Bozor qayta o‘zgartirish jarayonlarini yanada rivojlantirish hamda korxonalar va tashkilotlarni shunga monand boshqarishni va ularning faoliyat ko‘rsatishini, respublika iqtisodiyotining turli sektorlarida iqtisodiy integratsiyani, shuningdek investitsiya faoliyatini rivojlantirishni ta’minlovchi zamonaviy tuzilmalarni tashkil etish maqsadida Vazirlar Mahkamasi qaror qiladi:
Oldingi tahrirga qarang.
2. Xoldinglarni davlat ro‘yxatidan o‘tkazish tadbirkorlik subyektlarini davlat ro‘yxatidan o‘tkazish va hisobga qo‘yish uchun belgilangan tartibda amalga oshiriladi.
Oldingi tahrirga qarang.
Mazkur Nizom “Qimmatli qog‘ozlar va fond birjasi to‘g‘risida”, “Monopolistik faoliyatni cheklash to‘g‘risida”gi qonunlariga muvofiq ishlab chiqilgan va xoldinglar tuzish va ularning faoliyat ko‘rsatishi tartibini belgilab beradi.
(muqaddima O‘zbekiston Respublikasi Vazirlar Mahkamasining 2001-yil 22-avgustdagi 347-sonli qarori tahririda — O‘R QHT, 2001-y., 15-16-son, 106-modda)
Keyingi tahrirga qarang.
1. Aktivlari tarkibiga boshqa korxonalarning aksiyalari nazorat paketlari kiradigan ochiq turdagi aksiyadorlik jamiyati xolding hisoblanadi.
Aksiyalar (paylar, ulushlar)ning nazorat paketi o‘zida korxona sarmoyasida qatnashishning istalgan shaklini ifodalaydi. Ushbu shakl xolding qatnashchilari umumiy yig‘ilishida va uning boshqaruv organlari tomonidan muayyan qarorlar qabul qilinishi yoki rad etilishining so‘zsiz huquqini ta’minlaydi. Aksiyalarning nazorat paketi mavjudligi to‘g‘risidagi qaror ta’sis hujjatlarining xususiyatlari va korxona sarmoyasi tuzilmasi hisobga olingan holda monopoliyaga qarshi organ tomonidan qabul qilinadi.
Aksiyalarining nazorat paketlari xolding aktivlariga kiruvchi korxona shu’ba korxona hisoblanadi. Shu’ba korxonalar mustaqil yuridik shaxs hisoblanadi.
Xolding O‘zbekiston Respublikasi qonun hujjatlari bilan taqiqlanmagan istalgan faoliyat bilan shug‘ullanishga haqlidir.
Keyingi tahrirga qarang.
b) muassislar tomonidan shartnoma asosida berilgan, shuningdek xolding mablag‘lari hisobiga sotib olingan yoki hosil qilingan mulklar;
Xolding xorijiy sarmoya ishtirokida yoki to‘liq uning asosida, shu jumladan xorijiy korxonalar aksiyalari nazorat paketlarini sotib olish yo‘li bilan tashkil etilishi mumkin.
Xolding aktivlari tarkibiga, shu’ba korxonalar aksiyalari nazorat paketlari bilan bir qatorda, aksiyalarning paritet paketlari (qatnashchi ikkita bo‘lgan taqdirda 50 foiz) va boshqa xo‘jalik jamiyatlari sarmoyasida qatnashish paketlari (aksiyalarning nazorat paketlari emas) kirishi mumkin.
Xolding amaldagi qonun hujjatlariga muvofiq investitsiya faoliyatini amalga oshirishga, shu jumladan istalgan qimmatli qog‘ozlarni sotib olish va sotishga haqli bo‘ladi.
Keyingi tahrirga qarang.
Shu’ba korxona o‘z majburiyatlari bo‘yicha o‘ziga tegishli mol-mulk bilan javob beradi, bosh xoldingga tegishli bo‘lgan aksiyalarning nazorat paketi qiymati ham shu jumlaga kiradi. Bosh xolding ta’sis shartnomasida qayd etilgan shartlarda shu’ba korxonaning qarzlari bo‘yicha javob berishi mumkin.
4. Shu’ba korxona o‘zining xoldingga tegishli bo‘lgan aksiyalari paketi miqdoridan qat’i nazar, biror-bir shaklda xolding aksiyalariga egalik qilishi mumkin emas, garov va trast (ishonilgan mulk) ham shu jumlaga kiradi.
