Qishloq xo‘jaligiga mo‘ljallanmagan bo‘sh turgan yer uchastkalarini berish hamda arxitektura-qurilish ishlarini amalga oshirish tartib-taomillarini maqbullashtirish maqsadida, shuningdek, O‘zbekiston Respublikasi Prezidentining 2019-yil 13-avgustdagi “Xususiy mulkni himoya qilish va mulkdorlar huquqlarining kafolatlarini kuchaytirish, tadbirkorlik tashabbuslarini qo‘llab-quvvatlash borasidagi ishlarni tashkil qilish tizimini tubdan takomillashtirish bo‘yicha qo‘shimcha chora-tadbirlar, shuningdek, tadbirkorlik subyektlarining moliyaviy resurslar va ishlab chiqarish infratuzilmasidan foydalanish imkoniyatlarini kengaytirish to‘g‘risida”gi PF-5780-son Farmoniga muvofiq:
Qoraqalpog‘iston Respublikasi, viloyatlar va Toshkent shahrida qishloq xo‘jaligiga mo‘ljallanmagan bo‘sh turgan yer uchastkalari (keyingi o‘rinlarda — yer uchastkalari) tadbirkorlik va shaharsozlik faoliyatini amalga oshirish uchun faqat “E-IJRO AUKSION” savdo maydonchasida elektron onlayn-auksion orqali beriladi, O‘zbekiston Respublikasi Prezidentining va O‘zbekiston Respublikasi Vazirlar Mahkamasining qarorlariga muvofiq yer uchastkalarini taqdim etish hollari bundan mustasno;
Keyingi tahrirga qarang.
jismoniy va yuridik shaxslarga “YERELEKTRON” avtomatlashtirilgan axborot tizimida (keyingi o‘rinlarda — “YERELEKTRON” AAT) aniq investitsiya majburiyatlari bilan birga yer uchastkasi va rejalashtirilayotgan qurilish obyekti to‘g‘risidagi ma’lumotlarni keyinchalik ularni elektron onlayn-auksionga qo‘yish masalasini belgilangan tartibda ko‘rib chiqish uchun joylashtirish bo‘yicha takliflar kiritish huquqi beriladi.
Keyingi tahrirga qarang.
“YERELEKTRON” AATga yer uchastkalari bo‘yicha ma’lumotlarni kiritish Qoraqalpog‘iston Respublikasi, viloyatlar va Toshkent shahar yer resurslari va ko‘chmas mulk kadastri davlat korxonalarining tegishli tuman (shahar) filiallari tomonidan (keyingi o‘rinlarda — “Davyergeodezkadastr” organlari) mustaqil ravishda amalga oshiriladi;
jismoniy va yuridik shaxslar tomonidan ma’lumotlar “YERELEKTRON” AATga kiritilganda “Davyergeodezkadastr” organlari tomonidan besh ish kuni mobaynida qonunchilikda nazarda tutilgan zarur materiallar tayyorlanadi. Bunda yer uchastkasini tanlash materiallarini tayyorlash ishlarining qiymati yer uchastkasini elektron onlayn-auksion orqali sotishdan tushadigan mablag‘lar hisobidan qonunchilikda belgilangan tartibda qoplanadi;
yer uchastkasini tanlash materiallarini kelishish va (yoki) u bo‘yicha xulosalar berish vakolatli tashkilotlar tomonidan faqat elektron shaklda “YERELEKTRON” AAT orqali unga yer uchastkalari bo‘yicha ma’lumotlar kiritilgan kundan boshlab besh ish kuni ichida avtomatlashtirilgan tartibda amalga oshiriladi;
yer uchastkasini tanlash materiallarini kelishishda O‘zbekiston Respublikasi Qurilish vazirligining hududiy bo‘linmalari tomonidan hududlarni rivojlantirish rejalari va qurilish ishlarini amalga oshirish bo‘yicha tasdiqlangan shaharsozlik hujjatlari asosida aniq yer uchastkasida qurilishi ruxsat berilgan yoki taqiqlangan obyektlar turi aniqlanadi, arxitektura-rejalashtirish topshirig‘i ishlab chiqiladi. Bunda arxitektura-rejalashtirish topshirig‘ini ishlab chiqish xarajatlari yer uchastkasini elektron onlayn-auksion orqali sotishdan tushadigan mablag‘lar hisobidan qoplanadi;
Keyingi tahrirga qarang.
