LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 20-maydagi 278-sonli “Turizm va madaniy meros sohalarida davlat boshqaruvining takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirishlar va qo‘shimcha kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasining turizm sohasini jadal rivojlantirishni ta’minlash chora-tadbirlari to‘g‘risida” 2016-yil 2-dekabrdagi PF–4861-sonli Farmoniga muvofiq, shuningdek turizm sohasi va turizm infratuzilmasini rivojlantirishni yanada qo‘llab-quvvatlash, milliy turizm mahsulotlari va brendlarini xalqaro turizm bozorlarida faol targ‘ibot qilish maqsadida Vazirlar Mahkamasi qaror qiladi:
O‘zbekiston Respublikasi Turizmni rivojlantirish davlat qo‘mitasi huzuridagi budjetdan tashqari Turizm sohasini qo‘llab-quvvatlash jamg‘armasi mablag‘larini shakllantirish va ulardan foydalanish tartibi to‘g‘risidagi Nizom 1-ilovaga muvofiq;
O‘zbekiston Respublikasi hududida turistik (mehmonxona) yig‘imni undirish tartibi to‘g‘risidagi Nizom 2-ilovaga muvofiq tasdiqlansin.
2. O‘zbekiston Respublikasi Turizmni rivojlantirish davlat qo‘mitasi mazkur qaror talablarini inobatga olgan holda bir oy muddatda mehmonxona va boshqa joylashtirish vositalarida yashovchilarning hisobini maxsus elektron avtomatlashtirilgan dasturni qo‘llab yuritishni ko‘zda tutuvchi turistik (mehmonxona) yig‘im tushumini nazorat qilish mexanizmini joriy qilsin.
3. Vazirlar Mahkamasining “O‘zbekiston Respublikasida turizm sohasini yanada qo‘llab-quvvatlash va rivojlantirish chora-tadbirlari to‘g‘risida” 2012-yil 10-oktabrdagi 288-son qarori (O‘zbekiston Respublikasi QT, 2012-yil 10-son, 73-modda) o‘z kuchini yo‘qotgan deb hisoblansin.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
1. Ushbu Nizom O‘zbekiston Respublikasi Turizmni rivojlantirish davlat qo‘mitasi huzuridagi budjetdan tashqari Turizm sohasini qo‘llab-quvvatlash jamg‘armasi (keyingi o‘rinlarda Jamg‘arma deb ataladi) mablag‘larini shakllantirish va ulardan foydalanish tartibini belgilaydi.
2. Jamg‘arma O‘zbekiston Respublikasi Turizmni rivojlantirish davlat qo‘mitasi (keyingi o‘rinlarda Qo‘mita deb ataladi) huzurida yuridik shaxs maqomisiz, mablag‘lardan keyinchalik turizm sohasini rivojlantirishda foydalanish uchun ularning jamlanishini ta’minlash maqsadida tashkil etiladi.
joylashtirish vositalaridan (mehmonxonalar, turizm bazalari va majmualari, dam olish uylari va zonalari, pansionatlar, kempinglar, motellar, milliy mehmon uylari, o‘tovli oromgohlar, sanatoriylar va boshqa mehmonxona xizmatlari — vaqtincha yashash xizmatlari ko‘rsatuvchi obyektlar) undiriladigan turistik (mehmonxona) yig‘imdan tushumlar;
Keyingi tahrirga qarang.
xayr-ehson qiluvchi yuridik va jismoniy shaxslarning, shu jumladan O‘zbekiston Respublikasi norezidentlarining mablag‘lari;
Jamg‘armaning vaqtincha bo‘sh mablag‘larini depozitlarga joylashtirishdan tushadigan daromadlar bo‘yicha tushumlar;
4. Xalqaro moliya institutlari va boshqa xorijiy donorlarning grantlari, xayr-ehson qiluvchilar, shu jumladan O‘zbekiston Respublikasi norezidentlarining mablag‘lari Jamg‘armaga qonun hujjatlarida belgilangan tartibda jalb etiladi.
5. Jamg‘armaga tushadigan mablag‘lar Qo‘mita tomonidan ochiladigan milliy va xorijiy valyutada jamg‘arib boriladigan maxsus hisob raqamida jamlanadi.
Keyingi tahrirga qarang.
