Mamlakatda davlat boshqaruvini takomillashtirish hamda demokratlashtirish, aholining turmush darajasi va sifatini oshirish, hududlarni kompleks rivojlantirish borasida keng ko‘lamli islohotlar amalga oshirilmoqda.
Ushbu jarayonda prokuratura organlari tomonidan qabul qilinayotgan qonun hujjatlari ijrosini ta’minlash, jamiyatda qonuniylik va huquq-tartibotni mustahkamlash choralari ko‘rilmoqda.
Shu bilan birga, 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasining samarali ro‘yobga chiqarilishi — mamlakatda qonuniylik va huquq-tartibotni ta’minlash, demokratik, ijtimoiy-iqtisodiy islohotlarni amalga oshirish hamda inson huquq va erkinliklarini ishonchli himoya qilishga qaratilgan qonun hujjatlarini so‘zsiz ijro etish uchun prokuratura organlarining kuch va imkoniyatlarini to‘liq safarbar qilishni taqozo etadi.
Shu kabi, mamlakatni ijtimoiy-iqtisodiy rivojlantirishning ustuvor yo‘nalishlari va yangi vazifalari prokuratura organlari faoliyatini tashkil etishni, shu jumladan, qonuniylik ahvolini tizimli tahlil qilish, shuningdek, aholining ijtimoiy himoyasini ta’minlash, tadbirkorlikni har tomonlama qo‘llab-quvvatlash va hududlarni kompleks rivojlantirishga qaratilgan chora-tadbirlarning samaradorligiga salbiy ta’sir etuvchi huquqbuzarliklarning sabab va shart-sharoitlarini o‘z vaqtida aniqlash hamda bartaraf etish borasidagi faoliyatni yanada takomillashtirishni talab etadi.
Prokuratura organlarining qonunchilik ijrosini ta’minlash borasidagi mas’uliyatini yanada oshirish hamda 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini so‘zsiz amalga oshirish maqsadida:
1. Jamiyatda qonuniylikni mustahkamlash hamda demokratik, ijtimoiy-iqtisodiy islohotlarni ro‘yobga chiqarishga, inson huquq va erkinliklarini ishonchli himoya qilishga qaratilgan qonunlarning so‘zsiz ijro etilishi ustidan samarali nazoratni amalga oshirish orqali “Xalq manfaatlariga xizmat qilish” prokuratura organlarining ustuvor vazifasi etib belgilansin va bunda:
birinchidan, hududlarni kompleks ijtimoiy-iqtisodiy rivojlantirish dasturlarini so‘zsiz bajarishni, amalga oshirilayotgan islohotlarga to‘siq bo‘luvchi omillar va tizimli kamchiliklarni aniqlash hamda bartaraf etishni;
ikkinchidan, tadbirkorlik faoliyatini har tomonlama qo‘llab-quvvatlash hamda tadbirkorlik subyektlarining huquq va qonuniy manfaatlarini ishonchli himoya qilishni;
Keyingi tahrirga qarang.
uchinchidan, aholi bilan to‘g‘ridan-to‘g‘ri ochiq muloqot o‘rnatishni, fuqarolar murojaatlarini o‘z vaqtida hal qilishni, aholining huquqiy madaniyatini oshirishni, jamiyatda qonun buzilishiga nisbatan murosasiz munosabatni shakllantirishni;
to‘rtinchidan, profilaktika tadbirlarining, ayniqsa voyaga yetmaganlar va yoshlar o‘rtasidagi tadbirlarning ta’sirchanligini, huquqbuzarliklar sodir etilishining sabab va shart-sharoitlarini o‘z vaqtida aniqlash hamda bartaraf etishni;
beshinchidan, kam ta’minlangan oilalarni manzilli ijtimoiy himoya qilishni, yangi ish o‘rinlari yaratish dasturlarini amalga oshirishni, ish haqi, pensiya, stipendiya va nafaqalarni o‘z vaqtida to‘lashni;
oltinchidan, malakali tibbiy yordam ko‘rsatishni, aholiga arzon dori vositalari yetkazishni, ta’lim jarayonining sifati va ta’lim muassasalarida o‘quvchilar davomatini hamda ularning bo‘sh vaqtini mazmunli tashkil etishni;
yettinchidan, fuqarolarga arzon uy-joy ajratishni, uy-joy sotib olish uchun, birinchi navbatda, yosh oilalar, yetim bolalarga kredit resurslaridan foydalanish imkoniyatini yaratishni, sifatli kommunal xizmat ko‘rsatish va hisob-kitoblarni o‘z vaqtida amalga oshirishni;
sakkizinchidan, tabiiy resurslar, yer maydonlaridan maqsadli va oqilona foydalanishni ta’minlashga asosiy e’tibor qaratilsin.
Oldingi tahrirga qarang.
