LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 13-apreldagi 207-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zbekiston Respublikasining turizm sohasini jadal rivojlantirishni ta’minlash chora-tadbirlari to‘g‘risida” 2016-yil 2-dekabrdagi PF-4861-son Farmoni va O‘zbekiston Respublikasi Prezidentining “O‘zbekiston Respublikasi Turizmni rivojlantirish davlat qo‘mitasi faoliyatini tashkil etish to‘g‘risida” 2016-yil 2-dekabrdagi PQ–2666-son qarori)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Respublika davlat boshqaruvi organlari tizimini takomillashtirish to‘g‘risida” 2003-yil 9-dekabrdagi PF-3358-son Farmonini bajarish yuzasidan va turizm sohasida boshqaruvning samarali tizimini ta’minlash maqsadida Vazirlar Mahkamasi qaror qiladi:
turizm sohasida yagona davlat siyosati o‘tkazilishini ta’minlash, turistik xizmatlar infratuzilmalarini shakllantirishga ko‘maklashish;
turizmni rivojlantirish davlat dasturlarini, turistlarning muhofaza qilinishini va xavfsizligini ta’minlash dasturlarini amalga oshirish, turistik faoliyatni tarmoqlararo va mintaqalararo muvofiqlashtirish;
turizmni rivojlantirish sohasiga xorijiy kreditlar va investitsiyalarni jalb etish, xorijiy mamlakatlar, shuningdek xorijiy kompaniyalar bilan hamkorlikning uzoq muddatli dasturlarini rivojlantirish;
turizm sohasi uchun kadrlarni tayyorlash, qayta tayyorlash va ularning malakasini oshirish chora-tadbirlari kompleksini amalga oshirish, turizm tarmoq fanini rivojlantirishga ko‘maklashish.
“O‘zbekturizm” milliy kompaniyasining tashkiliy tuzilmasi va markaziy apparat xodimlarining cheklangan umumiy soni 45 nafar, shu jumladan boshqaruv xodimlari 30 nafar bo‘lgan markaziy apparati tuzilmasi 1 va 2-ilovalarga muvofiq;
“O‘zbekturizm” milliy kompaniyasi mintaqaviy bo‘limining namunaviy tuzilmasi 4-ilovaga muvofiq tasdiqlansin.
“O‘zbekturizm” milliy kompaniyasi raisiga zarurat bo‘lganda kompaniya markaziy apparati tuzilmasiga xodimlarning belgilangan cheklangan umumiy soni doirasida o‘zgartirishlar kiritishga ruxsat berilsin.
3. 5-ilovaga muvofiq mehmonxona xo‘jaligi korxonalaridagi davlat ulushlari professional boshqaruvchi kompaniyalarga ishonchli boshqaruvga berilgungacha yoki to‘liq sotilgungacha bo‘lgan davrda ularni boshqarish huquqi “O‘zbekturizm” milliy kompaniyasida saqlab qolinsin.
“O‘zbekturizm” milliy kompaniyasi “Otel O‘zbekiston” qo‘shma korxonasini xorijiy kompaniyaga tashqi menejment asosida boshqaruvga 2004-yil oxirigacha berish yuzasidan bir oy muddatda Vazirlar Mahkamasiga taklif kiritsin.
4. Belgilab qo‘yilsinki, “O‘zbekturizm” milliy kompaniyasining markaziy apparati va mintaqaviy bo‘limlari ta’minotiga xarajatlar litsenziyalar ko‘rib chiqilganligi uchun yig‘imdan, sertifikatlashga doir xizmatlar ko‘rsatishdan, o‘z xo‘jalik faoliyatidan tushumlar va qonun hujjatlarida taqiqlanmagan boshqa manbalar hisobiga mablag‘ bilan ta’minlanadi.
Keyingi tahrirga qarang.
O‘zbekiston Respublikasi Iqtisodiyot vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, boshqa manfaatdor vazirliklar va idoralar bilan birgalikda 2004-yil 1-dekabrgacha bo‘lgan muddatda 2010-yilgacha bo‘lgan davrda turizmni rivojlantirish davlat dasturini ishlab chiqsin va Vazirlar Mahkamasiga kiritsin;
manfaatdor vazirliklar va idoralar bilan birgalikda sayyohlarning O‘zbekiston Respublikasiga kelishi va ketishi tartibi to‘g‘risidagi nizomni bir oy muddatda ishlab chiqsin va belgilangan tartibda tasdiqlasin.