yer uchastkasini tanlash materiallarini kelishishda tuman (shahar) ekspluatatsiya tashkilotlari tomonidan ham muhandislik-kommunikatsiya tarmoqlariga ulanish uchun texnik shartlar taqdim etiladi;
Keyingi tahrirga qarang.
elektron onlayn-auksionga qo‘yiladigan yer uchastkasiga bo‘lgan huquqning turi yer uchastkasini tanlash materiallarini kelishishda mahalliy davlat hokimiyati organlari tomonidan qonun hujjatlarida o‘rnatilgan tartibda belgilanadi;
yer uchastkasini tanlash materiallari yuzasidan Davlat geologiya va mineral resurslar qo‘mitasi, yong‘in xavfsizligi hududiy boshqarmalari va bo‘limlari, sanitariya-epidemiologiya nazorati xizmatining hududiy tashkilotlari, tumanlar (shaharlar) yer resurslari va davlat kadastri bo‘limlari, tumanlar (shaharlar) davlat soliq inspeksiyalarining xulosasini olish talabi bekor qilinadi;
b) yer uchastkasini “E-IJRO AUKSION” savdo maydonchasida elektron onlayn-auksionga qo‘yish qismi bo‘yicha:
yer uchastkasi to‘g‘risida majburiy ko‘rsatiladigan ma’lumotning minimal hajmi unga bo‘lgan huquq turi, maydoni (gektarda) va joylashgan joyi, elektron onlayn-auksionga qo‘yiladigan yer uchastkasiga tutash yer uchastkalari (obyektlari)ning belgilangan maqsadi turlari, yer uchastkasi kiradigan yerlar toifasi va turi, umumiy foydalanishdagi avtomobil yo‘llarigacha bo‘lgan masofa to‘g‘risida ma’lumot, mazkur yer uchastkasida qurilishga ruxsat berilgan yoki taqiqlangan obyektlar turlari ro‘yxati, shuningdek, muhandislik-kommunikatsiya tarmoqlariga ulanish uchun arxitektura-rejalashtirish topshirig‘i va texnik shartlarni o‘z ichiga olishi lozim;
yer uchastkalarining boshlang‘ich narxi yer uchastkalarining tasdiqlangan minimal qiymati asosida “Davyergeodezkadastr” organlari tomonidan kelishuv amalga oshirilgandan va ijobiy xulosa berilgandan so‘ng besh ish kuni ichida aniqlanadi. Har bir tuman uchun yer uchastkalarining minimal qiymati har yili 10-iyun va 10-dekabrgacha qonun hujjatlarida belgilangan tartibda tasdiqlanadi. Elektron onlayn-auksionga qo‘yiladigan yer uchastkasiga bo‘lgan huquqning turi, yer solig‘ining yillik miqdori, yer uchastkasini tanlash bo‘yicha materiallarni tayyorlash xarajatlari, shuningdek, yer uchastkasining joylashgan joyi, unda muhandislik-kommunikatsiya tarmoqlariga ulanish nuqtalarining mavjudligi yer uchastkasining minimal qiymatini belgilash mezonlari hisoblanadi;
tuman (shahar) hokimligi tomonidan yer uchastkasi kelishilgan va ijobiy xulosalar olingandan so‘ng besh ish kuni mobaynida Qoraqalpog‘iston Respublikasi Investitsiyalar va tashqi savdo vazirligi, viloyatlar hamda Toshkent shahar investitsiyalar va tashqi savdo boshqarmalari bilan kelishilgan holda yer uchastkasiga nisbatan investitsiya majburiyatlari belgilanadi;
yer uchastkasi “E-IJRO AUKSION” savdo maydonchasida elektron onlayn-auksionga “YERELEKTRON” AAT orqali avtomatlashtirilgan tartibda yer uchastkasining boshlang‘ich narxi aniqlangan va investitsiya majburiyatlari belgilangandan so‘ng qo‘shimcha qarorlar qabul qilinmasdan joylashtiriladi;
v) yer uchastkasini “E-IJRO AUKSION” savdo maydonchasida elektron onlayn-auksionda sotish qismi bo‘yicha:
elektron onlayn-auksion o‘tkazish to‘g‘risida xabardor qilish va lot to‘g‘risidagi ma’lumotni joylashtirish auksion boshlanishidan 15 kalendar kun oldin amalga oshiriladi, elektron onlayn-auksionda ishtirok etish uchun arizalarni qabul qilish muddati u o‘tkaziladigan kundan oldingi kuni soat 24:00 da yakunlanadi;
