O‘zbekiston Respublikasi Prezidentining “O‘zbekiston Respublikasi Davlat statistika qo‘mitasining faoliyatini takomillashtirish chora-tadbirlari to‘g‘risida” 2017-yil 31-iyuldagi PQ-3165-son qarorini ijro etish, shuningdek davlat statistikasi tizimi faoliyati samaradorligini yanada oshirish maqsadida, Vazirlar Mahkamasi qaror qiladi:
1. O‘zbekiston Respublikasi Davlat statistika qo‘mitasi to‘g‘risidagi nizom 1-ilovaga muvofiq tasdiqlansin.
2. O‘zbekiston Respublikasi Hukumatining ayrim qarorlariga 2-ilovaga muvofiq o‘zgartirishlar kiritilsin.
3. O‘zbekiston Respublikasi Hukumatining ayrim qarorlari 3-ilovaga muvofiq o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari J.A. Qo‘chqorov va O‘zbekiston Respublikasi Davlat statistika qo‘mitasi raisi B.A. Begalov zimmasiga yuklansin.
Oldingi tahrirga qarang.
1. Ushbu Nizom O‘zbekiston Respublikasi Davlat statistika qo‘mitasining (keyingi o‘rinlarda — Davlat statistika qo‘mitasi) maqomi, asosiy vazifalari va funksiyalari, huquq va majburiyatlari, shuningdek, uning faoliyatini tashkil etish tartibini belgilaydi.
2. Davlat statistika qo‘mitasi, rasmiy statistika sohasida rivojlanishning milliy va mintaqaviy xususiyatlarini hisobga olgan holda ilmiy metodologiyaga, xalqaro standartlar va qoidalarga asoslangan yaxlit milliy statistika tizimini yaratishga va uning faoliyat ko‘rsatishiga yo‘naltirilgan yagona davlat siyosatini amalga oshiruvchi, rasmiy statistikadan foydalanuvchilar, shu jumladan, xorijiy foydalanuvchilarni ishonchli va rasmiy statistika ma’lumotlari bilan ta’minlovchi vakolatli davlat boshqaruvi organi hisoblanadi.
3. Davlat statistika qo‘mitasi rasmiy statistikani shakllantirish bilan bog‘liq o‘z vakolatlarini barcha davlat organlari va tashkilotlaridan mustaqil ravishda amalga oshiradi va o‘z faoliyatida O‘zbekiston Respublikasi Vazirlar Mahkamasiga bo‘ysunadi.
5. Davlat statistika qo‘mitasi o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalari qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, ushbu Nizomga, shuningdek, boshqa qonun hujjatlariga amal qiladi.
6. Davlat statistika qo‘mitasi o‘z faoliyatini boshqa davlat organlari va yuridik shaxslar bilan o‘zaro hamkorlikda, shu jumladan, idoralararo elektron hamkorlik qilishdan foydalangan holda amalga oshiradi.
7. Davlat statistika qo‘mitasi o‘z faoliyatini har yili O‘zbekiston Respublikasi Vazirlar Mahkamasi tomonidan tasdiqlanadigan Davlat statistika ishlari dasturiga muvofiq tashkil qiladi.
8. Davlat statistika organlarining qonuniy faoliyatiga, shu jumladan, rasmiy statistika hisobotlari va kuzatuvlarini o‘tkazish hamda ularni nashr qilish va e’lon qilish jarayonlariga har qanday aralashishiga yo‘l qo‘yilmaydi.
9. Davlat statistika qo‘mitasining o‘z vakolatlari doirasida qabul qilingan qarorlari davlat boshqaruvi organlari, xo‘jalik birlashmalari, mahalliy davlat hokimiyati organlari, xo‘jalik yurituvchi subyektlar va fuqarolar tomonidan bajarilishi majburiy hisoblanadi.
to‘liq nomi — O‘zbekiston Respublikasi Davlat statistika qo‘mitasi, qisqartirilgan nomi — Davlat statistika qo‘mitasi;
to‘liq nomi — The State Committee of the Republic of Uzbekistan on Statistics, qisqartirilgan nomi — The State Committee on Statistics;
to‘liq nomi — Gosudarstvenniy komitet Respubliki Uzbekistan po statistike, qisqartirilgan nomi — Goskomstat.
11. Davlat statistika qo‘mitasi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhr va blankalarga, mustaqil balansga, bank hisob raqamlariga, shu jumladan, xorijiy valyutadagi hisob raqamlariga va O‘zbekiston Respublikasi Moliya vazirligining G‘aznachiligida shaxsiy g‘aznachilik hisobvaraqlariga ega bo‘ladi.
12. Davlat statistika qo‘mitasining joylashgan joyi (pochta manzili): 100170, Toshkent shahri, Mustaqillik shoh ko‘chasi, 63-uy.
rasmiy statistika sohasida yagona davlat siyosatini ishlab chiqish va amalga oshirish, rasmiy statistikani tashkil etishning samarali tizimini ta’minlash;
xalqaro standartlarga muvofiq bo‘lgan yagona statistika metodologiyasini hamda davlat statistika kuzatuvlari shakllarini ishlab chiqish, tasdiqlash va joriy etish;
ijtimoiy-iqtisodiy va demografik hodisalar, jarayonlar va ularning natijalari to‘g‘risidagi statistika axborotlarini yig‘ish, qayta ishlash, to‘plash, saqlash, umumlashtirish, tahlil qilish va e’lon qilish;
davlat organlari, yuridik shaxslar, xalqaro tashkilotlar va aholini belgilangan tartibda statistika axboroti bilan ta’minlash;
Korxonalar va tashkilotlarning yagona davlat registrini yuritish, statistika ishlarini tashkil etish uchun zarur bo‘lgan iqtisodiy-statistik klassifikatsiyalar tizimini ishlab chiqish, joriy etish va yuritish;
davlat statistikasi tizimida axborot-kommunikatsiya texnologiyalarini rivojlantirish, foydalanuvchilarning respublikaning rivojlanishini to‘liq tavsiflovchi va iqtisodiyot tarmoqlari va sohalarining rivojlanishidagi, shuningdek, aholi turmush darajasidagi sifat o‘zgarishlarini yanada to‘liq ochib beruvchi ko‘rsatkichlarning keng ro‘yxatidan erkin foydalanishlarini ta’minlash;
Davlat statistika qo‘mitasi markaziy apparati va uning tarkibiy bo‘linmalarining ish usullari va shakllarini yanada takomillashtirish, fuqarolarning murojaatlariga o‘z vaqtida munosabat bildirish, yuklangan vazifalar o‘z vaqtida va sifatli bajarilishi uchun xodimlarning mas’uliyatini oshirish;
14. Davlat statistika qo‘mitasi o‘z zimmasiga yuklangan vazifalarga muvofiq quyidagi funksiyalarni amalga oshiradi:
