Keyingi tahrirga qarang.
LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 7-sentabrdagi 558-sonli “O‘zbekiston Respublikasi Madaniyat vazirligi to‘g‘risidagi nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi Madaniyat vazirligi faoliyatini tashkil etish to‘g‘risida” 2017-yil 15-fevraldagi PQ-2778-son qarorini bajarish yuzasidan Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Vazirlar Mahkamasining 2017-yil 1-noyabrdagi 886-sonli qarori tahririda — Qonun hujjatlari ma’lumotlari milliy bazasi, 06.11.2017-y., 09/17/886/0213-son)
2. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentiga yuklansin.
Oldingi tahrirga qarang.
(ilova belgisi O‘zbekiston Respublikasi Vazirlar Mahkamasining 2017-yil 1-noyabrdagi 886-sonli qarori tahririda — Qonun hujjatlari ma’lumotlari milliy bazasi, 06.11.2017-y., 09/17/886/0213-son)
1. O‘zbekiston Respublikasi Madaniyat vazirligi (keyingi o‘rinlarda — Vazirlik deb ataladi) madaniyat sohasida davlat boshqaruvi organi hisoblanadi va o‘z faoliyatida O‘zbekiston Respublikasi Vazirlar Mahkamasiga hisobot beradi.
2. Vazirlik o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlari va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek ushbu Nizomga amal qiladi.
Qoraqalpog‘iston Respublikasi Madaniyat vazirligi, viloyatlar va Toshkent shahri madaniyat boshqarmalari, tumanlar (shaharlar) madaniyat bo‘limlari;
Oldingi tahrirga qarang.
(3-bandning beshinchi xatboshisi O‘zbekiston Respublikasi Vazirlar Mahkamasining 2019-yil 30-martdagi 265-sonli qarori tahririda — Qonun hujjatlari ma’lumotlari milliy bazasi, 01.04.2019-y., 09/19/265/2858-son)
Keyingi tahrirga qarang.
4. Vazirlik o‘z vazifalari va funksiyalarini amalga oshirishda davlat boshqaruvining boshqa organlari, mahalliy davlat hokimiyati organlari va boshqa tashkilotlar bilan o‘zaro hamkorlik qiladi.
Oldingi tahrirga qarang.
5. Vazirlik tizimining moddiy-texnika ta’minoti va xodimlarning mehnatiga haq to‘lash O‘zbekiston Respublikasi Davlat budjetidan har yili ajratiladigan mablag‘lar hisobiga va ular doirasida, Vazirlik tizimidagi muassasalar va tashkilotlarning daromadlari, O‘zbekiston Respublikasi Madaniyat vazirligi huzuridagi Madaniyat va san’atni rivojlantirish jamg‘armasi, shuningdek qonun hujjatlarida taqiqlanmagan boshqa manbalar hisobiga amalga oshiriladi.
(5-band O‘zbekiston Respublikasi Vazirlar Mahkamasining 2017-yil 1-noyabrdagi 886-sonli qarori tahririda — Qonun hujjatlari ma’lumotlari milliy bazasi, 06.11.2017-y., 09/17/886/0213-son)
6. Vazirlik, uning hududiy bo‘linmalari va idoraviy mansub tashkilotlar yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga ega bo‘ladilar.
madaniyat sohasida yagona davlat siyosatini amalga oshirish, milliy madaniy va ma’naviy merosni asrab-avaylash va ko‘paytirish, san’at va badiiy ijodni har tomonlama rivojlantirish, aholining ma’naviy-axloqiy va madaniy darajasini yanada yuksaltirishni rag‘batlantirish, uni milliy va jahon madaniyatining eng yaxshi namunalaridan bahramand etish borasida tizimli chora-tadbirlarni amalga oshirish;
aholi keng qatlamlari, ayniqsa yoshlar orasida milliy ongda Mustaqillik g‘oyalarini yanada teran tomir orttirishga, yuksak ma’naviyat, insonparvarlik an’analariga sadoqat, milliy o‘zlikni anglash g‘oyalarini yanada chuqur singdirish, radikalizm va ekstremizmning yot g‘oyalariga qarshi immunitetini mustahkamlash, jamiyatning muttasil ortib borayotgan intellektual, estetik va madaniy ehtiyojlarini qondirishga yo‘naltirilgan ommaviy-madaniy tadbirlarni o‘tkazishga qaratilgan ma’rifiy ishlarni amalga oshirish;
badiiy ijod, shu jumladan teatr, musiqa, xoreografiya, estrada, sirk va xalq amaliy san’atini yanada rivojlantirishni rag‘batlantirish, xalqimiz tarixi va bugungi hayotining eng yorqin sahifalarini, mamlakatimizning erkin demokratik taraqqiyotini aks ettiruvchi asarlar yaratishda ijodiy jamoalarga, ayniqsa ijodkor yoshlarga har tomonlama ko‘maklashish;
Oldingi tahrirga qarang.
