LexUZ sharhi
Mazkur qaror O‘zbekiston Respublikasi Vazirlar Mahkamasining 2004-yil 16-sentabrdagi 430-sonli “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash va ba’zilariga o‘zgartirish va qo‘shimchalar kiritish to‘g‘risida”gi qaroriga muvofiq o‘z kuchini yo‘qotgan.
Don va unning davlat resurslaridan yanada samarali va oqilona foydalanish, unning bozor fondini shakllantirish hamda uni respublika mintaqalari bo‘yicha maqbul taqsimlash mexanizmini takomillashtirish, aholining non mahsulotlariga bo‘lgan ehtiyojini barqaror ta’minlash maqsadida Vazirlar Mahkamasi qaror qiladi:
unning bozor fondi kvotalarini Qoraqalpog‘iston Respublikasi, viloyatlar va Toshkent shahri, foydalanish yo‘nalishlari bo‘yicha taqsimlashning yillik va choraklik loyihalari Vazirlar Mahkamasi tomonidan tasdiqlanadigan davlat resurslaridan oziq-ovqatga mo‘ljallangan bug‘doydan foydalanish balanslari ko‘rsatkichlariga qat’iy muvofiq holda ishlab chiqiladi;
unning bozor fondi kvotalari Qoraqalpog‘iston Respublikasi, viloyatlar, shaharlar va tumanlar bo‘yicha shahar va qishloq aholisining soni, sanoat markazlarining mavjudligi, savdo va non yopish tashkilotlarining joylashishi, shuningdek qishloq xo‘jaligi korxonalari, fermer va dehqon xo‘jaliklari ixtiyorida qolayotgan oziq-ovqatga mo‘ljallangan bug‘doy hajmlari hisobga olingan holda taqsimlanadi;
boshoqli don ekinlarining 2002-yil hosilidan boshlab unning bozor fondi qishloq joylari, sanoat markazlari va viloyat ahamiyatiga ega bo‘lgan shaharlar bo‘yicha alohida prognozlashtiriladi;
unning bozor fondi ulardan foydalanishning quyidagi yo‘nalishlari non yopish, chakana savdo, non va qandolatchilik mahsulotlari ishlab chiqaruvchi yakka tartibdagi tadbirkorlar bo‘yicha taqsimlanadi.
Oldingi tahrirga qarang.
unning bozor fondi yillik va choraklik kvotalarini Qoraqalpog‘iston Respublikasi, viloyatlar va Toshkent shahri, foydalanish yo‘nalishlari bo‘yicha tasdiqlash “O‘zdonmahsulot” davlat korporatsiyasining O‘zbekiston Respublikasi Iqtisodiyot vazirligi bilan kelishilgan takliflari asosida Vazirlar Mahkamasining Iste’mol tovarlari ishlab chiqarish va savdo kompleksiga yuklanadi;
(2-bandning ikkinchi xatboshi O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
unning bozor fondi tasdiqlangan kvotalarini tumanlar, shaharlar va foydalanish yo‘nalishlari bo‘yicha taqsimlash “Savdo” hududiy aksiyadorlik kompaniyalari va “Matlubotsavdo” aksiyadorlik kompaniyasi ishtirokida Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshiriladi.
3. Belgilansinki, Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari unning bozor fondi kvotalari samarali va maqbul taqsimlanishi, ulardan maqsadli foydalanilishi hamda aholi non mahsulotlari bilan uzluksiz, barqaror ta’minlanishi uchun to‘liq javob beradilar.
4. Unning bozor fondi kvotalarini shakllantirish, taqsimlash va ulardan foydalanish sxemasi ilovaga muvofiq tasdiqlansin.
Oldingi tahrirga qarang.
O‘zbekiston Respublikasi Iqtisodiyot vazirligi ishtirokida unning bozor fondi kvotalarini taqsimlashning har choraklik loyihalari yuqorida ko‘rsatib o‘tilgan talablarga muvofiq Qoraqalpog‘iston Respublikasi, viloyatlar va Toshkent shahri bo‘yicha ishlab chiqilishini ta’minlasin hamda navbatdagi chorak boshlanishidan kamida 20 kun oldin ularni tasdiqlash uchun Vazirlar Mahkamasining Iste’mol tovarlari ishlab chiqarish va savdo kompleksiga kiritsin;
(5-bandning ikkinchi xatboshi O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Qoraqalpog‘iston Respublikasi, viloyatlar, Toshkent shahri, foydalanish yo‘nalishlari bo‘yicha taqsimlashning Vazirlar Mahkamasining iste’mol tovarlari ishlab chiqarish va savdo kompleksi tomonidan tasdiqlangan unning bozor fondi choraklik kvotalarini navbatdagi chorak boshlanishidan 10 kun oldin Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga yetkazsin hamda ularni har o‘n kunda qat’iy tasdiqlangan jadvallar bo‘yicha bersin;
un resurslari un tortish zavodlari tomonidan savdo tashkilotlari va non yopuvchi tashkilotlarga belgilangan kvotalar va tuzilgan shartnomalarga muvofiq maqsadli berilishi ustidan qat’iy nazorat o‘rnatsin.
