T/r | Tadbirlar nomi | Amalga oshirish shakli | Bajarish muddati | Mas’ul ijrochilar |
1. | Toshkent shahar Ichki ishlar bosh boshqarmasi, Toshkent va Surxondaryo viloyatlari ichki ishlar boshqarmalari tuzilmalarida xavfsiz turizmni ta’minlash boshqarmalarini tashkil etish bo‘yicha quyidagilarni nazarda tutadigan tashkiliy chora-tadbirlarni amalga oshirish: ushbu boshqarmalarni joylarda Xavfsiz turizmni ta’minlash konsepsiyasini amalga oshirish bo‘yicha mas’ul etib belgilash; Toshkent viloyati ichki ishlar boshqarmasining xavfsiz turizmni ta’minlash boshqarma�i tarkibida “Chorvoq” erkin turistik zonasi hududi tabiiy sharoitlarining o‘ziga xos xususiyatlarini inobatga olgan holda hududda xizmat olib boruvchi tegishli bo‘linmani shakllantirish; boshqarmalar faoliyatining o‘ziga xos jihatlarini hisobga olgan holda to‘laqonli faoliyatini ta’minlash maqsadida, ularni joylashtirish, jihozlash va boshqa tashkiliy masalalarni hal etish; shaxsiy tarkibni tanlov asosida, xorijiy tillarni biladigan malakali mutaxassislar bilan to‘ldirish. | Ichki ishlar vaziri buyrug‘i | 2019-yil mart | IIV (R. Xatamov, Sh. Mavlyanov) |
2. | Ichki ishlar organlarining xavfsiz turizmni ta’minlash bo‘linmalari tomonidan shartnoma asosida turistlar va turistik guruhlarni, shu jumladan avtotransportda harakatlanish vaqtida kuzatib borish hamda moddiy madaniy meros obyektlarida jamoat tartibini saqlash bo‘yicha pulli xizmatlar ko‘rsatishning normativ-huquqiy tartibini belgilash. | Tegishli normativ-huquqiy hujjat loyihasi | 2019-yil mart | IIV (Sh. Mavlyanov), Turizmni rivojlantirish davlat qo‘mitasi (A. Akkulov) |
3. | Joylarda Xavfsiz turizmni ta’minlash konsepsiyasi talablarining lozim darajada bajarilishini tashkil etish bo‘yicha quyidagilarga yo‘naltirilgan chora-tadbirlarni amalga oshirish: 1. Xizmat ko‘rsatish hududlarida xavfsiz turizmni ta’minlash masalalari bo‘yicha idoralararo ishchi guruhlarini tashkil etish hamda ularning tarkibiga Konsepsiyani amalga oshirish bo‘yicha komissiya tarkibiga kiruvchi vazirlik va idoralar vakillarini, shuningdek, tegishli huquqni muhofaza qiluvchi organlarning hududiy bo‘linmalari rahbarlarini kiritish; 2. Tegishli hududlarning hokimlari tomonidan: idoralararo guruhlar faoliyatini amalga oshirish tartibi va asosiy yo‘nalishlarini, shuningdek, ularning vazifalari, funksiyalari, vakolatlari hamda javobgarligini belgilovchi idoralararo guruhlar faoliyati to‘g‘risidagi nizomlarni; idoralararo guruhlarning xavfsiz turizmni ta’minlash bo‘yicha aniq chora-tadbirlarni nazarda tutuvchi yarim yillik chora-tadbirlar rejalarini; idoralararo guruhlar faoliyati ustidan shaxsiy nazorat hamda ular tomonidan amalga oshirilgan ishlar to‘g‘risidagi hisobotlarni har chorakda eshitish mexanizmlarini tasdiqlash. | Viloyat hokimlari qarorlari | 2019-yil mart | Toshkent shahar, Buxoro, Samarqand, Surxondaryo, Toshkent, Xorazm va Qashqadaryo viloyatlari hokimliklari, tegishli vazirlik va idoralar |
4. | Ichki ishlar organlarining xavfsiz turizmni ta’minlash bo‘linmalari tomonidan bajarilgan ishlarni har tomonlama tahlil qilish hamda ilg‘or xorijiy tajribani o‘rganish asosida ularning tashkiliy-shtat tuzilmasini quyidagilarni nazarda tutgan holda qayta ko‘rib chiqish: ularning tuzilmasida xavfsiz turizmni ta’minlash sohasida yangi tarmoq xizmatlari va guruhlarini shakllantirish; turizm namoyishi obyektlari va infratuzilmasi hududlarida jamoat xavfsizligini ta’minlashga ko‘maklashish uchun fuqarolarni shartnoma asosida jalb etish tartibini belgilash; mobil patrullik guruhlari tarkibini oliy ma’lumotli xodimlar bilan to‘ldirish zaruratini inobatga olgan holda, mazkur guruhlarning safdorlik lavozimlarini bosqichma-bosqich ofitserlik lavozimlariga o‘zgartirish; O‘zbekiston Respublikasi Ichki ishlar vazirligining belgilangan shtat birliklari doirasida Xavfsiz turizmni ta’minlashni muvofiqlashtirish boshqarmasi tuzilmasini mustahkamlash. | Ichki ishlar vaziri buyrug‘i | 2019-yil may | IIV (R. Xatamov, Sh. Mavlyanov) |
