T/r | Tadbirlar nomi | Bajarish muddati | Mas’ul bajaruvchilar | Xarajatlar va moliyalashtirish manbai | Taqdim etiladigan hujjat shakli, amalga oshirish mexanizmi va kutilayotgan natija |
I. Sog‘lom ovqatlanishni ta’minlash bo‘yicha normativ-huquqiy bazani takomillashtirish | |||||
1. | Davlat ta’lim va tibbiyot muassasalarida ovqatlanishni tashkil etish tizimini tartibga solish maqsadida Vazirlar Mahkamasining “Davolash-profilaktika muassasalarini mablag‘ bilan ta’minlash tizimini takomillashtirish to‘g‘risida” 1997-yil 2-dekabrdagi 532-son hamda “Ta’lim muassasalarida sog‘lom ovqatlanish shart-sharoitlarini yaxshilash chora-tadbirlari to‘g‘risida” 2010-yil 20-avgustdagi 184-son qarorlariga o‘zgartirish va qo‘shimchalar kiritish. | 2015-yil dekabr | Sog‘liqni saqlash vazirligi, Xalq ta’limi vazirligi, Moliya vazirligi, Iqtisodiyot vazirligi, Davlat soliq qo‘mitasi, manfaatdor vazirliklar va idoralar | — | Vazirlar Mahkamasi qarori loyihasi. Turg‘un davolash-profilaktika muassasalarida ovqatlanish uchun to‘lovdan ozod qilinadigan aholi toifalari ro‘yxatini unga emizikli onalarni va balog‘atga yetmagan bolalarni kiritgan holda qayta ko‘rib chiqish. Davolash-profilaktika muassasalarida ovqatlanishni tashkil etish uchun to‘lov tartibini budjet mablag‘lari va to‘lov asosidagi ovqatlantirishdan tushgan budjetdan tashqari tushumlar harakatini hisobga olishning amaldagi qoidalari va normalariga muvofiqlashtirish. Ayniqsa qishloq joylardagi umumta’lim maktablarining oziq-ovqat bloklarini ijaraga berishni rasmiylashtirish mexanizmini soddalashtirish, mahalliy budjetl�rga soliqlar hamda boshqa majburiy to‘lovlar bo‘yicha imtiyozlar berish va ijara to‘lovi miqdorlarini kamaytirish. |
2. | O‘zbekiston Respublikasi Vazirlar Mahkamasining “Aholi o‘rtasida mikronutriyent yetishmasligi profilaktikasi to‘g‘risida”gi O‘zbekiston Respublikasi Qonunini amalga oshirish chora-tadbirlari to‘g‘risida” 2010-yil 23-noyabrdagi 260-son qaroriga oziq-ovqat tuzi ishlab chiqaradigan korxonalarga kaliy yodati va yoditini uzluksiz yetkazib berish mexanizmini takomillashtirishni hamda yodlangan tuz ishlab chiqarishning doimiy monitoringini tashkil etishni nazarda tutadigan o‘zgartirish va qo‘shimchalar kiritish. | 2016-yil yanvar . | Sog‘liqni saqlash vazirligi, Moliya vazirligi, Iqtisodiyot vazirligi | — | Vazirlar Mahkamasi qarori loyihasi. Respublika aholisini yodlangan tuz bilan ta’minlash mexanizmlarini quyidagi yo‘llar bilan takomillashtirish: Sog‘liqni saqlash vazirligi tomonidan kaliy yodati va yoditi xarid qilishni va oziq-ovqat tuzi ishlab chiqaradigan korxonalarga yetkazib berishni amalga oshirish; oziq-ovqat tuzi ishlab chiqaradigan korxonalarga kaliy yodati va yoditini oldindan haq to‘lamasdan, tuzni sotishdan olingan tushumning bir qismini ularning qiymatiga teng bo‘lgan miqdorda Sog‘liqni saqlash vazirligining maxsus hisob raqamiga ular tomonidan keyinchalik o‘tkazgan holda yetkazib berishni ta’minlash; aholi o‘rtasida yod tanqisligi kasalliklari profilaktikasi bo‘yicha o‘tkaziladigan chora-tadbirlarning doimiy monitoringini va ularning samaradorligini baholashni tashkil etish. |
3. | O‘zbekiston Respublikasi Prezidentining “Alkogolli mahsulotlarning chakana savdosini yanada tartibga solish chora-tadbirlari to‘g‘risida” 2007-yil 16-martdagi PQ– 605-son qaroriga, O‘zbekiston Respublikasi Vazirlar Mahkamasining “O‘zbekiston Respublikasida chakana savdo qoidalarini hamda O‘zbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalarini tasdiqlash to‘g‘risida” 2003-yil 13-fevraldagi 75-son qaroriga hamda “Umumiy ovqatlanish korxonalari tomonidan alkogolli mahsulotlar sotish tartibini takomillashtirish chora-tadbirlari to‘g‘risida” 2012-yil 28-martdagi 89-son qarorlariga alkogolli mahsulotlarni sotish sohasini tartibga solish maqsadida o‘zgartirish va qo‘shimchalar kiritish. | 2016-yil II chorak | Sog‘liqni saqlash vazirligi, Moliya vazirligi, Davlat soliq qo‘mitasi | — | O‘zbekiston Respublikasi Prezidenti qarori loyihasi. Vazirlar Mahkamasi qarori loyihasi. Qonun kuchiga ega bo‘lgan hujjatlarni “Alkogolli va tamaki mahsulotlarini tarqatish va iste’mol qilishni cheklash to‘g‘risida” 2011-yil 5-oktabrdagi O‘RQ-302-sonli O‘zbekiston Respublikasi Qonuniga muvofiqlashtirish. Savdo obyektlarida yigirma yoshga yetmagan shaxslarga alkogolli mahsulotlarni sotishga yo‘l qo‘ymaslik to‘g‘risida, shuningdek alkogolli mahsulotlarning inson sog‘lig‘iga salbiy ta’siri haqida ogohlantiruvchi yozuvlarni majburiy tartibda joylashtirish. Alkogolli mahsulotlarni: yigirma yoshga yetmagan shaxslarga; savdo avtomatlari orqali sotishni taqiqlash. Har qanday mahsulotlarni, shu jumladan alkogolli va tamaki mahsulotlari ko‘rinishidagi bolalar o‘yinchoqlarini sotishni taqiqlash. |