madaniyat muassasalari, jumladan teatrlar, madaniyat markazlari, madaniyat va istirohat bog‘lari, muzeylar hamda boshqa madaniy-ma’rifiy muassasalarning moddiy-texnika bazasini mustahkamlash, ularning faoliyati samaradorligini oshirish, ma’naviy yetuk, intellektual barkamol va yuksak madaniyatli shaxslarni tarbiyalash ishida ushbu muassasalar imkoniyatlaridan yanada to‘liq foydalanish;
(7-bandning beshinchi xatboshisi O‘zbekiston Respublikasi Vazirlar Mahkamasining 2019-yil 8-martdagi 199-sonli qarori tahririda — Qonun hujjatlari ma’lumotlari milliy bazasi, 09.03.2019-y., 09/19/199/2729-son)
davlat hokimiyati va boshqaruvi organlari, jumladan, mahalliy hokimiyat idoralari, jamoat tashkilotlari, ta’lim muassasalari, ijodiy uyushmalar va boshqa tashkilotlar bilan asosiy vazifalar hamda faoliyat yo‘nalishlarini, madaniy-ma’rifiy tadbirlarni amalga oshirishda, madaniyat va ijodiy muassasalar ishining samaradorligini ta’minlashda mustahkam hamkorlikni yo‘lga qo‘yish;
madaniyat sohasida kadrlar tayyorlash va ularning malakasini oshirish jarayonini milliy va umuminsoniy qadriyatlar, insonparvarlik va yuksak ma’naviyat ruhida takomillashtirish, bunda zamonaviy pedagogik va axborot texnologiyalaridan, ilg‘or xalqaro tajribadan foydalanish, madaniy-ma’rifiy muassasalar va ta’lim muassasalarini yuqori malakali kadrlar bilan ta’minlash;
davlatlararo va xalqaro madaniy aloqalarni kengaytirish hamda mustahkamlash, mamlakatimizning madaniy merosini, mamlakatimiz ijodiy jamoalari va mualliflari asarlarini, shu jumladan konferensiyalar va ko‘rgazmalar, madaniy tadbirlar va anjumanlar o‘tkazish yo‘li bilan chet ellarda keng targ‘ib qilish, madaniyat sohasiga xorijiy investitsiyalar va grantlar jalb etish, shuningdek madaniyat sohasiga oid ommaviy adabiyotlarni chop etish, video va kino materiallar tayyorlash.
vazirliklar, idoralar, mahalliy davlat hokimiyati organlari va boshqa tashkilotlarning madaniyat va san’at sohasidagi ishlarini muvofiqlashtiradi;
Vazirlik vakolatiga taalluqli masalalar bo‘yicha qonun hujjatlariga rioya qilish monitoringini olib boradi, uni takomillashtirish bo‘yicha takliflar ishlab chiqadi va ularni ko‘rib chiqish uchun belgilangan tartibda O‘zbekiston Respublikasi Vazirlar Mahkamasiga taqdim etadi;
madaniyat va san’at sohasida hamkorlik bo‘yicha xalqaro loyihalarni ishlab chiqadi, O‘zbekiston Respublikasining xalqaro shartnomalari bajarilishini ta’minlaydi;
teatr, musiqa, xoreografiya, estrada, sirk va xalq amaliy san’atini rivojlantirishni ta’minlaydi, xalqimiz tarixining eng yorqin sahifalarini, uning hozirgi hayotini, mustaqil rivojlanish tajribasini aks ettiruvchi asarlar yaratishda ijodiy jamoalarga har tomonlama yordam beradi;
kadrlarni milliy va umuminsoniy qadriyatlar, insonparvarlik va yuksak ma’naviyat ruhida tayyorlash jarayonini tashkil qiladi, kishilarning o‘zining umumta’lim va madaniy saviyasini oshirishga intilishini rag‘batlantirish, ularni milliy, jahon madaniyati va san’atining eng yaxshi namunalaridan bahramand etish ishlarini amalga oshiradi;
Vazirlik tizimi kadrlari malakasini oshirishni, ularni qayta tayyorlashni, tajriba orttirishlarini va attestatsiyadan o‘tkazishni ta’minlaydi;
muzeylarda milliy mustaqillik g‘oyalariga hamohang bo‘lgan, o‘zbek xalqining boy madaniy merosini, uning insoniyat tarixidagi roli va ahamiyatini, uning rivojlanish bosqichlarini haqqoniy aks ettiruvchi ekspozitsiyalarning tashkil etilishini, shuningdek zamonaviy rivojlanish istiqbollarini chuqur o‘rganishni, muzeyshunoslik, muzeylar fondlaridagi eksponatlarning yagona katalogini yuritish bo‘yicha umummilliy siyosatning amalga oshirilishini ta’minlaydi;
respublika aholisini O‘zbekiston xalqlari tarixi to‘g‘risida xabardor qiluvchi chet ellarda saqlanayotgan qadimiy buyumlar, shuningdek mamlakatimiz muzeylarida namoyish qilinayotgan noyob eksponatlar bilan keng tanishtirish vositasida odamlarda umuminsoniy qadriyatlarni, boy milliy madaniy merosni hurmat qilish va e’tirof etish tuyg‘usini tarbiyalashga ko‘maklashadi;
Milliy muzey fondi Davlat katalogini yuritadi, muzey ashyolari va muzey kolleksiyalarini belgilangan tartibda uning tarkibiga kiritadi va uning tarkibidan chiqaradi;
Milliy muzey fondi holati yuzasidan, shuningdek madaniy va arxeologik meros obyektlarini muhofaza qilish va ulardan foydalanish bo‘yicha qonun hujjatlarining yuridik va jismoniy shaxslar tomonidan bajarilishi ustidan davlat nazoratini amalga oshiradi;
madaniy va arxeologik meros obyektlarini muhofaza qilish, qo‘riqlash, targ‘ib qilish va ulardan foydalanish bo‘yicha davlat dasturlarini ishlab chiqishda qatnashadi;
madaniy meros obyektlarini ta’mirlash, konservatsiya, rekonstruksiya qilish va ulardan foydalanish bo‘yicha davlat dasturlarining amalda ro‘yobga chiqarilishini ta’minlaydi;
