Standartlashtirish, metrologiya va mahsulotlar hamda xizmatlarni sertifikatlashtirish tizimini yanada takomillashtirish, uning zamonaviy xalqaro normalar va talablarga muvofiqligini ta’minlash, shuningdek xalqaro standartlardan foydalanish asosida mamlakatimizda ishlab chiqarilgan mahsulotlarning raqobatbardoshliligini oshirish maqsadida Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasi huzuridagi O‘zbekiston davlat standartlash, metrologiya va sertifikatsiya markazi (“O‘zdavstandart”) O‘zbekiston standartlashtirish, metrologiya va sertifikatlashtirish agentligiga aylantirilsin.
2. Quyidagilar O‘zbekiston standartlashtirish, metrologiya va sertifikatlashtirish agentligining asosiy vazifalari etib belgilansin:
O‘zbekiston Respublikasi hududidagi barcha jismoniy shaxslar va xo‘jalik yurituvchi subyektlar tomonidan “Standartlashtirish to‘g‘risida”, “Metrologiya to‘g‘risida”, “Mahsulotlar va xizmatlarni sertifikatlashtirish to‘g‘risida”, “Oziq-ovqat mahsulotining sifati va xavfsizligi to‘g‘risida”gi O‘zbekiston Respublikasi qonunlari hamda standartlashtirish, metrologiya va sertifikatlashtirish sohasidagi boshqa qonun hujjatlari va normativ hujjatlar amalga oshirilishi va ularga rioya etilishini ta’minlash yuzasidan kompleks chora-tadbirlar ishlab chiqish;
o‘tkazilayotgan ilmiy-tadqiqot ishlari asosida standartlashtirish, metrologiya va sertifikatlashtirish sohasida yagona davlat siyosatini amalga oshirish;
majburiy tartibda sertifikatlanadigan mahsulotlar va xizmatlarning yangi ro‘yxatini, ularni har yili yangidan paydo bo‘lgan mahsulotlar xizmatlar turlarini, shuningdek joriy etilayotgan yangi texnologiyalar va materiallarni hisobga olgan holda, tuzish va belgilangan tartibda tasdiqlash;
mahsulotlar va xizmatlarni sertifikatlashtirishning yangi tartibini ishlab chiqish va unga rioya etilishini nazorat qilish;
zamonaviy davlat standartlari va etalonlarini ishlab chiqish va ularni xalqaro tizimlar bilan uyg‘unlashtirish;
turdosh mahsulotlar standartlarini ishlab chiqish bo‘yicha tarmoq tuzilmalarini tashkil etishga ko‘maklashish, ular faoliyatiga ilmiy-metodik rahbarlikni va nazoratni ta’minlash;
mahsulotlar va xizmatlar sinovini o‘tkazish va sertifikatlashtirishning zamonaviy tizimini tashkil etish.
Keyingi tahrirga qarang.
3. Belgilab qo‘yilsinki, O‘zbekiston standartlashtirish, metrologiya va sertifikatlashtirish agentligi huquq va majburiyatlar bo‘yicha “O‘zdavstandart” markazining huquqiy vorisi hisoblanadi.
O‘zbekiston standartlashtirish, metrologiya va sertifikatlashtirish agentligining tashkiliy tuzilmasi va uning markaziy apparati tuzilmasi 1 va 2-ilovalarga muvofiq;
hududiy standartlashtirish va metrologiya boshqarmalari apparatining namunaviy tuzilmasi 3-ilovaga muvofiq;
O‘zbekiston standartlashtirish, metrologiya va sertifikatlashtirish agentligi to‘g‘risidagi Nizom 4-ilovaga muvofiq tasdiqlansin.
5. O‘zbekiston standartlashtirish, metrologiya va sertifikatlashtirish agentligi markaziy apparati xodimlarining cheklangan soni 54 kishi (xizmat ko‘rsatuvchi xodimlardan tashqari) va uning hududiy bo‘linmalari xodimlarining cheklangan soni 170 kishi etib belgilansin.
O‘zbekiston standartlashtirish, metrologiya va sertifikatlashtirish agentligining bosh direktoriga xodimlarning belgilangan cheklangan soni doirasida boshqaruv tuzilmasiga o‘zgartirishlar kiritish huquqi berilsin.
6. O‘zbekiston standartlashtirish, metrologiya va sertifikatlashtirish agentligiga bosh direktorning ikki nafar o‘rinbosari va shaxsiy tarkibi O‘zbekiston Respublikasi Vazirlar Mahkamasi tomonidan tasdiqlanadigan 7 kishidan iborat hay’at bo‘lishiga ruxsat etilsin.
O‘zbekiston standartlashtirish, metrologiya va sertifikatlashtirish agentligining bosh direktori maqomiga ko‘ra vazirning birinchi o‘rinbosariga, bosh direktor o‘rinbosarlari esa tegishli ravishda vazir o‘rinbosariga tenglashtirilsin.