4. | O‘zbekiston Respublikasi Sog‘liqni saqlash vazirligi tomonidan davlat ta’lim muassasalaridagi oziq-ovqat mahsulotlari va tayyor ovqatlar sifatini tekshirishlarni Nazorat qiluvchi organlar faoliyatini muvofiqlashtirish bo‘yicha respublika kengashi va uning hududiy komiss�yalari bilan qo‘shimcha ravishda kelishilmasdan amalga oshiriladigan Nazorat qiluvchi organlarning nazorat funksiyalari ro‘yxatiga kiritish. | 2016-yil I chorak | Sog‘liqni saqlash vazirligi, Davlat soliq qo‘mitasi | — | Vazirlar Mahkamasi qarori loyihasi. Davlat ta’lim muassasalarida iste’mol qilinadigan oziq-ovqat mahsulotlari sifati va xavfsizligi yuzasidan amaliy nazoratni o‘rnatish. |
5. | “O‘zbekiston Respublikasining bolalar va o‘smirlar muassasalarida tashkil etilgan oziq-ovqat mahsulotlarini iste’mol qilishning o‘rtacha sutkalik oqilona normalari” nomli 2000-yil 30-iyundagi 0097-00 raqamli O‘zbekiston Respublikasi Sanitariya qoidalari va normalariga bolalarning uyushgan jamoalarini ovqatlantirishning sutkalik ratsioniga boyitilgan ovqatlanish mahsulotlarini va ichimlik suvlarni kiritishni nazarda tutadigan o‘zgartirishlar kiritish. | 2015-yil noyabr | Sog‘liqni saqlash vazirligi, Xalq ta’limi vazirligi | — | Sanitariya normalari va qoidalari. Bolalar uyushgan jamoalarining ovqatlanish ratsioniga boyitilgan ovqatlanish mahsulotlarini va ichimlik suvlarni kiritish. Bolalar o‘rtasidagi yuqumli va yuqumsiz kasalliklarni profilaktika qilish. |
6. | “O‘zbekiston Respublikasining oziq-ovqat mahsulotlari xavfsizligiga qo‘yiladigan gigiyena talablari” nomli 2010-yil 17-sentabrdagi 0283 raqamli O‘zbekiston Respublikasi Sanitariya qoidalari va normalariga tayyor ovqatlanish mahsulotlaridagi sof qand-shakar, tuz, to‘yintirilgan hamda transyog‘li kislotalar va oziq-ovqat qo‘shimchalari miqdorining xavfsiz darajalarini normalashtirishni nazarda tutadigan o‘zgartirishlar kiritish. | 2015-yil. noyabr | Sog‘liqni saqlash vazirligi | — | Sanitariya qoidalari va normalari. Tayyor ovqatlanish mahsulotlaridagi sof qand-shakar, tuz, to‘yintirilgan hamda transyog‘li kislotalar va oziq-ovqat qo‘shimchalari miqdorining xavfsiz darajalarini normalashtirish. Tarkibida sof qand-shakar, tuz, to‘yintirilgan va transyog‘li kislotalar miqdori ko‘p bo‘lgan tayyor oziq-ovqat mahsulotlarini iste’mol qilishni kamaytirish. |
7. | Mahsulotlarning davlat standartlarini FA/VOZ tavsiyalariga muvofiqlashtirish. | 2015 — 2020-yillar | Sog‘liqni saqlash vazirligi, “O‘zstandart” agentligi, Oziq-ovqat sanoati korxonalari uyushmasi | — | Oziq-ovqat mahsulotlariga davlat standartlari (O’zDst). Oziq-ovqat mahsulotlarining iste’mol qilish upakovkasiga ulardagi sof qand-shakarlar, tuz, to‘yintirilgan va transyog‘li kislotalarning mavjud miqdori to‘g‘risidagi ma’lumotni kiritish. Mahalliy oziq-ovqat sanoati mahsulotlarining tashqi bozordagi raqobatbardoshligini oshirish. |
8. | Oziq-ovqat mahsulotlariga davlat standartlari (O’zDst)ni va texnologik instruksiyalarini (TI) ishlab chiqish, ularda mahalliy oziq-ovqat sanoati mahsulotlari korxonalarida ishlab chiqariladigan o‘simlik hujayralari asosida tarkibida tuz miqdori kam bo‘lgan parhez chuchuk sut mahsulotlari, ovqatlanish mahsulotlari turlarini kengaytirishni nazarda tutish. | 2016 — 2018-yillar | Sog‘liqni saqlash vazirligi, “O‘zstandart” agentligi, “O‘zdonmahsulot” AK, Oziq-ovqat sanoati korxonalari uyushmasi | Bajaruvchilar mablag‘lari | Oziq-ovqat mahsulotlariga davlat standartlari (O’zDst) va texnologik instruksiyalar (TI), ularda mahalliy oziq-ovqat sanoati mahsulotlari korxonalarida ishlab chiqariladigan o‘simlik hujayralari asosida tarkibida tuz miqdori kam bo‘lgan parhez chuchuk sut mahsulotlari, ovqatlanish mahsulotlari turlarini kengaytirish nazarda tutiladi. |
II. Sog‘lom ovqatlanish va turmush tarzini ta’minlash chora-tadbirlari | |||||
9. | Surxondaryo viloyatining Sho‘rchi tumanidagi eksperimental fermer xo‘jaligi negizida dorivor o‘simlik — steviyani tayyorlash hajmlarini ko‘paytirish, uning ekin maydonlarini 100 gektargacha yetkazish. Farmatsevtika va oziq-ovqat sanoatidagi ehtiyojni hisobga olgan holda, xorijiy investorlarni jalb etib steviyani sanoatda qayta ishlab chiqarishni tashkil etish bo‘yicha takliflar ishlab chiqish. | 2015 — 2020-yillar | Qishloq va suv xo‘jaligi vazirligi, Sog‘liqni saqlash vazirligi, “O‘zfarmsanoat” DAK, “O‘zdonmahsulot” AK, Oziq-ovqat sanoati korxonalari uyushmasi, Surxondaryo viloyati hokimligi | 2,275 mlrd so‘m (“Agrobank” ATBning imtiyozli kreditlari), investorlarning, xalqaro donorlarning mablag‘lari | Tahliliy yozma axborot. Qand diabetiga chalingan mijozlarni mahalliy parhez oziq-ovqat mahsulotlari bilan ta’minlash. Mahalliy farmatsevtika va oziq-ovqat sanoatini mahalliy xomashyo bilan ta’minlash. |
10. | Aholiga, ayniqsa onalar, bolalar va o‘smirlarga qo‘shimcha mikronutriyentlar berish bo‘yicha davlat dasturlarini quyidagi yo‘llar bilan amalga oshirishni davom ettirish: homilador ayollarni, tarkibida shu jumladan foliyeola kislotasi mavjud bo‘lgan umumiy sog‘lomlashtiradigan polivitaminlarning maxsus komplekslari bilan ta’minlash; chaqaloqlarni va yosh bolalarni oqilona ovqatlantirishni ta’minlash, bunda asosan 6 oylikkacha bo‘lgan emizikli chaqaloqlarni eng to‘liq darajada qamrab olish; 6 oylikdan 5 yoshgacha bo‘lgan bolalarning qariyb 95 foizini “A” vitamini bilan sapplementatsiyalash; unni fortifikatsiyalash va tuzni yodlashtirish. | 2015 — 2020-yillar | Sog‘liqni saqlash vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari, “O‘zdonmahsulot” AK, Tuz ishlab chiqaruvchilar | Bajaruvchilar mablag‘lari | Bajaruvchilarning qarorlari. Fortifikatsiyalangan un, yodlashtirilgan tuz ishlab chiqarish. Bolalar va o‘smirlarni jismoniy va intellektual rivojlantirishni ta’minlash. Ayollar, bolalar va o‘smirlardagi mikronutriyent tanqisligining oldini olish. |