moddiy madaniy meros obyektlarining Davlat kadastrini va Nomoddiy madaniy meros obyektlarining ro‘yxatini yuritadi, ularni tarixiy-madaniy ekspertizadan o‘tkazishni, muhofaza va targ‘ib qilishni tashkil qiladi va amalga oshiradi;
arxeologiya buyumlarining Davlat katalogini yuritadi, unda ro‘yxatdan o‘tkazilgan arxeologiya buyumlarini ro‘yxatdan chiqarib tashlash to‘g‘risida qarorlar qabul qiladi;
madaniy boyliklarning O‘zbekiston Respublikasidan olib chiqilishi, vaqtincha olib chiqilishi to‘g‘risida qarorlar qabul qiladi;
olib chiqilayotgan va olib kirilayotgan, shuningdek vaqtincha olib chiqilayotgan va vaqtincha olib kirilayotgan madaniy boyliklarni ro‘yxatga oladi;
olib chiqiladigan, vaqtincha olib chiqiladigan, shuningdek vaqtincha olib chiqilganidan keyin qaytarib olib kelingan madaniy boyliklarni ekspertizadan o‘tkazishni ta’minlaydi;
madaniy boyliklarning olib chiqilishi va vaqtincha olib chiqilishi huquqini beruvchi sertifikatlar beradi;
ushlab qolingan yoki qonun hujjatlarida belgilangan tartibda musodara qilingan madaniy boyliklarni tegishli davlat organlaridan qabul qilib oladi, ularni ekspertizadan o‘tkazadi va ulardan foydalanish tartibini belgilaydi;
Vazirlik tizimiga kiruvchi tashkilotlarning jamoalari va yakkaxon ijrochilarining gastrol-konsert faoliyatini, shu jumladan chet ellardagi gastrol-konsert faoliyatini tashkil qiladi;
respublikada va xorijiy mamlakatlarda professional san’at va havaskorlik san’ati festivallari, ko‘rik-tanlovlari, shuningdek ko‘rgazmalar o‘tkazilishini tashkil qiladi;
Milliy estrada san’atini rivojlantirish va muvofiqlashtirish kengashi bilan birgalikda respublika konsert saroylari, konsert zallari va stadionlarida o‘tkaziladigan madaniy-ma’rifiy hamda konsert tadbirlarining tematik, repertuar rejalari va dasturlarini takomillashtirishga doir ishlarning muvofiqlashtirilishini ta’minlaydi;
mamlakatimiz ta’lim muassasalarida dars berish va mahorat darslarini o‘tish uchun respublika va xorijiy mamlakatlarning taniqli ijrochilarini hamda madaniyat va san’at arboblarini, yetuk pedagog-mutaxassislarini taklif qiladi;
chet ellarda o‘qiyotgan va samarali ijodiy faoliyat ko‘rsatayotgan ijodkor yoshlarning respublikada o‘tkaziladigan ko‘riklar, tanlovlar hamda festivallarda qatnashishini ta’minlaydi;
iqtidorli yoshlar va san’at arboblarining ijodiy safarlarini tashkil qilishni hamda ularning xalqaro ko‘lamda va respublika miqyosida madaniyat va san’at sohasida o‘tkaziladigan ko‘riklar, tanlovlar, festivallarda, boshqa anjumanlarda ishtirok etishini ta’minlaydi;
kulturologiya, teatrshunoslik, san’atshunoslik, musiqashunoslikni va ushbu sohadagi boshqa ilmiy yo‘nalishlarni rivojlantirish, ta’lim muassasalari va ilmiy-tadqiqot muassasalarida ilmiy va ilmiy-pedagog kadrlar tayyorlash chora-tadbirlarini ko‘radi;
dramatik, musiqali, musiqali-dramatik asarlar, tasviriy va amaliy san’at va haykaltaroshlik asarlari yaratishga davlat buyurtmalarini amalga oshiradi;
ijodiy jamoalar, madaniyat va san’at mutaxassislarini, arboblarini ularning idoraviy mansubligidan qat’i nazar, xalqaro tanlovlar, festivallarda va chet ellardagi boshqa tadbirlarda qatnashish uchun tayyorlashni, jo‘natishni va qabul qilinishini ta’minlaydi;
jahon ilmiy-texnika taraqqiyoti yutuqlari, xorijiy mamlakatlarda madaniyat va san’atni rivojlantirishning ilg‘or tajribasi umumlashtirilishini, ushbu yutuqlarning sohada joriy etilishini ta’minlaydi;
manfaatdor vazirliklar, idoralar, tashkilotlar bilan birgalikda madaniyat va san’at sohasida ilmiy tadqiqotlar rivojlanishiga ko‘maklashadi, ilmiy tadqiqotlar natijalarini amaliyotga joriy etadi va ushbu ishlar olib borilishini muvofiqlashtiradi;
madaniyat va san’at bo‘yicha o‘quv dasturlari, qo‘llanmalar va boshqa ilmiy-metodik adabiyotlarni ishlab chiqishda ishtirok etadi, shuningdek ularni tasdiqlaydi;
madaniyat va san’atni rivojlantirish bo‘yicha maqsadli dasturlarni, madaniyat va san’at sohasiga taalluqli dasturiy-metodik hujjatlarni ishlab chiqadi hamda belgilangan tartibda tasdiqlaydi, ularning to‘g‘ri bajarilishini ta’minlaydi;
davlat boshqaruvi boshqa organlari bilan birgalikda madaniyat va san’at arboblarini ijtimoiy muhofaza qilish masalalarini hal etadi;
aholining keng qatlamlari orasida madaniy va konsert-tomosha tadbirlarini tashkil etish va o‘tkazishda mamlakatning davlat va nodavlat notijorat tashkilotlariga ko‘maklashadi;
idoraviy mansub tashkilotlarning moddiy-texnika bazasini rivojlantirishda va ularni axborot bilan ta’minlashda, maslahat berish, kadrlarni tayyorlash va qayta tayyorlashda hamda boshqa yordam turlarini ko‘rsatishda ularga ko‘maklashadi;
Oldingi tahrirga qarang.
