O‘zbekiston Respublikasi Vazirlar Mahkamasining “2016-2017-yillar davrida jismoniy va yuridik shaxslarga tegishli bo‘lgan ko‘chmas mulk obyektlarini yalpi xatlovdan o‘tkazish to‘g‘risida” 2016-yil 3-avgustdagi 251-son qaroriga muvofiq, shuningdek ko‘chmas mulkka oid kadastr hujjatlarini rasmiylashtirish tartibini yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamentiga yuklansin.
O‘zbekiston Respublikasi Hukumatining ba’zi qarorlariga kiritilayotgan o‘zgartirish va qo‘shimchalar
1. Vazirlar Mahkamasining 2011-yil 25-maydagi 146-son qarori bilan tasdiqlangan Yer uchastkalari egalari, foydalanuvchilari, ijarachilari va mulkdorlarining ko‘rgan zararlarini, shuningdek qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash tartibi to‘g‘risidagi Nizomda (O‘zbekiston Respublikasi QT, 2011-y., 5-son, 40-modda):
birinchi xatboshidagi “loyihasini tuzadigan” so‘zlaridan keyin “O‘zdaverloyiha” davlat ilmiy-loyiha instituti va uning hududiy bo‘linmalari” so‘zlari qo‘shilsin;
“qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rni yer uchastkalari quyidagilar uchun olib qo‘yilgan holatlarda qoplanmaydi:
birinchi xatboshidagi “boshqarmalarining” so‘zidan keyin “(keyingi o‘rinlarda hududiy boshqarmalar deb ataladi)” so‘zlari qo‘shilsin;
“24. Qishloq xo‘jaligi va o‘rmon xo‘jaligi ishlab chiqarishi nobudgarchiliklarining o‘rnini qoplash uchun hududiy boshqarmalarning maxsus hisob raqamlariga tushgan mablag‘larning 90 foizidan “Yergeodezkadastr” davlat qo‘mitasi tomonidan tasdiqlangan xarajatlar smetasiga muvofiq, Qoraqalpog‘iston Respublikasi Vazirlar Kengashi, viloyatlar va Toshkent shahri hokimlari tomonidan tasdiqlangan ishchi reja asosida quyidagilar uchun foydalaniladi:
kollektor-drenaj tarmog‘ini qurish va qayta qurish, sug‘oriladigan yerlarni kapital planirovka qilish va ularning suv ta’minotini oshirish;
fermer xo‘jaliklarining yer uchastkalarini maqbullashtirish bo‘yicha yer tuzish hujjatlarini tuzish;
Ushbu bandda ko‘rsatilgan ishlarni bajarish uchun jalb etiladigan pudrat tashkilotlarini yonilg‘i-moylash materiallari bilan ta’minlash melioratsiya, irrigatsiya va yerlarni tekislash ishlari uchun belgilangan tartibda “O‘zdavneftgazinspeksiya” DI tomonidan tasdiqlanadigan rejalashtirilgan hajmlar hisobiga amalga oshiriladi.
Qishloq xo‘jaligi va o‘rmon xo‘jaligi ishlab chiqarishi nobudgarchiliklari o‘rnini qoplash uchun tushgan mablag‘lar hisobidan hududiy boshqarmalarga bittadan shtatdagi xodim ajratiladi, uning vazifasiga yuqorida ko‘rsatilgan, shu jumladan tashkiliy texnika vositalari, jihozlar va uskunalar xarid qilish ishlarini tashkillashtirish kiradi.
Yer resurslari va davlat kadastri boshqarmalari tomonidan mablag‘larni sarflash “Yergeodezkadastr” davlat qo‘mitasi tomonidan tasdiqlangan smeta bo‘yicha amalga oshiriladi.
Qishloq xo‘jaligi va o‘rmon xo‘jaligi ishlab chiqarishi nobudgarchiliklari o‘rnini qoplash hisobiga tushgan mablag‘lardan yer munosabatlari bilan bog‘liq boshqa maqsadlar uchun foydalanish Vazirlar Mahkamasining qarori bo‘yicha amalga oshiriladi”;
“241. Qishloq xo‘jaligi va o‘rmon xo‘jaligi ishlab chiqarishi nobudgarchiliklari o‘rnini qoplash hisobiga tushgan mablag‘larning 10 foizi qishloq xo‘jaligi va o‘rmon xo‘jaligi ishlab chiqarishi nobudgarchiliklari o‘rnini qoplash bo‘yicha qarzlarni to‘lash uchun sudlarga da’volar kiritilganda davlat bojlarini va sud xarajatlarini to‘lashga, tegishli shtat birliklarini ta’minlashga, xodimlarni ijtimoiy himoyalashga va moddiy-texnika bazasini rivojlantirishga quyidagi tartibda taqsimlanadi:
Hududiy boshqarmalar mablag‘larning tushishiga ko‘ra, “Yergeodezkadastr” davlat qo‘mitasiga tegishli bo‘lgan mablag‘larni uning maxsus hisob raqamiga o‘tkazadilar”;
“25. Qishloq xo‘jaligi va o‘rmon xo‘jaligi ishlab chiqarishi nobudgarchiliklari o‘rnini qoplash tartibida kelib tushgan mablag‘lardan ushbu Nizomning 24 va 241-bandlarida belgilangan tadbirlarni amalga oshirish uchun, qoidaga ko‘ra, qishloq xo‘jaligi va o‘rmon yerlari olib qo‘yilgan tumanlarda foydalaniladi.