5. | Ichki ishlar organlarining Xavfsiz turizmni ta’minlash bo‘linmalari tomonidan xizmat faoliyatida alohida farqlovchi belgilar, transport vositalarining yagona svetografik sxemalari va emblema namunalarini ishlab chiqish va tasdiqlash hamda ulardan foydalanish tartibini belgilash. | Ichki ishlar vaziri buyrug‘i | 2019-yil aprel | IIV (Sh. Mavlyanov, R. Ergashev) |
6. | Turistlar xavfsizligini terroristik tahdidlardan himoya qilishni tizimli ta’minlash maqsadida, ichki ishlar organlarining o‘z shtat birliklari hisobidan O‘zbekiston Respublikasi Ichki ishlar vazirligi Maxsus operatsiyalarni muvofiqlashtirish boshqarmasining Buxoro, Samarqand, Surxondaryo, Qashqadaryo, Toshkent va Xorazm viloyatlaridagi portlash xavfi bo‘lgan predmetlarni zararsizlantirish bo‘yicha hududiy bo‘linmalar tuzilmasida turizm namoyishi obyektlari va infratuzilmasi hududlarida xizmat ko‘rsatish bo‘yicha maxsus otryadlarni tashkil etish (4-5 xodim). | Tegishli normativ-huquqiy hujjat loyihasi | 2019-yil aprel | IIV (D. Nazarmuxamedov, R. Xatamov) |
7. | Ichki ishlar organlari xavfsiz turizmni ta’minlash bo‘linmalarining moddiy-texnik bazasini, shu jumladan quyidagilar bilan jihozlashni nazarda tutgan holda, bosqichma-bosqich mustahkamlash bo‘yicha chora-tadbirlarni amalga oshirish: bo‘linmalarning xavfsiz turizmni ta’minlash vazifalarini bevosita joylarda bajaradigan xodimlarini elektron tarzda tarjima qiluvchi dasturiy ta’minotlar va axborot tizimlarining ma’lumotlar bazasidan foydalanish imkonini beradigan shaxsiy planshet kompyuterlari; turistlar gavjum bo‘ladigan joylarda ularning xavfsizligini ta’minlash bo‘yicha tadbirlarni o‘tkazish jarayonida vaziyatni kuzatish imkonini beruvchi maxsus vositalar bilan jihozlangan, mamlakatimizda ishlab chiqarilgan avtobuslar; turizm obyektlari, o‘tish qiyin bo‘lgan tog‘li hududlar va suv havzalari obyektlari hududida patrullik qilish, shuningdek, turistlar va turistik guruhlarni kuzatib borish uchun mo‘ljallangan transport vositalari; turistlar ishtirokidagi ommaviy tadbirlarni o‘tkazish jarayonida vujudga kelayotgan vaziyatni kuzatib turish �amda turistik zonalarning o‘tish qiyin bo‘lgan tog‘li hududlaridagi vaziyatni vizual o‘rganish uchun videokuzatuv vositalari bilan jihozlangan uchuvchisiz uchadigan apparatlar. | Vazirlar Mahkamasi qarori loyihasi | 2019-yil avgust | IIV (Sh. Mavlyanov, R. Ergashev), Moliya vazirligi (A. Xaydarov) |
8. | O‘zbekiston Respublikasi Vazirlar Mahkamasining “Buxoro, Samarqand, Xiva va Shahrisabz shaharlarida xavfsiz turizmni ta’minlash chora-tadbirlari to‘g‘risida” 2017-yil 23-noyabrdagi 939-son qaroriga quyidagilarni nazarda tutuvchi o‘zgartirishlar kiritish: Konsepsiyani amalga oshirish bo‘yicha Komissiya raisi etib O‘zbekiston Respublikasi Ichki ishlar vazirining transport va turizm obyektlarida xavfsizlikni ta’minlash bo‘yicha o‘rinbosarini belgilash hamda unga mazkur yo‘nalishdagi chora-tadbirlarning sifati va o‘z vaqtida tashkil etilishi yuzasidan shaxsiy mas’uliyat yuklash; viloyatlardagi xavfsiz turizmni ta’minlash boshqarmalari uchun belgilangan jamlash tartibi, talablar, imtiyoz va preferensiyalarni Toshkent shahri, Toshkent va Surxondaryo viloyatlarida yangidan tashkil etiladigan shu kabi bo‘linmalarga, shuningdek, O‘zbekiston Respublikasi Ichki ishlar vazirligining Xavfsiz turizmni ta’minlashni muvofiqlashtirish boshqarmasiga ham tatbiq eti�. | Vazirlar Mahkamasi qarori loyihasi | 2019-yil aprel | IIV (Sh. Mavlyanov), Turizmni rivojlantirish davlat qo‘mitasi (A. Akkulov) |
9. | Quyidagilarni inobatga olgan holda ichki ishlar organlarining xavfsiz turizmni ta’minlash bo‘linmalari xodimlari, shuningdek, turistik faoliyat subyektlari ishchilarining turistlar xavfsizligini ta’minlash bo‘yicha kasbiy tayyorgarligi va malakasini oshirish tizimini yaratish: oliy ta’lim muassasalari va idoraviy o‘quv markazlari bilan kelishuvlar asosida tizimli ravishda o‘quv kurslarini tashkil etish; qayta tayyorlash va malaka oshirishni Ichki ishlar vazirligining Malaka oshirish instituti filiallarida (auditoriyalarida) kundalik xizmat faoliyatidan ajralmagan holda ta’minlash; turistik kompaniyalar, mehmonxonalar va turistik faoliyatning boshqa subyektlari ishchilari uchun turistlarning xavfsizligini ta’minlash, ularga birinchi tibbiy yordam ko‘rsatish, huquqni muhofaza qiluvchi va boshqa organlar bilan o‘zaro hamkorlik qilish masalalari bo‘yicha o‘quv kurslarini tashkil etish; o‘qish jarayonini nazorat qilish va natijalarini baholashning ta’sirchan tizimini yo‘lga qo‘yish. | Tashkiliy chora-tadbirlar rejasi | Rejani tasdiqlash 2019-yil mart
