Respublika goʻsht va sut sanoati korxonalarining iqtisodiy mustaqilligi asosida bozor munosabatlarini chuqurlashtirish hamda raqobatli ish sharoitlari yaratish, sifatli va turli xil oziq-ovqat mahsulotlarini ishlab chiqarish va aholiga sotishni koʻpaytirish maqsadida Vazirlar Mahkamasi qaror qiladi:

1. Oʻzbekiston goʻsht va sut sanoati (“Oʻzgoʻshtsutsanoat”) davlat-aksionerlik uyushmasi tarkibi 1-ilovaga muvofiq tasdiqlansin.

Belgilab qoʻyilsinki, “Oʻzgoʻshtsutsanoat” davlat-aksionerlik uyushmasi ochiq turdagi aksionerlik jamiyati shaklida taʼsis etiladi, uning ustav fondiga tarmoq davlat korxonalari negizida tashkil etilgan aksionerlik jamiyatlar aksiyalarining davlatga tegishli ulushi hamda erkin sotishga moʻljallangan aksiyalarining bir qismi 2-ilovaga* muvofiq, shuningdek boshqa manfaatdor yuridik shaxslarning, shu jumladan xorijiy yuridik shaxslarning paylari kiritiladi.

2. Quyidagilar “Oʻzgoʻshtsutsanoat” davlat-aksionerlik uyushmasining asosiy vazifalari va faoliyat yoʻnalishlari etib belgilansin:

goʻsht va sut sanoati korxonalarining, chorvachilik sanoat komplekslarining, xoʻjaliklar va tashkilotlarning korxonalar va tashkilotlar moliya-iqtisodiy, xoʻjalik hamda ijtimoiy faoliyati masalalari boʻyicha faoliyatini muvofiqlashtirib borish;

uyushma tarkibiga kiruvchi birlashmalar, korxonalar va tashkilotlarni kooperatsiyalashga hamda ularning kelishilgan investitsiya siyosatini amalga oshirishga koʻmaklashish,

qayta ishlash tarmogʻida yagona ilmiy-texnika siyosatini oʻtkazish, ishlab chiqarishni zamonaviylashtirish va yangi texnologiyalarni joriy etish uchun moliyaviy mablagʻlarni jamlash;

qishloq xoʻjaligi korxonalari, dehqon (fermer) xoʻjaliklari va xususiylashtirilgan fermalar bilan mol va sut yetkazib berish yuzasidan uzoq muddatli oʻzaro foydali kontraktlar tuzish;

xorijiy investorlar mablagʻlarini jalb etish, korxonalarning tashqi iqtisodiy faoliyatiga koʻmaklashish;
maxsus isteʼmolchilarni (harbiy qismlar, davolash, taʼlim va bolalar muassasalarini) goʻsht va sut mahsulotlari bilan birinchi navbatda taʼminlash.

3. “Oʻzgoʻshtsutsanoat” uyushmasi ijro etuvchi apparati tuzilmasiga 3 va 3a-ilovalarga muvofiq hamda xodimlari cheklangan sonining 60 nafardan iborat boʻlishiga rozilik berilsin.

4 “Oʻzgoʻshtsutsanoat” uyushmasi:

1996-yilning birinchi yarmida uyushma aksiyalarini chiqarishni amalga oshirsin;

1996 - 1997-yillarda uyushma aksiyalarini yuridik va jismoniy shaxslar oʻrtasida joylashtirishni amalga oshirsin. Ularni sotishdan tushadigan mablagʻlar hisobiga, qonunchilik bilan belgilangan tartibda, davlat mulkini 2-ilovaga muvofiq sotib olishni amalga oshirsin;

Belgilab qoʻyilsinki, “Oʻzgoʻshtsutsanoat” uyushmasi aksiyalarning davlatga tegishli paketini toʻliq xoʻjalik asosida yuritish huquqlari bilan boshqaradi.

5. “Oʻzgoʻshtsutsanoat” uyushmasiga quyidagilar tavsiya etilsin:

mol va sut sotib olish va keyinchalik qayta ishlash hamda sotish uchun jamoa aʼzolari va boshqa shaxslarning boʻsh mablagʻlari hisobiga vositachilik tayyorlov jamiyatlari tashkil etish;

shaharlarda va tuman markazlarida goʻsht hamda sut mahsulotlari sotish boʻyicha firma doʻkonlari va boshqa savdo tarmoqlarini koʻpaytirish.

