Eksport salohiyatini kengaytirish, tashqi bozorlarda talab yuqori bo‘lgan meva-sabzavot, uzum va poliz mahsulotlarini eksportga yetkazib berish hajmlarini ko‘paytirish va turlarini kengaytirish maqsadida:
Oldingi tahrirga qarang.
ho‘l meva-sabzavot mahsulotlarini eksport qilish eksportyorlar tomonidan ortib jo‘natilayotgan mahsulot qiymatining 100 foizi oldindan xorijiy valyutada to‘langan haqini olganida to‘g‘ridan to‘g‘ri shartnomalar bo‘yicha amalga oshiriladi. Bunda “O‘zagroeksport” AJga ho‘l meva-sabzavot mahsulotlarini kuyidagi shartlarda eksport qilishga ruxsat beriladi:
ortib jo‘natilayotgan meva-sabzavot qiymatining kamida 30 foiz haqi oldindan to‘lanadi, qolgan qismiga esa tasdiqlangan bank akkreditivi ochiladi yoki birinchi darajali xorijiy bankning kafolati rasmiylashtiriladi;
oldindan haq to‘lamasdan, tasdiqlangan bank akkreditivini ochmasdan yoki birinchi darajali xorijiy bank kafolatini rasmiylashtirmasdan — “O‘zagroeksport” AJning chet ellarda ochilgan savdo uylariga, shuningdek, O‘zbekiston Respublikasi Vazirlar Mahkamasining qarori bilan tasdiqlanadigan ro‘yxat bo‘yicha, ishonchli va uzoq muddatli hamkor sheriklar bo‘lmish yetakchi xorijiy import qiluvchi tashkilotlarga.
Tadbirkorlik subyektlari ham ushbu bandning sakkizinchi va to‘qqizinchi xatboshilarida ko‘rsatilgan shartlarda, “O‘zagroeksport” AJ bilan komissiya shartnomasini tuzish yo‘li bilan ho‘l meva-sabzavot mahsulotlarini eksport qilishlari mumkin.
(1-band O‘zbekiston Respublikasi Prezidentining 2017-yil 18-dekabrdagi PF-5287-sonli Farmoni tahririda — Qonun hujjatlari ma’lumotlari milliy bazasi, 19.12.2017-y., 06/17/5287/0425-son)
Keyingi tahrirga qarang.
Oldingi tahrirga qarang.
(2-band O‘zbekiston Respublikasi Prezidentining 2017-yil 18-dekabrdagi PF-5287-sonli Farmoniga asosan o‘z kuchini yo‘qotgan)
3. 2016-yil 20-sentabrdan boshlab O‘zbekiston Respublikasi Prezidentining ilovaga muvofiq ayrim hujjatlariga o‘zgartirishlar kiritilsin.
4. “O‘zbekoziqovqatxolding” xolding kompaniyasi O‘zbekiston Respublikasi Adliya vazirligi, tegishli vazirliklar va idoralar bilan birgalikda qonun hujjatlariga ushbu qarordan kelib chiquvchi o‘zgartirishlar va qo‘shimchalar to‘g‘risida Vazirlar Mahkamasiga bir oy muddatda takliflar kiritsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
1. O‘zbekiston Respublikasi Prezidentining “Yangi va qayta ishlangan meva-sabzavot mahsulotlarini eksport qiluvchi ixtisoslashtirilgan “O‘zagroeksport” tashqi savdo kompaniyasini tashkil etish to‘g‘risida” 2016-yil 7-apreldagi PQ-2515-son qarorining 6-bandi o‘z kuchini yo‘qotgan deb hisoblansin.
2. O‘zbekiston Respublikasi Prezidentining “Meva-sabzavot, kartoshka va poliz mahsulotlarini xarid qilish va ulardan foydalanish tizimini takomillashtirish chora-tadbirlari to‘g‘risida” 2016-yil 12-apreldagi PQ-2520-son qarorining 3-bandida:
“yangi, quritilgan va qayta ishlangan meva-sabzavot, uzum va poliz mahsulotlarini eksportga yetkazib berish yuklab jo‘natilayotgan mahsulot qiymatining kamida 30 foizini oldindan to‘lash sharti bilan amalga oshiriladi, qolgan qismiga esa tasdiqlangan bank akkreditivi ochiladi yoxud birinchi klassli xorijiy bank kafolati rasmiylashtiriladi.
Bunda “O‘zagroeksport” AJ ixtisoslashtirilgan tashqi savdo kompaniyasi yangi, quritilgan va qayta ishlangan meva-sabzavot, uzum va poliz mahsulotlarini to‘g‘ridan to‘g‘ri eksport kontraktlari asosida, shuningdek fermer va dehqon xo‘jaliklari, agrofirmalar va qayta ishlovchi korxonalar bilan tuzilgan komissiya shartnomalari bo‘yicha, oldindan to‘lovsiz, tasdiqlangan bank akkreditivi ochmasdan yoxud birinchi klassli xorijiy bank kafolatini rasmiylashtirmasdan va hisob-kitoblar to‘g‘risida ma’lumotnoma taqdim etmasdan:
O‘zbekiston Respublikasi Vazirlar Mahkamasi qarori bilan tasdiqlanadigan ro‘yxat bo‘yicha ishonchli va uzoq muddatli sheriklar hisoblanadigan yetakchi xorijiy tashkilotlar — import qiluvchilar manziliga chiqarish va sotish huquqiga ega”;
yettinchi — to‘qqizinchi xatboshilar tegishli ravishda o‘ninchi — o‘n ikkinchi xatboshilar deb hisoblansin.