Aholi punktlarini qurishda shaharsozlik va yer to‘g‘risidagi qonun hujjatlariga qat’iy rioya etilishini ta’minlashda mahalliy davlat hokimiyati organlarining mas’uliyatini oshirish, tadbirkorlik maqsadlari uchun yer ajratish tartibini yanada takomillashtirish, o‘zboshimchalik bilan qurilgan imoratni aniqlash hamda bartaraf etish choralarini kuchaytirish maqsadida Vazirlar Mahkamasi qaror qiladi:
1. O‘zboshimchalik bilan qurilgan imoratni aniqlash hamda bartaraf etish (buzib tashlash)ni tashkil etish tartibi to‘g‘risida nizom 1-ilovaga muvofiq tasdiqlansin.
2. Quyidagilar Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining aholi punktlarini qurishda shaharsozlik va yer to‘g‘risidagi qonun hujjatlariga qat’iy rioya etilishini ta’minlashdagi asosiy vazifalari etib belgilansin:
aholi punktlarida va qishloqlararo hududlarda tuman (shahar) hokimlari tomonidan imoratlar qurilishi uchun yer uchastkalarining tegishli ruxsat berish hujjatlarini qonun hujjatlarida belgilangan tartibda rasmiylashtirmasdan berilishining oldini olish;
yuridik va jismoniy shaxslar tomonidan yer uchastkalarini o‘zboshimchalik bilan egallash va o‘zboshimchalik bilan imoratni qurishga yo‘l qo‘ymaslik yuzasidan aniq chora-tadbirlarni ishlab chiqish va amalga oshirish;
aholi punktlarini qurishda ularning bosh rejalari qo‘pol ravishda buzilganligi, shaharsozlik normalari va qoidalariga rioya etilishi yuzasidan nazoratni susaytirganligi uchun tegishli mansabdor shaxslarni belgilangan tartibda javobgarlikka tortish choralarini ko‘rish;
aholi punktlarini qurishda shaharsozlik va yer to‘g‘risidagi qonun hujjatlariga qat’iy rioya etilishini ta’minlash borasida olib borilayotgan ishlarning ommaviy axborot vositalarida muntazam ravishda yoritib borilishini tashkil etish.
3. O‘zbekiston Respublikasi Davlat arxitektura va qurilish qo‘mitasi va Yer resurslari, geodeziya, kartografiya va davlat kadastri davlat qo‘mitasi:
Keyingi tahrirga qarang.
davlat va xo‘jalik boshqaruvi organlari, mahalliy davlat hokimiyati organlari, yuridik va jismoniy shaxslar tomonidan shaharsozlik va yer to‘g‘risidagi qonun hujjatlariga rioya etilishi yuzasidan ta’sirchan nazoratni ta’minlasin;
boshqa manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
4. O‘zbekiston Respublikasi Hukumatining ayrim qarorlariga 2-ilovaga muvofiq o‘zgartirish va qo‘shimchalar kiritilsin.
Keyingi tahrirga qarang.
5. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov zimmasiga yuklansin.
1. Ushbu Nizom O‘zbekiston Respublikasining Shaharsozlik kodeksi, Yer kodeksi va Fuqarolik kodeksiga muvofiq o‘zboshimchalik bilan qurilgan (qurilayotgan) uy-joy, boshqa bino, inshoot yoki o‘zga ko‘chmas mulkni (keyingi o‘rinlarda o‘zboshimchalik bilan qurilgan imorat deb ataladi) aniqlash va bartaraf etish (buzib tashlash)ni tashkil etish tartibini belgilaydi.
2. O‘zboshimchalik bilan qurilgan imoratlarni aniqlash hamda bartaraf etish (buzib tashlash)ni tashkil etish ushbu sohada vakolatga ega davlat organlari tomonidan shaharcha, qishloq, ovul, mahalla fuqarolar yig‘ini (keyingi o‘rinlarda fuqarolarning o‘zini o‘zi boshqarish organlari deb ataladi) bilan hamkorlikda amalga oshiriladi.
qonun hujjatlarida belgilangan tartibda qurilish maqsadlari uchun yer uchastkasini ajratish to‘g‘risidagi tuman (shahar) hokimining qarori mavjudligini;
davlat arxitektura-qurilishi nazorati hududiy inspeksiyasining qurilish-montaj ishlarini amalga oshirish uchun ruxsatnomasi yoki uy-joy qurishi uchun tuman (shahar) arxitektori bilan kelishilgan yakka tartibda ishlab chiqilgan loyihaning mavjudligini;
Keyingi tahrirga qarang.