a) rasmiy statistikasi sohasida yagona davlat siyosatini ishlab chiqish va bajarish, statistikani tashkil qilishning samarali tizimini ta’minlash va rasmiy statistika sohasini muvofiqlashtirish va funksional tartibga solish sohasida:
statistik ma’lumotlardan foydalanuvchilarning talablarini o‘rganishni hisobga olgan holda istiqbolli maqsadlar va yo‘nalishlarni, rasmiy statistikani rivojlantirish uchun kadrlar bilan va moliyaviy ta’minlashni belgilaydi;
Davlat statistika ishlari dasturini ishlab chiqadi, Davlat statistika qo‘mitasi huzuridagi Statistika kengashi va Jamoatchilik kengashi bilan kelishilishini ta’minlaydi hamda belgilangan tartibda O‘zbekiston Respublikasi Vazirlar Mahkamasiga tasdiqlash uchun kiritadi;
tahliliy salohiyatni mustahkamlash, Davlat statistika ishlari dasturining mazmunini doimiy ravishda takomillashtirish, uning mamlakat va hududlarning ijtimoiy-iqtisodiy rivojlanishi, tarkibiy va bozor islohotlari, iqtisodiyot tarmoqlari va sektorlarida islohotlarning borishini tavsiflovchi tegishli maqsadli ko‘rsatkichlar bilan o‘zaro bog‘liqligini oshirish bo‘yicha zarur choralarni ko‘radi;
rasmiy statistika tamoyillariga rioya etilishini va xalqaro standartlarga muvofiq bo‘lgan statistik metodologiyaning yagonaligini ta’minlaydi;
rasmiy statistikani tashkil etish sohasidagi qonun hujjatlarini yanada takomillashtirish yuzasidan takliflar ishlab chiqishda ishtirok etadi, rasmiy statistika faoliyati masalalari bo‘yicha normativ-huquqiy hujjatlar loyihalarini belgilangan tartibda O‘zbekiston Respublikasi Vazirlar Mahkamasiga va tegishli organlarga kiritadi;
xalqaro statistika tashkilotlari va xorijiy mamlakatlarning statistika organlari bilan hamkorlik qilish to‘g‘risida belgilangan tartibda bitimlar tuzadi;
davlat organlari va tashkilotlarining ochiq ma’lumotlar to‘plamlari ro‘yxatini shakllantirish, yuritish va yangilash hamda tegishli axborotlar O‘zbekiston Respublikasining Ochiq ma’lumotlar portalida o‘z vaqtida aks ettirilishi bo‘yicha faoliyatini muvofiqlashtiradi;
b) xalqaro standartlarga muvofiq bo‘lgan yagona statistika metodologiyasini hamda davlat statistika kuzatuvlari shakllarini ishlab chiqish, tasdiqlash va joriy etish sohasida:
makroiqtisodiy, tarmoq va hududiy darajalarda o‘rganilayotgan ijtimoiy-iqtisodiy jarayonlarning qamrovini kengaytirishga qaratilgan statistik ma’lumotlarni yig‘ish va qayta ishlashning zamonaviy metodologiyasi va metodikalarini keng joriy etish yo‘li bilan statistik kuzatuvlar tizimini qabul qilingan xalqaro amaliyotga yanada moslashtirishni amalga oshiradi;
davlat statistika kuzatuvlari shakllarini ishlab chiqadi, tasdiqlaydi va joriy etadi, statistika kuzatuvlarini o‘tkazish usullarini belgilaydi;
rasmiy statistika sohasida normativ-huquqiy hujjatlarni ishlab chiqadi va belgilangan tartibda qabul qiladi;
davlat boshqaruvi organlari va xo‘jalik birlashmalari tomonidan o‘z vakolatlari doirasida amalga oshiriladigan davlat va idoraviy statistika kuzatuvlari tizimini maqbullashtirish yo‘li bilan xolisona, sifatli va talab yuqori bo‘lgan hisobot ma’lumotlari tayyorlanishini, tanlanma statistika kuzatuvlari sonini va natijalarining ishonchliligi bosqichma-bosqich oshirilishini muvofiqlashtiradi, idoraviy statistika kuzatuvlari shakllarini kelishadi;
statistika sohasida tadqiqot ishlarini, shu jumladan, xalqaro tashkilotlar tomonidan mamlakatlar reyting baholarini tuzish uchun foydalaniladigan axborot manbalarini o‘rganishni tashkil etadi va amalga oshiradi, ular asosida shakllantiriladigan va tarqatiladigan statistik ko‘rsatkichlar tarkibini yaxshilash chora-tadbirlarini ishlab chiqadi;
jamiyat ehtiyojlariga muvofiq rasmiy statistika sohasidagi ilg‘or xorijiy tajribani o‘rganadi, umumlashtiradi va tarqatadi, xalqaro tavsiyalar asosida ko‘rsatkichlarni hisoblash metodikalarini doimiy ravishda takomillashtiradi;
v) ijtimoiy-iqtisodiy va demografik hodisalar, jarayonlar va ularning natijalari to‘g‘risidagi statistik axborotlarni yig‘ish, qayta ishlash, to‘plash, saqlash, umumlashtirish, tahlil qilish va e’lon qilish sohasida:
mamlakatni, uning mintaqalarini, iqtisodiyot tarmoqlari va sektorlarini ijtimoiy-iqtisodiy rivojlantirish davlat dasturlarining bajarilishi yuzasidan davlat statistika kuzatuvlarini tashkil etadi va amalga oshiradi;
davlat statistika hisobotlarini elektron shaklda, zarur hollarda qog‘ozda yig‘ishni, uy xo‘jaliklarini statistik kuzatishni, ro‘yxatdan o‘tkazishlarni, bir martalik hisobga olishlarni, so‘rovlarni va boshqa kuzatuvlarni tashkil etadi va ta’minlaydi;
makroiqtisodiy ko‘rsatkichlarning statistik hisob-kitoblarini amalga oshiradi hamda mamlakatdagi eng muhim iqtisodiy va ijtimoiy hodisalar va jarayonlarning dastlabki statistik tahlilini olib boradi;
statistika, hisobot ko‘rsatkichlarining va o‘tkazilgan tanlanma kuzatuvlar natijalarining tezkorligi, ishonchliligi va xolisligini, statistik axborotlarning qulayligi, ochiq-oydinligi va oshkoraligini kengaytirish bo‘yicha chora-tadbirlar amalga oshirilishini ta’minlaydi;
statistika ishlarini tashkil etishning statistik axborotlarini yig‘ish, qayta ishlash va umumlashtirish tartibiga davlat organlari hamda mahalliy davlat hokimiyati organlarining har qanday aralashuvini istisno qiladigan tizimni yaratish chora-tadbirlarini ko‘radi;
xo‘jalik yurituvchi subyektlarga elektron hujjat shaklidagi davlat statistika kuzatuvlari shakllarini tuzish va taqdim etish uchun maxsus dasturiy ta’minotdan bepul foydalanish imkonini beradi;
