Vazirliklar va idoralarning budjetdan tashqari jamg‘armalariga mablag‘ ajratishni tartibga solish, ulardan foydalanish samaradorligini oshirish va davlat budjetiga tushumlarni ko‘paytirish maqsadida Vazirlar Mahkamasi qaror qiladi:
1. Jamiyatning barcha sohalarini erkinlashtirish va isloh qilishga oid qonunchilik bazasini takomillashtirish borasidagi faoliyatni muvofiqlashtirish hamda ma’muriy islohotlarni amalga oshirish komissiyasining:
2004-yil 1-noyabrdan boshlab vazirliklar va idoralarning budjetdan tashqari jamg‘armalariga ajratmalarning 1-ilovaga muvofiq ayrim turlarini bekor qilish;
Oldingi tahrirga qarang.
(1-bandning uchinchi xatboshi O‘zbekiston Respublikasi Vazirlar Mahkamasining 2010-yil 2-apreldagi 62-sonli qaroriga muvofiq o‘z kuchini yo‘qotgan — O‘R QHT, 2010-y., 14-15-son, 106-modda)
2. Belgilab qo‘yilsinki, 2005-yildan boshlab budjetdan ajratiladigan mablag‘lar va budjetdan tashqari maxsus jamg‘armalar mablag‘lari hisobiga ta’minlanadigan davlat va xo‘jalik boshqaruvi organlari:
mablag‘lar sarfini O‘zbekiston Respublikasi Moliya vazirligi bilan kelishilgan daromadlar va xarajatlar smetalariga muvofiq amalga oshiradilar;
yilning har choragida budjet tashkilotlari uchun belgilangan muddatlarda ko‘rsatib o‘tilgan mablag‘lardan foydalanilishi to‘g‘risida Moliya vazirligiga hisobot taqdim etadilar.
Keyingi tahrirga qarang.
Oldingi tahrirga qarang.
3. O‘zbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamentiga Departament tomonidan o‘tkaziladigan tekshirishlar natijalari bo‘yicha budjetga qo‘shimcha ravishda hisoblangan summalardan ajratmalar va soliq haqidagi qonunlar buzilganligi uchun moliyaviy jazolar hisobiga 10 foiz miqdorida budjetdan tashqari maxsus jamg‘arma tashkil etilishiga ruxsat berilsin.
(3-bandning birinchi xatboshi O‘zbekiston Respublikasi Vazirlar Mahkamasining 2006-yil 6-iyuldagi 130-sonli qarori tahririda — O‘zbekiston Respublikasi Qonun hujjatlari to‘plami, 2006-y., 27-son, 250-modda)
Keyingi tahrirga qarang.
Keyingi tahrirga qarang.
O‘zbekiston Respublikasi Bosh prokuraturasi huzuridagi Soliq va valyutaga oid jinoyatlarga qarshi kurashish departamenti bir oy muddatda O‘zbekiston Respublikasi Moliya vazirligi va Davlat soliq qo‘mitasi bilan kelishgan holda budjetdan tashqari maxsus jamg‘armaga mablag‘lar o‘tkazish va ulardan foydalanish tartibini tasdiqlasin, ushbu mablag‘lar birinchi navbatda Departament organlarining moddiy-texnika bazasini mustahkamlashga yo‘naltirilsin.
Keyingi tahrirga qarang.
4. O‘zbekiston Respublikasi Hukumatining 3-ilovaga muvofiq ayrim qarorlariga o‘zgartirish va qo‘shimchalar kiritilsin.
5. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda Vazirlar Mahkamasiga amaldagi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida takliflar kiritsin.
