“Ichki ishlar organlari to‘g‘risida”gi O‘zbekiston Respublikasi Qonuniga muvofiq O‘zbekiston Respublikasi Adliya vazirligi va Ichki ishlar vazirligi qaror qiladi:
1. O‘zbekiston Respublikasi Adliya vazirligi va Ichki ishlar vazirligining 2007-yil 12-yanvardagi 2, 1-son qarori (ro‘yxat raqami 1653, 2007-yil 15-yanvar) (O‘zbekiston Respublikasi qonun hujjatlari to‘plami, 2007-y., 3-son, 29-modda) bilan tasdiqlangan Ijro harakatlari amalga oshirilayotgan joylarda jamoat tartibini saqlashni ta’minlash bo‘yicha yo‘riqnomaga ilovaga muvofiq o‘zgartishlar kiritilsin.
O‘zbekiston Respublikasi Adliya vazirligi va Ichki ishlar vazirligining 2016-yil 28-dekabrdagi 5, 42-sonli qaroriga
ILOVA
ILOVA
“12. Ijro harakatlarini amalga oshirish jarayonida ichki ishlar organlari xodimlari tomonidan jismoniy kuch, maxsus vositalar va o‘qotar qurol faqat “Ichki ishlar organlari to‘g‘risida”gi O‘zbekiston Respublikasi Qonunida nazarda tutilgan hollarda va tartibda qo‘llaniladi”.
“18. Ijro (harakatlari amalga oshirilganda yoki ularni amalga oshirishning imkoniyati bo‘lmaganda) ishi yurituvi tamomlanganidan so‘ng, bu haqda dalolatnoma tuziladi. Dalolatnomada ichki ishlar organlari xodimlarining ishtiroki to‘g‘risida qayd etilib, shuningdek ichki ishlar organi xodimlari tomonidan imzolanadi. Dalolatnomaning bir nusxasi ichki ishlar organi xodimlariga beriladi”.