barcha mavjud madaniyat inshootlari, kutubxonalar, teatrlar, madaniyat markazlari, madaniyat saroylari, istirohat bog‘lari, muzeylar va boshqa madaniy-ma’rifiy muassasalarni xatlovdan o‘tkazadi;
(8-bandning o‘ttiz sakkizinchi xatboshisi O‘zbekiston Respublikasi Vazirlar Mahkamasining 2019-yil 8-martdagi 199-sonli qarori tahririda — Qonun hujjatlari ma’lumotlari milliy bazasi, 09.03.2019-y., 09/19/199/2729-son)
madaniyat va san’at sohasidagi ulkan yutuqlar uchun mukofotlar ta’sis etish va O‘zbekiston Respublikasi faxriy unvonlarini berish to‘g‘risidagi takliflarni ishlab chiqadi va belgilangan tartibda kiritadi;
9. Vazirlik o‘ziga yuklangan vazifalar va funksiyalarni bevosita, shuningdek o‘zining hududiy bo‘linmalari, o‘ziga idoraviy mansub boshqa tashkilotlar orqali amalga oshiradi.
Vazirlikka yuklangan vazifalar va funksiyalarni amalga oshirish bilan bog‘liq normativ-huquqiy hujjatlar loyihalarini, shuningdek boshqa hujjatlarni belgilangan tartibda O‘zbekiston Respublikasi Vazirlar Mahkamasiga kiritish;
davlat boshqaruvi organlaridan va mahalliy davlat hokimiyati organlaridan Vazirlik vakolatiga kiruvchi masalalarni hal etishga doir ma’lumotlarni belgilangan tartibda so‘rash va olish;
Vazirlik vakolatiga kiruvchi masalalar bo‘yicha zarur statistik ma’lumotlarni davlat statistika organlaridan bepul asosda olish;
Vazirlikning va uning idoraviy mansub tuzilmalarining davlat mulkini beg‘araz foydalanish huquqi bilan o‘z tashkiliy tuzilmasi doirasida bir bo‘linmadan boshqa bo‘linmaga belgilangan tartibda o‘tkazish;
Vazirlik vakolatiga kiruvchi masalalar bo‘yicha ilmiy ishlarni amalga oshirish va tadqiqotlar olib borish uchun — idoraviy mansub Respublika madaniyat muassasalari faoliyatini tashkil etish ilmiy-metodik markaziga, axborot-kompyuter texnologiyalarini ishlab chiqish, joriy etish va kuzatib borish bo‘yicha buyurtmalarni Vazirlik huzuridagi Axborot va kompyuter texnologiyalari markaziga tender (tanlov) o‘tkazmasdan joylashtirish;
binolarga xizmat ko‘rsatish ishlarini bajarishga, inventar va xo‘jalik anjomlari, avtotransport, aloqa vositalarini, hisoblash, kompyuter texnikasini va tashkiliy texnikani saqlash va ulardan foydalanishga, dasturiy ta’minotni xarid qilishga belgilangan tartibda shartnomalar tuzish;
Vazirlik vakolatiga kiruvchi masalalarni hal etishga shartnoma asosida ilmiy tashkilotlarni, olim va mutaxassislarni, shu jumladan chet ellar olimlari va mutaxassislarini jalb etish;
belgilangan tartibda Jahon Internet axborot tarmog‘ida rasmiy veb-saytlar yaratish, o‘z faoliyatini yoritib borish uchun ijtimoiy tarmoqlar va media-resurslardan foydalanish;
Vazirlik vakolatiga kiruvchi masalalar bo‘yicha xorijiy davlatlarning tegishli tuzilmalari va xalqaro tashkilotlar bilan hamkorlik qilish;
O‘zbekiston Respublikasi Vazirlar Mahkamasining topshirig‘i bo‘yicha xalqaro tashkilotlarda O‘zbekiston Respublikasi manfaatlarini ifodalash va qonun hujjatlarida nazarda tutilgan tartibda va xalqaro huquq normalariga muvofiq boshqa davlatlarning vakolatli tashkilotlari bilan madaniyat masalalari bo‘yicha hamkorlik qilish to‘g‘risida shartnomalar tuzish;
tegishli vazirliklar va idoralar bilan birgalikda Vazirlik tizimiga kiruvchi tashkilotlar toifasini o‘zgartirish bo‘yicha takliflarni tayyorlash va belgilangan tartibda Vazirlar Mahkamasiga ko‘rib chiqish uchun kiritish;
umumxalq bayramlari, yubileylar, madaniy-ommaviy tadbirlarni belgilangan tartibda tashkil etish va o‘tkazish;
Vazirlik tizimiga kiruvchi teatr-tomosha tashkilotlari, madaniy-ma’rifiy va ta’lim muassasalarini jihozlash uchun yoritish va ovoz yozish qurilmalari, musiqa asboblari, inventar va boshqa zarur jihozlarni markazlashtirilgan tartibda xarid qilish;
muzey fondlarini va asarlar ko‘rgazmalarini to‘ldirish uchun tarixiy-badiiy qimmatga ega bo‘lgan kino-teatr, tasviriy va dekorativ-amaliy san’at asarlari, noyob qadimiy raritetlarni hamda materiallarini, noyob qadimiy buyumlarni, shuningdek sahna va musiqa asarlarini, qo‘shiqlarni aniqlash va sotib olish, muzeylar fondlaridagi eksponatlarning yagona katalogini nashr etish;
respublikada o‘tkaziladigan xalqaro tanlovlar, ko‘riklar, festivallar va boshqa tadbirlarda qatnashish uchun xorijiy jamoalarni va alohida ijrochilarni taklif etish;