6. “O‘zbekturizm” milliy kompaniyasi, O‘zbekiston Respublikasi Iqtisodiyot vazirligi va Moliya vazirligining budjetdan tashqari Turizmni rivojlantirish jamg‘armasini tashkil etish, sayyohlarga xizmat ko‘rsatilganligi uchun turistik firmalar va mehmonxona xo‘jaliklaridan undiriladigan turistik yig‘imni jamg‘armani shakllantirish manbalari etib belgilash haqidagi taklifiga rozilik berilsin.
Keyingi tahrirga qarang.
O‘zbekiston Respublikasi Moliya vazirligi, “O‘zbekturizm” milliy kompaniyasi Turistik yig‘im hamda Turizmni rivojlantirish jamg‘armasi mablag‘larini shakllantirish va ulardan foydalanish tartibi to‘g‘risidagi nizomni bir oy muddatda ishlab chiqsinlar va belgilangan tartibda tasdiqlasinlar, bunda Jamg‘armaning mablag‘laridan reklama faoliyatida, jalb etiladigan kreditlarni qaytarishda va turizm infratuzilmasini rivojlantirishda maqsadli foydalanilishini nazarda tutsinlar.
7. Vazirlar Mahkamasining “O‘zbekturizm” milliy kompaniyasining Ustavini tasdiqlash to‘g‘risida” 1993-yil 15-fevraldagi 82-son qarori (O‘zbekiston Respublikasi QT, 1993-y., 2-son, 5-modda) o‘z kuchini yo‘qotgan deb hisoblansin.
O‘zbekiston Respublikasi Hukumatining 6-ilovaga muvofiq ayrim qarorlariga o‘zgartirishlar kiritilsin.
8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.A. Azizxo‘jayev va R.S. Azimov zimmasiga yuklansin.
1. “O‘zbekturizm” milliy kompaniyasi (keyingi o‘rinlarda Kompaniya deb ataladi) turizm sohasidagi vakolatli davlat organi hisoblanadi va o‘z faoliyati to‘g‘risida O‘zbekiston Respublikasi Vazirlar Mahkamasiga hisob beradi.
O‘zbekiston Respublikasi viloyatlari markazlaridagi Sayohat va ekskursiyalar byurosi davlat korxonalari;
3. Kompaniya o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi qarorlariga va boshqa hujjatlariga, O‘zbekiston Respublikasi Prezidenti farmonlari, qarorlari va farmoyishlariga, O‘zbekiston Respublikasi Vazirlar Mahkamasi qarorlari va farmoyishlariga, shuningdek ushbu Nizomga amal qiladi.
4. Kompaniya o‘z faoliyatini davlat boshqaruvi boshqa organlari, mahalliy davlat hokimiyati organlari, jamoat birlashmalari va boshqa tashkilotlar bilan o‘zaro hamkorlikda amalga oshiradi.
5. Markaziy apparat va mintaqaviy bo‘limlar ta’minotiga xarajatlar litsenziyalar berish to‘g‘risidagi arizalar ko‘rib chiqilganligi uchun yig‘imlardan, sertifikatlashtirishga doir xizmatlar ko‘rsatishdan tushumlar hamda qonun hujjatlarida taqiqlanmagan boshqa manbalar hisobiga mablag‘ bilan ta’minlanadi.
Keyingi tahrirga qarang.
6. Kompaniya va uning mintaqaviy bo‘limlari yuridik shaxs hisoblanadilar, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga ega bo‘ladilar.
turizm sohasida yagona davlat siyosati o‘tkazilishini ta’minlash, turistik xizmatlar infratuzilmalarini shakllantirishga ko‘maklashish;
turizmni rivojlantirish davlat dasturlarini, turistlarning muhofaza qilinishini va xavfsizligini ta’minlash dasturlarini amalga oshirish, turistik faoliyatni tarmoqlararo va mintaqalararo muvofiqlashtirish;
turizmni rivojlantirish sohasiga xorijiy kreditlar va investitsiyalarni jalb etish, xorijiy mamlakatlar, shuningdek xorijiy kompaniyalar bilan hamkorlikning uzoq muddatli dasturlarini rivojlantirish;
turizm sohasi uchun kadrlarni tayyorlash, qayta tayyorlash va ularning malakasini oshirish chora-tadbirlari kompleksini amalga oshirish, turizm tarmoq fanini rivojlantirishga ko‘maklashish.