Keyingi tahrirga qarang.
4. Quyidagilar o‘zboshimchalik bilan qurilgan imoratlarni aniqlash hamda ularni bartaraf etish (buzib tashlash)ni tashkil etish sohasidagi vakolatli davlat organlari (keyingi o‘rinlarda vakolatli organlar deb ataladi) hisoblanadi:
Qoraqalpog‘iston Respublikasi Vazirlar Kengashi, viloyatlar va Toshkent shahri, tumanlar (shaharlar) hokimliklari;
O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi hamda uning hududiy organlari;
Keyingi tahrirga qarang.
Keyingi tahrirga qarang.
O‘zbekiston Respublikasi Ekologiya va atrof-muhitni muhofaza qilish davlat qo‘mitasi hamda uning hududiy organlari;
Keyingi tahrirga qarang.
O‘zbekiston Respublikasi Madaniyat vazirligining Madaniy meros obyektlarini muhofaza qilish va ulardan foydalanish ilmiy-ishlab chiqarish bosh boshqarmasi va uning mintaqalararo inspeksiyalari.
Keyingi tahrirga qarang.
Vakolatli organlar fuqarolarning o‘zini o‘zi boshqarish organlari bilan hamkorlikda faoliyat yuritadi.
5. Vakolatli organlar har yili o‘zlarining o‘zboshimchalik bilan qurilgan imoratni aniqlash hamda bartaraf etish (buzib tashlash)ni tashkil etish chora-tadbirlar rejasini (keyingi o‘rinlarda Chora-tadbirlar rejasi deb ataladi) ishlab chiqadi va tasdiqlaydi.
Chora-tadbirlar rejalarining ishlab chiqilishi va ularning ijrosini Qoraqalpog‘iston Respublikasi Vazirlar Kengashi, viloyatlar, Toshkent shahri hamda tumanlar (shaharlar) hokimliklari tegishliligi bo‘yicha muvofiqlashtiradi.
6. O‘zboshimchalik bilan qurilgan imoratlarni aniqlash hamda bartaraf etish (buzib tashlash)ni tashkil etish ushbu Nizomning ilovasidagi sxemaga muvofiq amalga oshiriladi.
7. Har bir vakolatli organning hududiy organi ushbu Nizomning 5-bandida nazarda tutilgan o‘zining Chora-tadbirlar rejasiga muvofiq o‘zboshimchalik bilan qurilgan imoratlarni mustaqil ravishda yoki boshqa organlar bilan birgalikda aniqlab boradi.
Keyingi tahrirga qarang.
Keyingi tahrirga qarang.
imoratni qurish uchun ushbu Nizomning 3-bandida nazarda tutilgan hujjatlarning mavjudligi hamda shaharsozlik normalari va qoidalari asosida qurilganligini aniqlaydi;
o‘zboshimchalik bilan qurilgan imorat aniqlangan taqdirda ushbu imoratni qurgan shaxsga mazkur qurilishning noqonuniyligi va uning huquqiy oqibatlari haqida batafsil tushuntirishlar beradi hamda imoratni o‘n besh kunlik muddatda ixtiyoriy ravishda bartaraf etish (buzib tashlash) to‘g‘risida dalolatnoma tuzadi.
o‘zboshimchalik bilan qurilgan imoratni aniqlashda ishtirok etgan vakolatli organ va fuqarolarning o‘zini o‘zi boshqarish organi vakili lavozimi, familiya va ismi-sharifi hamda imorat qurgan shaxsning nomi (yuridik shaxs bo‘lganda) yoki familiya va ismi-sharifi (jismoniy shaxs bo‘lganda);
Keyingi tahrirga qarang.
o‘zboshimchalik bilan qurilgan imoratning aniq manzili, qurilish maqsadi hamda qurilishning holati va hajmi;
o‘zboshimchalik bilan imoratni qurgan shaxs tomonidan uni o‘n besh kunlik muddatda ixtiyoriy ravishda bartaraf etish (buzib tashlash) to‘g‘risida ko‘rsatma.
