O‘tgan davr mobaynida mamlakatimizda davlat organlari va fuqarolik jamiyati institutlarining yaqin hamkorligi asosida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatdan yangi tizimini joriy etish, fuqarolarning huquqlari, erkinliklari va qonuniy manfaatlarini ishonchli himoyalashni ta’minlash bo‘yicha salmoqli ishlar amalga oshirildi.
Mazkur faoliyatda mamlakatdagi kriminogen vaziyatni o‘ta aniqlikda belgilash, huquqbuzarliklar profilaktikasi va jinoyatchilikka qarshi kurashish bo‘yicha amaldagi mexanizmlarning dolzarb muammo va kamchiliklarini aniqlash, shuningdek, ularni takomillashtirishning har tomonlama o‘ylangan istiqbollarini ishlab chiqish imkonini beruvchi jinoiy-huquqiy statistikani yuritish va jinoyatlarni tahlil qilishning samarali tizimini joriy etish muhim o‘rin egallaydi.
Shu bilan birga, jinoyatchilik holati statistikasini yuritish sohasida amalga oshirilayotgan ishlar tahlili shuni ko‘rsatmoqdaki, tizimli tahlil va sifatli nazoratni yo‘lga qo‘yish, prokuror nazoratini amalga oshirishda ma’lumotlarning aniq, ishonchliligi va yanada malakali qayta ishlashni ta’minlovchi zamonaviy axborot texnologiyalarini joriy etish orqali ma’lumotlarni yig‘ish va qayta ishlash bo‘yicha amaldagi mexanizmlarni takomillashtirish zarur.
Jinoiy-huquqiy statistika tizimini takomillashtirish, jinoyatlar hisobini yuritishning shaffofligini ta’minlash, shuningdek, ularning sodir etilishi sabablarini maqsadli tahlil qilish yo‘li bilan jinoyatchilikka qarshi kurashish samaradorligini oshirish maqsadida:
1. Belgilansinki, 2018-yil 1-dekabrdan boshlab jinoyatlar, ularni sodir etgan shaxslar va jinoyat ishlari harakatlanishining yagona hisobi O‘zbekiston Respublikasi Bosh prokuraturasi tomonidan (keyingi o‘rinlarda — Bosh prokuratura deb yuritiladi) amalga oshiriladi.
Keyingi tahrirga qarang.
2. Bosh prokuratura va O‘zbekiston Respublikasi Ichki ishlar vazirligining “Elektron jinoiy-huquqiy statistika” yagona axborot tizimini (keyingi o‘rinlarda — Yagona axborot tizimi deb yuritiladi) joriy etish taklifiga rozilik berilsin va unda quyidagilar nazarda tutilsin:
statistik kartochkalarning elektron shakllarini tuzish orqali jinoyat ishlari, tergovga qadar tekshiruv materiallari, sud muhokamalari hamda sud qarorlari ijrosi natijalari, shuningdek, ayblanuvchi va jabrlanuvchi tariqasida jalb etilgan ishtirokchilar bo‘yicha ma’lumotlarning yagona hisobini yuritish;
prokuratura, sud va boshqa davlat organlari o‘rtasida dastlabki tergov va surishtiruv organlarining elektron ma’lumot almashuv shaklini, shu jumladan, axborot tizimlari va ma’lumotlar bazalarini integratsiya qilish yo‘li bilan joriy etish;
jinoiy-huquqiy statistikani yuritish tartib-taomillarini optimallashtirish va uni shakllantirish jarayonida inson omilini istisno etish.
aniqlangan, ochilgan jinoyatlar yoki tergovning boshqa natijalari, shuningdek, jinoyat sodir etgan shaxslar bo‘yicha statistik ma’lumotlar elektron statistik kartochka shakllantiriladigan Yagona axborot tizimiga kiritiladi;
jinoyat ishlari hamda tergovga qadar tekshiruv materiallariga tartib raqamlari Yagona axborot tizimiga tegishli statistik ma’lumotlar kiritilgandagina beriladi;
sud muhokamasi hamda sud qarorlari ijrosining natijalari, shuningdek, ayblanuvchi va jabrlanuvchi sifatida jalb etilgan shaxslar bo‘yicha ma’lumotlar sudlar va sud qarorlari ijrosini amalga oshiruvchi davlat organlari tomonidan elektron statistik kartochkalarni to‘ldirish yo‘li bilan shakllantiriladi;
Yagona axborot tizimida axborot almashuv mavjud ma’lumotlarni ruxsatsiz ko‘rishga imkon bermaydigan, himoyalangan aloqa kanallari orqali amalga oshiriladi.
