Keyingi tahrirga qarang.
O‘zbekiston Respublikasi Bojxona kodeksi va O‘zbekiston Respublikasi Prezidentining 2017-yil 7-fevraldagi “O‘zbekiston Respublikasini yanada rivojlantirish bo‘yicha harakatlar strategiyasi to‘g‘risida”gi PF-4947-son Farmoniga muvofiq, fuqarolarni bojxona rasmiylashtiruvidan o‘tkazish sharoitlarini jahon standartlariga muvofiqligini ta’minlash, bojxona rasmiyatchiligini soddalashtirish, nazoratning samarali usullarini qo‘llash, shuningdek, turizmni rivojlantirish uchun yanada qulay sharoitlarni yaratish maqsadida Vazirlar Mahkamasi qaror qiladi:
1. O‘zbekiston Respublikasi bojxona chegarasi orqali o‘tkazish punktlarida ikki yo‘lakli tizimni qo‘llash tartibi to‘g‘risidagi nizom 1-ilovaga muvofiq tasdiqlansin.
Keyingi tahrirga qarang.
2021-yil 1-yanvardan boshlab — O‘zbekiston Respublikasi bojxona chegarasi orqali avtomobil va temir yo‘l o‘tkazish punktlarida kuchga kiradi.
Keyingi tahrirga qarang.
3. O‘zbekiston Respublikasi Davlat bojxona qo‘mitasi mutasaddi vazirlik va idoralar bilan birgalikda xalqaro aeroportlarda ikki yo‘lakli tizimni ishlashini ta’minlash uchun kerakli infrastruktura ishlari bir oy muddatda o‘tkazilsin.
4. O‘zbekiston Respublikasi Davlat statistika qo‘mitasi va O‘zbekiston Respublikasi Vazirlar Mahkamasi huzuridagi Davlat personallashtirish markazi bir oy muddatda O‘zbekiston Respublikasidan chiqib ketayotgan hamda O‘zbekiston Respublikasiga kirib kelayotgan shaxslarning safar maqsadi, mamlakati, yoshi va regioni bo‘yicha shakllanishini ta’minlaydigan davlat statistika hisoboti shaklini ishlab chiqilsin va amaliyotga kiritilsin.
5. Vazirlar Mahkamasining 2007-yil 15-maydagi 97-sonli “Mehnat faoliyatini amalga oshirish uchun chet ellarga ketayotgan O‘zbekiston Respublikasi fuqarolarini hisobga olishni takomillashtirish to‘g‘risida”gi qaroriga (O‘zbekiston Respublikasi qonun hujjatlari to‘plami, 2007-y., 19-20-son, 197-modda) 2-ilovaga muvofiq o‘zgartirishlar kiritilsin.
6. Vazirlik va idoralar o‘zlari qabul qilgan normativ-huquqiy hujjatlarini bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” aksiyadorlik jamiyati boshqaruvi raisi A.J. Ramatov va O‘zbekiston Respublikasi Davlat bojxona qo‘mitasi raisi M.V. Toxiriy zimmasiga yuklansin.
Keyingi tahrirga qarang.
1. Ushbu Nizom O‘zbekiston Respublikasi Bojxona kodeksiga muvofiq O‘zbekiston Respublikasining bojxona chegarasi orqali o‘tkazish punktlarida ikki yo‘lak tizimini qo‘llash talablari va tartibini, shuningdek bojxona chegarasi orqali o‘tadigan jismoniy shaxsning bojxona operatsiyalarini amalga oshirish maqsadida notijorat maqsadlar uchun mo‘ljallangan tovarlarni deklaratsiyalash shakli sifatida “yashil” yoki “qizil” yo‘lakni tanlash qoidalarini belgilaydi.
1-bandga O‘zbekiston Respublikasi Vazirlar Mahkamasining 2018-yil 26-martdagi 235-sonli qaroriga asosan o‘zgartirish kiritilgan. Rus tili matniga qarang.
Keyingi tahrirga qarang.
“yashil” yo‘lak — kirib kelish va chiqib ketish joylarida maxsus belgilangan, jismoniy shaxslarning notijorat maqsadlardagi ko‘l yuki va kuzatib borilayotgan bagajdagi tovarlarni bojxona chegarasidan olib o‘tishi uchun mo‘ljallangan joy;
Keyingi tahrirga qarang.