Oldingi tahrirga qarang.
6. O‘zbekiston Respublikasi Davlat statistika qo‘mitasi “O‘zdonmahsulot” davlat-aksiyadorlik korporatsiyasi ishtirokida 2002-yildan boshlab unning bozor fondlaridan mintaqalar va foydalanish yo‘nalishlari bo‘yicha foydalanilishiga doir har oylik statistika hisobotini amaliyotga joriy etsin.
(6-band O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Oldingi tahrirga qarang.
7. O‘zbekiston Respublikasi Mudofaa vazirligi (shu jumladan harbiy savdo bosh boshqarmasi), Ichki ishlar vazirligi, Milliy xavfsizlik xizmati, Favqulodda vaziyatlar vazirligi,Davlat soliq qo‘mitasi, Davlat bojxona qo‘mitasi, Navoiy kon-metallurgiya kombinati iste’molning tasdiqlangan normalariga muvofiq maxsus iste’molchilar uchun don mahsulotlari resurslariga bo‘lgan ehtiyojga buyurtmalarni belgilangan tartibda va muddatlarda O‘zbekiston Respublikasi Iqtisodiyot vazirligiga taqdim etsinlar.
(7-band O‘zbekiston Respublikasi Vazirlar Mahkamasining 2004-yil 26-iyuldagi 359-sonli qarori tahririda — O‘R QHT, 2004-y., 30-son, 345-modda)
8. “O‘zdonmahsulot” davlat korporatsiyasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, don mahsulotlari resurslarini bozor va bozordan tashqari fondlar bo‘yicha oluvchi vazirliklar va idoralar ulardan oqilona foydalanilishi ustidan nazoratni kuchaytirsinlar.
9. Vazirlar Mahkamasining “O‘zbekiston Respublikasida don mahsulotlarini sotishni tartibga solishning qo‘shimcha chora-tadbirlari to‘g‘risida” 1994-yil 2-noyabrdagi 532-son qarorining 5, 7, 8, 9-bandlari o‘z kuchini yo‘qotgan deb hisoblansin.
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari M. Z. Usmonov va R. S. Azimov zimmasiga yuklansin.
Oldingi tahrirga qarang.
(sxema O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Oldingi tahrirga qarang.
1. “O‘zdonmahsulot” korporatsiyasi unning bozor fondi kvotalarini Qoraqalpog‘iston Respublikasi, viloyatlar va Toshkent shahri, foydalanish yo‘nalishlari (non yopish, chakana savdo, non va qandolatchilik mahsulotlari ishlab chiqaruvchi yakka tartibdagi tadbirkorlar uchun) bo‘yicha taqsimlashning yillik va choraklik loyihalarini Vazirlar Mahkamasi tomonidan tasdiqlanadigan davlat resurslaridan oziq-ovqatga mo‘ljallangan bug‘doydan foydalanish balanslari ko‘rsatkichlariga qat’iy rioya qilgan holda O‘zbekiston Respublikasi Iqtisodiyot vazirligi ishtirokida ishlab chiqadi, ularni navbatdagi yil choragi boshlanishidan kamida 20 kun oldin Vazirlar Mahkamasining Iste’mol tovarlari ishlab chiqarish va savdo kompleksiga tasdiqlash uchun kiritadi.
Unning bozor fondi kvotalari viloyatlar, shaharlar va tumanlar bo‘yicha shahar va qishloq aholisi soni, sanoat markazlari mavjudligi, savdo va non yopish tashkilotlarining joylashishi, shuningdek qishloq xo‘jaligi korxonalari, dehqon va fermer xo‘jaliklari ixtiyorida qoladigan oziq-ovqatga mo‘ljallangan bug‘doy hajmi hisobga olingan holda taqsimlanadi. Zarur ma’lumotlar “O‘zdonmahsulot” korporatsiyasiga O‘zbekiston Respublikasi Iqtisodiyot vazirligi tomonidan taqdim etiladi.