7. Belgilab qo‘yilsinki, hududiy standartlashtirish va metrologiya boshqarmalari boshliqlari Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari bilan kelishgan holda O‘zbekiston standartlashtirish, metrologiya va sertifikatlashtirish agentligining bosh direktori tomonidan lavozimga tayinlanadilar va lavozimdan ozod qilinadilar.
Keyingi tahrirga qarang.
qayta tashkil etilayotgan “O‘zdavstandart” markazi markaziy apparati va hududiy bo‘linmalarida akkreditatsiya qilingan sertifikatlashtirish organlari va sinov laboratoriyalari negizida O‘zbekiston standartlashtirish, metrologiya va sertifikatlashtirish agentligining 5-ilovaga muvofiq xo‘jalik hisobidagi Respublika sinov va sertifikatlashtirish markazi;
qayta tashkil etilayotgan “O‘zdavstandart” markazi markaziy apparatining xo‘jalik hisobidagi o‘lchov va kalibrlash bo‘limlari negizida xo‘jalik hisobidagi Respublika metrologiya xizmatlari ko‘rsatish markazi tashkil etilsin.
9. O‘zbekiston standartlashtirish, metrologiya va sertifikatlashtirish agentligi ikki hafta muddatda Respublika sinov va sertifikatlashtirish markazi hamda Respublika metrologiya xizmatlari ko‘rsatish markazi to‘g‘risidagi nizomlarni ishlab chiqsin va belgilangan tartibda tasdiqlasin.
10. Belgilab qo‘yilsinki, sinov va sertifikatlar berish masalalari Respublika sinov va sertifikatlashtirish markazi va uning hududiy organlariga, shuningdek tegishli sinov laboratoriyalariga ega bo‘lgan va belgilangan tartibda “O‘zstandart” agentligida akkreditatsiya qilingan turdosh mahsulotlarni sertifikatlashtirish boshqa organlariga yuklanadi.
Keyingi tahrirga qarang.
Oldingi tahrirga qarang.
11. O‘zbekiston Respublikasi Davlat mulki qo‘mitasi O‘zbekiston standartlashtirish, metrologiya va sertifikatlashtirish agentligi bilan birgalikda bir oy muddatda “Etalon” zavodlari qiymatini baholasin hamda ularni xususiylashtirish jadvalini tasdiqlasin, ularning ustav fondlarida davlat ulushi 25 foiz bo‘lishini nazarda tutsin.
Keyingi tahrirga qarang.
(11-band O‘zbekiston Respublikasi Vazirlar Mahkamasining 2003-yil 17-apreldagi 185-son qarori tahririda — O‘zbekiston Respublikasi Qonun hujjatlari to‘plami, 2003-y., 7-8-son, 61-modda)
12. Standartlashtirish, metrologiya va sertifikatlashtirishni rivojlantirish bo‘yicha 6-ilovaga* muvofiq tarkibda Idoralararo kengash tashkil etilsin.
standartlashtirish, metrologiya va sertifikatlashtirish sohasida ustuvor yo‘nalishlarni belgilash hamda qonun hujjatlari va normativ hujjatlar ishlab chiqilishini tashkil etish;
standartlashtirish, sertifikatlashtirishni rivojlantirish, takomillashtirish va uning yagona tizimini yaratish kompleks dasturlarini ishlab chiqish va Hukumatga kiritish;
vazirliklar, idoralar va xo‘jalik birlashmalari texnik qo‘mitalarining standartlashtirish va sertifikatlashtirish faoliyatini muvofiqlashtirish.
Keyingi tahrirga qarang.
13. “O‘zstandart” agentligi huzurida standartlashtirish, metrologiya va sertifikatlashtirishni rivojlantirish maxsus jamg‘armasi tashkil etilsin.
standartlar, metrologiya va sertifikatlashtirishning majburiy talablarini buzganlik uchun jarimalar;
davlat inspektorlarining mahsulot sotilishi (yetkazib berilishi, sotilishi)ni taqiqlash to‘g‘risidagi yozma ko‘rsatmalarining xo‘jalik faoliyati yurituvchi subyektlar tomonidan buzilganligi uchun jarimalar;
Keyingi tahrirga qarang.
Keyingi tahrirga qarang.
Respublika metrologiya xizmatlari ko‘rsatish markazi, Respublika sinov va sertifikatlashtirish markazi va uning tarkibiga kiruvchi akkreditatsiya qilingan sertifikatlashtirish organlari hamda sinov laboratoriyalarining daromadlaridan 20 foiz mablag‘lar.
Keyingi tahrirga qarang.
Belgilab qo‘yilsinki, maxsus jamg‘arma mablag‘lari ilmiy-texnika ishlanmalarini, qonun hujjatlarini va normativ hujjatlarni ishlab chiqishni, Standartlar va etalonlar davlat reyestrlari yuritishni, standartlashtirish, metrologiya va sertifikatlashtirish sohasi moddiy-texnika bazasini rivojlantirishni mablag‘ bilan ta’minlashga yo‘naltiriladi.