6. Jamg‘arma mablag‘laridan har yili Qo‘mita tomonidan tasdiqlanadigan, O‘zbekiston Respublikasi Moliya vazirligi bilan kelishilgan daromadlar va xarajatlar smetasiga qat’iy muvofiq ravishda foydalaniladi.
turizm infratuzilmasi obyektlarini tashkil etish va rivojlantirish bo‘yicha investitsiya loyihalarining loyihaoldi hujjatlarini tayyorlash;
turizm sohasida kadrlar tayyorlash va ularni qayta tayyorlash, shuningdek ularning malakasini oshirish, shu jumladan sohaviy xorijiy o‘quv markazlarida va ta’lim muassasalarida stajirovkalardan o‘tish;
Keyingi tahrirga qarang.
O‘zbekistonning turizm salohiyatini chet el turizm bozorlarida targ‘ibot qilish bo‘yicha tashkiliy va reklama-axborot tadbirlarini amalga oshirish, shu jumladan mahalliy va xorijiy bosma va elektron ommaviy axborot vositalarida maqsadli reklamalar, maqolalar va boshqa materiallarni joylashtirish;
Qo‘mita, shu jumladan uning hududiy boshqarmalari va “Ipak yo‘li ofisi” UK faoliyatini moliyalashtirish, vakillik xarajatlari va sovg‘alar xarid qilish;
Qo‘mita tomonidan davlat unitar korxonalarining ustav jamg‘armalarini shakllantirish hamda to‘g‘ridan to‘g‘ri tuziladigan shartnomalar asosida ularning ustavlariga muvofiq ular tomonidan bajariladigan (ko‘rsatiladigan) ishlar (xizmatlar) uchun to‘lov;
O‘zbekiston Respublikasi davlat kafolati ostida turizm tarmog‘ini rivojlantirish uchun jalb etilgan kreditlarni va ular bo‘yicha foizlarni qaytarish.
Keyingi tahrirga qarang.
Keyingi tahrirga qarang.
Keyingi tahrirga qarang.
Keyingi tahrirga qarang.
9. Jamg‘arma mablag‘laridan oqilona va maqsadli foydalanilishini nazorat qilish belgilangan tartibda O‘zbekiston Respublikasi Moliya vazirligi tomonidan amalga oshiriladi.
10. Qo‘mita raisi va bosh buxgalteri buxgalteriya hisobi to‘g‘ri yuritilishi, Jamg‘armaga mablag‘lar tushishi va ulardan foydalanilishi to‘g‘risidagi hisobotlarni tuzish va taqdim etish yuzasidan belgilangan tartibda javob beradi.
11. Qo‘mita Jamg‘armaga mablag‘lar tushishi va ulardan foydalanilishi to‘g‘risida har chorakda hisobot choragidan keyingi oyning 20-kunigacha O‘zbekiston Respublikasi Moliya vazirligiga hisobot taqdim etadi.
12. Jamg‘armaning hisobot yilida foydalanilmagan mablag‘lari olib qo‘yilmaydi va keyinchalik ushbu Nizomda nazarda tutilgan tartibda foydalanish uchun milliy va xorijiy valyutada jamg‘arib boriladigan maxsus hisob raqamida qoladi.
14. Ushbu Nizom talablari buzilishida aybdor bo‘lgan shaxslar qonun hujjatlarida belgilangan tartibda javob beradilar.
1. Ushbu Nizom O‘zbekiston Respublikasi hududida turistik (mehmonxona) yig‘imni undirish tartibini belgilaydi.
joylashtirish vositalari — mehmonxonalar, turizm bazalari va majmualari, dam olish uylari va zonalari, pansionatlar, kempinglar, motellar, milliy mehmon uylari, o‘tovli oromgohlar, sanatoriylar va boshqa mehmonxona xizmatlari — vaqtincha yashash xizmatlari ko‘rsatuvchi obyektlar;
Keyingi tahrirga qarang.
