Sanoat ishlab chiqarishlarini yanada modernizatsiya qilish, etil spirti va likyor-araq mahsulotlarining zamonaviy ishlab chiqarishlarini tashkil etish, alkogol mahsulotlarining eksport salohiyatini oshirish, uning sifati va raqobatdoshligini orttirish maqsadida:
1. O‘zbekiston Respublikasi Iqtisodiyot vazirligi, Moliya vazirligi, O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi, “O‘zbekiston temir yo‘llari” AJ, “O‘zvinosanoat-xolding” AJning:
“O‘zspirtsanoat” AJga tegishli “Qo‘qon spirt” AJning 51,01 miqdordagi aksiyalarini balans narxi bo‘yicha “O‘zbekiston temir yo‘llari” AJning ustav kapitaliga davlatning ulishi sifatida o‘tkazish to‘g‘risidagi;
46,98 foiz miqdoridagi davlatga tegishli bo‘lgan “Qo‘qon spirt” AJning aksiyalarini balans narxi bo‘yicha davlatning ulushi sifatida “O‘zbekiston temir yo‘llari” AJning ustav kapitaliga o‘tkazish to‘g‘risidagi;
mazkur bandga muvofiq beriladigan aksiyalarning balans narxi summasi hisobiga “O‘zbekiston temir yo‘llari” AJning ustav kapitalini oshirish to‘g‘risidagi taklifi ma’qullansin.
so‘ngi avlodning ilg‘or texnologiyalaridan foydalangan holda “Lyuks” klassdagi spirtidan oliy sifatli likyor-araq mahsulotlarini quyish bo‘yicha “SELENA” MChJ (Rossiya Federatsiyasi) bilan mas’uliyati cheklangan jamiyat shaklidagi “Premium Uzbekistan” (keyingi o‘rinlarda — “Premium Uzbekistan” MChJ QK) qo‘shma korxonasini tashkil etish;
qo‘shma korxonani “Toshkent mexanika zavodi” AJ ishlab chiqarish quvvatlari maydonlarida joylashtirish;
Keyingi tahrirga qarang.
“Qo‘qon spirt” AJning sanoat ishlab chiqarishlarini modernizatsiya qilish to‘g‘risidagi takliflariga rozilik berilsin.
3. Ma’lumot uchun qabul qilinsinki, “Premium Uzbekistan” MChJ QKning birlamchi ustav kapitali ekvivalenti 150,0 ming AQSh dollarini tashkil etadi, bundan “CELENA” MChJning ulushi 51 foiz miqdorida va “O‘zbekiston temir yo‘llari” AJning ulushi 49 foiz miqdoridagi pul mablag‘lari hisobidan shakllantiriladi.
Toshkent shahrida yangi likyor-araq zavodining qurilishi “SELENA” MChJning to‘g‘ridan to‘g‘ri investitsiyalari hisobidan amalga oshiriladi, keyinchalik ular tashkil etilayotgan qo‘shma korxonaning ustav kapitaliga yo‘naltiriladi;
“Qo‘qon spirt” AJni modernizatsiya qilish “CELENA” MChJning “O‘zbekiston temir yo‘llari” AJga ajratiladigan qarzlari hisobidan amalga oshiriladi.
5. Belgilansinki, Toshkent shahrida yangi likyor-araq zavodining qurilishi va “Qo‘qon spirt” AJni modernizatsiya qilish (keyingi o‘rinlarda — loyihalar) 2017 — 2020-yillarda bir bosqichli tartibda texnik-iqtisodiy asos bilan bir vaqtda amalga oshiriladi.
Toshkent shahrida yangi likyor-araq zavodini qurish bo‘yicha bosh buyurtmachi etib — “Premium Uzbekistan” MChJ;
“Qo‘qon spirt” AJni modernizatsiya qilish bo‘yicha bosh buyurtmachi etib — “O‘zbekiston temir yo‘llari” AJ;
Keyingi tahrirga qarang.
bosh pudratchi tashkilotlar etib — ixtisoslashtirilgan pudrat tashkilotlarini jalb etgan holda “O‘zbekiston temir yo‘llari” AJning tarkibiy tuzilmalari belgilansin.
Keyingi tahrirga qarang.