2020-yil 1-yanvarga qadar | IIV (R. Xatamov, Sh. Mavlyanov), Turizmni rivojlantirish davlat qo‘mitasi (A. Akkulov), Oliy ta’lim vazirligi (O. Abduraxmonov) |
10. | Yo‘lovchi poyezdlarida bevosita kuzatish faoliyatida 5 yildan ortiq xizmat o‘tayotgan ichki ishlar organlari xodimlarini rotatsiya qilish choralarini ko‘rish, bunda avvalo vokzallar va turistik yo‘nalishlardagi poyezdlar tarkibida bilimga ega, birinchi navbatda xorijiy tillarni biladigan shaxsiy tarkibni shakllantirishga e’tibor qaratish. | Ichki ishlar vaziri buyrug‘i | 2019-yil aprel | IIV (R. Xatamov, Sh. Mavlyanov) |
11. | Joylashtirilgan manzillarda yashovchi shaxslarni vaqtincha ro‘yxatdan o‘tkazish bo‘yicha “E-MENMONXONA” (“E-MENMON”) avtomatlashtirilgan axborot tizimini tashkil etish va faoliyat yuritish tartibini quyidagilarni nazarda tutgan holda takomillashtirish: amaldagi tizimni batafsil o‘rganish, muammo va kamchiliklarni aniqlash, ularni bartaraf etish bo‘yicha tegishli choralarni ko‘rish; turizm sohasida xizmat ko‘rsatuvchi barcha davlat va nodavlat obyektlar (tashkilotlar) to‘g‘risidagi ma’lumotlar bazalarini yaratish va ularni hisobga olish tizimiga kiritish; ma’lumotlarning to‘liq va o‘z vaqtida kiritilishi hamda ularning ishonchliligini nazorat qilishning ta’sirchan tizimini ishlab chiqish; ushbu tizimning bevosita vakolatli davlat organi tegishli bo‘linmalari tomonidan yuritilishi; tizimni yanada takomillashtirish bo‘yicha takliflarni amalga oshirish. | Vazirlar Mahkamasi qarori loyihasi | 2019-yil aprel | Turizmni rivojlantirish davlat qo‘mitasi (A. Akkulov), LBMA (D. Li) Axborot texnologiyalari va kommunikatsiyalarini rivojlantirish vazirligi (A. Olmatov), IIV (Sh. Mavlyanov) |
12. | Quyidagilarni nazarda tutuvchi har tomonlama tashkiliy choralarni ko‘rish: O‘zbekiston Respublikasi Ichki ishlar vazirligi Transportda xavfsizlikni ta’minlash bosh boshqarmasining transport obyektlari va ularga tutash hududlarda jamoat xavfs�zligini ta’minlashning markazlashgan hamda muvofiqlashtirilgan boshqaruvini amalga oshirish imkonini beruvchi situatsion-tahlil markazini tashkil etish; transport va turizm obyektlarida “Xavfsiz shahar” apparat-dasturiy kompleksiga integratsiya qilish mumkin bo‘lgan intellektual videokuzatuv hamda “tashvish tugmalari” tizimining bosqichma-bosqich joriy etilishini ta’minlash; noqonuniy ravishda turistik xizmatlar ko‘rsatishning oldini olish bo‘yicha manzilli profilaktik tadbirlarni amalga oshirish. | Vazirlar Mahkamasi qarori loyihasi Tashkiliy chora-tadbirlar rejasi | 2019-yil aprel
2019-yil aprel
2020-yil 1-yanvarga qadar | Axborot texnologiyalari va kommunikatsiyalarini rivojlantirish vazirligi (B. Olmatov), IIV (Sh. Mavlyanov), Transport vazirligi (I. Maxkamov), DXX, Turizmni rivojlantirish davlat qo‘mitasi (A. Akkulov), Moliya vazirligi (A. Xaydarov), “O‘zbekiston temir yo‘llari” AJ, |
13. | O‘zbekistonda xavfsiz turizmni ta’minlash sohasida amalga oshirilayotgan ishlarni, shu jumladan quyidagilarni nazarda tutgan holda har tomonlama yoritish bo‘yicha kompleks chora-tadbirlarni amalga oshirish: yuqori professional darajada, shu jumladan xorijiy tillarda bosma va videomateriallar tayyorlash; samolyot bortlarida, aeroport va temir yo‘l vokzallari hududlarida, turizm namoyishi obyektlari va infratuzilmasi hududlarida, shu jumladan xorijdagi diplomatik vakolatxonalar orqali videolavhalar namoyish etilishini hamda bosma materiallar tarqatilishini ta’minlash; O‘zbekistonda xavfsizlikni ta’minlash samaradorligi to‘g‘risida turistlarda ijobiy fikrni shakllantirishga yo‘naltirilgan eslatmalar va ma’lumot flayerlarini tarqatishda turistik firmalar imkoniyatlaridan foydalanish. | Qo‘shma chora-tadbirlar rejasi | Rejani tasdiqlash 2019-yil mart