11. | Ta’lim muassasalarida sog‘lom ovqatlanishni va sog‘lom turmush tarzini yuritishni ommalashtirishga yordam beradigan shart-sharoitlarni quyidagi yo‘llar bilan yaratish: pedagoglar, talabalar, o‘quvchilar va ularning ota-onalarini sog‘lom ovqatlantirish, jismoniy faollik, alkogolli va tamaki mahsulotlarini iste’mol qilishdan voz kechish masalalari bo‘yicha zamonaviy o‘qitish metodlaridan foydalangan holda o‘qitish; ta’lim muassasalarida amalga oshirish uchun tavsiya etilayotgan sog‘lom ovqatlanishga yo‘naltirilgan ovqatlanish ratsionlari va mahsulotlarini tasdiqlash; bolalar uchun bepul sport seksiyalari turlarini tashkil etish va kengaytirish tadbirlarini amalga oshirishni davom ettirish. | 2015 — 2020-yillar | Xalq ta’limi vazirligi, Oliy va o‘rta maxsus ta’lim vazirligi, Sog‘liqni saqlash vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari | Bajaruvchilarning, ta’lim muassasalarida ovqatlanishni tashkil etish bilan shug‘ullanadigan yuridik shaxslarning, homiylarning mablag‘lari | Bajaruvchilar qarori. Pedagoglar, talabalar, o‘quvchilar va ular ota-onalarining sog‘lom ovqatlanish, jismoniy faollik, alkogolli va tamaki mahsulotlarini iste’mol qilishdan voz kechish masalalari bo‘yicha savodxonligini oshirish hamda bu boradagi madaniyatini shakllantirish. Ta’lim muassasalarida sog‘lom ovqatlanish, jismoniy faollik, alkogolli va tamaki mahsulotlarini iste’mol qilishdan voz kechish uchun shart-sharoitlar yaratish. |
12. | Tashkilotlarda sog‘lom ovqatlanishga va sog‘lom turmush tarzini yuritishga ko‘maklashadigan shart-sharoitlarni quyidagi yo‘llar bilan yaratish: ish beruvchilarni va xodimlarni o‘qitishning zamonaviy metodlaridan foydalangan holda sog‘lom ovqatlanish va jismoniy faollik, alkogolli va tamaki mahsulotlarini iste’mol qilishdan voz kechish ko‘nikmalariga o‘qitish; tashkilotlarda mehnat sharoitlariga bog‘liq holda amalga osh�rish uchun tavsiya etilayotgan sog‘lom ovqatlanishga yo‘naltirilgan ovqatlanish ratsionlari va mahsulotlarini tasdiqlash. | 2015 — 2020-yillar | Tashkilotlar, Kasaba uyushmalari Federatsiyasi Kengashi, Mehnat va aholini ijtimoiy muhofaza qilish vazirligi | Bajaruvchilar, homiylar mablag‘lari | Bajaruvchilarning qarori. Ish beruvchilar va xodimlar o‘rtasida sog‘lom ovqatlanish, jismoniy faollik, tamaki mahsulotlarini iste’mol qilishdan voz kechish masalalari bo‘yicha savodxonlikni oshirish va bu boradagi madaniyatni shakllantirish. Mehnat unumdorligini oshirish. |
13. | Keyinchalik ijobiy tajribani respublikaning barcha mintaqalarida ommalashtirishni nazarda tutgan holda, Qashqadaryo va Farg‘ona viloyatlari aholisi o‘rtasida sog‘lom ovqatlanish madaniyati va sog‘lom turmush tarzini shakllantirish, aholi o‘rtasida ovqatlanishning buzilishi bilan bog‘liq kasalliklarni oldindan aniqlash va ularning oldini olishga yo‘naltirilgan tajriba loyihasini amalga oshirish. | 2016 — 2018-yillar | Qashqadaryo va Farg‘ona viloyatlari hokimliklari, Sog‘liqni saqlash vazirligi,Xalq ta’limi vazirligi, Oliy va o‘rta maxsus ta’lim vazirligi, IIV, Davlat soliq qo‘mitasi, Davlat bojxona qo‘mitasi, KUFK, MTRK, Xotin-qizlar qo‘mitasi, “Mahalla” fondi, “Kamolot” YIH, “Ibn Sino” jamoat fondi | 895,3 mln so‘m* (har yili ajratiladigan pul mablag‘lari doirasida O‘zbekiston Respublikasining Davlat budjeti mablag‘lari), 395,0 ming AQSh dollari, (“Salomatlik-3” loyihasi), BJSST (VOZ) mablag‘lari** | Bajaruvchilarning qarori. Nooqilona ovqatlanish, kam jismoniy faollik, alkogol va tamaki mahsulotlari iste’mol qilish kabi yuqumli bo‘lmagan kasalliklarning xatarli omillari tarqalganligini quyidagi yo‘llar bilan kamaytirish: aholi o‘rtasida sog‘lom ovqatlanish va sog‘lom turmush tarzi masalalari bo‘yicha keng tushuntirish ishlarini amalga oshirish; sog‘lom ovqatlanish va sog‘lom turmush tarzini ta’minlash bo‘yicha o‘quv dasturlari, axborot-ta’lim materiallarini ishlab chiqish va nashr etish; nooqilona ovqatlanish va kam jismoniy faollik bilan bog‘liq kasalliklarni oldindan aniqlash yuzasidan 40 yoshdan oshgan aholini tekshirishning laboratoriya metodlari bilan keng qamrab olish; 40 yoshdan oshgan shaxslar o‘rtasida qondagi glyukoza va xolesterinni, peshobdagi oqsilni aniqlash uchun birlamchi tibbiy-sanitariya yordami muassasalarini reagentlar va sarflash materiallari bilan ta’minlash; davolash-profilaktika muassasalari amaliyotiga arterial gipertoniya va qandli diabet bo‘yicha zamonaviy klinik protokollarni joriy etish; Salomatlik va tibbiy statistika institutining mintaqaviy filiallarining moddiy-texnika bazasini mustahkamlash. |