7. “O‘zbekiston temir yo‘llari” AJ va “Premium Uzbekistan” MChJga loyihani amalga oshirish doirasida quyidagilarga istisno tariqasida ruxsat etilsin:
2019-yilning 1-yanvarigacha qurilish-montaj ishlarini loyiha-smeta hujjatlari bilan bir vaqtning o‘zida amalga oshirish;
zarur hollarda eng maqbul takliflarni tanlab olish asosida yoki to‘g‘ridan to‘g‘ri muzokaralar olib borish yo‘li orqali, tender (tanlov) savdolarini o‘tkazmasdan turib malakali loyihalashtiruvchilar va ekspertlarni, shu jumladan, xorijiy mutaxassislarni jalb etish;
eng maqbul takliflarni tanlab olish asosida tovarlarni yetkazib berishga tender savdolarini o‘tkazmasdan turib ishlab chiqaruvchi zavodlar yoki ularning rasmiy dillerlari (distribyutorlari) bilan shartnomalar tuzish;
qurilishda qatnashayotgan pudrat tashkilotlariga “O‘zbekiston temir yo‘llari” AJning yoqilg‘i-moylash materiallari limitlaridan ajratish.
Keyingi tahrirga qarang.
8. “O‘zbekiston temir yo‘llari” AJ va “Premium Uzbekistan” MChJ 2018-yilning 1-apreligacha bo‘lgan muddatda Toshkent shahrida yangi likyor-araq zavodining qurilishi va “Qo‘qon spirt” AJni modernizatsiya qilish bo‘yicha loyihalarning texnik-iqtisodiy asoslarini O‘zbekiston Respublikasi Vazirlar Mahkamasiga tasdiqlash uchun kiritsin.
Keyingi tahrirga qarang.
9. “O‘zbekiston temir yo‘llari” AJ va “Premium Uzbekistan” MChJ, loyihalashtirish va pudratchi, subpudratchi tashkilotlar 2021-yilning 1-yanvarigacha loyihani amalga oshirish doirasida:
O‘zbekiston Respublikasi norezidentlari tomonidan bajariladiganlarini hisobga olgan holda tovarlar (ishlar, xizmatlar) — qo‘shimcha qiymat solig‘idan;
O‘zbekiston Respublikasi Vazirlar Mahkamasi huzuridagi Respublika yo‘l jamg‘armasi va O‘zbekiston Respublikasi Moliya vazirligi huzuridagi Ta’lim va tibbiyot muassasalarining moddiy-texnika bazasini rivojlantirish budjetdan tashqari jamg‘armasiga bo‘lgan majburiy ajratma va yig‘imlardan;
O‘zbekiston Respublikasi norezidentlari tomonidan ishlar (ko‘rsatilgan xizmatlar)ni bajarishdan olinadigan yuridik shaxslarning daromadlari bo‘yicha foyda solig‘idan;
umumiy foydalanish yo‘llaridan og‘ir va yirik avtomobil vositalarining o‘tishi to‘lovlari, shuningdek, O‘zbekiston Respublikasining vakolatli organlarida litsenziya olish va sertifikatsiyalashdan o‘tish bo‘yicha davlat yig‘imlari, bojlari va to‘lovlardan;
O‘zbekiston Respublikasida ishlab chiqarilmaydigan uskunalar va ularga ehtiyot qismlar, butlovchi buyumlar va uzellar, xomashyo va materiallar, texnologik hujjatlar, shuningdek, belgilangan tartibda tasdiqlanadigan ro‘yxatlar bo‘yicha loyihani amalga oshirish doirasida olib kelinadigan metallprokati — bojxona to‘lovlaridan (bojxona yig‘imlaridan tashqari);
tuzilgan shartnomalar shartlariga muvofiq yetkazib berilayotgan texnologik uskunalarni montaj qilish va kafolat muddati bo‘yicha xizmat ko‘rsatish davrida xorijiy kompaniyalar tomonidan “vaqtincha olib kirish” bojxona rejimida olib kiriladigan va rasmiylashtiriladigan uskuna va anjomlar, uzellar va asbob-uskunalar — muddati bilan bog‘liq to‘lanadigan bojxona to‘lovlaridan ozod etilsin;
Belgilansinki, loyihalarni amalga oshirish doirasida loyiha qatnashchilarining — “O‘zbekiston temir yo‘llari” AJ va uning pudratchi tashkilotlari tomonidan beg‘araz asosda topshiriladigan mulki qo‘shilgan qiymat solig‘i, yuridik shaxslarning daromad solig‘i soliqqa tortiluvchi obyekt hisoblanmaydi.
Keyingi tahrirga qarang.