elektron onlayn-auksion o‘tkazilmagan deb topilganda, yer uchastkasining boshlang‘ich narxini kamaytirishga yo‘l qo‘yilmaydi;
Qoraqalpog‘iston Respublikasi Vazirlar Kengashi raisi, viloyatlar, Toshkent shahar hamda tumanlar (shaharlar) hokimlarining auksion g‘olibi nomiga yer uchastkasini ajratish bo‘yicha qaror qabul qilishi to‘g‘risidagi talab bekor qilinadi;
yer uchastkasining narxi to‘liq to‘langandan so‘ng elektron onlayn-auksion natijalari to‘g‘risidagi bayonnoma auksion g‘olibi nomiga yer uchastkasiga bo‘lgan huquqni davlat ro‘yxatidan o‘tkazish uchun “Davyergeodezkadastr” organlariga, shuningdek auksion g‘olibiga investitsiya majburiyatlarini bajarish tarmoq jadvalini berish uchun tuman (shahar) hokimligiga elektron shaklda yuboriladi;
yer uchastkasiga bo‘lgan huquqni davlat ro‘yxatidan o‘tkazish bayonnoma olingan kundan boshlab ikki ish kuni mobaynida amalga oshiriladi va tegishli tartibda auksion g‘olibiga yuboriladi;
investitsiya majburiyatlarini bajarish tarmoq jadvali tuman (shahar) hokimligi tomonidan besh ish kuni mobaynida tayyorlanadi va auksion g‘olibiga topshiriladi;
yer uchastkasining qiymati bazaviy hisoblash miqdorining besh ming barobaridan ortiq bo‘lsa, auksion natijalari to‘g‘risidagi bayonnoma rasmiylashtirilgan kundan boshlab besh bank kunidan kechiktirmasdan elektron onlayn-auksion davomida belgilangan narxning ellik foizi miqdorida avans to‘lovi kiritilishiga ruxsat etiladi. Zakalat kiritilayotgan avans to‘lovi hisobiga qabul qilinadi. Qolgan summa elektron onlayn-auksion natijalari to‘g‘risidagi bayonnoma rasmiylashtirilgan kundan boshlab o‘ttiz kalendar kundan kechiktirmasdan kiritiladi;
yer uchastkasi elektron onlayn-auksionda ikki oy mobaynida sotilmagan taqdirda, manfaatdor shaxslarning arizasiga ko‘ra yer uchastkasi “Davyergeodezkadastr” organlari tomonidan qayta kelishilmasdan birlashtirilishi yoki alohida qismlarga ajratilishi mumkin. Zaruratga ko‘ra, O‘zbekiston Respublikasi Qurilish vazirligining hududiy bo‘linmalari tomonidan birlashtirilgan yoki ajratilgan yer uchastkalarida qurilishi taqiqlangan obyektlar turlari ro‘yxati yangilanadi;
qurilish obyektlarining shaharsozlik hujjatlarini majburiy ekspertiza qilish talab etilmaydi, markazlashtirilgan manbalar hisobidan moliyalashtiriladigan qurilish obyektlari bundan mustasno;
O‘zbekiston Respublikasi Qurilish vazirligining bo‘linmalari tomonidan loyiha-smeta hujjatlarining arxitektura qismini kelishish hamda obyektning zilzilaga bardoshliligi va yong‘in xavfsizligi bo‘yicha loyihaviy yechimlarini ekspertiza qilish bir vaqtda amalga oshiriladi;
loyiha tashkilotlari tomonidan (muhandislik-kommunikatsiya tarmoqlari tashkilotlaridan tashqari) ishlab chiqilgan muhandislik-kommunikatsiya tarmoqlariga ulanish bo‘yicha loyiha-smeta hujjatlarini kelishish qurilish organlari tomonidan bino, inshoot va boshqa obyektlarning qurilish loyiha-smeta hujjatlarini kelishish jarayoni bilan bir vaqtda amalga oshiriladi;
bino va inshootlarning kadastr yig‘majildini tayyorlash ularni foydalanishga qabul qilishga qadar Davlat xizmatlari markazlariga berilgan arizalarga asosan amalga oshiriladi. Qabul qilish yakunlanganidan so‘ng Ko‘chmas mulk obyektlariga bo‘lgan huquqlarning davlat reyestridan ko‘chirma beriladi.