(2-band O‘zbekiston Respublikasi Prezidentining 2018-yil 3-maydagi PF-5428-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 04.05.2018-y., 06/18/5428/1158-son)
3. Qonuniylik va huquq-tartibotni ta’minlash muammolarini tahlil qilish sohasidagi faoliyatni tashkil etish va muvofiqlashtirish uchun mas’ul bo‘lgan O‘zbekiston Respublikasi Bosh prokurori o‘rinbosari lavozimi joriy etilsin.
O‘zbekiston Respublikasi Bosh prokuraturasining yangilangan tashkiliy-shtat tuzilmasi 1-ilovaga muvofiq;
O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining yangilangan tashkiliy-shtat tuzilmasi 2-ilovaga muvofiq;
Keyingi tahrirga qarang.
O‘zbekiston Respublikasi Harbiy prokuraturasi va Harbiy prokuratura mahkamasining yangilangan tashkiliy-shtat tuzilmalari 3 va 4-ilovalarga muvofiq tasdiqlansin.
Keyingi tahrirga qarang.
Prokuratura organlari boshqaruv xodimlarining umumiy soni 4 324 nafar (harbiy prokuraturadan tashqari), shu jumladan, Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boshqaruv xodimlarining umumiy soni 1076 nafar etib belgilansin.
Keyingi tahrirga qarang.
4-bandning beshinchi xatboshisiga O‘zbekiston Respublikasi Prezidentining 2018-yil 15-fevraldagi PF-5343-sonli Farmoniga asosan o‘zgartirish kiritilgan. Rus tili matniga qarang.
Keyingi tahrirga qarang.
5. O‘zbekiston Respublikasi Bosh prokuroriga, zarur hollarda, prokuratura organlari, shu jumladan, Harbiy prokuratura va Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining tashkiliy-shtat tuzilmalariga belgilangan umumiy shtatlar soni doirasida o‘zgartishlar kiritish huquqi berilsin.
Keyingi tahrirga qarang.
6. Prokuratura organlari xodimlariga beriladigan uzoq muddatli ipoteka kreditlarini qaytarish uch yillik imtiyozli davr bilan amalga oshirilishi, mazkur davr mobaynida kreditlar bo‘yicha faqat foizlar to‘lanishi tartibi o‘rnatilsin.
Oldingi tahrirga qarang.
61. O‘zbekiston Respublikasi Bosh prokuraturasiga bo‘sh yotgan milliy va xorijiy valyutadagi budjetdan tashqari mablag‘larni, shuningdek prokuratura organlari depozit hisobraqamlaridagi mablag‘larni O‘zbekiston Respublikasi tijorat banklarida depozitlarga qo‘yish huquqi berilsin.
Mablag‘larni joylashtirishdan olingan daromadlar moddiy-texnika bazasini mustahkamlash, ijtimoiy rivojlanish va ularning xodimlarini moddiy rag‘batlantirish, shuningdek qonun hujjatlarida nazarda tutilgan boshqa maqsadlarga yo‘naltirilgan holda, prokuratura organlarining rivojlanish jamg‘armalari hisobraqamlariga kiritilishi belgilansin.
(61-band O‘zbekiston Respublikasi Prezidentining 2018-yil 15-fevraldagi PF-5343-sonli Farmoniga asosan kiritilgan)
Keyingi tahrirga qarang.
Oldingi tahrirga qarang.
62. O‘zbekiston Respublikasi prokuraturasining bayrog‘i va emblemasi namunalari 5 va 6-ilovalarga muvofiq tasdiqlansin.
Belgilansinki, bayroq va emblemadan foydalanish tartibi O‘zbekiston Respublikasi Bosh prokurori tomonidan tasdiqlanadi.
(62-band O‘zbekiston Respublikasi Prezidentining 2018-yil 7-maydagi PF-5436-sonli Farmoniga asosan kiritilgan — Qonun hujjatlari ma’lumotlari milliy bazasi, 08.05.2018-y., 06/18/5436/1175-son)
7. Mazkur Farmonni bajarish bilan bog‘liq xarajatlar O‘zbekiston Respublikasi Davlat budjeti mablag‘lari hisobidan amalga oshirilsin.
Keyingi tahrirga qarang.
8. Adliya vazirligi Bosh prokuratura va boshqa manfaatdor idoralar bilan birgalikda bir oy muddatda qonun hujjatlariga ushbu Farmondan kelib chiqadigan o‘zgartirish va qo‘shimchalar bo‘yicha O‘zbekiston Respublikasi Vazirlar Mahkamasiga takliflar kiritsin.