O‘zbekiston Respublikasida turizmni rivojlantirishning asosiy strategik yo‘nalishlarini ishlab chiqadi;
turizmni rivojlantirish bo‘yicha normativ-huquqiy hujjatlar loyihalarini ishlab chiqishda qatnashadi;
tahliliy ishlarni amalga oshiradi va respublikada turizmni rivojlantirishning asosiy tendensiyalari va prognozlarini belgilaydi;
turizmni rivojlantirish bo‘yicha takliflar tayyorlaydi hamda maqsadli, tarmoq va mintaqaviy dasturlar bajarilishini muvofiqlashtirishni tashkil qiladi;
turistik xizmatlarning amalga oshirilishini reklama-axborot bilan ta’minlash faoliyatini amalga oshiradi;
xorijiy davlatlarning milliy turistik ma’muriyatlari va ularning O‘zbekiston Respublikasidagi vakolatxonalari bilan hamkorlikni amalga oshiradi;
Jahon turizm tashkiloti hamda turizm bilan bog‘liq boshqa xalqaro tashkilotlar bilan o‘zaro hamkorlikni ta’minlaydi, ularda respublika manfaatlarini ifodalaydi;
tashqi bozorda O‘zbekiston Respublikasi manfaatlariga rioya etilishini tahlil qiladi hamda uning asosida turizm sohasidagi salbiy holatlarni bartaraf etish bo‘yicha takliflar tayyorlaydi;
9. Kompaniya o‘ziga yuklangan vazifalar va funksiyalarni bevosita, shuningdek mintaqaviy bo‘limlar, tasarrufidagi boshqa tashkilotlar orqali bajaradi.
tegishli vazirliklar va idoralardan turizm faoliyati masalalari bo‘yicha axborotlarni so‘rash va olish;
xorijiy davlatlarning vakolatli organlari bilan belgilangan tartibda axborotlar ayirboshlashni amalga oshirish;
o‘z vakolatlari doirasida konferensiyalar, yig‘ilishlar, seminarlar, simpoziumlar o‘tkazish, ko‘rgazmalar va boshqa tadbirlarni tashkil qilish, shuningdek boshqa tashkilotlar tomonidan o‘tkaziladigan shu kabi tadbirlarda qatnashish;
turizmni rivojlantirishga yo‘naltirilgan loyihalarni birgalikda ishlab chiqish, tajriba almashish maqsadida xalqaro, xorijiy va respublika tashkilotlari bilan amaliy aloqalar o‘rnatish;
xalqaro normalar asosida otellar, mehmonxonalar, kempinglar, shuningdek turistlarga xizmatlar ko‘rsatuvchi boshqa obyektlar klassifikatsiyasini ishlab chiqishda qatnashish.
12. Kompaniyani qonun hujjatlarida belgilangan tartibda lavozimga tayinlanadigan va lavozimdan ozod qilinadigan rais boshqaradi.
Kompaniya vakolatiga kiradigan masalalar bo‘yicha qarorlar qabul qiladi hamda Kompaniyaga yuklangan vazifalar va funksiyalarning bajarilishi uchun shaxsan javob beradi;
o‘z o‘rinbosarlarining vakolatlarini belgilaydi, ular o‘rtasida vazifalarni taqsimlaydi, Kompaniya tizimidagi boshqa mansabdor shaxslarning vakolatlarini, o‘z o‘rinbosarlarining va boshqa mansabdor shaxslarning Kompaniya faoliyatining alohida uchastkalariga rahbarligi hamda tasarrufidagi tashkilotlar ishlari uchun javobgarlik darajasini belgilaydi;
Kompaniya tizimi xodimlarining bajarishi majburiy bo‘lgan buyruqlar chiqaradi va ko‘rsatmalar beradi;
Kompaniya markaziy apparati tuzilmasiga xodimlarning belgilangan umumiy soni doirasida o‘zgartirishlar kiritadi, shtat jadvalini, shuningdek Kompaniya markaziy apparati, tasarrufidagi tashkilotlar xarajatlari smetalarini tasdiqlaydi;
Kompaniyaning tarkibiy bo‘linmalari va mintaqaviy bo‘limlari to‘g‘risidagi nizomlarni, o‘z tizimiga kiradigan tasarrufidagi boshqa tashkilotlarning ustavlarini belgilangan tartibda tasdiqlaydi;
Kompaniya markaziy apparati xodimlarini, mintaqaviy bo‘limlarning, Kompaniya tizimiga kiruvchi tasarrufidagi boshqa tashkilotlarning rahbarlarini belgilangan tartibda lavozimga tayinlaydi va lavozimdan ozod qiladi.
Oldingi tahrirga qarang.
14. Kompaniyada rais (hay’at raisi), uning o‘rinbosarlari (lavozimiga ko‘ra), shuningdek Kompaniya faoliyatining asosiy yo‘nalishlarini muvofiqlashtiruvchi tarkibiy bo‘linmalari rahbarlaridan iborat tarkibda hay’at tashkil etiladi.
Hay’atning a’zolari soni va shaxsiy tarkibi raisning taqdimnomasiga binoan O‘zbekiston Respublikasi Vazirlar Mahkamasi tomonidan tasdiqlanadi.