2019-yil davomida | MTRK (A. Xodjayev), AOKA (K. Allamjonov), IIV (Sh. Mavlyanov), Turizmni rivojlantirish davlat qo‘mitasi (A. Akkulov), Transport vazirligi (I. Maxkamov), TIV (I. Ne’matov) |
14. | Xiva shahrining turistik salohiyatini inobatga olgan holda, Xorazm viloyati ichki ishlar boshqarmasining o‘z shtat birliklari hisobidan yangi qurilgan “Xiva” temir yo‘l stansiyasida xavfsizlikni ta’minlash bo‘linmasini shakllantirish. | Ichki ishlar vaziri buyrug‘i | 2019-yil mart | IIV (R. Xatamov, Sh. Mavlyanov), Transport vazirligi |
15. | Xorijiy turistlar respublikada xavfsiz va qulay sayohat qilishlari uchun quyidagilarni nazarda tutgan holda qo‘shimcha sharoitlar yaratish choralarini ko‘rish: turistik kompaniyalar tomonidan ichki ishlar organlari bilan birgalikda SOS tashvish signalini yuborish va joylashuvni aniqlash uchun mo‘ljallangan GPS-qurilmalar bilan jihozlangan maxsus bilakuzuklardan foydalanish bo‘yicha xizmatlar ko‘rsatish mexanizmini yaratish; uyushmagan turistlar uchun avtoturargohlar va sanitariya-gigiyena tarmog‘i bilan jihozlangan hamda palatkalar o‘rnatish joylariga ega bo‘lgan mavsumiy oromgoh (kemping)larni tashkil etish. | Tashkiliy chora-tadbirlar rejasi | Rejani tasdiqlash 2019-yil mart
2019-yil davomida | Turizmni rivojlantirish davlat qo‘mitasi (A. Akkulov), Axborot texnologiyalari va kommunikatsiyalarini rivojlantirish vazirligi (B. Olmatov), IIV (Sh. Mavlyanov), Toshkent shahar, Toshkent, Buxoro, Samarqand, Surxondaryo, Xorazm va Qashqadaryo viloyatlari hokimliklari |
O‘zbekiston Respublikasi Prezidentining qarori, 06.03.2019 yildagi PQ-4229-son
Кучга кириш санаси
07.03.2019
Рус
Eng
Ўзб
O’zb
O‘zb|Рус
Hujjat 10.02.2021 sanasi holatiga
Amaldagi versiyaga o‘tish |
O‘tgan davr mobaynida respublikaning turizm salohiyatini yuksaltirish borasida salmoqli ishlar amalga oshirildi, turistlar uchun qulay sharoitlar yaratish hamda O‘zbekistonning tashrif uchun xavfsiz mamlakat sifatidagi obro‘sini shakllantirishga qaratilgan kompleks chora-tadbirlar ko‘rildi.
Xavfsiz turizmni ta’minlash bo‘yicha yaratilgan tizim turizm joylarida hamda turistlar tomonidan respublika bo‘ylab harakatlanish uchun faol foydalanilayotgan temir yo‘l va havo-transport infratuzilmasi obyektlarida jamoat tartibini saqlash, huquqbuzarliklarning barvaqt oldini olish va jinoyatchilikka qarshi kurashish chora-tadbirlarini o‘zida birlashtirdi.
O‘zbekiston Respublikasi Prezidentining 2019-yil 5-yanvardagi “O‘zbekiston Respublikasida turizmni jadal rivojlantirishga oid qo‘shimcha chora-tadbirlar to‘g‘risida”gi PF-5611-son hamda 2019-yil 1-fevraldagi “Transport sohasida davlat boshqaruvi tizimini tubdan takomillashtirish chora-tadbirlari to‘g‘risida”gi PF-5647-son farmonlariga muvofiq, shuningdek, transport va turizm obyektlarida jamoat xavfsizligini samarali ta’minlashning sifat jihatidan yangi bosqichiga o‘tish maqsadida:
Buxoro, Samarqand, Xiva va Shahrisabz shaharlarida joriy etilayotgan Xavfsiz turizmni ta’minlash konsepsiyasini (keyingi o‘rinlarda — Konsepsiya) Toshkent shahri, Toshkent va Surxondaryo viloyatlarida tatbiq etish va bosqichma-bosqich amalga oshirish;
ichki ishlar organlarining belgilangan shtatlar soni doirasida Toshkent shahar Ichki ishlar bosh boshqarmasi, Toshkent va Surxondaryo viloyatlari ichki ishlar boshqarmalarining xavfsiz turizmni ta’minlash boshqarmalarini (keyingi o‘rinlarda — boshqarmalar) tashkil etish to‘g‘risidagi takliflariga rozilik berilsin.
bevosita turizm namoyishi obyektlari va infratuzilmasi hududlarida jamoat tartibini saqlash, huquqbuzarliklarning barvaqt oldini olish va jinoyatchilikka qarshi kurashish sohasida ichki ishlar organlari xizmatini samarali tashkil qilish;
ichki ishlar organlarining xavfsiz turizmni ta’minlash borasidagi faoliyatiga axborot-texnik jihatdan ko‘maklashish, ular o‘rtasidagi o‘zaro muvofiqlashtirilgan hamkorlik ustidan qat’iy nazorat o‘rnatish;
turizm namoyishi obyektlari va infratuzilmasi hududlarida kriminogen vaziyatni tizimli tahlil qilish, turistlarga nisbatan sodir etiladigan huquqbuzarliklar sabablari va sharoitlarini aniqlash hamda ularni bartaraf etish yuzasidan manzilli chora-tadbirlarni amalga oshirish.
