomalarni tayyorlaydi;
shakllanayotgan kon’yunkturadan kelib chiqqan holda tovarlarning aniq turlarini respublikaga keltirishning maqsadga muvofiqligini baholash yuzasidan tahliliy ishlarni amalga oshiradi va tegishli tavsiyalar tayyorlaydi;
Pul-kredit siyosati bo‘yicha respublika komissiyasi uchun korxonalar va tashkilotlar tomonidan iste’mol tovarlari va ishlab chiqarish maqsadlaridagi mahsulotlarni import qilishning maqsadga muvofiqligi va maqbulligi to‘g‘risida tavsiyalar tayyorlaydi.
Keyingi tahrirga qarang.
aholi hamda korxonalar va tashkilotlar rahbarlari o‘rtasida tekshiruvlar va sotsiologik so‘rovlar o‘tkazish;
Markaz ishi sohasi bo‘yicha zarur bo‘lgan noshirlik faoliyatini amalga oshirish, ma’lumotnomalar, kon’yunkturaviy sharhlar va boshqa zarur axborot materiallarini chop etish;
Markaz faoliyati xususiyatidan kelib chiquvchi maslahat, axborot xizmati va xizmatlarning boshqa turlarini ko‘rsatish;
iste’mol bozoriga va ishlab chiqarish-texnika maqsadlaridagi mahsulotlar bozoriga xizmat ko‘rsatuvchi korxonalar, firmalar va tashkilotlarning investitsiya loyihalarini va biznes-rejalarini ishlab chiqish va ekspertizaga qabul qilish;
Markaz filiallarini, kichik va qo‘shma korxonalar, vaqtinchalik va joriy qiluvchi jamoalarni hamda Markaz faoliyatini yaxshilashga yordam beruvchi boshqa bo‘linmalarni tashkil etish;
Markazning asosiy faoliyati bilan bog‘liq muammolarni yanada chuqurroq tahlil etish uchun, asosiy vazifalarga zarar yetkazmagan holda, konkurs grantlari, chet, shu jumladan xalqaro va xorijiy tashkilotlar, fondlar va firmalar buyurtmalari tomonidan mablag‘ bilan ta’minlanadigan ilmiy-tadqiqot ishlarini bajarish;
iste’mol bozorini va ishlab chiqarish maqsadlaridagi mahsulotlar bozorini to‘ldirishga yordam beruvchi kontraktlar tuzishga shartnoma asosida ko‘maklashish;
Markazning faoliyat sohasi bo‘yicha, shu jumladan Markaz faoliyati yo‘nalishlari bo‘yicha xorijiy tadqiqot markazlari va eksport qiluvchilar bilan to‘g‘ridan to‘g‘rialoqalar bo‘yicha tashqi iqtisodiy faoliyatni amalga oshirish;
Markazga yuklangan vazifalarni bajarish uchun, mulkchilik shakllaridan qat’i nazar, respublika korxonalari va tashkilotlaridan statistika, ilmiy va boshqa axborotlarni hamda hujjatlarni to‘sqinliksiz olish;
Markazning asosiy vazifalarini bajarish bo‘yicha normal faoliyati uchun zarur bo‘lgan texnik vositalar, asbob-uskunalar, nou-xau va boshqa mahsulotlarni sotib olish;
vatanimizning buyurtmachilari va xorijiy sheriklar va buyurtmachilar bilan marketing va kon’yunktura tadqiqotlari o‘tkazish uchun shartnomalar tuzish;
iste’mol tovarlari va ishlab chiqarish maqsadlaridagi mahsulotlarni import qilishning maqbul variantini tanlash yuzasidan tavsiyalar ishlab chiqish va berish tartibini belgilash;
Markazning faoliyat yo‘nalishlari bo‘yicha kengashlar, simpoziumlar va konferensiyalar tashkil etish;
muhim ijtimoiy-iqtisodiy muammolarni hal etish maqsadida respublika va xorijiy mamlakatlar ilmiy-tadqiqot tashkilotlari bilan ilmiy hamkorlik qilish, Markaz sohasi bo‘yicha o‘zaro uzviy reja va dasturlar bo‘yicha ular bilan birgalikda tadqiqotlar o‘tkazish;
kon’yunktura sharhlari va ilmiy-uslubiy adabiyotlar ayirboshlash hamda boshqa o‘xshash soha tashkilotlari bilan hamkorlik qilish;
ilmiy xodimlar tayyorlashni va stajirovkalar, shuningdek mutaxassislarni xorijiy mamlakatlarga jo‘natish orqali ularning malakasini oshirishni tashkil etish;
iste’mol bozorining ahvoli to‘g‘risidagi kon’yunktura sharhlari va tahliliy ma’lumotnomalar o‘z vaqtida tayyorlanishini;
ham “O‘zistiqbolstat” davlat qo‘mitasi uchun, ham chet tashkilotlarning buyurtmalari bo‘yicha bajariladigan tahliliy ishlanmalarning sifati va ilmiy darajasini;
korxonalar va tashkilotlarning buyurtmalari bo‘yicha iste’mol tovarlarining aniq turlarini va ishlab chiqarish maqsadlaridagi mahsulotlarni import qilishning maqbulligi va maqsadga muvofiqligi to‘g‘risida tavsiyalarning o‘z vaqtida tayyorlanishini;
iste’mol tovarlari va ishlab chiqarish maqsadlaridagi mahsulotlar importining maqbul variantlarini tanlash yuzasidan buyurtmachilar oldidagi majburiyatlarning so‘zsiz bajarilishini ta’minlashga majburdir.