Vazirlik tizimiga kiruvchi ta’lim muassasalarida dars berish, shuningdek mahorat darslari o‘tkazish uchun yuqori malakali professorlar va o‘qituvchilarni, respublikamizdagi va chet ellardagi taniqli madaniyat va san’at arboblarini taklif etish;
madaniyat va san’at sohasida iqtidorli yoshlar vakillarini aniqlash, ularni chet ellarga o‘qishga yuborish;
badiiy havaskorlik jamoalariga, madaniyat muassasalariga “Xalq”, “Bolalar namunali jamoasi”, “Xalq muzeyi” unvonlari, diplomlar, yorliqlar berish va sovrinlar bilan mukofotlash;
Vazirlik mablag‘larini, shu jumladan budjetdan tashqari mablag‘larni Vazirlik tizimi tashkilotlari tomonidan o‘tkaziladigan madaniy-ommaviy va konsert-tomosha tadbirlari tashkil etilishiga, madaniyat va san’at arboblarini turli festivallar (tanlovlar) va shu kabilarga tayyorlash hamda ularda qatnashish uchun yo‘naltirish;
festivallar, tanlovlar va boshqa tadbirlar g‘oliblari, qatnashchilari va faxriy mehmonlarini esdalik sovg‘alari bilan mukofotlash;
eng iqtidorli san’at arboblari, alohida fidokorlik va mehnatsevarlik fazilatlarini namoyon qilgan madaniyat sohasi xodimlari nomzodlarini mukofotlashga belgilangan tartibda taqdim etish.
Vazirlik O‘zbekiston Respublikasining qonun hujjatlarida nazarda tutilgan boshqa huquqlarga ham ega bo‘lishi mumkin.
Oldingi tahrirga qarang.
11. Vazirlikka O‘zbekiston Respublikasi Oliy Majlisi Qonunchilik palatasi ma’qullaganidan keyin kiritilgan O‘zbekiston Respublikasining Bosh vaziri taqdimnomasiga binoan O‘zbekiston Respublikasi Prezidenti tomonidan tasdiqlanadigan va lavozimidan ozod etiladigan Vazir (keyingi o‘rinlarda Vazir deb ataladi) boshchilik qiladi.
(11-bandning birinchi xatboshisi O‘zbekiston Respublikasi Vazirlar Mahkamasining 2020-yil 16-apreldagi 234-sonli qarori tahririda — Qonun hujjatlari ma’lumotlari milliy bazasi, 17.04.2020-y., 09/20/234/0453-son)
Oldingi tahrirga qarang.
(11-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 1-noyabrdagi 886-sonli qarori tahririda — Qonun hujjatlari ma’lumotlari milliy bazasi, 06.11.2017-y., 09/17/886/0213-son)
Vazirning O‘zbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan bir nafar birinchi o‘rinbosari va ikki nafar o‘rinbosari bo‘ladi.
Vazirlik faoliyatiga yakka boshchilik asosida umumiy rahbarlik qiladi hamda Vazirlikka yuklangan vazifalar va funksiyalarning bajarilishi uchun shaxsan javob beradi;
vazir o‘rinbosarlari va Vazirlik tizimidagi boshqa mansabdor shaxslarning vakolatlarini, Vazirlik faoliyatining alohida yo‘nalishlari va uchastkalariga rahbarlik qilish yuzasidan hamda idoraviy mansub tashkilotlar ishi yuzasidan shaxsiy javobgarligi darajasini belgilaydi;
zarurat bo‘lganda, Vazirlik markaziy apparati, hududiy madaniyat boshqarmalari va Toshkent shahar bosh boshqarmasi, tumanlar (shaharlar) madaniyat bo‘limlari, shuningdek Vazirlikka idoraviy mansub tashkilotlar xodimlarining belgilangan cheklangan umumiy soni va ish haqi fondi doirasida tasdiqlangan tuzilmaga o‘zgartirishlar kiritadi;
Keyingi tahrirga qarang.
o‘z vakolati doirasida Vazirlik tizimi xodimlari bajarishi majburiy bo‘lgan buyruqlar chiqaradi va farmoyishlar beradi;
Vazirlik markaziy apparati xodimlarining belgilangan cheklangan umumiy soni va ish haqi fondi doirasida xarajatlar smetasini va shtatlar jadvalini tasdiqlaydi, Vazirlikning O‘zbekiston Respublikasi respublika budjetidan moliyalashtiriluvchi idoraviy mansub tashkilotlarining shtatlar jadvallari va xarajatlari smetalarini ro‘yxatdan o‘tkazadi;
Vazirlikka idoraviy mansub tashkilotlar ustavlarini, markaziy apparat bo‘linmalari to‘g‘risidagi nizomni, viloyatlar madaniyat boshqarmalari, Toshkent shahar madaniyat bosh boshqarmasi to‘g‘risidagi nizomlarni, shuningdek tumanlar (shaharlar) madaniyat bo‘limlari to‘g‘risidagi namunaviy nizomlarni belgilangan tartibda tasdiqlaydi;
Vazirlikning markaziy apparati xodimlarini, Vazirlikka idoraviy mansub tashkilotlar rahbarlarini, viloyatlar madaniyat boshqarmalari boshliqlarini va Toshkent shahar madaniyat bosh boshqarmasi boshlig‘ini qonun hujjatlarida belgilangan tartibda lavozimga tayinlaydi va lavozimdan ozod qiladi.