14. | Sog‘lom ovqatlanishda inson organizmining fiziologik ehtiyojini hisobga olgan holda turli kasalliklarning oldini olish va organizmning himoya xususiyatlarini mustahkamlash uchun milliy urf-odatlar, oziq-ovqat mahsulotlari xususiyatlarini hisobga olgan holda aholining turli jinsi va yoshi hamda kasbiy guruhlari uchun tavsiya qilinadigan o‘rtacha sutkalik ovqatlanish normalarini ishlab chiqish. | 2015-yil IV chorak | Sog‘liqni saqlash vazirligi, Iqtisodiyot vazirligi | — | Bajaruvchilarning qo‘shma qarori. BJSST tavsiyalarini hisobga olgan holda aholining sog‘lom ovqatlanishini ta’minlash. Mamlakatimiz ishlab chiqaruvchilari tomonidan oziq-ovqat mahsulotlari ishlab chiqarish hajmiga aholining ehtiyojini hisob-kitob qilish. Mamlakatning oziq-ovqat xavfsizligiga erishish. |
15 | Qishloq xo‘jaligi meva-sabzavot va go‘sht-sut mahsulotlarini yetkazib berish bosqichlarini qisqartirish bo‘yicha takliflarni ishlab chiqqan holda “daladan ishlab chiqaruvchigacha”, “ishlab chiqaruvchidan iste’molchigacha” qishloq xo‘jaligi meva-sabzavot va chorvachilik mahsulotlari logistikasi hamda ularni yetkazib berish sxemalarini tahlil qilish. | 2016-yil III chorak | Qishloq va suv xo‘jaligi vazirligi, Sog‘liqni saqlash vazirligi, “O‘zstandart” agentligi, manfaatdor vazirliklar va idoralar | — | Tahliliy yozma axborot. Qishloq xo‘jaligi meva-sabzavot va go‘sht-sut mahsulotlari logistikasi va ularni yetkazib berish sxemasini soddalashtirish. Qishloq xo‘jaligi meva-sabzavot va go‘sht-sut mahsulotlari tashishda yo‘qotishlarni kamaytirish va to‘siqlarni bartaraf etish. Aholi uchun qishloq xo‘jaligi meva-sabzavot va go‘sht-sut mahsulotlarining narxini arzonlashtirish. Oziq-ovqat mahsulotlari ishlab chiqarishda foydalaniladigan oziq-ovqat xomashyosining sifatini oshirish va tannarxini pasaytirish. |
16. | Oziq-ovqat mahsulotlari, shu jumladan bolalar va parhez oziq-ovqatlar ishlab chiqarish, shuningdek qishloq xo‘jaligi meva-sabzavot va go‘sht-sut mahsulotlarini qayta ishlash bilan shug‘ullanadigan xo‘jalik yurituvchi subyektlarni rag‘batlantirishning amaldagi mexanizmlari samaradorligini tahlil qilish. Ularni takomillashtirish bo‘yicha takliflar ishlab chiqish. | 2016-yil III chorak | Oziq-ovqat sanoati korxonalari uyushmasi Moliya vazirligi, Iqtisodiyot vazirligi, Davlat soliq qo‘mitasi | — | Tahliliy yozma axborot. Oziq-ovqat mahsulotlari ishlab chiqarish, shuningdek qishloq xo‘jaligi meva-sabzavot va go‘sht-sut mahsulotlarini qayta ishlash bilan shug‘ullanadigan tadbirkorlar uchun quyidagi yo‘llar bilan qulay shart-sharoitlar yaratish bo‘yicha takliflar ishlab chiqish: oziq-ovqat mahsulotlari ishlab chiqaruvchilarga birinchi navbatda bo‘sh turgan binolarni “nol” sotib olish qiymati bo‘yicha ajratish; imtiyozli kreditlar berish. |
III. Sog‘lom ovqatlanish va diyetologiya sohasida ilmiy tadqiqotlarni amalga oshirish | |||||
17 | Yod ishlab chiqarish uchun katta amaliy ahamiyatga ega bo‘lgan hamda kimyoviy xomashyo bo‘lib xizmat qiladigan neft konlarining mahalliy xomashyo suvlari negizida yod ishlab chiqarishni o‘zlashtirish bo‘yicha ilmiy tadqiqotlarni amalga oshirish. | 2016-2017-yillar | Sog‘liqni saqlash vazirligi, “O‘zbekneftgaz”, MXK, Davlat geologiya qo‘mitasi | Grantlar va xalqaro tashkilotlar mablag‘lari | Tahliliy yozma axborot. “Jarqo‘rg‘onneft” neft-gaz qazib chiqarish boshqarmasining neft konlari suvlarini tanlab olish va ularning tarkibini, zaxiralarini tahlil qilish bo‘yicha tadqiqotlar o‘tkazish. Mamlakatimiz ishlab chiqarishida importning o‘rnini qoplashni tashkil etish maqsadida mahalliy xomashyodan yod ishlab chiqarishning texnik shartlari, texnologiyalarini tanlab olish va tashkil etish bo‘yicha takliflar ishlab chiqish. |
18 | Quyidagilarga yo‘naltirilgan ilmiy-amaliy tadqiqotlarni amalga oshirish: aholining turli guruhlari o‘rtasida ovqatlanish ratsionini o‘rganish; tarqalgan alimentar bog‘liqlik holatlarining rivojlanish sabablarini o‘rganish; bolalar va kattalar uchun mahalliy oziq-ovqat mahsulotlari asosida parhez taomlar va ichimlik suvlar tayyorlash. | 2016 — 2020-yillar | Sog‘liqni saqlash vazirligi, Vazirlar Mahkamasi huzur�dagi Fan va texnologiyalarni rivojlantirishni muvofiqlashtirish qo‘mitasi | 48,0 mln so‘m* (har yili ajratiladigan pul mablag‘lari doirasida O‘zbekiston Respublikasining Davlat budjeti mablag‘lari) | Bajaruvchilarning qarori. Respublika aholisining turli guruhlari o‘rtasida ovqatlanish holatining monitoringini amalga oshirish. Amalga oshiriladigan profilaktika chora-tadbirlarining samaradorligini baholash. Parhez taomlar turlarini kengaytirish hamda davolash-profilaktika chora-tadbirlarining samaradorligini oshirish. |
19. | Respublika aholisi o‘rtasida temir moddasi tanqisligi anemiyasi va yod tanqisligi holatlari tarqalganligini o‘rganishga qaratilgan ilmiy tadqiqotlarni amalga oshirish. | 2016-2017-yillar | Sog‘liqni saqlash vazirligi | 8,0 ming AQSh dollari (Unni boyitishni amalga oshirish guruhi), YUNISEF mablag‘lari** | Bajaruvchilar hisoboti. Aholi o‘rtasida temir moddasi tanqisligi anemiyasi va yod tanqisligi holatlari tarqalishi bo‘yicha vaziyatni baholash. Tuzlarni yodlash, bug‘doy unini mikronutriyentlar bilan boyitish bo‘yicha amalga oshirilayotgan dasturlarning samaradorligini baholash. Bug‘doy uni va osh tuziga qo‘shiladigan mikronutriyentlar normalarini qayta ko‘rib chiqish. |