“Qo‘qon spirt” AJ bilan birgalikda boshqa aksiyadorlardan aksiyalarni sotib olish maqsadida jamiyatning aksiyalari bozor narxini belgilanishini ta’minlasin;
bir oy muddatda “Qo‘qon spirt” AJga qaram bo‘lgan xo‘jalik jamiyatlarining keyingi faoliyatini tashkil etish bo‘yicha takliflar kiritsin;
“Qo‘qon spirt” AJ bilan birgalikda qonun hujjatlariga muvofiq aksiyadorlar aniqlanmagani holatida — pul vositalari notarial idoraning depozit hisobvarag‘iga o‘tkazib berilishi ta’minlansin;
O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi bilan birgalikda mazkur qarorning 1-bandiga muvofiq topshiriladigan aksiyalar narxi summasiga “O‘zbekiston temir yo‘llari” AJning ustav kapitalida davlatning ulushi oshirilishini ta’minlasin.
11. “O‘zvinsanoat-xolding” AJ O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi bilan birgalikda “O‘zbekiston temir yo‘llari” AJ ustav kapitaliga topshirilayotgan “Qo‘qon spirt” AJning 51,01 foiz aksiyalar narxi summasiga “O‘zvinsanoat-xolding” AJning ustav kapitalida davlatning ulushi kamaytirilishini ta’minlasin.
12. O‘zbekiston Respublikasi Iqtisodiyot vazirligi, “O‘zbekneftgaz” AJ, “O‘zmetkombinat” AJ va “O‘zqurilishmateriallari” AJ loyiha hujjatlari parametrlarini hisobga olgan holda buyurtmachi tomonidan asoslangan hisob-kitoblarga ko‘ra to‘g‘ridan to‘g‘ri shartnomalar bo‘yicha hamda yetarli hajmlarda sement va metallprokatni — boshqariladigan narxlar bo‘yicha yoqilg‘i-moylash materiallarini — kelishilgan narxlarda ajratilishi va yetkazib berilishini ta’minlasin.
Oldingi tahrirga qarang.
13. O‘zbekiston Respublikasi Arxitektura va qurilish davlat qo‘mitasi (B.I. Zakirov, K.N. To‘laganov) belgilangan tartibda loyiha-smeta hujjatlarini davlat ekspertizasidan o‘tkazilishini tashkil etsin xamda loyihalar bo‘yicha qurilish-montaj ishlarini amalga oshirish sifati ustidan tegishli nazorat o‘rnatsin.
(13-band O‘zbekiston Respublikasi Prezidentining 2018-yil 18-iyuldagi PF-5483-sonli Farmoni tahririda — Qonun hujjatlari ma’lumotlari milliy bazasi, 31.07.2018-y., 06/18/5483/1594-son)
14. O‘zbekiston Respublikasi Tashqi ishlar vazirligi “O‘zbekiston temir yo‘llari” AJning talabnomalariga ko‘ra loyihani amalga oshirishda qatnashayotgan xorijiy mutaxassislarga kirish vizalarini konsullik va boshqa yig‘imlar undirilmagan holda rasmiylashtirilishini ta’minlasin.
Keyingi tahrirga qarang.
15. O‘zbekiston Respublikasi Ichki ishlar vazirligi “O‘zbekiston temir yo‘llari” AJning talabnomalariga ko‘ra loyihani amalga oshirishda qatnashayotgan xorijiy mutaxassislarga ko‘p martalik vizalarning muddatini uzaytirish, shuningdek, vaqtinchalik yashash joyiga propiska qilish va vaqtinchalik propiskaning muddatini uzaytirishni davlat bojlarini undirmagan holda amalga oshirilishini ta’minlasin.
Keyingi tahrirga qarang.
16. O‘zbekiston Respublikasi Bandlik va mehnat munosabatlari vazirligi “O‘zbekiston temir yo‘llari” AJning talabnomalariga ko‘ra loyihani amalga oshirishda qatnashadigan yuqori malakali xorijiy mutaxassislarni O‘zbekiston Respublikasiga jalb etishga ruxsatnomalar berishni (muddatini uzaytirish)ni, shuningdek, ko‘rsatilgan xorijiy fuqarolarga O‘zbekiston Respublikasi hududida mehnat faoliyatini olib borish huquqini beradigan tasdiqnomalar berishni (muddatini uzaytirish)ni davlat boji undirilmagan holda ta’minlab borsin.
Keyingi tahrirga qarang.
17. Mazkur qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov va O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi raisi R.A. Gulyamov zimmasiga yuklansin.