Shu’ba korxonalar aksiyadorlarining umumiy yig‘ilishlarida xoldingning vakillari mazkur shu’ba korxona aksiyalarining nazorat paketiga muvofiq ovozga ega bo‘ladilar. Ro‘yxati ustavda ko‘rsatilishi kerak bo‘lgan shu’ba korxonalarni rivojlantirishning strategik muhim masalalarini hal etish uchun ustavda darajali ko‘pchilik haqidagi norma belgilab qo‘yiladi.
Oldingi tahrirga qarang.
5. Xoldinglar yuridik shaxs hisoblanadi hamda “Qimmatli qog‘ozlar va fond birjasi to‘g‘risida”, “Monopolistik faoliyatni cheklash to‘g‘risida”gi O‘zbekiston Respublikasi qonunlari, mazkur Nizom va O‘zbekiston Respublikasining boshqa qonun hujjatlari asosida faoliyat ko‘rsatadi.
Keyingi tahrirga qarang.
(5-band O‘zbekiston Respublikasi Vazirlar Mahkamasining 2001-yil 22-avgustdagi 347-sonli qarori tahririda — O‘R QHT, 2001-y., 15-16-son, 106-modda)
6. Mulkchilik shakllaridan qat’i nazar, jismoniy va yuridik shaxslar, shu jumladan xorijiy yuridik va jismoniy shaxslar xolding muassislari va qatnashchilari bo‘lishlari mumkin.
7. Xorijiy yuridik va jismoniy shaxslarning qatnashish xususiyatlari O‘zbekiston Respublikasining chet el investitsiyalari to‘g‘risidagi qonun hujjatlari bilan tartibga solinadi.
Keyingi tahrirga qarang.
8. Xoldingning nomiga “xolding” so‘zi qo‘shilgan bo‘lishi hamda uning turi (“AJ” aksiyadorlik jamiyati) ko‘rsatilgan bo‘lishi kerak.
Oldingi tahrirga qarang.
1. Xolding tashkil etish va uni ro‘yxatdan o‘tkazish tadbirkorlik subyektlarini davlat ro‘yxatdan o‘tkazish va hisobga qo‘yish uchun belgilangan tartibda mazkur Nizomda nazarda tutilgan xususiyatlar hisobga olingan holda amalga oshiriladi.
(1-bandning birinchi xatboshi O‘zbekiston Respublikasi Vazirlar Mahkamasining 2001-yil 22-avgustdagi 347-sonli qarori tahririda — O‘R QHT, 2001-y., 15-16-son, 106-modda)
Xoldinglar turdosh korxonalarni kooperatsiyalashga ko‘maklashish hamda ular tomonidan kelishilgan investitsiya siyosati amalga oshirilishi uchun tashkil etiladi. Xoldingga yoki uning shu’ba korxonalaridan biriga xolding kompaniyaning shu’ba korxonalari mahsulotlari (ishlari, xizmatlari) uchinchi shaxslar tomonidan sotilishi huquqi berilishiga, shuningdek ko‘rsatib o‘tilgan mahsulotlar (ishlar, xizmatlar)ga narxlar xolding tomonidan biror-bir shaklda belgilab qo‘yilishi huquqi berilishiga yo‘l qo‘yilmaydi.
Oldingi tahrirga qarang.
Keyingi tahrirga qarang.
2. Xoldinglar, shu jumladan davlat tasarrufidan chiqarish jarayonida tashkil etiladigan xoldinglar, O‘zbekiston Respublikasi Monopoliyadan chiqarish va raqobatni rivojlantirish qo‘mitasining (keyingi o‘rinlarda monopoliyaga qarshi organ deb ataladi) ruxsati bilan tashkil etiladi. Xoldinglar tashkil etilishi (qayta tashkil etilishi) yuqorida aytib o‘tilgan ruxsatnomasiz davlat ro‘yxatidan o‘tkazilishiga yo‘l qo‘yilmaydi.