IV. Sog‘lom ovqatlanish va diyetologiya sohasida keng tushuntirish ishlarini tashkil etish va sog‘lom ovqatlanish targ‘ibotini kuchaytirish, tibbiyot kadrlari salohiyatini oshirish | |||||
20 | Sog‘lom ovqatlanish va sog‘lom turmush tarzi masalalari bo‘yicha quyidagi yo‘llar bilan axborot va ma’rifiy ishlarni amalga oshirish: bosma va elektron ommaviy axborot vositalari materiallarini, ijtimoiy teleko‘rsatuvlar va radioeshittirishlar turi va sonini ko‘paytirish; mashhur siyosiy, fan, san’at arboblari, sport va jamoat arboblarini jalb etish; o‘tkazilgan axborot va ma’rifiy tadbirlar natijalarini monitoring qilish va baholash. | 2015 — 2020-yillar | MTRK, “O‘zbekkino” agentligi, Sog‘liqni saqlash vazirligi, Xalq ta’limi vazirligi, Oliy va o‘rta maxsus ta’lim vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari KUFK, “Mahalla” fondi, “Kamolot” YIH, Xotin-qizlar qo‘mitasi, “Ibn Sino” jamoat fondi | Bajaruvchilar, homiylar va xalqaro tashkilotlar mablag‘lari | Bajaruvchilar qarori. Sog‘lom ovqatlanish va sog‘lom turmush tarzini yuritishni targ‘ib qiladigan ijtimoiy teleko‘rsatuvlar, radioeshittirishlar, bosma axborotlar va Internet tarmog‘idagi e’lonlar turkumlari jadvalini ishlab chiqish va tasdiqlash. Aholining yuqumli bo‘lmagan kasalliklarning (nooqilona ovqatlanish, kam jismoniy faollik, alkogolli va tamaki mahsulotlarini iste’mol qilishning) xatarli omillari, shuningdek parhez ovqatlanishning xususiyatlari to‘g‘risida xabardorligini oshirish. |
21 | Aholi, eng avvalo, yoshlar o‘rtasida sog‘lom ovqatlanish, jismoniy faollik, alkogolli va tamaki mahsulotlari iste’molidan voz kechish masalalari bo‘yicha tushuntirish ishlarini kengaytirish. | 2015 — 2020-yillar | Sog‘liqni saqlash vazirligi, Xalq ta’limi vazirligi, Oliy va o‘rta maxsus ta’lim vazirligi, Din ishlari bo‘yicha qo‘mita, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari, “Kamolot” YIH, “Mahalla” fondi, Xotin-qizlar qo‘mitasi, “Ibn Sino” jamoat fondi | 180,0 mln so‘m* (har yili ajratiladigan pul mablag‘lari doirasida O‘zbekiston Respublikasining Davlat budjeti mablag‘lari), bajaruvchilar mablag‘lari | Bajaruvchilar qarori. Aholining, eng avvalo, yoshlarning savodxonligini oshirish hamda o‘sib kelayotgan avlodning sog‘lom ovqatlanishga, jismoniy faollikka, alkogolli va tamaki mahsulotlari iste’molidan voz kechishga ko‘niktirish. Sog‘lom ovqatlanish va sog‘lom turmush tarzini ta’minlash bo‘yicha profilaktika ishlarini takomillashtirish. Nooqilona ovqatlanish, jismoniy faollik, alkogolli va tamaki mahsulotlari iste’moli profilaktikasi bo‘yicha ishlarni ilmiy-metodik ta’minlash. |
22 | Quyidagi yo‘llar bilan tibbiyot kadrlari tayyorlash sifatini yanada oshirish: o‘rta maxsus, oliy, oliy ta’limdan keyingi ta’lim dasturlarini, shu jumladan “Diyetologiya” mutaxassisligi bo‘yicha dasturlarni takomillashtirish; oliy tibbiy ta’lim muassasalari, kasb-hunar kollejlari talabalarini sog‘lom ovqatlanish va diyetologiya bo‘yicha o‘qitish; “Diyetologiya” mutaxassisligi bo‘yicha magistrlar va klinik ordinatorlarni tayyorlash; diyetologiya bo‘yicha davolash-profilaktika muassasalari mutaxassislarining malakasini oshirish; har yili sog‘lom ovqatlanish, diyetologiya, jismoniy faollik, alkogolli va tamaki mahsulotlari iste’molidan voz kechish masalalari bo‘yicha malaka oshirish. | 2016 — 2020-yillar | Sog‘liqni saqlash vazirligi, Oliy va o‘rta maxsus ta’lim vazirligi | 306,7 mln so‘m* (har yili ajratiladigan pul mablag‘lari doirasida O‘zbekiston Respublikasining Davlat budjeti mablag‘lari) | Bajaruvchilar qarori. Sog‘lom ovqatlanish va diyetologiya bo‘yicha mutaxassislarning bilimlari va ko‘nikmalarini yaxshilash. Davolash-profilaktika muassasalarida tayyorlanadigan parhez taomlar sifatini yaxshilash. Tibbiyot muassasalarida sog‘lom ovqatlanish, diyetologiya, jismoniy faollik, alkogolli va tamaki mahsulotlari iste’molidan voz kechish sohasida maslahatlar berish bo‘yicha ko‘rsatiladigan xizmatlar sifatini yaxshilash. Davolash-profilaktika chora-tadbirlari samaradorligini oshirish. |
O‘zbekiston Respublikasi Vazirlar Mahkamasining qarori, 29.08.2015 yildagi 251-son
Кучга кириш санаси
07.09.2015
Рус
Ўзб
O’zb
O‘zb|Рус
Hujjat 07.09.2015 sanasi holatiga
Amaldagi versiyaga o‘tish |
O‘zbekiston Respublikasi Vazirlar Mahkamasining “O‘zbekiston Respublikasi aholisining sog‘lom ovqatlanishi sohasida amalga oshirilayotgan chora-tadbirlarni yanada takomillashtirish to‘g‘risida” 2015-yil 25-apreldagi 102-son qarorini bajarish yuzasidan Vazirlar Mahkamasi qaror qiladi:
2015 — 2020-yillar davrida O‘zbekiston Respublikasi aholisining sog‘lom ovqatlanishini ta’minlash Konsepsiyasi 1-ilovaga muvofiq;
2015 — 2020-yillar davrida O‘zbekiston Respublikasi aholisining sog‘lom ovqatlanishini ta’minlash bo‘yicha kompleks chora-tadbirlar 2-ilovaga muvofiq tasdiqlansin.