Kompaniya faoliyatining turizm sohasida yagona davlat siyosati o‘tkazilishini ta’minlashni davom ettirish, turistik xizmatlar infratuzilmalarini shakllantirishga ko‘maklashish, shuningdek turizmni rivojlantirish davlat dasturlarini, turistlarning muhofaza qilinishini va xavfsizligini ta’minlash dasturlarini amalga oshirish bo‘yicha ushbu Nizomda belgilangan asosiy yo‘nalishlarini tayyorlash va amalga oshirish;
“O‘zbekturizm” milliy kompaniyasi nomenklaturasiga kiradigan lavozimlarga kadrlarni tanlash, joy-joyiga qo‘yish, tayyorlash va qayta tayyorlash;
O‘zbekiston Respublikasi Prezidentining farmonlari, qarorlari va farmoyishlarida, O‘zbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish bo‘yicha ijro intizomini mustahkamlash, ularning o‘z vaqtida va sifatli amalga oshirilishini ta’minlash uchun Kompaniya rahbarlari va xodimlarining shaxsiy javobgarligini oshirish.
Hay’at majlisiga Kompaniya vakolatiga kiradigan masalalar bo‘yicha boshqa vazirliklar, davlat qo‘mitalari, idoralar, mahalliy davlat hokimiyati organlari, korxonalar, muassasalar, tashkilotlar rahbarlari taklif etilishi mumkin.
Hay’at uning majlisida tarkibining yarmidan ko‘pi qatnashgan taqdirda vakolatli bo‘ladi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.
Hay’at qarorlari raisning buyruqlari bilan amalga oshiriladi. Rais va hay’at a’zolari o‘rtasida kelishmovchiliklar paydo bo‘lgan taqdirda rais paydo bo‘lgan kelishmovchiliklar to‘g‘risida O‘zbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hay’at a’zolari ham o‘z fikr-mulohazalarini O‘zbekiston Respublikasi Vazirlar Mahkamasiga xabar qilishlari mumkin.
(14-band O‘zbekiston Respublikasi Vazirlar Mahkamasining 2010-yil 5-iyundagi 108-sonli qarori tahririda — O‘R QHT, 2010-y., 23-son, 183-modda)
15. Mintaqaviy bo‘limlar o‘z faoliyatini tegishli viloyatlarning hokimlari bilan kelishgan holda Kompaniya tomonidan tasdiqlanadigan nizomlarga muvofiq amalga oshiradilar.
Kompaniyaning mintaqaviy bo‘limlari rahbarlari lavozimga tegishli viloyatlar hokimlarining taqdimnomasiga binoan rais tomonidan tayinlanadi.
№ | Korxonalar ro‘yxati | Ustav fondidagi davlat ulushi (%) |
1. | “Otel O‘zbekiston” qo‘shma korxonasi yopiq turdagi aksiyadorlik jamiyati | 58 |
2. | “Shodlik” davlat korxonasi aksiyadorlik jamiyati | 16 |
3. | “Varaxsha” davlat korxonasi mas’uliyati cheklangan jamiyati | 25 |
4. | “Samarqand” davlat korxonasi aksiyadorlik jamiyati | 25 |
5. | “Chorsu” davlat korxonasi mas’uliyati cheklangan jamiyati | 30 |
6. | “Jizzaxsayohat” davlat korxonasi aksiyadorlik jamiyati | 9 |
1. Vazirlar Mahkamasining ““O‘zbekturizm” milliy kompaniyasi faoliyatini tashkil etish masalalari to‘g‘risida” 1992-yil 20-oktabrdagi 484-son qarorining 2—5-bandlari o‘z kuchini yo‘qotgan deb hisoblansin.
2. Vazirlar Mahkamasining “O‘zbekiston Respublikasida xalqaro turizmning zamonaviy infrastrukturasini barpo etish chora-tadbirlari to‘g‘risida” 1995-yil 3-iyundagi 210-son qarorining (O‘zbekiston Respublikasi QT, 1995-y., 6-son, 20-modda) 5, 7 va 8-bandlari o‘z kuchini yo‘qotgan deb hisoblansin.
3. Vazirlar Mahkamasining “Sayyohlik tashkilotlari faoliyatini tashkil etishni takomillashtirish to‘g‘risida” 1998-yil 8-avgustdagi 346-son qarorida (O‘zbekiston Respublikasi QT, 1998-y., 8-son, 29-modda):
1-bandning birinchi xatboshidagi “uning “O‘zbekturizm” milliy kompaniyasiga qo‘shilgan a’zo sifatida kirishi” so‘zlari chiqarib tashlansin;