Keyingi tahrirga qarang.
O‘zbekiston Respublikasi Moliya vazirligi O‘zbekiston standartlashtirish, metrologiya va sertifikatlashtirish agentligi bilan birgalikda Maxsus jamg‘armani shakllantirish va undan foydalanish tartibi to‘g‘risidagi Nizomni bir oy muddatda ishlab chiqsin va belgilangan tartibda tasdiqlasin.
majburiy tartibda sertifikatlanadigan mahsulotlar va xizmatlarning yangi ro‘yxatini o‘n kun muddatda ishlab chiqsin va Vazirlar Mahkamasiga kiritsin;
bir oy muddatda 2003—2005-yillarda O‘zbekiston Respublikasining milliy etalon bazasini yanada rivojlantirish uchun zarur etalonlar va yuqori aniqlikka ega bo‘lgan o‘lchov vositalarining barcha manfaatdor vazirliklar va idoralar bilan kelishilgan ro‘yxatini tuzsin va Vazirlar Mahkamasiga kiritsin;
O‘zbekiston Respublikasi Adliya vazirligi bilan birgalikda ikki hafta muddatda standartlashtirish, metrologiya va sertifikatlashtirish masalalarini tartibga soluvchi umumiy ravishda foydalaniladigan zarur normativ hujjatlar ro‘yxatini belgilasin hamda joriy yil oxirigacha ularning ishlab chiqilishini va belgilangan tartibda davlat ro‘yxatidan o‘tkazilishini ta’minlasin;
manfaatdor vazirliklar va idoralar bilan birgalikda standartlashtirish, metrologiya va sertifikatlashtirish masalalarini tartibga soluvchi O‘zbekiston Respublikasi qonunlariga o‘zgartirish va qo‘shimchalar kiritish to‘g‘risidagi Qonun loyihasini joriy yil oxirigacha ishlab chiqsin va belgilangan tartibda Vazirlar Mahkamasiga kiritsin.
15. O‘zbekiston Respublikasi Adliya vazirligi “O‘zstandart” agentligi, manfaatdor vazirliklar va idoralar bilan birgalikda bir oy muddatda amaldagi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida takliflar kiritsin.
16. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T.Sultonov zimmasiga yuklansin.
Keyingi tahrirga qarang.
Keyingi tahrirga qarang.
Toshkent shahrida — 24; Toshkent va Farg‘ona viloyatlarida — 19; Samarqand viloyatida — 17; Qashqadaryo viloyatida — 15; Buxoro va Namangan viloyatlarida — 10; Qoraqalpog‘iston Respublikasida va Andijon viloyatida — 9; Surxondaryo, Sirdaryo va Xorazm viloyatlarida — 8; Jizzax va Navoiy viloyatlarida — 7.
Keyingi tahrirga qarang.
1. Ushbu Nizom O‘zbekiston standartlashtirish, metrologiya va sertifikatlashtirish agentligi (keyingi o‘rinlarda “O‘zstandart” agentligi deb ataladi)ning “Standartlashtirish to‘g‘risida”, “Metrologiya to‘g‘risida”, “Mahsulotlar va xizmatlarni sertifikatlashtirish to‘g‘risida”gi O‘zbekiston Respublikasi qonunlariga hamda O‘zbekiston Respublikasining “O‘zstandart” agentligi faoliyatiga taalluqli boshqa qonun hujjatlariga muvofiq asosiy vazifalari, funksiyalari va vakolatlarini belgilaydi.
2. “O‘zstandart” agentligi o‘z vakolatlari doirasida standartlashtirish, metrologiya, sertifikatlashtirish va akkreditatsiya qilish bo‘yicha faoliyatga umumiy rahbarlikni va uni muvofiqlashtirish hamda nazorat qilishni amalga oshiruvchi O‘zbekiston Respublikasining davlat boshqaruv organi hisoblanadi, ushbu sohalardagi ishlarni amalga oshirishning umumiy qoidalarini belgilaydi.
3. “O‘zstandart” agentligi o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi qarorlariga va boshqa qonun hujjatlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, O‘zbekiston Respublikasi tomonidan tuzilgan xalqaro shartnomalarga hamda ushbu Nizomga amal qiladi.
4. “O‘zstandart” agentligi O‘zbekiston Respublikasining standartlashtirish, metrologiya va sertifikatlashtirish bo‘yicha milliy organi hisoblanadi hamda o‘z faoliyatida O‘zbekiston Respublikasi Vazirlar Mahkamasiga hisobot beradi.
5. “O‘zstandart” agentligi o‘z faoliyatini joylardagi davlat boshqaruvi va hokimiyati boshqa organlari, xo‘jalik birlashmalari hamda yuridik shaxslar va jamoat tashkilotlari bilan o‘zaro hamkorlikda amalga oshiradi.