(2-bandining birinchi xatboshi O‘zbekiston Respublikasi Vazirlar Mahkamasining 2000-yil 24-oktabrdagi 412-sonli qarori tahririda — O‘R QHT, 2000-y., 10-son, 69-modda)
Ko‘rsatib o‘tilgan ruxsatnoma olinmagan taqdirda xoldingni davlat ro‘yxatidan o‘tkazish (qayta ro‘yxatdan o‘tkazish) haqidagi qarorning amal qilishi monopoliyaga qarshi organ tomonidan uni haqiqiy deb hisoblash to‘g‘risidagi masala qonunda belgilangan tartibda ko‘rib chiqilgunga qadar to‘xtatiladi.
Monopoliyaga qarshi organning ruxsatnomasini olmasdan xolding tashkil etish (qayta tashkil etish)ning davlat ro‘yxatiga olinishiga (qayta ro‘yxatga olinishiga) yo‘l qo‘ygan organlar va ularning mansabdor shaxslari amaldagi qonun hujjatlariga muvofiq javob beradilar.
Xolding tashkil etishga ruxsatnoma olish uchun monopoliyaga qarshi organga quyidagi hujjatlar va ma’lumotlar taqdim etiladi:
xolding tarkibiga kiritish uchun taklif etilayotgan korxonalar har biri xo‘jalik faoliyatining asosiy turlari va hajmlari to‘g‘risidagi ma’lumotlar.
Xolding tashkil etish basharti mahsulotlar (ishlar, xizmatlar)ning u yoki bu turlarini ishlab chiqarishni monopoliya qilishga olib kelsa, xolding tashkil etishga yo‘l qo‘yilmaydi. Agar xolding bir xildagi yoki o‘zaro bir-birining o‘rnini bosuvchi mahsulotlar (tovarlar, ishlar, xizmatlar)ning muayyan guruhi bo‘yicha monopoliya deb tan olinsa, ushbu guruh bo‘yicha monopolist korxonalar reyestriga kiritilgan bo‘lsa, va o‘zining bozordagi ustunlik mavqeyini narxlarni zo‘rlab belgilash orqali amalga oshirsa, unga va ko‘rsatib o‘tilgan guruhdagi mahsulotlarni ishlab chiqaruvchi uning shu’ba korxonasiga nisbatan monopoliyaga qarshi kurash olib borish to‘g‘risidagi qonun hujjatlarida nazarda tutilgan jazolarning amal qilishi joriy etiladi.
Keyingi tahrirga qarang.
3. Korxonalarning aksiyalari nazorat paketlariga egalik qiluvchi xolding tashkil etishga quyidagi hollarda yo‘l qo‘yilmaydi, agar:
bir xildagi yoki bir-birining o‘rnini bosuvchi mahsulotlarning muayyan guruhi bo‘yicha bozorda ularning jami ulushi monopoliyaga qarshi organ tomonidan belgilanadigan cheklangan miqdordan ortiq bo‘lsa, chunki bunday sharoitlarda u mustaqil ravishda yoki shu’ba korxonalar bilan birgalikda harakat qilib tovarlar aylanishi shartlariga hal qiluvchi ta’sir ko‘rsatishi, boshqa xo‘jalik yurituvchi subyektlarning bozorga kirishlarini qiyinlashtirishi va bu bilan iste’molchilar va jamiyatning qonuniy manfaatlariga zarar yetkazishi mumkin.
Keyingi tahrirga qarang.
savdo, moddiy-texnika ta’minoti, umumiy ovqatlanish, maishiy xizmat, kommunal xo‘jalik, transport (temir yo‘l, aviatsiya, truboprovod transporti va mutlaq ravishda xalqaro tashishlarni amalga oshiruvchi korxonalardan tashqari), xalq badiiy hunarmandchiligi.
Monopolistik faoliyatni cheklash va raqobatni rivojlantirish maqsadida monopoliyaga qarshi organ xoldinglar tashkil etilishiga yo‘l qo‘yilmaydigan iqtisodiyot sektorlarini belgilashi mumkin.
Keyingi tahrirga qarang.
5. O‘zbekiston Respublikasi qonun hujjatlariga muvofiq Davlat tasarrufidan chiqarilmaydigan yoki davlat tasarrufidan chiqarish, xususiylashtirishda, sotib olish va ijaraga berishda cheklashlarga ega bo‘lgan davlat korxonalari va mol-mulki asosida xoldinglar tashkil etishga ushbu cheklashlar bekor qilingunga qadar yo‘l qo‘yilmaydi.
Keyingi tahrirga qarang.