9. Vakolatli organ o‘zboshimchalik bilan imoratni qurgan shaxsga ushbu Nizomning 8-bandida nazarda tutilgan dalolatnomani fuqarolarning o‘zini o‘zi boshqarish organi vakili va tuman (shahar) ichki ishlar boshqarmasining (bo‘limining) profilaktika inspektori ishtirokida topshirilishini ta’minlaydi.
10. O‘zboshimchalik bilan imorat qurgan shaxs dalolatnomani olishni rad etgan holda vakolatli organ ushbu holat to‘g‘risida kamida uch kishi (vakolatli organ va fuqarolarning o‘zini o‘zi boshqarish organi vakillari hamda tuman (shahar) ichki ishlar boshqarmasining (bo‘limining) profilaktika inspektori) ishtirokida bayonnoma tuzilishini ta’minlaydi.
Bayonnomada dalolatnomani topshirayotgan shaxslarning lavozimi va ismi-sharifi, o‘zboshimchalik bilan imoratni qurgan shaxs tomonidan dalolatnomani olishdan bosh tortgan sana va bosh tortish sabablari (mavjud bo‘lganda) ko‘rsatib o‘tiladi.
11. O‘zboshimchalik bilan imoratni qurgan shaxs o‘n besh kun muddat ichida uni o‘z hisobidan bartaraf etishi shart.
O‘zboshimchalik bilan imoratni qurgan shaxs tomonidan ushbu imoratni bartaraf etilishi (buzib tashlanishi)ni vakolatli organ fuqarolarning o‘zini o‘zi boshqarish organi bilan hamkorlikda nazorat qiladi.
O‘zboshimchalik bilan imoratni qurgan shaxs tomonidan imoratga nisbatan mulk huquqini e’tirof etish to‘g‘risida sudga da’vo berilgan taqdirda da’vo berilgan kundan boshlab sudning yakuniy qarori qabul qilinishiga qadar ushbu imoratni bartaraf etilishi vaqtincha to‘xtatib turiladi.
12. O‘zboshimchalik bilan qurilgan imorat bartaraf etish (buzib tashlash) uchun belgilangan muddat tugagandan so‘ng vakolatli organ fuqarolarning o‘zini o‘zi boshqarish organi bilan hamkorlikda ikki ish kuni mobaynida ushbu to‘g‘risida O‘zbekiston Respublikasi Yer kodeksining 34-moddasiga muvofiq tuman (shahar) hokimligi huzuridagi Yer uchastkalarini berish (realizatsiya qilish) masalalarini ko‘rib chiquvchi komissiyaga (keyingi o‘rinlarda Komissiya deb ataladi) xabarnoma kiritadi.
Xabarnomada o‘zboshimchalik bilan imoratni qurgan shaxsning nomi (yuridik shaxs bo‘lganda) yoki familiya va ismi-sharifi (jismoniy shaxs bo‘lganda), imoratning aniq manzili, qurilish maqsadi, qurilishning holati va hajmi ko‘rsatilgan ma’lumotlar aks ettiriladi hamda unga ushbu Nizomning 8-bandida nazarda tutilgan dalolatnoma va 10-bandida nazarda tutilgan bayonnoma ilova qilinadi.
Keyingi tahrirga qarang.
13. Komissiya vakolatli organlar tomonidan kiritilgan xabarnoma kelib tushgan sanadan e’tiboran uch ish kuni mobaynida O‘zbekiston Respublikasi Fuqarolik kodeksining 212-moddasi uchinchi qismiga muvofiq o‘zboshimchalik bilan qurilgan imoratni bartaraf etish (buzib tashlash) to‘g‘risidagi tuman (shahar) hokimining da’vo arizasini sudga kiritilishini ta’minlaydi.
Keyingi tahrirga qarang.
14. O‘zboshimchalik bilan qurilgan imoratni bartaraf etish (buzib tashlash) to‘g‘risidagi da’vo arizaga ushbu Nizomning 8-bandida nazarda tutilgan dalolatnoma, 10-bandida nazarda tutilgan bayonnoma, 12-bandida nazarda tutilgan xabarnoma, o‘zboshimchalik bilan qurilgan imoratning joylashuv sxemasi, imoratning fotosuratlari (kamida to‘rt tomonidan tushirilgan) ilova qilinadi.
