LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Aholini davlat korxonalarini aksiyalashtirish jarayoniga keng jalb qilish, aksiyalarning barqaror daromad keltirishini ta’minlashga qaratilgan investitsiya fondlari tarmoqlarini tashkil etgan holda qimmatli qog‘ozlar bozorini rivojlantirish maqsadida Vazirlar Mahkamasi qaror qiladi:
1. Investitsiya fondlari to‘g‘risidagi Nizom va Xususiylashtirish investitsiya fondlari to‘g‘risidagi Nizom 1, 2-ilovalarga muvofiq tasdiqlansin.
O‘zbekiston Respublikasi Adliya vazirligi tashkil etilayotgan investitsiya fondlarini qonunchilikda belgilangan tartibda davlat ro‘yxatidan o‘tkazsin.
2. O‘zbekiston Respublikasi Davlat mulki qo‘mitasi va Moliya vazirligi investitsiya fondlari va xususiylashtirish investitsiya fondlari faoliyatini tartibga soluvchi quyidagi normativ hujjatlarni bir oy muddatda ishlab chiqsinlar va tasdiqlasinlar:
LexUZ sharhi
Qarang: “Investitsiya fondining namunaviy ustavi” (ro‘yxat № 328, 02.04.1997-y.) va “Xususiylashtirilgan investitsiya fondining namunaviy ustavi” (ro‘yxat № 264, 15.07.1996-y.).
LexUZ sharhi
Qarang: Investitsiya fondning depozitariy bilan tuzilgan namunaviy kontrakti (ro‘yxat № 309, 26.02.1997-y.) va Xususiylashtirish investitsiya fondining “Vaqt” milliy depozitariysi bilan tuzilgan namunaviy kontrakti (ro‘yxat № 266, 15.07.1996-y.).
LexUZ sharhi
Qarang: Investitsiya fondning fondni boshqarish haqida kompaniya boshqaruvchisi bilan tuzilgan namunaviy kontrakti (ro‘yxat № 308, 26.02.1997-y.) va Xususiylashtirilgan investitsiya fondning fondni boshqarish haqida kompaniya boshqaruvchisi bilan tuzilgan namunaviy kontrakti (ro‘yxat № 645, 19.02.1999-y.).
LexUZ sharhi
Qarang: Investitsiya fondining namunaviy prospekti (ro‘yxat № 327, 02.04.1997-y.) va Xususiylashtirish investitsiya fondining namunaviy prospekti (ro‘yxat № 271, 12.08.1996-y .).
LexUZ sharhi
Qarang: Investitsiya fondining sof aktivlarini baholash tartibi to‘g‘risida nizom (ro‘yxat № 334, 28.04.1997-y.) va Xususiylashtirish investitsiya fondining sof aktivlarini baholash tartibi to‘g‘risida nizom (ro‘yxat № 270, 12.08.1996-y.).
Xususiylashtirish investitsiya fondlari tomonidan maxsus davlat kreditini qaytarish tartibi va shartlari;
3. “Vaqt” milliy depozitariysi investitsiya fondlariga va xususiylashtirish investitsiya fondlariga xizmat ko‘rsatish uchun yagona depozitariy texnologiyasini ishlab chiqishni va joriy etishni ta’minlasin.
4. O‘zbekiston Respublikasi Davlat mulki qo‘mitasi, Moliya vazirligi, Markaziy bank “Vaqt” milliy depozitariysi to‘g‘risidagi Nizomga mazkur qaror talablariga muvofiq o‘zgartirish va qo‘shimchalar kiritsinlar.
5. O‘zbekiston Respublikasi Davlat mulki qo‘mitasi “Vaqt” milliy depozitariysiga xususiylashtirish investitsiya fondlariga xizmat ko‘rsatish texnologiyasini ishlab chiqish uchun mablag‘ ajratsin, shuningdek, aksiyalarning harakatini nazorat qilishni ta’minlash uchun uni zarur kompyuter texnikasi va telekommunikatsiyalar vositalari bilan butlasin.
6. O‘zbekiston Respublikasi Adliya vazirligi Davlat mulki qo‘mitasi va Moliya vazirligi bilan birgalikda mazkur qaror qabul qilinishi munosabati bilan amaldagi qonunchilikka o‘zgartirish va qo‘shimchalar kiritishga oid takliflarni bir oy muddatda tayyorlasin.
7. Mazkur qarorning bajarilishini nazorat qilish Bosh vazirning o‘rinbosarlari V.A. Chjen, B.S. Hamidov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 1998-yil 25-sentabrdagi 410-son qaroriga muvofiq o‘z kuchini yo‘qotgan)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 1998-yil 25-sentabrdagi 410-son qaroriga muvofiq o‘z kuchini yo‘qotgan)