2. O‘zbekiston Respublikasi Ichki ishlar vazirligi Transportda jamoat xavfsizligini ta’minlash boshqarmasi, Toshkent shahar Ichki ishlar bosh boshqarmasining Toshkent metropolitenida ichki ishlar boshqarmasi hamda Toshkent viloyati Ichki ishlar boshqarmasi transportda jamoat xavfsizligini ta’minlash bo‘limi negizida vazirlikning Transportda xavfsizlikni ta’minlash bosh boshqarmasi (keyingi o‘rinlarda — Bosh boshqarma) tashkil etilsin.
metropoliten, temir yo‘l va havo-transport infratuzilmasi obyektlarida (keyingi o‘rinlarda — transport obyektlari) jamoat tartibini saqlash, huquqbuzarliklar profilaktikasi va jinoyatchilikka qarshi kurashish borasidagi faoliyatni muvofiqlashtirish;
yo‘lovchilarning harakatlanish xavfsizligini, temir yo‘l va havo transportida tashiladigan tovar-moddiy boyliklarning butligi va qo‘riqlanishini samarali ta’minlash;
transport obyektlarida terroristik tahdidlarni, giyohvandlik vositalari, ularning analoglari, psixotrop moddalar va ularning prekursorlari, o‘qotar qurol, o‘q-dorilar, portlovchi, radiaktiv, zaharli, kuchli ta’sir qiluvchi va zaharlovchi moddalarning noqonuniy aylanmasi bilan bog‘liq holatlarni o‘z vaqtida aniqlash va bartaraf etishni tashkil qilish;
zamonaviy axborot-kommunikatsiya texnologiyalaridan foydalangan holda transport obyektlari va ularga tutash hududlarda jamoat xavfsizligini ta’minlashning markazlashgan muvofiqlashtirilgan boshqaruvini amalga oshirish.
Keyingi tahrirga qarang.
O‘zbekiston Respublikasi Ichki ishlar vazirligining Xavfsiz turizmni ta’minlashni muvofiqlashtirish boshqarmasi va uning hududiy bo‘linmalariga (keyingi o‘rinlarda — xavfsiz turizmni ta’minlash bo‘linmalari) shartnoma asosida turistlar va turistik guruhlarni, shu jumladan avtotransportda harakatlanish vaqtida kuzatib borish hamda moddiy madaniy meros obyektlarida jamoat tartibini saqlash bo‘yicha pulli xizmatlar ko‘rsatish huquqiga ega;
Keyingi tahrirga qarang.
transport obyektlarida, birinchi navbatda turizm yo‘nalishdagi poyezdlarda xavfsiz turizmni ta’minlash bo‘yicha funksiyalar transportda xavfsizlikni ta’minlash bo‘linmalari tomonidan amalga oshiriladi;
transport obyektlarida sodir etilgan jinoyat va hodisalar haqidagi xabar va arizalarni hisobga olish va qayd etish markazlashgan tartibda transportda xavfsizlikni ta’minlash bo‘linmalarining navbatchilik qismlari tomonidan amalga oshiriladi;
transport obyektlari va ularga tutash hududlarda sodir etilgan jinoyatlar bilan bog‘liq bahsli materiallarni ko‘rib chiqishga doir qaror qabul qilish O‘zbekiston Respublikasi ichki ishlar vazirining transport va turizm obyektlarida xavfsizlikni ta’minlash bo‘yicha o‘rinbosari tomonidan O‘zbekiston Respublikasi Transport prokuraturasi bilan kelishilgan holda amalga oshiriladi;
Keyingi tahrirga qarang.
turizm yo‘nalishidagi temir yo‘l transportida harakatlanish davomida sodir etilgan, tegishliligi bo‘yicha ichki ishlar organlariga taalluqli bo‘lgan ma’muriy huquqbuzarliklarni ko‘rib chiqish va qaror qabul qilish ularda jamoat tartibini samarali ta’minlash uchun kuzatuvchi profilaktika inspektorlari lavozimlarini bosqichma-bosqich joriy etish orqali bevosita poyezdlarning o‘zida amalga oshiriladi;
temir yo‘l vokzallari va aeroportlar atrofida yo‘l harakati xavfsizligi qoidalari buzilishining oldini olish va chek qo‘yish hududiy ichki ishlar organlari bilan birgalikda transportda xavfsizlikni ta’minlash bo‘linmalari tomonidan amalga oshiriladi.