xo‘jalik yurituvchi subyektlarga ishonchli davlat statistika hisobotlarini taqdim etishda har tomonlama ko‘maklashadi, statistik ma’lumotlarni taqdim etish sohasida huquqiy madaniyatni oshirish va huquqbuzarliklarning oldini olishning ta’sirchan mexanizmlarini ishlab chiqadi, statistik nazoratni amalga oshirishning zamonaviy usullarini joriy etadi;
axborot-statistik ma’lumotlar bazasini, statistik registrlarni, veb-saytlarni shakllantiradi, yuritadi va yangilab boradi, foydalanuvchilarga ulardan foydalanishga doir tushuntirishlar beradi;
olingan statistik ma’lumotlarning maxfiyligini va davlat sirlariga ega bo‘lgan statistik ma’lumotlarning himoya qilinishini ta’minlaydi;
qonun hujjatlariga muvofiq statistika organlari faoliyati jarayonida yuzaga kelgan arxiv hujjatlarini komplektlash, saqlash, hisobga olish va ulardan foydalanish ishlarini amalga oshiradi;
o‘z vakolatlari doirasida Davlat statistika qo‘mitasi faoliyati jarayonida olingan xizmat, bank, tijorat sirlarini va boshqa maxfiy ma’lumotlarni o‘z ichiga olgan axborotlarni saqlash va himoyalashning tegishli tartibini ta’minlaydi;
g) davlat organlari, yuridik shaxslar, xalqaro tashkilotlar va aholini belgilangan tartibda statistika axboroti bilan ta’minlash sohasida:
milliy va xorijiy foydalanuvchilarning keng ommasi uchun statistik axborotlarning maksimal darajada ochiq-oydinligi va oshkoraligini, shu jumladan, respublikani ijtimoiy-iqtisodiy rivojlantirish ko‘rsatkichlari va materiallarini xalqaro statistik to‘plamlarda chop etgan holda xalqaro statistik tashkilotlar bilan hamkorlikni kengaytirishni ta’minlaydi;
ommaviy axborot vositalarida joylashtirish uchun ijtimoiy-iqtisodiy rivojlanish tendensiyalarini tavsiflovchi kompleks tahliliy ma’ruzalar, press-relizlar va maqolalar tayyorlaydi, tarqatilayotgan statistik ma’lumotlarga tahliliy va ma’lumotnoma materiallar majburiy tartibda ilova qilinishini ta’minlaydi;
milliy iqtisodiyot tarmoqlari va sohalari hamda hududlarning rivojlanishini, islohotlarni chuqurlashtirish va iqtisodiyotni erkinlashtirish, ishlab chiqarishni modernizatsiyalash va texnologik qayta jihozlash, xomashyo resurslarini chuqur qayta ishlash, respublika hududlarini kompleks rivojlantirish bo‘yicha qabul qilingan dasturlarning amalga oshirilishini, aholi turmush darajasidagi sifat o‘zgarishlarini yanada to‘liq aks ettiradigan statistik axborotlarni tezkor va sifatli tayyorlashni amalga oshiradi;
respublika iqtisodiyotining rivojlanishi holati, iqtisodiyotni rivojlantirish va isloh qilish bo‘yicha O‘zbekiston Respublikasi Prezidenti va Vazirlar Mahkamasi tomonidan qabul qilingan qarorlarning amalga oshirilishi holati to‘g‘risidagi yillik va choraklik statistik va tahliliy materiallarni tayyorlaydi va belgilangan tartibda taqdim etadi;
ochiq statistik ma’lumotlarni davlat statistika organlari, boshqa davlat organlari, xalqaro tashkilotlar nashrlarida joylashtirish yo‘li bilan tarqatadi va barcha foydalanuvchilarga statistik ma’lumotlardan foydalanish uchun teng imkoniyatlarni ta’minlaydi;
xorijiy statistika organlari bilan ochiq statistik axborotlarni almashadi, respublikaning rivojlanishi to‘g‘risidagi materiallarni xalqaro statistik to‘plamlarda chop etish uchun axborotlarni tayyorlash va taqdim etishni ta’minlaydi;
Davlat statistika qo‘mitasining ma’lumotlari asosida ommaviy axborot vositalarida tahliliy lavhalar, diagrammalar va grafiklarni keng namoyish qilish, statistik nashrlarga ko‘rsatkichlarni vizuallashtirishning ilg‘or usullarini joriy etish yo‘li bilan alohida statistik ko‘rsatkichlar to‘g‘risida aholini xabardor qilish choralarini ko‘radi;
statistika kuzatuvlari va rasmiy statistika axborotlari masalalari bo‘yicha axborot-tushuntirish ishlarini olib boradi;
shartnoma asosida, qonun hujjatlarida belgilangan tartibda statistik, tahliliy, axborot, noshirlik xizmatlarini va Davlat statistika ishlari dasturidagidan tashqari boshqa xizmatlarni ko‘rsatadi;
d) Korxonalar va tashkilotlarning yagona davlat registri va statistika ishlarini tashkil qilish uchun zarur iqtisodiy-statistik klassifikatsiyalarni yuritish sohasida:
yagona tasniflar tizimi asosida yuridik shaxslarni davlat tomonidan hisobga olish va identifikatsiyalashni, Korxonalar va tashkilotlarning yagona davlat registrining samarali faoliyat ko‘rsatishini hamda rivojlantirilishini ta’minlaydi;
statistika ishlarini tashkil etish uchun zarur bo‘lgan iqtisodiy-statistik klassifikatorlarni ishlab chiqadi va yuritadi, xalqaro standart klassifikatorlar asosida ularning muntazam ravishda qayta ko‘rib chiqilishini amalga oshiradi;
o‘zaro mos axborot tizimlarini va resurslarini yaratish uchun asos sifatida statistik klassifikatorlardan foydalanishni ta’minlaydi;
internet-resurslarga joylashtirish yo‘li bilan statistik klassifikatorlar va ularga kiritilayotgan o‘zgartirishlar to‘g‘risidagi axborotlarni foydalanuvchilarga taqdim etadi;
e) davlat statistikasi tizimida axborot-kommunikatsiya texnologiyalarini rivojlantirish, foydalanuvchilarning respublikaning rivojlanishini to‘liq tavsiflovchi hamda iqtisodiyot tarmoqlari va sohalarining rivojlanishidagi, shuningdek, aholi turmush darajasidagi sifat o‘zgarishlarini yanada to‘liq ochib beruvchi ko‘rsatkichlarning keng ro‘yxatidan erkin foydalanishlarini ta’minlash sohasida:
statistika axborotlarining tezkorlik bilan uzatilishini va qayta ishlanishini ta’minlovchi yangi axborot-kommunikatsiya resurslari va texnologiyalarini davlat statistika organlari faoliyatiga joriy etadi, ularning respublikaning boshqa axborot tizimlari bilan mos kelishini ta’minlaydi;