15. O‘zbekiston Respublikasi Yer kodeksining 91-moddasiga muvofiq o‘zboshimchalik bilan egallab olingan yer uchastkalari ularga g‘ayriqonuniy ravishda egalik qilingan va foydalanilgan vaqtda qilingan sarf-xarajatlar qoplanmagan tarzda tegishliligiga ko‘ra qaytariladi.
Yer uchastkalarini foydalanish uchun yaroqli holatga keltirish, shu jumladan undagi imoratlarni buzish yer uchastkalarini o‘zboshimchalik bilan egallab olgan shaxslar hisobidan amalga oshiriladi.
O‘zboshimchalik bilan egallab olingan yer uchastkasini yer egasiga, yerdan foydalanuvchiga, yer uchastkasi ijarachisiga yoki mulkdoriga qaytarish tegishli tuman, shahar, viloyat hokimining qaroriga binoan yoki sudning hal qiluv qaroriga ko‘ra amalga oshiriladi.
16. O‘zboshimchalik bilan qurilgan imoratni qonun hujjatlariga muvofiq fuqarolarning huquqlari va qonuniy manfaatlariga ziyon yetkazmagan holda bartaraf etish choralari ko‘riladi.
17. Mazkur Nizom talablari buzilishida aybdor bo‘lgan shaxslar qonun hujjatlariga muvofiq javob beradilar.
O‘zboshimchalik bilan qurilgan imoratni aniqlash hamda bartaraf etish (buzib tashlash)ni tashkil etish tartibi to‘g‘risidagi nizomga
ILOVA
ILOVA
Keyingi tahrirga qarang.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Shaharsozlik faoliyatini amalga oshirish hamda qishloq xo‘jaligiga oid bo‘lmagan ehtiyojlar uchun yer uchastkalari berish, shuningdek obyektlarni qurishga ruxsatnomalar berish tartibini tubdan soddalashtirish chora-tadbirlari to‘g‘risida” 2013-yil 25-fevraldagi 54-son qarorida (O‘zbekiston Respublikasi QT, 2013-y., 2-son, 13-modda):
a) Shaharsozlik faoliyatini amalga oshirish uchun aholi punktlarida yer uchastkalari berish, qurilish obyektlarini loyihalashtirish va ro‘yxatdan o‘tkazish, shuningdek obyektlarni foydalanishga qabul qilish tartibi to‘g‘risidagi Nizomda:
“11. Tuman (shahar) arxitektura va qurilish bo‘limi (boshqarmasi) yuridik va jismoniy shaxslar bilan tuzilgan shartnoma asosida yigirma uch kun mobaynida yer uchastkasini tanlash bo‘yicha materiallarni tayyorlaydi va vakolatli organlar (tashkilotlar) bilan kelishadi.
Yer uchastkasini tanlash bo‘yicha materiallarni tayyorlaganlik va kelishganlik uchun O‘zbekiston Respublikasi Vazirlar Mahkamasi tomonidan belgilangan miqdorda to‘lov undiriladi.
Tuman (shahar) arxitektura va qurilish bo‘limi (boshqarmasi) yer uchastkasini tanlash bo‘yicha materiallarni tayyorlashga va vakolatli organlar (tashkilotlar) bilan kelishishga yuridik va jismoniy shaxslar tomonidan bajariladigan ishlarning 15 foizi miqdoridan kam bo‘lmagan avans to‘lovi amalga oshirilgandan so‘ng kirishadi”;
“15. Tuman (shahar) arxitektura va qurilish bo‘limi (boshqarmasi) yer uchastkasini tanlash bo‘yicha materiallarni tuman (shahar) hokimining xati bilan tegishliligiga ko‘ra Qoraqalpog‘iston Respublikasi Vazirlar Kengashi va viloyatlar hokimliklari huzuridagi yer uchastkalarini berish (realizatsiya qilish) masalalarini ko‘rib chiquvchi komissiyaga yuboradi.