6. Shaharlar aholisini goʻsht va sut mahsulotlari bilan taʼminlashni yanada yaxshilash maqsadida “Oʻzgoʻshtsutsanoat” uyushmasiga, Qoraqalpogʻiston Respublikasi Vazirlar Kengashiga va viloyatlar hokimliklariga bir oy muddatda goʻsht va sut yetishtiruvchilar bilan qayta ishlovchilar oʻrtasidagi aloqalarni mustahkamlash yuzasidan uzoq muddatli bitimlar (shartnomalar) tuzishni tashkil etishni taʼminlash, bunda chorvachilik xoʻjaliklarini va fermerlarni moddiy, texnikaviy va moliyaviy qoʻllab-quvvatlashni amalda keng qoʻllanish yuklansin.

7. Belgilangan tartibda “Oʻzgoʻshtsutsanoat” uyushmasiga respublika tashqarisidan zarur xomashyo resurslari, chorva mollari, embop don, asbob-uskunalar, idishbop va boshqa materiallar sotib olish uchun milliy valyutani erkin almashtiriladigan valyuta ayirboshlash huquqi berilsin.

8. Oʻzbekiston Respublikasi Markaziy bankiga, “Paxta-bank”ga “Oʻzgoʻshtsutsanoat” uyushmasining mulkchilikning jamoa shakliga aylantirilgan sanoat komplekslari va xoʻjaliklarining bank ssudalari boʻyicha toʻlov muddati oʻtib ketgan 135,2 mln. soʻm miqdoridagi qarzlarini toʻlash muddatini 3 yilga uzaytirish tavsiya etilsin.

9. Oʻzbekiston Respublikasi Moliya vazirligi “Oʻzgoʻshtsutsanoat” uyushmasiga sanoat komplekslari va qayta ishlash korxonalarining aylanma mablagʻlarini toʻldirish uchun 3 yil muddat bilan 200 mln. soʻm miqdorida foizsiz ssuda ajratsin.

10. “Oʻzgoʻshtsutsanoat” uyushmasi belgilangan tartibda Ustav ishlab chiqsin va qabul qilsin.

11. Oʻzbekiston Respublikasi Vazirlar Mahkamasining 1993-yil 6-apreldagi 172-son qarori oʻz kuchini yoʻqotgan deb hisoblansin, 5-bandning ikkinchi xatboshi bundan mustasno.

12. Mazkur qarorning bajarilishini nazorat qilish Bosh vazirning birinchi oʻrinbosari I H Joʻrabekov zimmasiga yuklansin.

Aksionerlik jamiyatlari, jamoa xoʻjaliklari va boshqa korxonalarning “Qoraqalpoqgoʻsht” birlashmasi, Qoraqalpogʻiston Respublikasi

Aksionerlik jamiyatlari, jamoa xoʻjaliklari va boshqa korxonalarning “Qoraqalpoqsut” birlashmasi, Qoraqalpogʻiston Respublikasi

Aksionerlik jamiyatlari, jamoa xoʻjaliklari va boshqa korxonalarning “Andijongoʻsht” birlashmasi, Andijon viloyati

Aksionerlik jamiyatlari, jamoa xoʻjaliklari va boshqa korxonalarning “Andijonsut” birlashmasi, Andijon viloyati

Aksionerlik jamiyatlari, jamoa xoʻjaliklari va boshqa korxonalarning “Buxorogoʻsht” birlashmasi, Buxoro viloyati

Aksionerlik jamiyatlari, jamoa xoʻjaliklari va boshqa korxonalarning “Buxorosut” birlashmasi, Buxoro viloyati

Aksionerlik jamiyatlari, jamoa xoʻjaliklari va boshqa korxonalarning “Jizzaxgoʻsht” birlashmasi, Jizzax viloyati

Aksionerlik jamiyatlari, jamoa xoʻjaliklari va boshqa korxonalarning “Jizzaxsut” birlashmasi, Jizzax viloyati

Aksionerlik jamiyatlari, jamoa xoʻjaliklari va boshqa korxonalarning “Qashqadaryogoʻsht” birlashmasi, Qashqadaryo viloyati

Aksionerlik jamiyatlari, jamoa xoʻjaliklari va boshqa korxonalarning “Qashqadaryosut” birlashmasi, Qashqadaryo viloyati