statistik ma’lumotlar bilan ishlash jarayonini avtomatlashtirish darajasini chuqurlashtirishni, davlat statistika organlarida foydalaniladigan axborot tizimlarini doimiy takomillashtirishni, statistik ma’lumotlarning yagona bankini shakllantirish, ko‘rsatilayotgan interaktiv xizmatlarning tarkibini kengaytirish va sifatini oshirishni ta’minlaydi;
axborotlardan foydalanuvchilarga real vaqt rejimida ko‘rsatkichlarning kengaytirilgan ro‘yxatidan erkin foydalanish imkonini beruvchi statistik ma’lumotlar bazasini ishlab chiqadi va yuritadi;
axborot xavfsizligini ta’minlash, axborot almashishning himoyalangan elektron shakliga bosqichma-bosqich o‘tish, xavflarga qarshi tizimning samarali ishlashini ta’minlash uchun normativ-huquqiy va tashkiliy-texnik bazani takomillashtirish chora-tadbirlarini amalga oshiradi;
milliy axborot makoni yaxlitligini saqlash, davlat statistika organlari axborot resurslari va tizimlarining axborot xavfsizligini ta’minlash, davlat statistikasi axborot-hisoblash tizimini ruxsatsiz foydalanishdan himoya qilish bo‘yicha davlat siyosatini amalga oshirish choralarini ko‘radi;
axborot-kommunikatsiya texnologiyalari sohasida davlat siyosatini amalga oshirish va “Elektron hukumat” tizimini joriy etish bo‘yicha tizimli ishlarni tashkil qiladi;
j) Davlat statistika qo‘mitasi markaziy apparati va uning tarkibiy bo‘linmalarining ish usullari va shakllarini yanada takomillashtirish, fuqarolar murojaatlariga o‘z vaqtida munosabat bildirish, yuklangan vazifalar o‘z vaqtida va sifatli bajarilishi uchun xodimlarning mas’uliyatini oshirish sohasida:
jismoniy va yuridik shaxslarning murojaatlari asosida hududiy statistika organlari ishini takomillashtirish bo‘yicha amaliy choralar va takliflar ishlab chiqadi;
mamlakatning ilmiy va ta’lim muassasalari hamda xorijiy statistika tashkilotlari bilan hamkorlikda statistika sohasida mutaxassislarni tayyorlash, qayta tayyorlash va malakasini oshirish ishlarini tizimli asosda ta’minlaydi;
statistika axborotlarini yig‘ish va tarqatishda qulay sharoitlar yaratish, ishbilarmonlik muhitining holatini yanada yaxshilash va davlat statistikasi sohasida normativ-huquqiy bazani takomillashtirish choralarini ishlab chiqish jarayoniga tadbirkorlik subyektlari va fuqarolik jamiyati vakillarini jalb qiladi;
fuqarolarni qabul qilishni tashkil qiladi, jismoniy va yuridik shaxslarning yozma va og‘zaki murojaatlari o‘z vaqtida va to‘liq ko‘rib chiqilishini, ular bo‘yicha qarorlar qabul qilinishini va qonun hujjatlarida belgilangan tartibda va muddatlarda murojaat egalariga javoblar yuborilishini ta’minlaydi;
O‘zbekiston Respublikasi fuqarolari va yuridik shaxslari tomonidan davlat statistikasi sohasidagi qonun hujjatlari buzilishining oldini olishga qaratilgan ogohlantiruvchi va profilaktika xususiyatiga ega choralarni, shuningdek, aniqlangan qonunbuzarliklar oqibatlarini bartaraf etish choralarini amalga oshiradi;
ro‘yxatga olish hujjatlari shakllarini, ro‘yxatga oluvchi xodimlar guvohnomasi shaklini ishlab chiqadi va tasdiqlaydi;
ro‘yxatga olish dasturlarini va ro‘yxatga olish varaqalari shakllarini ishlab chiqadi va hududlarga yetkazilishini ta’minlaydi;
ro‘yxatga olishga jalb etiladigan xodimlarni tanlab olish va o‘qitish tartibini belgilaydi va o‘qitishni tashkil etadi;
ro‘yxatga olish natijalari milliy va xorijiy foydalanuvchilarning keng ommasi uchun e’lon qilinishini ta’minlaydi;
ro‘yxatga olish varaqlari va boshqa ro‘yxatga olish hujjatlarining saqlanishi (shu jumladan, vaqtincha saqlanishi), yo‘q qilinishi tartibini belgilaydiva ularning bajarilishini ta’minlaydi.
15. Davlat statistika qo‘mitasi o‘ziga yuklangan asosiy vazifalar va funksiyalarni bajarish uchun quyidagi huquqlarga ega:
Davlat statistika qo‘mitasiga yuklangan vazifalar va funksiyalarni bajarish bilan bog‘liq normativ-huquqiy va boshqa hujjatlarning loyihalarini belgilangan tartibda O‘zbekiston Respublikasi Vazirlar Mahkamasiga kiritish;
davlat boshqaruvi organlaridan, xo‘jalik birlashmalaridan, fuqarolarning o‘zini o‘zi boshqarish organlaridan, banklardan, boshqa yuridik shaxslardan (zarur hollarda — ularning vakolatxonalari va filiallaridan) davlat statistika hisobotini belgilangan tartibda olish hamda undan statistika maqsadlarida foydalanish;
davlat boshqaruvi organlaridan, xo‘jalik birlashmalaridan, davlat tashkilotlaridan davlat statistika ishlarini olib borish uchun zarur bo‘lgan ma’lumotlarni (ularni ishlab chiqishning istalgan bosqichida), shuningdek, ularga ilova qilinadigan tushuntirishlarni so‘rash va olish;
yuridik shaxslarni va yakka tartibdagi tadbirkorlarni davlat ro‘yxatidan o‘tkazishni amalga oshiruvchi organlardan, shuningdek, yuridik shaxslar to‘g‘risidagi ma’lumotlarning registrlari va axborot bazalarini shakllantiruvchi va yurituvchi davlat organlari va ularning idoraviy mansub tashkilotlaridan Korxonalar va tashkilotlarning yagona davlat registrini yuritish va faollashtirish uchun zarur bo‘lgan ma’lumotlarni olish;
rasmiy statistika bo‘yicha yagona davlat siyosatini olib borish sohasida davlat boshqaruvi organlari, xo‘jalik birlashmalari, mahalliy davlat hokimiyati organlari faoliyatini muvofiqlashtirish;
boshqa rasmiy statistika ishlab chiqaruvchilarning statistika metodologiyalarini xalqaro standartlarga muvofiqligi yuzasidan auditdan o‘tkazish va audit natijalariga ko‘ra vazirliklar va idoralarga bajarilishi majburiy bo‘lgan taqdimnomalar kiritish;