Qoraqalpog‘iston Respublikasi Vazirlar Kengashi va viloyatlar hokimliklari huzuridagi yer uchastkalarini berish (realizatsiya qilish) masalalarini ko‘rib chiquvchi komissiya Qoraqalpog‘iston Respublikasi Vazirlar Kengashi Raisi va viloyat hokimi rahbarligida to‘rt kun mobaynida yer uchastkasini tanlash bo‘yicha materiallarni ko‘rib chiqadi va ma’qullangan taqdirda tegishli ravishda rasmiylashtirilgan bayon bilan Qoraqalpog‘iston Respublikasi Arxitektura va qurilish qo‘mitasi yoki viloyat arxitektura va qurilish bosh boshqarmasining xati bilan ularni bosh loyiha-qidiruv tashkilotlariga kelishish uchun yuboradi.
Toshkent shahrida yer uchastkasini tanlash bo‘yicha materiallarni bosh loyiha-qidiruv tashkilotlariga kelishish uchun Toshkent shahar arxitektura va qurilish bosh boshqarmasi yuboradi”;
b) Qishloq xo‘jaligiga oid bo‘lmagan ehtiyojlar, shuningdek ikki va undan ortiq tumanlar (shaharlar) yoki viloyatlar hududida joylashtiriladigan obyektlar qurilishi uchun aholi punktlari tashqarisidan yer uchastkalari berish tartibi to‘g‘risidagi Nizomda:
“10. Davlat korxonasi yigirma uch kun mobaynida yuridik va jismoniy shaxslar bilan tuzilgan shartnoma asosida yer uchastkasini tanlash bo‘yicha materiallarni tayyorlaydi va vakolatli organlar (tashkilotlar) bilan kelishadi.
Yer uchastkasini tanlash bo‘yicha materiallarning tayyorlanganligi va kelishilganligi uchun O‘zbekiston Respublikasi Vazirlar Mahkamasi tomonidan belgilangan miqdorda to‘lov undiriladi.
Davlat korxonasi yer uchastkasini tanlash bo‘yicha materiallarni tayyorlashga va vakolatli organlar (tashkilotlar) bilan kelishishga yuridik va jismoniy shaxslar tomonidan bajariladigan ishlarning 15 foizi miqdoridan kam bo‘lmagan avans to‘lovi amalga oshirilgandan so‘ng kirishadi”;
“Yer uchastkasini tanlash bo‘yicha materiallar birinchi navbatda faqat tuman arxitektura va qurilish bo‘limi (boshqarmasi) bilan kelishiladi. Yer uchastkasini tanlash bo‘yicha materiallarni tuman arxitektura va qurilish bo‘limi (boshqarmasi) ma’qullagandan so‘ng ular boshqa vakolatli organlar (tashkilotlar) bilan kelishishga yuboriladi.
Yer uchastkasini tanlash bo‘yicha materiallar vakolatli organlar (tashkilotlar) bilan kelishilganda yer uchastkasini joylashtirish planiga ularning rahbarlari imzosi qo‘yiladi. Vakolatli organlar (tashkilotlar) rahbarlarining imzosi ushbu organning (tashkilotning) muhri bilan tasdiqlanadi”;
“14. Davlat korxonasi yer uchastkasini tanlash bo‘yicha materiallarni tuman (shahar) hokimining xati bilan tegishliligiga ko‘ra Qoraqalpog‘iston Respublikasi Vazirlar Kengashi va viloyat hokimliklari huzuridagi yer uchastkalarini berish (realizatsiya qilish) masalalarini ko‘rib chiquvchi komissiyaga yuboradi.