auksion g‘olibi yoki yer uchastkasiga nisbatan huquqqa ega bo‘lgan shaxsning aybi bo‘lmagan taqdirda, ma’muriy tartib-taomillarga rioya qilinmaganligi uchun elektron onlayn-auksion natijalari to‘g‘risidagi bayonnomani bekor qilish yoki o‘zgartirishga yo‘l qo‘yilmaydi;
Qoraqalpog‘iston Respublikasi Investitsiyalar va tashqi savdo vazirligi, viloyatlar hamda Toshkent shahar investitsiyalar va tashqi savdo boshqarmalari tomonidan har chorakda yer uchastkasiga nisbatan investitsiya majburiyatlari bajarilishi monitoringi amalga oshirilib, natijalari zarur hollarda tegishli choralar ko‘rish uchun Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga yuboriladi.
4. Belgilansinki, ushbu qarorning 2-bandida belgilangan tartibning buzilishi davlat xizmatlarini ko‘rsatish sohasidagi qonunchilikning buzilishi deb hisoblanadi.
O‘zbekiston Respublikasi Bosh prokuraturasi Adliya vazirligi bilan birgalikda davlat organlari va boshqa tashkilotlar tomonidan yer uchastkalarini elektron onlayn-auksion orqali sotishga oid qonunchilikka so‘zsiz rioya etilishi ustidan tizimli nazorat o‘rnatsin hamda qonun hujjatlari buzilishiga yo‘l qo‘ygan aybdor shaxslarga nisbatan ta’sirchan javobgarlik choralarini qo‘llasin.
5. O‘zbekiston Respublikasi Sog‘liqni saqlash vazirligi, Davlat geologiya va mineral resurslar qo‘mitasi 2019-yil 1-oktabrga qadar tadbirkorlik faoliyati uchun berilishi mumkin bo‘lmagan hududlar koordinatalarini ko‘rsatgan holda elektron xaritalarni “Davyergeodezkadastr” qo‘mitasiga taqdim etsin va kelgusida uni har oyda yangilab borsin.
6. “Davyergeodezkadastr” qo‘mitasi elektron xaritani shakllantirish maqsadida O‘zbekiston Respublikasi Prezidenti huzuridagi Loyiha boshqaruvi milliy agentligi bilan birgalikda “Davyergeodezkadastr” qo‘mitasi huzuridagi “Geoinnovatsiya markazi” davlat unitar korxonasining uchuvchisiz uchish apparatlari yordamida o‘rnatilgan tartibda yer uchastkalari ustidan majburiy nazorat uchib o‘tishlar amalga oshirilishini ta’minlasin.
tadbirkorlik va shaharsozlik faoliyatini amalga oshirish uchun yer uchastkalarini berish bo‘yicha “YER AUKSION” elektron savdo maydonchasini ishlab chiqish loyihasi amalga oshirilishini;
O‘zbekiston Respublikasi Davlat aktivlarini boshqarish agentligi bilan birgalikda yer uchastkalarini sotish jarayonlarining “E-IJRO AUKSION” savdo maydonchasidan “YER AUKSION” elektron savdo maydonchasiga o‘tkazilishini ta’minlasin.
Davlat xizmatlari markazlarida jismoniy shaxslarga faqatgina “E-IJRO AUKSION” savdo maydonchasida elektron onlayn-auksionda ishtirok etish maqsadida bepul asosda foydalanish imkonini beruvchi Internet tarmog‘iga ulangan kompyuter vositalari bilan jihozlangan maxsus xonalarni tayyorlasin;
“E-IJRO AUKSION” savdo maydonchasida elektron onlayn-auksionda ishtirok etish tartibi va qoidalarini yoritib beruvchi tarqatma axborot materiallarini ishlab chiqsin va Davlat xizmatlari markazlarining maxsus xonalarini ular bilan jihozlasin.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bir oy muddatda Davlat xizmatlari markazlarining maxsus xonalarini kompyuterlar va zarur mebellar bilan ta’minlasin.