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
T/r | Vazirliklar va idoralarning nomi | Ajratmalar turlarining nomi |
1. | Vazirlar Mahkamasi huzuridagi Narkotik moddalarni nazorat qilish milliy axborot-tahlil markazi | Qonun hujjatlarida belgilangan hollarda davlat daromadiga o‘tkazilgan mol-mulkni sotishdan olingan mablag‘lar |
2. | “Davbionazorat” inspeksiyasi | Yovvoyi hayvonlarni ovlash va tutish huquqini beruvchi litsenziyalar sotilishidan olingan mablag‘lar |
3. | “O‘zstandart” agentligi huzuridagi Standartlashtirish, metrologiya va sertifikatlashtirishni rivojlantirish jamg‘armasi | Sertifikatlash organlari va sinov laboratoriyalari akkreditatsiya qilinganligi uchun to‘lov |
4. | Mudofaa vazirligi | Muqobil xizmatni o‘tayotgan fuqarolarning ish haqidan ushlab qolish |
5. | Ilmiy-texnika taraqqiyotini Muvofiqlashtirish Kengashi huzuridagi Innovatsiya ilmiy-texnika faoliyatini mablag‘ bilan ta’minlash jamg‘armasi | Patent bojlari va boshqa soliq bo‘lmagan to‘lovlar |
6. | Mehnat va aholini ijtimoiy muhofaza qilish vazirligi | Qonun hujjatlarida belgilangan tartibda ijtimoiy sug‘urta bo‘yicha majburiy badallar va ajratmalarni to‘lash tartibi buzilganligi uchun jarimalar summasi |
7. | Kimyo sanoati tashkilotlarini rivojlantirish va qo‘llab-quvvatlash jamg‘armasi (“O‘zkimyosanoat” DAK) | “O‘zkimyosanoat” davlat-aksiyadorlik kompaniyasining ishonchli boshqaruvidagi aksiyalarning davlat ulushi bo‘yicha dividendlar |
8. | Axborot-kommunikatsiya texnologiyalarini rivojlan-tirish jamg‘armasi (Aloqa va axborotlashtirish agentligi) | Agentlik tizimiga kiruvchi aloqa obyektlari va korxonalarini xususiylashtirishdan olingan mablag‘lar Agentlik tizimiga kiruvchi aksiyadorlik jamiyatlari va qo‘shma korxonalar aksiyalarining davlatga tegishli paketlari bo‘yicha divedendlar |
9. | Baliqchilikni rivojlantirish ilmiy-tadqiqot markazi (Qishloq va suv xo‘jaligi vazirligi) | Aksiyadorlik jamiyatlari aksiyalarining davlat paketlarini sotishdan olingan mablag‘lar |
10. | Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi | Temir yo‘llarda yuk va yo‘lovchilar tashishga litsenziyalar berilganligi va ularning amal qilish muddati uzaytirilganligi uchun davlat boji |
11. | Parvozlar xavfsizligini nazorat qilish davlat inspeksiyasi | Havo transportida yo‘lovchilar va yuk tashishga litsenziyalar berilganligi va ularning muddati uzaytirilganligi, aeroportlarda havo kemalariga xizmat ko‘rsatish faoliyati va aviatsiya ishlari uchun davlat boji |
12. | Asillik palatasi | Qimmatbaho metallar va qimmatbaho toshlardan yasalgan zargarlik buyumlari va boshqa buyumlarning asillik darajasi aniqlanganligi va tamg‘alanganligi uchun to‘lov |
13. | Rekonstruksiya va rivojlantirish jamg‘armasi (“O‘zmevasabzavotuzumsanoat” XK) | Xolding tarkibiga kiruvchi aksiyadorlik jamiyatlari aksiyalarining davlatga tegishli paketlari bo‘yicha dividendlar |
14. | “O‘zbekko‘mir” ochiq aksiyadorlik jamiyati | Korxonalarni xususiylashtirishdan olingan mablag‘lar Aksiyalarning davlat ulushi bo‘yicha dividendlar |
15. | “O‘zbekiston temir yo‘llari” davlat-aksiyadorlik kompaniyasi | “O‘zbekiston temir yo‘llari” davlat-aksiyadorlik kompaniyasi obyektlarini xususiylashtirishdan olingan mablag‘lar |
16. | “Paxtasanoat” hududiy aksiyadorlik birlashmalari | Erkin sotish uchun mo‘ljallangan ochiq aksiyadorlik jamiyatlari aksiyalarining davlat paketlarini sotishdan olingan mablag‘lar |
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2010-yil 2-apreldagi 62-sonli qaroriga muvofiq o‘z kuchini yo‘qotgan — O‘R QHT, 2010-y., 14-15-son, 106-modda)
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
Oldingi tahrirga qarang.