Qoraqalpog‘iston Respublikasi Vazirlar Kengashi va viloyatlar hokimliklari huzuridagi yer uchastkalarini berish (realizatsiya qilish) masalalarini ko‘rib chiquvchi komissiya Qoraqalpog‘iston Respublikasi Vazirlar Kengashi Raisi va viloyat hokimi rahbarligida to‘rt kun mobaynida yer uchastkasini tanlash bo‘yicha materiallarni ko‘rib chiqadi va ma’qullangan taqdirda tegishli ravishda rasmiylashtirilgan bayon bilan Qoraqalpog‘iston Respublikasi Arxitektura va qurilish qo‘mitasi yoki viloyat arxitektura va qurilish bosh boshqarmasining xati orqali ularni “Qishloqqurilishloyiha” MChJga yuboradi”;
2. Vazirlar Mahkamasining 2015-yil 7-oktabrdagi 285-son qarori (O‘zbekiston Respublikasi QT, 2015-y., 10-son, 89-modda) bilan tasdiqlangan Yuridik va jismoniy shaxslarga tadbirkorlik faoliyatini amalga oshirish uchun doimiy foydalanishga tanlov asosida yer uchastkalari berish tartibi to‘g‘risidagi Nizomda:
besh yil davomida faoliyat turini o‘zgartirmaslik va yer uchastkasidan doimiy foydalanish huquqini boshqa shaxsga o‘tkazmaslik sharti bilan tadbirkorlik subyektlariga ilgari berilgan yer uchastkalariga qo‘shimcha ravishda (ilgari berilgan yer uchastkasi o‘lchamidan ko‘p bo‘lmagan miqdorda) faqat ishlab chiqarishni va aholiga ko‘rsatilayotgan savdo, maishiy, tibbiy va boshqa xizmatlarni kengaytirish hamda turlarini ko‘paytirish (yer uchastkasining qo‘shimcha ravishda berilishi asoslangan tadbirkorlik subyektining biznes rejasi tuman (shahar) hokimlari tomonidan tasdiqlangan bo‘lishi kerak), tadbirkorlik subyektlarining mulki bo‘lgan binolarga qo‘shimcha kirish-chiqish maydonchalari, yerto‘laga tushish va yuqori qavatlarga chiqish zinalarini tashkil etish, bino va inshootlarning qismlariga yuk tashish va o‘t o‘chirish avtomobillarini o‘tishiga yo‘l tashkil etish uchun yer uchastkalarini qo‘shib berishga”;
“Avans to‘lovlari tanlov g‘oliblaridan tushadigan mablag‘larni jamlash uchun ochiladigan Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklarining maxsus hisob raqamlaridan to‘lanadi.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining maxsus hisob raqamlarida mablag‘ bo‘lmagan holatlarda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining budjetdan tashqari mablag‘lari yoki Qoraqalpog‘iston Respublikasi respublika budjetining, viloyatlar viloyat budjetlarining va Toshkent shahri shahar budjetining zaxira jamg‘armalari hisobidan to‘lab beriladi”;
v) 11-bandda “yilning 15-yanvargacha va 15-iyulgacha” so‘zlar “chorakning birinchi o‘n kunligigacha (10-yanvargacha, 10-aprelgacha, 10-iyulgacha va 10-oktabrgacha)” so‘zlar bilan almashtirilsin;
g) 12-bandda “10-yanvargacha va 10-iyulgacha” so‘zlar “chorakning birinchi oyini birinchi sanasigacha (1-yanvargacha, 1-aprelgacha, 1-iyulgacha va 1-oktabrgacha)” so‘zlar bilan almashtirilsin;
d) 13-bandda “10-yanvargacha va 10-iyulgacha” so‘zlar “chorakning birinchi oyini birinchi sanasigacha (1-yanvargacha, 1-aprelgacha, 1-iyulgacha va 1-oktabrgacha) so‘zlar bilan almashtirilsin;
e) 14-bandda “20-yanvargacha va 20-iyulgacha” so‘zlar “chorakning birinchi o‘n kunligigacha (10-yanvargacha, 10-aprelgacha, 10-iyulgacha va 10-oktabrgacha)” so‘zlar bilan almashtirilsin;
“141. Qoraqalpog‘iston Respublikasi Arxitektura va qurilish qo‘mitasiga, viloyatlar va Toshkent shahar arxitektura va qurilish bosh boshqarmalari o‘zlarining huzuridagi hududiy arxitektura-shaharsozlik kengashlarida yer uchastkalari berish bo‘yicha materiallarni tayyorlashdan oldin asosiy va qo‘shimcha ro‘yxatlardagi har bir yer uchastkasini shaharsozlik norma va qoidalarga muvofiqligini baholaydilar.