13. Qoraqalpog‘iston Respublikasi Madaniyat vazirligi, viloyatlar madaniyat boshqarmalari va Toshkent shahar madaniyat bosh boshqarmasi Vazirlikka va tegishli ravishda Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga bo‘ysunadilar va hisob beradilar;
Tuman (shahar) madaniyat bo‘limlari tegishli ravishda hududiy madaniyat boshqarmalariga va Toshkent shahar madaniyat bosh boshqarmasiga va tuman (shahar) hokimliklariga bo‘ysunadilar va hisobot beradilar.
Qoraqalpog‘iston Respublikasi Madaniyat vaziri Qoraqalpog‘iston Respublikasi Jo‘qori Kengashi tomonidan O‘zbekiston Respublikasi Madaniyat vaziri bilan kelishgan holda lavozimga tayinlanadi va lavozimdan ozod etiladi;
viloyatlar madaniyat boshqarmalari boshliqlari va Toshkent shahar madaniyat bosh boshqarmasi boshlig‘i tegishli ravishda viloyatlar va Toshkent shahar hokimlari bilan kelishgan holda O‘zbekiston Respublikasi Madaniyat vaziri tomonidan lavozimga tayinlanadi va lavozimdan ozod etiladi;
Oldingi tahrirga qarang.
tumanlar (shaharlar) bo‘limlari mudirlari — tuman (shahar) madaniyat markazlari direktorlari tegishli tuman (shahar) hokimlari va O‘zbekiston Respublikasi Madaniyat vaziri bilan kelishgan holda Qoraqalpog‘iston Respublikasi Madaniyat vaziri, viloyatlar va Toshkent shahar madaniyat boshqarmalari boshliqlari tomonidan lavozimga tayinlanadi va lavozimdan ozod etiladi;
(14-bandning to‘rtinchi xatboshisi O‘zbekiston Respublikasi Vazirlar Mahkamasining 2019-yil 8-martdagi 199-sonli qarori tahririda — Qonun hujjatlari ma’lumotlari milliy bazasi, 09.03.2019-y., 09/19/199/2729-son)
Vazirlik nomenklaturasiga kiruvchi idoraviy mansub tashkilotlar rahbarlari O‘zbekiston Respublikasi Madaniyat vaziri tomonidan lavozimga tayinlanadi va lavozimdan ozod etiladi.
15. Qoraqalpog‘iston Respublikasi Madaniyat vazirligi, viloyatlar madaniyat boshqarmalari va Toshkent shahar madaniyat bosh boshqarmasi to‘g‘risidagi nizomlar Qoraqalpog‘iston Respublikasi Vazirlar Kengashi, tegishli viloyatlar va Toshkent shahri hokimliklari bilan kelishgan holda Vazirlikning buyruqlari bilan tasdiqlanadi;
Tumanlar (shaharlar) bo‘limlari to‘g‘risidagi nizomlar tegishli tumanlar (shaharlar) hokimlari bilan kelishgan holda tegishli ravishda Qoraqalpog‘iston Respublikasi Madaniyat vaziri, viloyatlar madaniyat boshqarmalari va Toshkent shahar madaniyat bosh boshqarmasining buyruqlari bilan tasdiqlanadi.
16. Vazirlikda Madaniyat vaziri (Hay’at raisi), uning birinchi o‘rinbosari va o‘rinbosarlari, shuningdek Vazirlik faoliyatining asosiy yo‘nalishlarini muvofiqlashtiruvchi Vazirlikning tarkibiy bo‘linmalari rahbarlaridan iborat tarkibda Hay’at tashkil etiladi.
Hay’atning a’zolari soni va shaxsiy tarkibi Madaniyat vazirining taqdimnomasiga binoan O‘zbekiston Respublikasi Vazirlar Mahkamasi tomonidan tasdiqlanadi.
qonun hujjatlarida belgilangan madaniyat sohasidagi siyosat amalga oshirilishini yanada takomillashtirish bo‘yicha Vazirlik faoliyatining asosiy konseptual yo‘nalishlarini tayyorlash va amalga oshirish;
O‘zbekiston Respublikasi Prezidentining hujjatlarida, Hukumat qarorlarida belgilangan vazifalarni o‘z vaqtida va sifatli amalga oshirishni ta’minlash uchun ijro intizomini mustahkamlash, Vazirlik rahbarlari va xodimlarining shaxsiy mas’uliyatini oshirish.
Hay’at majlisiga Vazirlik vakolatiga kiradigan masalalar bo‘yicha boshqa vazirliklar, davlat qo‘mitalari, idoralar, mahalliy davlat hokimiyati organlari, boshqa tashkilotlar rahbarlari taklif etilishi mumkin.
Hay’at uning majlisida tarkibining yarmidan ko‘pi qatnashgan taqdirda vakolatli bo‘ladi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.
Hay’at qarorlari Vazirning buyruqlari bilan amalga oshiriladi. Vazir va Hay’at a’zolari o‘rtasida kelishmovchiliklar paydo bo‘lgan taqdirda Vazir paydo bo‘lgan kelishmovchiliklar to‘g‘risida O‘zbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hay’at a’zolari ham o‘z fikr-mulohazalarini O‘zbekiston Respublikasi Vazirlar Mahkamasiga xabar qilishlari mumkin.