O‘zbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda 2019-yil 10-yanvardan Yagona axborot tizimining sinov versiyasini, 2019-yil 1-martdan to‘liq versiyasini ishga tushirsin;
ikki oy muddatda “Elektron jinoiy-huquqiy statistika” yagona axborot tizimini yuritish tartibi to‘g‘risidagi Nizomni tasdiqlasin;
Yagona axborot tizimining boshqa axborot tizimlari bilan doimiy kuzatuvi va integratsiyalashuvi, uzluksiz ishlashi va axborot xavfsizligini ta’minlasin.
Belgilansinki, Yagona axborot tizimining sinov versiyasi ishga tushirilishiga qadar hujjatlarning qog‘oz shaklidan, tizimning to‘liq versiyasi ishga tushirilishiga qadar — bir vaqtning o‘zida hujjatlarning qog‘oz va elektron shakllaridan foydalaniladi.
5. “Elektron jinoiy-huquqiy statistika” yagona axborot tizimini joriy etish bo‘yicha “Yo‘l xaritasi” 1-ilovaga* muvofiq tasdiqlansin.
Belgilansinki, Yagona axborot tizimining ishlab chiqilishi, faoliyat ko‘rsatishi va modernizatsiya qilinishi, shuningdek, undan foydalanish uchun zarur bo‘lgan uskunalar, kompyuterlar, IP-telefoniya texnikalari, texnik vositalar, dasturiy ta’minot va boshqa moddiy-texnika vositalarini xarid qilish Majburiy ijro byurosini rivojlantirish jamg‘armasi mablag‘lari hisobidan istisno tariqasida:
2021-yil 1-oktabrga qadar o‘rnatilgan tartibda tasdiqlanadigan ro‘yxatlarga muvofiq bojxona to‘lovlaridan (bojxona rasmiylashtiruvi uchun yig‘imlardan tashqari) ozod qilingan holda amalga oshiriladi.
6. O‘zbekiston Respublikasi Oliy sudi hamda tergovga qadar tekshiruv va dastlabki tergovni amalga oshirish vakolatiga ega davlat organlari:
jinoyat ishlari, tergovga qadar tekshiruv materiallari, ishlarning suddagi muhokamalari va sud qarorlarining ijrosi natijalari, shuningdek, ayblanuvchi va jabrlanuvchi tariqasida jalb etilgan ishtirokchilar bo‘yicha ma’lumotlarning Yagona axborot tizimiga o‘z vaqtida kiritilishini;
Bosh prokuratura so‘roviga ko‘ra, axborot tizimlari va manbalarining jinoiy-huquqiy statistika ma’lumotlarini to‘laqonli shakllantirish va Yagona axborot tizimining ishlashi uchun zarur bo‘lgan integratsiyalashuvni ta’minlasin.
Keyingi tahrirga qarang.
Keyingi tahrirga qarang.