Shaharsozlik norma va qoidalarga nomuvofiq bo‘lgan yer uchastkalari oldin asosiy va qo‘shimcha ro‘yxatlardan chiqarib tashlanadi”;
z) 17-bandda “1-aprelgacha va 1-oktabrgacha” so‘zlar “chorakning birinchi oyini uchinchi o‘n kunligigacha (30-yanvargacha, 30-aprelgacha, 30-iyulgacha va 30-oktabrgacha)” so‘zlar bilan almashtirilsin;
i) 25-bandda “20-aprelgacha va 20-oktabrgacha” so‘zlar “chorakning ikkinchi oyini ikkinchi o‘n kunligigacha (20-fevralgacha, 20-maygacha, 20-avgustgacha va 20-noyabrgacha)” so‘zlar bilan almashtirilsin;
“Ko‘chmas mulk savdo xizmati” MChJning hududiy filiallari tomonidan axborot-maslahat xizmatlari uchun talabgorlardan qo‘shimcha to‘lov talab qilishga yo‘l qo‘yilmaydi”;
“Ko‘chmas mulk savdo xizmati” MChJning hududiy filiallari xodimlari tomonidan ushbu Nizomning 35-bandida nazarda tutilgan hujjatlarni muhrlanmagan konvertlarda qabul qilish, muhrlangan konvertlarni ochish va talabgorning imzolari mavjudligini tekshirish bahonasida ulardagi hujjatlar bilan tanishishga yo‘l qo‘yilmaydi”;
uchinchi — yettinchi xatboshilar tegishli ravishda to‘rtinchi — sakkizinchi xatboshilar deb hisoblansin;
“j” kichik banddan “tanlov taklifi faqat bir nafar talabgordan tushganda” so‘zlar chiqarib tashlansin;
“Tanlov taklifi faqat bir nafar talabgordan tushganda tanlov komissiyasi tomonidan tanlov bo‘lib o‘tmagan deb e’lon qilinadi va uning qarori bilan belgilangan muddatlarda takroriy tanlov o‘tkaziladi. Takroriy tanlov o‘tkazishda tanlov taklifi yana faqat bir nafar talabgordan tushganda tanlov komissiyasi tomonidan tanlov o‘tmagan deb e’lon qilinadi va tanlov komissiyasining tanlov natijalari to‘g‘risidagi protokolida ushbu talabgorga yer uchastkasi berilishi qayd etiladi”;
“konvertlarni ochishda va tanlov natijalarini e’lon qilishda talabgorlar yoki ularning ishonchli vakillarining hamda tegishli tumanlar (shaharlar) hokimliklarining vakillarining ishtirok etishi uchun sharoit yaratish;
uchinchi — oltinchi xatboshilar tegishli ravishda beshinchi — sakkizinchi xatboshilar deb hisoblansin;
“481. Qishloq joylarda va uzoq tumanlarda yer uchastkalarini tanlov asosida berishda yer uchastkasidan doimiy foydalanish huquqini olgan tanlov g‘oliblari tanlov predmeti qiymatini bir yilgacha bo‘lib-bo‘lib to‘lashi mumkin, tanlov zakalati va boshqa belgilangan avans to‘lovlari bundan mustasno”;
“yili 10-yanvargacha va 10-iyulgacha” so‘zlar “chorakning birinchi oyini birinchi sanasigacha (1-yanvargacha, 1-aprelgacha, 1-iyulgacha va 1-oktabrgacha)” so‘zlar bilan almashtirilsin;
“yili 15-yanvargacha va 15-iyulgacha” so‘zlar “chorakning birinchi oyini beshinchi sanasigacha (5-yanvargacha, 5-aprelgacha, 5-iyulgacha va 5-oktabrgacha)” so‘zlar bilan almashtirilsin;
“yili 20-yanvargacha va 20-iyulgacha” so‘zlar “chorakning birinchi o‘n kunligigacha (10-yanvargacha, 10-aprelgacha, 10-iyulgacha va 10-oktabrgacha)” so‘zlar bilan almashtirilsin;
“yili 1-aprelgacha va 1-oktabrgacha” so‘zlar “chorakning ikkinchi oyini o‘n beshinchi sanasigacha (15-fevralgacha, 15-maygacha, 15-avgustgacha va 15-noyabrgacha) so‘zlar bilan almashtirilsin;
“yili 20-aprelgacha va 20-oktabrgacha” so‘zlar “chorakning ikkinchi oyini ikkinchi o‘n kunligigacha “(20-fevralgacha, 20-maygacha, 20-avgustgacha va 20-noyabrgacha)” so‘zlar bilan almashtirilsin.
Keyingi tahrirga qarang.