9. O‘zbekiston Milliy teleradiokompaniyasiga elektron onlayn-auksionga qo‘yilgan yer uchastkalari haqidagi ma’lumotlarni hududiy teleradiokanallarda translatsiya qilish uchun belgilangan tartibda efir vaqtini ajratish tavsiya etilsin.
“Davyergeodezkadastr” qo‘mitasi ommaviy axborot vositalarining so‘roviga asosan elektron onlayn-auksionga qo‘yilgan yer uchastkalari haqidagi ma’lumotlarni taqdim qilsin.
10. “Davyergeodezkadastr” qo‘mitasi O‘zbekiston Respublikasi Davlat aktivlarini boshqarish agentligi va Adliya vazirligi bilan birgalikda bir oy muddatda ushbu qaror talablaridan kelib chiqqan holda “YERELEKTRON” AAT va “E-IJRO AUKSION” savdo maydonchasining ishlashini takomillashtirish choralarini ko‘rsin, bunda quyidagi imkoniyatlar nazarda tutilsin:
barcha manfaatdor shaxslar, shu jumladan uchinchi shaxslar tomonidan Internet tarmog‘i orqali kirish;
jismoniy va yuridik shaxslar tomonidan yer uchastkalari haqidagi ma’lumotlarni kiritish, shuningdek, yer uchastkasini tanlash materiallarini kelishish jarayonini kuzatish;
jismoniy va yuridik shaxslar tomonidan mansabdor shaxslarning harakati (harakatsizligi) ustidan shikoyat qilish;
elektron onlayn-auksionning nohalol ishtirokchilari, jumladan yer uchastkasi bahosining to‘liq to‘lanishini ketma-ket ikki marta ta’minlamagan ishtirokchilarning ro‘yxatini shakllantirish hamda ularni keyingi elektron onlayn-auksionga vaqtinchalik qo‘ymaslik;
O‘zbekiston Respublikasi Bosh prokuraturasi va Adliya vazirligiga materiallarni tayyorlash va kelishish jarayonini masofadan turib har haftalik monitoring qilish, shuningdek, yer uchastkasi materiallarini kelishishda vakolatli tashkilotlarning rad etishi qonuniyligini o‘rganish maqsadida tizimga kirish imkoniyatini berish.
11. Davlat kadastrlarini yuritish sohasidagi vakolatli organlar (keyingi o‘rinlarda — vakolatli organlar) davlat kadastri geoaxborot tizimlarini tayyorlash ishlarini tezlashtirsin hamda har oyda kadastr obyektlari to‘g‘risidagi tegishli ma’lumotlarni “Davyergeodezkadastr” qo‘mitasiga taqdim etib borsin.
“Davyergeodezkadastr” qo‘mitasi raisi mazkur band ijrosini ta’minlamagan yoki lozim darajada ta’minlamagan vakolatli organlarning rahbarlarini javobgarlikka tortish haqidagi masalani O‘zbekiston Respublikasi Vazirlar Mahkamasiga kiritsin.
12. O‘zbekiston Respublikasi Moliya vazirligi vakolatli organlarning asoslantirilgan hisob-kitoblariga ko‘ra davlat kadastrini yuritish uchun Davlat budjetidan mablag‘lar ajratilishini ta’minlasin.
o‘z vaqtida o‘zlashtirilmagan yer uchastkalarini ishlatilmayotgan obyektlarga tenglashtirish haqidagi takliflarni;
Tadbirkorlik va shaharsozlik faoliyatini amalga oshirish uchun yer uchastkalarini elektron onlayn-auksion orqali berish tartibi to‘g‘risidagi nizomning yangi tahririni, shuningdek, qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risidagi takliflarni;
manfaatdor vazirlik va idoralar bilan birgalikda yer uchastkalarini ushbu qarorga muvofiq berish tartibini buzganlik uchun javobgarlik belgilash to‘g‘risidagi takliflarni O‘zbekiston Respublikasi Vazirlar Mahkamasiga kiritsin.
14. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidentining maslahatchisi R.A. G‘ulomov va O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov zimmasiga yuklansin.