davlat statistika kuzatuvlari shakllarini, ularni taqdim etish tartibini tasdiqlash, agar qonun hujjatlarida boshqacha qoida nazarda tutilmagan bo‘lsa, davlat statistika kuzatuvlarini olib borish usullarini belgilash hamda davlat boshqaruvi organlari va xo‘jalik birlashmalarining idoraviy statistik hisobot va kuzatuvlari shakllarini kelishish;
yuridik va jismoniy shaxslarning, shu jumladan, yakka tartibdagi tadbirkorlar faoliyatining davlat statistika kuzatuvlarini olib borish va olingan ma’lumotlardan statistika maqsadlarida foydalanish;
statistik ma’lumotlarni taqdim etuvchi davlat organlari, yuridik shaxslar, ularning vakolatxonalari va filiallari, yakka tartibdagi tadbirkorlar bajarishi majburiy bo‘lgan normativ-huquqiy hujjatlarni belgilangan tartibda qabul qilish;
kuzatuvlarni o‘tkazish, rasmiy statistik materiallarni shakllantirish va tahlillarni amalga oshirish maqsadida vazirliklar va idoralarning axborot tizimlari bilan o‘zaro elektron bog‘lanish;
davlat statistika kuzatuvlarining metodologiyasi va tashkil etilishi, shuningdek, rasmiy statistika axborotlari bilan bog‘liq masalalar bo‘yicha axborot-tushuntirish ishlarini olib borish;
rasmiy statistik ma’lumotlardan noto‘g‘ri foydalanish va talqin qilish holatlarini ko‘rib chiqish hamda ular bo‘yicha tushuntirishlar berish;
barcha yuridik shaxslar va yakka tartibdagi tadbirkorlar tomonidan rasmiy statistika sohasidagi qonun hujjatlarining bajarilishi ustidan nazorat qilish;
olinayotgan statistik ma’lumotlarning to‘liqligi, ishonchliligi va xolisonaligini ekspertizadan o‘tkazish;
rasmiy statistik ma’lumotlarda buzilishlar aniqlangan taqdirda, ularni bartaraf etish to‘g‘risida ko‘rsatmalar berish va yig‘ma davlat statistik ma’lumotlariga tegishli tuzatishlar kiritish;
davlat statistika hisobotlarini taqdim etish tartibini buzayotgan mansabdor shaxslarga nisbatan qonun hujjatlariga muvofiq ma’muriy jazo choralari ko‘rish;
davlat statistika hisobotlarini taqdim etish tartibini buzganlik uchun mansabdor shaxslarga qo‘llaniladigan ma’muriy jarimalardan tushumlar hisobiga Davlat statistika qo‘mitasining maxsus jamg‘armasini shakllantirish va undan belgilangan tartibda foydalanish;
Davlat statistika qo‘mitasi tizimiga kiradigan tashkilotlarni tashkil etish, qayta tashkil etish va tugatish to‘g‘risida qonun hujjatlarida belgilangan tartibda takliflarni tayyorlash va kiritish, shuningdek, ushbu tashkilotlar to‘g‘risidagi nizomlar (ustavlar)ni tasdiqlash, davlat statistika kuzatuvlarini olib borish uchun shartnoma asosida yuridik va jismoniy shaxslarni jalb etish;
rasmiy statistika sohasidagi ilmiy tadqiqotlarning ustuvor yo‘nalishlarini belgilash, ularni ishlab chiqish uchun O‘zbekiston Respublikasi ilmiy muassasalari, respublikaning boshqa tashkilotlari va xorijiy tashkilotlarni, shuningdek, mamlakatimizning yetakchi olimlari va xorijiy mutaxassislarni belgilangan tartibda jalb etish;
xalqaro statistika va iqtisodiyot tashkilotlari bilan hamkorlikni amalga oshirish, statistika masalalari bo‘yicha, shu jumladan, xalqaro seminarlar va kengashlarni o‘tkazish va ularning ishida qatnashish;
shartnoma asosida statistik, tahliliy, axborot, noshirlik xizmatlari va Davlat statistika ishlari dasturidan tashqari boshqa xizmatlarni qonun hujjatlarida belgilangan tartibda ko‘rsatish;
qonun hujjatlarida belgilangan tartibda Davlat statistika qo‘mitasi xodimlarining mehnatiga haq to‘lash, rag‘batlantirish, mukofotlash va rag‘batlantirishning boshqa turlarini amalga oshirish;
sohasida huquqiy munosabatlarni tartibga soluvchi ichki va boshqa hujjatlarni tayyorlash hamda ulardan foydalanish;
Ochiq ma’lumotlar portalini rivojlantirish, shuningdek, e’lon qilinadigan ma’lumotlarga taalluqli masalalar bo‘yicha davlat organlari va tashkilotlaridan bepul asosda maslahat yordami olish;
zarur hollarda, shartnoma asosida ekspertlar, konsultantlar va tashkilotlarni (shu jumladan, xorijiy) hamda statistik kuzatuvlarni o‘tkazish uchun yuridik va jismoniy shaxslarni jalb etish;
rasmiy statistika sohasini rivojlantirish uchun xalqaro moliya institutlari va donor mamlakatlarning grantlari va texnik ko‘magi mablag‘larini jalb etish.
16. Davlat statistika qo‘mitasi o‘z vakolatlari doirasida davlat boshqaruvi organlari, mahalliy davlat hokimiyati organlari, boshqa tashkilotlar, mansabdor shaxslar va fuqarolar tomonidan bajarilishi majburiy bo‘lgan normativ-huquqiy hujjatlar qabul qilish huquqiga ega.
Davlat statistika qo‘mitasi, zarurat bo‘lganda, boshqa vazirliklar, davlat qo‘mitalari va idoralar bilan birga qo‘shma qarorlar va boshqa hujjatlar qabul qilishi mumkin.
17. Davlat statistika qo‘mitasi va uning mansabdor shaxslari ularga yuklangan vazifalar va funksiyalar samarali bajarilishi uchun javob beradi.
Davlat statistika qo‘mitasining mansabdor shaxslari harakatlari ustidan shikoyat qilish qonun hujjatlariga muvofiq amalga oshiriladi.
18. Davlat statistika qo‘mitasi tizimi rahbarlari va xodimlari rasmiy statistika sohasidagi qonun hujjatlari talablarini buzganlik, tarqatilishi cheklangan statistik ma’lumotlar, statistik axborotlar va (yoki) ma’lumotlar bazasini yo‘qotganlik, sotganlik, berganlik va boshqa noqonuniy oshkor etganlik uchun, shuningdek, statistik ma’lumotlarni yashirganlik va buzib ko‘rsatganlik uchun yoxud ko‘rsatib o‘tilgan huquqqa zid qilmishlarga ko‘maklashganlik uchun qonunga muvofiq javob beradi.