1. Markaz direktori “O‘zistiqbolstat” davlat qo‘mitasi raisi tomonidan lavozimiga tayinlanadi va “O‘zistiqbolstat” davlat qo‘mitasi hay’ati tomonidan tasdiqlanadi.
2. Markaz direktori amaldagi qonunchilikka, mazkur Nizomga, “O‘zistiqbolstat” davlat qo‘mitasining buyruqlari hamda qo‘mita hay’ati karorlariga asosan rahbarlikni amalga oshiradi va Markazning faoliyati uchun shaxsan javob beradi.
iste’mol bozori kon’yunkturasini tahlil etish va prognoz qilish uchun Markaz mutaxassislari malaka darajasining doimiy o‘sib borishini;
Markaz mutaxassislariga nisbatan qo‘yiladigan malaka talablari ishlab chiqilishini va tasdiqlanishini, ularning vakolatlari va funksional vazifalari belgilanishini;
ijtimoiy rivojlanish, xodimlarning mehnat va turmush sharoitlarini yaxshilash masalalari hal etilishini ta’minlashga majburdir.
Markaz faoliyatini o‘zi ishlab chiqqan va “O‘zistiqbolstat” davlat qo‘mitasi hay’ati tomonidan tasdiqlangan joriy va istiqbol rejalari hamda dasturlar asosida shtatdagi va shtatda bo‘lmagan mutaxassislar kuchi bilan mustaqil ravishda belgilash va amalga oshirish;
Markaz xodimlarining lavozim maoshiga 70 foizgacha miqdorda shaxsiy ustamalar belgilash va shaxsiy ustamalarni olib tashlash;
yuridik va jismoniy shaxslar bilan, shu jumladan xorijiy yuridik va jismoniy shaxslar bilan shartnomalar tuzish;
Direktor o‘rinbosarining va tarkibiy bo‘linmalar rahbarlarining shaxsiy javobgarlik darajasini belgilash.
1. Markaz faoliyatini mablag‘ bilan ta’minlash davlat budjeti mablag‘lari, shartnoma asosida bajariladigan ishlar uchun xo‘jalik hisobi faoliyatidan olingan mablag‘lar hisobidan amalga oshiriladi.
2. Markaz mulki asosiy fondlar va aylanma mablag‘lar, shuningdek, qiymati uning mustaqil balansida aks ettiriladigan boshqa boyliklardan tashkil topadi.
3. Davlat budjeti mablag‘lari, shuningdek, mahsulotlar sotishdan va shartnoma asosida bajariladigan ishlardan olingan daromadlar hamda O‘zbekiston Respublikasi qonun hujjatlari bilan taqiqlanmagan boshqa manbalar Markaz mulkini shakllantirish manbalari hisoblanadi.
4. Shartnoma asosida bajarilgan ishlar uchun Markaz tomonidan olingan foyda va iste’mol tovarlari va ishlab chiqarish-texnika maqsadlaridagi mahsulotlar importi bo‘yicha kontraktlar ekspertizasini amalga oshirganlik uchun olingan mablag‘lar Markaz mablag‘larini tashkil etadi. Ular asosiy fondlarni sotib olishga va aylanma mablag‘larni to‘ldirishga, shuningdek ijtimoiy rivojlantirishga va moddiy rag‘batlantirishga yo‘naltirilishi mumkin.
1. | Markaz direktori | — 1 |
2. | Direktor o‘rinbosari | — 1 |
3. | Aholining to‘lov qobiliyatiga ega bo‘lgan ehtiyojini o‘rganish va kon’yunktura obzorlarini tayyorlash bo‘limi | — 4 |
4. | Oziq-ovqat tovarlari bozorlari kon’yunkturasini o‘rganish va ularni import qilish bo‘yicha tavsiyalar tayyorlash bo‘limi | — 5 |
5. | Nooziq-ovqat tovarlari bozorlari kon’yunkturasini o‘rganish va ularni import qilish bo‘yicha tavsiyalar tayyorlash bo‘limi | — 6 |
6. | Eksport qiluvchi mamlakatlar bozorlaridagi narxlar bo‘yicha axborot bilan ta’minlash bo‘limi | — 4 |
Jami | — 21 |