2. Belgilansinki, 2015 — 2020-yillar davrida O‘zbekiston Respublikasi aholisining sog‘lom ovqatlanishini ta’minlash Konsepsiyasi va chora-tadbirlar kompleksi quyidagi ustuvor vazifalarni hal etishga yo‘naltirilgan:
nooqilona ovqatlanish bilan bog‘liq kasalliklarning oldini olish va ular tarqalishi darajasini pasaytirish, aholi sog‘lom turmush tarzining asosi sifatida sog‘lom ovqatlanishga doir keng tushuntirish ishlari olib borilishini tashkil etish va shu jumladan ommaviy axborot vositalaridan faol foydalangan holda sog‘lom ovqatlanishni targ‘ib qilishni kuchaytirish;
ta’lim va tibbiyot muassasalarida ovqatlanishni tashkil etish tizimini yanada tartibga solish maqsadida normativ-huquqiy bazani takomillashtirish, tashkil etilgan bolalar jamoalari ovqatlanishi ratsionini yaxshilash, O‘zbekiston Respublikasi hududida ishlab chiqariladigan va chet eldan yetkazib beriladigan oziq-ovqat mahsulotlari va oziq-ovqat xomashyosi sifatini nazorat qilishning ta’sirchan mexanizmlarini joriy etish;
oziq-ovqat mahsulotlarini mamlakatimizda ishlab chiqarishni, ayniqsa muhim mikronutriyentlar bilan boyitilgan mahsulotlarni ishlab chiqarishni rag‘batlantirish yo‘li bilan aholining sog‘lom ovqatlanishga bo‘lgan ehtiyojlarini qondirishni ta’minlaydigan shart-sharoitlar yaratish, mahalliy xomashyo asosida oziq-ovqat mahsulotlari yaratish, aholi orasida sog‘lom ovqatlanish prinsiplari joriy etilishiga ko‘maklashadigan muhitni shakllantirish;
aholining turli guruhlari orasida ovqatlanish ratsionini va ovqatlanish bilan bog‘liq kasalliklar rivojlanishining sabablarini o‘rganishga yo‘naltirilgan sog‘lom ovqatlanish va diyetologiya sohasida fundamental ilmiy tadqiqotlarni ustuvor amalga oshirish.
3. Vazirliklar va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari:
2015 — 2020-yillar davrida O‘zbekiston Respublikasi aholisining sog‘lom ovqatlanishini ta’minlash bo‘yicha chora-tadbirlar kompleksi to‘liq, o‘z vaqtida va sifatli amalga oshirilishini tashkil etsinlar;
2015 — 2020-yillar davrida O‘zbekiston Respublikasi aholisining sog‘lom ovqatlanishini ta’minlash bo‘yicha chora-tadbirlar kompleksiga kiritilgan tadbirlar amalga oshirilishi to‘g‘risidagi hisobotlarni O‘zbekiston Respublikasi aholisining sog‘lom ovqatlanishi sohasidagi chora-tadbirlar kompleksi amalga oshirilishini tashkil etish va nazorat qilish bo‘yicha respublika komissiyasiga choraklik asosida taqdim etsinlar.
Keyingi tahrirga qarang.
4. O‘zbekiston Respublikasi aholisining sog‘lom ovqatlanishi sohasidagi chora-tadbirlar kompleksi amalga oshirilishini tashkil etish va nazorat qilish bo‘yicha respublika komissiyasi (A.I. Ikramov) 2015 — 2020-yillar davrida O‘zbekiston Respublikasi aholisining sog‘lom ovqatlanishini ta’minlash bo‘yicha chora-tadbirlar kompleksini amalga oshirish bo‘yicha vazirliklar, idoralar va boshqa tashkilotlarning faoliyati muvofiqlashtirilishini ta’minlasin, tadbirlar to‘liq, o‘z vaqtida va sifatli bajarilishi ustidan tizimli nazorat o‘rnatsin.
Keyingi tahrirga qarang.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.
1. Ovqatlanish aholi sog‘lig‘ini belgilaydigan muhim omillardan biri hisoblanadi. Sog‘lom ovqatlanish — bu insonning sog‘lig‘i mustahkamlanishiga va kasalliklar kamayishiga ko‘maklashadigan, uning o‘sishini, normal kamol topishini va hayot faoliyatini ta’minlaydigan ovqatlanish. Ovqatlanish tuzilmasida balansning har qanday buzilishi inson sog‘lig‘iga salbiy ta’sir ko‘rsatadi, shuningdek turmush sifati pasayishining asosiy omillaridan biri hisoblanadi.
Respublikada oziq-ovqat sanoati rivojlanishining tadrijiy o‘sishini ta’minlashga va mamlakatimizda oziq-ovqat mahsulotlari ishlab chiqarishni ko‘paytirishga yo‘naltirilgan kompleks chora-tadbirlar amalga oshirilgan. Buning hisobiga keyingi yillarda aholining ovqatlanishi sifati ancha yaxshilandi, oziq-ovqat mahsulotlarini iste’mol qilish tuzilmasi o‘zgardi, jon boshiga go‘sht va go‘sht mahsulotlarini iste’mol qilish 1,3 baravar, sut va sut mahsulotlarini iste’mol qilish — 1,6 baravar, tuxum yeyish — 2,2 baravar, sabzavotlarni iste’mol qilish — 2,6 baravar, kartoshkani iste’mol qilish — 1,7 baravar, mevalarni iste’mol qilish — 4,0 baravar o‘sdi.
Ovqatlanish tuzilmasi va ratsioni yaxshilanishi boshqa omillar bilan birgalikda aholi sog‘lig‘i ko‘rsatkichlariga ijobiy ta’sir ko‘rsatdi. Oxirgi 10 yilda tanasining og‘irligi yengil bo‘lgan bolalar ulushi ikki baravardan ortiqqa qisqardi (4 foizdan 1,8 foizgacha), ayollarning anemiya (kamqonlik) bilan kasallanishi darajasi 2,5 baravar pasaydi. O‘zbekiston aholisining o‘rtacha umr ko‘rishi 6,5 yilga ko‘paydi (67 yoshdan 73,5 yoshgacha), ayollarning o‘rtacha umr ko‘rishi — 75,8 yoshga yetdi.
Shu bilan birga, ijobiy iqtisodiy o‘zgarishlar va urbanizatsiyaning tez o‘sishi va unga xos bo‘lgan turmush tarzidagi o‘zgarishlar barcha iqtisodiy rivojlangan mamlakatlar uchun xos bo‘lgan nooqilona ovqatlanish bilan bog‘liq kasalliklar darajasi oshishiga olib keldi. Jahon sog‘liqni saqlash tashkiloti tomonidan ushbu kasalliklar yuqumli bo‘lmagan kasalliklarning alohida guruhiga ajratilgan. Yuqumli bo‘lmagan kasalliklar darajasining oshishi nooqilona ovqatlanish bilan birgalikda yetarli bo‘lmagan jismoniy faollik, tamaki iste’mol qilish va alkogolni zararli iste’mol qilish bilan bog‘liqdir.
2014-yilda o‘tkazilgan tadqiqotlar natijalari respublika katta yoshdagi aholisining 67,2 foizga yaqini sabzavotlar va mevalarni Jahon sog‘liqni saqlash tashkiloti tomonidan tavsiya etiladigan normadan past iste’mol qilishini, 37 foizi tuz miqdori ortiqcha bo‘lgan ovqatni iste’mol qilishini, katta yoshdagi aholining 16,4 foizi esa jismoniy faol emasligini ko‘rsatdi. Buning natijasida katta yoshdagi aholining 20,2 foizi ortiqcha vaznga va 33,9 foizi yuqori qon bosimga ega.