xavfsiz turizmni ta’minlash bo‘linmalari joylarda Konsepsiyaning amalga oshirilishi uchun mas’ul bo‘lgan ishchi organ sifatida faoliyat olib boradi;
xavfsiz turizmni ta’minlash bo‘linmalari o‘z xizmat faoliyatida O‘zbekiston Respublikasi ichki ishlar vaziri tomonidan tasdiqlanadigan alohida farqlovchi belgilar, avtotransport vositalarida yagona svetografik sxemalar hamda emblemadan foydalanishlari mumkin;
boshqarma boshliqlari bir vaqtning o‘zida tegishlicha Toshkent shahar Ichki ishlar bosh boshqarmasi, Toshkent va Surxondaryo viloyatlari ichki ishlar boshqarmalari boshliqlarining o‘rinbosarlari hisoblanadi;
boshqarmalarga Buxoro, Qashqadaryo, Samarqand va Xorazm viloyatlari ichki ishlar organlarining turdosh bo‘linmalari uchun qonunchilikda belgilangan kadrlarni tanlash va mehnatga haq to‘lash shartlari tatbiq etiladi;
Toshkent shahar, Toshkent va Surxondaryo viloyatlari hokimlari tegishli vazirlik va idoralar hududiy bo‘linmalarining Konsepsiyani amalga oshirish bo‘yicha faoliyati ustidan tizimli nazoratni ta’minlaydilar hamda ularning yaqin va samarali hamkorligini tashkil etish bo‘yicha shaxsan javobgar hisoblanadilar;
ichki ishlar organlari respublikada xavfsiz turizmni ta’minlash ahvolini tizimli monitoring qiladi hamda turistlar oqimi va yuzaga kelayotgan tezkor vaziyat tahlili asosida mazkur yo‘nalishdagi ish samaradorligini oshirish bo‘yicha O‘zbekiston Respublikasi Vazirlar Mahkamasiga vaqti-vaqti bilan takliflar kiritib boradi;
transportda xavfsizlikni ta’minlash bo‘linmalari faoliyatini kundalik tartibga solish masalalari bo‘yicha tegishlicha Qoraqalpog‘iston Respublikasi ichki ishlar vaziri va viloyatlar ichki ishlar boshqarmalari boshliqlariga, xizmat va tezkor faoliyatni tashkil etish masalalari bo‘yicha bevosita Bosh boshqarmaga bo‘ysunadi.
5. 2019-yil 1-apreldan boshlab yuridik shaxs tashkil etmagan holda O‘zbekiston Respublikasi Ichki ishlar vazirligi huzurida Xavfsiz turizmni ta’minlash jamg‘armasi (keyingi o‘rinlarda — Jamg‘arma) tashkil etilsin hamda uni shakllantirish manbalari etib quyidagilar belgilansin:
Oldingi tahrirga qarang.
O‘zbekiston Respublikasi Turizmni rivojlantirish davlat qo‘mitasi huzuridagi budjetdan tashqari Turizm sohasini qo‘llab-quvvatlash jamg‘armasiga turistik (mehmonxona) yig‘imidan kelib tushadigan tushumlarning 10 foizi;
(5-bandning ikkinchi xatboshisi O‘zbekiston Respublikasi Prezidentining 2021-yil 9-fevraldagi PF-6165-sonli Farmoni tahririda — Qonun hujjatlari ma’lumotlari milliy bazasi, 10.02.2021-y., 06/21/6165/0104-son)
Keyingi tahrirga qarang.
xavfsiz turizmni ta’minlash bo‘linmalari xodimlari tomonidan tegishliligiga ko‘ra ularga taalluqli ma’muriy huquqbuzarliklarga doir ishlar bo‘yicha undirilgan jarima mablag‘lari;
mazkur qarorga muvofiq xavfsiz turizmni ta’minlash bo‘linmalari tomonidan ko‘rsatiladigan xizmatlar uchun kelib tushadigan mablag‘lar;
xalqaro moliya institutlari va boshqa xorijiy donorlarning grantlari hamda qonunchilik bilan taqiqlanmagan boshqa manbalar.
xavfsiz turizmni ta’minlash bo‘linmalari xodimlarining qo‘shimcha shtat birliklarini joriy qilish hamda turizm namoyishi va infratuzilmasi obyektlarining soni hamda o‘ziga xos xususiyatlarini hisobga olgan holda ushbu sohaga fuqarolarni shartnoma asosida jalb qilish;
xavfsiz turizmni ta’minlash bo‘linmalari xodimlari uchun, qonunchilikda belgilangan boshqa qo‘shimcha haqlardan qat’i nazar, lavozim maoshining 100 foizigacha bo‘lgan miqdorda rag‘batlantiruvchi ustamalar joriy etish huquqi berilsin.
xavfsiz turizmni ta’minlash bo‘linmalarining xodimlarini rag‘batlantirish va moddiy-texnik bazasini mustahkamlash;
xavfsiz turizmni ta’minlash bo‘linmalari xodimlarining kasbiy tayyorgarligini oshirish, ular tomonidan ilg‘or xorijiy tajribani, shu jumladan xorijiy mamlakatlarga chiqish orqali o‘rganish bilan bog‘liq tadbirlarni tashkil etish;
xavfsiz turizmni ta’minlash bo‘linmalari xodimlarining qo‘shimcha joriy etilgan va budjet mablag‘lari hisobidan moliyalashtirilmaydigan shtat birliklarini hamda shartnoma asosida jalb qilingan fuqarolarni moliyalashtirish;
xavfsiz turizmni ta’minlash sohasida ko‘rgazma va yarmarkalarni o‘tkazish, loyiha, dastur va boshqa tadbirlarni amalga oshirish.