“qizil” yo‘lak — kirib kelish va chiqib ketish joylarida maxsus belgilangan, jismoniy shaxslarning yozma shaklda deklaratsiyalanishi lozim bo‘lgan qo‘l yuki va kuzatib borilayotgan bagajdagi tovarlarni, shuningdek deklaratsiyalanishi jismoniy shaxsning ixtiyoriga ko‘ra amalga oshiriladigan tovarlarni bojxona chegarasidan olib o‘tishi uchun mo‘ljallangan joy.
bojxona hududiga kirib kelish yoki ushbu hududdan chiqib ketish joyi — chegara yonidagi bojxona komplekslari va postlari, xalqaro havo yo‘llari (parvozlar) uchun ochiq aeroportlar, O‘zbekiston Respublikasining chegara va bojxona nazorati amalga oshiriladigan, shuningdek fuqarolar, transport vositalari va tovarlar o‘tkaziladigan Davlat (bojxona) chegarasi orqali o‘tkazish punktlarida joylashgan temir yo‘l stansiyalari (vokzallar).
3. Bojxona hududiga kirib kelish yoki ushbu hududdan chiqib ketish joylarida ikki yo‘lak tizimini qo‘llash uchun kamida bitta “yashil” va “qizil” yo‘lak ajratiladi. Yo‘laklar umumiy soni bojxona organi tomonidan yo‘lovchilar oqimi va mavjud imkoniyatlardan kelib chiqqan holda belgilanadi.
4. Har bir yo‘lak tomonga harakatlanish va har bir yo‘lakka kirish yo‘nalishi aniq belgilanishi hamda farqlanishi zarur.
“Yashil” yo‘lakka kirish oq fonda yashil rangli sakkiz burchak shaklidagi, shuningdek yashil rangda davlat tili. rus va ingliz tilida “Yashil yo'lak”, “Zelyoniy koridor” va “Green channel”, “Yozma deklaratsiyalanmaydigan tovarlar”, “Tovari, ne podlejaщiye pismennomu deklarirovaniyu” va “Nothing to declare” yozuvlari bo‘lgan maxsus grafik belgi bilan belgilanadi.
“Qizil” yo‘lakka kirish oq fonda qizil rangli to‘rtburchak shaklidagi, shuningdek davlat tili, rus va ingliz tilida “Qizil yo'lak”, “Krasniy koridor” va “Red channel”, “Yozma deklaratsiyalanadigan tovarlar”, “Tovari podlejaщiye pismennomu deklarirovaniyu” va “Goods to declare” yozuvlari bo‘lgan maxsus grafik belgi bilan belgilanadi.
Yozuvlar uchun davlat tili, rus va ingliz tilidan tashqari faoliyat ko‘rsatadigan hududida bojxona hududiga kirib kelish yoki ushbu hududdan chiqib ketish joyi joylashgan bojxona organlari qo‘llanilishini maqsadga muvofiq deb biladigan boshqa har qanday tildan foydalanishga yo‘l qo‘yiladi.
5. “Yashil” va “qizil” yo‘laklarga kirish va ulardan chiqish joylari eni 50 santimetr bo‘lgan tegishli rangdagi liniyalar bilan belgilanadi.
Keyingi tahrirga qarang.
a) bojxona hududiga kirib kelish joylarida (xalqaro havo yo‘llari (parvozlar) uchun ochiq aeroportlardan tashqari) — chegara nazoratidan o‘tgandan so‘ng;
b) bojxona hududidan chiqish joylarida (xalqaro havo yo‘llari (parvozlar) uchun ochiq aeroportlardan tashqari) — chegara nazoratidan o‘tishdan oldin;
kirib kelishda — jismoniy shaxs yo‘lakni tanlashda kuzatib boriladigan bagajga ega bo‘lishi uchun bagaj beriladigan joydan so‘ng;
v) chiqib ketishda — jismoniy shaxs yo‘lakni tanlashda kuzatib boriladigan bagajga ega bo‘lishi uchun yo‘lovchilarni ro‘yxatdan o‘tkazish va bagajni topshirish joyidan so‘ng joylashtirilishi zarur.
7. Xalqaro havo yo‘llari (parvozlar) uchun ochiq aeroportlarda bojxona hududidan chiqib ketishda yo‘lovchilarni ro‘yxatdan o‘tkazish hamda bagajni topshirish joylarida bojxona nazoratini amalga oshirishgacha aviatashuvchiga topshirilgan kuzatib boriladigan bagajda olib o‘tiladigan tovarlarga nisbatan bojxona qonunchiligi buzilishlariga rioya etilishi va bunday buzilishlarni, shuningdek bunday qonunbuzarliklarni sodir etgan shaxslarni o‘z vaqtida aniqlash imkonini beradigan sharoitlar yaratilgan holatda, “yashil” va “qizil” yo‘laklarni joylashtirishga ruxsat etiladi.