18. Vazirlik xodimlarining ish haqi qonun hujjatlarida nazarda tutilgan lavozim maoshi, mukofotlar, qo‘shimcha to‘lov, ustama haq, rag‘batlantirish to‘lovlaridan iborat.
19. Vazirlikni tugatish va qayta tashkil etish qonun hujjatlarida belgilangan tartibda amalga oshiriladi.
1. Ushbu Nizom O‘zbekiston Respublikasi Madaniyat vazirligi huzuridagi budjetdan tashqari Madaniyat va san’atni rivojlantirish jamg‘armasi (keyingi o‘rinlarda Jamg‘arma deb ataladi) mablag‘larini shakllantirish va ulardan foydalanish tartibini belgilaydi.
2. Ushbu Nizom talablari O‘zbekiston Respublikasi Madaniyat vazirligining Madaniy meros obyektlarini muhofaza qilish va ulardan foydalanish ilmiy-ishlab chiqarish bosh boshqarmasi hamda Badiiy ekspertiza boshqarmasining budjetdan tashqari mablag‘lariga tatbiq etilmaydi.
3. Jamg‘arma mablag‘larni O‘zbekiston Respublikasi Moliya vazirligining G‘aznachiligida ochilgan O‘zbekiston Respublikasi Madaniyat vazirligining maxsus budjetdan tashqari hisob raqamida to‘plashni ta’minlash maqsadida, yuridik shaxs maqomiga ega bo‘lmagan holda tashkil etiladi.
4. Konsert-tomosha faoliyatini amalga oshirish huquqiga litsenziya berilganligi uchun undiriladigan davlat bojidan hamda O‘zbekiston Respublikasi Madaniyat vazirligi tizimidagi tashkilotlarning budjetdan tashqari mablag‘lari va daromadlarini to‘plash va ularni “O‘zbekkonsert” davlat muassasasi ta’minotiga, O‘zbekiston Respublikasi Madaniyat vazirligi tizimidagi muassasalarning moddiy-texnika bazasini mustahkamlash hamda xodimlarni moddiy rag‘batlantirishga yo‘naltirish Jamg‘arma tashkil etilishining maqsadi hisoblanadi.
5. Mablag‘lar to‘planishini ta’minlash va ularni quyidagilarni moliyalashtirish Jamg‘armaning asosiy vazifalari hisoblanadi:
O‘zbekiston Respublikasi Madaniyat vazirligi tizimidagi muassasalarning zamon talablariga muvofiq moddiy-texnika bazasini mustahkamlash hamda mukammal va joriy ta’mirlash tadbirlari;
madaniy-ommaviy tadbirlarni tashkil etish va o‘tkazish, madaniyat va san’at arboblarini respublika va xalqaro miqyosdagi festival va tanlovlarda ishtirok etishga tayyorlash;
O‘zbekiston Respublikasi Madaniyat vazirligi tizimi xodimlarini moddiy rag‘batlantirish va ijtimoiy muhofaza qilish tadbirlariga mablag‘larni maqsadli ajratish;
O‘zbekiston Respublikasi Madaniyat vazirligi tizimidagi muassasalardagi kadrlar malakasini oshirishni tashkil etish va ularni zarur adabiyotlar va davriy nashrlar bilan ta’minlash;
madaniyat muassasalarining faoliyatini yanada takomillashtirishga yo‘naltirilgan boshqa tadbirlarni amalga oshirish.
6. Jamg‘armani boshqarish faoliyati O‘zbekiston Respublikasi Madaniyat vazirligining Hay’ati tomonidan tartibga solinadigan Jamg‘arma kengashi tomonidan amalga oshiriladi.
Jamg‘armaning keyingi yil uchun daromadlar va xarajatlar smetasini har yili 25-dekabrga qadar tasdiqlash;
chorak yakuni bo‘yicha Jamg‘arma mablag‘larining tushumi va xarajatlari to‘g‘risidagi hisobotlarni ko‘rib chiqish va tasdiqlash;
Jamg‘arma mablag‘larini shakllantirish va ulardan foydalanish bilan bog‘liq boshqa vakolatlarni amalga oshirish.
8. Jamg‘arma mablag‘larini shakllantirish va ulardan foydalanish monitoringini olib borish O‘zbekiston Respublikasi Madaniyat vazirligining jamg‘arma mablag‘larini boshqarish bo‘limi (keyingi o‘rinlarda bo‘lim deb ataladi) tomonidan amalga oshiriladi.
Bo‘lim Jamg‘arma mablag‘lari shakllanishi va sarflanishini monitoringini yuritadi. Bo‘lim faoliyatini ta’minlash bilan bog‘liq xarajatlar Jamg‘arma mablag‘lari hisobidan amalga oshiriladi. Bo‘lim xodimlariga O‘zbekiston Respublikasi Madaniyat vazirligi markaziy apparati xodimlari uchun belgilangan mehnatga haq to‘lash va moddiy rag‘batlantirish tartibi tatbiq etiladi.
Jamg‘arma mablag‘lari tushumlarini ko‘paytirish va ulardan samarali foydalanish bo‘yicha takliflar tayyorlash;
Jamg‘arma mablag‘laridan foydalanishni joriy nazorat qilish, hisobini yuritish va monitoringini olib borish;
Jamg‘arma mablag‘laridan foydalanilishi to‘g‘risidagi hisobotni har chorakda kamida bir marta Jamg‘arma kengashiga taqdim etish.