turistik (mehmonxona) yig‘im — joylashtirish vositalari tomonidan xorijiy fuqarolar va O‘zbekiston Respublikasida doimiy turar joyiga ega bo‘lmagan, fuqaroligi bo‘lmagan shaxslardan 2 AQSh dollari ekvivalenti miqdorida ularning joylashtirish vositalarida yashagan har bir kuni uchun undiriladigan yig‘im. Davlat va budjet tashkilotlari tomonidan yashash bo‘yicha xizmatlarga to‘lov ular taklif qilgan, mazkur xatboshida ko‘rsatilgan shaxslar uchun amalga oshirilganda, turistik (mehmonxona) yig‘im 2 AQSh dollari ekvivalentida O‘zbekiston Respublikasi Markaziy bankining to‘lov kunidagi kursi bo‘yicha milliy valyutada to‘lanadi. To‘liq bo‘lmagan yashash kuni uchun turistik (mehmonxona) yig‘im to‘liq yashalgan kun miqdorida undiriladi.
Keyingi tahrirga qarang.
Jamg‘arma — Qo‘mita tomonidan, yuridik shaxs maqomisiz, xorijiy va milliy valyutada jamg‘arib boriladigan maxsus hisob raqamlarini ochish orqali tashkil etilgan O‘zbekiston Respublikasi turizmni rivojlantirish davlat qo‘mitasi huzurida budjetdan tashqari Turizm sohasini qo‘llab-quvvatlash jamg‘armasi;
Keyingi tahrirga qarang.
Jamg‘arma maxsus hisob raqamlari — Jamg‘armaga tushadigan mablag‘larni jamlash uchun Qo‘mita tomonidan ochiladigan xorijiy va milliy valyutadagi jamg‘arib boriladigan maxsus hisob raqamlar.
Keyingi tahrirga qarang.
3. Turistik (mehmonxona) yig‘im mehmonxona xizmatlari uchun haq to‘langan valyutada (AQSh dollari, yevro va so‘m) to‘lanadi va joylashtirish vositalari tomonidan Jamg‘armaning maxsus hisob raqamlariga yo‘naltirilishi lozim. Jamg‘armaning maxsus hisob raqamlariga kelib tushgan mablag‘lar hisobi turistik (mehmonxona) yig‘im qaysi valyutada undirilganidan qat’i nazar, O‘zbekiston Respublikasi Markaziy bankining to‘lov kunidagi kursi bo‘yicha, mehmonxonalar va boshqa joylashtirish vositalarida yashovchilarning hisobini yuritish maxsus elektron avtomatlashtirilgan dasturini qo‘llagan holda, faqat AQSh dollarida olib boriladi.
Keyingi tahrirga qarang.
faqat turistik (mehmonxona) yig‘imni undirishdan tushadigan tushumni jamlash va uni keyinchalik Jamg‘armaning maxsus hisob raqamiga o‘tkazish uchun foydalaniladigan, xorijiy va milliy valyutadagi maxsus hisob raqamlarni vakolatli banklarda ochishga;
mehmonxona xizmatlarini ko‘rsatish uchun turoperatorlik va boshqa tashkilotlar bilan shartnomalar tuzish chog‘ida vakolatli banklarda ochilgan va undiriladigan turistik (mehmonxona) yig‘imdan tushadigan tushumlar o‘tkaziladigan milliy va xorijiy valyutadagi maxsus hisob raqamlarni shartnoma rekvizitlarida alohida ko‘rsatishga;
mehmonxona xizmatlarini ko‘rsatishda yuridik va jismoniy shaxslarga to‘lov uchun hisob (invoys, kvitansiya, hisob-faktura), hamda mehmonxona xizmatlari qiymati va yashagan kunlari uchun undirilgan turistik (mehmonxona) yig‘imning umumiy miqdorini ko‘rsatgan holda mehmonxona xizmatlari ko‘rsatilganligini tasdiqlovchi hujjatlar (hisob-faktura, bajarilgan ishlar va/yoki ko‘rsatilgan xizmatlar dalolatnomasi) berishga;
turistik (mehmonxona) yig‘im undirilishi lozim bo‘lgan, joylashtirish vositalarida yashovchi jismoniy shaxslarning sonini, ularning yashash kunlari sonini, hamda Jamg‘armaning maxsus hisob raqamiga o‘tkazilishi lozim bo‘lgan xorijiy va milliy valyutadagi miqdori hisobini yuritishga;