(1-band O‘zbekiston Respublikasi Vazirlar Mahkamasining 2004-yil 28-oktabrdagi 508-son qaroriga muvofiq o‘z kuchini yo‘qotgan — O‘R QHT, 2004-y., 44-son, 459-modda)
2. Vazirlar Mahkamasining “Tabiatni muhofaza qilish jamg‘armalari to‘g‘risidagi nizomni tasdiqlash haqida” 1993-yil 24-may 246-son qarori bilan tasdiqlangan Tabiatni muhofaza qilish jamg‘armalari to‘g‘risidagi nizomda:
5-bandning oxirgi xatboshidagi “undirilgan jarimalar summasining” so‘zlaridan keyin “50 foizi” so‘zlari qo‘shilsin;
Keyingi tahrirga qarang.
3. Vazirlar Mahkamasining “O‘zbekiston Respublikasida suvdan cheklangan miqdorda foydalanish to‘g‘risida” 1993-yil 3-avgustdagi 385-son qarori bilan tasdiqlangan O‘zbekiston Respublikasida suvdan cheklangan miqdorda foydalanish bo‘yicha Vaqtinchalik tartibda 4-band oxirgi xatboshining birinchi jumlasi quyidagi tahrirda bayon qilinsin:
“jarimaning 50 foizi respublika budjetiga o‘tkaziladi, qolgan 50 foizi esa — suv xo‘jaligi tashkilotlarining maxsus hisob raqamlariga o‘tkaziladi”.
Keyingi tahrirga qarang.
4. Vazirlar Mahkamasining “Xorijiy valyutadagi davlat bojlari, yig‘imlar hamda soliq bo‘lmagan boshqa to‘lovlar stavkalari to‘g‘risida” 1993-yil 19-avgustdagi 423-son qaroriga 2-ilovaning “Boj, yig‘imlar va soliq bo‘lmagan boshqa to‘lovlardan olingan valyuta tushumlarining taqsimlanishi” jadvalida:
2 va 3-bandlardagi “65” va “35” raqamlari tegishli ravishda “25” va “75” raqamlari bilan almashtirilsin;
Keyingi tahrirga qarang.
Oldingi tahrirga qarang.
(5-band O‘zbekiston Respublikasi Vazirlar Mahkamasining 2004-yil 28-oktabrdagi 508-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2004-y., 44-son, 459-modda)
6. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida” 1994-yil 12-avgustdagi 410-son qarori bilan tasdiqlangan O‘zbekiston Respublikasida standartlar va o‘lchov vositalari ustidan davlat nazorati to‘g‘risida nizomning 9-bandidagi “50” va “20” raqamlari tegishli ravishda “60” va “10” raqamlari bilan almashtirilsin.
7. Vazirlar Mahkamasining “Respublika meva-sabzavot xo‘jaligida monopoliyadan chiqarish va ixtisoslashtirishni chuqurlashtirish chora-tadbirlari to‘g‘risida” 1997-yil 18-iyuldagi 363-son qarorining 6-bandida:
“Mulkchilik shakllaridan qat’i nazar, xolding tarkibiga kiruvchi korxonalar va tashkilotlarning bo‘sh foydasi qoldiqlari hisobiga korxonalar balans foydasining bir foizi miqdorida shartnoma asosidagi ajratmalari Rekonstruksiya va rivojlantirish jamg‘armasi mablag‘larini shakllantirish manbalari etib belgilansin”.
8. Vazirlar Mahkamasining 1997-yil 22-iyuldagi 368-son qarori bilan tasdiqlangan Narxlarni boshqarish jamg‘armasi to‘g‘risida Nizomning III bo‘limi ikkinchi xatboshidagi “42,5” raqami “45” raqami bilan almashtirilsin.