6. “O‘zstandart” agentligi o‘ziga yuklangan vazifalarni bevosita, shuningdek “O‘zstandart” agentligi tomonidan tasdiqlangan ular to‘g‘risidagi nizomlar asosida o‘z faoliyatini amalga oshiradigan o‘ziga bo‘ysunuvchi hududiy organlar orqali hal etadi.
“O‘zstandart” agentligi, uning hududiy organlari, uning tarkibiga kiruvchi tashkilotlar va korxonalar standartlashtirish, metrologiya, sertifikatlashtirish, akkreditatsiya qilish, mahsulotlar va xizmatlar sifatini boshqarish sohasidagi O‘zbekiston Respublikasi davlat boshqaruvi organlarining yagona tizimini tashkil qiladi.
O‘zbekiston Respublikasi hududidagi, mulkchilik shakllaridan qat’i nazar, barcha jismoniy shaxslar va xo‘jalik yurituvchi subyektlar tomonidan “Standartlashtirish to‘g‘risida”, “Metrologiya to‘g‘risida”, “Mahsulotlar va xizmatlarni sertifikatlashtirish to‘g‘risida”, “Oziq-ovqat mahsulotining sifati va xavfsizligi to‘g‘risida”gi O‘zbekiston Respublikasi qonunlariga hamda standartlashtirish, metrologiya va sertifikatlashtirish sohasidagi boshqa qonun hujjatlari va normativ hujjatlarning bajarilishi hamda ularga amal qilinishi ustidan nazoratni ta’minlash yuzasidan kompleks chora-tadbirlar ishlab chiqish;
o‘tkazilayotgan ilmiy-tadqiqot ishlari asosida standartlashtirish, metrologiya va sertifikatlashtirish sohasida yagona davlat siyosatini amalga oshirish;
standartlashtirish bo‘yicha ishlarni amalga oshirishning, manfaatdor tomonlarning davlat boshqaruv organlari, jamoat birlashmalari bilan o‘zaro hamkorligi shakllari va metodlari umumiy qoidalarini belgilash;
xalqaro standartlar bo‘yicha ma’lumotlarning yagona axborot bazasini yaratish, standartlarni va texnik shartlarni, etalonlarni va fizik hajmlar birliklarini belgilash va ulardan foydalanish;
majburiy tartibda sertifikatlanadigan mahsulotlar va xizmatlarning yangi ro‘yxatini, ularni har yili yangidan paydo bo‘lgan mahsulotlar va xizmatlar turlarini, shuningdek joriy etilayotgan yangi texnologiyalar va materiallarni hisobga olgan holda, tuzish va belgilangan tartibda tasdiqlash;
mahsulotlar va xizmatlarni sertifikatlashtirishning yangi tartibini ishlab chiqish hamda unga rioya etilishini nazorat qilish;
zamonaviy davlat standartlari va etalonlarini ishlab chiqish va ularni xalqaro tizimlar bilan uyg‘unlashtirish;
Sertifikatlangan mahsulotlar, sifatni boshqarish tizimlari, sertifikatlash bo‘yicha akkreditatsiya qilingan organlar, sinov laboratoriyalari (markazlari), sifat bo‘yicha ekspert-auditorlar davlat reyestrini, yuritish, shuningdek oziq-ovqat mahsulotlarini va ularni tayyorlash uchun foydalaniladigan asbob-uskunalarni davlat ro‘yxatidan o‘tkazish;
turdosh mahsulotlar standartlarini ishlab chiqish bo‘yicha tarmoq tuzilmalarini tashkil etishga ko‘maklashish, ular faoliyatiga ilmiy-metodik rahbarlikni va nazoratni ta’minlash;
standartlashtirish tizimlarining faoliyat ko‘rsatishini va rivojlanishini ta’minlash, o‘lchovlar birligini sertifikatlashtirish, akkreditatsiya qilish va ushbu sohalardagi ilmiy-texnika axborotlari yagonaligini, shuningdek ularni chet mamlakatlarning xalqaro (mintaqaviy) va milliy tizimlari bilan uyg‘unlashtirishni ta’minlash;
tovarlar (ishlar, xizmatlar)ning sifatiga va xavfsizligiga bo‘lgan talablarga rioya etishni hamda o‘lchashlarning noto‘g‘ri natijalari salbiy oqibatlarini nazorat qilish sohasida iste’molchilar huquqlarini va davlat manfaatlarini himoya qilish chora-tadbirlarini amalga oshirish;
shtrixli kodlashtirish tizimini joriy etish bo‘yicha yagona siyosatni amalga oshirish hamda O‘zbekiston Respublikasida ishlab chiqariladigan tovarlarning Davlat reyestrini yuritish;
standartlar va texnik shartlar talablariga rioya etilishini, sertifikatlashtirish o‘lchovlari va qoidalarining yagonaligi ta’minlanishini, sertifikatlashtirilgan mahsulotlarni, shuningdek metrologik ta’minlash qoidalariga va yagonaligiga rioya etilishini nazorat qilish;