joylashtirish vositalarida yashovchilarning hisobini yuritish maxsus elektron avtomatlashtirilgan dasturini qo‘llagan holda turistik (mehmonxona) yig‘im undirilishi lozim bo‘lgan, amalda yashayotgan jismoniy shaxslar to‘g‘risidagi ma’lumotlarni Qo‘mitaga o‘z vaqtida taqdim qilishga;
Qo‘mitaga taqdim qilingan ma’lumotlarga muvofiq, o‘tgan oy mobaynida ularga tushgan xorijiy va milliy valyutadagi turistik (mehmonxona) yig‘im miqdorini, shu jumladan vaqtincha yashash muddatlari keyingi oyga o‘tadigan jismoniy shaxslar bo‘yicha o‘tgan oydagi amaldagi yashash kunlari uchun to‘liq hajmda Jamg‘armaning maxsus hisob raqamiga har oy joriy oyning 5-sanasigacha o‘tkazilishini ta’minlashga majburdirlar. Bunda ko‘rsatilgan muddatga joylashtirish vositalari xorijiy va milliy valyutadagi shaxsiy mablag‘lari hisobidan turistik (mehmonxona) yig‘im miqdorini jismoniy shaxslardan to‘liq bo‘lmagan hajmda (noto‘g‘ri) undirish natijada shakllangan qarzdorlikni to‘lab beradi.
Nizomning mazkur bandida ko‘rsatilgan majburiyatlarni to‘liq va o‘z vaqtida bajarilishi uchun mas’uliyat joylashtirish vositalarining rahbarlari va bosh buxgalterlari zimmasiga yuklanadi.
Keyingi tahrirga qarang.
5. Qo‘mita har oyning 10-kunigacha joylashtirish vositalarida yashovchilarning hisobini yuritish maxsus elektron avtomatlashtirilgan dasturini qo‘llagan holda taqdim etilgan ma’lumotlar asosida joylashtirish vositalari turistik (mehmonxona) yig‘im miqdorini o‘tkazishi lozim bo‘lgan, amalda yashagan jismoniy shaxslar to‘g‘risidagi umumlashgan ma’lumotlarni shakllantiradi. Mazkur ma’lumot joylashtirish vositalari bo‘yicha shakllantiriladi va Jamg‘armaning maxsus hisob raqamlariga undiriladigan turistik (mehmonxona) yig‘im miqdorini to‘liq tushishini tekshirish uchun foydalaniladi.
Keyingi tahrirga qarang.
6. Turistik (mehmonxona) yig‘im miqdori Jamg‘arma maxsus hisob raqamiga o‘z vaqtida yoki to‘liq o‘tkazilmaganligi uchun joylashtirish vositalari kechiktirilgan har bir kun uchun turistik (mehmonxona) yig‘im o‘tkazilmagan miqdorining 0,05 foizi, biroq qarzdorlik umumiy miqdorining 50 foizidan ko‘p bo‘lmagan miqdorda, milliy valyutada penya to‘laydilar. Xorijiy valyutadagi qarzdorlik bo‘yicha penya O‘zbekiston Respublikasi Markaziy bankining to‘lov kunidagi kursi bo‘yicha ekvivalentda milliy valyutada o‘tkaziladi. Penyalar Jamg‘armaning milliy valyutadagi maxsus hisob raqamiga to‘lanadi.
Keyingi tahrirga qarang.
7. Qo‘mita Jamg‘armaning maxsus hisob raqamlariga turistik (mehmonxona) yig‘im miqdorini to‘liq tushishini ta’minlash maqsadida, turistik (mehmonxona) yig‘im bo‘yicha qarzdorlikni va Jamg‘armaning maxsus hisob raqamiga o‘z vaqtida va to‘liq o‘tkazilmagan turistik (mehmonxona) yig‘im miqdori uchun penyalarni undirish bo‘yicha qonun hujjatlarida belgilangan choralarni ko‘radi.
8. Joylashtirish vositalari undiradigan va ularning maxsus hisob raqamiga tushgan turistik (mehmonxona) yig‘im miqdori joylashtirish vositasining tushumi (foydasi) hisoblanmaydi.
Keyingi tahrirga qarang.
9. Ushbu Nizom buzilishida aybdor bo‘lgan shaxslar qonun hujjatlarida belgilangan tartibda javob beradilar.