9. Vazirlar Mahkamasining “O‘zbekiston Respublikasi Davlat bojxona qo‘mitasi faoliyatini tashkil etish masalalari to‘g‘risida” 1997-yil 30-iyuldagi 374-son qarori (O‘zbekiston Respublikasi QT., 1997-y., 7-son, 26-modda) 7-bandining ikkinchi xatboshi quyidagi tahrirda bayon qilinsin:
“Belgilansinki, ko‘rsatib o‘tilgan maxsus jamg‘arma bojxona yig‘imlari va ko‘rsatilgan xizmatlar uchun to‘lovlar tarzidagi tushumlarning 25 foizi miqdoridagi ajratmalar hisobiga shakllantiriladi”.
10. Vazirlar Mahkamasining “O‘zbekiston Respublikasi Davlat soliq qo‘mitasi faoliyatini tashkil etish masalalari to‘g‘risida” 1998-yil 12-yanvardagi 14-son qarorining (O‘zbekiston Respublikasi QT, 1998-y., 1-son, 2-modda) 5-bandida:
ikkinchi xatboshiga “(O‘zbekiston Respublikasi Bosh prokuraturasi huzuridagi Soliq va valyutaga oid jinoyatlarga qarshi kurashish departamentining budjetdan tashqari jamg‘armasiga o‘tkaziladigan mablag‘lardan tashqari)” so‘zlari qo‘shilsin;
Keyingi tahrirga qarang.
Oldingi tahrirga qarang.
(11-band O‘zbekiston Respublikasi Vazirlar Mahkamasining 2009-yil 29-yanvardagi 27-sonli qarori bilan o‘z kuchini yo‘qotgan — O‘R QHT, 2009-y., 6-son, 51-modda)
13. Vazirlar Mahkamasining 2000-yil 16-fevraldagi 54-16-son qarori o‘z kuchini yo‘qotgan deb hisoblansin.
14. Vazirlar Mahkamasining “O‘zbekenergo” davlat-aksiyadorlik kompaniyasi faoliyatini tashkil etish chora-tadbirlari to‘g‘risida” 2001-yil 24-fevraldagi 93-son qarori 5-bandining uchinchi xatboshi chiqarib tashlansin.
15. Vazirlar Mahkamasining “O‘zbekiston temir yo‘llari” davlat-aksiyadorlik kompaniyasini boshqarishni tashkil etishni takomillashtirish to‘g‘risida” 2001-yil 3-martdagi 108-son qarorining 5-bandi chiqarib tashlansin.
16. Vazirlar Mahkamasining “Kimyo sanoatini boshqarish tuzilmasini takomillashtirish chora-tadbirlari to‘g‘risida” 2001-yil 13-martdagi 124-son qarori 8-bandining uchinchi xatboshi chiqarib tashlansin.
17. Vazirlar Mahkamasining “Respublika paxta tozalash sanoatini boshqarish tizimini takomillashtirish to‘g‘risida” 2001-yil 12-iyundagi 252-son qarorining (O‘zbekiston Respublikasi QT, 2001-y., 6-son, 29-modda) 7-bandi chiqarib tashlansin.
Keyingi tahrirga qarang.
18. Vazirlar Mahkamasining “Ko‘mir” aksiyadorlik birlashmasi tuzilmasini takomillashtirish va 2002—2010-yillarda respublika ko‘mir sanoatini rivojlantirish dasturini amalga oshirish chora-tadbirlari to‘g‘risida” 2002-yil 4-iyundagi 196-son qarorining 7-bandi chiqarib tashlansin.
19. Vazirlar Mahkamasining “O‘zbekiston Respublikasi Davlat patent idorasi faoliyatini tashkil etish to‘g‘risida” 2002-yil 14-iyundagi 209-son qarorida (O‘zbekiston Respublikasi QT, 2002-y., 6-son, 32-modda):
Oldingi tahrirga qarang.