ishlab chiqarilayotgan spirt va alkogolli mahsulotlarning sifatini, saqlanishini, tashilishini va sotilishini nazorat qilish;
ijro etuvchi hokimiyat organlari bilan birgalikda axborot resurslarini va standartlashtirish, metrologiya, sertifikatlashtirish, akkreditatsiya qilish, texnik-iqtisodiy va ijtimoiy axborotlarni sifati, klassifikatsiyalash, kodlashtirish, shu jumladan shtrixli kodlashtirish infratuzilmasini shakllantirish;
fizik birliklar etalonlarini o‘lchash, saqlash va tegishli darajada saqlash yagonaligini va ishonchliligini ta’minlash, davlat metrologiya xizmati va etalon bazasini rivojlantirish, eng yuqori aniqlikdagi o‘lchovlarning yangi metodlari va vositalarini yaratish va mavjudlarini takomillashtirish, o‘lchash, nazorat qilish va sinash metodlari va vositalarini standartlashtirish;
O‘zbekiston Respublikasi standartlashtirish davlat tizimi, O‘zbekiston Respublikasi o‘lchovlar birligini ta’minlash davlat tizimi, O‘zbekiston Respublikasi sertifikatlashtirish milliy tizimi, O‘zbekiston Respublikasi akkreditatsiya qilish tizimi va ushbu sohalardagi ilmiy-texnika axborotlarining faoliyat ko‘rsatishini va ularning takomillashtirilishini, shuningdek ularni mahsulotlarning raqobatbardoshliligini oshirishda va eksport potensialini ko‘tarishda, standartlashtirish, metrologiya va sertifikatlashtirishni rivojlantirishda respublika iqtisodiyoti tarmoqlariga ko‘maklashish maqsadida chet mamlakatlarning xalqaro, mintaqaviy va milliy tizimlari bilan uyg‘unlashtirishni ta’minlash;
respublikada ishlab chiqariladigan va import bo‘yicha olib kelinadigan mahsulotlarni sinash va sertifikatlashtirish ishlarini tashkil etish va o‘tkazish, chet mamlakatlarning muvofiqlik sertifikatlarini e’tirof etish;
davlat, tarmoq, ma’muriy-hududiy standartlarni va ularga o‘zgartirishlarni, korxonalarning mahsulotlar (xizmatlar)ga texnik shartlarini, standartlarini va ularga o‘zgartirishlarni, standartlashtirish, metrologiya, sertifikatlashtirish va akkreditatsiya qilish bo‘yicha amal qilinadigan hujjatlarini, shuningdek norma va qoidalarni tasdiqlash, davlat ro‘yxatidan o‘tkazish;
foydalanuvchilarni mahsulotlar va xizmatlarni standartlashtirish, metrologiya va sertifikatlashtirish, shuningdek sinash va o‘lchash metodlari bo‘yicha normativ hujjatlar bilan ta’minlash;
vazirliklar, idoralar va xo‘jalik birlashmalari bilan birgalikda belgilangan tartibda standartlarni, texnik-shartlarni ishlab chiqish hamda standartlashtirish sohasidagi faoliyatga metodik rahbarlikni va muvofiqlashtirishni amalga oshirish uchun standartlashtirish bo‘yicha texnik qo‘mitalarni shakllantirishda qatnashish;
buyumlar va materiallarning tarkibi va xossalarining standart namunalarini attestatsiyadan o‘tkazish bo‘yicha ishlarni tashkil etish;
namunaviy o‘lchov vositalarini ishlab chiqarish va yuqori aniqlikdagi o‘lchov texnikasini ta’mirlash;
standartlashtirish, metrologiya, sertifikatlashtirish hamda mahsulotlar va xizmatlarning sifatini boshqarish sohasida tadqiqotlar o‘tkazish;
davlat boshqaruv organlari, xo‘jalik birlashmalari, korxonalar va tashkilotlar bilan birgalikda standartlashtirish va sertifikatlashtirishning xalqaro amaliyotiga o‘tishni ta’minlash;
standartlashtirish, metrologiya, mahsulotlar va xizmatlarni sertifikatlashtirishni rivojlantirish va akkreditatsiyaning asosiy yo‘nalishlarini, konsepsiyalarini, istiqbolli dasturlarini va uzoq muddatli prognozlarini ishlab chiqish;
standartlar va texnik shartlar talablariga rioya etilishi, o‘lchovlarning yagonaligi va sertifikatlashtirish qoidalarining ta’minlanishi, sertifikatlashtirilgan mahsulotlar, shuningdek metrologik ta’minlash qoidalariga va yagonaligiga rioya etilishi ustidan nazoratni tashkil etish va amalga oshirish;
ishlab chiqarilayotgan spirt va alkogolli mahsulotlarning sifati, saqlanishi, tashilishi va sotilishi ustidan nazoratni tashkil etish va o‘tkazish;