19. Davlat statistika qo‘mitasiga O‘zbekiston Respublikasi Oliy Majlisi Qonunchilik palatasi ma’qullaganidan keyin kiritilgan O‘zbekiston Respublikasi Bosh vazirining taqdimnomasiga binoan O‘zbekiston Respublikasi Prezidenti tomonidan lavozimga tayinlanadigan va lavozimidan ozod etiladigan rais boshchilik qiladi.
Raisning O‘zbekiston Respublikasi Prezidenti tomonidan lavozimga tayinlanadigan va lavozimidan ozod etiladigan birinchi o‘rinbosari va uch nafar o‘rinbosari bo‘ladi.
Davlat statistika qo‘mitasi raisi maqomiga ko‘ra vazirga, raisning birinchi o‘rinbosari — vazirning birinchi o‘rinbosariga, rais o‘rinbosarlari — vazir o‘rinbosarlariga tenglashtiriladi.
Keyingi tahrirga qarang.
Davlat statistika qo‘mitasi tizimi faoliyatiga umumiy rahbarlik qiladi va Davlat statistika qo‘mitasiga yuklangan vazifalar va funksiyalarning bajarilishi uchun shaxsan javob beradi;
davlat organlarida va boshqa tashkilotlarda Davlat statistika qo‘mitasini ifodalaydi yoxud Davlat statistika qo‘mitasi nomidan ishonchnoma va (yoki) vakolatlar beradi;
Davlat statistika qo‘mitasi xodimlarining belgilangan soni doirasida markaziy apparat shtat jadvalini tasdiqlaydi;
amalga oshirilgan davlat statistika ishlari hajmlariga muvofiq moliyaviy va moddiy-texnika resurslarini taqsimlaydi;
Davlat statistika qo‘mitasi markaziy apparatining boshqarmalari, hududiy statistika organlari va Institut to‘g‘risidagi nizomlarni belgilangan tartibda tasdiqlaydi;
Davlat statistika qo‘mitasi markaziy apparati xodimlarini, Qoraqalpog‘iston Respublikasi, viloyatlar va Toshkent shahar statistika boshqarmalari rahbarlarini tegishli ravishda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari taqdimnomasiga ko‘ra belgilangan tartibda lavozimga tayinlaydi va lavozimidan ozod qiladi;
Keyingi tahrirga qarang.
Davlat statistika qo‘mitasining vakolatiga kiruvchi masalalar bo‘yicha qarorlar qabul qiladi, rais o‘rinbosarlari, Davlat statistika qo‘mitasi, hududiy statistika organlari va Institutning boshqa mansabdor shaxslarining vakolatlari, majburiyatlari va javobgarligi darajasini belgilaydi;
zarurat bo‘lganda Davlat statistika qo‘mitasi, hududiy statistika organlari va Institut tuzilmasiga xodimlarning belgilangan umumiy soni hamda statistika ishlarini amalga oshirish uchun ajratiladigan mablag‘lar doirasida o‘zgartirishlar kiritadi;
o‘z vakolatlari doirasida Davlat statistika qo‘mitasi, hududiy statistika organlari va Institutning barcha xodimlari tomonidan bajarilishi majburiy bo‘lgan qarorlar qabul qiladi, buyruqlar chiqaradi va ko‘rsatmalar beradi;
Davlat statistika qo‘mitasi markaziy apparati xodimlari, hududiy statistika organlari va Institut rahbarlarini rag‘batlantirish va ularga nisbatan intizomiy jazo choralarini qo‘llash masalalarini hal etadi;
davlat statistika organlari xodimlariga nisbatan malaka talablarini belgilaydi va ularning mehnatini rag‘batlantirish tizimini shakllantiradi, yuqori malaka uchun ustamalar belgilaydi;
Davlat statistika qo‘mitasi tizimida kadrlar zaxirasini shakllantirish, shuningdek, tizim xodimlarini qayta tayyorlash va ularning malakasini oshirish ishlarini tizimli asosda tashkil qiladi;
rasmiy statistika sohasidagi ilmiy tadqiqotlarning ustuvor yo‘nalishlarini, shu jumladan, O‘zbekiston Respublikasining ilmiy muassasalarini, respublikaning boshqa tashkilotlari va xorijiy tashkilotlarni, shuningdek mamlakatimizning yetakchi olimlari va xorijiy mutaxassislarni jalb qilgan holda belgilaydi;
statistika sohasida hamkorlik to‘g‘risida bitimlar tuzadi va belgilangan tartibda o‘ziga yuklangan vazifalar doirasida xorijiy davlatlarning statistika organlari va xalqaro tashkilotlar bilan hamkorlik qiladi;
Davlat statistika qo‘mitasi raisi qonun hujjatlariga muvofiq boshqa vakolatlarni ham amalga oshiradi.
mutasaddilik qilinadigan bo‘linmalarga bevosita rahbarlik qiladilar va Davlat statistika qo‘mitasiga yuklangan vazifalar va funksiyalarning bajarilishi uchun shaxsan javob beradilar;
Davlat statistika qo‘mitasi raisi tomonidan o‘zlariga yuklangan boshqa funksiyalarni amalga oshiradilar.
Qoraqalpog‘iston Respublikasi, viloyatlar va Toshkent shahar statistika boshqarmalari boshliqlari O‘zbekiston Respublikasi Davlat statistika qo‘mitasi raisi tomonidan lavozimga tayinlanadi va lavozimdan ozod qilinadi;
tumanlar (shaharlar) statistika bo‘limlari boshliqlari — tegishli tartibda Qoraqalpog‘iston Respublikasi, viloyatlar va Toshkent shahar statistika boshqarmalari boshliqlarining taqdimnomasiga ko‘ra O‘zbekiston Respublikasi Davlat statistika qo‘mitasi raisi tomonidan lavozimga tayinlanadi va lavozimdan ozod qilinadi.
23. Davlat statistika qo‘mitasida Davlat statistika qo‘mitasi raisi (hay’at raisi), uning o‘rinbosarlari (lavozimiga ko‘ra), shuningdek, Davlat statistika qo‘mitasi faoliyatining asosiy yo‘nalishlarini muvofiqlashtiruvchi markaziy apparat tarkibiy bo‘linmalari rahbarlaridan iborat tarkibda hay’at tashkil etiladi.