Keyingi tahrirga qarang.
8. “Yashil” va “qizil” yo‘laklar boshqa yo‘lak orqali o‘tadigan shaxslarni kuzatishni istisno etadigan uslubda ajratilishi lozim.
9. Bojxona organi bojxona hududiga kirib kelish yoki ushbu hududdan chiqib ketish joylarida bevosita ikki yo‘lak tizimi oldida jismoniy shaxslarga bojxona chegarasi orqali olib o‘tiladigan tovarlarni deklaratsiyalash uchun tegishli yo‘lakni ongli ravishda tanlash imkonini beradigan axborot hududini tashkil etishi lozim.
10. Axborot hududida jismoniy shaxslarning bojxona chegarasi orqali shaxsiy foydalanishi uchun mo‘ljallangan tovarlarni olib o‘tish masalasi bo‘yicha bojxona qonunchiligi va bajarilishini nazorat qilish bojxona organlariga yuklangan boshqa qonun hujjatlarining asosiy qoidalari, ikki yo‘lak tizimini qo‘llash tartibi haqida qisqacha ma’lumotnomalar, shuningdek bojxona qonunchiligini buzganlik uchun javobgarlik to‘g‘risida ogohlantirish joylashtirilishi kerak.
Keyingi tahrirga qarang.
11. Axborot hududi davlat tili, rus va ingliz tilidagi, shuningdek faoliyat ko‘rsatadigan hududida bojxona hududiga kirib kelish yoki ushbu hududdan chiqib ketish joyi joylashgan bojxona organlari qo‘llanilishini maqsadga muvofiq deb biladigan boshqa har qanday tildagi axborot materiallarini o‘z ichiga olgan stendlar, shchitlar, tablo va boshqa qurilmalar bilan jihozlanishi darkor.
Axborot hududida yo‘lovchi bojxona deklaratsiyalari blanklarini to‘ldirish joylari, toza blankalar va davlat tili, rus hamda ingliz tilida to‘ldirish namunalari bo‘lishi lozim.
Keyingi tahrirga qarang.
qiymati va (yoki) miqdori bojsiz olib kirish normasidan va qonun hujjatlarida belgilangan aksiz solig‘i solinmaydigan tovarlarni olib kirish normasidan oshadigan tovarlar;
Keyingi tahrirga qarang.
yozma deklaratsiyalashtiriladigan O‘zbekiston Respublikasining naqd milliy valyutasi va xorijiy valyutadagi olib kirish va olib chiqishga ruxsat etilgan mablag‘lar cheklangan normalari.
13. O‘n olti yoshga to‘lmagan shaxslar qo‘l yuki va kuzatib boriladigan bagajda olib o‘tadigan tovarlar unga hamrohlik qiluvchi shaxs tomonidan deklaratsiyalashtiriladi.
14. Jismoniy shaxsning “yashil” yo‘lakdan o‘tishi bojxona maqsadlari uchun bojxona organiga mazkur shaxsning yozma deklaratsiyalashtiriladigan tovarlari yo‘qligi haqida ma’lum qilish sifatida ko‘rib chiqiladi.
15. Jismoniy shaxs “yashil” yo‘lak bo‘yicha bojxona chegarasi orqali olib kirish/olib chiqish taqiqlangan yoki cheklangan yoxud qiymati va (yoki) miqdori bojsiz olib kirish normasi hamda aksiz solig‘i solinmaydigan tovarlarni olib kirish normasidan, shuningdek yozma deklaratsiyalashtiriladigan O‘zbekiston Respublikasining naqd milliy valyutasi va xorijiy valyutadagi olib kirish va olib chiqishga ruxsat etilgan mablag‘larning cheklangan normasidan ortadigan tovarlarni olib o‘tayotgani gumon qilinganda yoxud bu haqida axborot mavjud bo‘lsa, bojxona organining mansabdor shaxsi bunday shaxsga nisbatan bojxona qonunchiligiga rioya etilishini ta’minlaydigan bojxona nazorati shaklini qo‘llash huquqiga ega.
Keyingi tahrirga qarang.
LexUZ sharhi
15-bandga O‘zbekiston Respublikasi Vazirlar Mahkamasining 2018-yil 26-martdagi 235-sonli qaroriga asosan o‘zgartirish kiritilgan. Rus tili matniga qarang.
Keyingi tahrirga qarang.
