LexUZ sharhi
Mazkur qaror O‘zbekiston Respublikasi Vazirlar Mahkamasining 2010-yil 24-martdagi 52-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Fuqarolarning pensiya ta’minoti tizimini yanada takomillashtirish chora-tadbirlari to‘g‘risida” 2009-yil 30-dekabrdagi PF-4161-son Farmoni, O‘zbekiston Respublikasi Prezidentining “O‘zbekiston Respublikasi Mehnat va aholini ijtimoiy muhofaza qilish vazirligi tuzilmasini takomillashtirish chora-tadbirlari to‘g‘risida” 2009-yil 30-dekabrdagi PQ—1251-son hamda O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining tashkiliy tuzilmasini shakllantirish chora-tadbirlari to‘g‘risida” 2009-yil 30-dekabrdagi PQ—1252-son qarorlari)”gi qaroriga asosan o‘z kuchini yo‘qotgan.
Ijtimoiy ta’minot tizimida davlat kafolatlarini amalga oshirish hamda pensiyalar, nafaqalar va kompensatsiyalarni to‘lashga yo‘naltiriladigan mablag‘larning maqsadli va aniq sarflanishi ustidan nazoratni kuchaytirish, shuningdek budjetdan tashqari Pensiya jamg‘armasini samarali boshqarishni tashkil etish maqsadida Vazirlar Mahkamasi qaror qiladi:
1. 2005-yil 1-yanvardan boshlab O‘zbekiston Respublikasining budjetdan tashqari Pensiya jamg‘armasi O‘zbekiston Respublikasi Moliya vazirligi huzuridagi Pensiya jamg‘armasiga (keyingi o‘rinlarda Jamg‘arma deb ataladi) aylantirilsin.
fuqarolarning davlat tomonidan kafolatlangan ijtimoiy ta’minot va ijtimoiy sug‘urtaga bo‘lgan huquqlarini amalga oshirish;
majburiy ajratmalar, badallar va boshqa to‘lovlarni budjetdan tashqari Pensiya jamg‘armasining yagona yig‘ma hisob raqamida jamlash;
2005-yil 1-yanvardan boshlab pensiyalar, nafaqalar va kompensatsiyalarni to‘lash xarajatlarini moliyalashtirish;
budjetdan tashqari Pensiya jamg‘armasiga mablag‘larning to‘liq tushishi va o‘z vaqtida sarflanishi ustidan nazoratni ta’minlash.
Oldingi tahrirga qarang.
(3-band O‘zbekiston Respublikasi Prezidentining 2009-yil 30-dekabrdagi PQ-1252-son qaroriga muvofiq o‘z kuchini yo‘qotgan — O‘R QHT, 2009-y., 52-son, 563-modda)
4. Belgilab qo‘yilsinki, quyidagilar budjetdan tashqari Pensiya jamg‘armasini shakllantirishning asosiy manbalari hisoblanadi:
mulkchilik shakllaridan qat’i nazar, yuridik shaxslar ish haqi fondidan yagona ijtimoiy to‘lovning belgilangan miqdori;
yuridik shaxs bo‘lmasdan tadbirkorlik faoliyati bilan shug‘ullanuvchi jismoniy shaxslarning ijtimoiy sug‘urtaga badallari;
Oldingi tahrirga qarang.
yuridik shaxslarning tovar aylanmasi va sotilgan mahsulotlar (bajarilgan ishlar, ko‘rsatilgan xizmatlar) hajmidan ajratmalari, qo‘shilgan qiymat solig‘i va aksiz solig‘i chiqarib tashlangan holda, shuningdek, kommunal xo‘jalik tizimi korxonalari uchun faoliyat xususiyatiga ko‘ra issiqlik energiyasi, suv va tabiiy gazning xarid qiymati hajmlari chiqarib tashlangan holda;
(4-band “a” kichik bandining oltinchi xatboshi O‘zbekiston Respublikasi Vazirlar Mahkamasining 2005-yil 5-iyuldagi 155-son qarori tahririda — O‘zbekiston Respublikasi Qonun hujjatlari to‘plami, 2005-y., 27-son, 190-modda)
muddatidan oldin va imtiyozli pensiyalar tayinlanishi munosabati bilan qoplanadigan mablag‘lar, shuningdek “Fuqarolarning davlat pensiya ta’minoti to‘g‘risida”gi O‘zbekiston Respublikasi Qonuniga muvofiq regress talablar (da’volar) bo‘yicha ish beruvchilar va fuqarolardan undiriladigan mablag‘lar;
majburiy ajratmalar, badallar va boshqa to‘lovlar o‘z vaqtida to‘lanmaganligi uchun belgilangan tartibda hisoblangan jarimalar va penya;
Belgilab qo‘yilsinki, budjetdan tashqari Pensiya jamg‘armasining vaqtincha bo‘sh mablag‘larini moliya bozorlarida joylashtirishdan foiz sifatida olinadigan daromadlarga soliq solinmaydi.