8. 2019-yilda O‘zbekiston Respublikasida xavfsiz turizmni ta’minlash samaradorligini oshirish bo‘yicha “Yo‘l xaritasi” 5-ilovaga muvofiq tasdiqlansin.
Vazirlik va idoralar rahbarlari zimmasiga “Yo‘l xaritasi”da nazarda tutilgan tadbirlarning o‘z vaqtida, sifatli va samarali amalga oshirilishi yuzasidan shaxsiy javobgarlik yuklansin.
shartnoma asosida “O‘zbekiston temir yo‘llari” AJ mablag‘lari hisobidan turistik yo‘nalishlar bo‘yicha temir yo‘l poyezdlarida profilaktika inspektorlarining qo‘shimcha shtat birliklarini joriy etish;
transport obyektlarida huquqbuzarliklarni aniqlash va o‘z vaqtida chek qo‘yish hamda favqulodda holatlarda harakatlanish maqsadida idoraviy vertolyot texnikasi imkoniyatlaridan foydalanish tartibini belgilash huquqi berilsin.
10. Viloyatlar va Toshkent shahar hokimliklari turizm obyektlari va infratuzilmasi hududida jamoat xavfsizligini ta’minlash faoliyatini moddiy-texnik mustahkamlash maqsadida uch oy muddatda mahalliy budjet mablag‘lari hisobidan xavfsiz turizmni ta’minlash bo‘linmalariga mamlakatimizda ishlab chiqarilgan 3 tadan yengil avtomobil, 5 tadan skuter va 5 tadan mototsikllarni bir martalik xarid qilish va ajratish choralarini ko‘rsin.
11. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, Ichki ishlar vazirligi Transport vazirligi va Davlat xavfsizlik xizmati bilan birgalikda:
ikki oy muddatda mazkur qaror talablaridan kelib chiqqan holda, Bosh boshqarma tuzilmasida transport obyektlari va ularga tutash hududlarda jamoat xavfsizligini ta’minlashning markazlashgan muvofiqlashtirilgan boshqaruvini amalga oshirish imkonini beruvchi situatsion-tahliliy markazni tuzish bo‘yicha O‘zbekiston Respublikasi Vazirlar Mahkamasiga taklif kiritsin;
transport obyektlarida, shu jumladan “O‘zbekiston temir yo‘llari” AJ va “Uzbekistan airports” AJ mablag‘lari hisobidan intellektual videokuzatuv tizimini joriy etishni hamda uni “Xavfsiz shahar” apparat-dasturiy kompleksiga bosqichma-bosqich integratsiya qilishni ta’minlasin.
12. O‘zbekiston Respublikasi Tashqi ishlar vazirligi, Ichki ishlar vazirligi Transport vazirligi va Turizmni rivojlantirish davlat qo‘mitasi bilan birgalikda bir oy muddatda transport va turizm obyektlarida jamoat xavfsizligini ta’minlash sohasida politsiya tuzilmalari va xalqaro tashkilotlar vakillari bilan, shu jumladan ishchi safarlarni tashkil etgan holda uchrashuv va muzokaralarni nazarda tutuvchi ilg‘or xorijiy tajribani o‘rganish dasturini tasdiqlasin.
bir oy muddatda mazkur qaror talablaridan kelib chiqqan holda O‘zbekiston Respublikasi Ichki ishlar vazirligining Transportda xavfsizlikni ta’minlash bosh boshqarmasi to‘g‘risidagi nizomni tasdiqlasin;
O‘zbekiston Respublikasi Moliya vazirligi bilan birgalikda bir oy muddatda O‘zbekiston Respublikasi Ichki ishlar vazirligi huzuridagi Xavfsiz turizmni ta’minlash jamg‘armasi to‘g‘risidagi nizomni ishlab chiqsin va tasdiqlasin;
yangidan tashkil etilayotgan bo‘linmalarning to‘laqonli faoliyatini ta’minlash maqsadida ikki oy muddatda, faoliyatining o‘ziga xos jihatlarini hisobga olgan holda ularni joylashtirish, jihozlash, malakali mutaxassislar bilan to‘ldirish hamda boshqa tashkiliy masalalarni hal etish chora-tadbirlarini ko‘rsin;
manfaatdor vazirlik va idoralar bilan birgalikda uch oy muddatda qonun hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
14. Belgilansinki, mazkur qarorda nazarda tutilgan tadbirlarni amalga oshirish bilan bog‘liq sarf-xarajatlar O‘zbekiston Respublikasi Ichki ishlar vazirligining asoslangan hisob-kitoblari bo‘yicha har yili ajratiladigan budjet mablag‘lari, Ichki ishlar vazirligining budjetdan tashqari mablag‘lari, Jamg‘arma, mahalliy budjetlar mablag‘lari hamda qonunchilik bilan taqiqlanmagan boshqa manbalar hisobidan qoplanadi.
15. O‘zbekiston Respublikasi Prezidentining ayrim hujjatlariga 6-ilovaga muvofiq o‘zgartirish va qo‘shimchalar kiritilsin.
17. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti maslahatchisining birinchi o‘rinbosari B.M. Mavlonov zimmasiga yuklansin.
