Oldingi tahrirga qarang.
(qarorning nomi O‘zbekiston Respublikasi Vazirlar Mahkamasining 2003-yil 22-maydagi 229-sonli qarori tahririda— O‘R QHT, 2003-y., 9-10-son, 77-modda)
LexUZ sharhi
Mazkur qaror O‘zbekiston Respublikasi Vazirlar Mahkamasining 2018-yil 30-avgustdagi 704-sonli “Davlat soliq xizmati organlari xodimlarini qayta tayyorlash va ularning malakasini oshirish tizimini takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Oldingi tahrirga qarang.
Kadrlarni tayyorlash, qayta tayyorlash va ularning malakasini oshirishni tartibga solish va takomillashtirish, Kadrlar tayyorlash milliy dasturiga muvofiq respublika soliq organlari uchun mutaxassislarni maqsadli tayyorlashning uzluksiz tizimini yaratish maqsadida Vazirlar Mahkamasi qaror qiladi:
(kirish qismi O‘zbekiston Respublikasi Vazirlar Mahkamasining 2003-yil 22-maydagi 229-sonli qarori tahririda— O‘R QHT, 2003-y., 9-10-son, 77-modda)
Oldingi tahrirga qarang.
1. O‘zbekiston Respublikasi Davlat soliq qo‘mitasining o‘quv markazi negizida soliq kadrlarini tayyorlash va qayta tayyorlash bo‘yicha O‘zbekiston Respublikasi Davlat soliq qo‘mitasining Soliq akademiyasi (keyingi o‘rinlarda Akademiya deb ataladi) tashkil etilsin.
Keyingi tahrirga qarang.
Akademiyaga soliq kollejlarini tamomlaganlar 4 yil muddat bilan bakalavrlar tayyorlash dasturi bo‘yicha o‘qitish uchun, oliy o‘quv yurtlarini tamomlaganlar qisqartirilgan bir yillik dastur bo‘yicha qayta tayyorlash va 2 yil o‘qitish muddati bilan magistrlar tayyorlash uchun qabul qilinadi;
Akademiya bazasida soliq organlari xodimlari uchun o‘qitish muddati 3 oygacha bo‘lgan malaka oshirish kurslari tashkil etiladi;
Akademiyaning ma’muriy-boshqaruv va professor-o‘qituvchilar tarkibiga Davlat soliq qo‘mitasi xodimlarining tegishli toifalari uchun xizmatni o‘tash shartlari tatbiq etiladi.
(1-band O‘zbekiston Respublikasi Vazirlar Mahkamasining 2003-yil 22-maydagi 229-sonli qarori tahririda— O‘R QHT, 2003-y., 9-10-son , 77-modda)
Oldingi tahrirga qarang.
2. Akademiyaning ma’muriy-boshqaruv xodimlari va professor-o‘qituvchilar tarkibining shtatlar soni 105 kishidan (xizmat ko‘rsatuvchi va yordamchi xodimlardan tashqari) iborat etib belgilansin.
Akademiya rektoriga Akademiyaning tuzilmasi va shtatlar soniga O‘zbekiston Respublikasi Davlat soliq qo‘mitasi hamda Moliya vazirligi bilan kelishgan holda o‘zgartirishlar kiritishga ruxsat berilsin.
O‘zbekiston Respublikasi Mudofaa vazirligi hamda Oliy va o‘rta maxsus ta’lim vazirligi 2003-yil 1-sentabrgacha Akademiya tuzilmasida Rezerv va zaxira ofitserlarini tayyorlash harbiy kafedrasini tashkil etsinlar.
(2-band O‘zbekiston Respublikasi Vazirlar Mahkamasining 2003-yil 22-maydagi 229-sonli qarori tahririda— O‘R QHT, 2003-y., 9-10-son , 77-modda)
3. O‘zbekiston Respublikasi Davlat soliq qo‘mitasi va Davlat bojxona qo‘mitasi, Oliy va o‘rta maxsus ta’lim vazirligi, O‘zbekiston Respublikasi Mudofaa vazirligi, Adliya vazirligi va Moliya vazirligi bilan birgalikda Akademiya to‘g‘risidagi Nizomni bir oy muddatda ishlab chiqsinlar va belgilangan tartibda tasdiqlasinlar.
4. O‘zbekiston Respublikasi Davlat soliq qo‘mitasi, Davlat bojxona qo‘mitasi Oliy va o‘rta maxsus ta’lim vazirligi bilan birgalikda:
Akademiyada soliq va bojxona kadrlarini tayyorlash va qayta tayyorlash bo‘yicha mashg‘ulotlarning 2001-yil 1-sentabrdan boshlanishini ta’minlasinlar;
Akademiyadagi ta’lim yo‘nalishlari bo‘yicha o‘quv rejalarini, dasturlarini hamda o‘quv-uslubiy hujjatlarni ishlab chiqsinlar va belgilangan tartibda tasdiqlasinlar;
2001/2002 o‘quv yili boshlangungacha, o‘quv jarayonini tashkil etish va ta’lim sifatini ta’minlash xususiyatlarini hisobga olgan holda, o‘qituvchi kadrlarni tanlov asosida tanlash tizimini ishlab chiqsinlar va shu asosda Akademiyaning professor-o‘qituvchilar tarkibini yuqori malakali mutaxassislar bilan to‘ldirsinlar;
Davlat test markazi bilan kelishgan holda, Akademiyaga tinglovchilarni tanlash va qabul qilish tartibi to‘g‘risidagi Nizomni ikki oy muddatda ishlab chiqsinlar va tasdiqlasinlar.