a) Bosh prokuratura tuzilmasida — Jinoiy-huquqiy statistika boshqarmasi (keyingi o‘rinlarda — Boshqarma), Qoraqalpog‘iston Respublikasi, viloyatlar va Toshkent shahar prokuraturalari tuzilmalarida — xodimlari tegishli tuman (shahar)larga biriktirilgan holda jinoiy-huquqiy statistika bo‘limlari tashkil etilsin va quyidagilar ularning asosiy vazifalari etib belgilansin:
jinoiy-huquqiy statistika ma’lumotlarini yig‘ish, umumlashtirish, yuritish, qayta ishlash, to‘plash va taqdim etish;
jinoiy-huquqiy statistika sohasida qonuniylikka rioya etilishi hamda Yagona axborot tizimiga kiritilayotgan ma’lumotlarning to‘liqligi va haqqoniyligi ustidan nazorat qilish;
jinoyatchilik holatining, shu jumladan, hududlar kesimida va jinoyat turlariga ko‘ra statistik tahlilini olib borish;
b) Bosh prokuratura Akademiyasi tuzilmasida — Jinoyatlarning sodir etilishi sabablarini tizimli tahlil qilish va o‘rganish markazi (keyingi o‘rinlarda — Markaz) tashkil etilsin va quyidagilar uning asosiy vazifalari etib belgilansin:
jinoyatlar sodir etilishining sabab va sharoitlarini o‘rganish hamda diagnostika qilish, huquqbuzarliklar profilaktikasi, shu jumladan, alohida turdagi jinoyatlarning oldini olish holatini tahlil qilish;
jinoyatchilik ahvoli o‘zgarishlarini kriminologik prognoz qilish, shuningdek, huquqbuzarliklar profilaktikasi faoliyatini metodologik va konsultativ ta’minlash;
huquqbuzarliklarning oldini olish va bartaraf etish bo‘yicha ilmiy asoslangan taklif va tavsiyalarni ishlab chiqish hamda ularning ijro etilishini monitoring qilib borish;
jinoyat turlari, jinoyatchi va jabrlanuvchilarning shaxsi bo‘yicha ilmiy-amaliy izlanishlar olib borish.
8. Bosh prokuratura tuman (shahar) prokurorlari rahbarligida jamoatchilik asosida faoliyat yuritadigan, jinoyatchilik sodir etilishi sabablarini tizimli tahlil qiladigan ekspert-tahlil guruhlarining faoliyatini tajriba tariqasida Shayxontohur tumanida, 2019-yil 1-fevraldan boshlab — Toshkent shahrining boshqa tumanlarida, 2019-yil 1-iyuldan boshlab — o‘tkazilgan tajriba natijalarini inobatga olgan holda respublikaning barcha hududlarida yo‘lga qo‘ysin.
9. 2018-yil 1-dekabrdan O‘zbekiston Respublikasi Ichki ishlar vazirligi Axborot markazi va uning hududiy bo‘linmalari tugatilsin va qisqartirilayotgan 258 ta shtat birligi Bosh prokuraturaning, shu jumladan, yangi tuzilayotgan, bo‘linmalarini shakllantirish uchun yo‘naltirilsin.
Keyingi tahrirga qarang.
Keyingi tahrirga qarang.
10. Bosh prokuratura va O‘zbekiston Respublikasi Ichki ishlar vazirligining tugatilayotgan ichki ishlar organlari axborot markazlarining bo‘shayotgan shtat birliklari hisobidan vazirlikning Tezkor-ma’lumotlar boshqarmasi (keyingi o‘rinlarda Tezkor-ma’lumotlar boshqarmasi deb yuritiladi) hamda uning hududiy bo‘linmalarini tuzish to‘g‘risidagi taklifi ma’qullansin va quyidagilar uning asosiy vazifalari etib belgilansin:
huquqbuzarliklarning oldini olish, aniqlash, ochish va tergov qilishda foydalanish uchun tezkor ma’lumotlar hisobini tashkil qilish va yuritish;
shaxslarning hududiy va davlatlararo qidiruvga berilishini, ichki ishlar organlarining arxiv-ma’lumot va maxsus jamg‘armalari yuritilishini ta’minlash;
ma’muriy huquqbuzarliklar haqidagi ma’lumotlarni ichki ishlar organlari va boshqa davlat organlarining markazlashgan axborot tizimlariga integratsiya qilish asosida to‘plash, umumlashtirish, qayta ishlash, yig‘ish va taqdim etish;
avtotransport vositalari, fuqarolik va xizmat qurollari, qidiruvdagi shaxslar va ashyolar, shuningdek, boshqa ma’lumotlarning avtomatlashtirilgan, huquqbuzarliklarning samarali profilaktikasi va jinoyatchilikka qarshi kurashishga xizmat qiluvchi ma’lumotlar bazasini yuritish.