(1-bandning birinchi va ikkinchi xatboshilari O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)
Bunda boshoqli don ekinlarining 2002-yilgi hosilidan boshlab unning bozor fondi qishloq joylar, sanoat markazlari va viloyat ahamiyatiga ega bo‘lgan shaharlar bo‘yicha alohida prognozlashtiriladi.
2. Unning bozor fondining Qoraqalpog‘iston Respublikasi, viloyatlar va Toshkent shahri hamda undan foydalanish yo‘nalishlari bo‘yicha tasdiqlangan kvotalari “O‘zdonmahsulot” davlat korporatsiyasiga yetkaziladi.
3. “O‘zdonmahsulot” davlat korporatsiyasi navbatdagi yil choragi boshlanishidan kamida 10 kun oldin qishloq joylari, sanoat markazlari, viloyat ahamiyatiga ega bo‘lgan shaharlar, shuningdek undan foydalanish yo‘nalishlari uchun mo‘ljallangan un hajmlarini ko‘rsatgan holda unning tasdiqlangan bozor fondi kvotalarini Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga yetkazadi.
4. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari “Savdo” va “Matlubotsavdo” hududiy aksiyadorlik kompaniyalari bilan birgalikda tumanlar va shaharlar aholisining soniga, yakka tartibdagi tadbirkorlar mavjudligiga (soliq organlari ma’lumotlari bo‘yicha), shuningdek qishloq xo‘jaligi korxonalari, fermer va dehqon xo‘jaliklari ixtiyorida qoladigan oziq-ovqatga mo‘ljallangan bug‘doy hajmlariga qarab unning bozor fondi kvotalarini viloyatlar tumanlari va shaharlari bo‘yicha taqsimlaydilar hamda ularni tumanlar va shaharlar hokimliklariga yetkazadilar.
5. Unning bozor fondi kvotalarining ko‘rsatib o‘tilgan taqsimlanishi bir vaqtning o‘zida “O‘zdonmahsulot” korporatsiyasining hududiy aksiyadorlik birlashmalariga yetkaziladi, ular ushbu kvotalarni viloyatning un tortish zavodlari bo‘yicha taqsimlaydilar.
6. Tumanlar va shaharlar hokimliklari unning bozor fondi kvotalarini chakana savdo korxonalari (savdo tashkilotlarining joylashishiga muvofiq), non zavodlari, ijtimoiy soha muassasalari, umumiy ovqatlanish korxonalariga, “O‘zdonmahsulot” davlat-aksiyadorlik korporatsiyasi bo‘linmalarining unni non va qandolatchilik mahsulotlarini yakka tartibda ishlab chiqaruvchi tadbirkorlarga ulgurji-chakana sotish bo‘yicha ixtisoslashtirilgan firma do‘konlariga taqsimlaydilar.
7. Chakana savdo korxonalari, non zavodlari, ijtimoiy soha va umumiy ovqatlanish muassasalari, shuningdek “O‘zdonmahsulot” davlat-aksiyadorlik korporatsiyasining non va qandolatchilik mahsulotlarini yakka tartibda ishlab chiqaruvchi tadbirkorlarga un sotish bo‘yicha firma do‘konlari unning bozor fondini olish uchun “O‘zdonmahsulot” davlat-aksiyadorlik korporatsiyasining un tortish korxonalari bilan to‘g‘ridan to‘g‘rishartnomalari tuzadilar.
“O‘zdonmahsulot” davlat-aksiyadorlik korporatsiyasi unning bozor fondini har 10 kunda qat’iy tasdiqlangan jadvallar bo‘yicha beradi hamda un resurslari un tortish zavodlari tomonidan belgilangan kvotalar va tasdiqlangan shartnomalarga muvofiq savdo va non yopish tashkilotlariga maqsadli berilishi ustidan qat’iy nazoratni amalga oshiradi.
Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari unning bozor fondi kvotalari samarali va maqbul taqsimlanishi, ulardan maqsadli foydalanilishi hamda aholi non mahsulotlari bilan uzluksiz, barqaror ta’minlanishi uchun to‘liq javob beradilar.
Oldingi tahrirga qarang.
O‘zbekiston Respublikasi Davlat statistika qo‘mitasi “O‘zdonmahsulot” davlat-aksiyadorlik korporatsiyasi ishtirokida unning bozor fondidan mintaqalar va foydalanish yo‘nalishlari bo‘yicha foydalanilishiga doir har oylik statistika hisobotini yuritadi.
(oxirgi xatboshi O‘zbekiston Respublikasi Vazirlar Mahkamasining 2003-yil 28-fevraldagi 112-sonli qarori tahririda — O‘R QHT, 2003-y., 4-son, 42-modda)