9. O‘zbekiston Respublikasi Moliya vazirligi, Bosh prokuraturasi va Mudofaa vazirligi bir oy muddatda mazkur Farmonga muvofiq O‘zbekiston Respublikasi Bosh prokuraturasi, Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti hamda Harbiy prokuraturasining xarajatlar smetasi va shtatlar jadvaliga o‘zgartirishlar kiritsin.
Oldingi tahrirga qarang.
10. O‘zbekiston Respublikasi Prezidentining 2013-yil 12-sentabrdagi PQ-2036-sonli qarori bilan tasdiqlangan O‘zbekiston Respublikasi prokuraturasi organlari va muassasalarida xizmatni o‘tash to‘g‘risidagi nizomga 7-ilovaga muvofiq o‘zgartirish va qo‘shimchalar kiritilsin.
(10-band O‘zbekiston Respublikasi Prezidentining 2018-yil 7-maydagi PF-5436-sonli Farmoni tahririda — Qonun hujjatlari ma’lumotlari milliy bazasi, 08.05.2018-y., 06/18/5436/1175-son)
Oldingi tahrirga qarang.
11. O‘zbekiston Respublikasi Prezidentining ayrim hujjatlari 6-ilovaga muvofiq o‘z kuchini yo‘qotgan deb hisoblansin.
(11-band O‘zbekiston Respublikasi Prezidentining 2018-yil 7-maydagi PF-5436-sonli Farmoni tahririda — Qonun hujjatlari ma’lumotlari milliy bazasi, 08.05.2018-y., 06/18/5436/1175-son)
12. O‘zbekiston Respublikasi Bosh prokuraturasi bir oy muddatda idoraviy normativ-huquqiy hujjatlarni ushbu Farmonga muvofiqlashtirsin.
13. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidentining Davlat maslahatchisi O.B. Murodov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2017-yil 29-sentabrdagi PF-5196-sonli Farmoni tahririda — Qonun hujjatlari ma’lumotlari milliy bazasi, 29.09.2017-y., 06/17/5196/0034-son)
1-ilovaga O‘zbekiston Respublikasi Prezidentining 2018-yil 15-fevraldagi PF-5343-sonli Farmoniga asosan o‘zgartirish kiritilgan. Rus tili matniga qarang.
1-ilovaga O‘zbekiston Respublikasi Prezidentining 2018-yil 8-maydagi PF-5438-sonli Farmoniga asosan o‘zgartirish kiritilgan. Rus tili matniga qarang.
Keyingi tahrirga qarang.
Oldingi tahrirga qarang.
(2-ilova O‘zbekiston Respublikasi Prezidentining 2017-yil 29-sentabrdagi PF-5196-sonli Farmoni tahririda — Qonun hujjatlari ma’lumotlari milliy bazasi, 29.09.2017-y., 06/17/5196/0034-son)
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
Oldingi tahrirga qarang.
O‘zbekiston Respublikasi prokuraturasi bayrog‘i (keyingi o‘rinlarda bayroq deb yuritiladi) barqarorlik, matonat, sodiqlik, fidoiylik va mardlikni ifoda etuvchi moviy rangli to‘g‘ri burchakli mato ko‘rinishiga ega.
Bayroq markazida geraldik belgi — O‘zbekiston Respublikasi prokuraturasining emblemasi tasvirlangan.
Bayroqning hajmi boshqacha ham bo‘lishi mumkin, biroq barcha hollarda bayroqning eni uzunligiga nisbatan 1:2 bo‘lishi lozim.
Geraldik belgi — O‘zbekiston Respublikasi prokuraturasi emblemasi pastki qismi cho‘zilgan, yuqori burchaklari kesilgan uchburchak qalqon ko‘rinishiga ega bo‘lib, davlat va jamiyatni himoya qilish ramzini anglatadi.
Qalqon ortida — ikkita diagonal kesishgan o‘tkir tig‘lari pastga yo‘naltirilgan qilichlar joylashgan. Qilichlar dastasi beshta halqadan iborat bo‘lib, O‘zbekiston Respublikasi prokuraturasi faoliyatining asosiy prinsiplari — birlik, markazlashganlik, qonuniylik, mustaqillik va oshkoralikni ifodalaydi.
Qalqon yuzasi va qilichlar kumush rangda. Qalqon markazida O‘zbekiston Respublikasi Davlat gerbi tasvirlangan.
O‘zbekiston Respublikasi Davlat gerbidan qalqonning Kambar hoshiyalariga qadar quyosh nurlarini ifodalovchi bo‘rtma to‘g‘ri chiziqlar tortilgan.
Qalqonning chap tomonida to‘q ko‘k rangli bosh harflar bilan lotin alifbosida: “O‘ZBEKISTON”, o‘ng tomonida: “PROKURATURASI” deb yozilgan.