10. Jamg‘arma mablag‘larining hisob va hisobotini yuritish hamda joriy xizmat ko‘rsatish ishlari O‘zbekiston Respublikasi Madaniyat vazirligining iqtisodiy tahlil va moliya boshqarmasi hamda buxgalteriyasi tomonidan amalga oshiriladi.
konsert-tomosha faoliyatini amalga oshirish huquqi uchun litsenziya berilganligi uchun undiriladigan davlat bojidan tushgan mablag‘larning 70 foizi miqdoridagi ajratmalar;
O‘zbekiston Respublikasi Madaniyat vazirligi tizimidagi faoliyat turlari bo‘yicha budjet tashkilotlarini rivojlantirish jamg‘armasiga tushayotgan mablag‘lardan 20 foiz miqdoridagi ajratmalar;
O‘zbekiston Respublikasi Madaniyat vazirligi tizimidagi davlat korxonalarining foydasidan ajratmalar;
12. Ushbu Nizomning 11-bandida ko‘rsatilgan manbalardan Jamg‘armaga ajratmalar O‘zbekiston Respublikasi Madaniyat vazirligi tizimidagi tegishli tashkilotlar tomonidan hisobot oyi uchun keyingi oyning 10-kunidan kechiktirmay o‘tkaziladi.
13. Jamg‘armaga ajratmalar o‘z vaqtida va to‘liq o‘tkazilishi uchun mas’uliyat O‘zbekiston Respublikasi Madaniyat vazirligi tizimidagi tegishli tashkilotlar rahbarlari va bosh buxgaltyerlari zimmasiga yuklanadi.
14. Jamg‘armaning o‘tgan yilda ishlatilmagan mablag‘lari olib qo‘yilmaydi va joriy yilda ushbu Nizomda ko‘rsatilgan maqsadlar uchun sarflanadi.
15. “O‘zbekkonsert” davlat muassasasi va bo‘lim ta’minotiga xarajatlar qoplangandan so‘ng Jamg‘arma mablag‘lari Jamg‘arma kengashi tomonidan tasdiqlangan Jamg‘arma daromadlari va xarajatlari smetasiga muvofiq quyidagi maqsadlarga yo‘naltiriladi:
mablag‘larning kamida 75 foizi — O‘zbekiston Respublikasi Madaniyat vazirligining madaniyat muassasalarining moddiy-texnika bazasini mustahkamlashga, shu jumladan ularni jihozlash va ta’mirlashga, madaniyat va san’at arboblarini respublika va xalqaro miqyosdagi festival va tanlovlarda qatnashish uchun yuborishga, kadrlar malakasini oshirishga, Jamg‘arma mablag‘larini shakllantirish va ulardan maqsadli foydalanish yuzasidan o‘tkaziladigan monitoringlar bilan bog‘liq xizmat safari xarajatlarini qoplashga va madaniyat muassasalarining faoliyatini yanada takomillashtirish bilan bog‘liq boshqa tadbirlarni moliyalashtirishga;
ko‘pi bilan 25 foizi — O‘zbekiston Respublikasi Madaniyat vazirligi tizimidagi muassasalar xodimlarini moddiy rag‘batlantirish va ijtimoiy muhofaza qilishga.
16. Jamg‘armaning daromadlar va xarajatlar smetasi budjet tashkilotlari uchun budjetdan tashqari mablag‘lar bo‘yicha qonun hujjatlarida belgilangan tartibda (yil choraklari, manbalari va ulardan foydalanish yo‘nalishlari bo‘yicha) tuziladi hamda Jamg‘arma kengashi tomonidan tasdiqlanadi.
17. O‘zbekiston Respublikasi Madaniyat vaziri, Jamg‘arma Kengashi tomonidan tasdiqlangan holda, Jamg‘armaning daromadlar va xarajatlar smetasiga o‘zgartirish kiritish huquqiga ega.
19. Jamg‘arma mablag‘larining hisob va hisoboti O‘zbekiston Respublikasi Madaniyat vazirligining budjetdan tashqari mablag‘laridan bo‘lak holda alohida yuritiladi.
20. Jamg‘arma daromadlari va xarajatlari smetasining ijrosi to‘g‘risidagi yillik hisobot O‘zbekiston Respublikasi Madaniyat vazirligining Hay’ati yig‘ilishida ko‘rib chiqiladi hamda har yili 15-martgacha Jamg‘arma kengashi tomonidan tasdiqlanadi.
21. Jamg‘arma mablag‘laridan maqsadli foydalanilishini nazorat qilish O‘zbekiston Respublikasi Moliya vazirligining Nazorat-taftish bosh boshqarmasi tomonidan amalga oshiriladi.
Keyingi tahrirga qarang.
Muratov M.M. | — | O‘zbekiston Respublikasi Madaniyat vaziri, Kengash raisi |
lavozimi bo‘yicha | — | Madaniyat vazirining birinchi o‘rinbosari, Kengash raisi o‘rinbosari |
lavozimi bo‘yicha | — | Madaniyat vaziri o‘rinbosari |
lavozimi bo‘yicha | — | Madaniyat vaziri o‘rinbosari |
lavozimi bo‘yicha | — | “O‘zbekkonsert” davlat muassasasi direktori |
lavozimi bo‘yicha | — | O‘zbekiston Respublikasi Moliya vazirligining Ijtimoiy soha va fanni moliyalashtirish bosh boshqarmasining boshlig‘i |
Ma’sudov F.X. | — | O‘zbek milliy akademik drama teatri direktori |
Fayziyeva V.S. | — | O‘zbekiston davlat san’at muzeyi direktori |
lavozimi bo‘yicha | — | Madaniyat va san’atni rivojlantirish jamg‘armasi mablag‘larini boshqarish bo‘limi boshlig‘i, Kengash kotibi. |
Keyingi tahrirga qarang.