Hay’atning a’zolari soni va shaxsiy tarkibi Davlat statistika qo‘mitasi raisining taqdimnomasiga binoan O‘zbekiston Respublikasi Vazirlar Mahkamasi tomonidan tasdiqlanadi.
statistika faoliyati samaradorligini yanada oshirish, respublika va hududiy darajada davlat statistika organlarining funksiyalari va vazifalarini takomillashtirish bo‘yicha aniq chora-tadbirlar ishlab chiqqan holda davlat statistika tizimi faoliyatining qonun hujjatlarida belgilangan asosiy yo‘nalishlarini tanqidiy ko‘rib chiqish;
davlat statistikasi sohasidagi siyosatni amalga oshirishda Davlat statistika qo‘mitasi faoliyatida boshqa davlat boshqaruvi organlari, xo‘jalik birlashmalari, mahalliy davlat hokimiyati organlari bilan hamkorlik qilish va muvofiqlashtirish bo‘yicha takliflarni ko‘rib chiqish;
davlat statistika ishlari bajarilishining borishi natijadorligini har chorakda tanqidiy ko‘rib chiqish;
xorijiy mamlakatlar statistika organlari bilan statistik axborotlarni almashishni tashkil etish, shuningdek, statistik axborotlarni xalqaro statistik, moliyaviy va iqtisodiy tashkilotlarga taqdim etish bo‘yicha takliflarni ko‘rib chiqish;
jismoniy va yuridik shaxslarning murojaatlarini, shu jumladan, O‘zbekiston Respublikasi Prezidentining Virtual qabulxonasi va Xalq qabulxonalaridan tushgan murojaatlarni o‘z vaqtida va sifatli ko‘rib chiqish asosida O‘zbekiston Respublikasi Prezidenti va O‘zbekiston Respublikasi Vazirlar Mahkamasining topshiriqlari bajarilishi yuzasidan samarali nazoratni ta’minlovchi ijro intizomi darajasini oshirish, davlat statistikasi sohasidagi eng muhim muammolarni hal etish bo‘yicha aniq chora-tadbirlar ishlab chiqish;
joylarda davlat statistikasi organlari faoliyatining dolzarb masalalarini muhokama qilgan, shuningdek, yuzaga kelgan muammolarni bartaraf etish bo‘yicha tegishli qarorlar ishlab chiqqan va qabul qilgan holda kengaytirilgan sayyor hay’at yig‘ilishlari o‘tkazilishini tashkil etish;
hududiy statistika organlari va Institut rahbarlarining hisobotlarini eshitishni tizimli asosda tashkil qilish, ularga yuklangan vazifalar o‘z vaqtida va sifatli amalga oshirilishi uchun ularning shaxsiy javobgarligini oshirishni ta’minlash.
Hay’at Davlat statistika qo‘mitasi vakolatiga taalluqli boshqa masalalarni ham ko‘rib chiqish huquqiga ega.
25. Hay’at majlisiga Davlat statistika qo‘mitasi vakolatiga kiradigan masalalar bo‘yicha boshqa vazirliklar, davlat qo‘mitalari, idoralar, mahalliy davlat hokimiyati organlari, boshqa tashkilotlar rahbarlari taklif etilishi mumkin.
Hay’at uning majlisida tarkibining yarmidan ko‘pi qatnashgan taqdirda vakolatli bo‘ladi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.
26. Hay’at qarorlari Davlat statistika qo‘mitasi qarorlari va raisning buyruqlari bilan amalga oshiriladi. Rais va hay’at a’zolari o‘rtasida kelishmovchiliklar paydo bo‘lgan taqdirda rais bu to‘g‘risida O‘zbekiston Respublikasi Bosh vazirining tegishli o‘rinbosariga axborot bergan holda mustaqil ravishda qaror qabul qiladi. Hay’at a’zolari ham o‘z fikr-mulohazalarini O‘zbekiston Respublikasi Bosh vazirining tegishli o‘rinbosariga xabar qilishlari mumkin.
27. Davlat statistika qo‘mitasi huzurida rasmiy statistikani rivojlantirish, faoliyat yuritish va muvofiqlashtirish muammolari bo‘yicha davlat boshqaruvi organlari, ilmiy jamoatchilik, jamoat tashkilotlari vakillaridan va statistika bo‘yicha milliy ekspertlardan tarkib topgan kollegial maslahat organi hisoblanuvchi Statistika kengashi faoliyat yuritadi.
Statistika kengashi faoliyatining tashkiliy-texnik ta’minoti Davlat statistika qo‘mitasi tomonidan amalga oshiriladi.
28. Davlat statistika qo‘mitasi huzurida yuridik shaxs maqomiga ega bo‘lgan, hududiy davlat statistika organlari, birinchi navbatda tuman va shahar statistika bo‘limlari rahbarlarining kasbiy darajasi va malakasini ikki yilda kamida bir marta oshirishni ta’minlaydigan hamda statistika sohasida ilmiy tadqiqotlarni amalga oshiruvchi Kadrlarni qayta tayyorlash va statistika tadqiqotlari markazi faoliyat yuritadi.
Kadrlarni qayta tayyorlash va statistika tadqiqotlari markazi to‘g‘risidagi nizom Davlat statistika qo‘mitasi tomonidan tasdiqlanadi.
Keyingi tahrirga qarang.
Davlat statistika qo‘mitasi raisi, raisning birinchi o‘rinbosari, rais o‘rinbosarlari faoliyati samaradorligi — O‘zbekiston Respublikasi Prezidenti Administratsiyasi yoki O‘zbekiston Respublikasi Vazirlar Mahkamasi tomonidan belgilanadigan faoliyat samaradorligini baholashning integratsiyalashgan ko‘rsatkichlari asosida;
Keyingi tahrirga qarang.
Davlat statistika qo‘mitasi markaziy apparati boshqarmalari va bo‘limlarining rahbarlari hamda xodimlari, hududiy statistika organlari va idoraviy bo‘ysunuvdagi tashkilotlar rahbar va xodimlarining faoliyati samaradorligi — Davlat statistika qo‘mitasi raisi tomonidan tasdiqlanadigan faoliyat samaradorligini baholash ko‘rsatkichlari asosida.
30. Davlat statistika qo‘mitasi faoliyatining samaradorligi va natijadorligini baholash yakunlari bo‘yicha:
Davlat statistika qo‘mitasi markaziy apparati boshqarmalari va bo‘limlarining rahbarlari hamda xodimlari, hududiy statistika organlari va idoraviy bo‘ysunuvdagi tashkilotlar rahbar va xodimlarini rag‘batlantirish (mukofotlash) yoki ularga nisbatan intizomiy jazo choralari;
aniqlangan kamchiliklarni bartaraf etish va uning faoliyatini yanada takomillashtirish choralari ko‘riladi.
31. Davlat statistika qo‘mitasining mol-mulkini asosiy vositalar va aylanma mablag‘lar, shuningdek, qiymati uning mustaqil balansida aks ettiriladigan boshqa boyliklar tashkil etadi.
32. Davlat statistika qo‘mitasini moliyalashtirish va uning moddiy-texnika ta’minoti Davlat statistika ishlari dasturiga muvofiq O‘zbekiston Respublikasi Davlat budjeti mablag‘lari hisobiga amalga oshiriladi.