1. O‘zbekiston Respublikasi Prezidentining 2017-yil 12-apreldagi “Ichki ishlar organlari faoliyatini yanada takomillashtirishga doir tashkiliy chora-tadbirlar to‘g‘risida”gi PQ-2883-son qarorida:
“Toshkent viloyati temiryo‘l transportida xavfsizlikni ta’minlash boshqarmasi, Toshkent shahar aeroportlarida xavfsizlikni ta’minlash boshqarmasi, shuningdek, metropolitenda xavfsizlikni ta’minlash boshqarmasi O‘zbekiston Respublikasi Ichki ishlar vazirligining Transportda xavfsizlikni ta’minlash bosh boshqarmasiga bo‘ysunadi;
transportda xavfsizlikni ta’minlash boshqarmalari (bo‘limlari) Qoraqalpog‘iston Respublikasi Ichki ishlar vazirligi va viloyat ichki ishlar boshqarmalarining tarkibiy bo‘linmalari hisoblanadi hamda tegishlicha ularning boshliqlariga — faoliyatni tartibga solish bo‘yicha kundalik masalalar yuzasidan, O‘zbekiston Respublikasi Ichki ishlar vazirligining Transportda xavfsizlikni ta’minlash bosh boshqarmasiga — xizmat va tezkor faoliyatini amalga oshirish masalalari yuzasidan bo‘ysunadi”;
6-bandning oltinchi xatboshidagi va 7-band “d” kichik bandining birinchi xatboshidagi “qurol-yarog‘, boshqa” so‘zlari chiqarib tashlansin;
2. O‘zbekiston Respublikasi Prezidentining 2017-yil 29-noyabrdagi “Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari to‘g‘risida”gi PQ-3413-son qaroriga 1-ilovada:
“O‘zbekiston Respublikasi Ichki ishlar vazirligi markaziy apparati va oliy ta’lim muassasalariga, shuningdek Toshkent shahar Ichki ishlar bosh boshqarmasiga xizmatga, istisno tariqasida, Toshkent shahrida doimiy propiskaga ega bo‘lmagan fuqarolar orasidan ham nomzodlarni tanlash va qabul qilishga ruxsat beriladi”;
“11. Dastlabki tanlovlardan muvaffaqiyatli o‘tgan nomzodlarning shaxsiy hujjatlar yig‘majildlarini rasmiylashtirish ichki ishlar organlarining kadrlar bo‘linmalari tomonidan amalga oshiriladi. Nomzodning tegishli hujjatlarini yig‘ish jarayonida unga bir paytning o‘zida xizmatga yaroqlilik darajasini aniqlash maqsadida harbiy-tibbiy komissiyasiga yo‘llanma beriladi”;
19-bandning ikkinchi xatboshisida “O‘zbekiston Respublikasi Ichki ishlar vazirligi Akademiyasining kasbiy tayyorgarlik fakultetida” so‘zlaridan keyin “yoki Toshkent davlat yuridik universitetining Ixtisoslashtirilgan filialida” so‘zlari bilan to‘ldirilsin;
75-bandning birinchi xatboshidagi “kiritiladi” so‘zi “kiritilishi mumkin” so‘zlari bilan almashtirilsin;
“Ushbu Nizomning 144-bandi “a” kichik bandiga muvofiq xizmatdan bo‘shatilgan xodimlar ularning ichki ishlar organlaridagi kalendar hisobdagi amaliy ish staji o‘n yildan ortiq bo‘lganda O‘zbekiston Respublikasi Ichki ishlar vazirligining hududiy ichki ishlar organlari va sohaviy xizmatlari, ta’lim muassasalari boshliqlarining asoslantirilgan taqdimnomalariga asosan, shuningdek xizmatdan bo‘shashiga o‘qishga kirishi sabab bo‘lgan hollarda xizmatga qayta qabul qilinishi mumkin”.
3. O‘zbekiston Respublikasi Prezidentining 2018-yil 12-dekabrdagi “Jismoniy va yuridik shaxslar mulkining qo‘riqlanishini ta’minlash samaradorligini oshirish chora-tadbirlari to‘g‘risida”gi PQ-4060-son qarorida:
2-bandning birinchi xatboshidagi “Ichki ishlar vazirligi” so‘zlari “Milliy gvardiya” so‘zlari bilan almashtirilsin;
3-bandning ikkinchi xatboshi, 4-band, 6-bandning ikkinchi va beshinchi hamda 8-bandning oltinchi xatboshilaridagi “ichki ishlar organlari” so‘zlari “O‘zbekiston Respublikasi Milliy gvardiyasi” so‘zlari bilan almashtirilsin.
4. O‘zbekiston Respublikasi Prezidentining 2018-yil 24-dekabrdagi “Jamoat xavfsizligini ta’minlash samaradorligini oshirish bo‘yicha qo‘shimcha chora-tadbirlar to‘g‘risida”gi PQ-4075-son qarori 3-bandining uchinchi xatboshidagi “tuman (shahar) ichki ishlar organlarining boshliqlari tomonidan” so‘zlari “Qoraqalpog‘iston Respublikasi ichki ishlar vaziri, Toshkent shahar Ichki ishlar bosh boshqarmasi va viloyatlar ichki ishlar boshqarmalari boshliqlari tomonidan” so‘zlari bilan almashtirilsin.