6. Tashkil etilayotgan xoldinglar barcha turdagi xo‘jalik uyushmalari (ittifoqlar, konsernlar, konsorsiumlar, korporatsiyalar va boshqalar)ning yoki korxonalarning boshqa birlashmalari, shuningdek davlat boshqaruvi organlarining huquqiy vorislari bo‘lishi mumkin emas.
7. Xoldinglarning muassislari ularning ustavlarida tadbirkorlik faoliyati xususiyatiga va shu’ba korxonalar faoliyatiga ta’sir ko‘rsatuvchi qarorlar qabul qilinishi bo‘yicha qonuniy huquqqa cheklashlarni monopoliyaga qarshi organning tavsiyalari asosida belgilashga haqlidirlar.
Keyingi tahrirga qarang.
8. Davlat tasarrufidan chiqarilayotgan korxonaning (korxona bo‘linmasining) shu’ba korxonaga aylantirilishiga ana shu korxona mehnat jamoasining roziligi bilan yo‘l qo‘yiladi. Bunday rozilik umumiy yig‘ilishda barcha xodimlarning yarmidan ko‘pining ovozi bilan qabul qilinadi.
1. Sarmoyasining 50 foizdan ortig‘ini boshqa emitentlarning qimmatli qog‘ozlari va o‘zga moliyaviy aktivlari tashkil etgan xolding moliyaviy xolding hisoblanadi.
Moliyaviy xolding aktivlari tarkibiga faqat qimmatli qog‘ozlar va o‘zga moliyaviy aktivlar, shuningdek xolding boshqaruvi apparati faoliyat ko‘rsatishini ta’minlash uchun bevosita zarur bo‘lgan mol-mulk kirishi mumkin.
Aktivlari tarkibi ta’sis etish paytida ko‘rsatib o‘tilgan talabga muvofiq kelmaydigan moliyaviy xolding davlat ro‘yxatidan o‘tkazilgan paytdan boshlab bir yil mobaynida uni bajarish uchun zarur bo‘lgan xatti-harakatlarni amalga oshirishi kerak.
Ko‘rsatib o‘tilgan talabning bajarilmasligi ushbu xoldingning aksiyalari emissiyasi prospektini ro‘yxatdan o‘tkazgan organning taqdimnomasi asosida xo‘jalik sudi tomonidan moliyaviy xoldingni tugatish to‘g‘risida qaror qabul qilinishi uchun asos hisoblanadi.
Keyingi tahrirga qarang.
2. Moliyaviy xoldinglar mutlaq darajada investitsiya faoliyati yuritishga haqlidirlar, ular uchun faoliyatning boshqa turlari taqiqlanadi.
3. O‘zbekiston Respublikasi Davlat mulki qo‘mitasi va uning hududiy boshqarmalari (keyingi o‘rinlarda davlat mulkini boshqarish vakolati berilgan organlar) moliyaviy xoldinglar ustav fondiga korxonalarni davlat tasarrufidan chiqarish tartibida tashkil etilgan aksiyadorlik jamiyatlari ustav sarmoyasining 20 foizidan ortig‘ini tashkil etuvchi aksiyalar paketini qo‘shishga haqli emaslar.
Keyingi tahrirga qarang.
4. Moliyaviy xolding shu’ba korxonalarning ishlab chiqarish va tijorat faoliyatiga aralashishga haqli emas. Moliyaviy xolding vakillari faqat shu’ba korxonalar aksiyadorlari yig‘ilishlarida qatnashishlari mumkin. Moliyaviy xolding vakillarining kuzatuv kengashi, boshqaruv va shu’ba korxonalari boshqaruvining boshqa organlari tarkibiga kiritilishiga yo‘l qo‘yilmaydi.
5. Moliyaviy xolding o‘ziga tegishli aksiyalar bilan qimmatli qog‘ozlarning tashkil etilgan bozoridan (fond birjasidan) boshqa joyda bitishuvlar sodir etishga haqli emas. Fond birjasida belgilangan tartibda ro‘yxatdan o‘tkazilmagan aksiyalar bilan amalga oshirilgan bitishuvlar haqiqiy emas deb hisoblanadi.
1. Davlat korxonalarini davlat tasarrufidan chiqarish va xususiylashtirishda Davlat mulki qo‘mitasi tomonidan xoldinglar tashkil etilishi mumkin.