16. “Yashil” yo‘lak orqali o‘tadigan yoki jo‘nab ketadigan shaxsda olib kirish yoki olib chiqish taqiqlangan yoki cheklangan, qiymati va (yoki) miqdori bojsiz olib kirish normasi hamda aksiz solig‘i solinmaydigan tovarlarni olib kirish normasidan, shuningdek yozma deklaratsiyalashtiriladigan O‘zbekiston Respublikasining naqd milliy valyutasi va xorijiy valyutadagi olib kirish va olib chiqishga ruxsat etilgan mablag‘larning cheklangan normasidan ortadigan tovarlar borligi aniqlangan holatlarda, bunday shaxs O‘zbekiston Respublikasining amaldagi qonun hujjatlariga muvofiq javobgarlikka tortiladi.
17. “Qizil” yo‘lak orqali o‘tadigan jismoniy shaxslar belgilangan tartibda yo‘lovchi bojxona deklaratsiyasini to‘ldiradi.
18. O‘n olti yoshga to‘lmagan shaxslar qo‘l yuki va kuzatib boriladigan bagajda olib o‘tadigan tovarlar unga hamrohlik qiluvchi shaxs tomonidan deklaratsiyalashtiriladi.
19. Bojxona organlari “qizil” yo‘lakda bojxona nazorati shakllarini qo‘llashda tanlash prinsipiga asoslanadi va bojxona qonunchiligiga rioya etilishini ta’minlaydigan bojxona nazorati shakllari bilan cheklanadi. Bojxona nazorati shaklini tanlash bojxona organi mansabdor shaxsi tomonidan belgilanadi.
20. “Qizil” yo‘lak orqali o‘tadigan jismoniy shaxsda yo‘lovchi bojxona deklaratsiyasida qayd etilmagan, yozma ravishda deklaratsiyalashtirishi shart bo‘lgan tovarlar borligi aniqlangan holatlarda, bunday shaxs O‘zbekiston Respublikasining amaldagi qonun hujjatlariga muvofiq javobgarlikka tortiladi.
Keyingi tahrirga qarang.
21. Jismoniy shaxslarning ishlab chiqarish yoki tijorat maqsadlari uchun mo‘ljallangan tovarlarni bojxona chegarasi orqali olib o‘tishida bojxona rasmiylashtiruvining qonun hujjatlarida belgilangan umumiy qoidalari qo‘llaniladi.
Keyingi tahrirga qarang.
Keyingi tahrirga qarang.
“2. O‘zbekiston Respublikasi Davlat statistika qo‘mitasi O‘zbekiston Respublikasi Vazirlar Mahkamasi huzuridagi Davlat personallashtirish markazi bilan birgalikda O‘zbekiston Respublikasidan chiqib ketgan va O‘zbekiston Respublikasiga kelgan shaxslar to‘g‘risida ularning borish maqsadlari, mamlakatlar, yoshi va mintaqalar bo‘yicha har choraklik statistika hisoboti yuritilishini ta’minlasin
Bunda O‘zbekiston Respublikasi Vazirlar Mahkamasi huzuridagi Davlat personallashtirish markazining ma’lumotlari ketgan va kelgan shaxslar to‘g‘risidagi axborot manbai hisoblanadi”.
3. Mehnat faoliyatini va tadbirkorlikni amalga oshirish uchun chet ellarga ketayotgan shaxslar sonini hisoblab chiqarish bo‘yicha integratsiyalashgan axborotlarni tayyorlash va taqdim etish moduli sxemasida:
a) “Axborot taqdim etuvchi vazirlik, idora” ustunida 1 va 5-satrlardagi “Mehnat vazirligi” so‘zlari “Bandlik va mehnat munosabatlari vazirligi” so‘zlari bilan almashtirilsin.
b) “Qayerga taqdim etiladi” ustunining 2 va 4-satrlaridagi “Mehnat vazirligi” so‘zlari “Bandlik va mehnat munosabatlari vazirligi” so‘zlari bilan almashtirilsin.
v) “Axborot taqdim etuvchi vazirlik, idora” ustunida” 2-satrdagi “Mehnat vazirligining” so‘zlari “Bandlik va mehnat munosabatlari vazirligining” so‘zlari bilan almashtirilsin.
“ | 3. | O‘zbekiston Respublikasi Vazirlar Mahkamasi huzuridagi personallashtirish Davlat markazi | O‘zbekiston Respublikasi Vazirlar Mahkamasi huzuridagi personallashtirish Davlat markazi ma’lumoti | Safar maqsadi, davlati, yoshi va hududi bo‘yicha O‘zbekiston Respublikasidan ketayotgan va O‘zbekiston Respublikasiga kelayotgan fuqarolarining soni | Har chorakda, hisobot choragidan keyingi oyning 20-kunigacha | Davlat statistika qo‘mitasi, Bandlik va mehnat munosabatlari vazirligi | ”. |