standartlashtirish, metrologiya, mahsulotlar va xizmatlarni sertifikatlashtirish hamda sifatini yaxshilash sohasidagi qonun hujjatlarini ishlab chiqish, shuningdek ularni ishlab chiqish bo‘yicha takliflar kiritish;
standartlashtirish, metrologiya, mahsulotlar va xizmatlarni sertifikatlashtirish, sinash, sifatini yaxshilash sohasidagi atamalar va ta’riflarni ishlab chiqish;
standartlashtirish, metrologiya, mahsulotlar va xizmatlar sifatini, sinashni va sertifikatlashtirishni boshqarish sohasidagi yutuqlarning ilmiy-texnik targ‘ibotini amalga oshirish;
davlat nazorati, shuningdek mahsulotlar va xizmatlarni sertifikatlashtirish natijalarini tahlil qilish asosida mahsulotlar sifatini va raqobatbardoshliligini oshirish hamda sifatni ta’minlash va boshqarish tizimlarini takomillashtirish bo‘yicha takliflar ishlab chiqish;
standartlashtirish, metrologiya, sertifikatlashtirish sohasida xorijiy tashkilotlar va firmalar bilan ilmiy-texnik hamkorlikni rivojlantirish;
standartlashtirish, metrologiya, sifatni boshqarish, mahsulotlar va xizmatlarni sinash va sertifikatlashtirish sohasida ilmiy va muhandis-texnik kadrlarni tayyorlash va qayta tayyorlash;
davlat boshqaruv organlari, xo‘jalik birlashmalari, korxonalar va tashkilotlarning standartlashtirish, metrologiya, mahsulotlarni sinash va sertifikatlashtirish sohasidagi faoliyatiga metodik rahbarlikni va uni muvofiqlashtirishni ta’minlash;
huquqni muhofaza qilish va nazorat organlari bilan standartlarga rioya qilish, o‘lchovlar yagonaligini va sertifikatlashtirish qoidalarini ta’minlash masalalari bo‘yicha o‘zaro hamkorlik qilish;
metrologik xizmatlar, sinash laboratoriyalari (markazlari), yuridik va jismoniy shaxslarning o‘lchash, tahlil qilish, kalibrlash laboratoriyalarini, sertifikatlashtirish organlarini attestatsiyadan o‘tkazish va akkreditatsiya qilish;
mulkchilik shakllaridan qat’i nazar, korxonalar va firmalar ustavlarining, ular standartlashtirish, metrologiya va sertifikatlashtirish faoliyati bo‘yicha ijro etuvchi hokimiyat organlarida ro‘yxatdan o‘tkazilgungacha, kelishib olinishini amalga oshirish;
standartlashtirish, metrologiya va sertifikatlashtirish bo‘yicha belgilangan talablarga muvofiqlikni aniqlash maqsadida mahsulotlar va xizmatlar sifati monitoringini o‘tkazish hamda sifatni yaxshilash bo‘yicha tavsiyanomalar berish.
o‘z vakolati doirasida davlat hokimiyati va boshqaruvi organlari, xo‘jalik birlashmalari, yuridik va jismoniy shaxslar tomonidan bajarilishi va rioya etilishi majburiy bo‘lgan O‘zbekiston Respublikasi qonun hujjatlariga muvofiq qarorlar qabul qilish va normativ hujjatlar chiqarish;
standartlashtirish, metrologiya, mahsulotlarni sinash va sertifikatlashtirish masalalarini hal etish uchun davlat boshqaruv organlarini, yuridik shaxslar birlashmalarini, korxonalar, tashkilotlar, jamoat birlashmalarini jalb etish;
qonunlar hamda boshqa qonunchilik va normativ hujjatlar loyihalarini ishlab chiqish hamda belgilangan tartibda Hukumatga kiritish, standartlashtirish, metrologiya, mahsulotlar va xizmatlar sifatini sertifikatlashtirish va nazorat qilish masalalari bo‘yicha qonunlar va boshqa normativ-huquqiy hujjatlar loyihalari yuzasidan xulosalar berish;
davlat boshqaruv organlari, xo‘jalik birlashmalari, korxonalar, tashkilotlar va respublika jamoat birlashmalaridan “O‘zstandart” agentligiga yuklangan vazifalarni bajarish uchun zarur bo‘lgan ma’lumotlar va materiallarni olish;
Idoralararo kengashda davlat boshqaruv organlari, xo‘jalik birlashmalari, korxonalar va tashkilotlar, shuningdek O‘zbekiston Respublikasi hududida joylashgan xorijiy sheriklar bilan birgalikdagi korxonalar va tashkilotlar rahbarlarining standartlashtirish, metrologiya, mahsulotlarni sinash va sertifikatlashtirish masalalari bo‘yicha axborotlarini tinglash;
xo‘jalik birlashmalaridan standartlashtirish bo‘yicha bazaviy tashkilotlar va texnik qo‘mitalar tashkil etishni talab qilish;
