LexUZ sharhi
Mazkur Farmon O‘zbekiston Respublikasi Prezidentining 2022-yil 14-dekabrdagi PF-263-sonli “O‘zbekiston Respublikasi Prezidentining ayrim hujjatlariga milliy qonunchilik bazasini kompleks tizimlashtirishga yo‘naltirilgan o‘zgartirishlar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasi Qurolli Kuchlari pensionerlarini ijtimoiy qo‘llab-quvvatlashni yanada takomillashtirish, kadrlar tayyorlash tizimida ilmiy salohiyatni saqlab qolish, xizmat-jangovar faoliyatni o‘tash davrida mudofaa va xavfsizlik vazirliklari hamda idoralari harbiylari va xodimlari tomonidan egallangan bilimlaridan samarali foydalanish va yosh avlodga bilim berish, o‘spirin avlodni vatanparvarlik, Vatanga sadoqat va muhabbat ruhida tarbiyalash, shuningdek, respublika harbiy-sanoat kompleksini rivojlantirish maqsadida:
1. Quyidagilarga 2017-yilning 1-aprelidan boshlab pensiya miqdori to‘liq hajmda to‘lanishi belgilansin:
Qurolli Kuchlar Akademiyasi, O‘zbekiston Respublikasining oliy harbiy ta’lim muassasalarining o‘qituvchilari va ilmiy xodimlari sifatida o‘z mehnat faoliyatini olib borayotgan harbiy-akademik litseylar rahbarlari, ularning o‘rinbosarlari va o‘qituvchilari, shuningdek, respublika akademik litseylari va kasb-hunar kollejlarining boshlang‘ich harbiy tayyorgarlik rahbarlari;
harbiy-sanoat kompleksi tuzilmasiga kiruvchi korxonalarning boshqaruv va ishlab chiqarish xodimlari tarkibidagi mutaxassislar.
b) O‘zbekiston Respublikasi Ichki ishlar vazirligi, Favqulodda vaziyatlar vazirligi, Milliy xavfsizlik xizmati va Davlat bojxona qo‘mitasi:
MXX instituti, O‘zbekiston Respublikasi Strategik tahlil va prognozlashtirish oliy maktabi, Maxsus tayyorlov o‘quv markazi, Radioelektron tizimlar va axborot texnologiyalari markazi, shuningdek, Fuqaro muhofazasi instituti, aholini tayyorlash hududiy markazlari va FVV rahbar tarkibi hamda O‘zbekiston Respublikasining boshqa oliy harbiy ta’lim muassasalarida;
respublika akademik litseylari va kasb-hunar kollejlarining ma’naviyat va ma’rifat hamda tarbiyaviy ishlari bo‘yicha rahbarlarining o‘rinbosarlari sifatida mehnat faoliyatini o‘qituvchi va ilmiy xodim sifatida olib borayotgan harbiy xizmatchilari va xodimlari;
harbiy-sanoat kompleksi tuzilmasiga kiruvchi korxonalarning boshqaruv va ishlab chiqarish xodimlari tarkibidagi mutaxassislar.
Pensiyalar, agarda yuqorida qayd etilgan faoliyat turi harbiy pensionerning yagona ish joyi bo‘lsagina to‘lanadi.
Keyingi tahrirga qarang.
LexUZ sharhi
11-band O‘zbekiston Respublikasi Prezidentining 2017-yil 6-iyuldagi PF-5110-sonli Farmoniga asosan kiritilgan. Rus tili matniga qarang.
LexUZ sharhi
12 va 13-bandlar O‘zbekiston Respublikasi Prezidentining 2018-yil 7-fevraldagi PF-5328-sonli Farmoniga asosan kiritilgan. Rus tili matniga qarang.
2. O‘zbekiston Respublikasi Mudofaa vazirligi (K. Berdiyev) Mehnat vazirligi (A. Abduxakimov), Moliya vazirligi (B. Xodjayev) va Oliy ta’lim vazirligi O‘rta maxsus va kasb-hunar ta’limi markazi (U. Salimov) bilan birgalikda 2017-yilning 1-martigacha mamlakatimizning harbiy-akademik litseylari, shuningdek, akademik litseylar va kasb-hunar kollejlariga harbiy xizmatchilardan pensionerlarni ishga qabul qilish tartibi to‘g‘risidagi Nizomni ishlab chiqsin.
3. O‘zbekiston Respublikasi Mudofaa vazirligi (K. Berdiyev), Ichki ishlar vazirligi (A. Azimov), Favqulodda vaziyatlar vazirligi (K. Aripov), Milliy xavfsizlik xizmati (R. Inoyatov) va Davlat bojxona qo‘mitasi (M. Toxiriy) Adliya vazirligi (M. Ikromov) boshqa mutasaddi vazirliklar va idoralar bilan birgalikda bir oy muddatda ushbu Farmondan kelib chiqadigan o‘zgartishlarni o‘zlarining idoraviy normativ-huquqiy hujjatlariga kiritsin.