Keyingi tahrirga qarang.
2. Korxonalarni davlat tasarrufidan chiqarishda xoldinglar tashkil etish to‘g‘risidagi taklif davlat mulkini boshqarishga vakil qilingan organlarga qonun hujjatlarida nazarda tutilgan tartibda kiritiladi.
Keyingi tahrirga qarang.
xolding tashkil etish zarurligi asoslanishi, uning faoliyati maqsadi va vazifalari ko‘rsatilgan bo‘lishi;
tashkil etilayotgan xoldingga kiritilishi taklif etilayotgan korxonalar (bo‘linmalar) ro‘yxati berilgan bo‘lishi;
ishlab chiqarishning umumiy hajmida ko‘rsatib o‘tilgan korxonalar (bo‘linmalar) tomonidan ishlab chiqariladigan mahsulotlar ulushi to‘g‘risidagi ma’lumotlar berilgan bo‘lishi;
xolding boshqaruv organlarining vakolatlarini, xoldingning shu’ba korxonalar bilan o‘zaro munosabatlari tartibini belgilovchi xoldingning ta’sis hujjatlari loyihalari mavjud bo‘lishi kerak.
Arizaga ilovada shu’ba korxonalar sifatida xolding tarkibiga kiritish taklif etilayotgan korxonalar (bo‘linmalar) mehnat jamoalarining qarori bo‘lishi lozim. Ushbu qaror mazkur Nizomning II bo‘limi 8-bandiga muvofiq rasmiylashtirilgan bo‘lishi lozim.
3. Qayta o‘zgartirilayotgan va davlat tasarrufidan chiqarilayotgan korxonalar asosida tashkil etilayotgan xoldingning muassislari davlat mulkini boshqarishga vakil qilingan organlar, shuningdek paylar, ulushlar, aksiyalar ko‘rinishidagi o‘z mablag‘larini qo‘yish xohishini bildirgan nodavlat yuridik va jismoniy shaxslar bo‘lishlari mumkin.
4. Yirik korxonani qayta tuzish va davlat tasarrufidan chiqarish tartibida uning tarkibidan yuridik mustaqil (shu’ba) korxonalarni ajratgan holda xolding tashkil etish to‘g‘risidagi masalani ko‘rib chiqishda davlat mulkini boshqarishga vakil qilingan organlar:
Keyingi tahrirga qarang.
butun korxonaning yoki ajratib chiqarilayotgan bo‘linmalarning ustav sarmoyasini ko‘paytirish maqsadga muvofiqligini baholaydilar, zarurat bo‘lganda ehtimol tutilgan o‘zga investorlarni xolding qatnashchilari safiga kiritish uchun ular o‘rtasida tanlov o‘tkazadilar.
5. Yuridik mustaqil korxonalarning aksiyalari paketlarini birlashtirish tartibida xolding kompaniya tashkil etish to‘g‘risidagi masalani ko‘rib chiqishda davlat mulkini boshqarishga vakil qilingan organlar:
monopoliyaga qarshi organ ishtirokida tashkil etilayotgan xolding kompaniyaga kiritilayotgan, yoxud xo‘jalik mustaqilligiga ega bo‘layotgan va umumiy asoslarda davlat tasarrufidan chiqarilishi kerak bo‘lgan korxonalar ro‘yxatini aniqlaydilar;
Keyingi tahrirga qarang.
korxonalar mehnat jamoalarining qarorlarini va (yoki) ularning korxonalarni xoldingning shu’ba korxonalariga aylantirishga roziligini hisobga oladilar;
qo‘shimcha investitsiyalarni jalb etishning ehtimol tutilgan usullarini ko‘rib chiqadilar, zarurat bo‘lganda ehtimol tutilgan o‘zga investorlarni xolding qatnashchilari safiga kiritish uchun ular o‘rtasida tanlov o‘tkazadilar.
6. Korxona (ajralib chiqadigan bo‘linma) qonun hujjatlarida nazarda tutilgan tartibda aksiyadorlik jamiyatiga aylantiriladi.
Keyingi tahrirga qarang.
7. O‘zga investorlarning ishtirokisiz tashkil etilayotgan xoldingning ustav fondiga qo‘shiladigan mulk qiymati qonun hujjatlariga muvofiq baholanadi.
Keyingi tahrirga qarang.