standartlashtirish, metrologiya, respublika xalq xo‘jaligi uchun alohida ahamiyatga ega bo‘lgan mahsulotlarni sinash va sertifikatlashtirish muammolarini ko‘rib chiqish bo‘yicha vaqtinchalik ilmiy-texnika komissiyalari tuzish;
idoraviy mansubligi va mulkchilik shakllaridan qat’i nazar, xo‘jalik yurituvchi subyektlar tomonidan standartlar va texnik shartlarga rioya qilinishi, o‘lchovlarning, sertifikatlashning yagonaligi ta’minlanishi, iste’molchilar va davlat manfaatlarini, shu jumladan odamlarning hayoti va salomatligi uchun xavfsizlik, atrof muhitning muhofaza qilinishi, mahsulotlarning muvofiqligi va o‘zaro bir-birining o‘rnini bosuvchanligi, resurslarni tejash, ularni nazorat qilish metodlarining yagonaligi va markirovka qilinishining yagonaligi bilan bog‘liq standartlar va texnik shartlar talablari hamda O‘zbekiston Respublikasi qonun hujjatlarida belgilangan boshqa talablarni himoya qilish maqsadida, shuningdek eksportga yetkazib berilayotgan va import bo‘yicha olinayotgan mahsulotlar sifati ustidan davlat nazoratini amalga oshirish;
nazorat qilinayotgan mahsulotlar ko‘rsatkichlarining belgilangan talablarga muvofiqligini tekshirish maqsadida sotish va saqlash korxonalarida nazorat xaridini o‘tkazish yo‘li bilan mahsulotlar sifatining davlat nazoratini o‘tkazish;
standartlashtirish, metrologiya va sertifikatlashtirish qoidalari buzilganligi uchun amaldagi qonun hujjatlariga muvofiq ta’sir ko‘rsatishning huquqiy va iqtisodiy chora-tadbirlarni qo‘llanish;
mahsulotning texnik darajasi va sifatini oshirishni ta’minlamaydigan hamda iste’molchilar talablariga va amaldagi qonun hujjatlariga zid bo‘lgan normativ hujjatlarni bekor qilish, ularning amal qilish muddatini cheklash yoki qayta ko‘rib chiqish to‘g‘risida bajarilishi majburiy bo‘lgan qarorlar qabul qilish;
muvofiqlik sertifikatlari va belgilarining, akkreditatsiya qilish va attestatsiyadan o‘tkazish to‘g‘risidagi attestat (guvohnomalar)ni bekor qilish va ularning amal qilishini to‘xtatib qo‘yish;
mahsulotlar, xizmatlar, sifatni boshqarish tizimlarini sertifikatlashtirish va muvofiqlik sertifikatlari berish;
sertifikatlashtirilgan mahsulotlar (xizmatlar), sertifikatlashtirish bo‘yicha akkreditatsiya qilingan organlar, yuklab jo‘natishdan oldingi inspeksiya organlari, sinov, o‘lchash, tekshirish va kalibrlash laboratoriyalari ustidan inspeksiya nazorati o‘tkazish, ular faoliyatiga rahbarlik qilish va uni muvofiqlashtirish;
standartlarda va texnik shartlarda mahsulotlar, jarayonlar va xizmatlar sifatiga nisbatan aholi turmushi va salomatligi, atrof muhitni muhofaza qilish, muvofiqlik, o‘zaro bir-birining o‘rnini bosishni va resurslarni tejashni ta’minlashga yo‘naltirilgan talablarni belgilash;
standartlashtirish, metrologiya va sertifikatlashtirish sohasida xalqaro loyihalar va dasturlarni ishlab chiqish va amalga oshirishda qatnashish;
standartlashtirish, metrologiya, sertifikatlashtirish, akkreditatsiya qilish bo‘yicha xalqaro, mintaqaviy, davlatlararo tashkilotlarda O‘zbekiston Respublikasi nomidan vakillik qilish;
10. “O‘zstandart” agentligiga yuklangan vazifalar va funksiyalarni bajarish maqsadida uning mansabdor shaxslari xo‘jalik yurituvchi subyektlar hududiga kirish, shuningdek zarur hujjatlar va axborotlardan foydalanish huquqiga egadirlar.
11. “O‘zstandart” agentligi o‘z faoliyatida davlat hokimiyati va boshqaruvi organlari, xo‘jalik birlashmalari, korxonalar va jamoat tashkilotlari bilan bevosita hamkorlik qiladi.
12. “O‘zstandart” agentligini O‘zbekiston Respublikasi Vazirlar Mahkamasi qarori bilan lavozimga tayinlanadigan va lavozimdan ozod qilinadigan Bosh direktor boshqaradi.
“O‘zstandart” agentligi bosh direktorining O‘zbekiston Respublikasi Vazirlar Mahkamasi qarori bilan lavozimga tayinlanadigan va lavozimdan ozod qilinadigan ikki nafar o‘rinbosari bo‘ladi.