Aksionerlik jamiyatlari, jamoa xoʻjaliklari va boshqa korxonalarning “Navoiygoʻsht” birlashmasi, Navoiy viloyati

Aksionerlik jamiyatlari, jamoa xoʻjaliklari va boshqa korxonalarning “Namangangoʻsht” birlashmasi, Namangan viloyati

Aksionerlik jamiyatlari, jamoa xoʻjaliklari va boshqa korxonalarning “Samarqandgoʻsht” birlashmasi, Samarqand viloyati

Aksionerlik jamiyatlari, jamoa xoʻjaliklari va boshqa korxonalarning “Samarqandsut” birlashmasi, Samarqand viloyati

Aksionerlik jamiyatlari, jamoa xoʻjaliklari va boshqa korxonalarning “Kattaqoʻrgʻongoʻsht” birlashmasi, Samarqand viloyati

Aksionerlik jamiyatlari, jamoa xoʻjaliklari va boshqa korxonalarning “Surxondaryogoʻsht” birlashmasi, Surxondaryo viloyati

Aksionerlik jamiyatlari, jamoa xoʻjaliklari va boshqa korxonalarning “Surxondaryosut” birlashmasi, Surxondaryo viloyati

Aksionerlik jamiyatlari, jamoa xoʻjaliklari va boshqa korxonalarning “Sirdaryogoʻshtsut” birlashmasi, Sirdaryo viloyati

Aksionerlik jamiyatlari, jamoa xoʻjaliklari va boshqa korxonalarning “Toshkentgoʻshtsut” birlashmasi, Toshkent viloyati

Aksionerlik jamiyatlari, jamoa xoʻjaliklari va boshqa korxonalarning “Fargʻonagoʻsht” birlashmasi, Fargʻona viloyati

Aksionerlik jamiyatlari, jamoa xoʻjaliklari va boshqa korxonalarning “Fargʻonasut” birlashmasi, Fargʻona viloyati

Aksionerlik jamiyatlari, jamoa xoʻjaliklari va boshqa korxonalarning “Xorazmgoʻsht” birlashmasi, Xorazm viloyati

Aksionerlik jamiyatlari, jamoa xoʻjaliklari va boshqa korxonalarning “Xorazmsut” birlashmasi, Xorazm viloyati

“Konstruktor” ilmiy-ishlab chiqarish birlashmasi, Toshkent sh.

Tuzatish-qurilish-oʻrnatish sozlash boshqarmasi, Toshkent sh.

Markaziy chorva mollari bazasi, Toshkent sh.

“Oʻzsutgoʻshtmaxsusavtotrans” konserni, Toshkent sh.

“Oʻzgoʻshtsuttaʼminot” respublika birlashmasi, Toshkent sh.

“Goʻshtsutsanoat” savdo-vositachilik firmasi, Toshkent sh.

“Goʻshtsut-Texno” tashqi-iqtisodiy birlashmasi, Toshkent sh.

“Oʻzgoʻshtsanoatinvest” moliya-investitsiya kompaniyasi, Toshkent sh.

“Auditor” firmasi, Toshkent sh.

“Grasso — Oʻztex” QK, Toshkent sh.

“Naqish — MM” QK, Buxoro sh.

“Ishtixon — Gloub Interneshnl TENRI” QK, Ishtixon sh.

“Samarqand — Turkiston” QK, Samarqand sh.

“Bijkon Interneshnl” QK, Toshkent sh.

“Anadolu — Toshkent”, QK, Toshkent sh.

“Mangʻit” jamoa korxonasi, Qashqadaryo viloyati

“Sh. Rashidov nomli” jamoa korxonasi, Buxoro viloyati

“Galaosiyo” jamoa korxonasi, Buxoro viloyati

“Namangansut” aksionerlik jamiyati, Namangan viloyati

“Navoiysut” aksionerlik jamiyati, Navoiy viloyati

1. Rahbariyat

2. Goʻsht va sutni qayta ishlash boshqarmasi

3. Marketing va rivojlantirish boshqarmasi

4. Moliya, hisobga olish va hisobot boshqarmasi

5. Iqtisodiy tahlil va istiqbolni belgilash boshqarmasi

6. Investitsiyalar, tashqi iqtisodiy aloqalar va qimmatli qogʻozlar boshqarmasi

7. Firma savdosi va taʼminot boshqarmasi

8. Ishlar boshqarmasi