O‘zga investorlar ishtirokida xolding tashkil etishda kompaniya qatnashchilari tomonidan qo‘shiladigan ulushlar miqdori mol-mulkning bozor bahosidan kelib chiqib, tomonlarning roziligiga ko‘ra baholanadi.
8. Shu’ba korxonalarga (bo‘linmalarga) aylantiriladigan korxonalar xodimlari davlat mulkini boshqarishga vakil qilingan organning roziligi bilan tasdiqlangan ro‘yxatlarga va yopiq obuna natijalariga muvofiq ular tomonidan berishga va sotishga mo‘ljallangan aksiyalarni xoldingning ustav fondiga qo‘shishlari mumkin. Eslatib o‘tilgan aksiyalarning o‘rniga shu’ba korxonalarning xodimlariga xolding aksiyalari beriladi (nominal qiymati bo‘yicha sotiladi).
9. Xolding tashkil etish to‘g‘risidagi qaror davlat mulkini boshqarishga vakil qilingan organ tomonidan qabul qilingan taqdirda:
shu’ba korxonalarning aksiyalari paketlari va mazkur Nizomning 1 bo‘limi 3-bandida nazarda tutilgan boshqa aktivlar davlat mulkini boshqarishga vakil qilingan organ tomonidan xolding ustav sarmoyasini to‘lash tartibida qo‘shiladi. Bunda xolding ustav sarmoyasi aksiyalarning ushbu paketlari va unga muassislar tomonidan beriladigan boshqa aktivlarning jami nominal qiymatiga teng bo‘ladi;
shu’ba korxonalarning qolgan aksiyalari davlat mulkini boshqarishga vakil qilingan organlarga taqsimlash (sotish) uchun beriladi;
Xolding kompaniyaning u yoki bu aksiyalari paketini biror-bir muddatga davlat mulkiga biriktirib qo‘yishga, agar bunga aksiyalari xolding kompaniya aktivlari tarkibiga kiruvchi barcha korxonalar uchun amaldagi qonun hujjatlari bilan yo‘l qo‘yilgan holdagina yo‘l qo‘yiladi.
Keyingi tahrirga qarang.
nodavlat xo‘jalik jamiyati tomonidan boshqa xo‘jalik jamiyatlari aksiyalarining nazorat paketlarini sotib olish yo‘li bilan tuziladi.
1. Bir korxona aksiyalari nazorat paketining ikkinchi korxona tomonidan sotib olinishi bir korxonani ikkinchi korxona tomonidan qo‘shib olish hisoblanadi. Bunda o‘ziga qo‘shib oluvchi korxona xolding (basharti ilgari shunday bo‘lmagan bo‘lsa), qo‘shilib ketadigan korxona-shu’ba korxona hisoblanadi.
Bir korxonaning ikkinchi korxona tomonidan qo‘shib olinishidagi cheklashlar va cheklash shartlari, shuningdek boshqa korxonalarning birlashishi (qo‘shilib ketishi, qo‘shilishi) monopoliyaga qarshi organlar tomonidan O‘zbekiston Respublikasi qonun hujjatlarida belgilangan tartibda boshqariladi.
agar qo‘shib olinadigan korxona va xolding yoki uning boshqa shu’ba korxonalari o‘xshash yoki o‘zaro bir-birining o‘rnini bosuvchi tovarlar (ishlar, xizmatlar)ni uchinchi shaxslarga sotsa;
agar xolding yoki uning shu’ba korxonalaridan birortasi qo‘shib olinadigan korxona tomonidan ishlab chiqariladigan tovar (ishlar, xizmatlar)ning iste’molchisi hisoblansa va qo‘shib olinadigan korxonaning tegishli bozordagi ulushi 35 foizdan ortiqni tashkil etsa yoxud qo‘shilish paytida tegishli tovar (ishlar, xizmatlar)ning birinchi korxona tomonidan iste’mol qilinadigan mavjud darajasidan ortiq bo‘lsa;
agar qo‘shib olinadigan korxona xolding yoki uning shu’ba korxonalaridan birortasi tomonidan ishlab chiqariladigan tovar (ishlar, xizmatlar)ni sotishni amalga oshirsa, va qo‘shilish paytida birinchi korxonaning tegishli bozordagi ulushi 35 foizdan ortiqni tashkil etsa yoxud xolding yoki uning shu’ba korxonalaridan birortasi ulushidan ortiq bo‘lsa.