13. Bosh direktorga va Bosh direktor o‘rinbosarlariga ayni bir vaqtda lavozimiga ko‘ra Standartlar va o‘lchovlarning yagonaligini nazorat qilish bo‘yicha O‘zbekiston Respublikasi davlat bosh inspektori va davlat bosh inspektorining o‘rinbosarlari vazifalari yuklanadi.
“O‘zstandart” agentligi faoliyatiga rahbarlik qiladi hamda agentlikka yuklangan vazifalar va majburiyatlarning bajarilishi uchun shaxsan javob beradi;
O‘zbekiston Respublikasi Vazirlar Mahkamasiga Bosh direktor o‘rinbosarlari lavozimiga tayinlash uchun nomzodlarni taqdim etadi;
“O‘zstandart” agentligi markaziy apparati tuzilmasini va xodimlarning belgilangan soni doirasida shtatlari jadvalini tasdiqlaydi;
“O‘zstandart” agentligi markaziy apparati xodimlarini lavozimga tayinlaydi va lavozimdan ozod qiladi;
“O‘zstandart” agentligi markaziy apparatining tarkibiy bo‘linmalari to‘g‘risidagi, shuningdek uning hududiy boshqarmalari va tasarrufidagi tashkilotlar to‘g‘risidagi nizomlarni tasdiqlaydi;
hududiy standartlashtirish va metrologiya boshqarmalari boshliqlarini Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari bilan kelishgan holda lavozimga tayinlaydi va lavozimdan ozod qiladi;
“O‘zstandart” agentligi, uning tasarrufidagi tashkilotlar va hududiy boshqarmalar xodimlari tomonidan bajarilishi majburiy bo‘lgan buyruqlar, farmoyishlar va yo‘riqnomalar chiqaradi, ko‘rsatmalar beradi;
xorijiy mamlakatlarning standartlashtirish, metrologiya, sertifikatlashtirish, akkreditatsiya qilish, sifat va davlat nazorati bo‘yicha organlari bilan hamkorlik masalalari yuzasidan idoralararo tusdagi xalqaro shartnomalarni belgilangan tartibda imzolaydi.
15. “O‘zstandart” agentligida tarkibida Bosh direktor, uning o‘rinbosarlari, shuningdek markaziy apparatning boshqa yuqori malakali rahbar xodimlari bo‘ladigan 7 kishidan iborat hay’at tuziladi. Hay’atning shaxsiy tarkibi (uning tarkibiga lavozimiga ko‘ra kiruvchi shaxslardan tashqari) Vazirlar Mahkamasi tomonidan tasdiqlanadi.
16. Hududiy standartlashtirish va metrologiya boshqarmalari boshliqlari Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari bilan kelishgan holda “O‘zstandart” agentligi bosh direktori tomonidan lavozimga tayinlanadi va lavozimdan ozod qilinadi.
“O‘zstandart” agentligining Qoraqalpog‘iston Respublikasi, viloyatlar va Toshkent shahridagi hududiy standartlashtirish va metrologiya boshqarmalari boshliqlari lavozimiga ko‘ra ayni bir vaqtda tegishli ravishda Qoraqalpog‘iston Respublikasi, viloyatlar va Toshkent shahrida standartlar va o‘lchovlar yagonaligi ustidan nazorat bo‘yicha davlat bosh inspektorlari, ularning o‘rinbosarlari esa – tegishli hududiy bosh inspektorlarning o‘rinbosarlari hisoblanadilar.
Hududiy boshqarmalar boshliqlarining o‘rinbosarlari va bosh buxgalterlari “O‘zstandart” agentligi bosh direktori tomonidan lavozimga tayinlanadi va lavozimdan ozod qilinadi.
17. “O‘zstandart” agentligi va uning hududiy boshqarmalari hamda bo‘limlarining zimmasiga davlat nazoratini amalga oshirish yuklangan boshliqlari, ularning o‘rinbosarlari, mutaxassislari lavozimiga ko‘ra ayni bir vaqtda standartlar va o‘lchovlar yagonaligi ustidan nazorat bo‘yicha davlat inspektorlari hisoblanadilar.
18. Standartlar va o‘lchovlar yagonaligi ustidan davlat nazoratini amalga oshiruvchi mansabdor shaxslar davlat inspektori yoki davlat ishonchli vakili sifatida “O‘zstandart” agentligi tomonidan belgilanadigan tartibda attestatsiyadan o‘tkazilishi kerak.
19. “O‘zstandart” agentligi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga, bank muassasalarida hisob-kitob va boshqa hisob raqamlariga ega bo‘ladi.
20. “O‘zstandart” agentligi va uning hududiy boshqarmalari faoliyatini mablag‘ bilan ta’minlash budjet mablag‘lari hamda amaldagi qonun hujjatlariga zid bo‘lmagan boshqa mablag‘lar hisobiga amalga oshiriladi.
21. “O‘zstandart” agentligini qayta tashkil etish va tugatish O‘zbekiston Respublikasi qonun hujjatlariga muvofiq amalga oshiriladi.
Keyingi tahrirga qarang.
Keyingi tahrirga qarang.