2. Aholi sog‘lig‘ini saqlash va mustahkamlashga yo‘naltirilgan kompleks chora-tadbirlarni amalga oshirish, kasalliklarning oldini olish, aholi turli guruhlarining tibbiyot fani talablariga muvofiq sog‘lom ovqatlanishga bo‘lgan ehtiyojlarini qondirishni ta’minlaydigan shart-sharoitlar yaratish Konsepsiyaning asosiy maqsadi hisoblanadi.
3. Quyidagilar O‘zbekiston Respublikasi aholisining sog‘lom ovqatlanishini ta’minlashning asosiy vazifalari hisoblanadi:
aholi turli guruhlarining sog‘lom ovqatlanishga bo‘lgan ehtiyojlarini qondirishni ta’minlaydigan shart-sharoitlar yaratish, jismoniy faollik hamda alkogolli mahsulotlarni va tamaki mahsulotlarini iste’mol qilishni qisqartirish yo‘li bilan kasallikka chalinish va bevaqt vafot etishni kamaytirish;
nooqilona ovqatlanish bilan bog‘liq kasalliklarning oldini olish va ular tarqalishi darajasini pasaytirish, aholi sog‘lom turmush tarzining asosi sifatida sog‘lom ovqatlanishga doir keng tushuntirish ishlari olib borilishini tashkil etish va shu jumladan ommaviy axborot vositalaridan faol foydalangan holda sog‘lom ovqatlanishni targ‘ib qilishni kuchaytirish;
ovqatlanish bilan bog‘liq kasalliklar tarqalishini kamaytirishga yo‘naltirilgan sog‘lom ovqatlanish masalalari bo‘yicha aholining turli guruhlari uchun ta’lim dasturlarini ishlab chiqish, sog‘lom ovqatlanish sohasida fundamental tadqiqotlarni ustuvor rivojlantirish;
jamoalarda tashkil etilgan ovqatlanishni tashkil etishni takomillashtirish, homilador va bola emizuvchi ayollarning, shuningdek 3 yoshgacha bo‘lgan bolalarning to‘laqonli ovqatlanishini tashkil etish, davolash jarayonining ajralmas qismi sifatida davolash-profilaktika muassasalarida parhezli (davolash va profilaktik) ovqatlanishni yaxshilash;
sifat va xavfsizlikka qo‘yiladigan zamonaviy talablarga muvofiq oziq-ovqat xomashyosining asosiy turlarini mamlakatimizda ishlab chiqarishni kengaytirish, almashtirib bo‘lmaydigan komponentlar bilan boyitilgan oziq-ovqat mahsulotlari va bolalar ovqatlanishi uchun ixtisoslashtirilgan mahsulotlar, parhezli (davolash va profilaktik) oziq-ovqat mahsulotlari va ovqatga biologik aktiv qo‘shimchalar ishlab chiqarishni rivojlantirish;
oziq-ovqat mahsulotlari va oziq-ovqat xomashyosiga tegishli bo‘lgan texnik reglamentlar va davlat standartlarini ishlab chiqish va qabul qilish;
O‘zbekiston Respublikasi hududida ishlab chiqariladigan va chet eldan yetkazib beriladigan oziq-ovqat mahsulotlari va oziq-ovqat xomashyosining sifati ustidan nazorat qilish mexanizmlarini takomillashtirish;
aholi sog‘lig‘i ko‘rsatkichlari va tarqalgan alimentar-bog‘liq holatlar rivojlanishi dinamikasi tahlili asosida ovqatlanish sohasida monitoring dasturlarini ishlab chiqish va joriy etish.
a) aholini sog‘lom ovqatlanish bilan ta’minlash va sog‘lom turmush tarzini shakllantirish sohasidagi munosabatlarni tartibga soluvchi normativ-huquqiy bazani takomillashtirish, shu jumladan:
mahalliy sifatli va xavfsiz oziq-ovqat mahsulotlari turlarini kengaytirishga yo‘naltirilgan qonun hujjatlariga o‘zgartirish va qo‘shimchalar kiritish;
ovqatga solinadigan tuz ishlab chiqaruvchi korxonalarga kaliy yodat va kaliy yodit uzluksiz yetkazib berilishi mexanizmlarini yaxshilash, yodlashtirilgan tuz ishlab chiqarishning doimiy monitoringi olib borilishini ta’minlash;
ta’lim muassasalarida iste’mol qilinadigan oziq-ovqat mahsulotlarining sifati va xavfsizligi ustidan amaliy nazorat o‘rnatish;
vitaminlar va mikronutriyentlar bilan boyitilgan oziq-ovqat mahsulotlari turlarini ko‘paytirish hisobiga tashkil etilgan jamoalarda bolalar ovqatlanishining sutkalik ratsionini yaxshilash;
b) aholini sog‘lom ovqatlanish bilan ta’minlash mexanizmini takomillashtirishga va sog‘lom turmush tarzi madaniyatini shakllantirishga yo‘naltirilgan quyidagi chora-tadbirlarni amalga oshirish:
mahalliy oziq-ovqat sanoati korxonalari tomonidan ishlab chiqiladigan parhezli sut-qatiq mahsulotlari turlarini kengaytirish;
o‘simlik hujayralari asosida tarkibida tuz kam bo‘lgan oziq-ovqat mahsulotlari turlarini kengaytirish;
qand-shakarning o‘rnini bosuvchi dorivor steviya o‘simligini yetishtirish va sanoat yo‘li bilan qayta ishlashni ko‘paytirish;
aholini muhim mikronutriyentlar bilan ta’minlash davlat dasturlarini amalga oshirishni davom ettirish;
ta’lim muassasalarida va boshqa tashkilotlarda sog‘lom ovqatlanishga va sog‘lom turmush tarzi yuritilishiga ko‘maklashuvchi shart-sharoitlar yaratish;
Qashqadaryo va Farg‘ona viloyatlari aholisi orasida sog‘lom ovqatlanish madaniyatini va sog‘lom turmush tarzini shakllantirishga yo‘naltirilgan tajriba loyihani amalga oshirish, keyinchalik olingan ijobiy tajribani respublikaning barcha mintaqalariga yoyish;
oziq-ovqat mahsulotlarining davolash-profilaktik xossalarini hisobga olgan holda aholining turli jins-yosh va professional guruhlari uchun ovqatlanishning tavsiya etiladigan o‘rtacha sutkalik me’yorlarini ishlab chiqish;
qishloq xo‘jaligi meva-sabzavot va chorvachilik mahsulotlarini “daladan ishlab chiqaruvchigacha”, “ishlab chiqaruvchidan iste’molchigacha” yetkazib berish logistikasi sxemalarini takomillashtirish;