(5 va 6-ilovalar O‘zbekiston Respublikasi Prezidentining 2018-yil 7-maydagi PF-5436-sonli Farmoniga asosan kiritilgan — Qonun hujjatlari ma’lumotlari milliy bazasi, 08.05.2018-y., 06/18/5436/1175-son)
Oldingi tahrirga qarang.
(7-ilova belgisi O‘zbekiston Respublikasi Prezidentining 2018-yil 7-maydagi PF-5436-sonli Farmoni tahririda — Qonun hujjatlari ma’lumotlari milliy bazasi, 08.05.2018-y., 06/18/5436/1175-son)
“Alohida hollarda, iqtisodiyot, moliya, sotsiologiya, axborot-kommunikatsiya texnologiyalari va boshqa sohalarda oliy ma’lumotga, yetarli bilim va ish tajribasiga ega bo‘lgan mutaxassislar prokuratura organlariga xizmatga qabul qilinishi mumkin”.
2. 14-bandning oltinchi xatboshisidagi “xo‘jalik nizolari” so‘zlari “iqtisodiy sudlarda ishlar” so‘zlari bilan almashtirilsin.
“O‘zbekiston Respublikasi Bosh prokurori, zarur hollarda, prokuratura organlari, shu jumladan Harbiy prokuratura va Departamentning tashkiliy-shtat tuzilmalariga belgilangan umumiy shtat soni doirasida o‘zgartirishlar kiritish huquqiga ega”.
“Prokuratura organlarining amaldagi kadrlar zaxirasiga kiritilgan va unda bo‘lgan O‘zbekiston Respublikasi Prezidenti devoni xodimlariga darajali unvonlar O‘zbekiston Respublikasi Bosh prokurori tomonidan O‘zbekiston Respublikasi Prezidenti devonining tegishli tarkibiy tuzilmasi rahbarining tavsiyanomasiga asosan beriladi”.
b) o‘n uchinchi — o‘n yettinchi xatboshilar tegishlicha o‘n to‘rtinchi — o‘n sakkizinchi xatboshilar deb hisoblansin.
6.39-bandning uchinchi xatboshisi “O‘zbekiston Respublikasi prokuraturasining Faxriy xodimi” so‘zlaridan keyin “I, II, III darajali “A’lo xizmatlari uchun” so‘zlari bilan to‘ldirilsin.
“Alohida hollarda, boshqa davlat organlari va tashkilotlariga ishga o‘tgan prokuratura organi xodimi Bosh prokuraturaning attestatsiya komissiyasi taklifiga asosan O‘zbekiston Respublikasi Bosh prokurori tomonidan prokuratura organlarining amaldagi kadrlar zaxirasiga kiritilishi mumkin”;
v) uchinchi xatboshisidagi “ushbu bandning birinchi xatboshisida” degan so‘zlar “ushbu bandda” degan so‘zlar bilan almashtirilsin.
“82. Prokuratura organlarining amaldagi kadrlar zaxirasiga kiritilgan va unda bo‘lgan prokuratura organlari xodimlariga ularning boshqa davlat organlaridagi vakolat muddatlari tugaganidan so‘ng, prokuratura organlarida muqaddam egallagan yoki unga teng lavozim berilishi kafolatlari ta’minlanadi, xodimning egallab turgan lavozimiga noloyiqligi yoki sog‘lig‘i holatiga yoxud mehnat (xizmat) majburiyatlarini bajarmaganligi uchun mehnat faoliyati tugatilgan hollar bundan mustasno”.
Oldingi tahrirga qarang.
(8-ilova belgisi O‘zbekiston Respublikasi Prezidentining 2018-yil 7-maydagi PF-5436-sonli Farmoni tahririda — Qonun hujjatlari ma’lumotlari milliy bazasi, 08.05.2018-y., 06/18/5436/1175-son)
1. O‘zbekiston Respublikasi Prezidentining 2014-yil 24-iyuldagi “Qonunchilik ijrosini ta’minlash tizimini yanada takomillashtirish chora-tadbirlari to‘g‘risida”gi PF-4636-sonli Farmoni.
2. O‘zbekiston Respublikasi Prezidentining 2016-yil 8-avgustdagi “O‘zbekiston Respublikasi Prezidentining ayrim Farmonlari va qarorlariga o‘zgartish hamda qo‘shimchalar kiritish to‘g‘risida”gi PF-4815-sonli Farmonining 1 — 3-bandlari hamda unga 1 — 4-ilovalar.
3. O‘zbekiston Respublikasi Prezidentining 2017-yil 9-martdagi “O‘zbekiston Respublikasi Prezidentining “O‘zbekiston Respublikasi Prezidentining ayrim farmonlari va qarorlariga o‘zgartish hamda qo‘shimchalar kiritish to‘g‘risida”gi 2016-yil 8-avgustdagi PF-4815-son Farmoniga o‘zgartish kiritish haqida”gi PF-4981-son Farmoni.