Debitorlik qarzning undirilgan summasi unga qo‘shib yozilgan penya bilan birga ushbu Nizomning 24 va 241-bandlarida va ushbu bandda belgilangan tartibda taqsimlanadi.
Ayrim hollarda Qoraqalpog‘iston Respublikasi Vazirlar Kengashining yoki viloyat hokimining qarorlari asosida ulardan Qoraqalpog‘iston Respublikasining yoki o‘sha viloyatning boshqa tumanlarida foydalanish mumkin”;
“32. Olib qo‘yiladigan lalmi shudgor va sug‘orilmaydigan ko‘p yillik daraxtzorlar o‘rniga beriladigan bir xil yangi yerlarni sug‘orish va o‘zlashtirish qiymati tabiiy zonalardagi joyiga qarab 1 gektar uchun quyidagi miqdorlarda qabul qilinadi:
(Ps/xp x Ch1 x 4)+ (Ps/xp x Ch2 x 2) + (Ps/xp x Ch3 x 1), | ||
“Ps/xpvr. = | ________________________________________________ | |
100; |
“Ch — qishloq xo‘jaligi yerlari doimiy foydalanishga olib qo‘yilganda, qishloq xo‘jaligi nobudgarchiliklari summasidan qishloq xo‘jaligi yerlari olib qo‘yilgani uchun hisoblanadigan foiz miqdori 10 yilgacha — 4 foiz (Ch1x4), 11 yildan 30 yilgacha — har bir yil uchun 2 foizdan (Ch2x2) va 31 dan 50 yilgacha — 1 foizdan (Ch3x1)”;
to‘qqizinchi — o‘ninchi xatboshilar tegishli ravishda sakkizinchi-to‘qqizinchi xatboshilar deb hisoblansin;
“48. Yangi yerlarni sug‘orish va o‘zlashtirish qiymati, lalmi shudgor va sug‘orilmaydigan ko‘p yillik daraxtzorlar olib qo‘yilganda qishloq xo‘jaligi ishlab chiqarishi nobudgarchiliklarining ushbu qiymatni inobatga olib hisoblangan miqdori, shuningdek ushbu Nizomning 32-bandi va unga 1 va 2-ilovalarda nazarda tutilgan pichanzorlar va yaylovlar holatini tubdan yaxshilash qiymati “Yergeodezkadastr” davlat qo‘mitasi, Iqtisodiyot vazirligi va Moliya vazirligining qo‘shma qarori bilan, O‘zbekiston Respublikasi Davlat statistika qo‘mitasining ma’lumotlari bo‘yicha qurilish materiallari narxlari indeksining o‘tgan yilgi o‘zgarishi darajasidan kelib chiqib, joriy yilning 31-dekabriga qadar har yili indeksatsiyalanishi lozim”;
Hududlar | 1 gektar bir xil yerlarni sug‘orish va o‘zlashtirishning bir bonitet balli uchun qiymati, ming so‘m | |
Qoraqalpog‘iston Respublikasi | 444,2 | |
viloyatlar: | ||
Andijon | 761,6 | |
Buxoro | 634,8 | |
Jizzax | 507,8 | |
Qashqadaryo | 507,8 | |
Navoiy | 507,8 | |
Namangan | 698,2 | |
Samarqand | 761,6 | |
Surxondaryo | 825,0 | |
Sirdaryo | 507,8 | |
Toshkent | 761,6 | |
Farg‘ona | 698,2 | |
Xorazm | 634,8 | |
Toshkent shahri | 761,6 | ”; |
Vertikal zonalarga bo‘linish | 1 gektar pichanzorlar va yaylovlar holatini tubdan yaxshilash qiymati, ming so‘m | Ulardan | ||
tubdan yaxshilash qiymati | o‘rni qoplanadigan mahsulotning qiymati | |||
“Cho‘l” mintaqasi | 242,9 | 50,1 | 192,8 | |
“Adir” mintaqasi | 283,9 | 88,8 | 195,1 | |
“Tog‘” mintaqasi | 398,6 | 66,5 | 332,1 | ”; |
Oldingi tahrirga qarang.
(2-band O‘zbekiston Respublikasi Vazirlar Mahkamasining 2018-yil 29-dekabrdagi 1060-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 29.12.2018-y., 09/18/1060/2405-son)