oziq-ovqat mahsulotlari, shu jumladan bolalar va parhezli oziq-ovqat mahsulotlari ishlab chiqarish, shuningdek qishloq xo‘jaligi meva-sabzavot mahsulotlarini qayta ishlash bilan shug‘ullanuvchi xo‘jalik yurituvchi subyektlarni rag‘batlantirishning mavjud iqtisodiy mexanizmlarini takomillashtirish;
mahalliy xomashyo — neft konlari suvi negizida yod ishlab chiqarishni o‘zlashtirish bo‘yicha ilmiy tadqiqotlar olib borish;
aholining turli guruhlari orasida ovqatlanish ratsionini va nooqilona ovqatlanish bilan bog‘liq kasalliklar tarqalishi rivojlanishi sabablarini o‘rganish;
bolalar va katta yoshdagilar uchun mahalliy oziq-ovqat mahsulotlari asosida parhezli taomlar va ichimliklarning ilmiy asoslangan retsepturasini ishlab chiqish;
g) sog‘lom ovqatlanish sohasida keng tushuntirish ishlarini tashkil etish va sog‘lom turmush tarzi madaniyatini shakllantirish:
maxsus tele-, radioeshittirishlar, bosma va elektron ommaviy axborot vositalarida e’lon qilinadigan materiallar doirasi va sonini kengaytirish;
aholi orasida sog‘lom ovqatlanishni ommaviylashtirish va sog‘lom turmush tarzi madaniyatini shakllantirish jarayoniga siyosat, fan, san’at, sportning taniqli arboblarini va jamoat arboblarini jalb etish;
amalga oshiriladigan axborot-ma’rifiy tadbirlar natijalari monitoringini olib borish va ularni baholash;
aholi orasida, eng avvalo, yoshlar orasida sog‘lom ovqatlanish, jismoniy faollik, alkogolli mahsulotlar va tamaki mahsulotlari iste’mol qilishning sog‘liq uchun zararli oqibatlari masalalari bo‘yicha tushuntirish ishlari olib borishni kengaytirish;
o‘rta maxsus, kasb-hunar, oliy va oliy ta’limdan keyingi ta’lim uchun sog‘lom ovqatlanish sohasida o‘quv dasturlarini joriy etish;
tibbiyot oliy ta’lim muassasalari va kasb-hunar kollejlari talabalari uchun sog‘lom ovqatlanish va diyetologiya masalalari bo‘yicha o‘quv dasturlarini joriy etish;
sog‘lom ovqatlanish, diyetologiya, jismoniy faollik, alkogolli mahsulotlar va tamaki mahsulotlari iste’mol qilishning sog‘liq uchun zararli oqibatlari masalalari bo‘yicha mutaxassislarning malakasini har yili oshirish.
5. Konsepsiyani amalga oshirish 2015 — 2020-yillar davrida O‘zbekiston Respublikasi aholisining sog‘lom ovqatlanishini ta’minlash bo‘yicha kompleks chora-tadbirlarni o‘z vaqtida va to‘liq bajarish yo‘li bilan amalga oshiriladi.
6. Tadbirlarni o‘z vaqtida va sifatli amalga oshirishni muvofiqlashtirish va nazorat qilish O‘zbekiston Respublikasi Vazirlar Mahkamasining “O‘zbekiston Respublikasi aholisining sog‘lom ovqatlanishi sohasida amalga oshirilayotgan chora-tadbirlarni yanada takomillashtirish to‘g‘risida” 2015-yil 25-apreldagi 102-son qarori bilan tashkil etilgan O‘zbekiston Respublikasi aholisining sog‘lom ovqatlanishi sohasidagi chora-tadbirlar kompleksi amalga oshirilishini tashkil etish va nazorat qilish bo‘yicha respublika komissiyasi (keyingi o‘rinlarda Respublika komissiyasi deb ataladi) tomonidan ta’minlanadi.
Keyingi tahrirga qarang.
Keyingi tahrirga qarang.
O‘zbekiston Respublikasi aholisining sog‘lom ovqatlanishi sohasida kompleks chora-tadbirlarni amalga oshirish bilan bog‘liq vazirliklar, idoralar va boshqa tashkilotlarning faoliyatini muvofiqlashtirishni;
O‘zbekiston Respublikasi aholisining sog‘lom ovqatlanishini ta’minlash sohasida amaldagi normativ-huquqiy hujjatlarni qayta ko‘rib chiqish va yangilarini ishlab chiqishni;
oziq-ovqat sanoati tizimiga va qishloq xo‘jaligiga xalqaro tashkilotlar, xorijiy investorlarning mablag‘larini jalb etish uchun shart-sharoitlar yaratilishini;
aholining sog‘lom ovqatlanishi sohasida kompleks chora-tadbirlar bajarilishi ustidan muntazam monitoring olib borilishi tashkil etilishini ta’minlaydi.
belgilangan muddatlarga va ishlar hajmiga muvofiq tadbirlarning o‘z vaqtida va sifatli bajarilishini;
tadbirlarni amalga oshirish uchun mo‘ljallangan moliyaviy mablag‘lardan aniq maqsadni ko‘zlab va samarali foydalanilishini;
keyingi yilga tadbirlarni amalga oshirish bo‘yicha ish rejasi har yili Respublika komissiyasiga taqdim etilishini;
Keyingi tahrirga qarang.
Kompleks chora-tadbirlarning amalga oshirilishi to‘g‘risidagi axborot Respublika komissiyasiga choraklik asosida taqdim etilishini ta’minlaydilar.
Keyingi tahrirga qarang.
Aholining sog‘lom ovqatlanishini ta’minlash bo‘yicha tadbirlarni moliyalashtirish O‘zbekiston Respublikasi Davlat budjetining mablag‘lari va qonun hujjatlarida taqiqlanmagan boshqa manbalar hisobiga amalga oshiriladi.
ovqatlanish ratsioni sog‘lom ovqatlanish prinsiplariga mos bo‘lgan homilador ayollar, chaqaloqlar va besh yoshgacha bolalar ulushini 10 foizga ko‘paytirish;
sog‘lom, xavfsiz va sifatli qishloq xo‘jaligi meva-sabzavot va go‘sht-sut mahsulotlarini mamlakatimizda yetishtirishni kengaytirish;
tarkibida shakar, tuz, to‘yintirilgan va transyog‘li kislotalar kam bo‘lgan mahsulotlarni yetishtirish, qayta ishlash va realizatsiya qilish hajmini ko‘paytirish;
vitaminlar va zarur minerallar bilan boyitilgan mahsulotlarni ishlab chiqarish ulushini ko‘paytirish imkonini beradi.
Chora-tadbirlar kompleksi tadbirlarini amalga oshirishga jami xarajatlar 3,710 mlrd so‘mni va 403,0 ming AQSh dollarini tashkil qiladi.
Keyingi tahrirga qarang.