O‘zbekiston Respublikasi ichki ishlar vazirining birinchi o‘rinbosariga Tezkor-ma’lumotlar boshqarmasining faoliyatini samarali tashkil etish uchun shaxsiy javobgarlik yuklansin.
Boshqarma bilan birgalikda xalqaro shartnomalarda nazarda tutilgan Mustaqil Davlatlar Hamdo‘stligi mamlakatlarining Davlatlararo axborot bankiga huquqiy statistik ma’lumotlarni taqdim etish;
Keyingi tahrirga qarang.
2019-yilning 1-yanvariga qadar hisobot davrlarida to‘plangan huquqiy statistik ma’lumotlar arxivini saqlash.
Ichki ishlar vazirligi bir oy muddatda O‘zbekiston Respublikasi Ichki ishlar vazirligining Tezkor-ma’lumotlar boshqarmasi to‘g‘risidagi Nizomni va uning yangilangan tuzilmasini tasdiqlasin.
Bosh prokuraturada, shu jumladan, uning yangi tuzilayotgan bo‘linmalarida shakllantirilayotgan shtat birliklarini moliyalashtirish O‘zbekiston Respublikasi Davlat budjeti va Majburiy ijro byurosini rivojlantirish jamg‘armasi mablag‘lari hisobidan amalga oshiriladi;
Keyingi tahrirga qarang.
Tezkor-ma’lumotlar boshqarmasi va uning hududiy bo‘linmalari xodimlariga O‘zbekiston Respublikasi Ichki ishlar vazirligining budjetdan tashqari mablag‘lari hisobidan (belgilangan boshqa qo‘shimcha va ustama haqlardan qat’i nazar) lavozim maoshining 30 foizi miqdorida oylik ustama to‘lanadi.
Keyingi tahrirga qarang.
13. O‘zbekiston Respublikasi Moliya vazirligi Bosh prokuratura va Ichki ishlar vazirligi bilan birgalikda mazkur Farmonga muvofiq Bosh prokuratura va Ichki ishlar vazirligi xarajatlar smetasi va shtat jadvaliga o‘zgartirishlar kiritilishini ta’minlasin.
bir oy muddatda yangi tuzilayotgan bo‘linmalar va kiritilayotgan shtat birliklarining mebel, aloqa vositalari va boshqa zarur moddiy-texnik resurslar bilan jihozlanishini ta’minlasin;
ikki oy muddatda prokuratura organlarining yangi tuzilayotgan bo‘linmalarini, avvalo, tugatilayotgan ichki ishlar organlari axborot markazlari xodimlari hisobidan, malakali kadrlar bilan to‘ldirsin;
2019-yilning birinchi yarim yillik yakunlariga ko‘ra mazkur Farmon ijrosi samaradorligini o‘rgansin hamda zarurat bo‘lganda, jinoiy-huquqiy statistika tizimini yanada takomillashtirish bo‘yicha takliflar kiritsin.
15. O‘zbekiston Respublikasi Prezidentining ayrim hujjatlariga 2-ilovaga muvofiq o‘zgartirish va qo‘shimchalar kiritilsin.
16. O‘zbekiston Respublikasi Ichki ishlar vazirligi bir oy muddatda qonun hujjatlariga mazkur Farmondan kelib chiqadigan o‘zgartirish va qo‘shimchalar to‘g‘risidagi Vazirlar Mahkamasiga takliflar kiritsin.
17. Mazkur Farmonning ijrosini nazorat qilish O‘zbekiston Respublikasi Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov va O‘zbekiston Respublikasi Prezidenti maslahatchisining birinchi o‘rinbosari B.M. Mavlonov zimmasiga yuklansin.