budjetdan tashqari Pensiya jamg‘armasiga majburiy ajratmalar, badallar va boshqa to‘lovlar miqdori hamda ularni to‘lash tartibi qonun hujjatlariga muvofiq belgilanadi;
budjetdan tashqari Pensiya jamg‘armasiga majburiy ajratmalar, badallar va to‘lovlar davlat soliqlari va yig‘imlariga tenglashtiriladi;
budjetdan tashqari Pensiya jamg‘armasining daromadlari va xarajatlari O‘zbekiston Respublikasining yig‘ma budjeti tarkibiga kiritiladi;
O‘zbekiston Respublikasi Davlat soliq qo‘mitasi budjetdan tashqari Pensiya jamg‘armasiga majburiy ajratmalar, badallar va to‘lovlarni yig‘ish va ularning to‘liq tushishini nazorat qilish funksiyalarini amalga oshiradi;
O‘zbekiston Respublikasi Mehnat va aholini ijtimoiy muhofaza qilish vazirligi pensiyalar, nafaqalar va kompensatsiyalarning o‘z vaqtida tayinlanishi va to‘lanishi, shuningdek korxonalar, tashkilotlar va muassasalarning davlat ijtimoiy sug‘urta bo‘yicha xarajatlari belgilangan tartibda moliyalashtirilishi ustidan nazoratni ta’minlaydi.
O‘zbekiston Respublikasi budjetdan tashqari Pensiya jamg‘armasining barcha darajalardagi hisob raqamlaridagi 2004-yil 31-dekabrdagi holatiga ko‘ra qoldiq mablag‘larning O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi hisob raqamiga o‘tkazilishini ta’minlasin;
O‘zbekiston Respublikasi Moliya vazirligi va Markaziy banki bilan birgalikda pensiyalar va ijtimoiy nafaqalarni yetkazib berish mexanizmini takomillashtirish yuzasidan takliflarni bir oy muddatda ishlab chiqsin va joriy etsin.
7. O‘zbekiston Respublikasi Hukumatining 4-ilovaga muvofiq ayrim qarorlari o‘z kuchini yo‘qotgan deb hisoblansin.
O‘zbekiston Respublikasi Adliya vazirligi, vazirliklar va idoralar bir oy muddatda amaldagi normativ hujjatlarga mazkur qarordan kelib chiqadigan o‘zgartirish va qo‘shimchalar kiritsinlar.
8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
Oldingi tahrirga qarang.
(2-ilova O‘zbekiston Respublikasi Prezidentining 2009-yil 30-dekabrdagi PQ-1252-son qaroriga muvofiq o‘z kuchini yo‘qotgan — O‘R QHT, 2009-y., 52-son, 563-modda)
Oldingi tahrirga qarang.
(3-ilova O‘zbekiston Respublikasi Prezidentining 2009-yil 30-dekabrdagi PQ-1252-son qaroriga muvofiq o‘z kuchini yo‘qotgan — O‘R QHT, 2009-y., 52-son, 563-modda)
1. Vazirlar Mahkamasining “O‘zbekiston Respublikasi pensiya ta’minoti tizimini takomillashtirish chora-tadbirlari to‘g‘risida” 2000-yil 15-noyabrdagi 444-son qarori (O‘zbekiston Respublikasi QT, 2000-y., 11-son, 71-modda).
2. Vazirlar Mahkamasining “Budjetdan tashqari Pensiya jamg‘armasi mablag‘larini shakllantirish va sarflash tartibi to‘g‘risidagi nizomni tasdiqlash haqida” 2000-yil 23-dekabrdagi 498-son qarori (O‘zbekiston Respublikasi QT, 2000-y., 12-son, 80-modda).
3. Vazirlar Mahkamasining “O‘zbekiston Respublikasi Mehnat va aholini ijtimoiy muhofaza qilish vazirligi hamda Tashqi mehnat migratsiyasi masalalari agentligi to‘g‘risidagi nizomlarni tasdiqlash haqida” 2001-yil 6-apreldagi 162-son qaroriga 3-ilovaning 34 va 36-bandlari (O‘zbekiston Respublikasi QT, 2001-y., 4-son, 21-modda).