Davlat statistika qo‘mitasi budjet mablag‘lari oluvchisi hisoblanib, O‘zbekiston Respublikasi Davlat budjeti mablag‘lari hisobiga zarur moliyalashtirish hajmini belgilashda budjet qonunchiligiga amal qiladi.
Davlat statistika ishlari dasturida belgilangan amalga oshirilgan statistika ishlari uchun haq to‘lash davlat statistika ishlarini bajarishga shartnoma va Davlat statistika qo‘mitasi tomonidan har oyda taqdim etiladigan bajarilgan ishlar dalolatnomalari asosida O‘zbekiston Respublikasining respublika budjeti mablag‘lari hisobiga ta’minlanadi.
Davlat statistika ishlari dasturiga kiritilmagan va ularni ishlab chiqishga qo‘shimcha xarajatlar talab qilinadigan qo‘shimcha statistika ishlariga haq to‘lash buyurtmachilar mablag‘lari hisobiga moliyalashtiriladi.
Davlat statistika qo‘mitasi tomonidan olingan foyda, amortizatsiya ajratmalari, shuningdek, boshqa tushumlar uning ixtiyorida qoladi hamda ulardan davlat statistikasining moddiy-texnika bazasini mustahkamlash va axborot-kommunikatsiya tizimini rivojlantirish, xodimlarning kasb mahoratini, o‘z lavozim vazifalarini sifatli bajarganligini, ijodiy faolligini va tashabbuskorligini rag‘batlantirish uchun belgilangan tartibda foydalaniladi.
33. Davlat statistika qo‘mitasi Davlat statistika ishlari dasturini bajarish doirasida ajratilgan mablag‘larning va o‘z ishlarining boshqa natijalarining tezkor va buxgalteriya hisobini “Buxgalteriya hisobi to‘g‘risida”gi O‘zbekiston Respublikasi Qonuni va Buxgalteriya hisobining milliy standartlariga muvofiq amalga oshiradi, statistika hisobotini yuritadi.
34. Davlat statistika qo‘mitasini qayta tashkil etish va tugatish qonun hujjatlarida belgilangan tartibda amalga oshiriladi.
(1-ilova O‘zbekiston Respublikasi Vazirlar Mahkamasining 2020-yil 6-noyabrdagi 690-sonli qarori tahririda — Qonun hujjatlari ma’lumotlari milliy bazasi, 07.11.2020-y., 09/20/690/1473-son)
1. Vazirlar Mahkamasining “O‘zbekiston Respublikasi Davlat statistika qo‘mitasi faoliyatini tashkil etish to‘g‘risida” 2003-yil 8-yanvardagi 8-son qarorida (O‘zbekiston Respublikasi QT 2003-y., 1-son, 3-modda)
“O‘zbekiston Respublikasi Davlat statistika qo‘mitasining maxsus jamg‘armasi to‘g‘risidagi nizom ilovaga muvofiq tasdiqlansin”;
Statistika kengashining shaxsiy tarkibi O‘zbekiston Respublikasi Vazirlar Mahkamasining taqdimnomasiga binoan O‘zbekiston Respublikasi Prezidenti tomonidan tasdiqlanadi;
O‘zbekiston Respublikasi Davlat statistika qo‘mitasi, Qoraqalpog‘iston Respublikasi, viloyatlar va Toshkent shahar statistika boshqarmalari, tumanlar (shaharlar) statistika bo‘limlari, Kadrlarni qayta tayyorlash va statistik tadqiqotlar markazi O‘zbekiston Respublikasi Davlat statistika qo‘mitasining yagona tizimini tashkil etadi”;
2. Vazirlar Mahkamasining “Davlat va xo‘jalik boshqaruvi organlari, mahalliy davlat hokimiyati organlari va boshqa tashkilotlarda xizmat yengil avtomobillaridan foydalanishni yanada tartibga solish chora-tadbirlari to‘g‘risida” 2011-yil 26-maydagi 153-son qaroriga 2-ilovaning 56-pozitsiyasi quyidagi tahrirda bayon qilinsin:
“ | 56. | Davlat statistika qo‘mitasi | 62 | 60 | 43 | 17 | - | 3 | 5 | |
Markaziy apparat | 9 | 8 | 5 | 3 | - | 2 | 22 | |||
Viloyat bo‘g‘inlari | 29 | 28 | 14 | 14 | - | 1 | 3 | |||
Tuman bo‘g‘inlari | 23 | 23 | 23 | - | - | - | - | |||
Idoraviy mansub tashkilotlar | 1 | 1 | 1 | - | - | - | - | ”. |
Keyingi tahrirga qarang.
1. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining “Tadbirkorlik subyektlari tomonidan taqdim etiladigan hisobot tizimini takomillashtirish va uni noqonuniy talab etganlik uchun javobgarlikni kuchaytirish to‘g‘risida” 2005-yil 15-iyundagi PQ-100-son qarori)” 2005-yil 15-avgustdagi 197-son qaroriga (O‘zbekiston Respublikasi QT, 2005-y., 8-son, 44-modda) ilovaning 2-bandi.
2. Vazirlar Mahkamasining “O‘zbekiston Respublikasi Hukumatining vazirliklar, davlat qo‘mitalari va idoralar to‘g‘risidagi nizomlarni tasdiqlash bo‘yicha ayrim qarorlariga o‘zgartirish va qo‘shimchalar kiritish haqida” 2010-yil 5-iyundagi 108-son qaroriga (O‘zbekiston Respublikasi QT, 2010-y., 6-son, 27-modda) ilovaning 23-bandi “a” kichik bandi, “b” kichik bandning ikkinchi xatboshisi birinchi jumlasi va “v” kichik bandi.
3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasining “Davlat statistikasi to‘g‘risida” O‘zbekiston Respublikasi Qonuniga o‘zgartish va qo‘shimchalar kiritish haqida” 2012-yil 3-yanvardagi O‘RQ-315-son Qonuni)” 2012-yil 26-iyundagi 183-son qaroriga (O‘zbekiston Respublikasi QT, 2012-y., 6-son, 46-modda) 1-ilovaning 1-bandi “b” kichik bandi.
4. Vazirlar Mahkamasining “O‘zbekiston Respublikasi Davlat statistika qo‘mitasi tuzilmasiga o‘zgartirishlar kiritish to‘g‘risida” 2013-yil 13-fevraldagi 36-son qarori (O‘zbekiston Respublikasi QHT, 2013-y., 7-son, 86-modda).
5. Vazirlar Mahkamasining “Elektron hukumat to‘g‘risida”gi O‘zbekiston Respublikasining Qonunini amalga oshirishni davom ettirish chora-tadbirlari haqida” 2016-yil 3-iyundagi 188-son qaroriga (O‘zbekiston Respublikasi QT, 2016-y., 6-son, 47-modda) 4-ilovaning 2-bandi.