3. Quyidagi hollarda korxonalarning qo‘shilib ketishiga (ustav sarmoya miqdoridan qat’i nazar) yo‘l qo‘yilmaydi:
agar qo‘shilayotgan korxonalar o‘xshash yoki o‘zaro bir-birining o‘rnini bosuvchi tovarlar (ishlar, xizmatlar)ni sotsa va tegishli bozorda ularning jami ulushi 35 foizdan ortiqni tashkil etsa, yoxud agar ularning qo‘shilishi ulardan birortasi harakat qiladigan bozorning kengayishiga olib kelsa;
agar qo‘shilayotgan korxonalardan biri ikkinchi korxona tomonidan ishlab chiqariladigan tovar (ishlar, xizmatlar)ning iste’molchisi hisoblansa, va ikkinchi korxonaning tegishli bozordagi ulushi 35 foizdan ortiqni tashkil etsa yoxud qo‘shilish paytida birinchi korxona tomonidan tegishli tovar (ishlar, xizmatlar) iste’mol qilinishining mavjud darajasidan ortiq bo‘lsa;
agar qo‘shilayotgan korxonalardan biri ikkinchi korxona tomonidan ishlab chiqariladigan tovar (ishlar, xizmatlar)ni sotishni amalga oshirsa, va tegishli bozorda birinchi korxonaning ulushi qo‘shilish paytida 35 foizdan ortiq bo‘lsa yoxud ikkinchi korxonaning ulushidan ortiq bo‘lsa.
4. Moliyaviy xolding va uning shu’ba korxonasining (korxonalarining) qo‘shilishiga, agar qo‘shilish natijasida xolding sarmoyasidagi qimmatli qog‘ozlar va boshqa moliyaviy aktivlar ulushi 50 foizdan ortiq bo‘lmagan darajaga yetsa, mazkur Nizomning VI bo‘limi 3-bandi talablari bajarilgan taqdirda yo‘l qo‘yiladi.
5. Ushbu Nizom bilan korxonalarning qo‘shilib ketishi uchun belgilanadigan qoidalar shuningdek ularning qo‘shilishi hollariga ham tatbiq etiladi.
6. O‘xshash yoki o‘zaro bir-birining o‘rnini bosuvchi tovarlar (ishlar, xizmatlar)ni sotuvchi korxonalarning qo‘shilib ketishi haqidagi taklif mazkur Nizomning VI bo‘limi 3-bandida nazarda tutilgan hollarda qonun hujjatlariga muvofiq monopoliyaga qarshi organlar tomonidan ko‘rib chiqiladi.
7. Korxonalarning qo‘shib olinishiga olib kelgan yoki olib kelishi mumkin bo‘lgan bitishuvlar sodir etilishi ustidan nazorat qilish qonun hujjatlariga muvofiq monopoliyaga qarshi organlar tomonidan amalga oshiriladi.
Keyingi tahrirga qarang.
1. Xoldinglar yilning har choragida o‘z balanslarini, foyda va zararlar schyotlarini, shuningdek boshqa korxonalarning o‘zlariga tegishli aksiyalari haqidagi to‘liq ma’lumotlarni hamda qonun hujjatlarida nazarda tutilgan boshqa axborotni e’lon qilishga majburdirlar.
Keyingi tahrirga qarang.
2. Xolding tomonidan istalgan korxonaning (shu jumladan o‘zining shu’ba korxonasining) aksiyalarining 5 foizidan ortig‘ining oldi-sotdisi to‘g‘risidagi ma’lumotlar bitishuv sodir etilgan paytdan boshlab bir hafta muddatda albatta e’lon qilinishi kerak. Ko‘rsatib o‘tilgan ma’lumotlar bitishuv qatnashchilarining tijorat siriga tegishli deb topilishi mumkin emas.
Ko‘rsatib o‘tilgan talab buzilgan holda sodir etilgan bitishuvlar, shuningdek belgilangan tartibda ro‘yxatdan o‘tkazilmagan bitishuvlar haqiqiy emas deb hisoblanadi.
3. Xoldinglar tashkil etish, qayta tashkil etish va ularning faoliyatini to‘xtatish qonun hujjatlarida nazarda tutilgan tartibda amalga oshiriladi.
Keyingi tahrirga qarang.