5. Soliq va bojxona organlari Akademiyasi, O‘zbekiston Respublikasi Oliy va o‘rta maxsus ta’lim vazirligi, Davlat soliq qo‘mitasi, Davlat bojxona qo‘mitasi 2001/2002 o‘quv yilida “Soliqlar va soliqqa tortish” hamda “Bojxona ishi” fakultetlariga quyidagi dasturlar bo‘yicha tinglovchilar qabul qilinishini ta’minlasinlar:
6. O‘zbekiston Respublikasi Davlat soliq qo‘mitasi, Davlat bojxona qo‘mitasi Moliya vazirligi bilan birgalikda Akademiyani oziq-ovqat, ashyoviy mulklar, mebellar va kazarma jihozlari, oziq-ovqat xizmati anjomlari va avtotransport vositalari bilan ta’minlashning belgilangan normalarini bir oy muddatda tasdiqlasinlar.
7. Akademiya Toshkent shahar, Sobir Yusupov ko‘chasi, 3-uy va Muqimiy ko‘chasi, 166-uydagi Toshkent soliq kolleji va Davlat soliq qo‘mitasining o‘quv markazi binolariga joylashtirilsin.
Xususiy tadbirkorlik va kichik biznesni qo‘llab-quvvatlash fondi (“Biznes fond”) va “Madad” sug‘urta agentligining Sobir Yusupov ko‘chasi, 1-uyda joylashgan binosini hamda “O‘zbeksavdo” aksiyadorlik kompaniyasi o‘quv markazining Sobir Yusupov ko‘chasi, 3-uyda joylashgan binosini (tutash hududlari bilan) qoldiq balans qiymati bo‘yicha Akademiya balansiga bersinlar. Berilayotgan binolar uchun to‘lov O‘zbekiston Respublikasi Davlat soliq qo‘mitasi va Davlat bojxona qo‘mitasi maxsus fondlari mablag‘lari hisobiga amalga oshirilsin;
Xususiy tadbirkorlik va kichik biznesni qo‘llab-quvvatlash fondi (“Biznes fond”)ni hamda “Madad” sug‘urta agentligini joylashtirishni ta’minlasinlar.
Oldingi tahrirga qarang.
O‘zbekiston Respublikasi Davlat soliq qo‘mitasi xarajatlar smetalariga va shtat jadvallariga tegishli o‘zgartirishlar kiritsin;
2001-yildan boshlab O‘zbekiston Respublikasi Davlat soliq qo‘mitasining Soliq akademiyasiga ta’minlash uchun belgilangan tartibda zarur mablag‘lar ajratishni nazarda tutsin.
(8-bandning ikkinchi va uchinchi xatboshilari O‘zbekiston Respublikasi Vazirlar Mahkamasining 2003-yil 22-maydagi 229-sonli qarori tahririda— O‘R QHT, 2003-y., 9-10-son, 77-modda)
Keyingi tahrirga qarang.
9. O‘zbekiston Respublikasi Makroiqtisodiyot va statistika vazirligi, Moliya vazirligi Davlat soliq qo‘mitasi hamda Davlat bojxona qo‘mitasi bilan birgalikda Akademiya uchun oshxona, yordamchi transformator stansiyasi va nazorat-o‘tkazish punkti qurilishini, uning bino va inshootlarini rekonstruksiya qilishni 2001-yil investitsiya dasturiga kiritsinlar.
Oldingi tahrirga qarang.
(10-band O‘zbekiston Respublikasi Vazirlar Mahkamasining 2003-yil 22-maydagi 229-sonli qaroriga muvofiq o‘z kuchini yo‘qotgan— O‘R QHT, 2003-y., 9-10-son, 77-modda)
11. O‘zbekiston Respublikasi Vazirlar Mahkamasining 1994-yil 2-maydagi 175-son farmoyishi o‘z kuchini yo‘qotgan deb hisoblansin.
12. Mazkur qarorning bajarilishini nazorat qilish O‘zbekiston Respublikasi Prezidentining Davlat maslahatchisi O‘.T.Komilov va O‘zbekiston Respublikasi Bosh vazirining o‘rinbosari H.S.Karomatov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2003-yil 22-maydagi229-sonli qarori tahririda— O‘R QHT, 2003-y.,9-10-son, 77-modda)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2003-yil 22-maydagi 229-sonli qaroriga muvofiq o‘z kuchini yo‘qotgan— O‘R QHT, 2003-y., 9-10-son , 77-modda)