(19-bandning ikkinchi xatboshi O‘zbekiston Respublikasi Vazirlar Mahkamasining 2006-yil 20-apreldagi 65-sonli qaroriga muvofiq o‘z kuchini yo‘qotgan)
qarorga 3-ilovaning 6-bandidagi “75” va “10” raqamlari tegishli ravishda “95” va “5” raqamlari bilan almashtirilsin hamda uchinchi xatboshi chiqarib tashlansin.
Keyingi tahrirga qarang.
Oldingi tahrirga qarang.
(20-band O‘zbekiston Respublikasi Vazirlar Mahkamasining 2012-yil 19-dekabrdagi 356-sonli qaroriga asosan o‘z kuchini yo‘qotgan — O‘R QHT, 2012-y., 51-son, 577-modda)
21. Vazirlar Mahkamasining “Standartlashtirish, metrologiya va mahsulotlar hamda xizmatlarni sertifikatlashtirish tizimini takomillashtirish chora-tadbirlari to‘g‘risida” 2002-yil 3-oktabrdagi 342-son qarori 13-bandining beshinchi xatboshi chiqarib tashlansin, uchinchi va to‘rtinchi xatboshi esa quyidagi tahrirda bayon qilinsin:
“standartlar, metrologiya va sertifikatlashtirishning majburiy talablarini buzganlik hamda davlat inspektorlarining mahsulot sotilishi (yetkazib berilishi, sotilishi)ni taqiqlash to‘g‘risidagi yozma ko‘rsatmalarining xo‘jalik faoliyati yurituvchi subyektlar tomonidan buzilganligi uchun jarimalar summasining 10 foizi”.
22. Vazirlar Mahkamasining “O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun to‘lovlar tizimini takomillashtirish to‘g‘risida” 2003-yil 1-maydagi 199-son qarorining 3-bandi quyidagi tahrirda bayon qilinsin:
“3. Belgilansinki, O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya to‘lovlari O‘zbekiston Respublikasi Davlat tabiatni muhofaza qilish qo‘mitasi organlari tomonidan undiriladi va quyidagi tartibda taqsimlanadi:
50 foizi — O‘zbekiston Respublikasi Vazirlar Mahkamasining 1993-yil 24-maydagi 246-son qarori bilan tasdiqlangan Tabiatni muhofaza qilish jamg‘armalari to‘g‘risidagi nizomga muvofiq foydalanish uchun tabiatni muhofaza qilish jamg‘armalariga;
Keyingi tahrirga qarang.
23. Vazirlar Mahkamasining “Baliqchilik tarmog‘ida monopoliyadan chiqarish va xususiylashtirish chora-tadbirlari to‘g‘risida” 2003-yil 13-avgustdagi 350-son qarorining (O‘zbekiston Respublikasi QT, 2003-y., 8-son, 70-modda) 8-bandi chiqarib tashlansin.
Keyingi tahrirga qarang.
24. Vazirlar Mahkamasining “Transport sohasidagi faoliyatning ayrim turlarini litsenziyalash to‘g‘risidagi nizomlarni tasdiqlash haqida” 2003-yil 21-avgustdagi 360-son qarorida (O‘zbekiston Respublikasi QT, 2003-y., 8-son, 73-modda):
1 va 2-ilovalar 35-bandlarining 3—5 xatboshi hamda 3 va 4-ilovalarning 33-bandlari quyidagi tahrirda bayon qilinsin:
“Litsenziyalar berilganligi uchun undiriladigan davlat boji mablag‘lari to‘liq respublika budjetiga o‘tkaziladi”;
5-ilovaning 36-bandidagi hamda 6-ilovaning 31-bandidagi “40” raqami “75” raqami bilan almashtirilsin.
Keyingi tahrirga qarang.
26. Vazirlar Mahkamasining “Vazirliklar va idoralarning budjetdan tashqari jamg‘armalariga mablag‘lar ajratish va ulardan foydalanishni tartibga solish chora-tadbirlari to‘g‘risida” 2003-yil 19-noyabrdagi 520-son qaroriga 1-ilova o‘z kuchini yo‘qotgan deb hisoblansin.