1. O‘zbekiston Respublikasi Prezidentining 2017-yil 18-apreldagi “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini ta’minlashda prokuratura organlarining rolini kuchaytirish to‘g‘risida”gi PF-5019-sonli Farmonida:
a) 4-bandning beshinchi xatboshisidagi “5 110 nafar” so‘zlari “5 363 nafar” so‘zlari bilan almashtirilsin;
“Harbiy prokurorning kadrlar bo‘yicha katta yordamchisi (yordamchisi) 2” bloki “Kadrlar bo‘limi 2” bloki bilan almashtirilsin;
“Harbiy prokurorning milliy xavfsizlik organlarida qonunchilik ijrosi ustidan nazorat bo‘yicha katta yordamchisi (yordamchisi) 2” bloki “Harbiy prokurorning Davlat xavfsizlik xizmati organlarida qonunchilik ijrosi ustidan nazorat bo‘yicha katta yordamchisi (yordamchisi) 2” bloki bilan almashtirilsin.
2. O‘zbekiston Respublikasi Prezidentining 2017-yil 29-maydagi “Elektr energiyasi va tabiiy gaz yetkazib berish hamda iste’mol qilish sohasida to‘lov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari to‘g‘risida”gi PF-5059-sonli Farmoni 4-bandida:
“elektr, gaz uzatish va gaz taqsimlash tarmoqlariga noqonuniy ulanish, hisobga olish asboblariga qasddan shikast yetkazish, shuningdek hisobga olish asboblarining ko‘rsatkichlarini o‘zgartirish maqsadida ularga tashqaridan aralashish holatlari bo‘yicha tekshirishlar o‘tkazish”;
“Belgilansinki, mazkur band talablari to‘lovlarning o‘z vaqtida va to‘liq undirilishini ta’minlash Byuro va uning hududiy bo‘linmalariga yuklatilgan boshqa ko‘rsatiladigan kommunal xizmatlarga ham tatbiq etiladi”.
3. O‘zbekiston Respublikasi Prezidentining “Prokuratura organlari kadrlarini tayyorlash, qayta tayyorlash va ularning malakasini oshirish tizimini tubdan takomillashtirish chora-tadbirlari to‘g‘risida”gi 2018-yil 8-maydagi PF-5438-son Farmonida:
“jinoyatlarning sodir etilishi sabab va sharoitlarini o‘rganish va diagnostika qilish, huquqbuzarliklar profilaktikasi holatini tahlil qilish, shu jumladan alohida turdagi jinoyatlarning oldini olish;
jinoyatchilik holati o‘zgarishini kriminologik prognoz qilish, shuningdek huquqbuzarliklar profilaktikasi faoliyatini metodologik va konsultativ ta’minlash”;
Keyingi tahrirga qarang.
4. O‘zbekiston Respublikasi Prezidentining 2018-yil 27-iyuldagi “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari to‘g‘risida”gi PF-5490-sonli Farmonining rus tilidagi matni 2-ilovasi “Proverki (kontrolnie funksii)” grafasining 17-pozitsiyasi quyidagi tahrirda bayon etilsin:
“Proverki faktov nezakonnogo podklyucheniya k elektricheskim, gazotransportnim, gazoraspredelitelnim setyam, sistemam vodosnabjeniya i vodootvedeniya, umishlennoy porchi priborov ucheta, a takje vmeshatelstva v pribori ucheta izvne s tselyu izmeneniya ix pokazateley”.
8. O‘zbekiston Respublikasi Prezidentining 2017-yil 14-martdagi “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari to‘g‘risida”gi PQ-2833-sonli qarorida:
8-bandning ikkinchi xatboshisidagi “lavozim maoshining” va “lavozim maoshi” so‘zlari tegishincha “ish haqi fondining” va “ish haqi fondi” so‘zlari bilan almashtirilsin.
9. O‘zbekiston Respublikasi Prezidentining 2017-yil 29-noyabrdagi PQ-3413-sonli qarori bilan tasdiqlangan Ichki ishlar organlarida xizmatni o‘tash tartibi to‘g‘risidagi nizomning 16-bandi quyidagi tahrirda bayon etilsin:
“16. Dastlabki tanlov sinovlarining biridan yoki yakka tartibdagi yakuniy suhbatdan o‘ta olmagan nomzod ularni takroran topshirishiga qo‘yilmaydi”.